عارف الزول لما يكون عنده أسرة تفكيره بيختلف عن الأعزب.. لأنه أولادك بيكونوا أهم منك ودايما خايف عليهم وعلي مصيرهم.. لكن يخيل لي الناس المتعلمة وعندها وظاف بدخل محترم مابتكون شغلتها البيت الخاص.. لأنه ماعندهم مخاوف ملحة زي الفقراء بطريقة ما ده بيكون هم الفقراء لانهم في أي لحظة في حياتهم في معاناه وبيخافوا شديد ما يقدروا بكره يستروا عيالهم تحت سقف خاص بيهم.. ست الكسرة الفقيرة طبعا قالت حكمة من معاناتها وأهدتها لأهلك ببساطة.. وجميل إنك عمقت من النصيحة وجعلتها أحد محظات حياتك المهمة..
والدي رحمه الله كان شايف انه لازم الإنسان يأمن حياته في الاول بالأرض والبيت.. ناس زمان كان عندهم حكم عميقة برضه.. اسه شوف بتقدر تشتري أرض في الخرطوم؟؟ والله تشتريها الا تتوزع بعدك ميراث.. وين مع السايفون ابو 70 مليون؟؟ وأكيد بعد شهرين بيبقي ب250 مليون؟؟
انا غايتو ماراجعة!
12-22-2012, 11:44 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
70 مليون يا ود شيقوق؟ والارض والبيت ذاتو بيكلفو كم؟؟ وبعدين هم ذاتوم الجوه البيت ده بياكلوا بكم؟؟ وبيجيبوا القروش من وين؟؟
......... .........
قالوا عمر البشير وعد الناس الجنيه يرتفع والدولار يبقي ب3 جنيه قبل نهاية السنة! قوم يالجنيه ومعاه الدولار طلعوا لسانهم وكاووه.. لأنه الجنيه نزل زار عديل كده وقال ليه بعناد أها ماشي تعمل شنو؟؟ أنا كل يوم بنزل! الدولار بقي ب 7 جنيه.. أسه مش كان يلم عليه لسانه وما يصرح بتخاريف؟!
غايتو ناس نفيسة قالوا تمنه سبعة ولا عشرين مافارقه معانا أصلنا من زمااااان ماقادرين ناكل..
...... ......
12-22-2012, 10:14 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وكشف نمر إن الحملة تستمر 10 أيام تشهد طوافاً يومياً وإشراف من والي الخرطوم، مشيراً إلى أنه ومعاونية سيكونون "أولاد شوارع" حتى تنتهي الحملة لحيث لا دخول للمكاتب.
طيب يا سعادة اللواء والأصحاب.. أشرحوا لي بعد إنتهاء الحملة التي سيتحول فيها البعض الي أولاد شوارع ومعروف إنه أولاد الشوارع بيكونوا أولاد ستين ايه كده ماعارفة؟ طيب كيف العمل معاهم بعد الحملة؟؟ أولاد الشوارع ديل محتاجين لرعاية تحفظ المجتمع منهم.. يعني إصلاحية للصغار وسجن وتهذيب للكبار..
ياتري عملوا حساب الموضوع ده ولا لا؟
وبعدين هم ذاتهم قاصدين ياتو نوع من الحمير..لانه الحمير لو إفترضنا إنهم بيمشوا مجموعات زي الشياطين القابلوك يا سعادة اللواء..يبقي ما محتاجين لأولاد شوارع قدر ما محتاجين لأصناف أخري..
Quote: أشرحوا لي بعد إنتهاء الحملة التي سيتحول فيها البعض الي أولاد شوارع
اذا واحد عمرة عشرين سنه واسمه عنتر .. جا دلوقتي يقول انا عنتر .. تجي سيادتك تقولي انه (سيتحول) ..وعايزانا نشرح ليك .. البيتحول ده كان حاجة تانية .. اذا مثلا كان عربيه وبقي قطر .. اما اذا كان محافظ وعايز يبقي ود شارع خلاص خلوهو ..من حقوا .. والله اقول ليك هيثم ؟
Quote: وبعدين هم ذاتهم قاصدين ياتو نوع من الحمير.
ايواااااااااااااااااااااا .. دلوقتي انا عرفت شيخ ابوزيد ليه سألني في الوسطي .. هو الحمار لازم يكون عنده اربعه كرعين وسرج وضنّاب ؟ والغريبة كرر السؤال ده مع زميل تاني وقال ليه هو الحمار لازم يهنق عشان نعرفه حمار ؟ .. ومره قال لينا الواحد مما يدخل (الزريبة دي ) يلقي نفسه رافع العصايه طوالي ...................... اتاريه كان عارفنا حمير .. بعيد عنكم
ولنقول الجد .. فقد ثبت علميا ان الحمار ليس غبيا (يعني مش حمار) .. وثبت ان عنده من الصبر والمثابرة مالا يتوفر لدي اكثر الحيوانات وما اهله لان يشارك الانسان مشاكل الحياه ويعاونه عليها ...
ولا ادري ان كان هو ايضا يعتقد اننا حمير وما بنفهم .. وانه صاحب تخصص يجب ان يحترم وينظر اليه بالاعتبار والتقدير ..
ثم بالله عليكم اليس هو شبيه لنا ولشعبنا الشايل كل هذه الشيله التقيلة وجراح ظهره تنز قيحا وصديدا .. ولا يقول بم .. ؟؟ ولربما كان المحافظ يقصد هؤلاء .. يا اخواننا
عمر علي حسن
12-23-2012, 03:28 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
ايواااااااااااااااااااااا .. دلوقتي انا عرفت شيخ ابوزيد ليه سألني في الوسطي .. هو الحمار لازم يكون عنده اربعه كرعين وسرج وضنّاب ؟ والغريبة كرر السؤال ده مع زميل تاني وقال ليه هو الحمار لازم يهنق عشان نعرفه حمار ؟ .. ومره قال لينا الواحد مما يدخل (الزريبة دي ) يلقي نفسه رافع العصايه طوالي ...................... اتاريه كان عارفنا حمير .. بعيد عنكم
___________________________________________
أيواااااااا وأنا ذاتي عرفت ليه أستاذ الحساب في المدرسة كان بيقول لينا بإستمرار وسبحان الله المسطرة برضك في يده
التكرار يعلم الحمار! ليه حق والله.. لو شوفت منظرنا وإحنا غالبنا نجاوب علي أسئلته وفاتحين خشومنا ولا زي ما بيقولوا في الفصحي فاغرين أفواهنا- أسئلة تم شرح إجابتها في أي حصة سابقة تكرارا ومرارا تعرف إنه كان قاصد كلامه.. بس الحمار ده قالوا ممكن ينوم وهو واقف.. وأنا مستغربة لأنه إحنا بنوم وإحنا راقدين وأقله وإحنا قاعدين! ......... .........
أفتكر المعتمد يكون قاصد هايجيبو أولاد الشوارع أساسا من الشوارع ..
من الرباطية علي سبيل المثال! وفي ذلك إستوي عنده معاملة أولادنا في المظاهرات بمعاملة الحمير في الشوارع..
ياللهول!
أسه في زول كبير زيي كده..يكتب الفصحي (فصحة) كان مابس سخطه من الله!
Quote: بس الحمار ده قالوا ممكن ينوم وهو واقف.. وأنا مستغربة لأنه إحنا بنوم وإحنا راقدين وأقله وإحنا قاعدين!
الغريب انا ظبطوني نائم واقف .. كنت في الدوية بالنقطه 19 (المقرن) .. وما في اي حاجه الليل كله .. نعست وقفت في طرف الشارع .. وسندت عصاة الدورية علي ضهري تحت القاش .. عملت مع رجليّ tripod .. ونمت لحدي ما وقفت عربية الضابط عوض سعيد جنبي ونزل وصحاني ... وقال لي دي ما سبقوك عليها .. بس ما قال لي حمار
Quote: وفي ذلك إستوي عنده معاملة أولادنا في المظاهرات بمعاملة الحمير في الشوارع..
اولادنا ذاتهم البوديهم الشارع شنو .. براهم بجيبوا الكلام لي روحهم .. قلتي لي يا للهول ؟
عمر علي حسن
12-23-2012, 04:58 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
كانت الخرطوم مدينه كالزهرة المونقه كما وصفها الشاعر علي الجارم .. وكان جمالها عند سيد خليفه جنة رضوان .. ولم يجد فيها حسن عطيه شيئا غير الوان الزهور التي زانت ارضها .. وكنا يا مني خوجلي نحضر اليها من امدرمان في الامسيات.. (لنتفسح) ..
طيب .. ماذا بقي فيها ليخاف عليه المحافظ من (الزيفه) .. ___________________________________________
والله الخرطوم أيام طفولتنا كانت حاجة تانية اولا والدي كان حريصا علي خروجنا كل يوم خميس في الجناين.. كانت جنينة نمرة إتنين..جنينة صغيرة في مراجيح كراسيها زي الصناديق الصغيرة بالالوانى..تلف ويلف راسنا معاها ونضحك لغاية مالسما ذاتها تضحك معانا! ماما جارة بتكون جايبة السجاده ومعاها العشا.. بعد ما نتنظظ ونتونس ونكمل مراجيحنا والتزحلق في الزحلوقانية.. نرجع البيت ننوم فرحانين وحابين بعضنا أكتر.. وبالمثل كان الوضع مع حديقة القرشي..تلعب في الجبلاية مع القرود وتعاين للزرافه أم رسوم ورقبة طويله .. وتتمتع بمساحة الجنينة الكبيرة وياما كان فيها متع!
بعدين ناس الخرطوم ديل يبحبوا الرحلات.. جمعاتنا شهدت رحلات كادت تكون منتظمة.. كلها في طريق الشجرة والجبل ومباشرة علي النيل.. ياسلام علي طفولتنا في الخرطوم الجميلة! وبعدين سندوتشات الأتينيه وآيس كريم الأندلس..ديل براهم ماكانوا فسحة؟ ياخ تكدس أجسادنا الصغيرة في العربيه وإتنين قاعدين علي بعض ولا علي التالت كان فيها فرح عجيب!
لكن إنت قايل الكان بيكون فرحان أكثر منو؟؟ الخليفة وماما جارة كانوا فرحانين بفرحنا أكتر!!
........... ...........
أراهن زولك ده في طفولته ولا شبابه ما إتفسح حتي مرة واحدة!
في ايام عزها الزاهية كانت الخرطوم مثل اي عاصمة غربية او مسيحيه .. او اسلامية متصالحه مع نفسها ولا تأخذ بقشور الاديان التي تتشدد في معاداة بعضها البعض .. ونحن امة كتب عليها ان تؤمن بالله وملائكته وكتبه ورسله .. لا نفرق بين احد من رسله .. ولا نأخذ جيراننا واصدقائنا النصاري الا علي انهم اخوة واحبة ولا نظن انهم كما قال الفلّاتي ، للخواجه الذي رفض ان يعطيه حسنة لله ، كافر عدو الله .. تري لو اعطاه الحسنة اكان يغدو صالحا ؟
تتزين الخرطوم للكريسماس كما تتزين القاهرة ودمشق وبيروت وطنجه وروما ولندن .. وتجتهد البلديات في تجميل المدينه واضاءة الشوارع والاسواق والمباني بقروش الحكومة .. وتنتعش الاسواق والكوافيرات والحلاقين بمن يستعدون للمناسبه السعيده .. وتتلالا الاضواء والزينات في مداخل وحيطان الاندية .. ويتسابق الناس علي حجز الاماكن في حفلات تلك الاندية ابتداء من اندية الجاليات وهبوطا الي غيرها كلما عز الحصول علي التذكرة .. وعادة ما تنفذ التذاكر قبل يوم الكريسماس ويتسبب ذلك في هرج في حركة السير وينتقل الباحثون عن التذاكر للدوران بدون هدي علي الاندية .. ولا يجد الناس غرابة في هذا التسابق بل يشكو من لايحصل علي تذاكر للاحتفال من ضياع هذه الليلة الكبيرة ..
