لجنه جاليه واشنطن الجديده...والبدايه!!!!!!

Quote: بسم الله الرحمن الرحمن الرحيم الزعل في شنو...... الإستقالات ما كتار و خشم بيوت... من زمن أبونا آدم ...... لزمن الفريق ود الحسين( عبدالرحيم ) فى الخرطوم فيها واحدة منشورة و ديك كمان .... بجيوش المستشارين مشهورة و ..... إستقالة واحدة مقبولة و ..... إستقالة بالإحتفالات محضورة و ..... إ(ست)قالة ... السين و التاء فيها مأكولة و كان ما عاجبك كمان ... ..... إستقالة بالشهادات مذكورة و ..... إستقالة لراحة محارب محفوظة * * * * * * ديل نحنا..... و ديلك إنتو..... لا علمتنا مهاجر.... لا بدلاتنا غربة...... ما مهم ... قدمت ... أو ما قدمت... شاركت...... أو ساهمت... إشتغلت...... أو ركلست دفعت ...... أو تبرعت أو.... بالليالى ساهرت المهم تخت الخمسة فى الإتنين و ... السبابة فى الإضنين * * * * * ديل نحنا ..... و يا نا نحنا نقيف تعظيم للجالس..... و نجلس تعزيز للواقف.... شفافيتنا غربل موية... و سراب عطشان... و كمان امل إبليس ... لفردوس الله بتعشم * * * * * * مالو الدكتور...... اوع ما يكون قدم نقد..... او قال كلام ما بنبلع.... أو جرعة دوا فيها طعم العلقم ...... أكان واحدة من ديل ........ حرم غلط.......... * * * * * * * ديل نحنا ..... و يا نا نحنا الإ(ست)قالة عندنا ما غريبة.... بس غريبة الإستقالة .... فى قاموسنا مافى ليها طارى... النعشمك .... ولا لا.... خايف عليك الواطة ما قريبة ..... تدشدش ... * * * * * * * و كمان بالشفافية بتحلم..... أه ... وينا ... ما إ(ست)قال.. شفناها..... لا ... بسم الواحد القهار .... سمعناها الشفافية ما مجرد كلام... و لا مصالحة بعد خصام... الشفافية لا فيها دسديس و لا دقيس... الشفافية إظهار حقائق... الشفافية لسان...عينان ...و شفتان عينان تبصر بهما فى عتمة الليل كل آكامه و آجامه ... و ترصد كل من آمن بأن الليل يغطى الجبال... و شفتان ... تصدعان بكلمة الحق المبين.... و لسان لتسخر به من الذين زيفوها.... * * * * * * و السسسسسسسسسسسسسسسسلام * * * * * * د. إبراهيم سلام... شكرا على كل ما قدمت فى الماضى... و الحاضر ..... و المستقبل.. كلنا يعلم اخلاقك العالية و أدبك الجم و روحك الودودة و مهنيتك الراقية و العالية علو المتوضع الذاهد، فى تعاملك مع الآخرين، كما إنك دئما و أبدا فى غاية الإحترام و الإلتزام للرأى و الرأى الأخر هاشا باشا و الإبتسامة ترشح عبيرا. لك الود اينما حللت و لك الشكر اينما ............... السادة: أعضاء اللجنة التنفيذية أعضاء المجلس الإستشارى التحية..... أرجو و اتمنى و بناءا على شفافية إجتماع السبت السابق – ما يكون السبت يمحوه آيام العمل – بأن تنشروا كل الإستقالات السابقة و اللاحقة إسوة بلتى نشرت عن طريق اللجنة التنفيذية أو عن طريق أصحابها أكره ...... فهل اتعشم فى ذلك خيرا. مع فائق الشكر و التقدر عبدالرحيم الطيب عبدالروؤف "Abdelaziz H. Ali" wrote: السادة فى المجلس الاستشاري هل معني هذا أنه تمت إقالة السيد د إبراهيم البدوي عضو المجلس الاستشاري؟ ام انه قدم إستقالته من المجلس الإستشاري رغم ان بيانكم يوحي بأقالته ام يكن من باب اولي ومن الشفافية ان ان يتم اخطار الجمعية العمومية بإستقالة د إبراهيم البدوي وشكره وتقديره على إساهماته الكثيرة والمميزة لخدمة الجالية؟ اي رسالة تلك التى نرسلها من هذا التصرف والتى قطعاً لا تشبه روح اجتماع الجمعية السبت الماضي مبروك للاعضاء الجدد فى المجلس الاستشاري لكن لو لا قدر الله وعاوزين تمشوا باستقالة زول بشتغل بيكم مافي ؟ تدخلوا المجلس الاستشاري ببيان وتمرقوا بصمة خشمكم عبدالعزيز حسن علي زهجان وعلي سفر

(عدل بواسطة ABDALLAH ABDALLAH on 12-15-2007, 06:53 PM)