|
|
 الفرق شنو بين الحب ..والريــــد
|
كلمات كثيرة تمر عليك كل يوم ولا تستوقفك الا نادرا حين تختلط عليك معانيهما واتسخدامهما
مثلا كلمات كالحب والريد
اجى داير استعمل كلمة احبك تطلع اريدك
واحيانا اكون داير اقول بريدك تطلع احبك
بقول يمكن احبك للكل
واريدك للنسوان
والا احبك اكبر واريدك مخصوص
او يمكن احبك للعرب
واريدك للسودانيين
اها يا اخونا الكلام ليكم
افتونى
متين نستعمل كل كلمة
والفرق شنو بين الكلمتين
|
|
 
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
ده كلام كبير ................. ما ساااااهل
الحب يكون للكل وشعور طيب وجميل وفيه عطاء وافر
أم الريييييييييده هي للحبيبة وهي الزوجة من المفترض
كلمة بريييييييدك (بكسر الدال أو بنصبها) تصيب بالرعشة والخفقان
بريدك يا شقى الأيام كا بيك الحبيب يسعد
والسؤال فرق ريد ليه سموهو فريق ريد (طبعا ده سؤال لناس أم درمان والبعرفو فريق ريد)
| |
|
|
|
|
|
|
|
|
|
Re: الفرق شنو بين الحب ..والريــــد (Re: الصادق عز الدين)
|
| Quote: الفرق شنو بين الحب ..والريــــد |
بري...يطرشنا..ما معانا خبر..
والله إلا كان كلامك دا..
ريد؟
ريدبول يعطيك جوانح..
الفنان قال: "الريدة جات متأخرة"..
.. too late ...
عندك مثلاً أبواللمين في أغنية الجريدة:
كنت عايز أقول "بحبك"
ونفس العملاق في أغنية حروف إسمك:
وأقيف وسط البلد واهتف "بريدك" يا صباح عمري..
..أي سؤال؟ ..
.
| |
|
|
|
|
|
|
|
|
Re: الفرق شنو بين الحب ..والريــــد (Re: الصادق عز الدين)
|
الصادق عز الدين
كيفنك
فريق ريد بتاع امدرمان للخواجة الشين الكان قاعد هناك عافصنا
لكن تعال بى غادى
شوف الريدة بيستعملوها الامهات اول شىء والحبوبات
وناس الريف
بريدك
اما احبك دى كلمة حضرية جدا
نادرا ما تجدها فى الريف الا عند استعمالها فى الاكل وما شابه
ونمد
| |
|
|
|
|
|
|
|
|
 Re: الفرق شنو بين الحب ..والريــــد (Re: محمد عبد الله حرسم)
|
اشرقت الانوار يا حرسم ياخي
وحيا الله تلك الايام ..
Quote:
والفرق شنو بين الكلمتين
|
شنو ما بعرفو .. لكن في فرق
اسمع معاي:
حرمت الحب والريدة
لو كانو واحد كان في داعي للبذار دا!؟
------
هو فرق مقدار .. يقاس بطول القصيدة .. او عرض الآمال
| |
|
|
|
|
|
|
|
|
|
Re: الفرق شنو بين الحب ..والريــــد (Re: قيقراوي)
|
لو بتعرف يا حبيبى
قدر ايه عينيك بريدا
بريدك دا تعبير سوداني خالص ما بشاركنا فيهو شعب عربي تاني
الا صعايدة مصر وبي درجة اقل ..
يعني الريد حُب مروي بي موية النيل ..
عشان كدة احلى واعذب واجمل وانضر ..
وبريدك يا صباح عمري
| |
|
|
|
|
|
|
|
|
|
Re: الفرق شنو بين الحب ..والريــــد (Re: علي محمد الفكي)
|
تحياتي محمد حرسم
الحب والريدة درجات ... الحب غاية والريد وسيلة ... الحب لا مقدمات له ، والريدة تنسرب كنقاط الزير في جردل زنكي في هدوء الليل. الحب يجعلك تحسب نجوم الليل ، والريد يخليك تحفظ اشعار الوداد والبعاد لغرض في نفس يعقوب.
