|
|
|
 Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote: اكان خالتو اسما زولة ساهلة دربك مرق طاب واكان بقت زولة استنتاجات وتحليات حرم جد بلة ما يفكك
انت فاكر ساى؟ |
اللذيذ اسما ذاتها خالها اسمه بله .. اها القبله علي وين ؟ .. بعد ده الا الواحد يشيل شيلته زي غنماية ود نفاش ..
عمر علي حسن
| |
 
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: عييييييييييك خم وصر |
طيب لما انا قبيل قلت ليكم : ولم يتغير وجهي خلال كل هذه المطاولات .. مش عاقل بالله ؟ .. مالكم قعدتو تبربحو لي في العصي ..
يا خالي الشايقي ما قال ليكم راقد لي فوق راي ...... افهموها بقي .. .. تقومو تورطونا كده ؟
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote: نحن ما بنورط لكن اكان جاتك وضاحة قادلة بجاي ولطشتا هنا- عييييييييييك الله كشف حالنا
|
وضاحه ياخال هينه ما بتفوّتك الطياره وتقول للعتالي ساعدو وصل ليه الشنطه بره ..
انا ياخي متحامي فيكم من المغسه الكاتلاني ليها ستة سنين وما قادر اتوحوح ولا اعضي سنوني مع الناس
الما بخافوا الله ديل عشان ما يقيفوا لي في باب المطار او يشيلوا جوازي (المدبل) ويخلوني لا عارف اطلع
ولا انزل ...... ياخي قول لي انت زول كلس .. انت زول صبور .. انت حتخش الجنه
تقول لي شنو ؟ طيب ما كده خسرتنا الدنيا والاخره
والله يالطيب القصه دي انا داخله علي دخله .. لما يوم فكرت اشتري لي جواز تشادي .. وكان ما المقابر كنت
عملتها ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: وبدون ان يقول صف ضابط الجوازات كلمه ختم علي الجواز ومده لي بيسراه دون ان
ينظر اليّ .. فشكرته .. |
علي نقيض ذلك .. دعانا احد رجال المال وكنا في زيارة لسويسرا لتناول الغداء في مطعم شهير بمدينة ليون القريبة من جنيف .. وخرجنا
من فندق دي رون المطل علي بحيرة لوزان نتامل الجمال والمنظر الساحر امامنا وهو منظر يأتيك من نوافذ الغرفة والحمام وحيثما كنت لتنسي
كل ما حولك سوي جمال الطبيعه .. فخرجنا دون ان نصطحب حقائب اليد وبها جوازات سفرنا .. ولما كانت وجهتنا خارج الحدود السويسريه
فقد توقفنا عند نقطة الحدود وسالنا الشرطي عن جوازاتنا فذكرنا له اننا نسيناها بالفندق .. فابتسم سعيدا كان ربه قد انزل عليه (لقيّة) .. وقال
ان المشكله ليست في دخولنا ولكنها ستكون في الخروج اذا تغير هو بحارس آخر لا يعرف اننا دخلنا من هنا ..
واسترجع فقال .. اوكي .. سآخذ هذه الاذن الكبيرة لصاحبكم الجالس في المقعد الخلفي واسلمها للشرطي البديل وعندما تعودوا اطلبوها منه فيفهم
انني ادخلتكم بدون جوازات ويعيدها لكم وتذهبوا .. اتفقنا ؟ .. نعم .. هيا تفضلوا بالدخول ..
وبعد ان قضينا يوما جميلا عدنا في طريقنا الي جنيف ووجدنا شرطيا غير ذلك .. فنظر الينا وعرفنا وقال .. انا اسف.. لن استطيع ان ارد
اليكم الاذن لان زميلي اخذها معه ليريها امه ثم يعيدها ... ثم اردف غامزا للراكب صاحب الاذنين الكبيرين .. Sir, your ears are really
attractive ! تفضلوا بالمرور .... فدخلنا ..
كان هذا في الزمن الجميل .. قبل ان تمتليء المطارات والمنافذ بالملائكة الغلاظ الشداد من حفظة جهنم ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: جنس شوية هي !
انا قلت مشيتي العين .. لكن فهمت انك ما جيتي ..
طبعا السبب العملية .. مش الطيارة ..
وفاتتني الطياره وانا اتسكع بين مكاتب الامن في مطار الخرطوم .. وتلك متعة اخري لااملك تجاوزها باختياري .. فانا ادفع اليها دفعا
وامارس فيها صبرا لا يعرف عني دائما ..
جئت الي المطار الدولي بتاعنا .. ووزنت حقائبي واعطوني بطاقة الركوب ومضيت الي الجوازات فنظر المسئول في جوازي وقلبة
يمنة ويسرة وسالني .. انت عندك جوازين مع بعض ليه .. فقلت له احدهما ملغي وبه اقامتي في الامارات ولامتلائه الصقت السفارة
الجواز الجديد به .. قال طيب ليه ما نقلت الاقامة في الجواز الجديد .. قلت له لم اجد ضرورة ولا وقتا لذلك فانا علي سفر مستمر ..
قال لي مش علي كيفك تربط جوازين مع بعض .. قلت له لايضيرك هذا في شيء فجوازي الجديد ساري وبه اشارة للجواز السابق
ويمكنك الاعتماد عليه كوثيقة صحيحة .. قال لي يعني انت اديت نفسك الصلاحيه توريني اعتمد علي ايه وما اعتمد علي ايه .. قلت
له حاشا لله انت هنا لانك تعرف عملك .. قال لي طيب خلينا نمشي الصف وانتظر شويه ..
انتظرت شوية فقرر ارسالي ال مكتب الامن .. وهناك وجدت شخصا اخر راي في الموضوع احتمالات اخري ولكنه لم يناقشني ..
واشار لمرافق له ان يذهب بي الي مكتب النقيب .. ومكتب النقيب في مبني مجاور للمطار والوصول اليه اما بالسيارة او بالسير
مسافة لا تناسب من يرافقني فقرر ان ننتظر السياره .. وبعد قليل جاءت السياره وفيها مكان لشخص واحد فطلب المرافق من
السائق ان يودي (الزول ده) للنقيب .. وركبت .. وسال النقيب السائق .. فقال له انا بس قالوا لي اوديه ليك ..... ارسل النقيب
السائق لاحضار المرافق ولم يقبل مني ان اشرح له اي شي قبل ان يحضر المرافق ..
قال المرافق للنقيب ان المكتب ارسلني لمراجعة اسمي بالقوائم الخاصه لانه (شكلي عامل حاجه) .. اخذ النقيب الجواز وفتحه
وقرأ الاسم والعنوان وقال لي سيادتك عمر علي حسن بتاع الشرطه .. انا اسف يظهر في غلط في الموضوع .. واعاد لي الجواز
وعزمني علي كباية شاي اشربها ريثما تعود السيارة ..
وعندما اعادتني السيارة الي المكتب الاول واوصلوني الي مكتب الجوازات .. لاحظت بطرف عيني حقيبتي بجانب سير الجمارك
لانها لم تذهب للطيارة .. (بلاده منها) .... وبدون ان يقول صف ضابط الجوازات كلمه ختم علي الجواز ومده لي بيسراه دون ان
ينظر اليّ .. فشكرته ..
ولما طلبت من ضابط الجمارك تاشير حقيبتي سالني عن طائرتي فسميتها له .. فقال لي متبرما لو جيت طوالي كنت لحقتها ..
الطياره دي قامت قبيل .. انت اصلك كنت وين .. فقلت له لا بس مشيت هنا وجيت .. فطلب من احد الحمالين مساعدتي لاعود
الي الكاونتر الخارجي ..
ولم يتغير وجهي خلال كل هذه المطاولات .. مش عاقل بالله ؟ |
عاقل بس؟؟
هو اساسا لما كان بيقاوح كان عايز فرصة يفرض فيها شخصيته!
غايتو المطارات دي قدر مافيها ناس حلوين وفاهمين بيعملو شنو..فيها ناس مالمفروض يطلعوا في أي واجهة في المجتمع..
حصل لي موقف في ساعته كان سخيف لكن بعد كده مضحك..
وصلت لمطار أديس أبابا لحضور مؤتمر..معي كانت مجموعه من دول مختلفة سافروا عن طريق لندن..
قدمت للفيزا بالمطار..فطلبوا مني الإنتظار.ز
المهم الوقت طال والجماعة المعاي كلهم مشوا بعد إنتظروني كتير..
رجعت اسالهم عن سبب التأخير..
طبعا بتكلم بالإنجليزي وهم بيردوا علي بلغتهم..
يقلبوا في الباسبورت ويتكلموا!
ياخوانا أنا ما فاهمة إنتو بتقولو شنو..لوسمحتوا كلموني بالإنجليزي..
الجماعة يعاينوا لبعضهم ويتغامزوا..
في الأخر قرروا يسألوني باللغة التي افهمها..
إنتي جاية ليه أديس؟؟
لحضور المؤتمر..ياه دي الدعوة..وياهو ده عنوان المؤتمر وعنوان هوتيل السكن
وده إسم الجهة المنظمة ودي نمرة مكتبها وكانت الدعوة من فورد فاونديشن..
أخد الاوراق كلها ورجع طلب مني أمشي أدفع رسوم الفيزا..
مشيت شباك الفيزا نفس الكلام..ياخوانا والله أنا مابعرف لغتكم!
المهم بعد خد وهات وضحكات إستهزاء دفعت القروش
رجعت لناس وقالوا لي إنتظري شوية..
بعدين تاني نادوني في مكتب جوه شكله كده مكتب أمن!
الكلام ده كان في 2005 والجماعة دوبهم طالعين من الحرب التانية مع افورقي..
ولأن الباسبورت بتاعي فيه تاشيرات كتيرة لارتريا..وهو باسبورت بريطاني..
الناس دي إفتكرتني يا اثيوبية يا أريترية جاسوسة..
وبستهبل عليهم!
قلت ليهم عاينو في محل الميلاد بيقول شنو..
مش بيقول سودانية الميلاد؟؟
طيب أنا سودانية وما بفهم لغتكم المشكلة وين؟؟
المهم مسكوا الباسبورت عندهم بعد ناس المؤتمر إتصلوا وأخدتوا منهم تاني يوم!
طوال الوقت محافظة علي هدوئي وأنا عايزة أتحرق من جوه..
..........
..........
بعد كده مشيت أديس مرتين وما سالوني خالص..علشان باسبورتي مافيه تأشيرة لأريتريا!
| |
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: Muna Khugali)
|
Quote:
عاقل بس؟؟
هو اساسا لما كان بيقاوح كان عايز فرصة يفرض فيها شخصيته!
غايتو المطارات دي قدر مافيها ناس حلوين وفاهمين بيعملو شنو..فيها ناس مالمفروض يطلعوا في أي واجهة في المجتمع..
|
مني .. كلمي خالي .. قولي ليه الزول ده راقد لو فوق راي ..
ذات صباح هبطنا مطار بغداد (اظنه في منطقة الحبانيه التي بها اشهر سجون العراق في ذلك الزمان) .. ومطار بغداد مطار (عقائدي) يستقبل العرب
بضجيج وترحيب صخاب .. ويقول لهم وحده حرية اشتراكية .. وشعب عربي واحد وجيش عربي واحد ووطن عربي واحد ومصير عربي واحد
وكل شيء عربي واحد .. ولافتات حزب البعث التي تملأ المطار لا تترك لك مجالا للاعتقاد بانك نزلت بعيدا عن دار مشيل عفلق .. وانك لن تخرج
من بغداد الا وقد اقتنعت بان ما يدعو له هو المخرج من كل ازمات ومصاعب الامه العربية ..
وتحل صالة الجوازات .. كانك تدخل بيتك فلا تجد الا التحية والترحيب .. ولو طلبت منهم سريرا لاحضروه لك لمزيد من الترحيب ..
وبعد ذلك تكون دخلت العراق الشقيق .. فتبدأ بالجمارك .. ويكتبونها بالكاف (الكمارك) .. الحكاية دي مزعلاني شوية ..يعني كل العرب كاتبنها بالجيم
هم ليه يكتبوها بالكاف .. ايجب ان يكون هذا وجه خلاف بين العرب .. والله بس وحده عربيه في اللافته ووطن عربي واحد وشعب عربي واحد وديل
جمارك وديل كمارك ؟ ...
المهم في الكمارك تفتح الشنطه فتغيب الوحده العربية فورا وتسقط كل الشعارات ويبدأ التدقيق علي كل شيء باليد والمشرط والسماعه ويطول البحث
فيما يكون مغلفا بعناية خاصة فلابد من فض التغليف والسؤال عن المحتوي ثم فتح المحتوي وتقليبه وفحص اطرافه وربما تفكيك الاطراف اذا كان من
الممكن ان تكون مثيرة للشك في انها تحتوي ورقا مبروما به رسالة سرية .. الشك في الجاسوسية والتعليمات المخفية هاجس يسيطر علي كل ضباط
الكمارك .. وافلات شيء من ايديهم يعرضهم للشك في نزاهتهم ويمكن ان يوديهم في ستين ..
