|
|
|
 Re: 12/12 الساعه 12 والدقيقه 12 والثانيه 12 (Re: عمر علي حسن)
|
طيب ..
في اطار الشكوك والوساوس التي تجسم عندي غياب مشاركات الشباب في هذا البوست فانني اتلقي يوميا بعض الاتصالات
والرسائل المشجعه من بينها الرسالة التي تلقيتها امس بالايميل من الابن علي شاطر من السعوديه
اتركها لكم كما هي مع ردي عليها ..
ومازال شبابنا بالف خير
عمر علي حسن
From: [email protected]
To: [email protected]
Subject: 12/12الساعة12
Date: Mon, 14 Jan 2013 03:16:52 +0400
سعادة اللواء الإستاذ الوالد عمر علي حسن
السلام عليكم ورحمة الله وبركاته .
اسأل الله العلي القدير ان يصلك مبعوثي هذا وانت ترفل في ثياب الصحة والعافية ، لا أدري أحببت وأردت أن أستخدم كلمة "الوالد" هذه
في مخاطبتك فقد إلتمست فيك في ماتخط الاستاذ والمعلم والمربي فهل تسمح لي؟ وكذلك ادعو الله أن يوفق وأستطيع ان أوصل مقصدي
من خلال هذه الرسالة فهي ستصل إلي شخص عرف كيف يطوع الكلمات وانا مجرد هاو أتعلم ، لفت نظري عنوانك وانا إطالع منبر
سودانيز اون لاين في تلك الليلة "الثاني عشر من ديسمبر" ليس لأني ولهان بالتواريخ المميزة ، ولكن سمعت من احدهم بأن هذا التأريخ
او تلك الارقام المتشابهة لن تتكر قريبا ، فكان لدي حب إستطلاع بماذا سيربط كاتب هذا الموضوع موضوعه بهذه الارقام المميزة !؟،
وكعادتي أتفحص إسم الكاتب اولا في أي عنوان يلفت إنتباهي ، كان لدي خلفية بسيطة بمن هو "اللواء عمر علي حسن" فهو رئيس سابق
لنادي الهلال بحسب ما طالعت في تأريخ نادي الهلال ، وكما قلت دخلت علي الموضوع وإستهوتني تلك الحروف الباذخة فوجدت نفسي
إتابع بشغف ، واعمل عل تحديث الصفحة بإستمرار ، فأنا اتصفح الإنترنت من خلال الهاتف النقال لذا ظلت صفحة الموضوع مفتوحة
لأيام اقوم بتحديثها بين الفينة والاخرى حتى أضفتها لقائمة المواضيع المفضلة ، فاقوم بفتحها متي يتسنى لي ذلك لحدثي بأن هذا الموضوع
الشيق سيمتد ليتجاوز لحظة هذا التأريخ ، فقد اصاب حدثي والحمدلله ، فوجدتني اطوف معك بذاكرتك ب "الأنا" التي تتغير بعد كل محطة
تعبرها ونعبر نحن معك لنعيشها ، بالتوثيق لحياة ذاخرة بالتجارب التي يجب ان نقف عندها ونتعلم منها ، "الون تو"بمداخلات "خالك"
و"إبن إختك" الإستاذ الطيب شيقوق فهو يدعوك بالخال وأنت كذلك وايضا مشاراكات الاساتذة الطيب عبيد وقباني والاستاذة منى خوجلي
وغيرهم،مشاركات في ذاتها دروس ، تبدو لي من خلالها أشياء جديدة كانت خافية علي ، وأنا اقارن فنحن ياسيدي الجيل المظلوم مواليد
الثمانينات الذي خرج الي هذ الوطن في زمان أي نعم متوفرة لنا أشياء لو توفرت لكم في زمانكم ذاك لوجدت حالنا افضل من الآن لأن
الوطن متدحرج الي الخلف فقد قام بدهسنا ، لا احب أن اربط الفشل بالزمان "نعيب زماننا....الخ" ولكن لماذا هذا النبوغ توقف في زمانكم !؟
ماسبب هذه الفوضى التي نعيشها الآن!؟ لماذا خرجنا من المدارس صفر اليدين !؟، لماذا كغيري من الكثيرين لم أكمل تعليمي الجامعي مع
أنهم قالوا (نحنا عملنا في أي زاوية مدرسة وجامعة) وحتى لو اكملت تعليمي الجامعي أكنت لأرضى بورقة اعلقها علي الحائط او اهاجر
بها لتمكني من الجلوس خلف مكتب فاره أقلب الاوراق والدفاتر اقبض راتب آخر الشهر يعمل علي إعاشتي انا وإسرتي وهكذا دواليك في
كل شهر "حال زملائي الذين اتواصل معهم" ، أين دورنا او أين بصماتنا سياسيا وثقافيا وإجتماعيا وفي شتى الضروب التي تسمو بالوطن!؟
لنمهد الطريق لابنائنا والذين من بعدنا ليبدعوا....
والدي وكما أسلفت لك في رسالة الهاتف واصل فهذا الموضوع اصبح ملكا للجميع سيفيد العديد من الشباب وانا اولهم ليقفوا فيه كثيرا وليتعلموا
منه ومن التجارب والعظات التي يحويها والمحطات . فدم بخير وتخطى مطار الخرطوم وخذنا الي فضاءآت اوسع واجمل، لك جزل الشكر
ووافر العرفان.
إبنك علي شاطر
السعودية- تبوك
RE: 12/12الساعة12
1/14/2013
Reply and#9660;
Omer Ali Hassan
To [email protected]
الابن العزيز علي شاطر
السلام عليكم ورحمة الله وبركاته
ابدا بالشكر علي اهتمامك بما اكتب فذلك يسعدني لانني فعلا اكتب لكم ولجيلكم بالذات
فما بصدورنا من ارث وتراث هو من حقكم ومن ضرورات تواصل الحياة وانتقال الخبرة
وعلي الرغم من انني اتلقي مراسلات من بعض الشباب فقد اصابني بعض اليأس لان منهم
من لا يري اننا نقدم له ما يفيد حياته وان الزمن قد تغير للاحسن كما يعتقدون .. وبالطبع
فان هذا راي يجب احترامه ولكن يصعب تغييره ..فليس المهم ان تتغير الحياة من زمن لاخر
ولكن المهم ان تغيرها انت الي ما تريد بوسائلك وبتجارب الاخرين وبما يتاح من الارث ومن
الواقع
اتمني الا تقطع عني مراسلاتك وستجدني قريبا منك دائما .. واسمح لي ان انشر رسالتك في
البوست فهي تمس جزءا من قلقي
عش سعيدا وموفقا
عمر علي حسن
| |
 
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: يحي قباني)
|
الخال ابو امير
دعني اولا اتقدم بأسمى آيات الثناء والتقدير لإبننا على شاطر ، من المملكة العربية السعودية ، والذى كتب إليكم بقلب صادق معبرا عما اثاره هذا البوست في قريحته من افراح تارة وأتراح تارة اخرى .
رسالة إبننا الشاطر ! تحفز لرفد البوست بالمزيد مما هو مخزون في رزمانة الخال التي تتوهج دررا ولآلي .
لك ، يا الشاطر المبدع ، مني و ومن الفريق العامل في التنقيب أطيب الاماني
مش قلت ليك ، يا خال ، مازال البلد بخيره
ويا الشاطر ، المجد عوفي إذا عوفيت والكرم وزال عنك إلى أعدائك الألم
| |
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote: سنة كم ... ووين ... وليه ؟؟؟
|
انت ياشيخنا الطرماج ماشفتو داير تشوف رقيصي انا .. والله الطمع ودر ما جمع ..
لكن عشان خاطرك .. وعشان ما تمرق من متع الدنيا بي قد القفة .. ده كان وانا عمري 18 سنه .. في مدرسه رسمية في وسط الخرطوم
والسبب كان ضرورات الحضارة خصوصا اذا كان حيودوك لندن .
Quote: لكن الطرماج كان خلاص اتلجن ...
|
يعني مرقت كيت يابا .. زي اخيتك بت الخليفه عوض .. بكره كمان تجي تقول لي ما ركبت الا التكسي الاصفر وما شفت البص
الاخضر بتاع شركة النور (اخو الطرماج) .. ولا معدية شمبات .. .. يابوي انت ذاتك يااااااااااااااحليلك ..
ابقي عشره علي السنده
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote:
لك ، يا الشاطر المبدع ، مني و ومن الفريق العامل في التنقيب أطيب الاماني
مش قلت ليك ، يا خال ، مازال البلد بخيره |
يديك العافيه يا خال ..
اعتدت في محاضراتي أن اتحذ تخريمة (مبرمجة) اتناول فيها امرا له علاقة بموضوع المحاضرة وذلك تكنيك يهدف لاسترداد عقل
المتلقي وتركيزه في المحاضرة .. وتكون التخريمة احيانا مزوده بالوسائل السمعية والبصرية مثل الباور بوينت والفيديو
في احدي المحاضرات وكنت اتحدث عن الاثر النفسي للاشاعة ذكرت ان تشيرشل عندما ارسل رسالته الشهيرة الي البحرية البريطانيه
ٍSink the Bismark كان قد اسرّ لقائد الاسطول في دنكيرك ان اغراق المدمرة الالمانية بيسمارك هو اغراق لهتلر نفسه .. ففهم
القائد ان هتلر راكب في المدمرة وبالتالي بني خطته علي قتله وتخليص العالم كله من شره فضرب وجنوده المدمره بلا هواده بعد ان
قال لهم ان الذي يردي هتلر او ياتي به حيا سيرقي للرتبة الاعلي ... وقال لي المراقب ان قياس الانتباه والمتابعه لمحاضرتي ارتفع
عند التخريمه الي 96% ..
لذلك فان التخريمة بالبوست بالكتابة (علي جدار الثانية النادره) هو اكبر تخريمة مبرمجه في حياتي .. وها هي تاتي باثر طيب بين
بعض الشباب النابه ويتفاعلون معها ..
وسانشر المزيد مما ورد لي في شأن اصل البوست وفرعيته كلما وجدت ذلك مناسبا ..
واكرر شكري للابن علي شاطر .. وجيله
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: في احدي المحاضرات وكنت اتحدث عن الاثر النفسي للاشاعة ذكرت ان تشيرشل عندما ارسل رسالته الشهيرة الي البحرية البريطانيه
ٍSink the Bismark كان قد اسرّ لقائد الاسطول في دنكيرك ان اغراق المدمرة الالمانية بيسمارك هو اغراق لهتلر نفسه |
لحظة يا خال لنحكي عن عبقرية هذا التشرشل الذى ورد في التغريدة اعلاه :
شاب بريطاني ينحدر من عائلة مخملية محافظة سياسياً، جدّه دوق مارلبورو الأول ووالده لورد. لم تشأ الظروف ان ينعم هذا الشاب الذي اصبح فيما بعد اسطورة بحياة الرفاه والخيرات، فبعد وفاة والده في ظروف مأساوية تم تجردته من لقبه الذي كان قد اكتسبه عنه، فما كان على هذا الفتى الا أن يشق طريقه بنفسه وأن يكسب رزقه بقلمه ولسانه. انه رئيس وزراء بريطانيا السير ونستون تشرشل او ما يعرف بالـ”الرجل البدين”، الذي سميت ثاني قنبلة ذرية ألقيت على مدينة ناغازاكي اليابانية في 9 آب 1945 باسمه بسبب بدانته.
في 30 تشرين الثاني 1874 ولد ونستون تشرشل في قصر بلاينهام الشهير القريب من أوكسفورد مقر حكام مقاطعة مارلبورو، ونشأ في جو عابق برائحة التاريخ والحروب والانتصارات، وساعدته في ذلك والدته. على عكس ما ستظهره المعلومات الواردة ادناه لما يمتلكه تشرشل من ذكاء وحنكة سياسية محترفة، الا انه لم يظهر أي نجاح في المدرسة الثانوية حتى انه لم يتمكن من الوصول أبدا إلى الصفوف العليا، وكان يستعمل لغته الخاصة غير مبال باللغة الإنكليزية وأدبها الكلاسيكي.
بعد فشله خلف مقاعد الدراسة، ترك تشرشل الثانوية والتحق بالمدرسة الحربية الملكية ليتخرج منها عام 1894. أولى مهامه كانت مع الجيش الإسباني في كوبا الذي كان يقاتل الاستقلاليين الكوبيين، ومن بعدها أرسل إلى الهند حيث قضى مدة طويلة، اعتبرها مدرسة تثقيفية وتربوية ذاتيّة، حيث كانت ترسل له والدته صناديقاً من الكتب التي قرأها وتأثر بكتابها، لا سيما في نظرية داروين في النشوء والارتقاء.
