Quote: يكفي ان تستمع للاماني السندسية لتعرف من هو الموصلي... فهي من الاغاني التي يمكنني سماعها بنظام ال في اي وقت وساعة ولحظة...اغنية تهدي الاعصاب...فيها شجن عذب... وتفاؤل سمح...فهي لا تغني الا بصوت الموصلي...الذي يعرف وحده أن يؤديها بمليون طريقة...كل طريقة فيها فص ألماظ جديد.....
Quote: معز لعلك طيب الباشكاتب وعركي ديل المدارس التي تأثرت بها كثيرا ثانيا اتفق معك ومع عمر بان صوتي الان ليس هو صوتي السابق انت موسيقار وعارف ليه السبب وأعتقد ان عمر له علاقة بالموسيقى والرياضة في الغناء اذا لم تتمرن باستمرار وتكون نشط باستمرار فانك تفقدجزء من لياقتك الصوتية وهذا ما يحدث في الرياضة للاعب الكرة و اي رياضة فان عدم التمرين يفقد اللاعب اللياقة البدنية وحساسية المباريات فيفشل وان تقدم به العمر فان الطين يزيد بله ولكن في الغناء الفنان مهما تقدم به العمر فانه يستطيع أن يستعيد جزءا كبيرا من قوة اداءه اذا تمرن أما حكاية أحب وما أحب دي حكاية تانيه و عمر ده قريب هسع جقلب وشجع لمن نزلت تسجيل جديد للاماني السندسية ---------------- لكن بصراحة في أغنيات أنا غنيتها اعترف كثير من الفنانين بصعوبة تكنيكها وفيهم ناس بحبهم عمر ده هيييييع
أخي العزيز / عمر الفاروق ....
تحية الود المقيم والتجلة ....
بصراحه يا عمر ما وريتنا ماذا على الموصلي أن يفعل حتى يرضيك .... هذا الرجل فنان بكل ما تعني الكلمة وما قد تحتمله من معاني .. قدم للأغنية السودانية الكثير .... وصراحة يا عمر صوت الموصلي الآن ليس كالسابق وإن قلنا غير ذلك فإننا بلا شك نناقي الحقيقة ونحيد عن كلمة الحق .... ولكن للرجل خبراته المهوله والتي صقلها بالعلم والممارسة ولم يبخل على الأجيال الجديده بأن قدم لهم عصارة فنه .... وما زال يغني ويطربنا أخي عمر ويلحن ويقدم أجمل الألحان له ولغيره ويقوم بالتوزيع الموسيقى فما المطلوب منه أكثر من ذلك ....
حقيقة يا عمر أرى أنك لاتخفي إعجابك ببعض أعمال هذا المبدع الكبير .... ولكني حقيقة أراك كتلك التي تصر على أن تجضم إبن الجيران الجميل الذي أعجبها .....كما قال لك .... ياخ أقول ليك شنو بس يا عمر .... الله يديك العافيه وخليك حنيّن على الراجل يا عمر أخوي .....
مع خالص ودي الذي تعرف ؛؛؛؛؛
04-10-2013, 10:06 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
كما تفضلت الأخ إدريس .... المشكلة لا تنحصر في إبنكم الذي لم يعرف الموصلي ... هي مشكلة جيل مغيّب ومستلب. الأبناء في السودان يعانون نقص في الثقافة الفنية من ناحية موضوع البوست، لكنهم أفضل حالاً من الأبناء في بلاد الغربة، وهؤلاء تجدهم يعرفون (ليدي غاغا) ولا يعرفون الموصلي.
الأخ عمر الفاروق: إذا كنت تذكر في أحد البوستات ذكرت لك أني لا يعجبني صوت وأداء ((المغني)) الراحل محمود عبدالعزيز، فلم يعجبك كلامي. (كان هذا البوست قبل وفاة الراحل). أكرر أني بعيد كل البعد عن الإعجاب بمحمود عبدالعزيز رحمه الله، بل وأستغرب المكانة التي وجدها بين الشباب ....... لكني أعرفه بالتأكيد وأعرف تجربته وتابعت ما يرى غيري أنه نجاح. أيضاً في صغرنا، كنا نسمع رواد الأغنية السودانية، فنعجب بمعظمهم ونغض الطرف عن البعض ....... ((((لكننا بالتأكيد نعرفهم)))). السؤال الذي أثاره البوست ..... كيف لا يعرف الأبناء هؤلاء القامات؟ ....... لم نطالبهم بالإعجاب، لكنها الثقافة فقط.
04-10-2013, 12:35 PM
Zakaria Fadel Zakaria Fadel
تاريخ التسجيل: 01-24-2013
مجموع المشاركات: 2002
سلام و تحايا للجميع.... سمعت الاغنيتين اخي يوسف ...وهما جيدتان....ولكن... أعذرني لن يخترقا قائمتي..والتي احتفظ ليك فيها بأربع مواقع ...1- انتي لي 2- الاماني السندسية 3- رسالة الى امي 4- الفرح المهاجر إحساس (متذوق) فقط
في (انتي لي) توجد اذكى قفلة موسيقية لاغنية سودانية بعد (من غير ميعاد) في إعتقادي عندما لحّن وردي اخر كوبيله في من غير ميعاد ...وعند المقطع الذي يقول فيه الشاعر (الليلة يا حبي الكبير في حرقة ..ضاميني الاسى)...بذكاء شديد قفل وردي الاغنية بنغمة من صوته البشري ورجع الى (صحيتي في نفسي الوجود....الخ) يعني عندما تسمع التنغيم البشري لا يخطر ببالك الا نهاية الاغنية وذلك بالضبط ما فعلته انتي لي ...عند المقطع (من بيفرح عمري غيرك ...غيري ياتو قدر هواكي)...الارتفاع في الشطر الاول ثم الانخفاض في الشطر الثاني ...Just outstanding ثم (انت يا سعدي وهلاكي...انتي لي انتي لي....يلا غني وقولي لي...انت لي) قفلة موسيقية غاية في الابداع واكاد اجزم بأنه لم يسبقك عليها فنان اخر... ولا ادري ان كان للشاعر دور ام هي فكرتك؟ ...فالمخاطب دائما الحبيبة ولذا جاءت (انتي).....ثم في النهاية يطلب منها العاشق ان تقول له (انت لي) ..مثل كان هو يردد لها...شئ فاق حد الروعة. الهوس بطريقة (قفل) الاغنية بدأ ينتابني منذ ان سمعت اغنية (كلام للحلوة) للباشكاتب....هذه الاغنية والتي اعتبرها احد افضل اغاني الاستاذ محمد الامين العاطفية على الاطلاق في إعتقادي اضر بها الطريقة التي ختم بها الاستاذ الاغنية...فبعد ان حلق بنا في اقصى سماوات الابداع في مقطع (ومرة جالن الف خاطر بعيون عقلي المساهر.....وفجأة عينيك الحبيبة قالن وين مسافر)..جاء المقطع الاخير (يا حلاتك..الخ) والذي -كما ارى - يقل كثيرا في مستوى التطريب عما سبقه
اما الاماني السندسية فهي نغمات موسيقية (لا ادري ان صحت كلمة ميلودي) تدخل الى القلب مباشرة...وتعبث بكل العواطف بداخله لا تترك لك مجالا لكي تفكر..فقط تنصت و تستمع
بالنسبة لاغنية رسالة الى امي...يجب أن اعترف بأن تسجيل العود و بصوت سمية حسن هو الذي اعطى الاغنية زخما غير عادي (بالنسبة لي) ولست مبالغا ان قلت انني اعتبرها افضل من (ست الحبايب) لعبد الوهاب
روعة التأليف الموسيقي تتجلى في الفرح المهاجر...وحسن الاستخدام للايقاعات البشرية (الصفقة) جعل من الاغنية لوحة فنية بديعة
فتاهت جمل ثقافتنا واصبحت غير مفهومة لاجيال فتحوا عيونهم على راجل المره حلو حلا والشريف مبسوط مني ..
المسئولية ليست تقع على عاتق الموصلي وهؤلاء القامات انما على آلتنا الاعلامية الكسيحة .. عندهم من التسجيلات ما عندهم لماذا لا يستعرضونها ويشبعوا بها النشأ ..
وبرامج المسايقات الغنائية .ز لماذا لاتفرض عليهم الاعمال فرضا تلك التي يتنافسوا بها حتى تكون فرصة لنفض الغبار عن النفائس المدسوسة ولا تترك لهم حرية الاختيار فيعيدوا تكرار نفس الاعمال المسموعة..
ونهدي عبرك لاستاذنا الموصلي هذا البيت ( بيت سكن عديل كدا ما بيت شعر)
المهم كان ما قدرت تسكنه لحنو لينا ..
انشاء الله يكون بيتك في قلب الخرطوم بجزيرة توتي عندما تصحى البلد من غفوتها وتعرف كيف تكرم المبدعين في حياتهم ..