ومعي هدايا من المشغولات العاجية والابنوسية احملها لمسئولين سالتقي بهم ومن بينهم عزت الدوري وعلي الغلاف ديباجة باسمه وصفته .. ولكنها
لم تسلم من المشرط رغم انني طلبت منهم ان يرسلوها بنفسهم لمكتبه .. ولكن نو واي .. كمارك يعني كمارك .. وخرجت من الصاله وملابسي
(مفرفره ومشنتله) وصناديق واوراق تغليف الهدايا (مدفوسة) فوق بعضها وغطاء الحقيبة مطبق علي الكل ..
خرجت وقد سقطت شعارات الوحدة العربية وحل مكانها سخط يمزق العالم العربي الي (ستين حته) .. وحقيبتي تمر من امام المراقبين فيقلبونها ليتاكدوا
من التاشير عليها .. ورغبتي في التسكع لاتجد من يقول لها هيت لك ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: وبعد ذلك تكون دخلت العراق الشقيق .. فتبدأ بالجمارك .. ويكتبونها بالكاف (الكمارك) .. الحكاية دي مزعلاني شوية ..يعني كل العرب كاتبنها بالجيم
هم ليه يكتبوها بالكاف .. ايجب ان يكون هذا وجه خلاف بين العرب .. والله بس وحده عربيه في اللافته ووطن عربي واحد وشعب عربي واحد وديل
جمارك وديل كمارك ؟ ... |
وفي اي مكان تزوره تجد شعارات هتافية تحيط بك..
فألتعرف وأنت سيد العارفين بانه أكيد في وضع في الواقع مختلف عن تلك الشعارات..
زي الشعارات واللافتات في السودان بالتحديد خلال فترة التسعينات..
شعارات دينية..
ولا إسلام ولا رحمة!
لا تذهبوا لبلاد تكثر من تعليق الشعارات!
......
......
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: Muna Khugali)
|
Quote:
لا تذهبوا لبلاد تكثر من تعليق الشعارات! |
ما زمان بطلنا يامني .. وعملنا قائمة بالدول المحظوره .. ومن ضمنها العراق وسوريا واليمن السعيد والصومال وايران التي احببت قبل 1979 ..
لكن مصر والسودان ما بتحظروا لي رغم ان مطاراتهما لا يمكن التنسكع فيها
اجيك تاني بمطارات لها الاسبقيه في مرة قادمة ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: اجيك تاني بمطارات لها الاسبقيه في مرة قادمة .. |
يا مني
لقد طال وقوفنا عند السطر الثامن من الثانية النادرة حتي كدنا ننسي انه معبر للوصول الي اجابة للتساؤل الازلي المطروح للبحث منذ ستة
اسابيع : هل الانسان هو نفسه نفسه الطفل الذي دخل الحياه نظيفا شفافا خاليا من اي حس او فهم او رغبة او ارادة او تطلع او خطط او علم
او وسائل هجوم او دفاع ... او او او .. ثم تشبع بكل شيء من الحياة والناس والحاجة والظروف والسبل واصبح يتحول الي مخلوق متعدد
الاشكال وهو نفسه هو ذلك المخلوق الاول يكبر فتكبر معه المحاسن والمساوئ ويتلون بالف شكل والف لون .. فاذا اختلف انسان عن آخر
فان ذلك طبيعي لما يتعرضان له من اختلاف الظروف والبيئة وسبل التخلق والتعامل مع الحياة .. ولكن التحور والتقلب في ذات النفس هو
العجب وهي ذات النفس الواحده ..
لذلك سنغلق السطر الثامن ونمضي الي سطور جديدة علي جدار هذه الثانية النادرة علّي ابلغ الحقيقة .. هل انا نفس الانا .. ام شيء او اشياء
اخري .. وهل انا قطعة واحده للانسان المرصود في السطور المختلفة المكتوبة علي جدار الثانية النادرة .. ام اشلاء مبعثرة ومش نفس الانا ؟
ولحبي للتسكع في المطارات علاقة عندي برؤيتي للدنيا المشبعة بكل الجمال وكل القبح .. ولكن ذلك لا يرتبط كثيرا بحبي لبلد احببت التسكع
في مطاراتها .. واخري تصد مطاراتها نفسي .. فالبلاد مثل الناس تحبها لمنطق يقنعك بحبها في لحظة معينه وموقف ومظهر معين .. ثم تعود
وتجفل عنها وهي تتبدل (وقتيا) كما يتبدل بني البشر .. فلا يموت حبك لها ولكنه يتداعي الي بيات شتوي يخفيه حتي تنجلي اسباب بياته ..
واخري تكره مذهبها .. ولكنها تغويك في لحظة بتبدل يجذبك الي جمال لم تره بها فيئوب حسك بالكره الي بيات شتوي آخر ما يلبث ان يخرج
للسطح وهي تعود الي اصلها بتصرف ارعن اونزق او طائش .. اليس الانسان ايضا كذلك
وقد اسرني التسكع في ما يقارب المئة مطار في اكثر من سبعين دولة اتيح لي ان ازورها فاحببت بعضها حبا جما دون ان تحفل بي وانزلت
بعضا آخر في قائمة الحظر دون اعتبار لما اولتني من حفاوة .. وقد وجدت مطارات لا اعرف لغة اهلها تحاورني بالحب وتدعوني له ..
وتقبل علي بلهفة لا تفارق قلبي ابدا كالتي انزلتها علي قلبي فتاة ليوناردو دافنشي قبل ان يفصل بيننا حاجز اللغة التي لاتفهمها ولا افهمها ..
وكعاملة النظافة العجوز التي شهقت في مطار اديس ابابا وهي تراني ثم قالت (حوي) وذهبت تشتري كوب كابشينو من الماكينة وتطاردني
بها حتي وجدتني في جانب من القاعة وقدمتها لي بعفوية وحب وهي تضع المكنسة تحت ابطها وتمد لي الكوب بيديها الاثنتين وتحني راسها
في ادب كعادة الاحباش عنما يمحضونك حبا واحتراما .. وفهمت انني شديد الشبه بشقيقها الغائب منذ زمن .. وحدثتني وشدتني بحديثها وهي
تردد الكلمة الاثيرة الحنينة (حوي) كانها تتلمظ طعمها .. ولحظة مناداة الطائرة دسست في كفها ورقة من فئة المئه دولار تساوي راتبها لاكثر
من شهرين .. فردتها لي بضيق والم وهي تردد انها لقيت اخاها .. فاحسست بالحرج لغباء تصرفي واخرجت قلمي واعطيته لها ذكري
فاخذتني من يدي الي المراقب لابلغه بانها لم تسرقه او تجده علي الارض حتي يسمح لها بالخروج به من المطار .. ففعلت .. وعانقتني
وودعتني بدمعة ما تزال حرارتها علي صفحة خدي ..
افلا احب اديس ابابا واسمرا ودرداوا واتسكع في مطاراتها المتواضعة واشتري منها كل مرة شيئا من مشغولاتهم القطنيه وعليها الصليب .
واجمل لك ايتها العزيزة المسافرة مثلي كنسمة الهواء بين مطارات الدنيا ان لائحة اسبقية مطاراتي تتصدرها الخرطوم ايا كان حالها .. وعلي
جانبيها مطارات اسمرا واديس ابابا المتواضعه وكل مطارات افريقيا التي هبطتها شرقا وغربا وشمالا وجنوبا بما فيها مطار بوجمبورا
الضعيف الاضاءه والذي اذا دخلته خرجت منه للتو والفور .. ولمطارات افريقيا عندي منزلة خاصه .. فهي تعيدني الي نفسي وهويتي ..
ثم اصنف لك مطارات التسكع المبهر والمليء بالمشاهدات والتي تتحدث اليك مباشرة ودن حاجة لمترجم او دليل .. ومنها لو بورجيه واورلي
او شارل ديجول وجاتويك وهيثرو وجي اف كي وجنيف وزيورخ وبون وفرانكفورت (المطار المتعجرف) كما يحلو لي ان اصفه لانه يصر
ان تحدثه بالالمانية وان تعترف بتفوق الجنس الاري .. ومطارات اوروبا الشرقية كلها وهي ترحب بك اكثر كلما دفعت دولارات اكثر في
اسواقها الحرة ثم مطارات اسيا واستثني منها المطارات العربية غير الخليجية .. واقدم مطارات شرق اسيا جميعا فهي تنطق بالسحر والحفاوة
ومن بينها اشير الي مطار نينوي اكينو الضخم (مطار العمال) الذي لاتدخله الا والصفوف تملأه طولا وعرضا بل تمتد الي خارجه فيخيل
اليك انه لم يبق بالفلبين احد .. فاذا قدمت داخلا فانك تراهم عائدين فلا تحس الا بالديار وهي تمتلئ وتفيض .. وقد فهمت من المطار انهم
شعب متحضر غاية التحضر وجاد غاية الجدية ولا يكف عن الاستمتاع بحياته رغم قسوة العيش ببلاده وفقرها
وسامضي من هذا السطر الي سطور اخري فالطريق مازال طويلا امامي .. لا عرف هل مازلت انا نفس الانا
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: العجوز التي شهقت في مطار اديس ابابا وهي تراني ثم قالت (حوي) وذهبت تشتري كوب كابشينو من الماكينة وتطاردني
بها حتي وجدتني في جانب من القاعة وقدمتها لي بعفوية وحب وهي تضع المكنسة تحت ابطها وتمد لي الكوب بيديها الاثنتين وتحني راسها
في ادب كعادة الاحباش عنما يمحضونك حبا واحتراما .. وفهمت انني شديد الشبه بشقيقها الغائب منذ زمن .. وحدثتني وشدتني بحديثها وهي
تردد الكلمة الاثيرة الحنينة (حوي) كانها تتلمظ طعمها .. ولحظة مناداة الطائرة دسست في كفها ورقة من فئة المئه دولار تساوي راتبها لاكثر
من شهرين .. فردتها لي بضيق والم وهي تردد انها لقيت اخاها .. فاحسست بالحرج لغباء تصرفي واخرجت قلمي واعطيته لها ذكري
فاخذتني من يدي الي المراقب لابلغه بانها لم تسرقه او تجده علي الارض حتي يسمح لها بالخروج به من المطار .. ففعلت .. وعانقتني
وودعتني بدمعة ما تزال حرارتها علي صفحة خدي ..
افلا احب اديس ابابا واسمرا ودرداوا واتسكع في مطاراتها المتواضعة واشتري منها كل مرة شيئا من مشغولاتهم القطنيه وعليها الصليب . |
ما تقول ليّ أتاريهم شايلين منك ملخة كبيييييييييييرة خلاس إنت يا سماحة اللواء ترايك إن روحك رايمتهم ماك خاطي
وكمان الليلة الليلة دفقت لينا
عسل موسي اللذيذ فوق ضوقو
وطمس القلب ورقدو العاشيقين بي شوقو
اها يشهد الله كتابتك دي طمست العبيد إندفقت يا سماحة اللواء وخليت العبيد جاري فرقييييييييييييت بي وراك
اها الدرفون الشال طبيقك دي كان لميت فوقو بركبوا ليك عِري في غارب شوحا طويل
محبتي
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عبيد الطيب)
|
| Quote: اها الدرفون الشال طبيقك دي كان لميت فوقو بركبوا ليك عِري في غارب شوحا طويل |
وين تلقاهو دي ياولض الطيب
هو درفون واحد ؟ .. انا يابا ما خليت قصور ولا قطاطي ولا جامعات ولا مكاتب ولا مطارات ولا طيارات .. لو قلت ليك اخافك ذاتك
تركب عري .. اليسكك ما يلحقك .. ثلاثه سنين صم من العمر القصير غير ايام وساعات من جاي ومن جاي ..
دخّل ايدك مع اخيانك وشوفوا لينا الهوية الضايعة دي .. يمكن تتلقي ..
الست القائل
| Quote: ما تقول ليّ أتاريهم شايلين منك ملخة كبيييييييييييرة خلاس |
يعلم الله دي ما ملخة .. دي جته !
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
العبيد
| Quote: اها الدرفون الشال طبيقك دي كان لميت فوقو بركبوا ليك عِري في غارب شوحا طويل |
Quote: كنت فاكرك لهمت الخال وحلا ما بقدر يطلع كرعيهو منو
لكن هييييييييييع لقيت الخال فور ويل درايف جاء طالع في عواليك سداري ساااااااااى وطاقيتو في الهامة . |
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: وسامضي من هذا السطر الي سطور اخري فالطريق مازال طويلا امامي .. لا عرف هل مازلت انا نفس الانا |
ثم تسللت نحو السطر التاسع علي جدار الثانية الخالده خشية ان يتشعلق احد المطارات التي احببت او كرهت فيحظر خروجي .. والمطارات لو تعلمون
لديها كتاب تخرجه لك فتلقاه منشورا وتقول لك اقرأ كتابك كفي بنفسك اليوم عليك حسيبا .. فاذا (بطح) الضابط جوازك علي بطنه ونظر في الجهاز الذي
امامه وابتسم فانه يقول لك (خروج نهي .. نو .. إلن .. ناين نشت .. لا .. ما كنش ينعز .. ) .. وتفوتك الطياره يامني ويحلك الحلا بله ..