وتدق اجراس الكنائس ويهرع النصاري للصلاة واحياء العيد .. وفي اول المساء تمر طوابير المسيحيين الجنوبيين تتقدمها موسيقي القرب بالشوارع في استعراض جميل يقف الناس لتحيته علي جوانب الطرق وتتوقف له السيارات .. ويبدا في الليل عزف الفرق المستقدمة من الخارج لموسيقي الجاز والكلاسيكيات .. وهات يا حت .. فيرقص من يعرف ومن لا يعرف .. مع رفيقة او بدون رفيقه .. وتستكمل الفواصل باساطين الفن السوداني الذين يتنقلون بين الاندية حتي ينقضي الليل ..
وكنا في سني شبابنا الغضة نستلهم رائعة التيجاني يوسف بشير التي خلقت له بعض المشاكل : آمنت بالحسن بردا ،، وبالصـــبابة نارا وبالكنيسة عقدا منضــدا من عـــذاري وبالمسيح ومن طـاف حوله واستجــارا ايمان من يعبد الحسن في عيون النصاري
فنتحلق حول الحفلات في اكثر من ناد .. ونرقص ونطرب ونعود الي الحياة برغبة متجددة فلما اجتذبنا بلاد الحرمين قيل لنا بلاش .. ليس واجبا ان تحتفلوا بالكريسماس ولا ان تباركوه للخواجات ولا تسمحوا للعمال بالهجيج في ليلته .. ولكن لا تمنعوهم الصلاة في غرفهم .. فلهم دينهم ولكم دينكم ..
فنتحلق حول الحفلات في اكثر من ناد .. ونرقص ونطرب ونعود الي الحياة برغبة متجددة فلما اجتذبنا بلاد الحرمين قيل لنا بلاش .. ليس واجبا ان تحتفلوا بالكريسماس ولا ان تباركوه للخواجات ولا تسمحوا للعمال بالهجيج في ليلته .. ولكن لا تمنعوهم الصلاة في غرفهم .. فلهم دينهم ولكم دينكم ..
_______________________
والله قصة غريبه! عايزين يمحو من ذاكرة نفسك تفاصيل حياتك عديل كده! يعني الكريسماس ده كنا بنشتري ليه فستان وإكسسواراته ومعاه بنشتري فستان رأس السنة.. يعني قصة تحضير من بدري ومعاه تعب في الكوافير اليوم كله! ومن بدري شديد عارف سهرتك هاتكون في ياتو نادي..والغريبة أصلو ماكان إحساسنا إنه عيد مسيحيين وإحنا مسلمين .. والله نسبقهم علي النوادي.. والناس ذاتها كانت راقية..لافي أفكار وحشة ولافي مشاكل!
اسه مش قلت لي قرب؟؟ أديها يومين بس تلقي السنة الجاية ذاتها إنتهت.. ياخ الدنيا كلها بقت غشاشة السنة ذاتها بقت عديل كده تغش في عدد ايامها وساعاتها!
أمس في لندن كان يوم الهدوء في الشوارع والصخب في البيوت!
............ ............ منذ أن أتيت لهذا البلد وفي يدي طفلة عمرها ما يزيد قليلا عن الثلاث سنوات... ومنذ أن إستقريت..إحتفلت بمظاهر الكريسماس رغبة مني في إيجاد الفرح لإبنتي ولي.. ولا أدري لماذا ينزعج البعض من وجود زينة الكريسماس أو تبادل التهنئة في موسمه المجيد؟ علي كل حال تزيين الشجرة شيء فني ممتع..إضائات وكور زجاجية ملونة ثم هذايا تخبأ تحتها.. إبنتي تلقت هدايا الكريسماس كما تتلقي الهدايا في أعيادنا العظيمة.. شيء واحد لم نفعله..الديك! إحنا أساسا في بيتنا ما شوفت زول بياكل ديك..يباكلوا الجداد بس..ياربي في معني للحاجة دي؟؟ ولا إمكن علشان الديك بيأذن كوكوكو في الفجرية؟؟
كبرت إبنتي وقالت لي Mumy stop being silly! إنتي إشتريتي الهدايا مافي حاجة إسمها فاذر كريماس! وخلاص طبعا ضاع موضوع الإثارة وكبرت آية ونسينا الشجرة..
امس آيه واولادها وأختهاوأخوها بالرضاعة (ابن الشهيد وبنت أختي-أولادي) كانوا في البيت ومعاهم زوج أختها وصاحباتها كانوا محتفلين في البيت بطريقة كريسماس وما كريسماس.. يعني أهل الكريسماس أساسابيتلموا علي الوجبة بالديك الرومي بالنهار.. اصحابنا ديل إتلموا علي وجبتهم بالليل.. عملوا جداد كل جدادة نايمة علي الجنب اللي بيريحها ومعاها حاجات غريبة كده وحلويات.. بودي أو عبدالرحيم زوج آيه مشي يعيد مع حبوبته الإنجليزية يجبر بخاطرهاحيث كريسماسهم الخاص.. اما انا فقد طلبت عربة لتأخذني الي منزلي الذي يبعد عن آية بعشرة دقائق.. ممنية النفس براحة بعيدة من الزيطة هناك! المواصلات في لندن متوقفة تماما صباح الكريسماس 25 ومافي غير الميني كاب والذي يضاعف أجره يعني بدل ما ياخد مني 7 جنيه أخد 12لاوكله قانوني بس السواقين طبعا مسلمين!!
الليلة البوكسنج داي..الناس من أمس 12 بالليل في صفوف في محلات الهاي ستريت.. تخفيضات تصل في بعضها ل70%..يقيفوا صفوف من نص الليل لغاية المحلات تفتح مخصوص الساعة 6 و7 صباحا!
Quote: أمس في لندن كان يوم الهدوء في الشوارع والصخب في البيوت!
اسعدني حظي (الضارب) ان احضر الكريسماس في في عدد من العواصم المسيحية وغير المسيحية .. واتاح لي ذلك مجالا للتأمل ليس في مقدار حفاوة المسيحيين بدينهم وانما بامرين آخرين .. اهمهما مقدار التسامح الديني بين الشعوب وحيز التعصب عند بعضها .. والثاني شخصية المسيح عيسي بن مريم عليه السلام والقبول الذي تتمتع به عند الناس باختلاف اديانهم ..
بدت لي مظاهر العيد مختلفة باختلاف الشعوب .. رغم ان الدين واحد .. فللمسيحيين في كل بلد طقوسهم واهم ما فيها الصلاة ويرتادها كبار السن والمتدينون .. ويعنون جميعا بالمظاهر الاحتفاية التي تتمثل في الزينات واشجار اعياد الميلاد .. وتهتم الجمعيات الخيرية الكنسية ببابا نويل وهداياه للصغار باعتبار انها وسيلة جذب تقربهم من الدين .. وفي كل البلدان يشمل الاحتفال بالعيد وليمة شبه دينية .. تضم اما الديوك الرومية واما الخنزير .. ولكنها وفي زمان الفاست فود اصبحت تتجه للوجبات الجماعية في الاندية او في الحدائق العامة .. وفي بعض البلاد عناية (مغلفة) بالفقراء حيث تقوم الاسر بتقديم الطعام في الشارع وبالطبع يتلقاه الفقراء دون حرج. ومن مظاهر الاحتفال اللبس الجديد الذي يجعل من الاسواق قبلة للرواد قبل العيد وتعلو المنافسة بين التجار وتجد السوق وقد تحول الي اوكازيون ضخم ...
اما الجوانب الاحتفاليه فهي التي يتعاظم اثرها حيث تشارك الاغلبية السكانية التي يمتلكها الشباب في ابتدار وسائل جديدة في كل عام لتخليد العيد والباسه حلة ازهي من البهجة والصخب .. وقد شهدت الافارقة يرقصون من بعد الخروج من الصلاة بالكنيسه الي صباح اليوم التالي ولا يكونون الا في الشوارع .. ولاحظت عند البوذيين في الهند وشرق اسيا حماسا لنهي اتباعهم عن المشاركة في الاحتفال بالكريسماس ..
ووجدت الشباب في اوروبا اشد صخبا واغزر تواجدا في ليلة عيد الميلاد بالاماكن والميادين العامة .. ونعني نحن في السودان بالظهور في الحفلات المنظمة ذات الطعم الراقي في اندية الجاليات والاندية الثقافية والاجتماعية ..
اما هنا في الخليج الاقل تشددا والاقل تقشفا ايضا .. فيحتفل المسيحيون حسب جالياتهم .. ثم يتلاقي المسلمون والمسيحيون في حفلات نانسي عجرم وهيفا وهبي وغيرهما من المغنين العرب والاجانب ويدفعون بسخاء لتذاكر الدخول الغالية .. وتزين المحلات باشجار عيد الميلاد ومجسمات بابا نويل .. ويتسابق العارضون في التخفيضات لكل شيء .. بينما تتردد ايران والسعودية في السماح باي مظهر غير اسلامي
عمرعلي حسن
12-26-2012, 11:56 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
الجماع هنا خلاص تعبانين من فرح العيد والإستعدادت السابقة.. ديل ليهم شهرين بيحضروا لليوم ده!
اسة الشوارع مليانه أكياس الهدايا والصناديق الملونة الفاضية..بكرة ناس النضافة بيكملوا شغل ويلموا باقي الحاجات..
أذاعوا أن المبيعات في البوكسنج داي وهو اليوم بعد يوم الكريسماس قد تصل الي ثلاثة بلايين جنيه إسترليني..والتقديرات قائمة علي حركة السوق ومقارنتها بالسنوات السابقة.. علي كل حال سيصدر تقرير في يناير بعد رأس السنة بحجم المبيعات..
أسة أنا معقولة أمشي أقيف لي في صف 8 أو 10 ساعات علشان أشتري لي حاجات مخفضة؟؟ العنده بال وقدرة قدر كده منو؟؟ لكن هنا طبعا تفكيرهم بيختلف عننا..خاصة بالنسبة للماركات العالمية..يعني يقيف يشتري حاجة كانت ب300 ب100 ولا 50 جنيه..طبعا الفرق كبير وبدن تخفيض ماكان ممكن يشتريه!
Quote: عندكم يا سيادة اللواء تخفيضات زي دي في بلدكم؟؟
اخوك يامني ما حريف في مسألة التخفيضات ويساورني الشك بشأن اكثرها ... خاصة هنا فهي دائمة وبعض المحلات في تخفيض متواصل طول السنه ..
وقد تعلمت شغل ال Retail في شركة جادة لا تعبث بالزبون ولا تستنفر رغباته الشرائية بتخفيض الاسعار ولا تقيم تخفيضاتها الا علي قطع مفرزة ومحددة بعينها اما لوجود عيب انتاجي بها او لخروجها من دائرة الموضة او للتخلص النهائي منها لعدم اقبال الزبائن عليها لمدة تجعل وجودها في العرض خسارة لانها تحجز مكانا يمكن ان تعرض فيه بضاعة اكثر جاذبية لذوق الزبون .. وتوضع هذه الاصناف والقطع في مكان بعيد وترسل قائمة بها للمركز للتصديق بتنزيل اسعارها وبيعها ثم يعلن عن التخفيضات في يوم واحد في كل الفروع بالعالم .. فاذا اردت ان تشتري بدله او فستان معروض في التخفيض فقد لا تجد مقاسك بالعرض ولكن الادارة تساعدك بالبحث في السيستم فاذا وجد مقاسك في فرع آخر فانهم يحضرونه لك بنفس ثمن العرض واذا لم يوجد فذاك حظك ..
لكن نظريات التخفيضات غلبت لدي اكثر اسواق التجزئه وغيرت من مفاهيم البيع .. واهم فنونها واقدمها هو المتعلق بالمناسبات .. (الاوكازيون) .. وفيه تتقارب البضاعه والسعر مع حاجة الزبون لمواجهة المناسبة .. وهو نوع من البيع لا يحتمل تجاوز الموسم ولا يحتمل عدم التصريف الكامل للبضاعة ..
كان والدي يرسلني وانا طالب لشراء قمصانه وكرفتاته واحذيته وجواربه من محلات محدده ويحذرني من شرائها من السيل ...