أرسل تشرشل بعد الهند إلى السودان ومن ثم إلى جنوب افريقيا، وإلى جانب كونه جندياً، عمل مراسلاً لجريدة “مورنينغ بوست” Morning Post. في العام 1899، تعرض للاعتقال على ايدي قوات البوير الأفارقة المنحدرين من اصول هنديّة، الا انه تمكن من الفرار فيما بعد وعاد إلى جبهة القتال في الناتال.
المصدر : http://salimallawzi.wordpress.com/2012/01/03/winstonchurchill/
عشان الناس تعرف إمكانية صناعة الامجاد دون الحاجة للتسلح بالشهادات العلمية
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote: والدي وكما أسلفت لك في رسالة الهاتف واصل فهذا الموضوع اصبح ملكا للجميع سيفيد العديد من الشباب وانا اولهم ليقفوا فيه كثيرا وليتعلموا
منه ومن التجارب والعظات التي يحويها والمحطات . فدم بخير وتخطى مطار الخرطوم وخذنا الي فضاءآت اوسع واجمل، لك جزل الشكر
ووافر العرفان.
إبنك علي شاطر
السعودية- تبوك |
وتقول لي ياسماحة اللِّواء داير تقيف نحن والله وكما اسلفنا سابقا متابعين متابعة طويرة (السَّافورة) البتتبع القوافل
وعارفين طعم وفائدة واهمية كتاباتك للجميع وخاصة الشباب وكلنا ثقة بأن لها حضور كثيف داخل وخارج الحوش
لأنها تحكي عن تجربة عميقة ولأننا لانشك في ذائقتنا اطلاقا
يشهد الله وانا صادق امس النت معاي إتفسل ولكن حين إتاوقت ولم اجدك (رقبتي إنقطعت بي المتاوقة)
والله يا جماعة عُمرة (علي الشَّاطر دي فرحتني بلحيل امس الفنان خالد الصحافة بحكي عن تجربه
شبيه مع الراحل المقيم الفنان مصطفي سيد احمد
اها هسع كلامك وكلام ابو الطيب عن تشرسل بالرغم من انني قرأت عنه لكن كثير مما تفضلتم بذكره
لم اعرفه سابقا لكن يا ابوي الطيب زولكم موسليني ما جنن العا لم وخلطتوا لخبطت الدنيا وجابت (الحُم)
محبتي
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: أرسل تشرشل بعد الهند إلى السودان ومن ثم إلى جنوب افريقيا، |
كانت هذه الحقيقه في ذاكرتي وانا اقف امام تمثاله بمتحف الشمع في لندن وانا في فورة الشباب .. فقد تمنيت بل حلمت بلقائه
في احد شوارع الخرطوم .. مثل شارع فكتوريا الذي وجدنا ان اسمه قد تغير الي شارع القصر .. او عند نصب الجندي المجهول
امام محطة السكة الحديد بالخرطوم علي تقاطع شارع الطابية مع شارع القصر .. وكان شارع الطابيه اطول شوارع الخرطوم
يلفها من مخرج كوبري النيل الازرق مع خط السكة الحديد ويمر خارج محطة السكة الحديد الي الغرب مارا امام ستاد الخرطوم
والمعهد الفني وبين حي المقرن والغابة وينتهي عند نقطة التقائه بشارع النيل .. قريبا من الهيلتون حاليا ..
تمنيت ان القاه بقبعته العاليه وسيجاره الضخم الفاخر في الخرطوم .. فقد كان لدينا ولع بالعظماء الذين وطئت اقدامهم مدينتا الراقية
ويملؤنا فخر صادق بانهم رأوا بلدنا وعاشوا به لحظات لابد انها تركت اثرا وذكري في نفوسهم .. وقد سحر النيل المستر تشيرشل
وهو يبحر فيه في رحلته الي منابعه ويراسل الديلي ميل بمدونات لم تغفل شيئا ..
قلت له وانا اقف مبهورا امام تمثاله الشمعي في مدام توسود .. لماذا لم تنتظرني حتي اكبر واراك ؟ فضحكت دليلة المتحف وفي
نهاية الزيارة اهدتني كتابه River War واهدتني كذلك كتاب Nasser's Egypt وقد شهدت دموعي وانا اخاطب تمثال
عبد الناصر في خشوع وأدب ..
هؤلاء الناس نعلم من اين جاؤا ......
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: لكن يا ابوي الطيب زولكم موسليني ما جنن العا لم وخلطتوا لخبطت الدنيا وجابت (الحُم) |
يا عبيد
قالوا ليك موسليني تاوق ساكت علي السودان .. اخوان سعاد دقوهو ليك دق العيش .. لف بالراحه ومشي لبد في الحبشه
لحقوه ليك هناك ناس فرقة العرب الشرقيه وسووا ليه شاعت ماضاعت .. وجلدوهم في طابية اسمرا لحدي ما جروا
وهربوا من الجيش ذاتو .. وناسنا يغنوا : تلات تنفار سوداني ×× غلبوا الطليان مجاني ............ وكان جنود الطابيه
في الراحه وذهبوا للمدينة تاركين خلفهم الديدبانيه وعددهم ثلاثه .. وعندما حاول الطليان احتلال الطابيه غدرا تصدي
لهم الديدبانيه واهلكوا نصفهم وفر الباقون .. ولم يمت اي من الديدبانيه التلاته .. لذلك قيل مجاني
وقد رايت مخلفاتهم في اسمرا من الرجال العجائز والمقابر .. وفهمت ان موسوليني ماكان له ان يأتي الي السودان والا
لمعط السودانيون شاربه الضخم صوفه صوفه .. ولبسوه زمام بدلا عنه ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: قد رايت مخلفاتهم في اسمرا من الرجال العجائز والمقابر .. وفهمت ان موسوليني ماكان له ان يأتي الي السودان والا
لمعط السودانيون شاربه الضخم صوفه صوفه .. ولبسوه زمام بدلا عنه .. |
الكتراااااااااابل الديدبانيه ديل يصادفو عدويا وعدوك والله يا سماحة اللِّواء
الله يديك العافية كربجتنا تب من المعلومات القيمة الله يديك راحة البال عشان لي قِدَّام تملأ لي (سعيني)
والله البلقطها منك من هني بديها الضبية البِلعت الجُربان وبمنِّع ليها (الوكاي) وتاني ما بنساها تَب ولا بمرقها بي أخوي وأخوك
(الورل شن سوّه
طفطف من مضاريبهن مرق بي الفوَّه
نحن أخوان كليتيمة وحليمو ؤحوَّه
جبناهن مراحاً ليهو جضَّ وعوَّه ) دي حقت عمنا شيخ جامع لي واحد أفزر يستاهلها موسليني
لكن أني قلت الخلطة الجابوها من ناس مصوّع (الحُم) الجننا ابوي الطيب ديل القوام والجباه البِت بُق
واالكفل المعروش اني قلت خلطة طِليان (رومية الكَفل)
محبتي
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عبيد الطيب)
|
Quote:
لكن أني قلت الخلطة الجابوها من ناس مصوّع (الحُم) الجننا ابوي الطيب ديل القوام والجباه البِت بُق
واالكفل المعروش اني قلت خلطة طِليان (رومية الكَفل)
|
دي صادق فيها تب ..
ما شفت منظر اخوك طاقيهو (ماس) في مطار روما .. لما بت (الروم) خافت عليه وجاته دافره ترطن .. بس اللسان خواجة
لا هي فهمت لا انا فهمت .. ولحقوني الطياره طب العصب ....
عارف .. بعد سنين جيت اشتغلت في اسمرا .. عجب .. الناس ديل يالعبيد مش جمال وجوه او اجسام .. لا لا .. جمال روح ؟
مغناطيس ؟ .. شنو ماتعرف .. طلعه ما بتتقابل .. زي لهيب النار .. ولا فرق بين حيشي وحمفصي الا باللون الفاتح المشرب
بالعسل ..
وجماعتك الطلاينه استوطنوا وعرسوا وخلفوا (سبحان الله) .. حمفص !
نحن وين يابوي ؟
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote: انت ياشيخنا الطرماج ماشفتو داير تشوف رقيصي انا .. والله الطمع ودر ما جمع ..
لكن عشان خاطرك .. وعشان ما تمرق من متع الدنيا بي قد القفة .. ده كان وانا عمري 18 سنه .. في مدرسه رسمية في وسط الخرطوم
والسبب كان ضرورات الحضارة خصوصا اذا كان حيودوك لندن .
|
يا ريس ...
والله المساله ماتِحِشــِّـــــر مني
ولكنها محطة لابد من اعادة النزول فيها ...
لانو ال culture ده انتهي من السودان
بسبب الأسلمة ... وكأننا كنا كفاراً ...
وهم الذين علمونا الاسلام الان ...
والله يا سعادة اللواء ... كلام يعجب ...
شوف السودان كان بخير كيفن ...**
خالي من المشاكل و العقد ...
________________________________
طرماج شنو يا خال ... انا نديد شيقوق ود اختك ده ...
اكان هو حضر الطرماج ... فانا اكون في سبينستو ...
________________________________
** عندى ليك حكاية جميلة عن كون السودان كان بي خيرو ومشاكلو بسيطة ...
بجيك ليها راجع انشاءالله ...
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
أولاً أعتذر عن عدم تواجدى فى هذا البوست الانيق والاسباب عديدة وأهمهما أن الكمبيوتر التعبان بقى مع سودانيز أون لاين مصيبة !!مره يفتح ومره يرفض ومره تغلبنى القراية ، من الاسباب الاخرى العمل والانشغال ببعض البوستات هنا وهناك وما تنسوا أنا عندى تواصل (يا سعادة اللواء ) والاستاذ الطيب شيقوق (دفعتى ) مع 15 منتدى أرسل لها مشاركات حاره ومسادير وردود وقد أطلق على أحد أقاربى وهو (من المريخاب الظريفين ) وهو الدكتور الصيدلانى عبدالجليل قسم السيد أطلق على لقب (بتاع اللبن ) لكثرة تجوالى على المنتديات السودانية بالداخل والخارج وبمواضيع مهوله خاصه قبل عامين !!والله كنت فى كل منتدى أكتب أٌقل شىء 30 موضوع وتعليق فى اليوم ومعظمها (قطع أخدر ) ، أذكر أن أحد أقاربنا من السقاى ومقيم فى السعودية الرياض وأظنو من جيل إبننا الشاطر وسامع بى بشرى مبارك ولكن لم يقابله إلا من خلال السطور فى منتدى السقاى ومنتديات أخرى ،فكنت أكتب فى منتدى السقاى بنهم ومعلومات عن أهل السقاى أمثال الاميرآلاى مهدى حامد عبدالله أول قائد لسلاح المدفعية عطبرة وكان عليه الرحمة شاعراً متميزاً وقد توفى فى لندن فى العام 1987م عليه رحمة الله ، قال لى قريبى والله يا بشرى إنت يا عاطل يا خارق !! فقلت له والله العطالة موجودة والحمد لله وأخشى أن يشغلنى العمل ولا أستطيع الكتابة وهذا هو الذى يحدث معى هذه الايام يحرمنى العمل من التواصل معكم ولكن سوف أرفد البوست بمسدار وأكثر كتبته مباركة لبنتا سهام إسماعيل البشير التى منُحت الدكتوراة فى الفيزياء وأرجو أن تباركو لها.
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: بشرى مبارك ود السقاى)
|
أولاً نبارك ونبارك ونبارك حتى تصل المباركة لو رُصت حروفها اليكم فى السودان فى الثورة الحارة 13 ، نقول مبروووك للدكتورة سهام إسماعيل البشير ومبرووك لعموم الاسرة ولاشك أن الدكتورة سوف تكون أهدت هذا الانجاز الى روح والدتها العازة المصطفى عبدالله عليها الرحمة فنترحم عليها جميعاً فنقول اللهم أغفر لها وأرحمها وأسكنها الجنة مع الصديقين والشهداء .
نبارك للوالد والعم والاب والاستاذ والاديب والشاعر إسماعيل البشير نبارك للأخ الرائع نصر الدين وأسرته الكريمة للأخوات نوال وهاجر وعموم الاسرة الكريمة .
لاشك أن الرسالة التى مُنحت بها الدكتورة سهام هذا اللقب رسالة هامة وسوف تفيد الطلاب فائدة عظيمة نسأل الله أن يكتب لها فى كل حرف وصوت مسموع حسن والله يضاعف لمن يشاء .
مبروووك يا سهام نجاحك جمييل وعجبنا
وزيدى فى النجاح وخليهو عز لى طلبنا
خيرو يزيد وباسط ما قالو أصلو أصلو غلبنا
سهل للدروس وأسعد للنفوس ما ليهو إتغربنا
كتبت فى منتدى السروراب هذا التعليق وجئت هنا لكى (أحقق سبق صحفى وأنفرد بالخبر فوجدت الدكتورة سهام قد سبقتنى الى دارها بالجزيرة إسلانج ) فأكتفيت بالتعليق مثلما فعلت فى منتدى السروراب ولكن هنا كان تعليقى قبل الجميييع وخاصه منافسى الباشمهندس الشيخ إدريس !!آها دى بى ثلاثة نقاط يا باشمهندس وشد حيلك ما يحلك إلا مسدارين و30 سطر فى التعليق وأنكرب .