وسرقت بصري لاقرأ علي السطر التاسع :
المراجع (ثلاثه علي الاقل) .. وبالانجليزي References ..
ثلاثه ؟ .. من اين آتي بهم .. ويا خال انت واحد .. لو اذّنت ما حاسيبك .. والمساله فيما يبدو لي فض مجالس ولا تتطلب رهن جواز ولا موافقة كفيل .. فلا
تخف ..
إذن فلنبدأ بشخص لا يستطيع الرفض .. لانه ميت .. ولو كان حيا فانه لن يرفض ..
والدي .. الراحل الحبيب علي حسن الطيب .. قدمني للدنيا وحافظ عليّ منها طيلة عمره .. واحبني اكثر من نفسه .. وتصور ان يصنع لي كل ماعجز
ان يصنعه لنفسه .. وظل يحبني اكثر كلما تقاعست عن تحقيق امل او حلم من احلامه .. قال لي يوما انت اكثر من قال لي نعم وحاضر ولم اسمع
منك عبارة رفض او احتجاج .. فقلت له كيف لي وانت تقف علي راسي بالعطاء والحنان وتحارب الدنيا من اجلي .. زرعت فيّ كل خصلة حميده
وعلمتني فتفرغت لي كمعلم ولم تبخل علي بمايزيد معارفي او ينير بصيرتي ..
وجدته امامي وهو يقرأ لي الكتب ويترجمها ويشرح لي معاني تعابير كتابها وانا صغير لا يتسع خيالي لما تنطوي عليه خيالات Animal Farm
و King Solomon's Mines و Black Tulip ثم يقرا لي قصص القرآن و(يسمّعه) معي ويصلي بي ثم يطلب مني ان اعيد الصلاة اماماً ..
ثم يهب معي الي الشارع لنلعب الكرة فاذا كان العدد ناقصا اكملنا .. وياخذني معه للسوق والنادي فاحضر الجمعيات الادبية والمسرحيات واتعرف
الي (اعمام) لا يزوروننا .. وعندما حدث اضراب السكة الحديد الاشهر في التاريخ كان يصحبني كل ليلة الي دار هيئة شئون العمال فنستمع مع
الاف من اهل عطبره الي عمي الطيب حسن وسليمان موسي وقاسم امين والحاج عبد الرحمن والشفيع احمد الشيخ يلقون الخطابات الحماسيه فيمتلئ
الحضور زهوا .. ويترسخ فينا حب الوطن وكراهية المستعمر الغاصب
ولا يمكن لهذا المرجع الا ان يقترن بشقيقه الاكبر الطيب حسن فما يزرعه ابي يرعاه عمي ومايزرعه عمي يرعاه ابي .. ومن حسن عطاء الله
لهما ان ولدت وابن عمي فيصل الطيب حسن وبيننا اسبوعان فنشأنا بين هذين الابوين المتحابين .. ولعلهما اعطيانا اكثر من عطائهما لاخوتنا
الاخرين .. اذن فهذا المرجع لا بد ان يكون موحدا فلا فرق في اهتمامهما بكل تفاصيل نشاتنا ولا فرق في عطائهما وحنوهما علينا .. ولعل عمي
كان الاقرب الينا في كثير من مباهج الحياة التي لايقرها ابي الا في حدود ضيقة ومنها السينما .. فكان لا يحبذ ارتيادها الا في الافلام الدينية او
التاريخية ولا حقا في الروايات التي ندرس نصوصها بالمدرسة مثل جزيرة الكنز وحرب النهر .. ولكن عمي كان فنانا وشاعرا وممثلا مسرحيا
وسينمائيا وشارك في بطولة اول فيلم سوداني هو (آمال واحلام)
كان عمي (يزوغ) بنا الي السينما من وراء ظهر ابي ويخيرنا انا وابنه فيصل في الذهاب (علي مسئوليتنا) او الرجوع .. وكانت المغامره فاشلة
في اغلب الاحيان حيث يكتشف ابي ذهابنا للسينما ويعطينا درسا في مكارم الاخلاق ويحمل اخاة مسئولية افسادنا ..
وحينما كبرت قليلا تركزت علاقتي بابي الي درجة من الصداقة والرفقه المستديمة فلا تري احدنا بدون الاخر حتي بدات اسافر وانا صبي ولم
تكن هناك وسيلة اتصال غير الخطابات المرسلة بالبريد او مع المسافرين .. وكان اول ما يوضع لي من عدة السفر هو دفتر الخطابات وربطة
المظاريف وطوابع البريد اذا كان السفر داخليا .. مع التشديد بعدم تاخير الجوابات علي الاقل مرتين في الاسبوع ...
ويوم سرقت حافظة نقودي بالحرم وانا اؤدي العمرة حزنت لا علي شيكات المسافرين الموجودة بها وانما علي خطاب بخط والدي كنت احتفظ
به في جيبها .. وشاء الله ان استرد الحافظة والخطاب بجيبها ... ومازلت احتفظ به ك(تذكار عزيز) ...
هذا المرجع كان الملهم لكل قرارات حياتي الكبيره .. وهو صمام الامان الذي لولاه لفقدت عقلي وحياتي يوما فاحسن الوقوف بجانبي ورد الي
ارادة الحياة .. وكنت استمد منه الثبات في كل موقف .. حتي جئته استاذن في الهجرة الي السعوديه فتمنع .. ووجدني عمي لا اجادله فتوسط
لي عنده فقال انه يخشي ان يموت فلا احضره .. وقال جملته الي ستظل ترن في اذني ابد الدهر ( يا ولدي البشيلك ما زي الببكي عليك) ....
ورده عمي الي ان امر الله إن حدث فالقرب والبعد مكتوب معه .. فوافق .. وذهبت .. ومات بعد ان ودعته عائدا من احدي اجازاتي باسبوع
ولما مضي جاءني الخبر وانا بعيد ولم افلح في حمله .. ومايزال هذا الموقف مصدر اسي وحزن لي ...
ليس هذا كل شيء فقد صنعني لاكون كما انا ولكنه ارادني سياسيا .. ولما وجدني لا استسيغ هذا المسار لم يغصب علي ..
والمرجع الثاني سيدة جئت من رحمها فحملتي في حدقات ورموش عينيها وفي شغاف قلبها .. وظللت الاعز والاقرب لها حتي رحلت ذات
فجر بعد ان صلت ولعلها دعت لي كعادتها عند كل فجر ..
هذه السيدة المرجع نفيسه بت العيدابي سيدة بنات العائله وامهن عندما كبرت .. لا يرد لها قول ولا يتم امر الا بشورتها ولا يتنازع
اثنان في الاسره الا جاءت بالحل واعادت التماسك والترابط بين افرادها .. وكانت قائد المؤخره في البيت Rear Admiral فهي المتحكم
في شئون الاسرة والداعم الاكبر لرجالها فلا يسقط من هيبتهم وسلطانهم احد .. ولم يحدث في الاسرة طلاق واحد لسطوتها وسيطرتها علي
الرجال قبل النساء فلا يلقي احدهم بحمله ومسئوليته لقلة عقل امرأة او لخلاف لابد من تجاوزه ..
وقفت بكل حبها لي لتصنع مني انسانا فيه القوة ومخافة الله وحسن الخلق .. ولم تسمح لي بمسخرة او دلع .. ولم تمنع عني شيئا استحقه
ولكن الكل كان يعلم انها تحبني كما لاتحب شيئا اخر في الكون وتحلف بي اذا حزب الامر واستعصت الحلول ..
ولما مضت تمسكت بالصبر علي الحدث فلم اترك لدموعي مجالا ان تعذبها وانما تمسكت بالقرآن يعزيني ويخفف عني المصاب .. ويزيد
من حسناتها ويجمعني بها عند الله في مقعد صدق عنده ..
رحمها ورحم الله ابي فقد صنعا من طفل الامس رجل اليوم .. وبنفس مواصفات ذلك الطفل .. وجعلاني نفس الانا .. ولم يتركا تقلبات
الحياة تجعلني مش نفس الانا .. وما يزال احبابي ومن يعرفونني يجدونني نفس الطفل الوليد بطبعه الحلو فاذا ضحك اضحك الكون
حوله واذا بكي تسابقت الايدي اليه
هذان المرجعان جعلا مني نفس الانا .. ولكن المرجع الثالث سيكون قراءة اخري .. وهو خالي
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: اصبر البكاء جاييك حسع |
والرفرنس الثالث شيقوق .. رضي او ابي ..
فقد عمدني مسنوحا واعتمدني مناكفا ومغالطا لا يرجي منه الا الهباشة ..
التقيته والمرتضي في بوست بعد ايه فاستدرجاني وانا حديث العهد بهذا المنبر .. وقد اعترف شيقوق بهذا الاستدراج قائلا :
Quote: لقد دابت منذ الانضمام الى هذا المنتدى الاسفيري التنقيب عن الجميل والرائع من الكتابات مستدرجا ومحرضا
ومستفزا احيانا غير اني لم اجد محرك بحث في قامة (بعد ايه) التي اهدتنا اليك فدعنا يا العزيز نروّض تلك الخلايا لنخرج
منها حبا ( بفتح الحاء وضم الحاء) ونباتا. |
وجرجرني الي روائع المرتضي مش عيب عليكي واهل سارة القيافه وقناة النيل الازرق تكشف اسباب النهايه .. وبعد ان كشف
نومتي لم يترك لي جنبا انام عليه وحاصرني بالبروفسير عبدالرحمن ابراهيم وبكثير من افاضل وفضليات المنبر واركبني جمل البلطجي
وجرني وراءه وهو يوزع العنكوليب علي جماهير ثورات الربيع العربي حتي اسقط الكوتش القذافي وذهب بمبارك الي السجن
وعندما جئت بالجنقو وعبدالعزيز بركه ساكن اوقف نشاطه عليها ونثر فيها روحا من ادب البادية واعطاها بعدا جعلنا نواصل صاحب
الرواية ونجابه سلطات الرقابه ونستدعي النقاد والادباء لرفع الصوت لكف الاذي والظلم عن الادب والادباء .. ووجدته خلفي في
قانون الدعاره واضراب الهلال .. وغيرهما .. وانا بذات التلقائية خلفه مشاركا في الكثير من انتاجه الثر حتي وجد في اخوال امي
الحلاوين قرابة نصبته خالا لي .. ونصبت نفسي خالا له..
ثم قررت اعتقاله ذات ليلة سعدت فيها باهلي وبابسامات حفيدي محمد .. فهبط علينا ليلا بتلفونه غير الجلاكسي وجاس بنا بين رياض
الود وحدائق النبل وطيب الاحاسيس .. (فاستخسرته) في الحريه واعلنت القبض عليه فتدافع الاحباب يطلبون الدخول معه الي السجن
واستمرأ هو هذا الحبس وصار يقرأ رب السجن احب اليّ .. فاغلقت عليه البوست والقلب ..
خالي هذا هو مرجعي الاخير واذا استوجب السؤال التاسع براهين اضافيه فعندنا المزيد .. واذا استدعي اثباتات هوية له فسنرسله الي
البردانة يستجلب منها الشهود من بشر وشجر وسحاب شايل في الشتاء .. وستسنده ام عبد الله وام عروض والعبيد والقباني وكمندان
السقاي وربما يفيق المرتضي من غفوته ويقول ايوه انا شاهد .. خاله ..
فاذا اكتمل كل هذا فانني والله اكون نفس الانا .. ومن يدعي غير ذلك فعليه اثباته
اليس المنبر عالما كعالم البشر
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: وجرجرني الي روائع المرتضي مش عيب عليكي واهل سارة القيافه وقناة النيل الازرق تكشف اسباب النهايه .. وبعد ان كشف
نومتي لم يترك لي جنبا انام عليه وحاصرني بالبروفسير عبدالرحمن ابراهيم وبكثير من افاضل وفضليات المنبر واركبني جمل البلطجي
وجرني وراءه وهو يوزع العنكوليب علي جماهير ثورات الربيع العربي حتي اسقط الكوتش القذافي وذهب بمبارك الي السجن
وعندما جئت بالجنقو وعبدالعزيز بركه ساكن اوقف نشاطه عليها ونثر فيها روحا من ادب البادية واعطاها بعدا جعلنا نواصل صاحب
الرواية ونجابه سلطات الرقابه ونستدعي النقاد والادباء لرفع الصوت لكف الاذي والظلم عن الادب والادباء .. ووجدته خلفي في
قانون الدعاره واضراب الهلال .. وغيرهما .. وانا بذات التلقائية خلفه مشاركا في الكثير من انتاجه الثر حتي وجد في اخوال امي
الحلاوين قرابة نصبته خالا لي .. ونصبت نفسي خالا له..