الإثنان ينطلقان من فوهات مختلفة المصادر والشواهد والأسباب ، ولكن الهدف واحد رغم تعدد آيات المُنْقَلَب.
الحب في شأن المحبوبة ينطلق من القلب ثم الوجدان ثم يتغلغل في الروح فيمسك بتلابيب الفكر فتأتي ( الجِرسة ) وسهر الليالي وعد النجوم.
الريدة أخف معيارا وأقل درجة ، ولو إستعملنا مقياسا كمقياس ريختر الذي يكشف الزلازل وأستعملناه لرصد ذبذبات الحب والريدة فإن الحب يصل لدرجة إخلاء أي أطراف أخرى من محيط قلب المحب وإعلان حالة طواريء، بينما نفس المقياس قد يعطي الضوء الأخضر للزول الرياد بأن ( هذا زمانك يا الرياد فأمرح في حياض المريود من كل صنف ولون بدون قيود )
دمتم
| |
|
|
|
|
|
|
|
|
|
Re: الفرق شنو بين الحب ..والريــــد (Re: وضاحة)
|
كلمة ريدة صناعة سودانية 100%
ولما يكون الشاب ( ريّاد ) ...و شايل قلبه و حايم
واي حاجة تزلزله و ينخطف ... بيقولوا ( ود ريّاد )
ما بينفع نقول ( ود حباب ) ...
يعني انا كنت ( بريد ) بنات الحله كلهم ... و اصلوا ما ( حبيت ) واحده فيهم ...
و لما ( حبيت ) واحده ... ( الريده ) بقت لي مشكله ....
انا شخصياً كنت بفتكر عمنا ( ابو تمام ) لما قال :
نقل فؤادك حيث شئت من الهوى ... ما الحب إلا للحبيب الأول
كم منزل في الأرض يعشقه الفتى .... و حنينه أبدا لأول منزل
شفتو كلمة الهوي ( البنقل فيهو دي ) ... دى هي الريدة زاتها ...
بس لانها سودانية مية المية .. ما عرفها ابو تمام و الا كان قال نقل فؤادك حيث شئت من الريدة ...
اهاااااا بعد ما تتنقل مظبوووط في الريدات ...
تقوم فجأه تنخبت علي راسك ... و تطب ... هنا تبقي القصة حب ...
وكفاية لحد هنا ما تجيبو لينا ( الهوي ) ...من تاني
| |
|
|
|
|
|
|
|
|
 Re: الفرق شنو بين الحب ..والريــــد (Re: سلمى تاور)
|
Quote: يكون الرجل اكثر صدقاً لمن يقول بريدك
و تكون المرأة في قمة عشقها عندما تهمس بحبك |
غايتو أنا ما عارف حالكن شنو مع الكلمتين ...
عن نفسي أجد لساني ينطق كلمة "بحبك" بسهولة زيّها وزي سفّة السعوط
أمّا كلمة "بريدك" دي ما بتطلع إلاّ بعقود مع شركة شيفرون :)
تسلمي يا سلمى ،،،
| |
|
|
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
البدو كان فى سيناء والا غيرها بيستعملوها..
نعم وشاهدتها فى المسلسلات البدوية ..
بس طبعا استعمالهم ليها بمعنى اراد ..
(اريدك تعطينى هذا الشىء ..)
(تريدين تاخذيها منى ؟)
اما نحن فبقدرة قادر تحولت هذه الكلمة العربية من يريد الشىء الى استعمال خاص جدا ..وهى فى داب المحبة وما جاورها ..
ليتنا نعرف اسرار اللغة...
لنعرف كيف انتقلت هذه الكلمة الينا ومتى تم تحويلها
وتحوريها الى المحبة وما جاورها..
مثلا كلمة معليش..