---------رد الدكتورة سهام على بشرى مبارك-----------------------------------------------------------------------
الله يكرمك الأستاذ الرائع السبَّاق دائماً، الأستاذ البشرى، الذي يأتي دوماً بالبشرى..جزاك الله ألف خير ،،
نمك كتير يالبشرى جد يسعدني
ومن رب العباد يجزل عليك يأجرني
سامحونا بس لو قصرنا ما تعاتبني
كتير ما ردينا، بس دي الهموم، لكني
شاحد الله الكريم في حقكم، يغفر لي ما يساعلني
رد الباشمهندس الشيخ إدريس المبارك للدكتورة سهام--------------------------------------------------------------------------------
(دكتورة وكمان عالم يسر البال
من دار ناس سرور جانا الفرح والفال
مبروك النجاح قبال نلف الشال
وابشروا بالفلاح وتهاني ليك يانوال)
دكتورة سهام وهذا (التلكلك)(والتحكحك) هو من ضمن المجاهدات التي ينبغي ان تأخذيها بعين الاعتبار فهؤلاء القوم مع احترامنا الشديد لهم الا انهم يحاربون كل مجتهد فما يضيرهم ان كان كتاب الكتروني ام حزمة الكترونية او ضوئية مادام الفحوى والاجتهاد والمضمون واحد ؟ في النهائية ستنالين مبتغاك فوق رقاب الرجالة ديل.
ومسدار ثانى من بشرى مبارك للدكتورة والشيخ إدريس والاخ حيدر أحمد عبدالله الذى بارك لها وأعتذر عن عدم إجادته فن المسادير وطلب منا التعبير إنابه عنه وقد قلت :
وما قصرت طب يا الشيخ بسط ود عبدالله جبت زياده
ومعروف ديمه قضاى واجب ومختوت للكتير وزياده
محل ودووك كنت هميم نجيض وصميم ولو فى بياده
ولو ندهدوك عيال أهلك قصاد سقاى ما يهمك تجيهو مخاده
ويا الدكتورة شوفى بشارة الرايعيين ومسدارم نسوى نسوى وساده
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote: بس جات عند المشير الحقيقى عمر على حسن ؟؟!! وأخى ودفعتى الطيب شيقوق الشق الذى يعدل البوست مع شقيقة عبيد الطيب أسمحوا لى أن أنقل لكم بوست بنتنا الدكتورة
الدراسات العليا د. سهام بقول ليهم أنا سميت نفسي د. سهام الزعلانة ... وهذه حكايتي مع العنوان ولكنها باختصار شديييييييد |
منِّي والرَّيَّس عُمر والمستشار شيقوق
نبارِك لي سهام سِت النَّفَل والذّوق
مبروك النجاج ؤرفعتي بلدِك فوق
ؤلبستيهو تاج ؤشبلتي فوقو الطّوق
عشان فرحتي والديك و العندو فيكي حقوق
العنوان اتركيهو ؤهُن عَدَّمو الطّايوق
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote: ولكنها محطة لابد من اعادة النزول فيها ...
|
وهي يا قباني محطة لها اثر خاص في نفسي .. وقد ظهر لي في مناسبات اخري اني ايضا اشتر في الغناء واشتر في عزف اي اله موسيقيه
بخلاف الصفارة (الفلوت) .. ورغم ذلك فان صوتي جميل واجيد تلاوة القرآن ..
ذهبت لمدرسة الرقص وكانت في منزل بجوار طلمبة البنزين علي شارع الجمهورية التي سميت لاحقا بطلمبة جكسا وقامت فيها مظاهرة
ابوكم مين الشهيرة حين انقطع منها البنزين والصف مازال طويلا وكان النميري مارا بالطلمبه في تفقده لامدادات النفط فصعد احد من
انقطع بهم الصف علي سطح سيارته واخذ يهتف (ابوكم مين) وكان الرد عليها ايام مايو (نميري) .. ولكن احدا لم يرد الهتاف فهتف الرجل
ثانية وثالثه دون ان يردها له احد .. وفي المرة الرابعه هتف (ابوكم مين ياولاد ا ل ك ل ب الله ينعل ابوكم) .. وقيل ان النميري فقعها ضحكه
وذهب ..
هذه المدرسة مدرسة مرخصه لتعليم الهواة اصول الرقص الاساسي الذي هو جزء من الحياة الاوروبيه والمتحضرة .. الفوكس والتروت
والفالس والكلاسيك والتانجو وبعض مباديء السامبا والرومبا بحد ادني ثمانبه حصص الحصه لمدة ساعه بجنيه واحد .. ولما كنت ذاهبا
لانجلترا لمدة عام فقد دفع الوالد القروش دون احتجاج .. ويبدو انه شاور اخاه الاكبر لانهما كانا يرتبان لهذه البعثه بروية تامه حتي لا
اتعرض للانحرافات والمفاسد ..
دفعت الجنيهات الثماني واستلمت الايصال وجدول الحصص .. وجئت للحصة الاولي واستمعت للشرح والرسومات التي تعلم (الخطوات
الاربعه) وهي اساس علم الرقص .. وطلب منا التطبيق والمذاكرة في البيت .. وفي الحصة الثانيه وفي الجانب العملي لم تنضبط خطواتي
مع رثم الموسيقي كما يجب .. فقضوا الحصة كلها يصححون اخطائي .. واعطوني حصة اضافيه .. وقال لي المدرب انت تقابل المدير
فذهبت له .. اوضح لي الرجل انني اجر رجلي جرا ولا استرخي مع حركة القدم وانني لن استطيع تعلم الرقص (علي اصوله) وانه من
الاحسن الا اضيع وقتي في الحضور الي المدرسه .. (يعني مرفوت بالعربي كده) .. طيب وقروشي ؟ .. قال انني حجزت مكانا يمكن ان
يملأ بآخر كان سيدفع ويتعلم .. لذلك مافي قروش ..
لما عدت لابي بهذه النتيجه لم يجد حرجا فيما حدث وقال لي خلاص انت حاولت وما ظبطت معاك .. ولو هناك طلبوا منك مراقصة احداهن
فاعتذر بان رجلك مكسورة او ارقص باي طريقه اصلو مافي زول جايب خبر ..
مازلت وسأظل مستعجبا من جنس الحتيت البحتوه الوليدات الصغار ديل وهم لا مشوا مدرسه ولا اتعلموا الخطوات الاربعه .. وكمان
حكومتهم اسلاميه .. تفتكر قروشي راحت ساكت ؟
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: لانو ال culture ده انتهي من السودان
بسبب الأسلمة ... وكأننا كنا كفاراً ...
|
اها يا شيخنا .. والطرماج ده كان كافر والله قبطي ؟
Quote: طرماج شنو يا خال ... انا نديد شيقوق ود اختك ده ...
اكان هو حضر الطرماج ... فانا اكون في سبينستو ...
|
لالا .. ناس خالي عندهم مترو .. البردانه القويسي .. نن ستوب ..
بالمناسبه انا رميت ليك الباص اخو الطرماج قدامك .. اظنك ماعرفته ..
تور الجر الله يرحمه في واحده من وحايده قال انهم شالوا الخرتوم عشان يركبوا الطرماج .. لقوه مشي امدرمان والسواق كاتل الناظر
وابي يجي راجع .. قول يابا ركبونا (الباص اخو الطرماج) .. ودّانا .. وستر حال اخوهو !!
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: تقطع ساكت دكتور فلان والفريق مالك عقار واللواء عرمان والفريق أول جبريل أبراهيم بس
جات عند المشير الحقيقى عمر على حسن ؟؟!! |
بلدا يقدل فيها الورل ..
وحاتك ات انا لما انزل مطار الخرطوم بقيت اخاف .. يمكن يطلع لي واحد يقول لي الباسبورت ده الاداك ليهو منو ؟ تقول لي مشير؟ .. كتر
خيرك والله ياود ناظرنا ورئيسنا العظيم ..
زمان يابوي الجرايد الليبيه قالت (الملازم عمر رئيس نادي الهلال) لما غلبناهم ودقيناهم .. قمت رديت عليهم في الجرايد السودانيه وقلت ليهم
(الله عالم منو الملازم .. رئيس الهلال ؟ والا رئيسكم المجنون؟) .... فاتصل بي عمر الحاج موسي ضاحكا وقال لي فشيت السودان كله ..
صديقي رزق ولدا فاتصل بي نافخا وقال سميتو مشير ... ضحكت وقلت له حته واحده كده ؟ .. فقال لي اسميهو ليك ملازم يعني ؟
تهانينا للدكتوره سهام وجهادها من اجل فرض الاسم العلمي الذي يناسب رسالتها .. وساحكي يوما عن جهد اعوام من التحصيل والبحث
احبطه خلاف مشابه لما حدث للدكتوره سهام علي عنوان ..
تحياتي
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote: انت يا خال بجيك الاحساس دا ولا ما بتتقبل اي ضيف بدون يحدد معاك مواعيد مسبقة ولا بتتقبلو زي خالك دا وبتموت بغبينتك جواك ؟
|
ابدا والله ياخال .. هم ديل الفضلوا لينا .. قلت ليك خالي قال ليهم الخواجه المعانا ابوه مات ماشين ندفنو .. قالو ليهو نمشي ندفن معاكم ..
لو ما قرصهم بحكاية انهم ما بيعرفوا انجليزي كان شالوا الفاتحة مع الخواجة ..
اسمع ياخال .. ارجع زي ماكنت .. افتح ورحب وضيّف .. ونظم وقتك .. واديهم حصة ولو ماجو فيها املاها نت وشغل عشان لما يجو
في وقت النت والشغل ياخدوا حقهم
فسمتنا ياخال كده .. ولدونا وسط الحمير والبقر والغنم وعرب رفاعه والبردانه الما عندهم ساعات ..
حبوبتي ابت تخلي السوق وهي مسافرة .. قالت ولدها بوقف ليها القطر
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: هههها - ات يا خال حصل اديت بلدنا ديك شقة ولا خمشت المعلومات دي من القوقل ايرث ؟ |
انت ياخال قايل انا كان ماعندي جلاكسي مني بتي ماعندها ؟
اها كمان قال ليك المترو ده بالقروش بتاعة مبيعات 6 شهور من مزيج البردانه
خالك يابا امنه كارب ومعلوماته خاتيه الطق .. وحسه كان عايزني اقول ليهم عندكم يورو ستارز اقول ليهم ..
انت فاكر ساي
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: قطع شك سفيرنا عندهم جهجهت ليهو اوراقو كووووولها |
ابدا .. اخوك واعي .. ما كان عندنا سفير .. والكوتش رحمه الله كان كل شويه بجي ناطي لينا ويقعد يلتشغ ويقول ليك انتو ما بتعرفوا
تاريخ المهديه .. انا حاوريكم ليه .. فقع مرارتنا .