ثم قررت اعتقاله ذات ليلة سعدت فيها باهلي وبابسامات حفيدي محمد .. فهبط علينا ليلا بتلفونه غير الجلاكسي وجاس بنا بين رياض
الود وحدائق النبل وطيب الاحاسيس .. (فاستخسرته) في الحريه واعلنت القبض عليه فتدافع الاحباب يطلبون الدخول معه الي السجن
واستمرأ هو هذا الحبس وصار يقرأ رب السجن احب اليّ .. فاغلقت عليه البوست والقلب ..
خالي هذا هو مرجعي الاخير واذا استوجب السؤال التاسع براهين اضافيه فعندنا المزيد .. واذا استدعي اثباتات هوية له فسنرسله الي
البردانة يستجلب منها الشهود من بشر وشجر وسحاب شايل في الشتاء .. وستسنده ام عبد الله وام عروض والعبيد والقباني وكمندان
السقاي وربما يفيق المرتضي من غفوته ويقول ايوه انا شاهد .. خاله ..
فاذا اكتمل كل هذا فانني والله اكون نفس الانا .. ومن يدعي غير ذلك فعليه اثباته
اليس المنبر عالما كعالم البشر |
هييييع خليتني شنقت الطاقية في الهامة وطلعت الولاعة الماخمج والبنسون الما خمج وكش ولعتها متكيف من إبداعك في إختزال كل ما كتبناهو في هذه المداخلة الموجزة .
انت يا خال راجعت البوستات دي كووووووولها ولا من الداتا بيز التي انعمك بها رب العباد .
الله يحفظك ويغطيك من كل شر - نعم نعم إن لله في خلقه شؤون .
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: فاذا اكتمل كل هذا فانني والله اكون نفس الانا .. ومن يدعي غير ذلك فعليه اثباته |
وقفت عند الثلاثة ابي وامي وشيقوق .. وقال لي البعض في رسائل واتصال تلفوني لماذا شيقوق ؟ ففي لحمك ودمك مراجع تستحق التمسك
بها مثل زوجتك وابنائك واحفادك .. وانت معروف بحبك وحرصك علي اسرتك ويعرف من حولك مدي تمسكك بهذه الاسرة ..
الرد انني اعطيت كلا منهم سطرا علي هذا الجدار فنالت زوجتي كامل التقدير لدورها في حياتي ومدي تاثيرها في تحولي انا الي (نصف انا)
تملكه وتصنع منه ما تريد .. وورد في سطر الحالة الاجتماعية بعد مداخلة طويلة عن تفصيلات العرس مايلي تلخيصا للموقف ..
Quote:
كانت حفلات العرس هزة عصبية جميلة وكبري لي .. ووجدتني بعدها دون ادني شك او حاجة لدليل مش نفس الانا ....
واصبحت الاجابة علي السؤال بالسطر السادس :
الحالة الاجتماعية ؟ .. متزوج من السيده العظيمة الاستاذه اسماء محمد عبالله .. تاتشر . واب وجد
|
Quote: مع هذه الزوجه .. هل اصبحت الانا اتنين انا .. ام اصبحت نصف انا
هذا شيء اقوي من كل التكوينات السابقة .. يفصّل كل شيء تفصيلا جديدا .. ولا يقف الاعند الباب فيسمح بالدخول لمن يشاء ويرد غيرة ..
وينشيء عالما يخصه .. لا .. يخصنا معا .. استغرقت خورطقت اربعة اعوام لتصوغ الانسان الافضل .. واستغرقت كلية الشرطه عامين
لتصنع الاله التي تدور الي الابد بانضباط ذاتي ومهني .. واحتاجت هذه السيده لثلاثه دقائق لتربط كل هذا البناء بارادتها وتجعل منه سفينة
تحمل عليها كل ما تحب وتهوي وتوجهها اني تشاء .. وتتحدث باسمها وتحدد ما تريد .. .. من الانا ؟
|
اذن فهي لن تكون رفرنس .. هي وجه للانا نفسها .. تقلبها فتصبح نفس الانا .. وتقلبها فتصبح مش نفس الانا ..
ولكن امي وابي لهم دور حاسم في وجودي اساسا .. فلولاهما ما وجدت او ربما وجدت انسانا اخر .. وليتكم تدرون انه لولا ان امي افتدني
في لحظة وانا في السادسة من عمري لكنت مع الولدان المخلدين اسقي اهل الجنة كأسا دهاقا واترع عليهم من الاكواب والاباريق كأسا
من معين لايصدعون عنها ولا ينزفون ..
طلبت مني امي ان ادخل واستحم وانا في السادسة من عمري .. كان الحمام عبارة عن غرفة صغيرة بها (طشت) وجردل (سطل) للماء
وكوز وصابونه .. بعد ان خلعت ملابسي شعرت بشيء يمشي فوق ساقي .. وصرخت (العقرب) .. كانت امي قريبة فسمعت .. ودفعت
الباب ودخلت .. حافيه .. وحملتني ونفضت العقرب عن ساقي .. ثم (عفصتها) بقدمها الحافية حتي قتلتها .. وبالطبع لدغتها العقرب ربما
اكثر من مره .. وخرجت بي من الحمام لتداوي نفسها ..
كنت اعرف النتيجة الحتمية .. فابن عمي محمد عثمان عبد الرحيم الاصغر مني قليلا (صلاح) لدغته عقرب فمات .. العقرب اذا لدغت
طفلا او صبيا لم يبلغ تقتله ..... ورغم ذلك عاتبت امي علي دخولها عليّ وانا عاري الجسم ... (مخ عيال ) .. قالت لي ان الام يحق لها
ذلك فهي التي تحمل وترضع وتنظف وتري من ابنائها ما لايري غيرها .. فهمت .. وعلمت من دور الام ما منعني من سؤالها طيلة
حياتها عن شيء فعلته لي ولاخواني كأم .......
اما الخال .. ورغم ان ابي وسينيري بالمنبر هو ابني امير .. فان دوره في اثبات وجودي وابراز وجهي بالمنبر يضعه في مقام الاب
الروحي .. ولان المنبر حياة اختيارية تماما ليست كالوظيفة او الاسرة او غيرها من الهياكل والاطر يتخلق فيها العضو ويكتسب من
عطائه وراي الاخرين ما يجعله يتارجح بين نفس الانا ومش نفس الانا ، فلذلك اخترت مرجعي منه ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: انت يا خال راجعت البوستات دي كووووووولها ولا من الداتا بيز التي انعمك بها رب العباد |
كله صنقوري ياخال ... ده جديد حسع .. امال القديم بتاع سنة ستين وجاي كان ما (بيس) ربك تمام كان شفطوالالزهايمر
ولحقو ليك امات طه .... ما تخاف علي خالك ياولد .. دقنوسو مجيه ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: طلبت مني امي ان ادخل واستحم وانا في السادسة من عمري .. كان الحمام عبارة عن غرفة صغيرة بها (طشت) وجردل (سطل) للماء
وكوز وصابونه .. بعد ان خلعت ملابسي شعرت بشيء يمشي فوق ساقي .. وصرخت (العقرب) .. كانت امي قريبة فسمعت .. ودفعت
الباب ودخلت .. حافيه .. وحملتني ونفضت العقرب عن ساقي .. ثم (عفصتها) بقدمها الحافية حتي قتلتها .. وبالطبع لدغتها العقرب ربما
اكثر من مره .. وخرجت بي من الحمام لتداوي نفسها ..
كنت اعرف النتيجة الحتمية .. فابن عمي محمد عثمان عبد الرحيم الاصغر مني قليلا (صلاح) لدغته عقرب فمات .. العقرب اذا لدغت
طفلا او صبيا لم يبلغ تقتله ..... ورغم ذلك عاتبت امي علي دخولها عليّ وانا عاري الجسم ... (مخ عيال ) .. قالت لي ان الام يحق لها
ذلك فهي التي تحمل وترضع وتنظف وتري من ابنائها ما لايري غيرها .. فهمت .. وعلمت من دور الام ما منعني من سؤالها طيلة
حياتها عن شيء فعلته لي ولاخواني كأم ....... |
يشهد الله وليس اطراءً ولا مدحا ولا ترفيع بيض كما يقول عربنا وناس الخليج
ولكنك يا سماحة اللِّواء زول جميل وسمح بكل ما تحمل هاتين الكلمتين من دلالات
دخلت حافية وانت بخلقة مولانا وعفست العقرب برجلها وهي حافية
أُمي وأمَّك وأم كل سوداني وتقول لي (مكسيم جورجي)
محبتي
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: أُمي وأمَّك وأم كل سوداني |
كانت (ام دوله) بت العيدابي انسانة صبوحة الوجه حاضرة الابتسامة وشديدة الحفاوة بالناس .. فإذا بكت احدا توقفت عن البكاء
قبل الاخرين وشغلت نفسها بردهم الي صوابهم فلا يسببوا للميت عذابا بالنواح المفرط والتعديد و(السكيلي) .. فتطلب اليقين بأن الرب
صاحب وديعة اذا استردها فلا يحق لاحد ان يحتج .. وان الدرب واحد وان الكل سيلتقون في نهايته ..
وتجدها في المناسبات الحزينة اكثر الناس اهتماما بالخدمة .. ثم تجدها وهي تحتضن صغيرة ملتاعة وتجفف دموعها وتخفف اساها ..
كانت اصوات النساء ترتفع (بالحي ووب) لحظة خروج الجنازة من الباب ... وكان جدنا الخليفه الحسن قد نهي عن ذلك .. وعندما
وضع جثمانه علي العنقريب وعلت اصوات النساء عجز الرجال كلهم عن رفع العنقريب من الارض وكانه موتد ومسمر بها ..
فظهرت ام دولة ونادت احد ابنائه واسرت اليه ان العنقريب لن يخرج من البيت الا إذا سكتت النسوة .. فنهرهن واقسم ان يقطع
رقابهن ان لم يصمتن .. وخرج النعش بعدها بيسر ..
وعندما فقدت عزيزا كانت تعرف قيمته عندي احتوتني وبكت قليلا ثم ظلت تشدني لصدرها في حنان وتمسح دمعي .. ابكي اليوم
فغدا تسكت والميت عند ربه لا يعود .. وكانت تعلمنا الترحم علي الميت بالصدقة والدعاء .. والبر بمن يحبهم الميت ..
ويوم ماتت بالخرطوم خشيت ان تدفن بها .. فطلبت عدم الالتزام باكرام الميت باستعجال دفنه .. وأن تنقل امي لرفاعه فتدفن بالارض
التي احبت .. فقال لي شقيقي ان امك اوصت ان تدفن مع ابيها .. وبالفعل دفنت بنفس القبر مع والدها .. وصلي عليها اكثر اهل رفاعة
وابّنها الامام في خطبة الجمعة ودعا لها طويلا ..
رحم الله ام دوله نفيسه بت العيدابي وامهات واموات من يقرا هذا .. وسيبقي جرح فقدها غائرا في فؤادي وقد كانت لي الاب والام
بعد رحيل ابي ، وانا شيخ ، فلم اكن اجد نفسي امامها الا طفلا ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: رحم الله ام دوله نفيسه بت العيدابي وامهات واموات من يقرا هذا .. وسيبقي جرح فقدها غائرا في فؤادي وقد كانت لي الاب والام
بعد رحيل ابي ، وانا شيخ ، فلم اكن اجد نفسي امامها الا طفلا .. |
احزنتني وابكيتني يا خال
عندما انوي الاتصال بالوالد والوالدة - اطال الله في عمريهما - وهما قد بلغا الثمانين ونيف بكون دائما حريصا بتوفير رصيد يوصلها عبارة الوداع وهما مرتاحان .
لن اجد امرّ لي من ان تكون متحدثا مع الوالدة والرصيد يقطع مشحتفا روحها.
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: لن اجد امرّ لي من ان تكون متحدثا مع الوالدة والرصيد يقطع مشحتفا روحها. |
حفظهما الله ورعاهما .. وهذ الحرص علي توفير الرصيد ليسمعا للنهايه هو بر بهما يجزيك الله عليه خيرا
المصري ياخال كان يخرج من صلاة الصبح الي كبينة التلفون المجاورة للمسجد ويضع ريالا فترد امه من مصر ..
ازيك يامه .. انتي كويسه ؟ .. طب مع السلامة .. كل يوم نفس المكالمه بنفس العبارات بنفس الريال .. قلت له يمكن
عايزه حاجة .. قال لي لا .. ان كل ماتريده هو ان تسمع صوتي فيطمئن قلبها .. وكذلك اطمئن عليها.. ما ابسط البر
وقل رب ارحمهما كما ربياني صغيرا
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
]Quote: انت وين ياخال .. ده النوع اللي بيقولو عليه السعوديين (مايحتاج) ..
مكمل يعني .. وكمان شاب .. طيب مالو ؟ |
مالو ؟ ربنا اكرمو ببنات نوابغ - والحمد لله - احسن تربيتهن ومن ضمنهن طبيبة نائب ريجسترار و طبيبة في الامتياز واخرى يا دوب دخلت الجامعة فقرر هو وزوجته المصون - وداد بت العوض - مغادرة السلطنة ليكونا عن قرب من بناتهم رغم الاغراءات التي حصل عليها اخونا الزاكي للبقاء بالسلطنة.