وفي احدي المرات اعجبتني بدلة معروضة بالفترينه فدخلت المحل وسالت عن سعرها فوجدته عاليا .. ونصحني البائع ان انتظر موسم التنزيلات بعد شهرين .. فظللت كلما مررت بالفترينه انظر الي البدلة لاتأكد من وجودها .. ويوم اعلن السيل هجمت علي المحل واشتريتها باقل من نصف الثمن .. وكانت لقطة .. وظللت اذهب بها الي الحفلات والمناسبات حتي سمعت صديقا يصفها بالزي الرسمي .. فتخلصت منا بالراحة كده ..
وما زلت اشتري ما اريد عندما اريد وليس عندما يريد البائع ....
عمر علي حسن
خارج الاطار عثرنا بحمد الله علي خالنا المختفي شيقوق وقد اصابته احدي متلازمات العجز الكمبيوتري .. وهو يتعافي منها الان
12-27-2012, 12:26 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
غايتو انا ما بصدق في تخفيضات مصر.. عارف بيزيدو الاسعار في كتابة السعر قبل التخفيض ولما يجي التخفيض ويكتبوه عليها بيكونوا باعوها تقريبا بسعرها الحقيقي..بس علي مين؟!
أساسا الحاجات الموجوده في المحلات بتكون بقايا المبيعات في أيام قبل الكريسماس في أكثر الأوقات.. يعني تلقي مثلا المقاسات البايره وهنا دي بتكون 8 لأنه الأغلبيه بتكون 14-16-18 ولا الالوان خارج الموضة.. بس التخفيضات بتكون حقيقية..ولما هارودس يعمل تخفيضات الناس بتجري جري المجانين لانه حقيقي التخفيضات عنده كبيرة خاصة في العطور وماركاتها.. طبعا أصلية!
......... ......... أنا غايتو موفرة قروشي لعيد ميلاد ياسين ويوسف في يناير وفبراير.. ياسين قال عايز ألوان وورق كتير ويوسف قال عايز بدلة سبايدر مان لأنه بدلته إبتدت تقدم من كثرة إرتدائها!!
........... ...........
والله بركة اللميت في ود شيقوق.. لأننا إشتقنا ليه ولدراباته!
وحدثنا ليلة الامس من الجلاكسي الجديد وعاد اليوم ليبلغ فرار من الادوات العتيقة والتكنولوجيات الباليه الي الصيحة الالكترونية الاحدث والاشيك
والله العربي ده انا خايفه (يندرش) علي وشه يكسر سنيناته
_______________________________________________
قبل فترة قرينا إعلان في التلفزيون في مصر عن الجلاكسي والآي فون ووغيرهم من الماركات.. نوع تشتري إتنين والتالت هدية! طبعا أتمانهم رخيصة جدا مقارنة بتلفوناتنا هنا في لندن..التلفون يقع ب500 ولا 600 جنيه مصري المهم دخلنا ..أخواتي وبنت أختي وصديقاتنا في مغالطات وفي جمع معلومات عنهم..
واحد يقول ليك.. آه علي فكرة.. دي تلفونات كلها حلوة ومستورده..نازلة في تخفيضات جامدة بنت عمتي أشترت منهم الجلاكسي..الشركة رضيت تبيعهولها لوحده..بس زادت التمن شوية!
وتاني يقول بلهجة واثقة وهو يركز نظراته عليك
لا كتير من التلفونات دي مفيهاش عيب..اصلها إتسرقت من المحلات ساعة الثورة..ومضطرين يبيعوها بالرخيص!
أما التالت بقي فشاطر وبيعرف أكتر..
لا..مين اللي قال الكلام الفارغ ده؟؟
ثم أضاف بسرعة.. التلفونات دي كلها متركبة هنا..بس الكطع اللي جواها مستوردة! ......... ......... نظرنا الي بعضنا وقررنا إننا ندخل التجربة حتي ولو بالخسارة..
عددنا كام؟ 7!
محتاجين لضحيتين تانيين ولا واحد فينا يتنازل!
ولكن لأنه رزق الهبل علي المجانين قررت إحدانا أنها ستدخل المشروع بنفرين!
ألو؟؟ شركة...اللي بتيجي في إعلان التلفزيون؟
أيوه يا فندم..حضرتك عايزة أنهي نوع من الموبايلات..
لا قبل ما أعوز عايزة أعرف!
الكلام في الدعاية كله صح؟؟
أيوه يا فندم..
طيب عايزين وعايزي..
حضرتك بتفضلي أي لون؟؟
أفهم من كده إنه عندكو كل الألوان؟؟
أيوه يا فندم..عندنا إسود وأبيص من الماركة...وعندنا إسود وأبيض وأحمر من ماركة... عايزة إسود وابيض وموف وأحم.. طيب إيه الألوان التانية اللي عندك؟؟ مفيش يافندم خلصوا! خلاص إبعت الخيارات اللي عند كلها!
والله ياخال مني ذاتها شايفها واقفه مع اخواتها وصاحباتها في دكان جلاكسيات قاعين بشتروا .. كمان ما جلاكسي واحد .. وبناء علي النظريه بتاعتك ديل حيرفعوا مستوي كم بلد .. وتبقي قصتهم زي ما قال ايليا ابو ماضي للعلم ينشره بنوك حضارة وتمدنا ..
طيب كدي النقوم نشتري لينا واحد نوديه رفاعه قبال ما تلحقوها لينا الكديوه ..
ومازال يحلنا الحلا بله .. كان اشتريتو جلاكسي ما نخلص .. وكان ما اشترينا زيكم ما نخلص .. وانا ياخال كان اشتريتو الا اربطو في صرتي عشان ما يضيع .. وبعد داك صرتي تتطور تبقي زي صرة البت الفي الصورة اللي اسمها هيفا ...
عمر علي حسن
شفتي يا مني الحاله الدخلنا فيها الخال .. يعني هو يشتري جلاكسي .. وانتو تشترو سبعه .. طيب النوكيا ابو68 درهم بتاعي ده اعمل فيه شنو .. ده لو اديناهو الشحات ما بشيلو .. ورونا البيعة تمت والله لسه
عمر علي حسن
12-31-2012, 10:28 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
يعني هو يشتري جلاكسي .. وانتو تشترو سبعه .. طيب النوكيا ابو68 درهم بتاعي ده اعمل فيه شنو .. ده لو اديناهو الشحات ما بشيلو .. ___________________________________
صباح الخير..
عارف أفضل تلفونات هي النوكيا القديمة.. تقع منك مية مرة في الارض وما يحصل ليها حاجة! أسه أنا راصاهم القديمة علي الجديده ..القديمة لما فيها من أرقام وصور ولو إنه السنة الفاتت ولأول مرة في حياتي تضيع مني تلفونات!
.......... ..........
أحنا عندنا نظام مع الخطوط هنا.. يعني مثلا يدوك أوفر في عقد مدته سنتين.. إيجار الخط يكون فيه 40 إسترليني في الشهر.. بيكون فيه 2000 دقيقة مجانية لأي تلفون موبايل أو خط أرضي بس طبعا ماخارجي كله داخل البلد يدوك معاه جهاز تلفون تختاره آخر موديل في السوق من أي ماركة.. تدفع إمكن 20% من تمنه أو حتي 10% حسب المفاوضات.. يعني بإختصار زي بتاخد التلفون بالأقساط!
ماما جارة مشت أمريكا جابت لي معاها تلفونين هدية واحد موتريللا والتاني بوريك إسمه بعدين نسيت! وأنا وحياتك عندي تلفونات إشتريت الواحد بعشرة جنيه مريحني أكتر من أي تلفون تاني خاصة لما كنت في السودان.. لافيهم كاميرا لافيهم نت..بس نوتة تلفونات..ده غير التلفونات القديمة! دلوقتي يوسف وياسين يلعبوا بالآي فون حقي ولا حق أمهم ويعرفوا الحاجات الفيهم أكتر مني.. لو ما عجبتهم أفلام التفزيون بيفتشوا أفلامهم في اليوتيوب ويتفرجوا عليها بعد إذن أبوهم وأمهم! وهو أصلو أنا ذاتي مخي علي قدري وما عندي مانع أخليه كده يإمكانياته الحاليةحتي ولو علي سبيل الكسل
لاني عارفة وعن تجربة انه مهما تعلم في المتبلم يصبح ناسي!
أرجع ليك بقي لحكاية السبعة..ويذكرني هذا بقصة المعزة لبعة وعيالها السبعة!
12-31-2012, 10:52 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: الخال الما لعب تتدلل علينا .. مافي مشكله .. ومن حقك .. ام انك تجهجه مني خوجلي وتشيل ليك عنكوليبة وتقعد تحت ضل الشاتي وتقول ما بجي .. دي فيها إنّ ..
نحن يا خال وجع الزول داك لسه ما برد .. مالك داير تتجيب لينا وجع جديد ؟
ثم انه الكريسماس ده حقنا كلنا وعندنا فيه قصص اشكال والوان وخالك ناوي يطلع المدسدس .. فاحسن تلحق قبال يفوتك الاوكازيون
اما الحمير يامني .. فنحن كان ما شفنا حمار مضوي ود شيقوق .. شقينا سوق الحمير في تمبول
المولد دا كلووووو داسنو منى ؟
انتو فاكرين اكان غطستو اسمي في شيمة ما بطلعو؟
وحياتك - يا بت ابوي - تمشي الجهاز فوق وتلقى edit وتعملي فيها click وتظهر ليك find تكتب في فايند دي اي كلمة يشتبه بأنها وردت في اى حتة في الصفحة طوالي تجيك ناطة .
Quote: يا بت ماما جارة .. غشاكم المصري في الجلاكسيات .. والله نتوكل نشتري ؟
يازول المندوب وصل ولسه ما سلمنا عليه لقيناه طلع مبيعاته من الشنطة.. وزي لما بيوزعوا ليك الهدايا وإنت صغير..نادي مين عايز جلاكسي؟؟ صرخت إحدانا أنا بينما صرخت الأخري لا أنا عايزة سامسونج! طيب اسه دي في داعي ترد؟؟ ما تستني دورك لما ينادي علي العايز سامسونج؟!
وبطريقة الأب العاقل مع العيال الشياطين.. كله موجود..هاوريكو اللي عندي كله..بس لو سمحتي كباية مية لا مؤاخذه يعني؟؟ إنت الناس ديل جنهم لا مؤاخذة بين كل كلمة والتانية لما يشككوك إنك عملت حاجة تتآخذ عليها.. المهم أخدنا كل العنده ودفعنا ليه قروشه علي دايرة المليم..
سألناه.. طيب لو التلفونات طلع فيعا عيب؟؟
يافندم مافيهاش عيب خالص بس حتي لو حصل ممكن تتصلوا بيا في ركمي أهو.. ثم أعطي كل منا كرت برقم تلفونه.. ثم قال جملته التي يحفظها أي مصري في اي حي وفي أي زمان..
إنتو أصلكم أهلنا وحبايبنا..بعني هو المصري والسودني إيه؟
صحنا في صوت واحد..
إخواااات
ايوه السلام عليكم ومرسي خالص يافندم علي الفطار والشاي! ثم أستدار عند وصوله الباب بوجهه وهو ينبهنا..
علي فكرة..أي موبايل لازم يشحن في البطارية لمدة 12 ساعة! ......... .........
وسرعان ما جاء صوت ماجدة.. الراجل المجرم ده مديني تلفون ما شغال ثم تعالت حدة صوتها وهي تهدد.. والله لعظيم ما اسيبه! طبعاليها حق تتغاظ أكتر مننا كلنا ماهي اساسا الزول المثل دور السادس والشخص السابع في الصفقة..
نظرت ماما جارة لنا ثم قالت..
مسكين الراجل وقع في عصابة!