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
--------------------------------------------------------------------------------
شغلنى أخوانى الكرام بمنتدى الجزيرة إسلانج والسروراب والسقاى شغلنى مسدار وشعر عبيد الطيب (الفخيم ) يبارك لبنتنا الدكتورة سهام إسماعيل البشير خاصه ألابيات الثلاثة الاخيرة التى تقول:
ولبستيهو تاج وشبلتي فوقو الطّوق
عشان فرحتي والديك و العندو فيكي حقوق
العنوان اتركيهو وهُن عَدَّمو الطّايوق
لذلك قررت أن لايمر على هذا اليوم وإلا أكون قد كتبت قصيدة كاملة الدسم والان إليكم القصيدة وأتمنى أن تعجبكم وخاصه دكتورتنا سهام إسماعيل فقد قلت :
والله يا عبيد والله والله ذووقك ذووق
أديت لى سهامنا من من العلالى الفوق
أرضك فى الشعر مادايره طب مارووق
ونمّك جد ظريييف يحاكى كييف القوق
ياالشاطر * أخوى أدييك السلام مطبوق
جيلنا والورانا والوراهم ما بعرفوها عقوق
أتعلمنا الكتيير الكتير ما خلينا جر واسوق
نحترم الكبير لو لاقانا نص نص السووق
نوقّر صغيرنا صغيرنا نلعب معاهو الطووق
ولو قصرنا واجب نجييب لكل لكل فرووق
وما فينا البخييل العوير وفينا من ممحوق
موظف ومحاسب الحكومة ما بنى الطابوق
أسألو أخوانى والطييب الطييب ترب شيقوق
وعمر على حسن فى عدلو هو الفارووق
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: ابدا والله ياخال .. هم ديل الفضلوا لينا .. قلت ليك خالي قال ليهم الخواجه المعانا ابوه مات ماشين ندفنو .. قالو ليهو نمشي ندفن معاكم .. لو ما قرصهم بحكاية انهم ما بيعرفوا انجليزي كان شالوا الفاتحة مع الخواجة .. |
طيب نحن ننزل ليهم تواضعا ولا هم يرتقوا لينا حضارة ؟
ما تجامل ياخ قول زهجتني
Quote: اسمع ياخال .. ارجع زي ماكنت .. افتح ورحب وضيّف .. ونظم وقتك .. واديهم حصة ولو ماجو فيها املاها نت وشغل عشان لما يجو
في وقت النت والشغل ياخدوا حقهم |
عييييييييييييك انظم وقتي؟ ات فاكرهم من رفاعة؟
| Quote: فسمتنا ياخال كده .. ولدونا وسط الحمير والبقر والغنم وعرب رفاعه والبردانه الما عندهم ساعات .. |
حمير ؟ بقر ؟ ات جنيت؟ . خالك هسه في اى لحظة برفع تلفنو وقت الهجعة للهوم دليفاري والقريل جيكينز ومشاوي وكدا وبعد دقايق تسمع المواتر جات متلهماهو ورررررررررررررررررررررررررررر تتناول منهم وتدي المقابل وكمان البتز بتاع الفناجرة - ات فاكــــر ساي ؟
| Quote: حبوبتي ابت تخلي السوق وهي مسافرة .. قالت ولدها بوقف ليها القطر |
انت براك ؟ انا قريت الحوش الثانوية العليا وإمتحنت الجامعة حبوبتي قالت لي إن شاء الله تنجح ويقبلوك في حنتوب
| Quote: انت ياخال قايل انا كان ماعندي جلاكسي مني بتي ماعندها ؟ |
اهاااااااااااااا دا الكلام النيي يا خال - كمان بقيت تقابض موبايلات بنوتك ؟ هووووووووووووووى كل حاجة ولا تداقر بت الزمن دا في موبايلها .
زعلت منك زعلة يمكن ما ارجع ليك تاني ذاتو
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: الواحد يضرب الجرس نص الليل .. لما تفتح يقول ليك اوعي
تكونوا نمتوا ؟ .. لا والله .. عندنا نبطشيه |
افو افو يمكن ضيف هجعة يا خال
بتربس بابك ساي ؟
يعني بترفع طرف البطانية عشان تشوفو وتنخمد تنوم تاني؟
هييييييييييع هلا هلا نحن الما عندنا حيشان ولا صرفات - البيوت مفتوووووووووحة ولا يهمك حتى ولو جاء داخل وانت بتلعب العاجكو ... بتوقف النقزي طوالي وبتتلهم اب اربعة في الزريبة وكش لفختو ليهو .
عشيتو زيييييين ورجعت تاني لنقزيك ...
ات فاكر ساي ؟
| Quote: انا حبوبتي مسمياني المامور من انا وليد ولما بقيت مدير ابت ترقيني .. الله خلقهم كده |
وانا حبوبتي وقت جاتنا زيارة في امدرمان الوليدات فتحوا ليها الاسكايبي عشان تتونس مع طيوبا في عمان - وقت بهلت ليها الصورة عبر الفديو كونفيرنس شهقت هق وقالت والله الحكومة دي ما خلت حاجة . وقالت لي طيب كدى نزل الطاقية نزلتها ليها وقالت كدى اقيف وقفت ليها وقالت اشرب ليك موية شربت ليها زييييييييين وقالت لي اقعد قعدت ليها وقالت لي كدى اهمدو همدتو ليها .
لقيتني كيف يا خال؟
دي كلها بروفات - ما تسرح
Quote: انت يا خالي مالك غشيم كده .. يعني هي بتفكو ليك ؟ .. ما بتكنكش فيه وتوريك الانت عايزو بالمقاس
قال تدافر قال .. |
لقيتك خال تفتيحة عدييييييييل كدا
نان لشنو كل البنيات موبايلاتن silent ؟
| Quote: وآآاي ياقروشي البتجيب الحاجات لي غيري |
وغيرك دا استهلاكي ساااااي اكان قلت ليهو تعال حك لي راسي بقول ليك آسف انا مع فلانة او فلان اونلاين ع الفيس او الاسكايبي
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: ازداد اعجابا بطريقه تناولك للاختلاف .. هل انت شجاعة وحاسمة ؟
ام ان مشاركاتك التي تجاوزت 20000 تميزك بهذا القدر من الثقة .. |
حقيقي لا أدري تماما..فأحيانا تكون الحساسية تجاه ما قد يجرح الغير سببا لان نتوخي حرصا أكبر مما يجب فنبدو كأننا غارقين في الخوف والجبن..وكذلك من ناحية أخري الثقة في النفس وفي فهم الموضوع قد تجعل لنا من الشجاعة ما يساعدنا علي التحليل الصحيح أو التصدي في المواضيع التي نخوض النقاش فيها بثقة كبيرة وأيضا بحرص حتي لا نؤذي دون أن ندري الغير..
وأنا اترك موضوع الحسم فيما لا يخصني للطرف صاحب القضية..فحسم الامور كما تدري له نتائج يتحملها صاحب الأمر ..إلا أنه بالنسبة لإموري فبعضها لا يحتاج لتفكير ويحسم في لحظته..وبعضها قد يحتاج لبعض الوقت..وفي كل الحالات تصل الامور لنتائجها المحسومة ولا أتركها معلقة..
وحساب النفس جزء من الثقة..وأنا من النوع الذي يحاسب نفسه في كل وقت وخاصة قبل النوم ليلا حيث شريط اليوم وأحداثه يمر وحيث الأخطاء واللوم عليها أمرا طبيعي..
وتكون للأمور المقلقة حتي الصغيرة منها حيز في التفكير والذي قد ينتهي بالرضاء أو ب (لو) ونسأل الله أن يخفف عنا محك ودائرة (لو) لأن الرضاء التام لا يأتي بعدها كثيرا فكما قيل ..لو تفتح عمل الشيطان!
............
..............
غيري قد يري في (لو) هذه الطريق للإكتشاف والمعرفة أكثر..إلا أنني أكتفي بضميري الذي أهتم به وبنفسي وأنا اجاهد في تأديبها علي أن افعل ما أفعل او اقول ما اقول..
....
....
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: Muna Khugali)
|
| Quote: وأنا اترك موضوع الحسم فيما لا يخصني للطرف صاحب القضية..فحسم الامور كما تدري له نتائج يتحملها صاحب الأمر |
مع ما يبدو لي من اننا نمتهن مهنة واحدة او متشابهه .. او نقف علي ارضية علمية متشابهة تؤدي الي انتاج الحلول .. الا انني اجدك اكثر حذرا
مني في تقديم الحل .. وهذا يحيرني بعض الشيء ... فصاحب المشكله كالمريض يريد حلولا ناجزة ولو اوجعته .. والرؤيا المتحررة افضل من
المعايشة .. لذلك وجدتك اميّل لاستمرار البوست .. وقبلت الحل بقدر من التردد يماثل ما استندت عليه في رؤية الاستمرار ..
الغريب ان النتائج فورا اكدت انك كنت علي صواب وانني كنت علي مرمي سهم من تدمير البوست
ساكتب لك (بخرة) اعطاني اياها والدي .. أقيّم بها المشاكل وابسطها لاجد لها الحلول .. وقد استخدمت هذه البخرة في طول حياتي وعرضها فلم افشل
في الوصول الي حلول لاصعب ما طلب مني حله ..
كوني بالف خير ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: والدي وكما أسلفت لك في رسالة الهاتف واصل فهذا الموضوع اصبح ملكا للجميع سيفيد العديد من الشباب وانا اولهم ليقفوا فيه كثيرا وليتعلموا
منه ومن التجارب والعظات التي يحويها والمحطات . فدم بخير وتخطى مطار الخرطوم وخذنا الي فضاءآت اوسع واجمل، لك جزل الشكر
ووافر العرفان. |
وأهو ولدنا علي الشاطر طلع إسم علي مسمي ووضع لنا الحل القاطع..
يا سعادة اللواء إنت عمرك ما طويل في البورد..لكن علي الرغم من كده عندك قراء أعدادهم ضخمة وممكن أجزم إنه عقولهم كذلك..
وعشاق التاريخ الجميل موجودين..مش تاريخ الإثاربس..أيضا تاريخ الإنضباط والإنسانية والذي اصبح من الصعب وجوده بنفس قدر الأمس..
حتي وقصة الأخلاق دي نسبية..لكن هناك قواعد عامة تنطبق علي اي نسبيات..أسه الإنضباط والإلتزام في شخصية الزول مش جزء من التربية الأخلاقية؟؟
يديك العافية تكتب زيادة ويدي علي كل مناه ويتابع البوست معانا كلنا..
وشايف إنت براك الأجيال كلها كبيرة علي صغيرة فيها الناس المحبة لمثل تلك السر التي تأتي أنت بها هنا..
.........
.........
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: Muna Khugali)
|
| Quote: وأهو ولدنا علي الشاطر طلع إسم علي مسمي ووضع لنا الحل القاطع.. |
مني .. كنت اود ان انطلق عائدا لمطار اتسكع فيه وانسي الدنيا فلا تشغلني لولا انني قضيت يوما منهكا وعدت لاقضي
امسية حزينه وباكيه علي شخص لم اره ولم اسمعه .. ولكنني احترق حزنا عليه لان الناس احبوه بهذا القدر ..
خفف عني شيقوق بمحادثة باذخه وشيقة .. انتهت بوفاة حبيبي ابو 68 بالسكته الدماغية .. فلن اخرب مزاج الاخرين هذه
الليله .. وساعود في الغد اصفي ذهنا واواصل .. مسلما تماما لحكمكم ..
رحم الله محمود عبد العزيز واعزيك فيه وقد لمست منك تقديرا له
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
قطعا هو فقد مختلف..
فقد شاب بخصال مختلفة..
ثم فقد فنا بحنجرة كانت توعد بمستقبل أكبر ..
فقد خلف وراءه ليس الحزن فقط..
بل خلف حالة من الحسرة..
حسرة علي آمال شباب إتكلوا عليه في ملأ ارواحهم فنا وطيبة..
من ترامهم يتجمعون حوله الآن؟؟
ذلك الصامد تحت سياط الجلاد الخائن..
ذلك الصادق في إعلان حبه في أي شكل كان..
ذلك الشاب الإنسان الطيب..أطفاله يحتاجونه!
وشبابه أيضا تمني لو كان قادرا علي أن لا يفارقه إطلاقا!
............
............
يارب أرحمه وأدخله في رحاب جنانك وأنت الرحيم والقادر!
ونترحم كذلك علي فنان أرض الجزيرة أحمد شبك..
مات وخبره لم ينتشر بالشكل الكافي بسبب توقيته مع موت الحوت!
العزاء للجميع..
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: Muna Khugali)
|
سؤال يا خال ...
بعرف انو الموت علينا حق ...
لكن بيموتوا ناس وردي و محمود و نادر و زيدان و حميد ....
صغار و كبار ....
النصايب ( قصدي النسايب ) حسن و الصادق ... مالم قحة ما بتجيهم ؟؟؟ ***
____________________________________
*** دي محاولة نجيهة ... لكن ما بتمشي فيهم ...
ما عَمْ تُظْبُط النجيهة يا خال ...
| |
|
|
|
|
|
|
|
|
 Re: 12/12 الساعه 12 والدقيقه 12 والثانيه 12 (Re: Muna Khugali)
|
Quote: يارب أرحمه وأدخله في رحاب جنانك وأنت الرحيم والقادر!
ونترحم كذلك علي فنان أرض الجزيرة أحمد شبك..
|
مني .. ثبات القلب والدعاء اوفي بحق الميت ايا بلغ بنا الجزع
وقد رايت امس من يستغل وفاة محمود واثرها علي الجموع .. هذه قضية جديده .. لابد ان ننتبه لها .. نحن شعب مندفع وتسوقنا
عواطفنا .. هذه نقطه .. وحولنا متمرسون يعلمون هذا ويعرفون كيف يستخدمونه ..
مثلي ممن حزنوا بقلبهم وضبطوا احاسيسهم فلم يخرجوا عن الطور رأوا صورة لم يرها المنهارون في الشوارع .. رايت ان
جهات لايهمها الحدث تستثمره لاجندتها الخاصة .. ورايت تعريه وتساقطا للقيم اود ان نعود اليه لنتحسس ابعاد القاع الذي نتردي
الية دون وعي.
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
منِّي والرَّيَّس عُمر والمستشار شيقوق
نبارِك لي سهام سِت النَّفَل والذّوق
مبروك النجاج ورفعتي بلدِك فوق
ولبستيهو تاج وشبلتي فوقو الطّوق
عشان فرحتي والديك و العندو فيكي حقوق
العنوان اتركيهو وهُن عَدَّمو الطّايوق
هذا ما كتبة الاخ عبيد الطيب فى سودانيز أون لاين يبارك للدكتورة سهام ، وهو والمستشار الطيب .تخريمة
يا سهام عاد لازمك رد كارب أنقلو ليهم فى سودانيز أون لاين وشدى حيلك ومعاك الباشمهندس عشان تبيضو وشنا وتزيدوهو بياض..