ما عليك شىء
ثم تدرجت حتى صارت معليش..
هى هكذا ..
اراد الشىء ..
كيف تحولت الى ريدة
| |
|
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
ومن داخل المفردتين وبحرهما ...
عندما تحب فانت فى حالة من التحفز ويملؤك الحنين والشوق الى ان تكون بجانب من تحب وما تحسه ينبت فيك ويمد بينك وبين من تحب الآف الايونات الموجبة التى تربطك بشكل ما لا فكاك منه بينك وبين من تحب ..
ولكنك يمكن ان تتامل فى هذا المكون الذى بينك وبين من تحب بشىء من الفرجة والانغماس راضيا بحالة الانتشاء الذى يصيبك من اقل القليل منه ..
اما فى حالة الريدة فان الامر يتعدى كل ذلك الاحساس الى لحظة امتلاك ما تحب ...
ثم انو
الحب استخدام حضرى
الريد استخدام قروى
| |
|
|
|
|
|
|
|
|
|
Re: الفرق شنو بين الحب ..والريــــد (Re: كمال ادريس)
|
يا صديقى
رياااااد دى طوالى بتمشى
تعرف يا كمال دايما بحس بى انو الفرق الرئيسى بين الكلمتين
انو الحب ما ضرورة فيهو التملك ولا الرغبة فى التملك
لكن الريدة دى
من اراد الشى
يرد الشىء
يعنى له الرغبة فى التملك
زى فيها دفء كدا
| |
|
|
|
|
|
|
|
|
|
Re: الفرق شنو بين الحب ..والريــــد (Re: كمال ادريس)
|
يا صديقى
رياااااد دى طوالى بتمشى
تعرف يا كمال دايما بحس بى انو الفرق الرئيسى بين الكلمتين
انو الحب ما ضرورة فيهو التملك ولا الرغبة فى التملك
لكن الريدة دى
من اراد الشى
يرد الشىء
يعنى له الرغبة فى التملك
زى فيها دفء كدا
| |
|
|
|
|
|
|
|
|
|
Re: الفرق شنو بين الحب ..والريــــد (Re: Emad Khairy)
|
تحية...
الريد هو مداعية اوتار العاطفة استدرارا او استمرارا او تدفقا للحن الحب ليعطي انغامه وسلامه او عذاباته الطرية...
كلاهما وجهان لعملةالاحساس الذهبية..غير القابلة للصدأ وان ظلت قابعة بين الحنايا او استار النفس في مد تواصلها او جذر بعادها..
| |
|
|
|
|
|
|
|
|
|
Re: الفرق شنو بين الحب ..والريــــد (Re: محمد الكامل عبد الحليم)
|
حرسم
الريدة الكثيرة يا حنين شقاوة
بريدك والريدة ظاهرة في عيني
بريدك جو من اعماقي بعدين قال بحبك آه ه ه
سمير القلب الريدة ما بالغصب
ريدتنا ومحبتنا وليالي هنانا
البريدو مالو اتاخر بريدو
الملاحظ انو الريدة اعلى منزلة عند الحبيب من الحب
وبعدهما على طول ( الكتل )
مكتول هواك يا كردفان
وهكذا
شكرا حرسم
وحرمت الحب والريدة
ودعتكم الله
| |
|
|
|
|
|
|
|
|
|
Re: الفرق شنو بين الحب ..والريــــد (Re: Emad Khairy)
|
عمدة يا صديقى يا صاحب الحروف الراقصة تحمل النسيم والعطر الفخيم
انت رائع كما دوما
وحضورك يمنح فضاء حروفى الدفء كله
انا بريدك
وبحب حروفك
ههههههههههههههه
ياخ الفنانين البغنو ديل لخبتونا جنس تلخبت
الريد والحب والهوى وبعشقك وبمناكوالجوى
| |
|
|
|
|
|
|
|
|
 Re: الفرق شنو بين الحب ..والريــــد (Re: الزبير بشير)
|
حرسم يا بهي الطلعة سطع بدره!!