انت فاكر ساي ؟
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
تركتنى زوجتى قبل قليل أتحدث مع الوالدة فى الرياض بالسعودية وهى فى زيارة مع بنتها التى تصغرنى وأسرتها زوجها عمنا فى الحساب الاستاذ أبوالقاسم حمد أبراهيم والوالدة بحمد الله مبسوطة بعد أن عادت قبل يومين من العمرة وقبلها كنت أتحدث مع الوالد فى السودان فعكست أخبار الوالدة والاسرة بالسودان لهم وأفعل هذا يومياً والحمد لله بعد أن دخلت هاتف (شركة كنار ) الارضى فى السقاى أرتحت كثيراً بس الراحة بتم لو سعادة (المشير ) هبش لينا تلفونو الارضى وأدخل فيهو حرارة !!رغم خوفى من أن تلحقنا (آمات طه ) عادت زوجتى بعد ربع ساعة لتجد الدموع نازله تلقائياً وأنا أتصفح وأقرأ ما يكتبه (سعادة المشير عمر على حسن ) وأخوانه الطيب شيقوق وعبيد الطيب !! فسألتنى من سبب البكاء؟؟!! فقلت لها كلام قرأته لضابطى الاعلى السابق أثار فىّ كالعاده الاشجان والدموع !! وقلت لها وأكتب لكم قلت لها (الحمد لله أن ضابطى الاعلى لم أعمل معه ولم أقابله حتى هذه اللحظة ) إلا من خلال الهواتف والسطور رغم شوقى لذلك ، والله العظيم أنا ما عارف أقول شنو وأرد شنو غير أقول (الحمد لله الذى أعطانا قبل مماتنا ما يبكينا بالسطور قبل الحضور وما يحدثنا عن الاخرة والموت والقبور ونتابعة حتى أوقات السحور ونشعر وكأن هذه السطور وقد أنبعثت منها روائح العطور والبخور ويحدثنا عن زواجة والمهور وعن السيرة بالبابور وعن الدامر وأم الطيور وعن رفاعة وعن الكجور وعن الحديث المأثور فبارك الله فيكم جميعاً فواصلو فيييكم الخير والبركة ) ومن بيرمنجهام سلام .
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: بشرى مبارك ود السقاى)
|
| Quote: (الحمد لله الذى أعطانا قبل مماتنا ما يبكينا بالسطور قبل الحضور وما يحدثنا عن الاخرة والموت والقبور ونتابعة حتى أوقات السحور ونشعر وكأن هذه السطور وقد أنبعثت منها روائح العطور والبخور ويحدثنا عن زواجة والمهور وعن السيرة بالبابور وعن الدامر وأم الطيور وعن رفاعة وعن الكجور وعن الحديث المأثور فبارك الله فيكم جميعاً فواصلو فيييكم الخير والبركة ) |
تسلم على هذا الكلام الرائع والمنثور يا سعادتك
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: ومن بيرمنجهام سلام . |
ياكمندان .. كده شوف لي بيرمنجهام دي فيها خانة كمندان فاضية عشان نمرقك من السقاي مادام الوالده مشت السعودية
وانا لي موده مع هذه المدينة الجميلة خفيفة الدم وقد اشتغلت فيها مشروع التخرج مع شركة سميدلي اتش بي وهي شركة تعمل في انتاج
المعلبات ولهامصانع في نوريتش بايست انجليا ورئاستها عندكم في بيرمنجهام .. وقد قدمنا لهم بريزنتيشن رفيع المستوي حصلنا منه
فوائد جمة .. اهمها جائزة مالية من الشركة نظير استخدام الحلول التي قدمناها لهم ..
وفيها مطعم صيني شهير ارجو ان يكون (حيا) فتزوره .. وفي اول مرة اتعشي فيه طلبت ماء .. فغطس السفرجي مسافة ثم جاء وفي يده
بيرهفاخبرته بانني لا اشرب الحاجات دي واطلب موية بس ... فغطس غطسة اطول وجاءني بكبايه صغيرة مثل كبايات الشاي الاحمر
بتاعتنا وفي نصفها ماء وله بوخ .. قلت له وينك يابوي .. اظنك مشيت الصين قابلت ماوتسي تونج تاخد منه اذن تجيب لي حبة المويه
دي ...... ولما جئت في مرة قادمه استقبلني نفس الجرسون بابتسامة عريضه وقال بلكنة انجليزيته الصينية ... اووو ووتر ووتر !
وين د. محمود ود. عبد القادر .. سلامي لهم
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
سلام يا سعادة المشير والتيم الرائع فبرمنجهام تغييرت كثيراً وأصبحت طاردة (فى سوق العمل ) وجاذبه فى المساجد والبرامج الدينية ودراسة الابناء فى المدارس والكليات تمهيداً لدخول الجامعات !!الغريبة أن أولادى إسراء وأحمد (نفضوا إيدم من بيرمنجهام وقالوا تخصصاتم فى جامعات خارج بيرمنجهام منها ليستر وشيفيلد وإكزيته وما نشيستر وليفربول وبريستول ) نسأل الله لهم التوفيق والسداد .
على العموم سوف أحاول زيارة هذا المطعم الصينى رغم كثرتها الواضحة فى كل المدن الاوربية . الدكاترة محمود وعبدالقادر (أعرف الدكتور محمود بشرى وأعرف الدكتور عبدالقادر حسين والاثنين طب نفسى الاخير أتابعة فى برنامج فى قناة طيبة إستشارات نفسية أستقر فى السودان ويزورنا فى بيرمنجهام سنوياً ومحود بشرى طبيب متزوج طبيبة وهى بنت مفتى الديار السودانية السابق الشيخ عوض الله صالح من الحلفاية وقد قابلته يوم الاحد فى عزاء الدكتور محمد أحمد الحاج عليه الرحمة ) .
يا سعادة المشير والله أنا هنا بتكلم بالجد لو فى فرص للشرطة أو أى عمل إدارى مناسب لى فى الامارات عندكم قول لى عوووك فأنا جاهز لمغادرة بيرمنجهام خاصه أن الاولاد الواحد ممكن يغييب عنهم كلها شهور ويرجع ليهم وأهو والدتهم معاهم .
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: بشرى مبارك ود السقاى)
|
الحقونا ....
سمعت قبل لحظات في الاذاعة وردي يغني اوعك يا حبيبي اوعك تاني تزعل ..
بردت اطرافي وتوقفت انفاسي وكدت اسقط من طولي ..
هذا شيء فوق احتمال البشر .. صوت الراحل الاتي من بوابات الجنه وعلي جانبيه شهادة بانه اجمل اصوات البشر منذ ادم ..
لحن يتقطر عذوبة وتناسقا مع كلمات الاغنية المليئة بالامل ..
عود يترقرق وقع دقاته كماء النقاع رقيقا وعذبا ..
وكلمات بمذاق المشاعر الجياشة تزحم الحس بامل انساني يغشي كل نفس ..
وردي ..........
يظل عندي فوق كل الفن السوداني وعلي قمة الغناء الافريقي ..
الان هو وام كلثوم .. شراكة .. فوق كل الغناء العربي ..
قبل ان تتشاجروا معي .. امسكت عن تنصيبه علي قمة العالم ......
انا باحث عن المشاكل .. وعلي من يريد المشاكل ان يتصدي لي هنا وفي بوست مني خوجلي لحظه من فضلك ..
ولا يقول لي احدكم لا علاقة لهذا بالبوست ..
لا .. له .. فقد اعادني وردي الي نفسي يوم سمعت هذه الاغنية وانا عريس وهو فنان ناشيء ... وصدقوني فقد وجدت
اني نفس الانا .... تماما تماما ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
أسمحوا لى بنقل هذا الرد على سعادة العقيد شرطة معاش عباس فوراوى من دفتر أحوال الضابط المناوب والنقل هدفت به الى عده أهداف ربما شاركنا القمندان الاديب فى هذا البوست وأضفى عليه مزيداً من الالق ومعذره إذا تطفلت على صاحب البوست سعادة المشير عمر على حسن (الفاروق ) وضيوفه الكرام ود شيقوق وعبيد الطيب وغيرهم من المشاركين والمشاركات .
شكراً أخى عباس فوراوى على هذه السطور والتى تجعل الواحد يعييد ذكريات الثانوى العام والعالى وحتى أيام كلية الشرطة فسنوات الثانوى العام والعالى ال6 سنوات تخصصنا فى (لقيط المانجو ) فى جنينة آل المهدى بالسقاى عندما كانت تغطى كل العاصمة وبعض مدن السودان بكل أنواع المانجو (البلدى والتيمور والدبشة والمايقوما والسمكة والفونس والزبده والبذرة وحتى ظهر نوع جديد أطلق عليه كبير المشرفين السقاى )وكانت أيام نصحى بدرى ونتحرك منا بالحمير والاخرين كدارى !! نستفتح بعد أن يتم توزيعنا على (محطات ثابته على إمتداد الجنينة والى كانت مساحتها لا تقل عن 700 فدان كلها منقة مثمرة جاهزة للجنى اليومى ) لابد أن نستفتح فى الاكل بالمنقة الفونس لانها تقع تلقائياً بعد أن تستوى وتكون بارده كأنها فى تلاجة ) نغسلها مع خرير الجدول وباقى أصوات وتشدو العصافير رغم تحذيرات أهلنا (الاحامدة أهل الخلاء ) وهم يحذرونا بأن أكل المنقة من الصباح( على الريق ) سبب رئيسى للإسهال وربما نصحونا أن تناول جزء ولو يسير من إفطارنا قبل أكل المنقة ولكننا نصر أن نستصحب شدو البلابل ولون المنقة الشايل المنقة !!!.
يستمر العمل من الساعة السابعة الى الواحدة راحة لمدة ساعتين للأكل وحش القش وحبه نومه وأحيانا لعب الكورة (والتنس بالليمون) وكانت لنا منافسات لاتقل عن أولاد طلعت فريد فى التنس !!!وكنا نقلدهم.
بعد الثالثة يبدأ برنامج التعبئة والفرز والشحن يستمر حتى المغرب وهذا البرنامج طيلة فترة الاجازة والحمد لله بعد العمل الرسمى يرفع كل منا ما جمعه من قش ونتحرك الى أهلنا نصل مع قبل صلاة العشاء.
أيضاً فى أيام الكلية وبدايات عملى فى الشرطة جوازات مطار الخرطوم كنت أساعد الوالد فى لقيط
الطماطم الحمراء والفلفلية خاطفة اللونين، التى تحاكى مناخير الخيل الحرة ،والكوسا والشطة والسبروق البكر، والويكة والخدرة والجرجير والخس والفجل الخرافى وأيضا الكسبرة والشمار والورق وكل محاصيل الجروووف.
( كل ما ذكرت أخى عباس فوراوى من أنواع الخضار حتى أننى عندما أكون فى الراحة حتى الموية أقرعه !!!) أولاد القشلاقات الكلام ده ما بعرفوهو ناس فارس موسى وناس منو ومنو أولاد الخرطوم لكن ناس الطيب شيقوق ربما يعرفوهو .
يا سيد عباس أخشى أن يقول لنا المتابعين كتابات ضباط الشرطة هنا وهناك إنتو راجعيين الشرطة لى شنو فواصلو هذا الابداع وكلها ياها (دفاتر أحوال ) التحية لك وقد رجحت الكفه هذه الايام وأصبحنا ننافس تيم سعادة المشير شرطة عمر على حسن فى بوسته الرائع اليوم 12 والساعة 12 والدقيقة 12 رغم تواجدى كجوكر هنا وهناك !!والله ما عارف أسع أجر الخمسين دى وييييين ؟؟؟ .
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: بشرى مبارك ود السقاى)
|
Quote: لحن يتقطر عذوبة وتناسقا مع كلمات الاغنية المليئة بالامل ..
عود يترقرق وقع دقاته كماء النقاع رقيقا وعذبا ..
وكلمات بمذاق المشاعر الجياشة تزحم الحس بامل انساني يغشي كل نفس ..
وردي ..........
يظل عندي فوق كل الفن السوداني وعلي قمة الغناء الافريقي ..
الان هو وام كلثوم .. شراكة .. فوق كل الغناء العربي ..
قبل ان تتشاجروا معي .. امسكت عن تنصيبه علي قمة العالم ...... |
وانت صادق بنادييها بنادييييها بناديييييييييييييها
وبعزم كل زول يرتاح ..........
ولما تغيب عن الميعااااااااد
بفتش ليها في.............
محبتي
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عبيد الطيب)
|
Quote: وانت صادق بنادييها بنادييييها بناديييييييييييييها
وبعزم كل زول يرتاح ..........
ولما تغيب عن الميعااااااااد
بفتش ليها في.............
|
ايوه ياعبيد ....
سخّنها .. وخلي الوارث يرث حجر ..
لا يصح ان يبقي هذا مدفونا في القلوب .. تنفجر فينا كده والله
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: !والله ما عارف أسع أجر الخمسين دى وييييين ؟؟؟ . |
يا كمندان
عمك المرحوم امين شاذلي نائب المير العام الاسبق قبضوه وفي يده جوكرين بس .. قال معرج بيهم وما قادر يجلي يمينه !