هذا هو رد الاخت الدكتورة سهام إسماعيل بمسادر أو قصيدة على الشاعر عبيد الطيب رداً على ما كتبه لها من شعر مباركاً الدكتوراة والرد لا شك يشمل الريس والمستشار شيقوق بل وكل حضور ومعلقين البوست الرائع .
أرح يا الشيخ نسو تعظيم سلام مطبوق
للطيب والطيبين طيبي الأصل والذوق
الجونا عبر الأسير شايلين السلام بي فوق
حديثهم طبيعي لا مصنوع ولا من سوق
حديث جميل وطريق يخلي الزول رايق روق
بنرسل ليهم تحايا شايلاها الخيول والنوق
ياربي كده حقيت حقهم وأوفيتهم الحقوق..؟؟
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: بشرى مبارك ود السقاى)
|
قال الشاعر اترك الاحزان يا جميل واصحي
لو تركنا للحزن المجال فانه يولد من نفسه دفقا ذاتيا .. فلا يتوقف .. وقد شاهدت جيراننا الاقباط في عطبره يخرجون من سواد يلبسونه
حدادا علي فقيد الي سواد يلبسونه حدادا علي فقيد جديد .. فلم ارهم ابدا يلبسون الا الاسود ..
لذلك وعندما تزوجت وماتت جدتي منعت زوجتي من الحداد بكافة اشكاله المتبعه .. وقالت اخواتي لعماتهن وخالاتهن ان عمر منعنا ...
وواجهتني الوالده بضرورة اتباع التقاليد فاستعنت علي منطقها بما منحتني اخواتي من لواذ بشخصي فحملت صوت جيلنا اليها بهدوء ..
وفي النهاية قالت .. علي كيفكم .. ولم تعد في الاسرة كلها شابة الا وادعت ان عمر منعها .. ثم اصبحنا اسرة لا تلبس القنجه ولا الدمور
ولا الابيض ولا الاسود ولا تتوقف بناتها عن دواعي الزينه بعد رفع الفراش ..
هذا لايمنع استبقاء الذكري ولا يقلل من فداحة الفقد .. ولكنه اشارة لي ان الحياه لا تتوقف كثيرا عند حدث الموت فلا يبقي هو المسيطر
ويجرف سفينة الحياة الي بحر الاحزان الذي لا يهدي تياره الي مخرج .. فيتواصل دفعه في عباب من الظلام ..
مات قريب او حبيب فبكيناه وشيعناه وسلمناه الي ربه .. فهل نذهب معه الي الاخرة .. ونظل نتناقل الالم والحزن لفراقه حتي يفاجئنا
رحيل عزيز آخر .. فنواصل التمسك بالحزن حتي نموت
ما هذا الذي نفعل فنحيل ثلثي مساحة الحياة الي ميدان للتباري علي النواح والبكاء علي عزيز مات ..
لنسلو وندع الميت يرتاح من عذابنا له .. وتحميله بذنوبنا البالغة لدرجة الكفر ونحن نظن اننا نقدره ونعطيه حقه ..
قال لي ابي .. ابكي ما استطعت فستسكت ويجف دمعك .. ولن يعود من مضي ..
وقف انور السادات امام صورة عبد الناصر الضخمة التي تتصدر قاعة الاجتماعات الكبري بجامعة القاهرة وهو متجه اليها حتي
توقف التصفيق الداوي ترحيبا به فاستدار نحو الحضور الضخم وقال .. الله يرحمو بقي .. توقف بعد ذلك سوق تأليه عبدالناصر
والباسه ما يستحق وما لايستحق من الصفات والاعمال ..
الا هل بلغت ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
لا فض فوهك ولا جفّ مدادك سعادة المشير عمر على حسن (الفاروق )، فوالله إنه مقال ورد وواقع يستحق أن يتم تدريسة فى كل المراحل الدراسية من الاساس الى المرحلة الجامعية بل يكون من متطلبات (البيان بالعمل لكل متزوج أو متزوجة ) وهناك الحديث الذى يقول لا يحق لإمراة تؤمن بالله ورسوله أن تحد أكثر من ثلاثة أيام إلا على زوجها فتحد عليه أربعة أشهر وعشر .
تحدثت مع شيقيتى (بالسعودية ) التى عاتبت بنت أختها فى عدم حدادها عند سفرها من السعودية للسودان فى عدم حدادها على زوج أختها التى تكبرها الشاب !! فتذرعت بنت أختى أن والدتها طلبت منها أن تحضر بكامل زينتها فقلت لشقيقتى إذا كانت أختك الكبرى قالت لبنتها وأعطتها الاذن فلا حديث ولا لوم لكى !!ولكنها من نوع الذين يصرون على رأيهم فعاتبت بنت أختها بعد عودتها الى السعودية بحجة أننا حادين عليهو معاكن !!! فلا يجوز ذلك الحداد ، لكن يا سعادتك لومك على تانى من يوم الليلة أشيل للحداد فى الاسرة مقلاع وأتابع كل الحالات متذوداً بهذا المقال السمين والقوى والامين وبارك الله فيك ونفعنا بتجاربك وعلمك وحكمتك وطاعة أخواتك لك قبل أن تكون ضبابطاً ملء السمع والبصر فوالله أنت المأمور حتى ولو لم ترقيك (حبوبتك) فإذا كانت الحبوبه وقبل أن تصل الكلية تمنحك رتبة المأمور فلماذ نتوقف من رتبة المشير ؟؟ .
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: مطار الخرطوم بعد نحو نصف قرن من جباية ضريبة الوصول التي زعموا انها فرضت لتحديث
المطار وتطويره لم تزد عليه شيئا يذكر وانه ربما يكون اتعس مطارات العالم .... وانني لا استطيع التسكع فيه . |
ولكن مطارات شرق اسيا تحدثك منذ لحظة هبوطك فيها انها ستمتعك بالتسكع فيها وتملؤك بالحبور والغبطة لان كل شيء
فيها يبتسم لك ويدعوك للحظه معرفة او متعة مشاهده ..
هبطنا مطار هونج كونج الذي يشغل بمفرده شبه جزيرة كاملة تصطف فوقها عشرات مدارج الهبوط والاقلاع ومئات قاعات
الوصول والمغادره ويجوس بينها قطار المترو الذي ينقل الركاب بينها فتنفتح ابوابه عند كل قاعة لينزل نازال او يركب صاعد
يذهب فيه الي نقطة اخري .. ويموج فيه الاف الركاب المسافرون والقادمون والعابرون .. قيل لي ان طاقة هذا المطار تجاوز
المليون راكب يوميا يعمل علي خدمتهم ربع مليون موظف من ادارات الخدمة الارضيه في ابراج المراقبة الجويه والمرشدين
الجويين والارضيين ومضيفي شركات الطيران الارضيين وعمال لكل الخدمات الهامة والهامشية وانماط من السلطات الحكوميه
وشركات التسويق والبيع والفنادق .. واي نوع من الخدمات تحتاجه دون ان تغادر لمطار ..
وعلي صدر كل قاعة خريطة ارشاديه تختصر لك الوقت الذي يمكن ان تهدره في البحث عن مقصد تريده .. ثم ترشدك اللافتات
والمرشدون الموزعون بعيانة الي ما تريد .. ويتميز كل العاملين وبمختلف مواقعهم بازيائهم الدالة علي نوع عملهم وتجدهم جميعا
من الشباب حسن المظهر المدرب علي اشاعة الراحه والاطمئنان في نفس المسافر .. وكلهم علي قدر عال من الجمال كانهم قد
خضعوا لمسابقات الجمال قبل توظيفهم .. والجمال الصيني يحتاج (لفرازه) ولكن تعداد البشر يوفر مثل هذا العدد ممن يملكون من
الجمال الانثوي والوسامة الرجالية مسحة تجعل الناظر مسرورا ولا يجزع اذا فاته شيء ممن يريد (البحلقه) بهن ..
وجمال القاعات يستمد روعته من اختيار الالوان ومن الابداع المعماري ثم تصميم المواقع والمتاجر والمقاهي ومسطحات العرض
بالممرات .. وفوران حركة الركاب بيسر في هذا الحيز الذي لايشكل في العادة الا جزءا من المطار الاسطورة الشاسع الارجاء..
فاذ اكتفيت بالفرجة علي انماط الركاب واشكالهم وازيائهم فانك قد لا تحتاج لزيارة كثير من البلدان .. فالكل حاضر هنا ..
قررت انني لا اريد الخروج من هذا المطار .. فانا لم اشبع تسكعا به رغم اني امتلات سعادة ..
وطاف بي طائف من الشيطان فجعلني اذكر ان موقعا بالحرطوم يقال انه مطار دولي .. لايمكن ان يشبه المطارات .. وعلي الفور
سيطرت علي مشاعري وطردت هذا الخاطر الاثيم حتي لا ادخل نفسي في دائرة عدم الرضا بما قسم الله لنا ..
واعود بكم الي مطارات شان ونينو اكينو وربما غيرها لمتعة التسكع
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: أرح يا الشيخ نسو تعظيم سلام مطبوق
للطيب والطيبين طيبي الأصل والذوق
الجونا عبر الأسير شايلين السلام بي فوق
حديثهم طبيعي لا مصنوع ولا من سوق
حديث جميل وطريق يخلي الزول رايق روق
بنرسل ليهم تحايا شايلاها الخيول والنوق
ياربي كده حقيت حقهم وأوفيتهم الحقوق..؟؟ |
هييييييييييييييع كع عافي منك يا دكتورة
انت - يا بتي - حقيتي العضوية الكاملة في سودانيز اونلاين
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: لا يحق لإمراة تؤمن بالله ورسوله أن تحد أكثر من ثلاثة أيام |
يا كمندان
والثلاثة ايام للقريب القريب وليست للغاشي والماشي .. اما الفزع والافراط في الجزع فينزل اللعنة ويصيب بالنحس .. وبتوالي الحادثات
فتمسك برقاب بعضها كانها تتلذذ بما يحدث للناس .. بينما يريد ربنا ان يباعد بين الاحداث فيقول ولنبلونكم (بشيء) .. فنتعسف نحن في
الجزع فيجعله الله متواصلا ...
والله ما رأيت اسوأ من الجزع في الموت ..
تحياتي
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: لذلك وعندما تزوجت وماتت جدتي منعت زوجتي من الحداد بكافة اشكاله المتبعه .. وقالت اخواتي لعماتهن وخالاتهن ان عمر منعنا ...
وواجهتني الوالده بضرورة اتباع التقاليد فاستعنت علي منطقها بما منحتني اخواتي من لواذ بشخصي فحملت صوت جيلنا اليها بهدوء ..
وفي النهاية قالت .. علي كيفكم .. ولم تعد في الاسرة كلها شابة الا وادعت ان عمر منعها .. ثم اصبحنا اسرة لا تلبس القنجه ولا الدمور
ولا الابيض ولا الاسود ولا تتوقف بناتها عن دواعي الزينه بعد رفع الفراش ..
هذا لايمنع استبقاء الذكري ولا يقلل من فداحة الفقد .. ولكنه اشارة لي ان الحياه لا تتوقف كثيرا عند حدث الموت فلا يبقي هو المسيطر
ويجرف سفينة الحياة الي بحر الاحزان الذي لا يهدي تياره الي مخرج .. فيتواصل دفعه في عباب من الظلام ..
مات قريب او حبيب فبكيناه وشيعناه وسلمناه الي ربه .. فهل نذهب معه الي الاخرة .. ونظل نتناقل الالم والحزن لفراقه حتي يفاجئنا
رحيل عزيز آخر .. فنواصل التمسك بالحزن حتي نموت |
والله يا سماحة اللواء ان جات ديمقراطية اني بسوقك عديل وبرشحك في البادية والريف
امانا ما كتلونا كتلة بي الحزن والحداد الواحد عامل ليك فيها حزنان وعرفو واقف زوم
وقالب الفروة وبعدين ان ختيلتو القدح وحاتك ما بخلي فوقو فضلة
والله صحيح المثل (الحي ضيب الميِّت) وبعدين ظهر البزخ في المآتم مرة من المراة عندي صديقي مورتاني الله
يطراهو بالخير زارني في البلد وبعد اسابيع توفي احد الأقرباء وشاف المأتم والجوطة والذبائح
والفراش إتهوَّل وقال لي يا العبيد العندكم دي اني ما بسميهو مأتم وإنما مأثم
وكمان ناس السودان كسر المطار وخربو الدنيا عشان محمود والله الله يرحمو ويوسدو الباردة
لكن شهد الله رغم اني اطرب ومستمع ومتذوق جيد للغناء الجميل لكن يشهد الله ان سألتني ما اعرف له
غنوة واحدة وحسب رأي وما تزعلو مني انا من الشفتو في الشعب السوداني والسوهو عند وصول جنازة محمود
أتيقنت تماما نحن شعب نستاهل ان تحكمنا الإنقاذ وامثال نافع وامين حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: البوش بحرروهو اسيادو |
جيتك .. لكن ياخال هونج كونج دي ما عايزه تزح من قدامي .. وكل ما اقول ليها ماش تقول لي وين ؟ .. رفاعة ؟ .. اخجل اجي صاد
اقول ليها ماشي تقول لي وين ؟ .. البردانه ؟ .. اسكت واجي صاد .. قويت قلبي قلت ليها الخرطوم .. قالت لي امش .. مرمي الله ما بترفع ..