ونزورك فيه .. بس اوعى تقدم لينا تانك
جنبي وجن التانك
04-11-2013, 11:09 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: سلام و تحايا للجميع.... سمعت الاغنيتين اخي يوسف ...وهما جيدتان....ولكن... أعذرني لن يخترقا قائمتي..والتي احتفظ ليك فيها بأربع مواقع ...1- انتي لي 2- الاماني السندسية 3- رسالة الى امي 4- الفرح المهاجر إحساس (متذوق) فقط
في (انتي لي) توجد اذكى قفلة موسيقية لاغنية سودانية بعد (من غير ميعاد) في إعتقادي عندما لحّن وردي اخر كوبيله في من غير ميعاد ...وعند المقطع الذي يقول فيه الشاعر (الليلة يا حبي الكبير في حرقة ..ضاميني الاسى)...بذكاء شديد قفل وردي الاغنية بنغمة من صوته البشري ورجع الى (صحيتي في نفسي الوجود....الخ) يعني عندما تسمع التنغيم البشري لا يخطر ببالك الا نهاية الاغنية وذلك بالضبط ما فعلته انتي لي ...عند المقطع (من بيفرح عمري غيرك ...غيري ياتو قدر هواكي)...الارتفاع في الشطر الاول ثم الانخفاض في الشطر الثاني ...Just outstanding ثم (انت يا سعدي وهلاكي...انتي لي انتي لي....يلا غني وقولي لي...انت لي) قفلة موسيقية غاية في الابداع واكاد اجزم بأنه لم يسبقك عليها فنان اخر... ولا ادري ان كان للشاعر دور ام هي فكرتك؟ ...فالمخاطب دائما الحبيبة ولذا جاءت (انتي).....ثم في النهاية يطلب منها العاشق ان تقول له (انت لي) ..مثل كان هو يردد لها...شئ فاق حد الروعة. الهوس بطريقة (قفل) الاغنية بدأ ينتابني منذ ان سمعت اغنية (كلام للحلوة) للباشكاتب....هذه الاغنية والتي اعتبرها احد افضل اغاني الاستاذ محمد الامين العاطفية على الاطلاق في إعتقادي اضر بها الطريقة التي ختم بها الاستاذ الاغنية. ..فبعد ان حلق بنا في اقصى سماوات الابداع في مقطع (ومرة جالن الف خاطر بعيون عقلي المساهر.....وفجأة عينيك الحبيبة قالن وين مسافر)..جاء المقطع الاخير (يا حلاتك..الخ) والذي -كما ارى - يقل كثيرا في مستوى التطريب عما سبقه
اما الاماني السندسية فهي نغمات موسيقية (لا ادري ان صحت كلمة ميلودي) تدخل الى القلب مباشرة...وتعبث بكل العواطف بداخله لا تترك لك مجالا لكي تفكر..فقط تنصت و تستمع
بالنسبة لاغنية رسالة الى امي...يجب أن اعترف بأن تسجيل العود و بصوت سمية حسن هو الذي اعطى الاغنية زخما غير عادي (بالنسبة لي) ولست مبالغا ان قلت انني اعتبرها افضل من (ست الحبايب) لعبد الوهاب
روعة التأليف الموسيقي تتجلى في الفرح المهاجر...وحسن الاستخدام للايقاعات البشرية (الصفقة) جعل من الاغنية لوحة فنية بديعة
يازكريا عيد الكرة ما كل الغنا بتهضم من الضربة الاولي في غنا بكون شحمان شديد وداير يتلاك كتير قبل البلع ههههه انا حاطاردك لمن تزيد قائمتك دي
كدي شيل شمسيه تضاريك من "مطر العشم
04-11-2013, 10:56 AM
Elmosley Elmosley
تاريخ التسجيل: 03-14-2002
مجموع المشاركات: 34683
كما تفضلت الأخ إدريس .... المشكلة لا تنحصر في إبنكم الذي لم يعرف الموصلي ... هي مشكلة جيل مغيّب ومستلب. الأبناء في السودان يعانون نقص في الثقافة الفنية من ناحية موضوع البوست، لكنهم أفضل حالاً من الأبناء في بلاد الغربة، وهؤلاء تجدهم يعرفون (ليدي غاغا) ولا يعرفون الموصلي.
الأخ عمر الفاروق: إذا كنت تذكر في أحد البوستات ذكرت لك أني لا يعجبني صوت وأداء ((المغني)) الراحل محمود عبدالعزيز، فلم يعجبك كلامي. (كان هذا البوست قبل وفاة الراحل). أكرر أني بعيد كل البعد عن الإعجاب بمحمود عبدالعزيز رحمه الله، بل وأستغرب المكانة التي وجدها بين الشباب ....... لكني أعرفه بالتأكيد وأعرف تجربته وتابعت ما يرى غيري أنه نجاح. أيضاً في صغرنا، كنا نسمع رواد الأغنية السودانية، فنعجب بمعظمهم ونغض الطرف عن البعض ....... ((((لكننا بالتأكيد نعرفهم)))). السؤال الذي أثاره البوست ..... كيف لا يعرف الأبناء هؤلاء القامات؟ ....... لم نطالبهم بالإعجاب، لكنها الثقافة فقط..
مساهمة ثرة يامحمد تشكر
04-10-2013, 10:21 PM
Elmosley Elmosley
تاريخ التسجيل: 03-14-2002
مجموع المشاركات: 34683
يا موصلي خلاااص عملت. لي العمل؟؟ كتبت ليك رد طويييل عريض راح شمار في مرقة لمن رسلتو وضاااع وحلفت ما اعيدو..:-):-)
يا ابو الريش موهبة محمود الصوتية لا يختلف فيها اتنين حبوهو ام لا..موهبة الموصلي الصوتية عليها إستفهام كبير.. موهبة الموصلي اللحنية الموسيقية ما بيختلف فيها اتنين..موهبة محمود الموسيقية ما عايزة استفهام زاتوو..بيق زيرو..
بعدين القال ليك منو الجيل اسة ما بيعرف فنانينزمان؟؟ صدقني بيعرفهم بي نففففس القدر البتعرفو بيهو بعض فنانين زمان.. تفتكر جيل زمان بعيرف صاحب اغنية العزيزة؟؟ ولو اسسة دي ادريس ده كان قال لي زول اديت قصيدتي ليو يلحنا مش كان ح يتسال نفس السؤال؟؟ ياخ الموصلي غايب عن الجيل ده ربع قرن وهو عمر جيل كااامل وغايب حتتتى بي اعماله ومع احترامي لي اللستة والمحاولات اللحنية العملا اسة فهي لا ترتقي لدخول مزاجية المستمع الاسة..ولا تقارن بأي حال من الاحوال بما قدمه الموصلي لابنائء جيله مناغاني والحان..
04-11-2013, 08:24 AM
عمر عبد الخالق سعيد عمر عبد الخالق سعيد
تاريخ التسجيل: 08-14-2005
مجموع المشاركات: 2235
والموصلي عمل شنو كمغني خلال ال 25 سنة الفاتت دي تخلي الجيل الأسة عمرو 25-30 سنة يعرفو.. بالله ركز لي في مغني دي يا ابو الريش عشان ما تسوقني لي حتة تانية بتاعت موزع وموسيقي ديك ..انا تركيزي في نقظة واااحدة الموصلي المغني .. بتاعت موسيقي وموزع دي زاوية تانية أديت فيها رأيي.. ومع إحترامي للموصلي وفعلاً إحترمته كتيير بي قصة نسبه لأغنيتين من أعظم أغانيه لي فنانتين وبالجد دي حاجة كييفتني شديييد منك يا موصلي لكن للأسف ضريبتها عندي اني ح أستخدمها ضدك في إنو ح أسقط منك أغنيتين .. الأماني السندسية ورسالة لأمي ..
04-13-2013, 08:14 AM
nazar hussien nazar hussien
تاريخ التسجيل: 09-04-2002
مجموع المشاركات: 10409
Quote: والموصلي عمل شنو كمغني خلال ال 25 سنة الفاتت دي تخلي الجيل الأسة عمرو 25-30 سنة يعرفو..
كرومة وسرور والكاشف وعائشة الفلاتية...عملوا شنو خلال ال40 سنة الفاتو يا عمر؟؟؟ موضوع الانتشار دا موضوع لا يمكن أن تلوم فيه الموصلي... فالجماعة الفوق ديل...إرتبطوا ببرنامج حقيبة فن يبث كل جمعة... بكون كل واحد فيهم بثوا ليه الاغنية الواحدة مليون مرة... برغم غيابهم عن الدنيا مش الساحة...
هذا ليس قدحا في زوقك الفني...وكل زول بي زوقو...لكن كمان ما تبالغ... بمنطق العزيزة القلتو دا...قربت أسقطك من حسابات زوق السمع زاتو
04-13-2013, 08:14 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: والموصلي عمل شنو كمغني خلال ال 25 سنة الفاتت دي تخلي الجيل الأسة عمرو 25-30 سنة يعرفو.. بالله ركز لي في مغني دي يا ابو الريش عشان ما تسوقني لي حتة تانية بتاعت موزع وموسيقي ديك ..انا تركيزي في نقظة واااحدة الموصلي المغني .. بتاعت موسيقي وموزع دي زاوية تانية أديت فيها رأيي.. ومع إحترامي للموصلي وفعلاً إحترمته كتيير بي قصة نسبه لأغنيتين من أعظم أغانيه لي فنانتين وبالجد دي حاجة كييفتني شديييد منك يا موصلي لكن للأسف ضريبتها عندي اني ح أستخدمها ضدك في إنو ح أسقط منك أغنيتين .. الأماني السندسية ورسالة لأمي ...
تعرف ياعمر مشكلة الغنا دي مسالة مزاجيه والغنا ساهل الكلام خلق الغنا نفسه كونك ماعارف معنى كلمة فنان دي مشكله كبيره ارجو ان تعالجها بمحا،لة المعرفة ----- انا في رآيي آن في ال50 سنه السابقه لم يآت من يغني مثل عثمان مصطفى فهل ذلك يقلل من قيمة المغنيين العطماء الاخرين وفيهم كثيرين جدا احسن من يوسف الموصلي غناءا ولا شك لكن ياعمر الفاروق ربنا سبحانه وتعالي لمن يحاسب الناس يوم القيامه ما بحاسبهم على سيئاتهم فقط!!! اظنك انت عارف دي وقاعد جمب بيتو والفن في الموسيقى ليس الغناء فقط هنالك المغني فقط والذي تجهز له الاغنيات بكل ابداعها ويغنيها وهنالك خالق العمل ومجدده وهو الاعلى مقاما الموصلي كفنان في نواحيه المتنوعه وحسب رآي كثيرين ياتي مع ناس المقدمه في التجديد الموسيقي وما عايز اشرح ليك زياده انت عارف
يا نزار أسقط طوااالي .. زي ما قلت الشغلانة زوق ومفروض تخليك زيي كده انا ما بشاور زاااتو في إسقاطاتي ده إذا أصلاً رفعت الزول .. كرومة سرور عملو خلال الأربعين سنة الفاتو دي ما عشان حقيبة الفن البتتقدم ليها جغلومية سنة دي لأ يا حبوب.. وهو منو البيحضر حقيبة الفن من الجيل البتنبزو فيهو أسة ده؟؟ وهو منو منهم أصصصلاً البيقوم يوم الجمعى الصباح يسمع ليهو راديو .. ديل العملوهو في الأربعين سنة دي هو ياهو زاااتو الما عملو الموصلي وغير الموصلي من فنانين كتار.. أعمال الموصلي الغنائية لا تشفع للموصلي الفنان أن تتوارثها الأجيال ..أعمال بعدد الأصابع.. الغريبة يا نزار ماااا شابفك أسقطت الموصلي لمن قال قبالي إنو البخيرة بتاعت عبد الدافع تكفي لكل الأجيال إنها تعرف عبد الدافع لكن لومتني انا في العزيزة .. شوفت كيف إننا شعب مجاملكسار تلج بي صورة مخيفة ..وده الواجعني فييينا يا السودانيين ..وانا سوداني انا برضو أعتز وأفتخر..
