|
Re: بمناسبة كاريكاتيـر محمد الحلو ..إهداء لصديقي الجميل وائل احمد خلف (Re: Mohamed Foto7li)
|
Quote: الاخ حيدر الزين كيف حالك
عمر دفع الله ومحمد الحلو ديل تشيل دا وتضرب بيهو دا
لا رسم - لا فكرة - لا اخلاق |
قسم الفضيل يا راجل يا مضوى ؟ والله ما ليك حق تكلف نفسك مشقة المداخلة عن ناس لا عندهم فكر ولا اخلاق ولا حتى بيعرفوا يرسموا ؟ يا خى انت اسمك الفضيل ومضوى كمان حقو تراعى للصفات دى في اسمك وما تنزل لمستوى ناس في الحضيض زي وزي اخونا الحلو .
الله يجازيك يا ودالزين جبت لينا الشتايم والمنابذة من ناس اكابر ... لكن برضو مقاماتهم محفوظة والعين ما بتعلى على الحاجب ... الله يسامحك يا ودالزين ....
تشكرا يا محمد فوتو على اهتمامك بى ناس لا فكر لا رسم لا اخلاق ... يعنى ناس من الحضيض والحمدلله على كل حال .
| |
|
|
|
|
|
|
Re: بمناسبة كاريكاتيـر محمد الحلو ..إهداء لصديقي الجميل وائل احمد خلف (Re: حبيب نورة)
|
والله رايك متطرف خالص وانا اختلف معاك تمامًا ...
فمن ناحية "لا فكرة" ... فأنا - رغم اختلافي معك - فربما أؤمن على ضعف الفكرة ... أو ربما عدم وجودها أساسًا ...
ولكن لا يصح وصم إنسان بعدم الأخلاق ... وإن وضعنا عمر ومحمد الحلو كاستثناء لغرض المناقشة فقط ... فمعيارهما الأخلاقي فالت حبتين ...
أمّا الرسم .. فالكريكاتير ليس عذرًا ... فحينما أتذكر "الموناليزا" مثلاً ... أتأكد من أن رسمهما "شين" ...
فهذان ... لا فكرة ... لا اخلاق ... لا رسم ... ولكنني اختلف معك جملةً وتفصيلا ...
(انتو بعد دا حا يهدروا فرشكم والوانكم !)
... المهم ....
| |
|
|
|
|
|
|
Re:أهدي الكاريكاتير الرائع لمحمد الحلو لصديقي الجميل وائل احمد خلف (Re: محمد علي عثمان)
|
الحبيب مضوي .. صباحاتك ..
Quote: لا رسم -لا فكرة- لا اخلاق |
مسألة الرسم دي ذائقة وكل زول حر في ذائقته.. لكن لنجي لقصة :
الفكر خشم بيوت زي ما بيقولوا .. واي رسم لابد ان تكون وراهو فكرة والا فكيف يخط القلم خط ولا فكرة تدفعه سواء جيدة او سيئة.. يعني با ختصار لا يمكن ان تجرد شخص من الفكرة هكذا ضارب لازب اعطيه حقه في الوجود لانه اي انسان حي له فكرتهالما بيحملوا فكرة ديل الانعام ولا مؤاخذة..
بعديـن عاوزك تدوس على الرابـط دا وتقرأ وتشوف لعمر دفع الله وبعدها تعال جيب ليك فكرة اروع الخاتيها هنا وعبر عنها برسم مهما كان سئ لكن برضو خليهو يعبر عن فكرتك زي ما عبر بالرسم دا عن فكرته :
ابليس السودان يبلغ الثمانين من العمر . ..................... كاريكاتير
في اعتقادي انه لم يكتب بوست بل برسمته وما صاحبها من كتابة كتب سِفر كامل ..
أما قولك ..
فالاخ محمد الحلو لم اطالع الا رسمه وكاريكاتيراته اعجبني بعضها ولم يعجبني الاخــر .. لم اقرأ له مكتوب سابقاً ولا اعرفه لاحكم عن اخلاقــه فقد تكون انت تعرف اخلاقـه بخلاف المبذول لنا هنا.. أما الاخ عمر دفع الله فايضاً لم اعرف الا مكتوبه ومخطوطه هنا وان كنت اراه شخص حسب تفاعله وتواصله هنا على درجة عالية من الاخلاق والتهذيب.. فلم اراه يوما ساباً ولا مشاتماً احد بل اراه يبادر للاعتذار لم يفهمه خطأ او يظن في نفسه خطأ التعبيـر ولك في هذا البوست اسوة حسنة بأخلاق عمر دفع الله :يابكري ابوبكر نرفض هذا الكاركتير !!!!!! فقد تكون عاشرت او زاملت عمر وتعرف عن اخلاقه خيرا منا..
وعموما يا حبيب انا شخصياً اري في كاريكاتير محمد الحلو روعة وتعبيـر قوى وفكرة قوية عن شعار المشروع الحضاري لثورة الانخاس في بدايتها وهذا الكاريكاتير يستحق الوجود في اعلى المنبر لفترة طويلة جدا التحية للفنان المبدع محمد الحلو ولك التحية ايضا يا مضوى
| |
|
|
|
|
|
|
|