اوعي تكون زيه فاتح وعاوز تجر الخمسين تجلي بيه يمينك ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
اخونا الزاكي قال بوست وداعه ازعج اهله الدناقلة وافتكروا حصلت ليهو حاجة فطلب منى مخاطبة بكري لسحبه من المنبر
نحترم رغبة الاخ الزاكي
خلي البوست ينزوى للصفحات الجوة اكان بكري ما شاف رسالتي
ارجو من الكافة مراعاة ذلك
اطيب امنياتي
انت فاكر ساي؟
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: نحترم رغبة الاخ الزاكي |
واذن نعود يارفرنس ونعيد ترتيب اوراقنا لهذا الجزء الذي لا اريده ان يضيع
الحقونا ....
سمعت قبل لحظات في الاذاعة وردي يغني اوعك يا حبيبي اوعك تاني تزعل ..
بردت اطرافي وتوقفت انفاسي وكدت اسقط من طولي ..
هذا شيء فوق احتمال البشر .. صوت الراحل الاتي من بوابات الجنه وعلي جانبيه شهادة بانه اجمل اصوات البشر منذ ادم ..
لحن يتقطر عذوبة وتناسقا مع كلمات الاغنية المليئة بالامل ..
عود يترقرق وقع دقاته كماء النقاع رقيقا وعذبا ..
وكلمات بمذاق المشاعر الجياشة تزحم الحس بامل انساني يغشي كل نفس ..
وردي ..........
يظل عندي فوق كل الفن السوداني وعلي قمة الغناء الافريقي ..
الان هو وام كلثوم .. شراكة .. فوق كل الغناء العربي ..
قبل ان تتشاجروا معي .. امسكت عن تنصيبه علي قمة العالم ......
انا باحث عن المشاكل .. وعلي من يريد المشاكل ان يتصدي لي هنا وفي بوست مني خوجلي لحظه من فضلك ..
ولا يقول لي احدكم لا علاقة لهذا بالبوست ..
لا .. له .. فقد اعادني وردي الي نفسي يوم سمعت هذه الاغنية وانا عريس وهو فنان ناشيء ... وصدقوني فقد وجدت
اني نفس الانا .... تماما تماما ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
وهذا رد عبيد الطيبQuote:
Quote: لحن يتقطر عذوبة وتناسقا مع كلمات الاغنية المليئة بالامل ..
عود يترقرق وقع دقاته كماء النقاع رقيقا وعذبا ..
وكلمات بمذاق المشاعر الجياشة تزحم الحس بامل انساني يغشي كل نفس ..
وردي ..........
يظل عندي فوق كل الفن السوداني وعلي قمة الغناء الافريقي ..
الان هو وام كلثوم .. شراكة .. فوق كل الغناء العربي ..
قبل ان تتشاجروا معي .. امسكت عن تنصيبه علي قمة العالم ......
|
وانت صادق بنادييها بنادييييها بناديييييييييييييها
وبعزم كل زول يرتاح ..........
ولما تغيب عن الميعااااااااد
بفتش ليها في.............
محبتي
عبيد الطيب
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote:
Quote: وانت صادق بنادييها بنادييييها بناديييييييييييييها
وبعزم كل زول يرتاح ..........
ولما تغيب عن الميعااااااااد
بفتش ليها في.............
|
ايوه ياعبيد ....
سخّنها .. وخلي الوارث يرث حجر ..
لا يصح ان يبقي هذا مدفونا في القلوب .. تنفجر فينا كده والله
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
وقفت اتأمل هذا السطر العاشر والاخير علي جدار الثانية النادرة .. وبي حزن والم .. فعند اجابته لا بد ان نصل الي النهاية .. ولنقطع
بان ما سلف من بحث في تقلبات الانا من نفس الانا الي مش نفس الانا لم يغير الجوهر .. فبقي الانسان علي تعاقب الايام وتقلب الاحداث
والتجارب هو ذات الانسان الطفل الذي يكبر ويكبرجسدا وعقلا ثم يتداعي فينكس في الخلق .. مثله مثل القمر في مراحل تكوينه وتقلبه
في المنازل حتي يعود كالعرجون القديم ..
هل هو خلق متشابه من خلق الله اراد به سبحانه وتعالي ان يبصرنا كل شهر بهذا المآل .. وهو تشابه لم يتكرر في خلق الله الا في القمر
والانسان فبقية الكونيات تثبت غالبا علي حال واحد .. ولا يدخل في هذا الحيوان والجان والملائكة .. وارتبط الانسان ارتباطا غريبا بالقمر
فربطه بالفأل الحسن وبالجديد وبالبناء والعمار وبالزواج وبالتكاثر .. ولعل القمر في ذاته ارتبط بالانسان فهو لايطل عليه وهو متكدر
.. وكم من مرة شاهدت القمر حزينا لحزن احسسته .....
وقد غمرتني حيرات كثيرة وكبيرة وانا اجد تبدلا في حالي لدرجة اشك فيها ان كنت انا قد تحولت الي مخلوق اخر او شخص اخر ..
وكذلك تتغير الاغيار من حولي فيداهمني نفس الخاطر فاجد ان اسمي مازال عمر وان ابي هو نفس ابي وكذلك امي وان الثوابت حولي
لم تتاثر بالمتغيرات حولي .. كذلك القمر .. يسعدك هلالا وبدرا وقمرا فتتداخل السحب مع ضوئه وتحجبه عن الارض ويبقي هو نفسه
القمر خلف ما تحته ..
كل ما تعرضت له من نمو وتعليم وزواج وتكاثر واحاسيس والام وافراح لم تمس جوهر الانسان ابدا .. اذن فانا في كل الاحوال نفس
الانا ..
وقد عدت كالعرجون القديم .. خبا الضوء من عيوني .. وتهدلت قسمات وجهي .. وارتخت عضلاتي .. ولم يعد بي من تماسك الا في اطار
الدائرة الخارجية التي تجمع العرجون القديم ..
هل يمثل الابناء والاحفاد تجدد القمر الشهري .. هم كذلك .. معهم تتجدد الدنيا ويسطع الضوء من جديد لا علي الكون الخارجي وانما علي
ذات النفس ويكون الابن والحفيد تجديدا للذات ولو الي حين ..
ايها الانسان القمر ما اجملك ... خلقك ربك مكمل الجمال .. فلابد لك ان تكون كذلك فانت صنع يديه جلت قدرته .. لا تكون الاكما ارادك
وابدع خلقك .. فله الحمد والشكر .. احيانا وابقانا .. لنبلغ هذا .. ونكتب هذا .. فلا نكتب بعده فيكون غيا او جحودا او معصية .
ويا أيتها الثانية الخالدة التي هبطت علينا منتصف يوم التاني عشر من ديسمبر عام 2012 لك من التقدير ما يكفيك حتي تتجددي في القرن
القادم علي امم من احفادنا وابناء احفادنا .. اما نحن وابناؤنا فقد نهلنا من عذوبه حلولك بنا ... واحدثت فينا رعشة وخدرا باهرا خلد احساسنا
بزمن ماشي وزمن جاي وزمن لسه ....
والسلام
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
هل يمثل الابناء والاحفاد تجدد القمر الشهري .. هم كذلك .. معهم تتجدد الدنيا ويسطع الضوء من جديد لا علي الكون الخارجي وانما علي
ذات النفس ويكون الابن والحفيد تجديدا للذات ولو الي حين ..
____________________________________________________________________________
يصيروا هم الحياة وجمالها..سعادتهم تجدد خلايانا وبؤسهم يقتل فينا الرغبة في أي جميل..
هم إمتدانا بشكل ما..نحن إنتمائهم وهم كل الحياة..
نراهم بقلوبنا قبل عيوننا..وعندما نراهم بعيوننا نغفر لهم زلاتهم ونسعي لأن يكونوا افضل منا في كل شيء..
..........
..........
ربنا يحفظك ويحفظ أبنائك وأحفادك..
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote:
وينك يا سعادة اللواء..
لعلك بخير.. |
| Quote: وييييييييييييييينك يا العشاء اب لبن ؟ |
ايوااااااااااا
واحدين سعادة اللواء .. وواحدين عشا اب لبن .. مسأله تخوف ..
والزرزره دي كلها عشان غايب يومين ؟ .. ما قاعدين تغيبو وشابكننا استني شوية واصبر شوية .. ولو قلنا سيك والله
ميك اللي يقول ليك مهمل واللي يقول ليك ما فيكم فايده .. انا ذاتي بقيت ما عارف سيدي منو .. مع اني عارف ومتاكد
كمان ..
طيب انا خلصت البوست بتاعي وقاعد محير في بوست مني بتاع منال لانه الموضوع متركز في القانون وانا فاهم انه
المشكله في الناس .. القاضي والمدعي والمحامي وعجزت اوصل فكرتي الا لي قاضي واحد (مولانا الملك) لانه الباقي كله
ناظر بس للظلم اللي وقع علي منال وللسبب ده لقيت نفسي بفكر في جدوي النقاش في المنبر وطريقة الاعضاء في تناول
المواضيع حتي الذين ابدعو علميا في الحوار القانوني اهملوا موطن الوجع وسبب الازمة والظلم المتمثل في امية المحكمه
والدفاع والاتهام وضعف الاعتماد علي شهادة الخبير وضرورة ابتداع اليات جديده تناسب البت في هذا النوع من القضايا ..
وجدتني محبط من هذا وغيره .. ولولا انني الان عايد من (حتيت) عالمي (ادخل به براهو كده) ما كنت اشتغلت بيكم
الشغله ..
بعدين تعالو هنا انتو الاتنين بس الغايب انا ؟ مافي لاعبين اساسيين (داكين) نفس المده واطول .. بس يزرزرونا نحن ..
وعبيد وقباني زول سائلهم مافي
طيب اصبروا لي ..
وبرضو كتر خيركم واللي في الالب في الالب .. لو ماعملتوا كده ما نعرف غلاوتنا عندكم ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: واحدين سعادة اللواء .. وواحدين عشا اب لبن .. مسأله تخوف .. |
يا خال انت بتسرح وين ؟ انا مش قلت ليك دا طرفي من حقي مش قلت ليك ليدس فيرست ؟
Quote: بعدين تعالو هنا انتو الاتنين بس الغايب انا ؟ مافي لاعبين اساسيين (داكين) نفس المده واطول .. بس يزرزرونا نحن ..
وعبيد وقباني زول سائلهم مافي |
بالحيل فقدناك وفقدنا الاعزاء العبيد وود قباني وديل ظهر لينا مرتبطين بيك وجودا وعدما انت فاكر غايبهم ساي ؟
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
الاخوان الاعزاء سعادة المشير عمر على حسن (الفاروق ) والمستشار شيقوق وعبيد الطيب وقبانى وبقية المتداخلين تحياتى ، رغم أن مشاركاتى فى البوست لا ترقى الى مستوى (لاعب أساسى ) وإنما إحتياطى ولذلك تكون مشاركتى ضعيفة رغم الرغبه الاكيدة فى التواصل والزيادة .
هناك موضوع هام رأيت أن تعلقو عليه وهو الحكم الذى أصدره قاضى فى محكمة بإمتداد الدرجة الثالثة الخرطوم بإعدام معلم مرحله أساس (أغتصب طالبتة) والموضوع كان حديث المنتديات ومنها هذا المنتدى لاشك ولكن رأيت أن نفرد له بعد موافقتكم عدد من المداخلات وليبدأ سعادة (المشير عمر على حسن والمستشار شيقوق )
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: بشرى مبارك ود السقاى)
|
يا بن سقاي .. يا كمندان بيرمنجهام
لاجديد تحت الشمس ..
انا حققت في الشمالي امدرمان مع واحد اغتصب بنته وحملت منه .. هل تصدق انه اخد اعدام برضو والتنفيذ كان فوري ؟
طيب ياكمندان يعني انا برضه نفس الانا .. يتغير العالم من حولي ويتطور .. ثم يعود هو هو بنفس ظواهره .. مثل الراكب في العجل
يوم تحت ويوم فوق ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
جنابو السقاي
الف سلامة بالعودة
| Quote: رغم أن مشاركاتى فى البوست لا ترقى الى مستوى (لاعب أساسى ) وإنما إحتياطى ولذلك تكون مشاركتى ضعيفة رغم الرغبه الاكيدة فى التواصل والزيادة . |
يا سعادتك طلتك وقدلتك براها كفاية والبسيط منك ليهو نكهته - عارفنك مشغول والاولويات للمهام الرسمية - اكان تابعت سودانيز دي ما بتقضى ليك غرض تاني
| Quote: هناك موضوع هام رأيت أن تعلقو عليه وهو الحكم الذى أصدره قاضى فى محكمة بإمتداد الدرجة الثالثة الخرطوم بإعدام معلم مرحله أساس (أغتصب طالبتة) والموضوع كان حديث المنتديات ومنها هذا المنتدى لاشك ولكن رأيت أن نفرد له بعد موافقتكم عدد من المداخلات وليبدأ سعادة (المشير عمر على حسن والمستشار شيقوق ) |
طالما ادين فيحق لنا ان نقول في سلوكه اى كلام .