04-13-2013, 09:25 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: يا نزار أسقط طوااالي .. زي ما قلت الشغلانة زوق ومفروض تخليك زيي كده انا ما بشاور زاااتو في إسقاطاتي ده إذا أصلاً رفعت الزول .. كرومة سرور عملو خلال الأربعين سنة الفاتو دي ما عشان حقيبة الفن البتتقدم ليها جغلومية سنة دي لأ يا حبوب.. وهو منو البيحضر حقيبة الفن من الجيل البتنبزو فيهو أسة ده؟؟ وهو منو منهم أصصصلاً البيقوم يوم الجمعى الصباح يسمع ليهو راديو .. ديل العملوهو في الأربعين سنة دي هو ياهو زاااتو الما عملو الموصلي وغير الموصلي من فنانين كتار.. أعمال الموصلي الغنائية لا تشفع للموصلي الفنان أن تتوارثها الأجيال ..أعمال بعدد الأصابع.. الغريبة يا نزار ماااا شابفك أسقطت الموصلي لمن قال قبالي إنو البخيرة بتاعت عبد الدافع تكفي لكل الأجيال إنها تعرف عبد الدافع لكن لومتني انا في العزيزة .. شوفت كيف إننا شعب مجاملكسار تلج بي صورة مخيفة ..وده الواجعني فييينا يا السودانيين ..وانا سوداني انا برضو أعتز وأفتخر..
يكفي عبد الدافع آن عددا من الفنانين اتو بعده ليتغنو باغنيته البديعة الفربده وصفقت لهم الجماهير
04-13-2013, 08:52 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يعني تاااني أعيدو أستاذنا الموصلي؟؟؟ والله انا من زمااان قلت ليك انا ما بتكلم عن الموصلي الفنان ..بتكلم عن الموصلي المغني .. ارجع شوف معاي كم واحد بيتكلم عنك كموصلي فنان مغني صاحب مدرسة غنائية وما مركزين مع الموصلي الموزع الموسيقي.. ووالله مع إحترامي ليهم ومعليش للكلمة الح أقولا لكن نص المتفشخرين بي الموصلي اسة هنا وبيلومو في الجيل ده أتحداااهم هم زاااتهم لو بيعرفو الموصلي الموسيقي قاعد يعمل شنو ؟؟ متأكد إنو في مخيلتهم الموصلي بتاع شريط مصطفى ووردي وربما خالد الصحافة لكن مااا بيعرفو التكتح عن مشروع الموصلي الموسيقي بتاع ال20 سنة الفاتو.. وانا كلللتك يا موصلي وتاااني بقولا ليك تجربة حصاد نجحت لأنها كانت جديدة لكن في قالبها الموسيقي بعد داك ما لاقت قبول بي طريقتك الكنت ح تسوق بيها إيقاعنا السوداني ده لي هاوية ما يعلم بيها إلا الله بي كركبة الإلكترونيات الحشرتها عنوة ديك ..ولولا ناس البدوي لحقو السوق وإن كان هدفهم ربحي إلا إنهم سحبو البساط بعد داك ورجعو الأغنية السودانية بي إيقاعتها لقواعدها سااالمة ..
04-13-2013, 10:10 AM
nazar hussien nazar hussien
تاريخ التسجيل: 09-04-2002
مجموع المشاركات: 10409
Quote: الغريبة يا نزار ماااا شابفك أسقطت الموصلي لمن قال قبالي إنو البخيرة بتاعت عبد الدافع تكفي لكل الأجيال إنها تعرف عبد الدافع لكن لومتني انا في العزيزة
يا راجل...البلم العزيزة علي البحيري شنو؟؟؟
Quote: يا نزار أسقط طوااالي .. زي ما قلت الشغلانة زوق ومفروض تخليك زيي كده انا ما بشاور زاااتو في إسقاطاتي ده إذا أصلاً رفعت الزول .. كرومة سرور عملو خلال الأربعين سنة الفاتو دي ما عشان حقيبة الفن البتتقدم ليها جغلومية سنة دي لأ يا حبوب.. وهو منو البيحضر حقيبة الفن من الجيل البتنبزو فيهو أسة ده؟؟ وهو منو منهم أصصصلاً البيقوم يوم الجمعى الصباح يسمع ليهو راديو .. ديل العملوهو في الأربعين سنة دي هو ياهو زاااتو الما عملو الموصلي وغير الموصلي من فنانين كتار.. أعمال الموصلي الغنائية لا تشفع للموصلي الفنان أن تتوارثها الأجيال ..أعمال بعدد الأصابع.. الغريبة يا نزار ماااا شابفك أسقطت الموصلي لمن قال قبالي إنو البخيرة بتاعت عبد الدافع تكفي لكل الأجيال إنها تعرف عبد الدافع لكن لومتني انا في العزيزة .. شوفت كيف إننا شعب مجاملكسار تلج بي صورة مخيفة ..وده الواجعني فييينا يا السودانيين ..وانا سوداني انا برضو أعتز وأفتخر..
العملوه ناس كرومة وسرور...هل يقاس بالكم ام الكيف يا عمر...(مع إحترامي له كتراث غنائي...مجيد) سيندثر طال الزمن أم قصر بل قد بدأ بعض فناني هذا الجيل فعلا في تغبيش أغاني تلك الحقبة بتشويهها نطقا وأداءا.. والاجيال لا تتوارث الكم...بل تتوارث الكلمات والموسيقي واللحن والأداء كحزمة واحدة لا تنفصل.... فالحقيبة شفعت لها الكلمة...في المقام الأول فأرجع السمع مرتين لتسمع كم أغنية تم تلحينها علي لحن الخليل (عازة) وجسمي المنحول...وأحرموني ومتي مزاري...وتيهي فوق العز... ألحان منقولة بالمسطرة والحرف مع كلمات مختلفة...وكانت عرفا لحنيا مقبول في ذلك والحال لن يكون مقبولا الآن حتي لو كررت جملة موسيقية واحدة .
لماذا تري في الأمر كسير تلج يا عمر...هل دخلت في طبلة أذني لتعرف ان كانت صادقة في السمع أم مجاملة؟؟؟ ولماذا تضع نفسك مكان أذني لتقرر بالنيابة عني...؟
حينما أدافع عن أعمال الموصلي ادافع عنها بذائقتي الفنية الخاصة بي... ولا يجبرني الموصلي علي ذلك...(ياخ انت ماك نصيح...كدي اسمع اللزمات الفي الكلام القالوه عنك...) إنت اصلك بتسمع بي شنو؟؟ وعشان ما ترجع لي موضوع الموسيقي فأغاني الموصلي لا يجيدها إلا الموصلي وبس. ومع دا كله عايز تلومني
وعايز تلم لي العزيزة...مع البحيري؟؟؟
الفرق بين العزيزة والبحيري...زي الفرق بين جكة الجيش...والاسترخاء في جاكوزي في سبا نواحي إيطاليا...وحولك كل السحر...
04-13-2013, 10:12 AM
nazar hussien nazar hussien
تاريخ التسجيل: 09-04-2002
مجموع المشاركات: 10409
يا نزار عشان ما تمشي بعيد في كسير التلج ده واللي إنت إفتركت إنو بقصد فيها تشكيرك لي أعمل الموصلي ..لالالا أبداً .. انا بقصد البحيرة والعزيزة ديل.. يعني مشيييت وقبلت كلام الموصلي عن اغنية واحدة وأبيت كلامي انا عن أغنية واحدة ..مع غنك أسة جيت بررت إنو الفكرة ما في تقييم الأغنية الواحدة بقدر ما هو بي جودة هذه الأغنية .. وبي كده ح ترجعني لي المربع الأووول وسؤالي البديت بيهو : هل مطلوب من الجيل الكااامل معرفة وتوثيق فنان أو مغني وعرفة كل صغيرة وكبيرة عنو لمجرد إنو قدم عمل أو اعمال تعد على أصابع اليد الواحدة ؟؟؟ ده توثيق مش لي حفظ الحقوق لالالا البنتكلم عنو ده توثيق للأجيال عن زولرقم وخارطة في الغناء السوداني ..ودي بتحتاج كم مع كيف ..
04-13-2013, 10:20 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: يعني تاااني أعيدو أستاذنا الموصلي؟؟؟ والله انا من زمااان قلت ليك انا ما بتكلم عن الموصلي الفنان ..بتكلم عن الموصلي المغني .. ارجع شوف معاي كم واحد بيتكلم عنك كموصلي فنان مغني صاحب مدرسة غنائية وما مركزين مع الموصلي الموزع الموسيقي.. ووالله مع إحترامي ليهم ومعليش للكلمة الح أقولا لكن نص المتفشخرين بي الموصلي اسة هنا وبيلومو في الجيل ده أتحداااهم هم زاااتهم لو بيعرفو الموصلي الموسيقي قاعد يعمل شنو ؟؟ متأكد إنو في مخيلتهم الموصلي بتاع شريط مصطفى ووردي وربما خالد الصحافة لكن مااا بيعرفو التكتح عن مشروع الموصلي الموسيقي بتاع ال20 سنة الفاتو.. وانا كلللتك يا موصلي وتاااني بقولا ليك تجربة حصاد نجحت لأنها كانت جديدة لكن في قالبها الموسيقي بعد داك ما لاقت قبول بي طريقتك الكنت ح تسوق بيها إيقاعنا السوداني ده لي هاوية ما يعلم بيها إلا الله بي كركبة الإلكترونيات الحشرتها عنوة ديك ..ولولا ناس البدوي لحقو السوق وإن كان هدفهم ربحي إلا إنهم سحبو البساط بعد داك ورجعو الأغنية السودانية بي إيقاعتها لقواعدها سااالمة ..