........... ........... وبعد تلفونات يائسة إستمرت اليوم كله..قررنا تأجيل الموضوع لبكره الصباح مع مراجعة الشواحن وتبديلها كل ساعة..مما جعلنا في شك في الشواحن اكتر من التلفونات..وفي كل مرة واحدة فينا تقول أنا إستعملت شاحن التلفون التاني إبتدا يشحن معاي.. وبقي حالنا في عدم معرفة أين العيب في الشاحن ولا الموبايل كحال الست وهي تغني
العيب فيكم ياف حبايبكم! ....... .......
ألو.. وبعد التعريف.. إحنا اللي أخدنا منك التلفونات إمبارح.. خير يا فندم عايزين تلفونات زيادة؟؟
زيادة إيه يا عم موبايلاتك طلعت أي كلام..
إزاي الكلام ده؟؟
كده..تعال وإنت تشوف بنفسك!
ممكن أمر في آخر اليوم أصلي عندي شغل كتير..
لا لازم تمر في النهار.. بصراحة سيادة السفير مش مبسوط ابدا من الموبايلات وقرر يشتكي ويشوف ليه التلفزيون المصري بيعمل دعاية لموبايلات خسرانة!
وحياتك - يا بت ابوي - تمشي الجهاز فوق وتلقى edit وتعملي فيها click وتظهر ليك find تكتب في فايند دي اي كلمة يشتبه بأنها وردت في اى حتة في الصفحة طوالي تجيك ناطة .
يعني تاني قطيعة مافي
كلمي الخال بالتقنيات الحديثة دي لانو بيكون سارح
يعني أسه قطايعنا الزمااااان ديك تكون وصلتك؟؟ وبعدين أكلم خالك كيف.. انا في رقبتي دي أخير مني خالك!!
المولد الجد يالطيب كان مع مندوب المبيعات والله الراجل مش مصري والمصريين مافي أشطر منهم؟؟ والله طلع غلبان قدام العصابة إياه..شوف باقي الفيل!
........... ...........
سفير إيه يا فند انا في خدمتكم من غير سفرا خالص! بس أنا عندي فعلا شغل أخلص وأعدي عيكم في حدود الساعة ثلاثة!
حلو..مستنينك!
وصل في موعيده وعلي ووجهه إبسامة عريضة.. أما جبتلكم حبة موبايلات تهبل.. ها في مشكلة؟؟
أيوه..التفونات دي مش نافعة!
إزاي يافندم؟؟ إمكن الجلاكسي فيه عيب لأانه الشركة لسه متصلة علشان أرجعهم.. علشان كده جبت معاي النوع الجديد.. وبسرعة كان قد أخرج التلفونات اللهمعة الجديدة يغرينا بها..
شوفي يا مدام ده جهاز أغلي من اللي عندكم بس هادوهولكو بنفس التمن.. صاحت إبنة أختي والتي كانت في إجازة بمصر وتمني نفسها بالرجوع للسودان بتلفون "لقطة"
تلفوني الكاميرا بتاعته ما واضحة...صحيح هو شغال بعد ماغيرت الشاحن بتاعه بس الكاميرا ماحلوة!
لا يا فندم لازم حضرتك تظبطي الكاميرا علشان تشتغل حلو معاكي.. كده وريني..هاظبطهولك حالا! .......... ..........
وبعين يا جماعة البياعين ديل عندهم قدرة علي الإقناع عجيبة.. في أقل من نص ساعة من الحركات البلهوانية بين الشنطو والتلفونات..رضينا وإقتنعنا بكلامه وكمان شنو..بنضحك مبسوطين! بعضنا غير الأجهزة وكلنا غيرنا الشواحن وخلاص!
طيب أستأذن أنا أحصل شغلي..لو في أي مشكلة كلموني علي الموبايل.. خلاص إنتو زبايني وما تشيلوش أي هم من الشركة أو غيره!
خرج منا وهو لا يدري أن غدا سيكون أطول يوم في حياته!
01-02-2013, 12:30 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: طيب قبل ما اقول ماما جاره نفس الانا ..لازم توصفي لينا مقدار وسبب حنقها عليكم قبل ما الراجل يجي ويقول عايز مويه
يا سعادة اللواء..علشان اشرح ليك ليه قالت كده بكون أعدت كل الكلام الكتبته في لحظة من فضلك في الثمانية اعوام السابقة.. لكن بإختصار..هي عارفانا بنحب نعمل مقالب!
كده شوف نهاية القصة بتاعة الموبايلات..
في ذلك الغد كان نصفنا قد قرر إرجاع الموبايلات لأسباب تتعلق أغلبها بالشكوك في نوع البضاعة وفي بعض مظاهر تلك البضاعة وبعضه برضه تلكك مننا!
ألو؟؟
السامسونج فيه مشكلة..وواحد من الجلاكسي لونه مش مفهوم.. مش مفهوم إزاي يا فندم؟؟ ماهو ياإسود يا أبيض!
والله ماعارفين تعال ينفسك وشوف.. وبعدين كمان جيب معاك أجهزة جديدة..سعادة السفير عايز يشتري منك لو موبالاتك حلوة!
حاضر يافندم..انا أساسا هاكون في مدينة نصر..أتصلوا بيا أول ما البيه يوصل..
كنا نعلم أن أحد الأقارب سيزورنا للسلام بعد صلاة الظهر..ونحن نعلم عن ذلك القريب إنه دايما بيلبس بدلة وكرافتة.. يبقي هو يكون السفير ساعة مندوب المبيعات يجينا!
وعندما وصل المندوب..وجد ضيفنا جالس في هدوء وللبدلة والكرافتة زي ما إنت عارف لهااثر عجيب علي الغلابة من الناس.. وضيفنا بطبعه هاديء لا يضحك كثيرا ومقلا في حديثه..مما جعل دوره مقنعا علي مندوب الموبايلات كما رسمت ماجدة!
هذه المرة غيرنا في تلفوناتنا كما وددنا ..والأكثر من ذلك أنه تطوعامنه..أهدي لكل واحدة منا تشيب هدية لزيادة ذاكرة الموبايل!
......... .........
أما عن سؤالك تشتري ولا لا.. فماعارفة أرد ليك..انا التلفون الإشتريته رسلته لشخص عزيز في السودان ومبسوط منه شديد.. في بعض التلفونات ما شغالة كويس..
علي كل حال كانت تجربة دمها خفيف وبرنامج مع مندوب المبيعات!
كنت اعلم ان ماما جارة لن تخشي علي الرجل الا لانها تعرف بناتها وما سيفعلن به .. ومن ممارسة طويله في التعامل مع البائع المصري اعرف ان لا احد يمكن ان يرده عن (تقليبه) واخذ الفلوس من جيبه مهما كانت انتقاداته للبضاعه .. وبص يابيه .. دي اصلها محدش حيكون لابسها غيرك .. واصلو التمن ده ما بنديهوش لغيرك .. وكم من مرة باعوا لي اشياء لا ارغب فيها اصلا ولا حاجة لي بها ..
ورجل بمثل هذه الفهلوة لايمكن ان تخشي عليه ماما جاره من بناتها من الباب للطاق كده .. فهي الاعلم بما اوقع فيه نفسه ورغم ذلك باع ليكم وللسفير ..وصبر علي كيدكن .. كما صبر جده يوسف وفاز بالحسنيين ..
الشيء الاعجب هو نوع الصبر الذي تتحلي به ماما جاره علي هذه العصابة ..
وانشالله انا انطس في نظر خالي الطيب أو اي حد تاني لو اشتريت جلاكسي من مصر
عمر علي حسن
01-02-2013, 02:56 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: كنت اعلم ان ماما جارة لن تخشي علي الرجل الا لانها تعرف بناتها وما سيفعلن به .. ومن ممارسة طويله في التعامل مع البائع المصري اعرف ان لا احد يمكن ان يرده عن (تقليبه) واخذ الفلوس من جيبه مهما كانت انتقاداته للبضاعه .. وبص يابيه .. دي اصلها محدش حيكون لابسها غيرك .. واصلو التمن ده ما بنديهوش لغيرك .. وكم من مرة باعوا لي اشياء لا ارغب فيها اصلا ولا حاجة لي بها ..
ورجل بمثل هذه الفهلوة لايمكن ان تخشي عليه ماما جاره من بناتها من الباب للطاق كده .. فهي الاعلم بما اوقع فيه نفسه ورغم ذلك باع ليكم وللسفير ..وصبر علي كيدكن .. كما صبر جده يوسف وفاز بالحسنيين ..
الشيء الاعجب هو نوع الصبر الذي تتحلي به ماما جاره علي هذه العصابة ..
وانشالله انا انطس في نظر خالي الطيب أو اي حد تاني لو اشتريت جلاكسي من مصر
عمر علي حسن
والله الليلة ضحكتني شديد..الله يخليك لأنه النزلة الفقرية دي ماعايزة تفكني.. عارف صبر علي كيدنا دي ماجاية..لأنه هم أساسا ربنا خلقهم صابرين يعني من قبل ما يتولدوا.. أسه شوف شفعهم صابرين كيف علي إقناعك بأهي حاجة عايزنها؟؟ وبعد كده ماتنسي حكامهم علموهم يصبروا زياده!
تفتكر ربنا هايحاسبهم بعد كل معاناتهم دي؟؟ وتفتكر برضه ومن نفس المنطق.. ربنا مصبرنا؟؟
......... .........
إنت فاكر السودان هين؟؟ والله بقي فيه جنس غش وإحتراف..يازول لامن تآمن.. وأنقر أكتر حاجة بيغشوا فيها شنو؟؟ الحج والحجاج...يازووووول رهيبين خلاص!
خلينا من السيرة المهببة دي وورينا.. ماشي مصر متين؟؟
لا .. المصريين صابرين فهلوة .. لكن صبركم انتو قسمة ..
Quote: ماشي مصر متين؟؟
يعني قدر عليك خالي حرشك عشان ما امشي اسمرا .. والله يا مني مصر دي عندي زي دبي .. اشيل شنطتي وامشي المطار اقطع تذكرتي والقي نفسي مشيت وجيت .. لكن لي شهور من اخر مره لان الظروف بعد الانتخابات غيرت كتير واخر مره مشيت اضطريت انزل في موفنبيك طريق الهرم .. بعيد والمواصلات لوسط البلد بالتحانيس واصحابي جو دبي ثلاثه مرات في السته شهور الفاتت وما شجعوني امشي .. بس مشتاق امشي ..
عمر علي حسن
01-03-2013, 10:56 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: يعني قدر عليك خالي حرشك عشان ما امشي اسمرا .. والله يا مني مصر دي عندي زي دبي .. اشيل شنطتي وامشي المطار اقطع تذكرتي والقي نفسي مشيت وجيت .. لكن لي شهور من اخر مره لان الظروف بعد الانتخابات غيرت كتير واخر مره مشيت اضطريت انزل في موفنبيك طريق الهرم .. بعيد والمواصلات لوسط البلد بالتحانيس واصحابي جو دبي ثلاثه مرات في السته شهور الفاتت وما شجعوني امشي .. بس مشتاق امشي ..
عمر علي حسن
طبعا علي الرغم من حلاوتهم الإتنين وحبي ليهم.. إلا أنه هناك فرق كبير مابين اسمرا وبين القاهرة وإن كانوا الإتنين مخطوفين! أسمرا هادية وصغيرة وناسها طيبين وبيحبونا جدا.. مافيها تلوث بيئة شديد..خضرا وجوها حلو.. لكن مافيها حتت كتيرة تمشيها..وكمان الأكل فيها نص نص.. وبعدين ممكن تلفها كلها في نفس اليوم وترجع مكانك تنوم من غير ماتكون تعبان.. طبعاكل الحاجات دي مناسبة للناس البتحب الهدوء .. بس الأمانة فيها والأمان حاجة ماحصلت..علي الأقل لغاية آخر مرة مشيتها قبل ما يقارب السبع سنوات
بس مصر كمان حاجة تانية.. مليون حتة ممكن تمشيها..أسواق..مكتبات..قهاوي..النيل..مطاعم صحيح بتتملي تلوث بيئه وترجع بس برضه حلوة.. وعارف أحلي مافي مصر شنو؟؟ العيش وسندوتشات الجبنة الرومي والجبنة الثلاجة! طبعا أنا زولة بتعشق الأكل لما يتلقي قدامي بس الغريبة ما بفتشه! وياسلام لما تصحي الصباح وتنادي علي البواب وتقول ليه جيب عيش فينو سخن.. وهات طعمية من جاد وعلبة فول من غير زيت..