لكن وحاتك غشيتها ليك غشه .. خرطوم شنو البمشيها من هونج كونج ..
وليكن هبوطي التالي في مطار شان علي الطرف الجنوبي من مدينة سنغافوره .. وضوء الشمس يلاحق الفجر بالضوء الساطع فيملأ الارخبيل
بغيم كأنه يتصاعد من سطح الماء .. كانه بخار ناصع البياض ينقشع كل فينة عن مبان بيضاء في الافق تتطاول لتعانق السماء .. والارض من
تحتها تبدو خضراء مخضلة بالندي والحياة ..ويسحرني الهبوط علي هذه المدينه مع شعاع الصبح وكانه يكشف عن حيائها وخفرها .. وهي
جميله (آيه) .. فتشير لك بيدها ان تؤجل ملاقاتها والاغتراف من مفاتنها حتي تاخذ رشفة مما اعدته لك في بقعة الحسن المسماة مطار شان ..
يلفتك ضابط الجوازات بزيه الخالي من العقد والزخارف والبهرحة وهو يختم علي جوازك برفق ورقه كانه يخشي ان يو س خه او يخرقه فلا يحدث
صوتا كالذي نسمعه في مطار الخرطوم وضابط الجوازات (يلبع) الختم علي الجواز كانه ينفذ فيه حكما بالجلد حدا .. ويناولك الضابط جوازك برفق
بل ويشكرك ويبتسم في وجهك .. وقد يتلقاك وانت تخطو الي منطقه استلام الحقائب ضابط او رجل امن او مرشد .. فيرحب بك ويتجاذب معك
طرفا من الحديث يهدف الي معرفتك ومعرفة هدفك من زيارة الجزيرة الامنه .. دون ان تحس بانه يستهدف شيئا غير الترحيب .. ثم يساعدك
في الحصول علي حقيبتك ويدلك الي المخارج والمواصلات ..
وتمر في الطريق من الجوازات الي صالة العفش بانماط من المتاجر والمعارض والمقاهي فتجدها كلها تحدثك بلغة واحده وقوية انك في بلد امن
ومتحضر يحترم فيه الانسان القانون فيعيش الجميع في سلام .. ولا تري في المطار صورة للرئيس .. ولا مظهرا للسلطة او الحكومة .. وانما
تحس ان للبلد رئيس وحكومه مما تجده من كمال العطاء وجمال المظهر وعصرية البناء وتوفر الخدمة حد الاغراق ..
وعنما تسكعت في قاعات المغادرة وانا خارج من المدينة الاكثر نظاما في العالم .. وجدتها تلح في جذبي للعودة مرة ومرات .. فصالات المغادرة
في سنغافورة معرض انيق وضخم للذوق الرفيع في كل شيء .. وقد تهت مع كل شيء الناس والالوان والعرض والعبق حتي ذلك المتصاعد بحياء
المقاهي والمطاعم .. فاذا حللت باللاونج الخاص بركاب الدرجات العليا فانك لا تجد سوي المباهج والراحة التي تتمني .. ولا تري الا جمالا في
الوجوه والازياء .. حتي بناطيل البنات الجينز جميلة وتعطيك الف خيار للتذوق بين جينز وجينز فذاك مشتعل وهذا ملتهب وثالث اخاذ وفاتن
وانت في لوثة وتعجّب .. من اين اتوا بهذا الحسن كله .. .. ويشدك كل شيء .. وتصرخ طالبا الفكاك لتلحق بالطائرة .. فتفاجئك لافته الكترونيه
يبرق فيها أسمك بتقطع يدعوك للاسراع الي بوابة المغادرة .. وقد استغرقت في التسكع حتي نادوك بالصوت فلم تسمع فارسلوا بالضوء اسمك
الي كل اللافتات ليعيدك برفق الي حيث تسافر
والعودة الي شان مرات لاتكون تجديدا لمشاهدات سابقة .. وانما مشاهدات وتسكع جديد .. وبهيج ..
آل مطار الخرطوم الدولي آل ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: ما عَمْ تُظْبُط النجيهة يا خال ... |
القباني
انشا الله ما تظبط .. والحبه ما تجيهم .. يابوي نحن كده ما خلصانين .. كمان عايز تترّم لينا ناس فلان وفلان ديل .. اها ديل يوم يموت واحد
منهم يحلنا الحلا بله ..
ولا بد اننا سنخرج تماما من رضي الله ورحمته . ونسأله الا يصب علينا غضبه ومقته وس خطه ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: وعنما تسكعت في قاعات المغادرة وانا خارج من المدينة الاكثر نظاما في العالم .. وجدتها تلح في جذبي للعودة مرة ومرات .. فصالات المغادرة
في سنغافورة معرض انيق وضخم للذوق الرفيع في كل شيء .. وقد تهت مع كل شيء الناس والالوان والعرض والعبق حتي ذلك المتصاعد بحياء
المقاهي والمطاعم .. فاذا حللت باللاونج الخاص بركاب الدرجات العليا فانك لا تجد سوي المباهج والراحة التي تتمني .. ولا تري الا جمالا في
الوجوه والازياء .. حتي بناطيل البنات الجينز جميلة وتعطيك الف خيار للتذوق بين جينز وجينز فذاك مشتعل وهذا ملتهب وثالث اخاذ وفاتن
وانت في لوثة وتعجّب .. من اين اتوا بهذا الحسن كله .. .. ويشدك كل شيء .. وتصرخ طالبا الفكاك لتلحق بالطائرة .. فتفاجئك لافته الكترونيه
يبرق فيها أسمك بتقطع يدعوك للاسراع الي بوابة المغادرة .. وقد استغرقت في التسكع حتي نادوك بالصوت فلم تسمع فارسلوا بالضوء اسمك
الي كل اللافتات ليعيدك برفق الي حيث تسافر |
يشهد الله انك ادمنت قراءة روايات الطيب صالح - فهذا النهج من الكتابة يعود الى لونية ومدرسة ذاك الراحل المقيم
| Quote: آل مطار الخرطوم الدولي آل .. |
ههها ثم العودة الى مدرسة البردانيين
البرد ال ..
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
والله ثقافة مجانية من سعادة (المشير ) عمر على حسن (الفاروق) وقد أشار الى كل ما هو جمييل وكأنك تقرأ من أشعار عبيد الطيب القديم والجديد أو تستمع الى روائع وردى وأبواللمين وصلاح بن البادية وروائع شاعر الجريف الرائع الصادق إلياس والذى تبابعته فى برنامج تلفزيونى من السودان .
على العموم ليتنا نزور تلك المطارات (ونتسكح ونتجدع ) حتى يجرونا من الايادى لدخول الطائرة .
يا سعادة المشير عندى مداخله حايصه لى عن موضوع مدرسة الرقص التى دفعت فيها 8 جنيهات وكان نصيبكم (الرفت!!) فقد تذكرت ما كتبت فى بوست الراحل الباترا عن دفعتك أطال الله عمره الفريق شرطة عباس مدنى وقلت لو كان وجدته فى ذلك المحل أو جاء بعدك لكان نصيبه (الرفت مع الغرامة 8 جنيهات ) لانو كان (كاش ليهم كم جيتار ده لو ما دقش التعلمجى !!أقصد معلم الرقص أو الموسيقار ) !!!! .
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: دي اني ما بسميهو مأتم وإنما مأثم |
Quote: وما تزعلو مني انا من الشفتو في الشعب السوداني والسوهو عند وصول جنازة محمود
أتيقنت تماما نحن شعب نستاهل ان تحكمنا الإنقاذ |
العبيد
هل نحن مؤهلون لمثل هذا القدر من النواح والسكيلي والتكتح بالرماد والتطرف في الحزن ؟ .. نعم فقدنا فنانا مؤثرا في المسيرة
الفنية .. وانسانا خيرا احبه البسطاء والفقراء .. وشابا يجرح فقد شبابه الفؤاد .. ولكننا هزمناه شخصيا في لحظة البشري التي
اعدها الله للصابرين .. وانتهكنا جلال الموت الذي تصغي فيه السماء للدعاء وينهي فيه الاسلام عن لطم الخدود وشق الجيوب ..
وأسوأ مما حدث ان تستغله الحكومة والمعارضة لاغراض تهمهم .. ويستغله آخرون قبل ان يبرد دمه لجمع المال ثم يستغله
لاعوام قادمة خبراء التكريم ودورات الشهداء والفقداء الذين لا علاقة لهم به ولا ينفعون بتكريمه الا انفسهم ..
والله لقد احزنني موته وترحمت عليه بقدر ما اعرف عنه ومالا اعرف .. ولكن هالني ما رايت .. فلم اكن افعل مثله لابي وامي
ولا اذا حضرت وفاة صحابي جليل كابي بكر او عمر صاحبي رسول الله ..
يا ناس .. العقل زينه .. ودبيب الكفر في امتي اخفي من دبيب النمل .
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: فقد تذكرت ما كتبت فى بوست الراحل الباترا عن دفعتك أطال الله عمره الفريق اول شرطة عباس مدنى وقلت
لو كان وجدته فى ذلك المحل أو جاء بعدك لكان نصيبه (الرفت مع الغرامة 8 جنيهات ) لانو كان (كاش ليهم كم جيتار ده
لو ما دقش التعلمجى !!أقصد معلم الرقص أو الموسيقار ) !!!! . |
لا والله يا كمندان
ربك ده له حاجات زي ما قال عادل امام .. عباس شتارته كانت في الطابور بس .. فبينما كان الباتره يصف طابوري بانه (سينما) ..
كان يقول لعباس ارفع رجل واحده بس ! .. وقد تميز عباس في شبابه برشاقة بالغه ودقه في الصفقة والحركة مع اغاني الشايقيه ..
قسمة ربك .. تمانيه جنيهاتي انشا الله تبقي ليهم بالساحق ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: ههها ثم العودة الى مدرسة البردانيين
|
قسمتنا يا خال .. باقي ليك قسمة غيرنا ؟
| Quote: فهذا النهج من الكتابة يعود الى لونية ومدرسة ذاك الراحل المقيم |
يعني كمان يا خال ايدك وصلت لحد الطيب صالح ؟
اي نعم قريته 100 مره .. لكن لو عجنوني انا واهلي في رواياته ما ممكن نشبه شيئا منها (ولو اجتمعنا له ).. الراجل ده انا لاقيتو مره
عند فتح الرحمن البشير .. وكنت مخلوع .. بس اسمع .. لما طلعوا قال لفتح الرحمن قريبك ده ما بيعرف ينضم ؟
تقول مدرسته .. والله يجوك الجماعه الحرفاء ما يخلوا ليك صفحه .. ويمكن الجلاكسي يتكسر في العركه ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote: يعني كمان يا خال ايدك وصلت لحد الطيب صالح ؟
اي نعم قريته 100 مره .. لكن لو عجنوني انا واهلي في رواياته ما ممكن نشبه شيئا منها (ولو اجتمعنا |
شكرا للتواضع
اها والله عندي اربع شهور غرقان في كتابه (منسي)(إنسان مبدع او رائع علي طريقته)
وحيرني وهولني تواضع الزول دي مع صديقو (منسي )الجنن الطيب صالح جن وبهدلو وتاجر بيهو
وما خلالو صفحة يرقد عليها والطيب صالح متمسك بصداقته
بل كتب عنه كتاب والله دي وفاء وصداقه حقو تقرر
في المنهج وتدرس للإجيال
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عبيد الطيب)
|
Quote: حقو تقرر
في المنهج وتدرس للإجيال |
ياتو منهج يالعبيد ؟ ..
القعده الحكيت اني قابلت فيها الطيب صالح كانت بمنزل فتح الرحمن وضمت الطيب صالح وحسن الترابي .. ويربط ثلاثتهم انهم كانوا
اساتذه بمدرسة رفاعة الوسطي .. يعني (المنهج) كان بنفسه يمسك الطباشيرة ويدرس نفسه للطلبه .. ثم صاروا ما صاروا .. وكان
الطيب صالح يومها يعمل باليونسكو وفتح الرحمن رئيسا لاتحاد اصحاب الصناعات والترابي ياهو الترابي ذاتو ...