بالاشارة الى المنصوص اعلاه
بين الحب والريد مسافة بقدر التحسس
كلمة الريد او الريدة !!
ربما ابلغ لانها من الارادة او التملّك والدافع
هنا ينم عن حضور متكامل بالتالى يبرق سنا
الاستثنائية ..
اما المدعو الحب !!
والعهدة على اصحاب القلوب الراقدة ام دقوقة
يقولون ان مراحله:
الشعف
الشغف
التيم
الهوى
الجوى
ثم الحب.. شفت الحب وعمايلو!!
فعليه يا صديقي يا ابو الحراسم.. أُستُهلكت كلمت الحب
لمّن بقت زى جلابية ال (على الله) وان تفنن حائكها..
والرييدة زاتا خشم بيوت..
فى ريدة مصالح
وفى ريدة لحظة تزول بزوال
من وضع غرس الريدة وقفّا
وردى اخبرنا انه حقق احلامه
فى الفرقة البين الريد والهوى لووول
وبنات طلسم بالريدة اقمن كرنفال اللحن
و مازال (التوهان )
يمارس سطوته بين التباكى ومبادلة الريدة.
وعلى الشاكلة ايييييييك حدث بحرج لانها الريدة.
واخر دالقي صبابة الرييد والريدة ي حرسم
الجنا البقولو ليه طه سليمان اتى بريدة من نوع خاص!!
اذ تقمص دور من انجبت وارضعت وفطمت لووولز
وتدرجت فى ريد فلذة كبدها لحد الالزام و الالزامية ..
حرسم يا صديقي ده بوست دسم .. وانت زاتك دسم
عرجت بينا على الفجة الما (منكن ) زول
يشيل من حوافها اكبر من نصيبو ..
فياخ تسلم
شكرا حرسم وتانى شوكرن
| |
|
|
|
|
|
|
|
|
|
Re: الفرق شنو بين الحب ..والريــــد (Re: حسين يوسف مكى)
|
Quote: فعليه يا صديقي يا ابو الحراسم.. أُستُهلكت كلمت الحب
لمّن بقت زى جلابية ال (على الله) وان تفنن حائكها.. |
صديقى الشاعر الفخم صاحب الروعة ذاتا
دوما تدخلون بنا الى ما تريدون ونريد ..ان معادلة ان تغوص فى كلمة الحب صعوبتها تكمن فى انها مستهلكة و..جداولذلك الاحساس بها اصبح كجلابية (على الله) هذه
Quote: و مازال (التوهان )
يمارس سطوته بين التباكى ومبادلة الريدة.
وعلى الشاكلة ايييييييك حدث بحرج لانها الريدة. |
حلوة يا ابواحمد (سطوته) دى تجيك العافية
منكم نستمد طاقة وجودنا هنا ونفتش فى اعتيادنا لنفكك غموض ممارسة الاعتياد لنعيد للحياة حيوتها وللكلمات وهجها ورونقها
دعنا نفتش
فربما نحدث ثورة فى تناول المعتاد لنخلق خالة جديدة فى فقه اللغة
| |
|
|
|
|
|
|
|
|
|
Re: الفرق شنو بين الحب ..والريــــد (Re: حسين يوسف مكى)
|
Quote: والرييدة زاتا خشم بيوت..
فى ريدة مصالح
وفى ريدة لحظة تزول بزوال
من وضع غرس الريدة وقفّا
وردى اخبرنا انه حقق احلامه
فى الفرقة البين الريد والهوى لووول
وبنات طلسم بالريدة اقمن كرنفال اللحن
و مازال (التوهان )
يمارس سطوته بين التباكى ومبادلة الريدة.
وعلى الشاكلة ايييييييك حدث بحرج لانها الريدة.
واخر دالقي صبابة الرييد والريدة ي حرسم
الجنا البقولو ليه طه سليمان اتى بريدة من نوع خاص!!