قصة والله! الدنيا تجي عندك من غير ماتخرج! وبالمساء كده تمشي الحسين تصلي وتمشي تقعدفي قهوة نجيب محفوظ!
اقول ليك كلام؟؟
انا حزنانة جدا علي حال مصر!
......... .........
01-03-2013, 06:45 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
كعادة هذا البلد..يتم في يناير من كل عام زيادة تعريفة المواصلات من قطارات الي بصات..تراوحت فئات الزيادة حتي فاقت 4% فوق سعرها السابق.. وبالطبع هذا إرتفاع مجنون يضاف الي إرتفاع الأعوام السابقة حتي بالنسبة للذين لهم وظائف بدخل عال..فالمبلغ المدفوع في المواصلات يعتبر من أعلي بنود ميزانية المواطن بجانب السكن وتكاليف الحياة الأخري ..ذلك الإرتفاع الذي يجعل معظم أصحاب الدخول العالية في حالة فلس مستمر ويجعل أغلبهم يعيشون علي الكفاف بالنسبة للمأكل والملبس..ولا عجب إذا وجدنا كثير منهم يهاجر للدول الأخري مثل أوستراليا علي سبيل المثال!
كيف يكون الوضع إذا بالنسبة لأصحاب الدخل الضعيف وبالنسبة للذين لا يعملون بسبب البطالة المستمرة والمتزايدة؟؟
حدث ولا حرج!!
....... .......
01-04-2013, 05:17 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
علي الرغم من الصفوف الطويلة إنتظارا للسكن الحكومي الذي اصبح نادرا وغير كاف بالنسبة لعددالمحتاجين له ..فقد تبين أن هناك في مدن المملكة المتحدة عدد 850 ألف وحدة سكنية موجودة ويمكن للمجالس المختلفة الإستفادة منها في إسكان الأسر المحتاجة..
إلا أن تلك الوحدات تحتاج الي إعادة بناء أو إعداد طيب لتكون مناسبة للإسكان..وهذا يحتاج الي مبالغ ضخمة ... مما دعي لالحكومة لدعم المجالس بمبالغ تساعدهم علي القيام بإعادة تأهيل تلك الوحدات السكنية.... ولأن العمل ضخم ويحتاج الي مؤسسات متخصصة..فإن المجالس تبحث الآن عن شركات خاصة تقوم بتلك المهمة من إعادة البناء وتجهيزها حتي تتمكن المجالس من القيام بدورها الذي يفرضه عليها القانون بتوفير السكن للأسر المحتاجة..
بجانب أن المنازل الخالية ستحل مشكلة الإسكان..فإنها ايضا تنهي حالة من الفوضي والإجرام تمارس في تلك المنازل التي يجدها بعض مرتكبي الجرائم والمشردون خالية فيحتلونها ويعيشون فيها دون إذن من المالك..كما أنهم يمارسون فيها أشكال مختلفة من الجرائم والجنح.. وهذا ايضا يسبب الضيق والخوف لسكان المنازل الأخري المجاورة لبعضها...
............... ...............
01-04-2013, 01:00 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
قرأت الكتاب التوثيقي عن شهداء ثورة يناير بمصر عنوانه "دماء علي طريق الحرية" كتبته حنان بدوي وحنان السمني.. ظهر الغلاف بألوان الدم والشمس ومزين بأهداف وهتافات ثورة الشعب المصري.. تحيا مصر..المجد للشهداء..دم الشهداء في رقبتنا.. سلمية وفي الغلاف الخلفي حرية..كرامة..إنسانية..عيش...عدالة إجتماعية..
.............. ..............
بلغ عدد الشهداء الذين تمكن الكتاب من التوثيق لهم 927 شهيدا بينهم مجموعة من الأطفال! شمل التوثيق لقاءات مع اسرهم وكذلك تمكن من نشر عدد من صور الشهداء معظمهم إستشهدوا في ايام الثورة الأولي.. عدد صفحات الكتاب 212 صفحة ..حنان وحنان صحفيتان بجريدة الإسبوع المصرية ويهدي ريع بيع الكتاب الي دعم أنشطة مؤسسة دعم "ابطال 25 يناير"وهي مؤسسة غير حكومية نشأت بعد الثورة..وهي نفسها التي دعمت إخراج هذا الكتاب التوثيقي..
علي الرغم من هذا الثوثيق الضخم..الا أن هناك عدد من الشهداء لم يعرف لأهلهم طريق..لذلك طالب الكتاب من المواطنين المساعدة بالإبلاغ عن إسم اي شهيد لم يتم ذكره في هذا العمل التوثيقي فيعلي عنوان المؤسسة..
.......... ..........
سأحاول إستعراض بعض من قصص ضحايا النظام المصري كما جاء في الكتاب..
01-04-2013, 09:32 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
وقبل ما نمشي لشهداء مصر.. نشوف نجاح زراعة أول يد لرجل إنجليزي في الواحد والخمسين من عمره! كان الرجل يعاني من شلل تام في ذراعه..وفي إنتطار من يتبرع له بيد.. العملية تمت في نفس وقت التبرع باليد..
تم توصيل العروق والأورده في ذراع المريض المشلولة بعد بتر الكف وتركيب اليد الأخري من المتبرع! قيل أن العملية علي الرغم من أنها الأولي من نوعها هنا..الا أنها نجحت خاصة أن المريض قد تمكن من تحريك اصابع يده (الممنوحة) سيواصل بالطبع في أخذ الادوية والعلاجات حتي يتم العلاج تماما!!
إنتو بس أقعدوا..
دي لبست بنطلون..
دي رقصت ودي ماعارفة عملت إيه!
............ ............
والله أنا علي الرغم من أنني أعرف أن التبرع بالأعضاء بعد الموت لمن هم في حاجة اليها من المرضي هو فعل نبيل.. ,تعجبني جداالفكرة من الناحية الإنسانية والإستغراب الفيها..يعني أنا أكون ميته مثلا لكن إيدي عايشة زي صاحبنا الفوق ده.. لكن بصراحة ما بتبرع بأي حاجة في جسمي..
بسبب إنه الناس الماتو ديل كلهم مافي واحد فيهم جه وقال تجربته بعد موته أو بعد ما الطب قال إنه مات شنو.. مش إمكن يكون شاعر بأي حاجة ومسكين ماقادر يتكلم؟!!!
لالالا يمكن أملا بطاقة التبرع ولا يمكن أخليهم يعملوا كده!
ولا كمان المساكين التانيين المحكوم عليهم بالإعدام في الصين..المنظمات لقت أعضائهم بتتباع بدون رغبتهم.. وبدون موافقة أهلهم ..بس تلقي الدكتور موجود ساعة الإعدام علشان ياخد العضو المطلوب..علشان العيان المنتظر بره!
شوف بقي الإعدام بيبقي برضه بيزنيس..
حقو الزول يبوظ أعضاء جسده..نوع حساده علشان ما يشيلوها بعد يموت! برضو بنوط التبرع بالأعضاء بتشتكي إنه حتي الزول لو كان معلن إنه متبرع باعضائه لكن أهلا بعد ما يموت بيغيروا رايهم ومايرضو يخلو الدكاترة يشيلوا اي حاجة من جسمهم..
اسمعي بقي في احدي زياراتي للقاهره وامام مكتبة مدبولي دهستني سيارة يقودها رجل مسن يلبس نظارات طبيه (قعر كبايه) .. حملوني الي القصر العيني الفرنسي ومعي العجوز الذي دهسني وقد اغمي عليه وكاد (ينفق) من فوره .. فوجدوا ان (صابونة) ركبتي قد شرخت ولحقوا الرجل (النافق) بصعوبة واعادوا له الحياه ولكنه كان خائر القوي لا يملك لنفسه ضرا ولا نفعا .. يجي يقيف يقع .. يرفع يده تجي واقعه .. يصلح نظارته في عينيه فلا يري ..
وكان بجوارنا وعلي نقالة اخري مصاب مصري .. في حالة من الانسجام .. وآخر تمام .. قال لي يابيه ما تشغلش بالك .. عايز ركبه نجيب لك دلوقتي .. اصل خالتي مكحكحه ومابتروحش حته .. اجيبلك ركبتها وكل سنه وانت طيب .. ترجع بلدكو يسجلوك في اجدعها تيم كوره ... ثم انتقل بعد قليل (للعذير) الاخر .. قال له .. انت ايه اللي يطلعك اصلا من البيت .. كده تجيبوا البلاوي لنفسيكم .. بس ماتخافش .. اطلع حضرتك من هنا ع الورقه .. كله جديد .. عاوز عين اديلك .. عايز الب اديلك .. عايز حاجة تانية اديلك .. رجل ضلع ايد اللي انت عايزه .. ومن هنا علي رجولك وعلي بيتكم عدل انشا الله يكون في الهرم ..
تصوري وفرة الاسبيرات دي .. مش (نتف) بعد الموت ولا من محكومي الاعدام ..
وقد شهدت بمصر اصدقائي بكلية الطب (مزابنين) حانوتيه ليوردوا لهم جنائز كامله وجماجم واجزاء بشريه ليذاكروا عليها بعض تطبيقات علم التشريح .. فماذا يمنع من (نتف) الاسبيرات .. بدري بدري .. وقبل ان تتلف .
Quote: وقد شهدت بمصر اصدقائي بكلية الطب (مزابنين) حانوتيه ليوردوا لهم جنائز كامله وجماجم واجزاء بشريه ليذاكروا عليها بعض تطبيقات علم التشريح .. فماذا يمنع من (نتف) الاسبيرات .. بدري بدري .. وقبل ان تتلف .
نحن ياستي في عالم لا ينفعك فيه الا القرش
للاسف كلمك صح! القرش بقي حاكم الناس بدل الإنسانية..
عارف في مصر في بداية التسعينات سمعنا في أوقات مختلفة بإنه في سودانيين بيبيعوا الكلا بتاعتهم.. بس علشان القروش تعينهم علي تحقيق بعض من أحلامهم في السفر للخارج أو حتي علي القدرة علي التكفل بمصاريفهم هناك.. ثم سمعت مؤخرا بأن الأمر اصبح تجارة رابحة ولها من السماسرة عددا يفوق الخيال...وكل يأتي بثمن يزيد أو يقل عن الآخر.. يعني أصبح الإنسان سلعة زي الشقق له سعر تسمح للسمسار بالإستفادة منه!
قيل أن احد قهاوي نص البلد والتي يتجمع بها السودانيون بها أكبر نصيب من هذه التجارة.. المريض يحمل أوراقه الصحية ليراها من يسمسر او من يحتاج لقبولها بعد مقارنتها بأوراق المريض المحتاج للكليه..
وفي وسط ذلك ظهرت ايضا محاولات إحتيال وغش من الطرفين.. فأحيانا يدخل المرض المستشفي ولا يخرج منها الا ميتا..فبعد تخديره يتم أخذ اشياء أخري .. أو إحتمال الكليتين! كذلك قد يسعي المانح لأن يزيد ثمن الكلا الخاصه به بعد أن عقد إتفاقا سابقا!!
الله اعلم بقي لياتو حد الكلام ده حقيقي.. لكن بيبقي حدوثه مهما إختلفت درجاته فعل مؤلم حقيقي لنا جميعا كبني آدمين أهدر البعض هناك في الوطن حقهم الإنساني في العيش في بلادهم بأمان!
وعندما اباح الازهر بيع الاعضاء .. علمت ان احد السودانيين فتح مكتبا في فندق بحي الحسين يتردد عليه السودانيون ومارس في البداية عملا (نظيفا) وخدمات (شريفه) لطرفي العملية السودانيين (المتبرع) و(المتلقي) .. ولكن الاطباء دخلوا طرفا في الموضوع (ليورد) لهم كُلي لغير السودانيين وباسعار اعلي يربح منها الطرف الجديد ايضا .. فبدا اخونا يرفع اسعارة ويغش في البضاعة ولفت الي نفسه نظر المباحث فراح يوما في حق الله ..