ناس البدوي؟؟؟؟؟؟؟ يا للمهزلة ياعمر انت يازول ماك نصيح ولا شنو البتلم التجار مع الرسل ناس البدوي وغيرهم من التجار هولاء الذين استهلكو الراحل المقيم بل قتلوه ولولا صوته الصداح ذاك لتلاشي منذ امد بعيد العملتو حصاد لمحمود ماعملو زول تاني Period عمر لا تجعل عنادك آن يسوقك الى تهلكة الوقوع في براثن الباطل حول المنطق والحق
Quote: يا نزار أسقط طوااالي .. زي ما قلت الشغلانة زوق ومفروض تخليك زيي كده انا ما بشاور زاااتو في إسقاطاتي ده إذا أصلاً رفعت الزول .. كرومة سرور عملو خلال الأربعين سنة الفاتو دي ما عشان حقيبة الفن البتتقدم ليها جغلومية سنة دي لأ يا حبوب.. وهو منو البيحضر حقيبة الفن من الجيل البتنبزو فيهو أسة ده؟؟ وهو منو منهم أصصصلاً البيقوم يوم الجمعى الصباح يسمع ليهو راديو .. ديل العملوهو في الأربعين سنة دي هو ياهو زاااتو الما عملو الموصلي وغير الموصلي من فنانين كتار.. أعمال الموصلي الغنائية لا تشفع للموصلي الفنان أن تتوارثها الأجيال ..أعمال بعدد الأصابع.. الغريبة يا نزار ماااا شابفك أسقطت الموصلي لمن قال قبالي إنو البخيرة بتاعت عبد الدافع تكفي لكل الأجيال إنها تعرف عبد الدافع لكن لومتني انا في العزيزة .. شوفت كيف إننا شعب مجاملكسار تلج بي صورة مخيفة ..وده الواجعني فييينا يا السودانيين ..وانا سوداني انا برضو أعتز وأفتخر..
ركز شويه ياعمر انا ماقلت البحيرة انا قلت مرت الايام خليك مع الزمن ما يبقي ايقاعك مكلكع ههه تحياتي
04-13-2013, 10:37 AM
nazar hussien nazar hussien
تاريخ التسجيل: 09-04-2002
مجموع المشاركات: 10409
Quote: يا نزار عشان ما تمشي بعيد في كسير التلج ده واللي إنت إفتركت إنو بقصد فيها تشكيرك لي أعمل الموصلي ..لالالا أبداً .. انا بقصد البحيرة والعزيزة ديل.. يعني مشيييت وقبلت كلام الموصلي عن اغنية واحدة وأبيت كلامي انا عن أغنية واحدة ..مع غنك أسة جيت بررت إنو الفكرة ما في تقييم الأغنية الواحدة بقدر ما هو بي جودة هذه الأغنية .. وبي كده ح ترجعني لي المربع الأووول وسؤالي البديت بيهو : هل مطلوب من الجيل الكااامل معرفة وتوثيق فنان أو مغني وعرفة كل صغيرة وكبيرة عنو لمجرد إنو قدم عمل أو اعمال تعد على أصابع اليد الواحدة ؟؟؟ ده توثيق مش لي حفظ الحقوق لالالا البنتكلم عنو ده توثيق للأجيال عن زولرقم وخارطة في الغناء السوداني ..ودي بتحتاج كم مع كيف ..
أبيت كلامك عن أغنية واحدة في حال مقارنتها بالعزيزة من حيث كل شي.. في موضوع الزوق دا انت سميه كسير تلج كسير دراب ما اظننا نتلاقي يا عمر الفاروق...الما بسمع بي اضانك معناها بكسر تلج؟؟؟
ومطلوب من الجيل ينضف أضانو وبس...اضانو براها بتوديه لي الاماني السندسية والبحيري.. مش يفرش ليه كوم أغنيات لفنان ما.
الكم ما معانا.. وليس ضروريا .يعني انت عايز الفنان ينتج ليه 50 أغنية والاضنين يتحولن لي غرابيل...يغربلن العيش من البوتاب؟؟؟
فالورطة هي ورطة جيل...(ناس المعسكرات ديل)
04-13-2013, 01:10 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
مرت الأيام مرت الأيام ..والله ما عارف البحيرة دي علقت معاي من وين يا موصلي..ولو راجعت فوق باقي لي في أول مداخلة بكون كنت كاتبا مرت الأيام .. الكبر ..الكبر..
04-13-2013, 01:46 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: مرت الأيام مرت الأيام ..والله ما عارف البحيرة دي علقت معاي من وين يا موصلي..ولو راجعت فوق باقي لي في أول مداخلة بكون كنت كاتبا مرت الأيام .. الكبر ..الكبر..
لانك غرقت في بحيرة الموصلي هههه ولا اشتهيت سمك عوضيه في المورده
04-13-2013, 02:57 PM
محمد النيل محمد النيل
تاريخ التسجيل: 10-08-2009
مجموع المشاركات: 5899
ضمن تقديمه للفنان التاج مكي في الحلقة 13 لموسم2010 عمنا السر قدور عنده كلام هنا حول "القيمة الفنية"! كلام مرتبط بطبيعة النقاش الدائر هنا:
في الموسم المقبل, أتمنى أن يخصص السر قدور و قناة النيل الأزرق حلقة حول القيمة الفنية ليوسف الموصلي ما تغناه,و حول كرمه في تقديم الغير لأغنياته, و تلحينه للأخرين أي ك(حاتم طائي الغناء و الموسيقى السودانية)!
04-13-2013, 04:21 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
اكيد الغناء بعد هذا العمر خاصة بالنسبة للموصلي سينتقص من رصيده كما هو واضح.. ليس كصوت فحسب انما مخارج الحروف فيها مشكلة خاصة الحروف الشفاهية وليست الحلقية ودا قطعا بفعل طقم الاسنان.. فالاسنان اهم شىء بالنسبة للمؤدي او المذيع او المقرىء عذرا للصراحة يمكن كلامي هذا لن يعجب البعض
04-13-2013, 08:06 PM
محمد النيل محمد النيل
تاريخ التسجيل: 10-08-2009
مجموع المشاركات: 5899
يا احمد يس اسمح لى اقول ليك ان صوت الاستاذ الموصلى ما زال يحافظ على رونقه ويصراحة كدا انت زول حاقد وحاسد بس وللاسف إنت كدا اثبت ان فعلا كلمة برولوم هى معنى حقيقى لبعض الكتاب الجدد هنا وواضح من كلامك انت لم تشارك فى هذا المقال من اجل النقد بمهنية واكيد عندك مشكلة ودا ظاهر من انك بس عايز تفتش أى عيوب للاستاذ بدليل انك بدات بعذر العمر فى الاول وعقللك الباطنى لم يقبل ذلك العذر وذهب لموضوع الاسنان وهذا مجرد ادعاء منك ليس له دليل إنت زول ما كويس
Quote: يا احمد يس اسمح لى اقول ليك ان صوت الاستاذ الموصلى ما زال يحافظ على رونقه ويصراحة كدا انت زول حاقد وحاسد بس وللاسف إنت كدا اثبت ان فعلا كلمة برولوم هى معنى حقيقى لبعض الكتاب الجدد هنا وواضح من كلامك انت لم تشارك فى هذا المقال من اجل النقد بمهنية واكيد عندك مشكلة ودا ظاهر من انك بس عايز تفتش أى عيوب للاستاذ بدليل انك بدات بعذر العمر فى الاول وعقللك الباطنى لم يقبل ذلك العذر وذهب لموضوع الاسنان وهذا مجرد ادعاء منك ليس له دليل إنت زول ما كويس
حاقد وحاسد مرة واحدة كدة ياها دي المهنية بتاعتك وسنيرتك بلا برلوم بلا كلام فاضي معاك امشي اقرأ في الاول انا كتبت شنو وبعدين تعال اتشطر ياشاطر عيوب شنو الافتش عليها .. اي ابن ادم في الدنيا دي اذا عنده اي مشكلة في اسنانه الامامية الحروف بتكون مزعجة وريني هنا مشكلتي وين بعدين اقل شىء خلي عندك شوية ادب حوار لانه اسهل شىء في اي منتدى قلة الحياء الغير مبررة دي
04-14-2013, 01:22 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: اكيد الغناء بعد هذا العمر خاصة بالنسبة للموصلي سينتقص من رصيده كما هو واضح.. ليس كصوت فحسب انما مخارج الحروف فيها مشكلة خاصة الحروف الشفاهية وليست الحلقية ودا قطعا بفعل طقم الاسنان.. فالاسنان اهم شىء بالنسبة للمؤدي او المذيع او المقرىء عذرا للصراحة يمكن كلامي هذا لن يعجب البعض
يا احمد انا مشيت بروفايلك ومافيهو اي معلومه مفيده ياخي كدي خلي الفائده تعم وتورينا انت منو حتى لايكون تعاملنا مع المبني للمجهول فان جعلته مبنيا للمعلوم فان حوار اللغة ومخارج الحروف الشفاهية آو الحلقية واعمال الصوتيات بكسر الالف في اعمال سيكون سهلا وهاك النقد الموضوعي فلا تقل قلة الحياء الغير مبررة بل قل قلة الحياء غير المبررة
(عدل بواسطة Elmosley on 04-14-2013, 01:24 AM) (عدل بواسطة Elmosley on 04-14-2013, 03:08 AM)
04-14-2013, 10:14 AM
إبراهيم عبد الحليم إبراهيم عبد الحليم
تاريخ التسجيل: 10-31-2008
مجموع المشاركات: 3563
نهدي هذا الجزء من الندوة التي استغرقت زهاء ال الاربع ساعات في واشنجطن دي سي قيل شهر فقط بينما انا عالجت موضوع الاسنان قبل سنتين ونصف الي الاخ احمد ياسين ولو عندك فنان من الاكبر مني عمرا آو من جاء بعدي يتكلم بهذا الوضوح قول لينا وارجو الا تكون طبيبا لان هذا يشكل فشلا ذريعا في نظريتكم
احمد الله آن آعانني على التغلب على مشاكلي الصحية والترفع عن محاولات الاستهزاء وسبحان الله
(عدل بواسطة Elmosley on 04-14-2013, 05:42 PM) (عدل بواسطة Elmosley on 04-14-2013, 05:44 PM) (عدل بواسطة Elmosley on 04-14-2013, 05:46 PM)
04-14-2013, 11:36 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: مقاربات التوزيع الاوركسترالي ومجاهدات الكمبوسر الموصلي في ان الاغنية والموسيقى السودانية الا تكون خارج السودان غريبة اليد واللسان انتي لي شوق الهوى سفر العيون وفوق ديل كلهم كان الترحيب حارا بـ (الاماني السندسية) اتذكر وانا صغير حضرت حفلتين لهذا الفنان العجيب الذي يمكن ان نستبدل اسمه الاول يوسف بـ اسحاق واحدة كانت في المزاد ببحري والثانية في اركويت الغريبة حفلة اركويت دي كانت قمة في الروعة وغني فيها الموصلي بمزاجية وابداع جميل جدا جدا عموما هذا المؤلف الموسيقي المليان الجنتل يسحبك الى واحشني مع ابوعركي وياتي بك الى سوف ياتي مع محمد الامين التقصير منه هو شخصيا انسان وفنان بهذا الحجم يجب ان تتعلم منه اجيال واجيال وهو نفس تقصير اخونا الفنان عادل الصديق