كان اخوك لحقهم كان طلع الطيش .. وكان مرق زلنطحي ساكت ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
لذلك وعندما تزوجت وماتت جدتي منعت زوجتي من الحداد بكافة اشكاله المتبعه .. وقالت اخواتي لعماتهن وخالاتهن ان عمر منعنا ...
وواجهتني الوالده بضرورة اتباع التقاليد فاستعنت علي منطقها بما منحتني اخواتي من لواذ بشخصي فحملت صوت جيلنا اليها بهدوء ..
وفي النهاية قالت .. علي كيفكم .. ولم تعد في الاسرة كلها شابة الا وادعت ان عمر منعها .. ثم اصبحنا اسرة لا تلبس القنجه ولا الدمور
ولا الابيض ولا الاسود ولا تتوقف بناتها عن دواعي الزينه بعد رفع الفراش ..
هذا لايمنع استبقاء الذكري ولا يقلل من فداحة الفقد .. ولكنه اشارة لي ان الحياه لا تتوقف كثيرا عند حدث الموت فلا يبقي هو المسيطر
ويجرف سفينة الحياة الي بحر الاحزان الذي لا يهدي تياره الي مخرج .. فيتواصل دفعه في عباب من الظلام ..
_____________________________________
وهكذا كان ومازال الامر في اسرتنا..
أمر قرره جدي عثمان الحسين والد أمي..
وكان ايضا أمرا قرره الخليفة فلم نعرف ااحداد بالملابس..
في يوم زواج خالتي ماتت عمتها..فقرر شقيقها أي جدي أن يستمر كل شيء كما كان مخطط له..
وكان ذلك حدث في الاسرة الا أنه لم يكن في إمكان اي كان أن يقف أمامه بأي راي مخالف..
وكان عهدنا للخليفة أن لا نحد علي الإطلاق علي أي فقد في الاسرة..
الحزن في القلب والملبس لا يعني أي شيء علي الإطلاق..
وليتنا علي قدرة لأن ندفن أحزاننا ولا نضيع العمر فيها..
فمن ذهب لن يرجع أبدا..
وفي وقت قادم..سيكون مصيرنا هو نفس مصيرهم!
...........
..........
علي كل حال إختفت تقريبا مظاهر الحداد في العاصمة وربما باقي المدن..
أما بالنسبة للاقباط فهوحسب ظني تقليد مصري متجذر مازال ممارس في كل بقاع مصر وبقوة..
............
...........
أمي مازالت ترتدي صورة شقيقي الشهيد في سلسل حول عنقها..
كأنها به تطمئن نفسها بوجوده معها..
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: Muna Khugali)
|
| Quote: أمي مازالت ترتدي صورة شقيقي الشهيد في سلسل حول عنقها.. |
نعم يامني .. هي لن تنساه فالصورة في قلبها .. والصورة بالسلسل هي اعلان ايجابي للجميع لكيلا ينسوا ..
لو مات علي سريره لما لبست امه صورته .. الاحتجاج ليس علي الموت وانما علي وسيلة الموت ومن تسببوا
فيه .. ولها قضية .. ليست مع الله .. كقضية الامس .
رأيت دمعة متحجرة في عين امي .. لم تفارقها حتي ماتت .. كنت اعرفها فلا انظر الي عينها كثيرا فاكسر قلبها
وقلبي .. وقد اقتسمنا حب الفقيد .. فانا شقيقه وهي امه .. ولا انساهما وادعو لهما ولابي عند كل فجر وعندما
اهجع كل ليلة ..
هذا ما بيننا وبينهم وبين الله ..
اللهم اغفر لامواتنا واموات المسلمين وامنن عليهم برحمتك .
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: وجاييك يا العبيد للكليمة الفكيتا دي ( المجاغنة) |
يا خال انت في الكلمه والافي الشايب اب نعلاتن بيض دي ..
ده وصل الحمرا كيف ؟ .. المجاغنه الا يصلوها بالمناديب ! ..
| Quote: مرة جانا في الحمراء |
ياربي مالو .. يعلم الله شي يحير ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: هذا لايمنع استبقاء الذكري ولا يقلل من فداحة الفقد .. ولكنه اشارة لي ان الحياه لا تتوقف كثيرا عند حدث الموت فلا يبقي هو المسيطر
ويجرف سفينة الحياة الي بحر الاحزان الذي لا يهدي تياره الي مخرج .. فيتواصل دفعه في عباب من الظلام .. |
نعم يا منى
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote: يا خال انت في الكلمه والافي الشايب اب نعلاتن بيض دي ..
ده وصل الحمرا كيف ؟ .. المجاغنه الا يصلوها بالمناديب ! .. |
وين الشايب اب نعلاتن بيض ؟ انت سارح ولا شنو يا خال؟
كلمة مجاغنة سمعتها كثير عن اهلنا في البردانة والمجاغني هو الرجل الكلس ( والكلس لمنى بت العوض هو شيّال التقيلة )
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
رأيت دمعة متحجرة في عين امي .. لم تفارقها حتي ماتت .. كنت اعرفها فلا انظر الي عينها كثيرا فاكسر قلبها
وقلبي .. وقد اقتسمنا حب الفقيد .. فانا شقيقه وهي امه .. ولا انساهما وادعو لهما ولابي عند كل فجر وعندما
اهجع كل ليلة ..
هذا ما بيننا وبينهم وبين الله ..
اللهم اغفر لامواتنا واموات المسلمين وامنن عليهم برحمتك .
___________________________________________
اللهم آمين
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: ياسر منصور عثمان)
|
Quote:
(بعيداً عن مضمون البوست) |
ياجديد
مرحب بيك في البورد .. ولازم تدافر ..
المضمون في هذا البوست بالذات بيجي بالتنقيط .. لانه لو ضخيناهو مرة واحده ببقي مسيخ وممل ..
عشان كده بادرنا بفتلو واستعدالو بين الفينه والاخري وزي ما شايف معاي احسن خبراء الفتل في
المنبر ..
ايدك معانا .. والف مرحب بيك
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: لانه عارف حتي لو تعبت وشرحت..لازم تتذكر قصة الزول المتبلم ومثله..
فما تضيع وقتك ساكت..
برافو عليك..
انا إتخارجت مني..لكن شوف الطيب أخوي..
أسه يجي يقول ليك معاكم متابع..
بس أمشي اقضي الشغلانية دي وأرجع ليكم.. |
الاولاني ده مش اللي بيصبح ناسي ؟ .. طيب ده انتي مالك ومالو ؟ ..
اما الخال فلا بد من انتظاره .. ينتظرو الما يخلي في جيبو فرطاقه ! ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: المضمون في هذا البوست بالذات بيجي بالتنقيط |
للجديد ياسر .. وقد فاته الجزء الاول من الانا ونفس الانا ومش نفس الانا .. والكتابة علي جدار الثانية النادرة .. وما زلت عند السطر الثامن
في سؤال الهوايات امارس هواية التسكع اللذيذ في المطارات .. وتشدني الطائرة من مطار شان الي مطار دبي الذي يقود مطارات الخليج للتفوق
علي كثير من المطارات الحديثه بخطوته السريعة في خط الجمال وتوفر الخدمات ويسر الحركة ..
كان هذا المطار قبل عشرة اعوام مثل اي مطار محدود القدرات يدفعك لعبور اروقته مسرعا الي الباص الذي يحملك الي الطائرة دون ان تضيع
وقتك حتي في الفرجه علي سوقه الحرة قليلة المساحة رغم انها تعرض سلعا غالية .. كاونتر العفش ثم الجوازات فالتفتيش الذاتي فصاله انتظار
الباص وبجانبها السوق الحر والكافتيريا .. كل ذلك في مبني واحد يقع قريبا من المباني السكنيه علي funnel يسمح باقلاع وهبوط آمن ..
ومع التوسع الطموح لطيران الامارات ذهبت سلطة الطيران لتغيير المطار تماما .. فوسعت مدارج الاقلاع والهبوط وانشأت قاعات جديده
للركاب يصلون اليها بممرات وسيور تحت الارض ليبلغوا الجانب الاوسط من المطار الذي سيجمع كل قاعات المغادرة مع التوسع المدروس
لتوسعة المطار واستكمال مبانيه الثلاثة .. المبني الاول لشركات الطيران الاجنبية .. والمبني الثاني لطيران دبي .. والمبني الثالث لطيران
الامارات فتسوعب مدارجه هبوط واقلاع طائره كل ثلاثه دقائق .. ويتمدد المطار بطول المدينة الشمالي وانشئت الطرق والجسور والانفاق
لتسهل الوصول الي كل مبني من مبانيه الثلاثه دون تداخل او خطأ ..
ويتميز كل مبني بشكل خارجي مختلف وله مواقف مختلفه للسيارت وسيارات الاجرة ويتوقف مترو دبي في محطتين تنزلان الراكب مباشرة
عند المبني رقم 3 والمبني رقم 1 .. ويسقبلك المبني رقم 3 بقاعاته الفسيحة العالية فتبدا التسكع قبل ان تدخل مبني المطار فاذا دخلت فانك
ستندهش لرحابة وسعة القاعات الرئيسيه ووسائل الحركة الالية فيها وستجد علي جانبه منطقه الوزن المقسمة الي عشرات الكاونترات ومناطق
التخليص المباشر للمسافرين بدون امتعه وعلي وسط القاعة بوابات القادمين الخارجين من المطار وامامها صالات المستقبلين بمقاعدها الوثيرة
وماكينات المشروبات البارده والساخنه .. وبالطابق الاعلي الكافيتيريات والمطاعم وبعض مباني الخدمات
فاذا عبرت منطقه الوزن فانك تسير في بهو طويل الي منطقه الجوازات بكاونتراتها المزدوجه التي تخدم نحو خمسين راكبا في الوقت ذاته ..
وعلي جانبها البوابات الالكترونيه لحمله البطاقات .. والامارات لاتطلب من مغادريها تاشيرة خروج وتلزم المغادر بالعودة خلال سته اشهر
ولا يستغرق وقوفك امام ضابط او ضابطة الجوازات اكثر من دقيقتين تدخل فيها رقمك بالسيستم وتؤشر عليه بالخروج وتختم علي جوازك
خروج او دخول حسب الحاله . وتمضي الي التفتيش الامني الالي والذاتي ثم تمضي الي حيث تريد والي صالة السفر التي تركب منها الطائرة
فاذا خرجت من الدائره الامنيه فانك اما ان تستقل السلالم او السيور المتحركة او تسير علي الممرات .. وتري في كل خطوة جديدا من البشر
واللوحات وتصاميم المتاجر والوان واصناف البضائع والانانتيك والتحف والسلع النادره ومئات المرشدين والبائعين والمضيفين الذين يقدمون
لك ما تطلب من خدمة..
والمبني ثلاثه هو الاحدث والاضخم بمطار دبي يجمع بين صفات المول والنادي الليلي والمطاعم والمقاهي الراقية واسواق تبيع كل شيء
وصالات للاسترخاء والراحه .. ولان مطار دبي هو اكبر ملتقي طرق في الشرق الاوسط فانك تلتقي فيه كل انماط واشكال البشر.. ولانه
المطار الذي يستقبل المتسوقين في مهرجانات التسوق الشهيرة بدبي فان احتفالات المهرجان تبدأ من المطار حيث تجد الفرق الموسيقيه
وفرق الرقص الشعبية وجماعات الاطفال والصبايا المرحبين بالقادمين والعابرين بالتمر والقهوة العربية .. بل وتجد خيمة الشعر التي تقدم
القهوة للزائر ..
وكذلك يلبس المطار وقاعاته ثوبا قشيبا في الاعياد والمناسبات القومية ويجعل من الراكب مشاركا في الفرحة والاحتفائية ..
ولا يقل عمق المتعة عن ذلك في المبنيين الاخرين وإن كان حجمهما اقل واصغر .. فالتسكع في كل مبني له منظر يختلف قليلا ولكن المذاق
واحد .. وقد وجدت مطارات الخليج كلها تتشبه بمطار دبي وتنقل عنه الفنيات والجماليات ووسائل الخدمه .. مع تسابق بينها للتفوق وجذب
المزيد من رضا المسافرين
ثم اهبطوا مدينة دبي ان شاء الله امنين
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: ياسر منصور عثمان)
|
Quote: يا خال انت في الكلمه والافي الشايب اب نعلاتن بيض دي ..