كان الرجل في الاصل ممرضا ..
ولتصدقي فانني يمكن ان امدك باسمه ورقمه في سجن طره .. ولذلك لم استبعد جدية (المبسوط) الذي عرض علينا الاسبيرات في القصر العيني الفرنسي وهو علي النقاله
عمر علي حسن
01-06-2013, 10:11 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: ولتصدقي فانني يمكن ان امدك باسمه ورقمه في سجن طره .. ولذلك لم استبعد جدية (المبسوط) الذي عرض علينا الاسبيرات في القصر العيني الفرنسي وهو علي النقاله
الدنيا مليانة جرائم وعنف!
أسه شوف نوع الجرائم دي..في دلهي إعتدي 6 شبان علي أحدي طالبات كلية الطب وإغتصبوها جميعا.. تم القبض عليهم ووسط حملات متزايدة من مجموعات عريضة إحتجاجية علي إعتداءات المجتمع الذكوري علي الإناث وتطالب بقانون قوي ينفذ أقصي العقوابات عليهم..وبجانب الطالبات والطلبة والنساء إنضم عدد كبير من الناشطين من الرجال للإحتجاجات ضد العنف.. جميع المتهمون يواجهون تهمة الإعدام إن ثبتت عليهم جريمة الإغتصاب! وبينما كان ذلك يحدث في الهند فإن وضعا آخر يستهدف المرأة مازال تحت الأضواء بعد حدوثه في باكستان.
فقد أطلقت طاليبان الرصاص علي طالبة في الخامسة عشر من عمرها بعد مناداتها جهرا بحق الفتاة في التعليم.. تم ترحيل الفتاة سريعاوبسرية الي المملكة المتحده حيث إستقبلتها إحدي مستشفيات بيرمينجهام وإستمر علاجها هناك لمدة شهرين وأكتر.. أنها مازالت تحتاج لعلاجات أخري!
وفي كل يوموفي كل لحظة في إستهداف للمجموعات الضعيفة..العنف يمارس ضد الكل وباشكال مخيفة.. بيع الكلا للإحتياج هو عنف سببته الظروف وساعدت عليه الإنتهازية.. هو عنف حتي وهو مختلف في شكله!
Quote: وفي كل يوم وفي كل لحظة في إستهداف للمجموعات الضعيفة..العنف يمارس ضد الكل وباشكال مخيفة.. بيع الكلا للإحتياج هو عنف سببته الظروف وساعدت عليه الإنتهازية.. هو عنف حتي وهو مختلف في شكله!
الدنيا دي ماشية وين؟؟
خليك معاي يابت ماما جاره فيوم استن حمورابي شريعة العين بالعين والسن بالسن .. توهجت نظرة العالم للعدالة ولحق الضعيف .. ويوم قال عمر للمصري خذ هذه الدرة واضرب ابن الاكرمين كما ضربك كان منطق العدل هو ان الناس سواسية .. ولكن عندما ضربت امريكا هيروشيما ونجازاكي بالقنبلة الذرية انتقاما لبيرل هاربور تغير منطق العدل وتغير معه نظام الكون فالاقوي يحكم بمنطق العدل الذي يسنه ويفرضه .. وإذ تغير التراث والفكر عند الدولة فلابد ان يتغير عند الشعب والفرد .. وقفزا فوق كل النتائج فان العنف يصبح بديل المنطق والعدل .. ويحل مسدس هيملر مشكلة الراي المخالف .. ويزيح منقستو هيلامريم بالمترليوز رفقاءه من امامه بمن فيهم صديق صباي الوديع امان عندوم الذي لم ينشأ علي العنف والغدر .. ويملؤني بالمرارة والعجز والحزن والاسي علي الكون الذي وجدت فيه ..
وتظل المرأه يابت ماما هي الحلقة الاضعف .. فينتهك الرجل عذريتها لانه الاقوي .. ويسكت طالبان صوتها لأن البندقية بيدهم ومعهم الحق ومنطق العدل الجديد .. ولن ترتاحي عندما اقول لك ان المحاكم الهندية لن تقتص للطالبة المغدورة ممن سلبوا شرفها وروحها فمخارج القانون ودفوعات راتنلال والطيب شيقوق وفرضياتهم (الهايبوثيتيكال) ستجعل توقيع عقوبة الاعدام علي القتله اصعب من لحس الكوع .. وجماعة طالبان لا يحاسبون الا علي (الارهاب) .. اما البنية التي مزق رصاصهم جسدها البض فقد راحت (سمبله)
فاذا سألت عن الدنيا دي ماشه وين .. فستجدين خارطة الطريق اعلاه امامك .. وكل شيء (موكّر) فيها بلا فكاك ولا امل .. وبيع الكلي والقلوب اقل فداحة .. لمن يعلم ..
يلا نمشي ننوم يمكن نحلم بشيء مختلف .. فلم تصل امريكا ولا غيرها الي تشكيل احلامنا .. بعد ..
عمر علي حسن
01-07-2013, 08:30 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
منى سلااام يا طيبة اسف ... كل اللحظات هذه تفوتني وانا مدفون في الإنجمامة برجع من الأول أتصفح حتى أكون مواكب لتلك اللحظات وياني القعدت واترفرجخت بس انا كراعي سليمة والحمد لله
Quote: اصبر اوريك الحبوبية ذاتا إتعولمت ان سارح وين؟
خالي .. العولمة دي ما جننتها في عمرها .. الله يستر علي العنكوليب والتبش والتمباك ما يلحقوا يعولمهن ويحيرونا كمان .. باقي انا ماسك مترار حبوبتي عشيش نتباخت بيه ..
Quote: وفي كل يوم وفي كل لحظة في إستهداف للمجموعات الضعيفة..العنف يمارس ضد الكل وباشكال مخيفة.. بيع الكلا للإحتياج هو عنف سببته الظروف وساعدت عليه الإنتهازية.. هو عنف حتي وهو مختلف في شكله!
الدنيا دي ماشية وين؟؟
خليك معاي يابت ماما جاره فيوم استن حمورابي شريعة العين بالعين والسن بالسن .. توهجت نظرة العالم للعدالة ولحق الضعيف .. ويوم قال عمر للمصري خذ هذه الدرة واضرب ابن الاكرمين كما ضربك كان منطق العدل هو ان الناس سواسية .. ولكن عندما ضربت امريكا هيروشيما ونجازاكي بالقنبلة الذرية انتقاما لبيرل هاربور تغير منطق العدل وتغير معه نظام الكون فالاقوي يحكم بمنطق العدل الذي يسنه ويفرضه .. وإذ تغير التراث والفكر عند الدولة فلابد ان يتغير عند الشعب والفرد .. وقفزا فوق كل النتائج فان العنف يصبح بديل المنطق والعدل .. ويحل مسدس هيملر مشكلة الراي المخالف .. ويزيح منقستو هيلامريم بالمترليوز رفقاءه من امامه بمن فيهم صديق صباي الوديع امان عندوم الذي لم ينشأ علي العنف والغدر .. ويملؤني بالمرارة والعجز والحزن والاسي علي الكون الذي وجدت فيه ..
وتظل المرأه يابت ماما هي الحلقة الاضعف .. فينتهك الرجل عذريتها لانه الاقوي .. ويسكت طالبان صوتها لأن البندقية بيدهم ومعهم الحق ومنطق العدل الجديد .. ولن ترتاحي عندما اقول لك ان المحاكم الهندية لن تقتص للطالبة المغدورة ممن سلبوا شرفها وروحها فمخارج القانون ودفوعات راتنلال والطيب شيقوق وفرضياتهم (الهايبوثيتيكال) ستجعل توقيع عقوبة الاعدام علي القتله اصعب من لحس الكوع .. وجماعة طالبان لا يحاسبون الا علي (الارهاب) .. اما البنية التي مزق رصاصهم جسدها البض فقد راحت (سمبله)
فاذا سألت عن الدنيا دي ماشه وين .. فستجدين خارطة الطريق اعلاه امامك .. وكل شيء (موكّر) فيها بلا فكاك ولا امل .. وبيع الكلي والقلوب اقل فداحة .. لمن يعلم ..
يلا نمشي ننوم يمكن نحلم بشيء مختلف .. فلم تصل امريكا ولا غيرها الي تشكيل احلامنا .. بعد ..
عمر علي حسن
هذا لتكونوا في الصوره .. وآدي نومه
01-13-2013, 12:33 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
منى سلااام يا طيبة اسف ... كل اللحظات هذه تفوتني وانا مدفون في الإنجمامة برجع من الأول أتصفح حتى أكون مواكب لتلك اللحظات وياني القعدت واترفرجخت بس انا كراعي سليمة والحمد لله
تحياتي ومودتي الشديدة
___________________________
كيف حالك يا خالد.. والله الساق أو القدم السليمة دي نعمة مابنعرفها ونفهمها كويس ساعة ما نحنا بنستعملهم دون ألم أو عجز.. أول ما نتأللم نشعر بالقيمة الحقيقية ليها ونبدأ في حمد الله بشكل أعمق..
أسه أنا لسه قدمي ما شفي تماما علشان كده قاصدة أي حرف كتيته فوق.
الله يمتعك بفجختك التي لن نستطيع منافستك عليها حاليا..
Quote: اقلي البن وشممي الخال المقلاية خليهو يصحصح من النعسة دي
وسنقلي البن حتي يسعد الاحباب بجلستنا..وحتي يستمر موسوعتنا سعادة اللواء في يقظته فيفتج لنا ابواب من المواضيع الشيقة والمعلومات المثقفة لنا..
نمر بقلاية البن ورائحة البن الطازجة تزيد من تقاربنا ومحبتنا الاخوية الصادقة.. وفي جلستنا ندعو الاحباب أن يزورونا ويجلسوا معنا نتمني حضورهم حتي وإن وصلوا لنا في وقت متأخر.. فالاساس في رغبتنافي التواجد علي فنجال قهوة هو ونسة تخضر أوقاتنابوقت ممتع ومفيد..
.......... ..........
01-10-2013, 01:02 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
يلا نمشي ننوم يمكن نحلم بشيء مختلف .. فلم تصل امريكا ولا غيرها الي تشكيل احلامنا .. بعد ..
_______________________________________
هي أصلو أمريكا دي ما وصلت الا لإقناع الغير بأنها خليفة الله في الأرض... واقنعت مواطنينها بأنهم الأفضل في كل العالم.. وفي ده حقيقة جزئية لأنه كثير من إنسانها القائد لكثير من التورات العلمية مازال يجهل الكثير جدا عن العالم البعيد وثقافاته ورغباته!
.......... ..........
بعدين احلامنا دي بس نقعد نباريها برانا..نسقيها برانا ونتابعا ولا نخليها برضو برانا..
Quote: بعدين احلامنا دي بس نقعد نباريها برانا..نسقيها برانا ونتابعا ولا نخليها برضو برانا..
ها قد ادركنا كم انت طماعه !! يعني عايزانا نتعب نحلم .. وكمان نمشي نسقي ونتابع .. او نبحث عن من يتابع ويسقي .. ياسيدتي الم تعلمي ان الاحلام السودانيه خلقت لتروي في مجالس الونسه .. او لتنسي قبل الخروج من السرير ؟؟ ما سمعتي المغني يردد (امالنا واحلامنا ×× اتناسيتهم في ليله) .. ونحن نطرب لذلك .. ولو وجد خالي هذا الفيديو لنزله لنا وطلب منا ان (نحت) معه .. حتيتا ننسي فيه الاحلام ومعها الواقع كمان ..
و قد كان عمنا محمد صالح فهمي يقول عند ختام البرنامج اليومي للاذاعه (بذا سيداتي سادتي تنتهي برامجنا لهذا اليوم .. نودعكم ونتمني لكم نوما هانئا واحلاما سعيده) .. .. هذا ايام كنا نتابع الاذاعة حتي تنتهي برامجها .. ولم اسمع ابدا ان احدا قال لهم اني حلمت بكذا اوكذا ...