اذ تقمص دور من انجبت وارضعت وفطمت لووولز
وتدرجت فى ريد فلذة كبدها لحد الالزام و الالزامية .. |
حين يتحدث الشعراء فى بلدى فانهم يصنعون الرؤية
شكرا حسين يوسف مكى
| |
|
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
الاخ / الابن حرسم
بروفايلك ما لو فاضي .
تعرف انا عندي هذا المنبر في الوقت الراهن احد الاعمده و الاركان المتينه لبناء صداقات جديده في الحياه لتعين علي المسير في دروب بيداء الحياه ان ضل ربانها او التغريد بالسمر ان تعب حاديها ( و ختي الان الخطه تمشي كما ينبقي علي قول الامام الصادق المهدي ) .
اخوك / عمك
ابن العوام
تخريمه : يا اخي اشتريت لي ارض في سواكن اهااااااااااااااااااااا كيف الشوري .
| |
|
|
|
|
|
|
|
|
|
Re: الفرق شنو بين الحب ..والريــــد (Re: الزبير بشير)
|
الاخ الزبير بشير
انا زول قديم شوية او كاير كمان مرات هههههههه
حسب عمرك لبو اقل من تلاتين عمك
ولو ازيد من خمسين اخوك
ولو بينهم ود عمك
هههههههه
المهم تحياتى ونحن الاسعد بى معرفة الرجال (الكنز)
على جنبة الارض فى سواكن لو عندك فيها نظام هوتيل اوة وكالة سكن او شقق مغروشة بيكون ظابط
غير كدا انسى
اها نسيت حاجة
الاكل الاكل الاكل
اى اكل واى موية
بيجيب دخل
فتك بى عافية
اها نرجع لى موضوعنا
انت بتحب سواكن والا بتريد سواكن
| |
|
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
عجبنى الكلام دا من حتة تانية فتحت فيهو نفس الموضوع قلت تشاركونى فيه:
[QUOTE=الكحلي;302560]حرسم وجماعته
سلاما جانا وجاكم
بوستك يعود بي لتكريم زمن جميل لم أكن أراه ونحن نعايشه (مقبول الشكل ).
كنا نرتقب القبس الذي يأتينا من شوارد أستاذ فراج عليه الرحمه إذا راق مزاجه فخرج على نص الحصة,
وكان مما أخبرنا به أن[COLOR="Red"] الحب إسم عام تنضوي تحته حالات وجدانية مختلفه فهو مقسم لدرجات لكل درجه أعراضا خاصة تظهر على سلوك المصاب به بقدر تمكنه من أنسجة قلبه ـ مبتدئا من أثره على ظاهر القلب ( تاموره) حتى يصل الى سويدائه أو حبته ـ مسميا كل درجه من الاصابه بشواهد من الشعر ’ وأنا في حل من ( زرزرة) أصحاب علم الامراض في المنبر من بيان موقع حبة القلب وسويدائه تشريحيا . و في ( النت ) متسع لبيان درجات الحب تلك .