Quote: والترفع عن محاولات الاستهزاء
غلطان يا يوسف استهزاء بفنان عمل اسكورنق لاغنية مدتها تزيد عن النص ساعة؟ عموما الكلام الفوق دا انا كتبته في الصفحة الثالثة
Quote: غلطان يا يوسف استهزاء بفنان عمل اسكورنق لاغنية مدتها تزيد عن النص ساعة؟ عموما الكلام الفوق دا انا كتبته في الصفحة الثالثة
عزيزي احمد والله العظيم لم ار ردك اياه وانا الذي دوما احرص على الردود فانني اولا اعتذر عن هذه وسوف ارد علي كلامك ------- اها لعلك سمعت الفيديو وحصلت ليك الطمانينة يا آحمد انا هسع شغلي تدريس العربية للناطقين بغيرها كلام عن المخارج وما اليها ما بيخارج في الحتة دي لانني والحمد لله قمة النجاح في مهنتي هذه واحده ربما انك اعتمدت على نظريه ما وهي غير ناجحة في حالتي والحمد لله اكرر اسفي وسارد على مشاركتك الاولى
Quote: مقاربات التوزيع الاوركسترالي ومجاهدات الكمبوسر الموصلي في ان الاغنية والموسيقى السودانية الا تكون خارج السودان غريبة اليد واللسان انتي لي شوق الهوى سفر العيون وفوق ديل كلهم كان الترحيب حارا بـ (الاماني السندسية) اتذكر وانا صغير حضرت حفلتين لهذا الفنان العجيب الذي يمكن ان نستبدل اسمه الاول يوسف بـ اسحاق واحدة كانت في المزاد ببحري والثانية في اركويت الغريبة حفلة اركويت دي كانت قمة في الروعة وغني فيها الموصلي بمزاجية وابداع جميل جدا جدا الغريبة شنو (ان العروس اتشاكلت مع العريس ورفضت الجلوس في الكوشة) وطلبت الطلاق عشان العريس رفض يدفع في الكوفير غير تسريحة العروسة وقال لناس كوافير بردايس ما بعرف لا وزيرة ولا غفيرة عموما هذا المؤلف الموسيقي المليان الجنتل يسحبك الى واحشني مع ابوعركي وياتي بك الى سوف ياتي مع محمد الامين التقصير منه هو شخصيا انسان وفنان بهذا الحجم يجب ان تتعلم منه اجيال واجيال وهو نفس تقصير اخونا الفنان عادل الصديق
دعني اولا اشكرك على هذه القلاده التي زينت بها عنقي ولكن الم تظلمني بالمقارنة مع الفنان الحبيب عادل الصديق عادل بعد خروجه من السودان وهجرته انا انجزت فوق الثلاثمائة عمل من توزيع لي تلحين لي اشراف في فترة حصاد بل وما قبلها وبالتآكيد لو كان عادل المهول بعيدا عن غربة السعودية مثلي ومحتكا بالوسط لاعتزلت وقلت للناس قد جاء من يحمل الامانة عن كاهلي ولكن؟؟؟؟؟
(عدل بواسطة Elmosley on 04-15-2013, 01:59 AM) (عدل بواسطة Elmosley on 04-16-2013, 09:40 AM)
04-16-2013, 06:21 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
غايتو أنا ما عارف.. بقيت مما أدخل البوست ده أتذكر رمضان..
ياخ عمر فاروق ده بعطش عدييييل كده..
أنا شخصياً ممكن أكون ما مقتنع بأصوات مطربين ويكون غيري متيمين بيهم.. لكن لا يمكن أفرض على الناس يحبوهم عشاني أو يكرهوهم عشاني برضو.. وكلامي ده ما قاصد بيهو أن عمر فاروق عايز الناس ما تقتنع بصوت الموصلي المغني.. لكن ما قصدته هو تباين أمزجة المتلقين..
في فنانين أُطلق عليهم زمان فناني الإضراب .. ديل ظهروا لما كبار مطربينا عملوا إضراب.. يعني الساحة بقت فاضية وخالية من التنافس..
أنا غايتو ما مقتنع بأصوات بعضهم (وده رأي شخصي) لكن أحترم تجربتهم وبالتأكيد لهم أعمال جميلة نصاً ولحناً ولهم جمهورهم بغض النظر عن حجمه..
يعني حكاية أنه فنان لازم ثلاثة أرباع الشعب السوداني يعرفه دي ما منطقية.. يعني عاااادي جداً ممكن يكون البعرفوني كمطرب مليون.. وده رقم ماااا ساهل.. من جملة الكم وعشرين مليون.. وطلع منهم ناس ما عندهم علاقة نهاااائي بالفن والغناء.. يعني في الأخير رقم مشرف..
الشغلانة في الأول والأخير نسبية.. وبالتأكيد الحُكم على الصوت يخضع لمعايير.. وهناك ثوابت لا يمكن تجاوزها.. (سلامة الصوت .. ثباته.. تفاصيله) وهذه تبرز ضرورتها في بداية مسيرة المطرب أو مرحلة التقدم لإجازة الصوت.. لكن تتغير تلك المعايير وتتبدل بطول الزمن.. ممكن للأفضل أو يبدأ العد التنازلي إما لإهمال الصوت أو لتقدم العمر...
يعني لا يمكن تطالب كابلي بصوته الدخل بيهو دار الإذاعة أول مرة..
بس عندي سؤال أخي عمر فاروق.. هل إنت غير مقتنع بصوت أستاذ موصلي ده بالكامل ومنذ أن بدأ كمغني؟ يعني عندك شك في إجازة صوت الموصلي كمغني من الأساس وبالتالي علامات الاستفهام تتوجه نحو لجنة إجازة الأصوات في ذاك الوقت ؟.. أم إنك متحفظ على صوت الموصلي المغني الحالي.؟
(عدل بواسطة خالد علي on 04-16-2013, 10:08 AM) (عدل بواسطة خالد علي on 04-16-2013, 10:09 AM)
04-16-2013, 05:07 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: بس عندي سؤال أخي عمر فاروق.. هل إنت غير مقتنع بصوت أستاذ موصلي ده بالكامل ومنذ أن بدأ كمغني؟ يعني عندك شك في إجازة صوت الموصلي كمغني من الأساس وبالتالي علامات الاستفهام تتوجه نحو لجنة إجازة الأصوات في ذاك الوقت ؟.. أم إنك متحفظ على صوت الموصلي المغني الحالي.؟
العزيز خالد علي طبعا من حق عمر وغير عمر أن يعتقدوا ما يعتقدونه في اي فنان يوسف الموصلي أو غيره ولكن ليس من حقه أن يمنع حب الاخرين للموصلي ويصفه بانه مجرد مجاملة . هذه لا تمت الى الانصاف بصلة البتة ولك التحايا
04-16-2013, 04:06 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
Quote: عني اولا اشكرك على هذه القلاده التي زينت بها عنقي ولكن الم تظلمني بالمقارنة مع الفنان الحبيب عادل الصديق عادل بعد خروجه من السودان وهجرته انا انجزت فوق الثلاثمائة عمل من توزيع لي تلحين لي اشراف في فترة حصاد بل وما قبلها وبالتآكيد لو كان عادل المهول بعيدا عن غربة السعودية مثلي ومحتكا بالوسط لاعتزلت وقلت للناس قد جاء من يحمل الامانة عن كاهلي ولكن؟؟؟؟؟
خليني اقول ليك يوسف عارف انت بتذكرني بى منو دائما يا ايها الخلوق بى شوبنهاور ورؤيته ان الموسيقى الرائعة هي التي تقوم اساساعلى الميلودي وان الموسيقى هي لغة الميلودي التي يكون العالم موضوعا لها اذن لك حب بقدر جمال موسيقاك وبقدر جمالك اللامتناهي سهلت لنا يا يوسف مفهوم ان الميلودي السوداني الخماسي يمكن ان يتوافق مع التوزيع الاوركسترالي الحديث الموضوع عنك عجيب ومعاك قد يطول ويطول وممكن نمسكك وبنلقى روحك من ايام ميلودي الفم الاول وصولا الى ان ليس للكاونتربوينت مكان محدد ومعين في المساحة الصوتية للبناء الموسيقى
04-17-2013, 02:30 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: خليني اقول ليك يوسف عارف انت بتذكرني بى منو دائما يا ايها الخلوق بى شوبنهاور ورؤيته ان الموسيقى الرائعة هي التي تقوم اساساعلى الميلودي وان الموسيقى هي لغة الميلودي التي يكون العالم موضوعا لها اذن لك حب بقدر جمال موسيقاك وبقدر جمالك اللامتناهي سهلت لنا يا يوسف مفهوم ان الميلودي السوداني الخماسي يمكن ان يتوافق مع التوزيع الاوركسترالي الحديث الموضوع عنك عجيب ومعاك قد يطول ويطول وممكن نمسكك وبنلقى روحك من ايام ميلودي الفم الاول وصولا الى ان ليس للكاونتربوينت مكان محدد ومعين في المساحة الصوتية للبناء الموسيقى
آحمد هل انت موسيقي؟؟؟ قلبي يطاوعني في هذا الشك!!! عموما فان الموسيقى المتقدمة بكل انماطها هي التي تضع الكاونتربوينت آو اللحن المضاد كآساس للعلاقات في البناء اللحني -------- عشقي في الموسيقي هو الكاونتربوينت وكل زملائي يعرفون ذلك بالامس اعطاني الزميل عمر بانقا آغنية يريد آن يغنيها من الحان الزميل المبدع حمزه سليمان كي اقوم بتوزيعها واول وصيه وطلب منه آن قال لي عايزك تظبط لي الكمنجات اي آنه يرد الالحان المضاده التي ستعزفها الكمنجات لك التحية وتشرفنا
عارف يا يا موصلي .. طريقة التحوّل في الحوار مع الأخ احمد يس لمجرد مداخلتين ده واحدة من أكبر مشاكلك الأنا بشوفا هنا .. إنك عايز تسمع نغمة واااحدة ..أي حاجة غيرا غير قابلة عندك للسماع وإن غلفتها بي القبول .. لاحظ التباين وتغيير الرأي الوااااضح وبسرعة لمجرد إيراد مداخلتين الأولى لمن تصادف هوى في نفسك فجريت بحححت البروفايل بتاع الراجل لمجرد قول رأي .. ولاحظ التحوول الأسرع لمجرد الراجل جاب ليك كلام قبله شكرك فيهو وأسة بقيت تشوف ليهو في طريقة إنو موسيقي!!!!