حبوبات وين ديل المستجدات ديل ..
عمر علي حسن
01-12-2013, 06:10 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
مني البحث عن المداخلات بين بعضها يربكني .. ويطير فنجان القهوة من راسي .. هذا وسنرسل لكم ياسين يفهمكم كيف نفهم نحن ..
ثم ان قلي البن ذاته لابد ان يكون محضورا .. فتلك عملية اساسية في اللمه والونسه (من جوه) .. كانت حبوبتي خديجة لها طقوس في عمل القهوة .. كتبت عنها بحثا في ال TQM واخذت عليه تقديرا وجائزه .. فهي كانت ترتب الحوش وتستحمي وتفرش العناقريب والبنابر .. ثم تخرج الكانون وتختار الفحم باحجام متساويه وتوزعه علي المنقد المنظف من الرماد والمغسول بالماء .. ثم تشعله بالورق وليس بالغاز ولا من جمر اخر يقتله الوقت ويجعله مصدرا للرماد .. وتخرج البن المفروز اصلا والمغسول والمجفف وتأخذ النار (بالماشه) بعد ان تتجمر وتضعها متلاصقة علي القلايه (القدح) ثم توزع البن عليها وتبدا عملية كالرقص وهي تحرك البن والجمر الي اعلي وتنفخ فيهما فيتصاعد الدخان .. ويسافر عبقه الي ارجاء الحوش الواسع .. ويكون عددا من الكبار من اعمامنا واخوالنا جلوسا يستمتعون بالرائحة الزكية ويتابعون الصنعة المتقنه حتي تكتمل .. ويشربون القهوة ويدعون لها بالبركة وطول العمر ..
فان كانت قهوتكم كهذه جامعة للاحباب فان الجلسة لابد ان تسعد .. اما اذا كانت بالتنكه والبن المحوج .. فقهاوي دبي فيها ..
شربنا .. واتكيفنا ..
عمر علي حسن
01-13-2013, 04:23 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: فكل سنة وإنتو طيبين وحقيقي ماعارفة ده سابق المواعيد ولا فات من المواعيد.. لكن عارفة أنه رسلوا لينا حلاوة المولد من السودان وهاتصلنا بكرة بإذن الله!
كل سنه وانتي طيبة في هذه المناسبة التي احبها واتبرك بها .. اليوم ياستي حسب الامارات هو الاول من ربيع الاول مع ان الهلال شكله بتاع يومين .. يعني باقي عشرة ايام لليله المولد التي تكون الاربعاء بعد القادم والمولد نفسه يوم الخميس .. عليك معايده تاني ..
Quote: لكن عارفة أنه رسلوا لينا حلاوة المولد من السودان وهاتصلنا بكرة بإذن الله!
ومازالت حلاوة المولد تصلني من عماتي .. واقوم بتخزين جزء منها تحت المخدة عشان مني وامير ما يعملوا دكاترة عليّ ويقعدوا يقولوا لي السكري واعمل حسابك .. اعمل حسابي ليه ؟ امال انتو عملوكم دكاتره ليه ؟
ساحكي لك الكورة عن المولد ومحبتي للرسول ومن يحبونه
انت ياخال يقولو ليك ناس ياسين ما عارفنها حبوبه والا بيبي ستر تقول لي فيرشن .. اكرم مره جينا السودان وعمره تلاته اربعه سنين .. مشينا رفاعه .. كل واحده تمسكو هي يا ود امي تعال سلم علي انا حبوبتك .. زهج ليك من القصه دي وفجر الموقف مع واحدة من بنات خالاتي قال ليها .. هو شنو ؟ كلكم حبوباتي ؟ انا حبوباتي المشلخات بس .. اي واحده ما مشلخة ما تقول لي حبوبتك !!!
اها خليها تتشلخ ..
عمر علي حسن
01-13-2013, 10:05 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
أنتو كلامكم ده كان تقولوه في بوست يوميات حبوبة.. كان نزلت ليكم صورتي بالشلوخ الماها خمج! والله حلاتها الصورة بالتوب والشلوخ..
وكمان عندي صورة تانية قاعدة أعوس في الكسرة في صاج علي الارض..يعني كانون طبيعي.. صاج علي 4 طوبات فوق الأرض.. كل ماناره تخف نزيد ليه فروع الشجر الناشفة..
أجيبهم ولا صدقتوني؟؟
.... ....
01-14-2013, 07:51 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
والداخل الي المنبر عليه أن يتعلم القفز بين الصور والعناوين... هذا غير عناوين البوستات في أعلي الصفحة والكاريكاتير علي الجانب الأيسر.. كأننا ندخل الي مخزن مليء ببضاعة مسروقة من محلات مختلفة!
أثناء دخولي إصدمت بإحدي الدعايات والتي أخذت مني وقتا طويلا للخروج منها..وقتا جعلني اقفل كل الويب سايت ثم الرجوع له.. في المرة الثانية إصتدمت بجسد تلك الشابة المعلقة..يخرب بيتك أكيد قاصداني علشان أتعقد!
لكن ما أثار إستغرابي وغيظي هو ذلك السؤال عن معرفتنا لجدة داؤؤد عليه السلام.. طيب فالنفرض عرفناها..هايحصل شنو؟؟ يعني مغرفتها هاتفيدني بشنو بالظبط دلوقتي؟؟ وبعدين هو انا أسه عرفت جدة ابوي القريبة دي عشان أعرف جدة داؤود عليه السلام؟؟ .................. ..................
01-14-2013, 08:04 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
في حياته القصيرة والغنية بالفن وبالصدق والرفض العلني لما لا يحبه.. صنع تاريخا يخلده ..تاريخ مختلف عن تاريخ اي فنان آخر..
كنت أتمني أن أسمعه في أناشيد وطنية..قناعتي أن صوته القوي خلق ليخلد الوطن أكثر.. ............ ............ علميا..الموت الإكلينكي أو السريري يعني الموت الحقيقي. إلا أن الله وحده قادر علي إرجاعه للحياه بمعجزة..وقد حدثتنا أخبار هنا وهناك بحالات نادرة رجع فيها اصحابها من نهاية الطريق لبدايته.. قادر علي كل شيء يا كريم!
............ ............
موت الشباب مؤلم..خاصة عندما يكونوا مبدعين ولهم مكان في قلوب شعوبهم..
Quote: علميا..الموت الإكلينكي أو السريري يعني الموت الحقيقي. إلا أن الله وحده قادر علي إرجاعه للحياه بمعجزة..وقد حدثتنا أخبار هنا وهناك بحالات نادرة رجع فيها اصحابها من نهاية الطريق لبدايته.. قادر علي كل شيء يا كريم!
ويسألونك عن الروح قل الروح من امر ربي وما اوتيتم من العلم الاقليلا .. صدق الله العظيم ..
سانام مهموما .. وادعو له
عمر علي حسن
01-14-2013, 09:55 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
................ ................ طيب في زول قال أنه حبوبة سيدنا داؤود مدفونة في رام الله.. سمح سيدنا داؤود في عضمه مدفون وين؟؟
مش أولا نعرفه هو قبل حبوبته؟؟
وبعدين والله المدافن عن الأنبياء وأسرهم ومن الإخرين المذكورين في التاريخ مختلف عليها.. قبل سنين عرفت إنه أهل الكهف مدفونين في مكان في تركيا.. كنا في مدينة إسكندرونه وصعب علينا نصل المدينة ديك.. أها قبل شهور كنت في الأردن وفي مدينة في الطريق لباترا قالوا أهل الكهف مدفونين هناك!
وبعدين بقي؟؟ دلوقتي سيدنا الحسين موزع بين العراق ومصر! ............ ............
Quote: وبعدين والله المدافن عن الأنبياء وأسرهم ومن الإخرين المذكورين في التاريخ مختلف عليها..
هل توقفت عند حكمة الله في هذا الامر .. فان العلم بمدافن هؤلاء الانبياء سيجعل الجهلاء يعبدونهم من دون الله .. هذا من ناحية ومن الناحية الاخري فانهم لم يكونوا رسلا للكافة وانما كانو رسلا لاقوامهم فان العلم بمدافنهم قد يؤدي الي نزاع يتجدد كلما ظهر رسول الي نفس الامة او امة غيرها .. وقد استثني نبيه الكريم محمد صلي الله عليه وسلم .. وهو يعلم جل وعلا انه ارسله للناس كافة وانه لانبي بعده .. وقد عمل اليهود علي محاولات لسرقة جثمانه صلي الله عليه وسلم .. وهذا دليل علي ان العلم بمكانه سيزيد الاسلام قوه ..
لذلك فان البحث عن اماكن دفن الانبياء لن ياتي بنتيجة صادقه ..
اما اهل الكهف فالاكثر شيوعا انهم دفنوا بتركيا .. والادعاء بدفنهم بالاردن قد لايكون له سند .. واظن ان الله لم يورد بيانا يحدد عدتهم لانه لم يرد اظهار مكان دفنهم فلا يتخذهم الجهلاء الهة ..
ما الفائدة من كل ذلك
عمر علي حسن
01-16-2013, 12:53 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
والله العظيم أنا صفاتي البايخة دي ماعارفة أعمل شنو معاها! يعني إتلموا علي عناد وحماقة!
قبل نص ساعة كتبت في بوست يوميات حبوبة..يعني ما مهملاه زي ما بتقولوا.. ولحظة رسيل الرد لقيت النت عمل حركات..وطبعا صاع..ودي المرة التالتة يحصل لي كده! جيت لحظة وكتبت برضه نفس الشي حصل.. العناد وين؟؟ العناد في إني مصرة أكتب.. والحماقة وين سمح؟؟ في إني زعلت وابيت أكتل في يوميات حبوبة!
يكون في زول عامل لي سحر علشان ما أكتب هناك؟؟
.......... ..........
وبعدين حبوبة سيدنا داؤود دي اهلها سموها رحيل كيف؟؟ في زول يدوبك وصل الدنيا يسموه رحيل؟؟ اسة لو في زمنا ده كانت الناس إتشائمت!
أسمع ..بتعرف إسم حبوبة سيدنا يونس كان إسمها منو؟؟
.......... ..........
أسه في سطرين بس كتبت سحر وتشاؤم..الليلة مالي؟؟
01-16-2013, 01:50 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
لكن خليني ابحّت ليك في مقامات اليهود يمكن القاها .. انتو عندكم امتحان حبوبات والله شنو ؟ .. نحن ما عملوا لينا امتحان جدود .......... ______________________________________________
حقيقي عندنا لمة حبوبات وعايزة اكون جاهزة بالونسة والشمشرة.. قالوا السرة وفطين جايات من الحج وجايبات معاهم قصص كتيرة .. واصلها ام الحسن بت سعدة حافظة سيرة حبوبات وبنات عمات زوجات أولاد خالات ناس مذكورين في التاريخ إلا ما مذكورين في كتب الدين..
أها اللمة دي قلنا نستعد ليها.. حضرنا العناقريب بالحبال المرخية ورشينا رملة الحوش وحضرنا الاباريق والبروشة للصلاة.. وسعيدة بت خديجة بت أختي ماشة تسويلنا الجبنا والشاي باللبن المقنن والليقيمات..بعد ما مرت ولد بتي غسلت الزير وبخرته وغطته بالصينية الألومنيوم.... وأصلو تراه التمر بأنواعه موجود.. بلح تمود والقونديل مالي الشواويل في المخزن يسمعوا في نضمي ده معاك.. أها كمان قلت بالمرة احدث بت وهب تجيب ودعاتها وتجي تونسنا بيه يبقي نلقي منها حجة ولا عمرة ظاهرة في الودع..ولا كمان فطين تعرف خبر عن سفريتها للقاهرة..جيدلها..ولدها ماشي يركب لها طقم اسنان هناك! ..