في دارجتنا السودانية يبدو لي أننا نستخدم كلمة الريده نشير بها للحب عموما لكن بطريقة محتشمة وهي تبدو أقرب ل like
منها الى love
لذا نستخدمها دون تحفظ ,وأعتقد أن أكثر من إكتهل يوافقني في أن إستخدام كلمة حب صراحة كان أشبه بالعيب ( يعني إنفكت من الحظر قريب ) . وفي ظني أنه لم يرد ( أو لم يشع إن أردت الدقة ) تصنيف لدرجات الريده عندنا
(ولا حتى في غنا الشوايقه )
( لا تحملوا قولي ما لايحتمل فهم مظنة الكلام الحنين ـ ومن وجد شيئا فليقل لنا )
فإن لم يوجد تصنيف فهذا يتسق مع شح معهود عندنا في التعبير عن العواطف بين المتحابين بيننا
فهل يقوى ( إلا الما نصيح ) على التصريح بأنه مكتول في حوش فلان أو ميت في فلانه ؟
( أما البت خلها : كلامها بتدفنو في حشاها )
عموما (كأن اللغة عندنا أخضعت لشكل من الختان الفرعوني )
هذا يدعو للتساؤل عما إذا كانت رطاناتنا السودانية كما عاميتنا مقلة في التنوع في مرادفات كلمة الحب ووضع درجات للريدة؟ نحتاج الى أن نسمع إفادة ممن لهم دراية بها
فإذا ثبت أننا كلنا في الهوا سوا فنكون عرفنا أصل الحكاية والطبيعة جبل
وإذا إتضح العكس فنحتاج كذلك لمن يوضح لنا السبب ,
تحياتي
|
| |
|
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
الاخ خرسم
اكان كده انا اخوك
يا زول الكلام ده ببقي نبيع الاكل .
المهم عملناها محلات تجاريه .
نرجع لموضوعنا
ما فرقت ضربه جزاء و له ركله حره في النهايه المهم ان تكسب المباراه العاطفيه ، ما تنتهي بي شغب ملاعب عاطفي و تاخد شكوش في راسك .
ابن العوام
| |
|
|
|
|
|
|
|
|
|
Re: الفرق شنو بين الحب ..والريــــد (Re: الزبير بشير)
|
الحب ممكن تنطق بها وهي كلمة بقت ممجوجة ومستهلكة وكثيراً من تكون معبر لإمتلاك شئ محدد في حينها مع إحترامي للكل ممكن بقت الآن مبتزلة لدرجة الإستحفاف بالشخص ،،، ولكن الريدة دي حاجة أعمق من الحب وهي الوجدان الداخلي والعقلي للإنسان ( بريدك والريدة ظاهرة في عيني ) والريده هي تحوي كل كلمات الحب والعطف والحنان ،،، وعلى حسب أعتقادي الحب يطرق الأبواب مراراً ،،، ولكن الريدة مرة واحدة فقط ،،، ولو لاحظت في أغنية الكاشف مثلاً ( الشوق والريد والحب البان .... ) يعني عمق الريده القوية ترجم الحب يبقى الأساس الريدة ،،،
وأخيراً
أنا مهما أفصح عن مشاعر برضو بخوني الكلام
قولة ( بحبك ) ما بتكفي وكل كلمات الغرام
يامنتهي ( الريد ) ومبتداه
ويديكي لي طولة العمر وفي الدنيا يوم ما يألمك
شوف تعمق كلمة الريدة كيفينها
زول تانى
| |
|
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
Quote: الحب ... والريد
أغنية
أغمضت عيناى وبديت أردد كلمة "أحبك" .. و "بريدك" كل واحدة على حدا ولأكثر من دقيقة
وجدت أنى أردد كلمة "بريدك" أكثر وبقولها بشجاعة وقوة وحنية
ووجدت نفسى أردد كلمة "بحبك" بصوت خافت وأقل عدداً ولا أريد أن أقول بهمس ولكن بخجل
دى معضلة جديدة .. واحتمال أكون رد على السؤال |
واحدة انثى من منتدى آخر كلام ليهو معنى
| |
|
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
إضافة تعليق...
نشر كـHarsam Mohammed Abdalla (تغيير)
النشر في فيس بوك
Zeinab Elmahdi · Lecturer في University of Medical Sciences and Technology
الريدة دي حقتنا برانا السودانيين.
والتحية لأم درمان
بتفق تماما استخدامها بطريقتنا دى حقتنا برانا
وككلمة موجودة لكنها تستخد فقط فى ما اريد وارغب
| |
|
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
ومن داخل المفردتين وبحرهما ...
عندما تحب فانت فى حالة من التحفز ويملؤك الحنين والشوق الى ان تكون بجانب من تحب وما تحسه ينبت فيك ويمد بينك وبين من تحب الآف الايونات الموجبة التى تربطك بشكل ما لا فكاك منه بينك وبين من تحب ..