بالنسبة للسؤال فيما يتعلق بي صوت الموصولي فالموصلي بكل تأكيد ليهو معجبينه وانا ما حا أحجر عليهم لكن هو كصوت حتى ايام زمان هو صوت يدخل عندي في ابواب الأصوات العادية يعني الما مميزة لكن صوت بتاع زول ممكن يغني زي فنانين كتار ..على سبيل المثال حمد الريح .. الموصلي الحالي وده شي طبيعي لأسباب الهجرة والإنشغال وعامل السن صوتو بقا في النازل أكتر وبالتالي قصة الغنا دي بقت أصعب.. انا بقول التركيز يكون في التوثيق لرحلة الموصلي الموسيقي وليس الموصلي المغني عشان الموضوع يكون عملي أكتر..
04-17-2013, 07:13 AM
عبدالله الفاتح عبدالله الفاتح
تاريخ التسجيل: 10-08-2011
مجموع المشاركات: 50
Quote: بالنسبة للسؤال فيما يتعلق بي صوت الموصولي فالموصلي بكل تأكيد ليهو معجبينه وانا ما حا أحجر عليهم لكن هو كصوت حتى ايام زمان هو صوت يدخل عندي في ابواب الأصوات العادية يعني الما مميزة لكن صوت بتاع زول ممكن يغني زي فنانين كتار ..على سبيل المثال حمد الريح .. الموصلي الحالي وده شي طبيعي لأسباب الهجرة والإنشغال وعامل السن صوتو بقا في النازل أكتر وبالتالي قصة الغنا دي بقت أصعب.. انا بقول التركيز يكون في التوثيق لرحلة الموصلي الموسيقي وليس الموصلي المغني عشان الموضوع يكون عملي أكتر..
بعيداً عن بائعي بضاعة " من منطلقات شخصية" .. و قراءةً مع كثير مما أجدني متفقاً فيه معك .. عمر الفاروق... لقد تحدثت بلساني تماماً.. و عبرت عني بالضبط.. شكراً لك.
04-17-2013, 09:57 AM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: عارف يا يا موصلي .. طريقة التحوّل في الحوار مع الأخ احمد يس لمجرد مداخلتين ده واحدة من أكبر مشاكلك الأنا بشوفا هنا .. إنك عايز تسمع نغمة واااحدة ..أي حاجة غيرا غير قابلة عندك للسماع وإن غلفتها بي القبول .. لاحظ التباين وتغيير الرأي الوااااضح وبسرعة لمجرد إيراد مداخلتين الأولى لمن تصادف هوى في نفسك فجريت بحححت البروفايل بتاع الراجل لمجرد قول رأي .. ولاحظ التحوول الأسرع لمجرد الراجل جاب ليك كلام قبله شكرك فيهو وأسة بقيت تشوف ليهو في طريقة إنو موسيقي!!!!
بالنسبة للسؤال فيما يتعلق بي صوت الموصولي فالموصلي بكل تأكيد ليهو معجبينه وانا ما حا أحجر عليهم لكن هو كصوت حتى ايام زمان هو صوت يدخل عندي في ابواب الأصوات العادية يعني الما مميزة لكن صوت بتاع زول ممكن يغني زي فنانين كتار ..على سبيل المثال حمد الريح .. الموصلي الحالي وده شي طبيعي لأسباب الهجرة والإنشغال وعامل السن صوتو بقا في النازل أكتر وبالتالي قصة الغنا دي بقت أصعب.. انا بقول التركيز يكون في التوثيق لرحلة الموصلي الموسيقي وليس الموصلي المغني عشان الموضوع يكون عملي أكتر..
من ملاحظاتي عليك ياعمر انك لم تلحظ الا مايريد قلبك ان يقول شيئا فيه> فخلافي مع االاح آحمد ياسين في موضوع الصوت والاسنان مازال قائما بدليل الفيديو بتاع المحاضره الذي انزلته واستمرار سؤالي ولكنك لاتريد آن ترى ومازلت اطلب ان آعرف هويته والاحقه بالسؤال واتضح لي من الكتابه الموسيقيه آنه يعرف كثيرا "وليس مجرد هاو بالكسرتين تنوينا على الواو" وكلامك بتاع صوت الموصلي كترتو ولم يعد يفد شيئا راجع هذا البوست واحسبه ستجد بانك تكرر نفسك باستمرار كالاغنية الدائرية السودانية ياعمر محاولاتك التخصصية في ضرب الموصلي لم تقف في الصوت بل تعدته الي الالحان ومره مره تآتي خجولا لتتكلم عن التوزيع للمداراة ويبدو آن كلام الاخ آحمد الايجابي الكبير عن شخصي قد آثار حفيظتك وجعلها تغلي كالمرجل حيث لم يعد عندك ماتقوله
(عدل بواسطة Elmosley on 04-17-2013, 10:01 AM) (عدل بواسطة Elmosley on 04-17-2013, 10:04 AM) (عدل بواسطة Elmosley on 04-17-2013, 12:04 PM) (عدل بواسطة Elmosley on 04-17-2013, 12:05 PM)
04-17-2013, 01:58 PM
Elmosley Elmosley
تاريخ التسجيل: 03-14-2002
مجموع المشاركات: 34683
حكمة والله وحكاية ان الذين يبصمون على صكوك الجهل من خلال عقلهم الباطن هم عُمي البصيرة والقلب و أعمى البصيرة هو الذي لا يدرك وجه الصواب أما أعمى القلب فهو الذي لا يهتدي إلى الصَّواب متعمدا وصدق الكتيابي حين قال أغيب عنك يضيع سر الحضور مني ويضيع فني وشعور إني أنا الانسان
Quote: يا احمد انا مشيت بروفايلك ومافيهو اي معلومه مفيده
ده ردك الأول قبل ما تقرا مداخلة أحمد الإيجابية ..
Quote: عزيزي احمد والله العظيم لم ار ردك اياه وانا الذي دوما احرص على الردود فانني اولا اعتذر عن هذه وسوف ارد علي كلامك
ده ردك التاني بعد ما نبهك أحمد لي ردو الإيجابي..
يا موصلي والله ما دخول في النفوس لكن في حاجات ما عايزة ليها درس عصر تقرأ وتحس من خلال الحروف المكتوبة ..وحركتك الأسة دي واحدة منها ما لم تكون عايز تغالط نفسك .. أيي زول ح يقرا المداخلتين ديل ح يعرف التغيير الجزري في طريقة تعاملك مع أحمد ده وكيف كان ح تستمر مداخلاتك لو ما وراك إنو قال في حقك كلام إيجابي..
بالمناسبة إستمرار السؤال وإنزال الفيديو كان قبل ما ينبهك على مداخلته الإيجابية وأرجع لاحظ براك تواريخ المداخلتين .. وصدقني يا موصلي حالياً إنت ما ملاحق للأخ احمد إنت إتحولت 180 درجة في طريقة ردودك معاهو ..
بالنسبة للتوزيع والألحان والمداراة انا ما مجدتك يا أستاذ الموصلي انا قلت يركزوا معاك في الحاجات دي لأنو دي العندك فيها منتوج وشغل .. إنتاجك الغنائي ضعيف وما قدمته للمكتبة السودانية من أغاني خالدة ضعيف .. بالنسبة للتوزيع كلمتك كتييير وقلت ليك زمااان وبكررا تاااني ومعليش للكلمة لكن إنت كدت تفسد الذوق الموسيقي بي الإيقاعات الجديدة الكنت ح تورطنا بيها ..