أها لمتنا وقت تتم بحدثك بإسم الحبوبات الماك عارفوم
والتحكم في مواعيد الدفن من الأمور التي تمكن منها النظام الحاكم في السودان.وفي نفس الوقت..هناك ايضا بعض الحظوظ في ساعة الدفن... فقد تحكم من قبل في مواعيد دفن وردي فكان عدد المشيعين رغم كبره لا يتناسب مع حجم وردي .. توقع النظام ان يخرج الناس في التشييع للتظاهر.. وأعتقد أن الناس لو خرجت في التشييع وغنت أناشيده فقط لكانت تلك أيضا مظاهرة أكبر من أي توقع..
وكان ذلك الإعتقاد في رأيي موجودا عند موت محمود..فالشباب المعجب بمحمود فاق عددهم اي تخيل.. محمود ضحية النظام العام والصادق في التعبير عن مشاعره..ماكان لموكب تشييعه أن يقل ابدا عن اي تظاهرة ضخمة حتي والنظام يستثمر بعض صور له باللبس العسكري.... إحتاط النظام في المرتين..في إختيار توقيت الدفن.. فلا يصل عدد من الاقاليم والخارج لحضور دفن وردي.. وفي نفس الوقت التحكم في مواعيد دفن محمود كانت بنفس الطريقة.. وإلا فما المنطق..فمادامت الطائرة خاصة.. فلماذا لم يحضروا جثمانه صباح الجمعة لحضور صلاة الظهر..أم أنه خوفا من الجوامع ومظاهراتها بعد الصلاة؟!
.............. .............. في الخرطوم وعندما مات الشاعر حميد بعد حادث الحركة..لم يستغرق الأمر كثيرا..فبعد وفاته بساعات قليله كان جسده قد وصل مقابر الحاج يوسف..ومواعيد دفنه كانت هي المواعيد التي كان يجب عليه فيه تدشين كتاب في الخرطوم...سبحان الله! كان الحضور علي الرغم من كبره لا يتناسب مع حجم حب الناس له..
في المقابر هتف الناس بأشعاره وغنوها بعد الصلاة عليه مما أزعج بعض أفراد النظام وظنوا أن الأمر سيتطور الي مظاهرة.. فكانت كلمات البعض التي تستنكر الهتافات وهي في طريقها للخروج من المقابر بعض الصلاة.. وخرجت إحتجاجات تستهدف النساء...
من متين النساء بيحضرن الجنايز ده كلام فاضي!
حميد في وجدان الشعب كان يحمل معني الأرض والوطن.. كما كان وردي أصبح الصبح وبناديها وأكتوبر..
............ ............
حب الناس للفقيد يعبر عن نفسه بكل الاشكال المتاحة..وهو علي كل حال اصدق من اي تنظيم للدفن..
............ ............
عندما مات زيدان..وعندما وصل جثمانه للخرطوم ثم لأمدرمان..إنقفلت كل الطرق وصعبت الحركة علي العربات..ظهر وكأن العالم كله كان هناك..كل يعبر بطريقته عن فجيعته! وأمام باب نادي الفنانين حيث العزاء تكوم العالم كله مما ادي بالشرطة لقفل المداخل له..كان جتمانه ليمر من نفس الطريق..وهناك ولأول مرة في حياتي أري هذا العدد العائلي الضخم للفنان زيدان..عائلي لا يمت له بصلة دم..بل بصلة الرحمة التي كان بها كريما.. لم اسمع بتلك الصلة عن طريق الحكي أو المذياع..بل سمعتها بأذني من أغلب من كان يصرخ وينوح في الطريق.. كان يدفع للبعض ايجاراتهم..وللبعض الآخر بمصاريف يومهم ودراستهم..بينما كان يجود علينا نحن بأجمل أغنياته! حبي له وما قدمه في حياته لنا هو ماجعلني أشيعه مع الآخرين!
............. ............. هؤلاء وآخرين فنانين لن ينساهم الشعب ولن تمحي أي سلطة حبهم من القلوب.. رحم الله محمود عبدالعزيز..ورحمهم جميعا..
........ ........
ومع موت محمود ..مات أيضا أحمد شبك.. ولأنه لم يكن تحت الأضواء كما كان محمود عبد العزيز في السنوات السابقة.. وعلي الرغم من سكناه في الوجدان السوداني في ظاهرة الثنائي القادم من الجزيرة.. الا انه مات بهدوء وبدون أن ينتبه لموته الكثير..وكان ذلك حظه والذي ليس هو علي الإطلاق مقياسا لحب الناس له..
رحمه الله رحمة واسعة.. وطول في باقي ابناء الفن المخلصين..
........ ........
01-18-2013, 03:55 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
ثم جاءتنا نشرة 6 صباحا لتبشرنا بأيام جليدية قل ما تمر علي مدينة لندن! فبينما تتراوح درجات الجليد بين الأصفر والبرتقالي والأحمر.. الاصفر فيها 5 سم والبرتقالي 10 والاحمر 20سم في كل البلاد شمالا وجنوبا غربا وشرقا... فإن مدينة لندن بالتحديد فيها كل الدرجات.. والجليد وخطورته تكمن في تعطيل الاعمال وبالتالي الحياة..فالحوادث فيه تكثر ولا يستثني من ذلك حوادث الشائرون علي الاقدام من حوداث السير للعربات.. كذلك ذكر التحذير الإخباري أن الجليد في الايام القادمة قد يقفل عدد اكبر من المدارس بجانب ال26 مدرسة التي تم إقفالها فعلا..
......... .........
علي المستوي الخاص..أخافني الجليد ومنعني من الخروج لمقابلة طبيبي في مواعيد اليوم.. فعلي الرغم من أن ذهابي يكون بالعربة وكذلك رجوعي..الا أن الامر لا يخلو من المخاطرة.. إذ ماذا يحدث عند نزولي من العربة والدخول للمستشفي؟؟ ماذا إن زلقت قدمي وهي مازالت في طور الشفاء؟؟ وماذا لو زاد الجليد وحدثت حوادث في الطريق..ومن ضمنها العربة التي أستقلها؟؟
........ ........
والله البني آدم ده..أتاريه خواف خلاص!
01-18-2013, 04:07 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
يل آدميين ناس البندر يا ام عروض - اما نحن بنأكل نار والتلج ما بنشوفوا الا مع المطر البصب وقت العصرية وكمان برعدو وصواقعو .
انت فاكرة ساي ؟ _________________________
أنت مش مرة يا ود شيقوق قلت لي لما أخدوك في الجامعه في ناس من أهللك سافروا ليك من بلدكم شايلين ليك ملاح وكسرة في قدح كبير علشان انت وأصحابك؟؟ أها تتذكر لما قالوا كمان ما يرجعوا ايدهم فاضية..قاموا أشتروا ألواح تلج هديه لأهل القرية..لما رجعوا لقوها مافي قاموا إفتكروا اللوري بتاعهم مسكون.. تتذكر الكلام ده؟؟
قال بيشوف التلج مع المطر البيصب.. ده وين الكلام ده؟؟
أنت فاكر ساي؟؟
01-20-2013, 04:28 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: سيد التلج قال ليهو ...انته مشتريهو داير تبني بيهو عتبتين ؟؟؟
طيب ياقباني .. كلم خالي الطيب قول ليهو الشايقي اشتري التلج من عطبرة لي اهله في كريمه وختاهو في شنطة الحديد وقفل الشنطة بالطبله .. لما وصل فتح الشنطه ما لقاهو .. قال وا فليلي الليلي انا ما سرق ..
بعدين ياخال التلج بتاع مطرة العصر ده اسمه بَرَد .. يقع في الراس يفلق .. يقع في الوطه يسيح .. لكن بتاع لندن ده ما معاه مطره .. بينزل براه زي (الهبو) ويصل الواطه يجمد .. ويتصلب .. ويجو عرب رفاعه يتشرقطو فيه ..
عمر علي حسن
01-20-2013, 03:56 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
ومن الغباء أن نصدق إشاعات النظام عن تجنيد محمود عبدالعزيز في الأمن وإلتزامه بدور ما يقوم به جماعات الأمن.. فلو أنه كان كذلك..لكان قادرا علي أن يحمي نفسه منهم في كل مرة حاولت فيه محاكم نظامهم إهانته.. ولو كان كذلك لما خافوا أبدا أعداد المشيعون ولا خافوا حزتهم..
علقت لي صديقتي.. قالوا جتمانه هايصل الساعة 10 بالليل.. إلا انه وصل في الخامسة مساء وخرجوا به من الخلف وبشارع القياده مما أدي لثورة الغضب من كل الذين كانوا يودون إستقبال جتمانه في المطار.. وده السبب في دخولهم المطار وتهشيم ماقابلهم في داخله وخارجه..
فكرت في تعليقها أكثر عتدما قالت.. الكذب دايما ليه آثاره السيئة.. حاله الغضب وتحطيم المطار ذكرني بنفس الحالة الحصلت للناس لما مات قرنق .. غضب وتكسير لكل شيء بسبب تمرير معلومات غير صحيحة لهم..
........... ...........
01-20-2013, 04:37 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: طيب ياقباني .. كلم خالي الطيب قول ليهو الشايقي اشتري التلج من عطبرة لي اهله في كريمه وختاهو في شنطة الحديد وقفل الشنطة بالطبله .. لما وصل فتح الشنطه ما لقاهو .. قال وا فليلي الليلي انا ما سرق ..
بتقطع مالك يا خال مع قريبك ود قباني ؟
انتو شفتوا السرقة ؟
زمان وانا طالب في الجامعة مسافر في القطر متوجه ام عبد الله في البردانة وكنت بدييييييييييين من اكل الجامعة الما خمج اها شالتني ليك نومة طوييييلة في القطر ولما وصلت ام عبد الله قالت لي وين العدة الجيت بيها ؟
اسمععو ياشباب .. بوست بت الخليفه عوض ده مسكون . . مرتين اعمل بيست للمداخله وما القاها .. اها .. دي لو ما دخلت انا بمش البس الحجبات واجيكم ___________________________________________________
والله كلام عاقلين.. أخيرلكم كلكم تجوا لابسين حجبات.. البوستات الإتنين مسكونات..والعجب الفي المكتبة ...القرايات تنقص براااااها قبلها وحدا! ............ ...........
أمس كان عندنا سماية.. بت أختي ولدت تيمان بنات..ملك ومنة ماشاء الله عيهم ماتقدر تفرقهم من بعض.. وعاملين زي العرايس اللعب!
Quote: تسني وين ياولد .. امشي اقرا كرت عيد ميلاد ياسين وتعال راجع .. وقول ليها قولي ام عروض
انا شفقان عليها يا خال شايفها طالعة يس ونازلة يس
انا خايف يس دا - الله يطول عمرو - بعد يكبر ويعرس وتقوم مرتو تلد وام عروض تفرح وتشيل ليهم زيت السمسم والسمن والتمر والقمح المدور وبعد تصل ما يفتح ليها الباب و يقول ليها Sorry you don`t have any appointment with me
01-20-2013, 05:46 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
انا خايف يس دا - الله يطول عمرو - بعد يكبر ويعرس وتقوم مرتو تلد وام عروض تفرح وتشيل ليهم زيت السمسم والسمن والتمر والقمح المدور وبعد تصل ما يفتح ليها الباب و يقول ليها Sorry you don`t have any appointment with m
_______________________________
تصدق يالطيب أنا ذاتي خايفة! اصلو الزمن ده حكاياته غريبة وشكل الإحتفاظ بالأهل الكبار في البلد دي ما زي مادايرين!
علشان كده انا ماشية الشماليه أبني بيت الطين وإحتمال أعمل لي طربيزة جبنة وشاي زي حقت أم الحسين في مروي.. أهو عشان ما نقعد بدون شغل..
ياحليلكم وحليل سودانيزازنلاين..والله هاتوحشوني.. غايتو إن جيتو الزومة اسألوا من حاجة بت المني..تلقوني في البيت القصادها لغاية ماكده قهوتي تشتهر وتجوني بدون وصف..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Muna Khugali
الطيب شيقوق
يحي قباني
خالد علي محجوب المنسي
فيس بوك
تويتر
انستقرام
يوتيوب
بنتيريست