وعليك الله كلام الخال الفوق عن الراجل الحمّل بتو ما بشيّب الراس .
سنعود ، بالمهلة ، لتناول الموضوع من عدة محاور .
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
انا حققت في الشمالي امدرمان مع واحد اغتصب بنته وحملت منه .. هل تصدق انه اخد اعدام برضو والتنفيذ كان فوري ؟
________________________________________
لا حول ولا قوة الا بالله!
اسه المولود ده الناس تكون عذبته بغلطة ابوه ولا جده..
مسكينة أمه..اسه هي امه وأخته!
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote:
Quote: فاكرين الموضوع كده ساي؟؟
-----------------------------------------------
هههههههههها ام عروض الله يجازيك ضحكتيني
|
القيامه القايمه دي كلها وانتي ما جايبه خبر .. وحالتك ماسكه نبطشية المنبر براك ..
حسع دي يقولوا فيها شنو ياخال ..
اها والله باقي القصة الا تقطعوا ليها تذاكر
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
الطيب شيقوق سلام وللبقية يا أخوى الطيب الصورة دى صورتك أم صورة ولدك ؟؟ وطبعاً لو قلت صورتى أكيبيد بتاعة (الثانوى العام !!!) !!! زى قصه المغتربين لمن يطلبوا صور البنات يرسلن ليهم (صور الثانوى العالى وفى رواية الثانوى العام !!!أيام زمان ) .
ما زلنا فى إنتظار إسراء البوست الخاص بموضوع المعلم الذى (أغتصب طالبته ) والله فى منتدى البركل بى غادى متجدعين وهناك كم قانونى أثروا البوست بمداخلات قوية وأنا (ضابط الشرطة السابق ) علمت ليهم فيها ولا (أبورنات ) أو أحمد محمد الامين تاتاى قاضى المحكمة العليا السابق فى السبعينات .
والله يا شيقوق أنا كنت أيام الكلية السنتين ومن خلال صديق لى يعمل بالمكتب الفتى فى المحكمة العليا (وما زال مواصلاً وأحيه وهو إبن العبيدية الاخ أزهرى المامون ) ما خليت لى مجله أحكام قضائية ما قريته وكنت قد نقلت خمسه دفاتر أبو 64 حفظتها صم وجبت فى العقوبات 90 من 100 وبعد ده كلو ما طلعت أو القانون وما قريت جامعة للأسف الاسيف !!!!) .
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: بشرى مبارك ود السقاى)
|
| Quote: الطيب شيقوق سلام وللبقية يا أخوى الطيب الصورة دى صورتك أم صورة ولدك ؟؟ وطبعاً لو قلت صورتى أكيبيد بتاعة (الثانوى العام !!!) !!! زى قصه المغتربين لمن يطلبوا صور البنات يرسلن ليهم (صور الثانوى العالى وفى رواية الثانوى العام !!!أيام زمان ) . |
الصورة دي - يا كمندان - صورة محمد ولدى القبل الاخير - خالك ما شاء الله عندو سبعة اولاد ذكور وثلاث بنات
بكرة جاييك للتعليق على كلامك الجميل دا يا سعادتك
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: ام عروض مشت الدكتور عشان يراجع ليها كراعها التانية |
خالتك ام عروض ياولد ساكّه ليك ديفيد كمرون بالعكاكيز الاثثنين .. وحالفه ما ترجع الا تكسر راسو ..
الناس ديل الشبكهم في الجعليين والشايقية شنو .. يدوهم جوازات وبعد داك يقعدوا يتجاروا قدامهم ..
مصيبة الخلا البقت عليهم .. كدي شوف ليهم الحلا بله .. يمكن
قاعده المسكينه تتفرج في الانوار والبالونات في المستشفي .. سمعت ليك ديفيد كمرون عايز يرخص زواج المثليين ..
ضبت العكازين تحت اباطها .. وقالت بالانجليزي لا يسلم الشرف الرفيع ..
دي حسع يرجعوها كيف ؟ .. لو قريبه تلقاها رابطه ليهو الدرب قدام 10 داوننج ستريت ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: بشرى مبارك ود السقاى)
|
| Quote: موضوع التلميذه التى أغتصبها معلمها فى مرحلة الاساس |
ياكمندان
لقد قرأت كل المداخلات بخصوص هذه القضية .. ووجدت اكثر الخلاف حول الحكم عاطفيا سواء من جانب المؤيدين او المخالفين لقرار
المحكمة .. ووجدت ان اكثر الجدل في البوست فقهي ومحصور في تكييف الحكم .. وأن جانبا هاما من هذه الجريمة قد غيب تماما ..وهو
كيفية منع وقوع مثل هذه الجريمة وبالبساطة التي وقعت بها ..
كيف تترك هذه الطفلة لتواجه مصيرها منفردة .. اين ابوها وامها واخوتها ؟ لماذا لم يذهب احدهم معها لمعرفة نتيجتها وكلهم يعلم ان اليوم
عطلة وانه قد لا يوجد بالمدرسة غيرها .. ولماذا العجلة في معرفة النتيجة .. وما خطر الانتظار لمعرفتها في يوم دراسي .. ثم كيف حصل
المعلم علي مفتاح المدرسة والمكتب ......
لاتشير الجريمة بوقائعها الساذجة الا الي اننا مجتمع متساهل في كل شيء ..
اما الحكم فليس اكثر من حكم بمنطوق القانون اعداما كان او مؤبدا .. قد يختلف فيه تقدير القاضي .. وقد يكون لينا او قاسيا .. ولكنه لن يؤدي
الي نتيجة لانه لا يعيد للمجتمع بصيرة المنع والحماية
في زماننا لايحدث هذا دون مساءلة للمدرسة والاسرة وربما خفير المدرسة .. فالردع وحده ليس هدف القانون ..
لم تفجعني هذه الجريمة ولا حكم الاعدام .. ولكن فجعني غياب الاسرة وادارة المدرسه الذي كان سيمنع هذه الجريمة ببساطة ودون عناء
بمنع البنت من الذهاب للمدرسة يوم الجمعة لسبب كهذا او ارسالها مع مرافق .. وعدم وصول مفاتيح المدرسة والفصول والمكاتب الي
ايدي من لا يجب ان يكونوا فيها يوم العطله ..
لك الود وسنعود اليك لاحقا باحداث قد تكون اقل جسامة ولكنها لم تتكرر .. لابسبب الردع وانما بسبب المنع والوعي الرسمي والاسري
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: ومع فرضية انه مريض نفسيا |
الطيب خالي
مشكلتي اني اختلف معكم في التناول .. اكثركم يريد جدلا فقهيا .. لست اري ان المنبر مكانه ..وانا ابحث مشكلة او ظاهرة اجتماعية
لامنع تكرارها او انتشارها .. راجع بوست الموضوع تجد هذا التناول واختلافات بعدد المتداخلين في الفقه والقاضي .. والبنت ضاعت
والمتهم محكوم بالاعدام او المؤبد .... وبعدين ؟
سؤالي ان كان هذا المدرس مجنون (يطقع) .. او كان وليا يقوم الليل ويسبح النهار .. لماذا اغفلت الاسرة رعاية ابنتها ولم تمنعها او
ترافقها للمدرسة واليوم عطله ولا ينبغي ان يكون بالمدرسه احد او نشاط .. واين المسئولون عن المدرسة ومفاتيحها بايدي من يعبث
بها .....
لو منعت البنت من الذهاب للمدرسة يوم الجمعة او رافقها احد .. هل كنا سنناقش هنا صواب الحكم وخطأه ؟ وجن المجرم وعقله ؟
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: انا حققت في الشمالي امدرمان مع واحد اغتصب بنته وحملت منه .. هل تصدق انه اخد اعدام برضو والتنفيذ كان فوري ؟ |
عارف ياخال
الرجل لم ينكر او يبرر فعلته .. ويبدو ان عقدة الذنب قد تملكته فاصبح يرد علي كل الاسئلة .. قسمتي .. غلطان .. الظروف ..
حاولت اعمل ليها حاجه تانية وهي ما رضت .. اكتلوني .. بتي بعدي تمشي وين ..
قلت للقاضي انه مريض نفسيا .. مثل هذه الجرائم وردت علينا في علم النفس الجنائي كجرائم (مصنفه) .. لا يرتكبها إنسان
سويّ .. فوافق علي عرضه علي الدكتور حسبو سليمان .. كان كلانا (القاضي وانا) نبحث عن مخرج لا يهز ضمير المجتمع
بهذا الفعل البشع .. وقد تكتمنا علي القضية تماما (حسب التوجيهات) ..
صدمنا مجروس خارج مستشفي الامراض العصبيه فمات الرجل علي الفور .. واصيبت الابنة بكسر في الحوض واجهضت
وكسرت يد الحرس .. وماتت القضية.. وشغل الناس بمجروسات الجيش وضرباتها القاضيه ..
ويبقي حكم ربك عدلا وحقا ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: سبحان الله سبحان الله |
يا خال ..
ولم ينج من الحادث سواي لانني تاخرت خلفهم لتخليص (قيطان) صفارتي الذي علق بباب الكومر .. ولولا ذلك لكنت في مكان
الحرس .. وكان المتهم في مكانه او في مكان بنته وكان الحرس صالح في الطرف الاقصي ..
قال لي الدكتور حسبو معلقا علي الحادث .. He has been executed by God وقال القاضي عبد الرحمن العاقب ان
للكون رب يدبر اموره بحكمة بالغة وان محكمة علي الارض لم تكن لتصدر حكما بهذه العدالة والشمول ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: قال لي الدكتور حسبو معلقا علي الحادث .. He has been executed by God وقال القاضي عبد الرحمن العاقب ان
للكون رب يدبر اموره بحكمة بالغة وان محكمة علي الارض لم تكن لتصدر حكما بهذه العدالة والشمول .. |
نعم للكون رب يدير اموره ودونك - يا خال - قضية الشخص الذى قبض عليه وصار قاب قوسين او ادنى من حبل المشنقة لولا القبض يونس الهارب من سجن مدني .
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: نعم للكون رب يدير اموره |
سبحان الله ياخال ..
عشت كثيرا من الحالات التي تجلت فيها قدرة الله وعدله المطلق .. سآتي بها كلما وجدتها مناسبة ..
علي ايامنا ديك لو واحده زعلانه من اختها وعايزة توديها الاخرة .. طوال تدعي عليها انشالله يضربك مجروس .. كانت ضربته
والقبر .. وقيل ان عبود كان يزور قسم الحوادث بمستشفي الخرطوم عند افتتاحه ويتفقد المرضي و(يطايبهم) .. فوجد احدهم مكسرا
.. ومجبسا في رجليه ويديه ورقبته .. فساله مالك ياخوي انت سلامتك .. فقال الرجل والله ياريس ضربني مجروس .. فرد عبود
مندهشا .. سبحان الله عليك ياخي .. وجيت هنا قبل ماتمشي المقابر ؟
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
ياالطيب (شيقا) تحياتى يا دفعة وأرجو أن تبلغ تحياتى للأخ عادل محمد الامين طرفكم بالسلطنه والبارح كنت معاهو فى مكتبو أنت وليس أنا !!! (شفتا المباحث دى شغالة كييييف !!!) !!!.
تخريمة : عادل محمد الامين وقريبو جعفر مصطفى جعفر بى عينى ما شُفتهم !!! ولكن من خلال منتدى البركل والذى زاره خالك (المشير) وإنت قاعد تتلفت زى عبدالمحسن فى بكا أولاد الاحمر !!! وأرجو لمزيداً من المعلومات والشمارات أن تزور الرابط الموجود فى الصفحة 16 ونحنا الان فى الصفحة 17 وبوست الضابط المناوب بجلالة قدرو فى الصفحة 13 .
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: بشرى مبارك ود السقاى)
|
Quote: وأرجو لمزيداً من المعلومات والشمارات أن تزور الرابط الموجود فى الصفحة 16 ونحنا الان فى الصفحة 17 وبوست
الضابط المناوب بجلالة قدرو فى الصفحة 13 . |
يا كمندان
خالي ده بي طريقة المحامين العتاولة قال عايز صورة الحكم .. بعدين يجيب ليك ناس راتنلال وسامجي رامجي .. لكن تقول ليه بوست
البركل والضابط النبطشي طوالي يقول ليك هير سيي ويشيل شنطتوا ويفوت ....
برضك شوف لينا البت دي لو منعوها تمشي المدرسه كان حد حيجيها البيت يغتصبها ..