ولكنك يمكن ان تتامل فى هذا المكون الذى بينك وبين من تحب بشىء من الفرجة والانغماس راضيا بحالة الانتشاء الذى يصيبك من اقل القليل منه ..
اما فى حالة الريدة فان الامر يتعدى كل ذلك الاحساس الى لحظة امتلاك ما تحب ...
الحب استخدام حضرى
الريد استخدام قروى
| |
|
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
نعم نحن اقرب الشعوب الى اللغة العربية ..
ونحن اقربها من الجمال الحقيقى للانسان..
ولذا تجد هاتين الكلمتين كنموذج ..
فاننا فعلا نحب المعاصرة لاستخدامنا كلمة بحبك..
ونحب الاصالة لاستخدامنا لكلمة بريدك..
وهى خاصة جدا ..
لا يستعملها شعب آخر غيرنا..
وهى تستصحب معها معنى خفى من اراد الشىء يريه اى يعى لامتلاكه..
| |
|
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
عصام حميد · Khartoum, Sudan
1- مهما قسيت أنا برضي بحبك وساعة عطفك بستناها
2- مهما قسيت أنا برضي بريدك وساعة عطفك بستناها
رد · 2 · إلغاء إعجابي · متابعة المنشور · 27 يناير، الساعة 01:55 مساءً
Abonoon Abraheem
يا حبيب رجعت لي الزمن الجميل
رد · أعجبني · 31 يناير، الساعة 10:39 صباحاً
Zeinab Elmahdi · Lecturer في University of Medical Sciences and Technology
الريدة دي حقتنا برانا السودانيين.
والتحية لأم درمان
رد · 3 · إلغاء إعجابي · متابعة المنشور · 27 يناير، الساعة 12:18 مساءً
صبري طه · الأكثر تعليقا
أيوة الريدة دي حقتنا برانا كدا .. وأنا بشوف إنّها أعمق من الحب ..
رد · 2 · إلغاء إعجابي · 27 يناير، الساعة 06:43 مساءً
Samah Ali · الأكثر تعليقا · Port Sudan
الحب والريدة الاتنين بكتلن الحيل
رد · أعجبني · متابعة المنشور · 3 فبراير، الساعة 09:58 مساءً
المكوّن الإضافي الاجتماعي لفيس بوك
| |
|
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
Mohamed Abdelhalim Mahmoud · الأكثر تعليقا · Toronto, Ontario
ريدتنا ومحبتنا وليالي هنانا ان شاء الله تدوم نتهنا ونعيش في صفانا...(عثمان حسين في بعض رحيقه)
رد · 1 · أعجبني · متابعة المنشور · 26 فبراير، الساعة 12:15 مساءً
شكرا ابوحميد
| |
|
|
|
|
|
|
|
|
|
Re: الفرق شنو بين الحب ..والريــــد (Re: محمد عبد الله حرسم)
|
Quote: أسماء الحب ومراحله
1.2.1 الهوى
1.2.2 الصَّبْوة
1.2.3 الشغف
1.2.4 الوجد
1.2.5 الكَلَفُ
1.2.6 العشق
1.2.7 النجوى
1.2.8 الشوق
1.2.9 الوصب ُ
1.2.10 الاستكانة
1.2.11 الوُدّ
1.2.12 الخُلّة
1.2.13 الغرامُ
1.2.14 الهُيام |
الغريب انو مافيهو ريد ولا ريدة
| |
|
|
|
|
|
|
| |
محمد عبد الله حرسم
nazar hussien
Mahmoud Mustafa Mahmoud
قيقراوي
علي محمد الفكي
ابو جهينة
سلمى تاور
وضاحة
يحي قباني
كمال ادريس
Emad Khairy
الزبير بشير
PLAYER
فيس بوك
تويتر
انستقرام
يوتيوب
بنتيريست