بالنسبة للضرب فأكيد الكفة غير متكافئة ..إنت صاحب باع طويل وتخصص وانا زول بعام ساي بسمع بس فعشان كده بتكلم معاك بي لغة الشارع ما لغة معاهد.. وبالنسبة لي تكرار كلامي كما الأغنية الدائرية فياخ إنت براااك وبي عضمة لسانك عامل ليك أغنية غنيتا لي مدة ربع ساعة قلت فيها مقطع واااحد ما زدتو وبتفتخر بيها كأجمل أغنية ليك وسجلتها في النيل الأزرق .. على قدر الشوق ما يمد مديت على قدر الشوق .. أجيبا ليك وأوريك كررتها كم مرة ولي مدة كم ؟؟ التكرار مرات كويس عشان يرسخ الفهم ولا شنو ؟
04-17-2013, 03:58 PM
Elmosley Elmosley
تاريخ التسجيل: 03-14-2002
مجموع المشاركات: 34683
Quote: Quote: غلطان يا يوسف استهزاء بفنان عمل اسكورنق لاغنية مدتها تزيد عن النص ساعة؟ عموما الكلام الفوق دا انا كتبته في الصفحة الثالثة ده كان كلام أحمد الفوق والتحت ده كلامي
عزيزي احمد والله العظيم لم ار ردك اياه وانا الذي دوما احرص على الردود فانني اولا اعتذر عن هذه وسوف ارد علي كلامك ------- اها لعلك سمعت الفيديو وحصلت ليك الطمانينة يا آحمد انا هسع شغلي تدريس العربية للناطقين بغيرها كلامك عن المخارج وما اليها ما بيخارج في الحتة دي لانني والحمد لله قمة النجاح في مهنتي هذه واحده ربما انك اعتمدت على نظريه ما وهي غير ناجحة في حالتي والحمد لله اكرر اسفي وسارد على مشاركتك الاولى
هاك هذا الجزء منه بالاحمر كلامك عن المخارج وما اليها ما بيخارج في الحتة دي لانني والحمد لله قمة النجاح في مهنتي هذه واحده ربما انك اعتمدت على نظريه ما وهي غير ناجحة في حالتي والحمد لله اكرر اسفي وسارد على مشاركتك الاولى
انا ياعزيزي عمر من اشجع الناس في ثقافة الاعتذار ولا اخاف منه اها انت مدين لي باعتذار عن محاولتك لي اعتذاري وملاحقتي في نفس الوقت ثانيا اقرا كتابات الراجل الا توافقني بانه يمت للموسيقى بصلة كبيرة؟؟؟ جاوب واسمع الفيديو هل تري فيه أي اعوجاج في مخارج حروفي؟؟؟ الاجابات متروكة لامانتك اها بعد تم تفنيد كلامك
04-17-2013, 04:39 PM
Elmosley Elmosley
تاريخ التسجيل: 03-14-2002
مجموع المشاركات: 34683
جزء من ردي لم يظهر فالمعذره وهو ياعمر انا عندي كامل الشجاعة في الاعتذار ومن طريقة كتابة أحمد داخلني الشك بانه موسيقي وسالته هل أنت موسيقي ولا ده ما سؤال لمعرفة الشخص؟؟؟؟ انت مدين لي باعتذار ياعمر لانك لم تفلح في لي عنق الحقيقة
الله بطريقة كرومة قبل ما يقول (هم سبب آلامي) دي في الرشيم الاخضر وهو الذي لم يعزف اي آلة غير الرق اذا لاحظنا لمداخلات استاذنا يوسف الموصلي بالمناسبة دي استاذنا الراحل المقيم معلم الاجيال الانسان الشفيف الانيق (محجوب عواض) عليه شآبيب الرحمة كان اول من درسنا الموسيقى وكان يضرب المثل بـ يوسف الموصلي وقال اكثر اتنين موزعي موسيقى ليهم بصمة اندريا رايدر مع وردي في الود .. للدوش يوسف الموصلي في كل مايقوم بتوزيعه وتاليفه من موسيقى واتذكر برضو قال ليه مصطلح غريب جدا كان بالنسبة لنا في ذلك الوقت قال يوسف دا بمثابة (الانوسترومنتالية) وقلنا ليه يعني شنو يا استاذ قال : دا معناتو انه فن توظيف كل الالات لتعمل في صالح اللحن الكلي
نرجع للتبادل بين حبنا الكبير الموصلي والجميل جداعمر الفاروق اتذكرت التبادل الصوتي بين وردي وامال النور وحنان النيل
Quote: الله بطريقة كرومة قبل ما يقول (هم سبب آلامي) دي في الرشيم الاخضر وهو الذي لم يعزف اي آلة غير الرق اذا لاحظنا لمداخلات استاذنا يوسف الموصلي بالمناسبة دي استاذنا الراحل المقيم معلم الاجيال الانسان الشفيف الانيق (محجوب عواض) عليه شآبيب الرحمة كان اول من درسنا الموسيقى وكان يضرب المثل بـ يوسف الموصلي وقال اكثر اتنين موزعي موسيقى ليهم بصمة اندريا رايدر مع وردي في الود .. للدوش يوسف الموصلي في كل مايقوم بتوزيعه وتاليفه من موسيقى واتذكر برضو قال ليه مصطلح غريب جدا كان بالنسبة لنا في ذلك الوقت قال يوسف دا بمثابة (الانوسترومنتالية) وقلنا ليه يعني شنو يا استاذ قال : دا معناتو انه فن توظيف كل الالات لتعمل في صالح اللحن الكلي
نرجع للتبادل بين حبنا الكبير الموصلي والجميل جداعمر الفاروق اتذكرت التبادل الصوتي بين وردي وامال النور وحنان النيل
اها ياعمر زي مابقولو المصريين (جالك كلامي} انت مدين لي بالاف الاعتذارات يعني آحمد ياسين ده انا ماسكيتو ساكت ------- اطمئن يا احمد انا وعمر ده عندنا شكلات موسميه لطيفه لازم تحصل هنا انا بحبو وبحب شغبو واعتقد انه استفاد كثيرا من حواراته معي وسمعت تحت تحت بمشي يطنقع علي الجماعه في السعوديه بالمعلومات بتاعتي ههههههه عشان كده لاحظ لي تهذيبو وقدر ما اسخن معاهو هو وازن الموضوع تماما وانا دايما تسخيناتي موزونه وزنه بتاعة نقاد مخضرمين وهو متمسك بي رايه الفني " الفطري" على فكره المعلومات الكبيتها انا بسبب شغب عمر الفاروق ده هنا بتعمل كتاب محترم براحه --------- رحم الله عمنا الاستاذ الخواض وعلاقتي مع ابنائه عسل مقطر وشكرا على هذه الشهادة من موسيقار مخضرم نعتز به كل الود
Quote: Montassir Abdallah · متابعة · يعمل لدى Desert Group استاذنا الكبير يوسف الموصلي (في رأيي) انت مدرسة مهمة جدا جدا في مسيرة الاغنية السودانية , سرقتها منا الغربة
ما قلت غير الحقيقة أخي منتصر ..... لا فض فوك يا رجل ....
مع خالص ودي وتقديري ؛؛؛؛
04-22-2013, 05:46 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: Abdo Dabanga · الأكثر تعليقا · U of kratoum / economic يا ناس هوي انتو ظلمتونا لكن ما بالدرجة دي والله انا الموصلي وكثير من الجيل القديم عرفتهم وانا عمري اقل من 15 سنوات عارفين من وين اذاعة امدرمان الرادو كان شغال 24 ساعة في البيت ...لو عرفت الفنان سبال اخيو ده من يا بنتظر لحدي ما المزيع يقول التحية للفنان الفلان الفلاني شكرا موصلي شكرا ليكم يا جيل الهروب
شكراً جزيلاً أخي الكريم عبده دبنقا على المرور والتعليق الجميل ....
إن شاء الله تسلم ياخ .....
مع خالص ودي وتقديري ؛؛؛؛
04-23-2013, 06:46 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: حكمة والله وحكاية ان الذين يبصمون على صكوك الجهل من خلال عقلهم الباطن هم عُمي البصيرة والقلب و أعمى البصيرة هو الذي لا يدرك وجه الصواب أما أعمى القلب فهو الذي لا يهتدي إلى الصَّواب متعمدا وصدق الكتيابي حين قال أغيب عنك يضيع سر الحضور مني ويضيع فني وشعور إني أنا الانسان
كلام في السلك يعلم الله .....
لك من الود والأشواق ما تستحق .....
مع خالص حبي وتقديري ؛؛؛؛
04-27-2013, 08:37 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: ضمن تقديمه للفنان التاج مكي في الحلقة 13 لموسم2010 عمنا السر قدور عنده كلام هنا حول "القيمة الفنية"! كلام مرتبط بطبيعة النقاش الدائر هنا:
في الموسم المقبل, أتمنى أن يخصص السر قدور و قناة النيل الأزرق حلقة حول القيمة الفنية ليوسف الموصلي ما تغناه,و حول كرمه في تقديم الغير لأغنياته, و تلحينه للأخرين أي ك(حاتم طائي الغناء و الموسيقى السودانية)!
أخي المعز
تحية الصباح المشرق الجميل ...
أتمنى معك ذلك أخي الكريم وأرجو أن تتحقق هذه الأمنية .... الموصلي فنان جدير بالحب ويجب علينا التوثيق له ... حتى يعلم الجميع من هو يوسف الموصلي ....
مع خالص حبي وتقديري ؛؛؛؛
04-29-2013, 09:28 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: حكمة والله وحكاية ان الذين يبصمون على صكوك الجهل من خلال عقلهم الباطن هم عُمي البصيرة والقلب و أعمى البصيرة هو الذي لا يدرك وجه الصواب أما أعمى القلب فهو الذي لا يهتدي إلى الصَّواب متعمدا وصدق الكتيابي حين قال أغيب عنك يضيع سر الحضور مني ويضيع فني وشعور إني أنا الانسان
يا سلام ياخ .... ينصر دينك يا حبيب ....
05-05-2013, 03:38 PM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: ارح نلاقي بعضنا يا والريد اللسع فينا الموصلي الغربة اضافت له اكاديميا ونقصت من رصيدهو الداخلي في ظل هذا النظام يلمع في قيقم ويحارب عركي ماذا يرجو منه اعلام مكرس في ساحة الفداء اعلام كذب ونفاق اعلام يصرح القائمن عليه صباح وينفون مساء اعلام غير صحي فنانون حتي حق الاورشتة غير موجود وحسن الصادق ولا اخوه ترف مالي بحق الاخرين مشكلة في كل دروب الحياة
صدقت أخي الكلاكله صنقعت حتى في المرض يفرقون بين الناس فبينما يسافرقيقم للعلاج في المانيا يستحدي الصباغ العلاج ....
فبالله عليك من قدم أكثر للسودان قيقم أمالصباع ....لكنه الكيل بمكيالين ......
قلبي عليك يا وطني .... وقلبي على مبدعينا يا الكلاكله أخوي .....
05-06-2013, 09:00 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: الأستاذ الموصلي لو استمر انتاجك لعرفك الجيل الجديد .. ولكنك حصرت نفسك في التأهيل الاكاديمي و ربما كانت لك بصمات في البومات او انتاج فنانين اخرين ولكنه غير ظاهر للمستمع العادي والذي يهتم فقط بالمغني ولا يعبا بالشاعر والملحن و الموزع.
استاذ ادريس قالوا في واحدة من البنات الصغار ديل سمعت المرحوم الفنان حسن عطية بغني في اغنية( الحجل بالرجل ) فقالت لصاحبتها ( بالله شوفي الراجل ده بشتن غنية محمود دي كيف؟) ــــــــ والمقصود طبعا المرحوم محمود عبدالعزيز . ربنا يرحمهم ويرحمنا جميعا
وليد أخوي كيفنك ....
بصراحه ترديد أغاني الغير مهم وضروري لانتشار الشباب .... ويمكن للمردد أن يغني للغير مع وضع بصمته الخاصة به .... وإلا أصبح مسخاً مكرراً .... ولكن لابد أن يكون للمطرب غناؤه الخاص ولونيته الخاصه ويجب عليه أن لا يستغرق في التقليد فيضيع فيه .....
شرفتنا كتير والله وليد أخوي .....
إن شاء الله تسلم يا راقي ......
مع خالص ودي وتقديري ؛؛؛؛؛
05-06-2013, 01:12 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
استاذنا الموصلي ياخي اتصالك الجميل اطربني فعلا ابتعد الاستاذ الموصلي عن الساحه كثيرا ولظروف خارجه عن الاراده ولكن سوف تبقى اعماله دائما في الخيال ولا يمحوها الزمن العابس
تحيات لصاحب البوست وضيوفه وللاستاذ الموصلي
05-07-2013, 05:53 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: Montassir Abdallah · متابعة · يعمل لدى Desert Group استاذنا الكبير يوسف الموصلي (في رأيي) انت مدرسة مهمة جدا جدا في مسيرة الاغنية السودانية , سرقتها منا الغربة
صدقت أخي منتصر .... رد الله غربة الموصلي وكل طيورنا المهاجرة حتى تسهم في بناء السودان الذي نحلم به جميعاً ...