ده وصل الحمرا كيف ؟ .. المجاغنه الا يصلوها بالمناديب ! .. |
والله يا ابوي الطيب قالها وجدعها ظر............ رقاصة بتروح معا حلاقيم الطمبارة
وكمان جانا معاهو رفيقو الوالي....... وكان شفت صاحبو الوالي خطب خطبة تعيسه بلحيل
اني جيتكم بي المدام وكمان ال....... جاب ليكم بتكم ......... وكلام فرشاااااااااااحة
اها اخوي انغبنت بلحيل وصريتها اي والله صريتها لي الوالي وبي الحول جانا بالمنطقة
والناس واقفه رهوم رهوم ناديت (راجين الله ) الله يرحمها وسيد زينها واقف معاي
صديقي وهي مرةً كانت ست فدة قديمة
لكن ضكرانا بلحيل وكفلها معروش وما بتخطي من رفع القش والشعشة والتِهرترش
قلت ليها الزول القصير دي بشوفي قالت لي اها دي الجانا عمنوَّل معي صاحبو
ابونعلاتن بيض قلت ليها اريتك ما تموتي اها امشي كتيهو قريب وهزي ضراعك
وامسكيهو من عنقرتو وهزيهو هزة نامن يقنت بعد داك زغردي فوقو عشان يهوش
والله العظيم مسكتو من رقبتو وهزتو هزي ماكنة خلاس وزغردة فوقو
واخوك إتكيَّف نامن إتعطشت تشششششش اها بعد داك وديناهن هو والوزراء المضيفة
وكنت المشرف عليهو المباشر وجيت طليتو لقيت ليك زولك (راجين الله) فتَّرتو إتفتيرة
وحاتك كبدة النوق اباها وضلع الضأن يسموا فوقو ورقد وانجدع بردلووووووووو
والصباح قعدنا معاهو قلت ليهو يا سعادة الوالي زمان زارنا الوالي الراحل اللواء الفاتح
بشارة وخطب في الناس صوتو ماكن لكن كلامو كبار كبار العرب ما عرفوهو اها واحد من جماعتنا
ألبل الضبحوها لي الوالي واحدة من مراحو وحرقتو اها لكد اخوهو بي إيدو وقال ليهو
الحاكم الاقليمي دي كلام كلام اموووووووو اهو ووووووو اووووووو
قال لي كيف يعني قلت ليهو سمعو قال اموو اووووو لاكن تاني يخربو مافهم شئ
ولا سمع طاري لي مدرسة ولا شفخانة ولا عربات تطعيم لي البهايم.......!
قال وانحنا نط عربي مشاتر قال ليهو اتو كيف شيخة حماد.........!
عوكتو فينا دقيق فينا وياهو دي وحاتك ياهو دي قاشرناها في الفقارة
التقوم وتقع اها شيخة حماد دي يومها تاني
محبتي
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote: الحاكم الاقليمي دي كلام كلام اموووووووو اهو ووووووو اووووووو
قال لي كيف يعني قلت ليهو سمعو قال اموو اووووو لاكن تاني يخربو مافهم شئ
ولا سمع طاري لي مدرسة ولا شفخانة ولا عربات تطعيم لي البهايم.......!
|
وهم اول جايين ليه .. وكمان معاهم اب نعلاتن بيض .. اريتك كان خليت راجين الله عصرتهم كلهم ..
بالله يالعبيد ديل ذاتهم طلعتو منهم بي مدرسه والله شفخانه والله برضهم سووها ليكم اموو أُووووووو
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
Quote: اها اخوي انغبنت بلحيل وصريتها اي والله صريتها لي الوالي وبي الحول جانا بالمنطقة
والناس واقفه رهوم رهوم ناديت (راجين الله ) الله يرحمها وسيد زينها واقف معاي
صديقي وهي مرةً كانت ست فدة قديمة
لكن ضكرانا بلحيل وكفلها معروش وما بتخطي من رفع القش والشعشة والتِهرترش
قلت ليها الزول القصير دي بشوفي قالت لي اها دي الجانا عمنوَّل معي صاحبو
ابونعلاتن بيض قلت ليها اريتك ما تموتي اها امشي كتيهو قريب وهزي ضراعك
وامسكيهو من عنقرتو وهزيهو هزة نامن يقنت بعد داك زغردي فوقو عشان يهوش
والله العظيم مسكتو من رقبتو وهزتو هزي ماكنة خلاس وزغردة فوقو
|
امانه ما عجبني ليهو
يعلم الله ياعبيد الكته والهزه والزغروده ديل لازمنّي طب لي واحدا مابدور النوم يجيه ساهل كدي .. بس نعلاته ماهن بيض ..
قول لي راجين الله عمنا دي مشتهي في الدنيا إتعطش تشششششش هو وثلاته اصحابو بي صوت واحد .. انشا الله بعد داك
يعلقوهم التلاته في مشلعيب ..
جنس غبينتك المن عامنول دي انا ماسكها لي اربعه سنين وكان لاقيتو الا يمرقوهو من سنوني بالتوث بيك .
عمر علي حسن
| |
|
|
|
|
|
|
|
|
 Re: 12/12 الساعه 12 والدقيقه 12 والثانيه 12 (Re: عمر علي حسن)
|
نرجع لسيرة السفر وفوتان مواعيد الطيارة!
حاجة تكسف والله خاصة لو الزول بيدعي زيي إنه منظم!
البتذكرهم تماما أربعة سفريات..
آخرهم كانت من القاهرة للندن..
واصلها كانت سفرية متنيلة علي عينها وفقر من الخرطوم لكلكات عجيبة..
السفرية كانت علي مصر للطيران..
ومامعقولة اسافر عن طريق القاهرة وما أنزل فيها..
ده حتي مصر تزعل!!
المهم أنا مشيت وقعدت فيها تلاتة ايام..
عارفة سفريتي الساعة 5 المساء في مساء اليوم الرابع..
عارفة كويس جدا التاريخ والمواعيد..
لأني بطلعها وبقراها كل شوية لبنت أختي..
المهم يوم السفر بت أختي قالت لي أعملي حسابك تطلعي بدري شوية علشان ما تفوتك الطيارة..
سمعتي بايظة خالص في البيت!
........
........
وصلت المطار وفي بالي انه لسه ساعتين علي السفرية..
وهناك في بوابة السفريات العسكري مسك الورق وعاين وقال لي..
حضرتك مسافرة فين؟
لندن..
علي المصرية؟
رديت في تردد وأنا أنظر للورقة مرة اخري في يده خوفا من إني أكون غلطانة..
ايوه لندن !
فإذا بقنبلته..
دي سافرت خلاص وطلعت في الباي باي يا ابله!
كيف يعني لسه عليها ساعتين..هات الورق إنت شكلك كده ما عارف اي حاجة!
نظر لي بغيظ ورد..
طيب إدخلي وإتأكدي بنفسك..
دخلت ولقيت فعلا كلامه صح..
الساعة خمسة المكتوبة كانت مواعيد الإقلاع وليس الحضور للمطار!
ثم الحجز مرة اخري لي في مواعيد طائرة الليل بعد دفع ما يقارب تمن تذكرة جديدة!
............
............
الباقيات بعد شوية!
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
Quote:
خلاص يا ام عروض ما تكتلينا بمقصة معاك |
طيب لو جبنا ليك القاعد في المطار .. والطيارة قامت وهو قاعد .. وجات راجعه وهو قاعد .. وبعدييييييييين اكتشف انها فاتته .
عمك الدكتور الصايم محمد الصايم لما كان في السوربون غشّوه ونزلوهو من الطيارة في مطار روما وركبوا بدلوا واحد خواجه
الطياره وقعت والخواجه مات فيها ... والجماعه في السودان فرشوأ .. دكتور الصايم ضرب ليهم بالليل قال ليهم انا حي .. خالو قال
لي ناس الفراش المرحوم ضرب قال هو مامات ........
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: الطيب شيقوق)
|
| Quote: هل دكتور الصائم هو نفسه الشيخ صائم ديمة الموجود حاليا في السلطنة ؟ |
الصائم ديمه موجود بالسلطنه .. نفعكم الله ببركاته وامدنا في الامارات بقبس منها
اما دكتور الصائم محمد الصائم فهو احد قدامي المحامين السوادنيين دفعة عمك حسن دراوي .. وقد درس بالسوربون وحصل علي
الدكتوراه في القانون العام ثم علي الدكتوراه في قوانين البينه والاثبات
لعله دفعة الوالد ايضا .. وقد توفي منذ فتره ربما تبلغ ربع قرن .. واهله رباطاب فيما اعلم ..
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: الباقيات بعد شوية! |
جنس شوية هي !
انا قلت مشيتي العين .. لكن فهمت انك ما جيتي ..
طبعا السبب العملية .. مش الطيارة ..
وفاتتني الطياره وانا اتسكع بين مكاتب الامن في مطار الخرطوم .. وتلك متعة اخري لااملك تجاوزها باختياري .. فانا ادفع اليها دفعا
وامارس فيها صبرا لا يعرف عني دائما ..
جئت الي المطار الدولي بتاعنا .. ووزنت حقائبي واعطوني بطاقة الركوب ومضيت الي الجوازات فنظر المسئول في جوازي وقلبة
يمنة ويسرة وسالني .. انت عندك جوازين مع بعض ليه .. فقلت له احدهما ملغي وبه اقامتي في الامارات ولامتلائه الصقت السفارة
الجواز الجديد به .. قال طيب ليه ما نقلت الاقامة في الجواز الجديد .. قلت له لم اجد ضرورة ولا وقتا لذلك فانا علي سفر مستمر ..
قال لي مش علي كيفك تربط جوازين مع بعض .. قلت له لايضيرك هذا في شيء فجوازي الجديد ساري وبه اشارة للجواز السابق
ويمكنك الاعتماد عليه كوثيقة صحيحة .. قال لي يعني انت اديت نفسك الصلاحيه توريني اعتمد علي ايه وما اعتمد علي ايه .. قلت
له حاشا لله انت هنا لانك تعرف عملك .. قال لي طيب خلينا نمشي الصف وانتظر شويه ..
انتظرت شوية فقرر ارسالي ال مكتب الامن .. وهناك وجدت شخصا اخر راي في الموضوع احتمالات اخري ولكنه لم يناقشني ..
واشار لمرافق له ان يذهب بي الي مكتب النقيب .. ومكتب النقيب في مبني مجاور للمطار والوصول اليه اما بالسيارة او بالسير
مسافة لا تناسب من يرافقني فقرر ان ننتظر السياره .. وبعد قليل جاءت السياره وفيها مكان لشخص واحد فطلب المرافق من
السائق ان يودي (الزول ده) للنقيب .. وركبت .. وسال النقيب السائق .. فقال له انا بس قالوا لي اوديه ليك ..... ارسل النقيب
السائق لاحضار المرافق ولم يقبل مني ان اشرح له اي شي قبل ان يحضر المرافق ..
قال المرافق للنقيب ان المكتب ارسلني لمراجعة اسمي بالقوائم الخاصه لانه (شكلي عامل حاجه) .. اخذ النقيب الجواز وفتحه
وقرأ الاسم والعنوان وقال لي سيادتك عمر علي حسن بتاع الشرطه .. انا اسف يظهر في غلط في الموضوع .. واعاد لي الجواز
وعزمني علي كباية شاي اشربها ريثما تعود السيارة ..
وعندما اعادتني السيارة الي المكتب الاول واوصلوني الي مكتب الجوازات .. لاحظت بطرف عيني حقيبتي بجانب سير الجمارك
لانها لم تذهب للطيارة .. (بلاده منها) .... وبدون ان يقول صف ضابط الجوازات كلمه ختم علي الجواز ومده لي بيسراه دون ان
ينظر اليّ .. فشكرته ..
ولما طلبت من ضابط الجمارك تاشير حقيبتي سالني عن طائرتي فسميتها له .. فقال لي متبرما لو جيت طوالي كنت لحقتها ..
الطياره دي قامت قبيل .. انت اصلك كنت وين .. فقلت له لا بس مشيت هنا وجيت .. فطلب من احد الحمالين مساعدتي لاعود
الي الكاونتر الخارجي ..
ولم يتغير وجهي خلال كل هذه المطاولات .. مش عاقل بالله ؟
عمر علي حسن
| |
|
|
|
|
|
|
|
|
|
Re: 12/12 الساعه 12 والدقيقه 12 والثانيه 12 (Re: عمر علي حسن)
|
| Quote: يعني ياخال .. كان قلنا ووب وقعنا .. وكان سكتنا وقطعناه في مصاريننا جمل نسيبتنا ما نلقاهو ؟ |
لا لا انت العليك تحمش الناس وتدرع عكازك المضبب في اباطك وتعمل فيها زول حارة وبس وتخلي القوم تارسة وراك - اها اكان لميت فيهو عييييييييييييك دنيا ب ا ل ت فيك واكان ما لميت فيهو هييييييييييع نسيب زول حارة لكن مافي نصيب بس .
| |
|
|
|
|
|
|
| |
يحي قباني
الطيب شيقوق
عبيد الطيب
بشرى مبارك ود السقاى
Muna Khugali
ياسر منصور عثمان
فيس بوك
تويتر
انستقرام
يوتيوب
بنتيريست