بي تحت تحت كده عبد المحسن عمل شنو في بكا ود الاحمر ... باقي خالكم اضانو تقيله شويه ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
الاخ (المشير) عمر على حسن قصة عبدالمحسن (قريبى ودفعتى المريخابى ود السقاى ) أمتحنا بعد المتوسط ودخلنا الجيلى الثانوية وكان عبدالمحسن ومعه شله كبيرة من أخواننا مجموعهم أقل فدخل بعضهم بحرى الشعبية وبعضهم إتحاد المعلمين بحرى الحكومية بالمساء وأصر عبدالمحسن أن يعمل بمصنع النسيج السودانى ببحرى وفى أقل من عام 1975م وجد فرصه تعاقد فى السعودية وعمل سائقاً لدى شركة (عبدالمحسن الراشد الحميد فى القصيم وكنت أراسله لذلك محتفظ بالعنوان حتى اليوم !!).
كان عبدالمحسن (خجولاً ) وأقل فى الاجتماعيات والظهور والمجاملات منا نحن شلته وجات الغربة كملت الناقصه !! جاء فى الاجازة الثانية فى منتصف العام 1982م ووجدنى قد تخرجت من كلية الشرطة وأعمل بجوازات مطار الخرطوم وكنت فى إستقبالة ، بعد كم يومين ذهب لتوصيل الامانات والقروش وعاد بالعصر فوجد الحله كلها فاضية فقد ذهبنا لعزاء فى (الباعوضة العامرية حالياً جوار السروراب بالغرب أهلنا وأهل الفريق بروف عباس أبوشامة لعزاء آل الاحمر فى وفاه أحد أعيان الاسرة عليه الرحمة ) لم يجد عبدالمحسن شخص يذهب معه فذهب لوحده ولما كان عهده بالناس طويلاً لم يجد أى شخص عرفه أو عبره فقال عبارته المشهوره (والله مشيت لى بكا أولاد الاحمر قعدت أتلفت سااااكت زووووول ما عرفنى وما عرفت أى زوووول !!!) وعبدالمحسن يستعمل عبارة (قاسية على نفسه ) لا أريد أن أوردها (يقوم الطيب شيقا يحرد !!!!) .
بس خليها فى أقرب تلفون والعبارة (خاصه بعبدالمحسن الذى أطلقها هو على نفسه ولا تنطبق على الاخرييين !!)
* عندى قريبة لى كلما أقول ليها المثل ده تضحك حد البكاء !!!.
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: بشرى مبارك ود السقاى)
|
| Quote: الاخ عبدالمحسن الشيخ كان مريخابى. |
| Quote: فقال عبارته المشهوره (والله مشيت لى بكا أولاد الاحمر قعدت أتلفت سااااكت زووووول ما عرفنى وما عرفت أى زوووول !!!) |
لك الشكر يا كمندان .. سؤالي كان بسبب اعتقادي باني اعرف عبد المحسن وآل الاحمر .. وهم يمانيه ... لكن جماعتك ديل طلعوا سودانيين
حقك علينا ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: الاخ الطيب (شيقا) والله لكن ناس السلطنة جايبين ليك إسم (خطييير ) زى لاعبيين الكورة فى السودان تكون إنت هناك متجدع فى الجماعة !!!تحياتى وهل كنت تعرف دفعتى (عبدالله الطيب بابكر الحاج ) نظارات حسن بالسلطنه فى مسقط العاصمة والان بالكويت والتى أصر أن يعود لها !!حتى ولو على آله حدباء محمول !!!. |
كمندان السقاي
مساؤك زين
متجدع وبس؟ اسكت ساي بالطول بالعرض شيقا يهز الارض
للاسف لم اتقابل مع الاخ عبد الله ولكنى سمعت الجميل من طبائعة السمحة وسط مجتمع مسقط
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: متجدع وبس؟ اسكت ساي بالطول بالعرض شيقا يهز الارض |
الغزالل ..
امال لو كنت بتعرفو كنت بقيت ميسي ..
هز الارض يا خال .. كان بالطول كان بالعرض .. لقيتوها فاضية .. وضاربها جونو
الله لينا نحن هنا .. لا في زول عارفنا .. لافي زول دفعتنا
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: الله لينا نحن هنا .. لا في زول عارفنا .. لافي زول دفعتنا |
جاؤني بمحمد اكرم وهو يبرطم ويرفس بيديه ورجليه ويصدر اصواتا تدل علي انه يفهم مايقول ويروي عن تجربة او حادثة
اعترضته .. ويفهم او يحس اننا لا نفهم ما يقول .. فيزداد رفسا بيديه ورجليه ويكرر نفس الاصوات بحماس اكتر .. ولما كنا لا
نبدي غير السعادة والانشراح لحالة الاندياح التي تتملكه فقد اظهر لنا عدم رضاه بمستوي فهمنا لما يروي واصدر بكية مفاجئه
لنفهم ان الموضوع غير مضحك ..
وعاد يرفس ويحكي .. فسالته انت ياولد عارف انا منو .. هل تصدق ياخال انه لم يعرف ..
تقول لي اتضرع وشيقا يهز الارض وبالطول وبالعرض ؟ يابا الزمن ده حفيدك ما يعرفك ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
ات خالي عمرابي ولا شكري تتجدع بكلام ناس ود الشوبلي هيك ؟
| Quote: هز الارض يا خال .. كان بالطول كان بالعرض .. لقيتوها فاضية .. وضاربها جونو |
زى تجدع ام عروض في منظمات شؤون اللاجئيين والعون الانساني - انت فاكر ساي ؟
| Quote: الله لينا نحن هنا .. لا في زول عارفنا .. لافي زول دفعتنا |
عيييييييك ات فاكر خالك وليد بتدقس ليك ؟
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
ايوه ياخال .. في حاجه غلط
كنت اعتقد في البداية ان سبب العطله هو انتظار الكمندان ليحضر انا حيثيات الحكم في قضية المدرس الذي
اغتصب تلميذته .. وكانت بيدي حالات قديمة ليست مماثله ولكنها تحكي اختلاف التعامل القانوني مع الجرائم
التي تزلزل ثقة المجتمع بنفسه .. ولعلي في قرارة نفسي اردت الا اقحمها في البوست قبل ان اري ما يبلغه
رأيكم في قرار المحكمة .. سلبا او ايجابا
ثم ان الجو العام غائم .. ليه ما تعرف .. فالمنبر كله ليس فيه موضوع ساخن واحد ..
فاذا لم يكن هنالك بد فانني سآتي اليكم بقصة الرجل الذي اعدموه ظلما ولم يسكت حتي برئ !
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: رأي القدم تخرج ثانية عند منتصف الليل .. .. |
خالو
النص التاني كلو طار في الهوا ... كتبته المساء وطلعت .. لقيته مافي .. دي شقاوة شنو دي .
نقول كمان مره ..
ذهب الضابط للمأمور وابلغه بان الميت اخرج رجله مرة اخري وان المسالة لم تعد تحتمل الانتظار .. وأن عليه ان ينتظر المدير خارج مكتبه
ليوقع امر النبش واعادة الدفن .. وقام مع الماموربفتح المكتب واستخراج الاوراق المحلية وتحرك المأمور لعاصمة المديرية ليكون بها عند بدء
الدوام .. وهناك وجد ان عليه ان يحضر اوراق القضية وبها الحكم وامر التنفيذ وشهادة الوفاة وتحقيق الشخصية (البصمة) .. ودار المامور علي
السجلات القضائية والسجن العمومي والشرطة .. وفي كل من هذه كانت تجري مراجعة مع المديرية .. استقر الامر خلالها علي ان الموضوع
يحتمل شبهة امنية وان الامن العام يجب ان يتدخل فية وكذلك المباحث اذ يحتمل ان تستغل جهة اجرامية هذه الحادثة استغلالا اجراميا ..
في المساء اكتملت الاجراءات ووقع امر النبش .. وصدرت للمأمور تعليمات مشدده بتنفيذ العملية في جنح الليل وعدم السماح للمواطنين بحضور
النبش او الدفن ماعدا ابناء المدان ..
ازاء ذلك سرت اشاعة قوية في البلد ان القبر وجد خاليا من الجثه وان الميت خرج من قبره ليبحث عن القاتل الحقيقي ويمثل به ويقتله .. وبلغت
الشائعة الضابط الذي نقلها فورا لرئاسته وللمأمور فجاءتهما تعليمات بعدم التدخل وعدم الاجابة علي اي سؤال بخصوص الموضوع .. ولم يبق
احد لاتشمله هذه التعليمات سوي ابناء الميت الذين رفض الناس تصديقهم في ان والدهم لم يخرج (بعاتي) وانه حر طليق يبحث عن قاتل يبرئه ..
قال امام الجامع ان الرجل اقسم له انه لم يقتل وانه حتي اذا اعدم فسوف يعود ويمسك القاتل الحقيقي ويقدمه للعدالة ويبريء نفسه وينام في قبره
قرير العين هانيها ..
كان اللرجل ارملا وله ثلاثة ابناء يعيشون معه في بيته الملاصق لبيت القتيلة .. وكان لابنائه علاقات ونشاط مسائي يعودون بعده للبيت بين
التاسعة والعاشرة .. وكانت جارتهم الشابه مشبوهة السلوك وزوجها يظن انها تقابل رجالا وراء ظهره .. فاسر بهذا لبعض خلصائه ولشيخ
الجامع الذي نهاه عن ابلاغ الشرطة لأن ذلك سيجر عليه مشاكل قانونية وشرعية وان يكتفي بتطليقها ولكنه كان مترددا في امر الطلاق ..
في حوالي الثامنة من مساء يوم الحادث كان الرجل يرقد في الحوش ولان الجو كان قائظا فقد خلع العراقي وبقي بالسروال .. وسمع صرخات
داوية .. كتلني .. كتلني .. اتية من بيت جارته فتسور الحائط وجري لنجدتها ووجد نور غرفتها مضاء فدخل الغرفه ووجدها غارقة في دمها
وعلي صدرها سكين .. فحاول اخراج السكين واغلاق الجرح لايقاف النزيف فدخل زوجها الي الغرفه واذهله منظر جاره العاري الصدر
وزجته بين يديه شبه ميته .. فصاح فيه .. قتلتها ؟ فذعر الرجل من الفكرة وجري من امامه وتسور الحائط عائدا لبيته.. فوجد احد ابناءه واخبره
بما حدث فنصحه الابن بأن يبلغا الشرطة ..
لبس الرجل عراقيه وغسل الدم من صدره ويديه .. وعنما فتح الباب وجد عددا من اهالي الحي يسدون امامه طريق الخروج .. فبقي هو وابنه
وراء الباب حتي جاءت الشرطة واعتقلته .. اخذوا ملابسه والدم العالق باظافره وما شكوا في انه من شعر القتيلة واحالوه للكشف الطبي الذي
اثبت انه لم يقم بعمل جنسي .. وكذلك لم يكن بالقتيلة اثر لممارسة جنسية .. وانكر .. ولم يكن لديه شاهد سوي ابنه الذي شهد بان اباه نزل
من الحائط واخبره بما حدث ..
وجدت المحكمة الكبري كل شيء واضحا ومنطقيا وثابتا .. بصمته علي مقبض السكين ودم القتيله علي جسده وملابسه وهروبه من مسرح
الجريمه وعدم وجود ما يدعوه للتواجد به اصلا .. وسيرة القتيلة والشكوك المحيطة بسلوكها وشهاده شاهد الاثبات الاساسي بانه رأي
المتهم والسكين في يده وهو فوق القتيلة ..
قررت المحكمة الكبري ادانته بجريمة القتل العمد ولم يكن لديهاخيار حسب قانون العقوبات وقانون الاجراءات الجنائيه سوي اصدار حكم
باعدامه شنقا حتي الموت ...ولم يأت الاستئناف بجديد .. وتم تاييد الحكم واصبح واجب النفاذ بعد توقيعه من رئيس الدولة ..
ظل الرجل يقسم انه لم يقتل وانه سيقبل امر الله ولكنه علي ثقة من ان الله سيبرئه حيا او ميتا .. وكرر ذلك في لحظة اعدامه وقال للجلاد
ان الله سيبرئه وانك ستشنق القاتل الحقيقي قريبا .. وتم اعدامه ودفن في موكب كبير وصلي عليه امام الجامع الذي قال انه اقسم له انه لم
يقتل وانه اذا اعدم فسوف يعود ويخرج القاتل ... وظل زوج القتيلة يصر علي انه رآه يقتل زوجته ..
مع انتشار شائعة عدم العثور عليه في قبره وتصاعد الروايات حولها وان بعض الناس رأوا شبحا يبحث في اماكن معينه تصاعد تصديق
الناس لبراءته وقال احد باعة الاواني ان بامكانه معرفه السكين اذا كان هو بائعها .. ولكن القاتل حضر بنفسه للضابط وابلغه انه يريد
الاعتراف وان الميت ظل يطارده ليلا ونهارا .. واعترف بملكيته للسكين وشهد البائع انه باعها له ..
القاتل شقيق الزوج وقال انه يريد ان يمحو عار اخية
وسياتي خال ليقول لكم هايبوثيتكال وسامجي رامجي
عمر علي حسن
| |
|
|
|
|
|
|
| |
الطيب شيقوق
Muna Khugali
عبيد الطيب
بشرى مبارك ود السقاى
فيس بوك
تويتر
انستقرام
يوتيوب
بنتيريست