مشكور على الطله ....
مع خلص ودي وتقديري ؛؛؛؛؛
05-08-2013, 06:55 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: الموصلي ليس محتاجا للتعريف و لكن الجيل الجديد هو من يحتاج التثقيف
مرة سألت أحد أقربائي و يبلغ من العمر الآن حواي 26 سنة سألتو قلت ليهو ناس الأمة و الديمقراطي قاعدين يعملوا شنو هسه؟ قال لي ديل منو؟ قلت ليهو ديل فريقين بيلعبوا في دوري الأولى!!
صاحبنا جاوبني وقال لي: و الله أنا ما عندي شغلة بالكوره
...نسأل الله السلامة [/QUOTE
بالجد ...نسأل الله السلامة يا حبيب ....
05-14-2013, 08:46 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
إن القضية لها عدة أسباب ، وأذرع . قضية داخلية ثقافية واجتماعية وتعليمية وموسيقية وغنائية ،ساهم فيه الجميع منها : (1) فالموصلي رقم صعب ، ليس في السودان بل في أمريكا وفي صناعة الموسيقى التصويرية في الأفلام لمن لا يعرف ذلك ، وهي ما اصطلح علي تسميتها الموسيقى الألكترونية ، والتي تتضاءل من حولها الأغاني السودانية . أما وطننا فقد صار " مقبرة المبدعين " جميعاً في كل المجالات ، إذ لا يعرفونهم إلا بعد الموت فيحتفلوا بهم !!!! (2) حقوق التأليف : والخيل تجقلب والشُكر لى حماد : (وعندما سأل الدكتور " مرتضى الغالي " سؤاله عن رأيه في تجربة موسيقيين مثل " خليل أحمد " أو " أحمد زاهر " ، فتحدث الدكتور " محمد سيف " عن أن هنالك قضية معقدة وبالذات قضية الموسيقى والغناء في السودان ، فالعمل الفني يشترك في صناعته اليوم أكثر من ثماني تخصصات تعمل مع بعضها في نسج الأغنية التي تظهر للإعلان ، ويكون على قمة العمل " المطرب المؤدي " ، ويحتجب كل هؤلاء المبدعين ، ولا يعرف الإعلام عنهم كثير شيء ،بل ربما لن يعرفهم المستمعون أبداً . لذا لم نسمع عن " خليل أحمد" أو " أحمد زاهر " لأنهما موسيقيان ، يعتصرا روحهما مثل كثيرين من المبدعين في الخلق الموسيقي ، ولم يتعرف إليهم أحد . لقد ساهمت قوانين الملكية الفكرية ، في صحوة الحق وعودته لأصحابه في تبيين دور كل هذا الفريق الذي كان يعمل في كواليس العمل الغنائي .) (3) أذكر وإلى اليوم أني كنت أقضي الكثير من الوقت في نهاية السبعينات مع الموسيقار الراحل الأستاذ " جمعة جابر " ، وقد تحدث بحسرة عن دور الموسيقيين من ملحنين أسهموا في الكثير من الأعمال الفنية التي نسمعها ، وبعضهم قد وجد هيكل اللحن ، وقام بإعادة هيكلته ليظهر بالصورة التي عرفنا . ومن ذلك اختفاء جميع شركاء العمل الفني الغنائي في " المؤدي " وتلك قصة كبيرة تسهم فيها أجهزة الإعلام وغياب إظهار الحقوق الفنية سابقاً ، واختفاء مجموعة هائلة من منتجي الأعمال الغنائية دون أن يظهر سوى " المطرب المؤدي ". لا أحد مثلاً يذكر " جمعة جابر " : فهو لم يكن مغني ، فهو موسيقار وملحن ، بدأ حياته " نص تعيين " في موسيقى البوليس " ونصف تعيين هي وظائف للذين يعملون قبل بلوغهم سن العمل . وهو الذي أسس أول معهد للموسيقى في السودان ، وكانت في الأبيض عام 1960، وبعده أقام الموسيقار " أحمد مرجان " معهداً في بيته بحي الضباط بأم درمان . وجمعة جابر تلقى دراسات عليا في الموسيقى في الإتحاد السوفيتي السابق قبل انهياره ، وقد كان نائب رئيس المجمع العربي للموسيقى . ورحل عن عالمنا أيام الديمقراطية الثالثة .. فمن يا تُرى يعرف " جمعة جابر " حتى من مثقفينا !؟ نعم في مصر يعرف العامة الموسيقييين ، والشعراء ، لأن لهم إرث في الإعلام الفني وفي الثقافة الفنية . (4) منذ قيام الإنقاذ وفي سنواتها الأولى ، كانت هنالك لقاءات وحوارات عن جدوى " الموسيقى والغناء " وقد اضطر أحد المطربين أن يقدم " الأذان بالعود " !!!! . وقد تم إغلاق معهد الموسيقى لعدد من السنوات في بدايات الإنقاذ !!!!! . وظهرت صورة مشوهة من الغناء الديني منخفض السقف شعرياً وموسيقياً ، بل وبعضها قد تم سرقته من ألحان أغنيات معروفة . (5) الموسيقى والغناء في التعليم : لا يوجد في منهاج التعليم ، دراسة للموسيقى ، فكانت الأمية الموسيقية منتشرة بين الجميع . الجميع درس الشعر ولكن مع أمية مطلقة للموسيقى . (6) الحفل الذي ينتهي في الحادية عشر له دور ، وفرق الموسيقى في المدارس الثانوية قد تم محوها من الذاكرة لها دور . وبالضغط تم إعادة معهد الموسيقى عندما أفتى أحدهم بنماذج في التاريخ الإسلامي ( طلع البدر علينا في ثنيات الوداع ) ، مجال الحريات في العروض الموسيقية مثل المسرح الغنائي ، والأزياء ، هنالك سيطرة وغلو في نظر القائمين على أمر الحكم والسلطة . ولم يأت الاهتمام في إعلام الدولة بالموسيقى إلا بعد جهد جهيد . (7) أذكر كثيراً أن المتنافسين في ساحة الغناء من الشباب بعد أن أفرجت الدولة عن الغناء والموسيقى ، معظمهم لا يعرفون الشاعر أو الملحن للأغنيات التي يتغنون بها. ....... هنالك الكثير الذي ينتظر ، ولكن المبدعين ووجودهم في الوطن ، لم يحرم فريد الأطرش من الشهرة ، ولا وردة الجزائرية من الشهرة ، ولا أسمهان رغم عمرها القصير ، ولا الكثير من المتمصرين من الغنائيين والموسيقيين .
*
لا تعليق سوى التصفيق أستاذ / عبد الله .....
مع خالص الود والتجلة ؛؛؛؛؛
05-17-2013, 09:01 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: تحية لصاحب البوست و أستاذنا موصلي و المتداخلين/ات,
الشئ (الطبيعي) أنه كل إنسان و كل جيل تتفح عينيه على ساحة غنائية معينة, فيها السائد و لها ما قبلها, ثم ما بعدها! جيلنا إلتفت للغناء ب(تركيز) منتصف السبعينات و انت طالع لقينا عثمان حسين و وردي و ابراهيم عوض و زيدان ثم عبد العزيز المبارك و لونية مختلفة شوية إسمها الموصلي, ثم مجذوب أنسى و نجم الدين الفاضل إلخ.. شوية شوية ظهروا ناس الخالدي و حيد بورتسودان و حنان اانيل و آمال النور ، إلخ.. و كانت في الأثناء لمصطفى سيد أحمد طلعات خاصة تجسدت بوضوح في حقبة الديمقراطية الثالثة التي إختتمها الموصلي بعودة مختلفة و و جامدة تمثلت في إلبوم شوق الهوى/الحجروك علي و كنت شاهدا عليها في الفندق الكبيؤ عام 89 , طبعا كانت للباشكاتب أبواللمين سطوة ذات طابع إنتاجي و موسيقي لمع بريقها منذ حفل (لندن) و زاد الشجون, الشهير لأجيال بعينها! فن الغناء الموسيقي ليس كله لمجرد الغناء فقط, هناك أناس يؤدون (أدوار) ذات قيمة خاصة في المشهد الموسيقي/الغنائي, منهم على سبيل المثال و التوضيح: الكاشف, أبو عفان, إبراهيم عوض, وردي العاقب, الباشكاتب, بشير عباس, عركي, مصطفى, و الموصلي.. محمود عبد العزيز لم يكن أفضل من كثيرين أثروا المكتبة الغنائية لكنه كان من أصحاب هذه (الأدوار) حيث أدى (دور) فنان الشباب ب(سطوة) غير عادية, و في (أغرب) حقبة سياسية منذ الإستقلال, لذلك إستحق تلك الجنازة المهيبة رحمه الله و عوض شبابه الجنة.. 'دور' الموصلي في تقديري تمثل و يتمثل في تحديث معاصر للأغنية في جانبها الموسيقي على الوجه الأخص, و دي شغلة تطلب الإحساس و المهنية و إثراء التخصص على الدوام, مما دفعه لتحديث أغنيات الغير و بالتالي (الظهور المزدوج) (كحالة نادرة) رغم (الإختفاء) الشخصي عن البلد و الساحة الغنائية بجسده في أوقات ظلت تنمو فيها أجيال سودانية جديدة, مع تطور وقائع عالمية جديدة تتعلق بالإتصال و تبادل المعارف و .. الغناء! .. و تطور المجتمع السوداني نفسه من حيث إقبال الجنسين على الشغلانة دي, ياخي شكر و تحية للموصلي الجميل, و العليه سواه, و سيظل!
------- الموصلي ياخ ما تقعد لينا لي غنوة (بغير عليك) دي!
شكراً أخي المعز إدريس على ما تفضلت به ...
إن شاء الله تسلم ياخ ...
مع خالص الود والتجلة ؛؛؛
05-17-2013, 01:15 PM
Elmosley Elmosley
تاريخ التسجيل: 03-14-2002
مجموع المشاركات: 34683
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Elmosley
إدريس محمد إبراهيم
محمد أبوالعزائم أبوالريش
Zakaria Fadel
عمر الفاروق
عمر عبد الخالق سعيد
nazar hussien
محمد النيل
Emad Ahmed
المعز ادريس
Ahmed Yassin
إبراهيم عبد الحليم
عبدالله الفاتح
وليد عبد اللطيف
فيس بوك
تويتر
انستقرام
يوتيوب
بنتيريست