|
Re: الافضل أن تبني (مسجد) ام (عنبر) في مستشفى؟؟؟؟؟ (Re: محمد زكريا)
|
Quote: المهم تعرف دور وجود الوسواس الخناس مهم جداً فى مسألة الايمان لانه كلما وسوس لنا فى اضانا دى بنجرى نلعن ونستعيز ونستغفر ودى بيتزيد من ايمانياتنا |
انا استغرب انكم تدو رخصة ابداعية لى علي دفع الله يبتدع بيها ما يشاء من الشخصيات والأحداث الخيالية الإفتراضية ... وتسحبوا الرخصة دي من "بديع السمـ~وات والأرض" ان يبتدع شخصية الوسواس الخناس كشخصية خيالية افتراضية ...
... المهم ....
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: تبارك شيخ الدين جبريل)
|
Quote: انا استغرب انكم تدو رخصة ابداعية لى علي دفع الله يبتدع بيها ما يشاء من الشخصيات والأحداث الخيالية الإفتراضية ... وتسحبوا الرخصة دي من "بديع السمـ~وات والأرض" ان يبتدع شخصية الوسواس الخناس كشخصية خيالية افتراضية ...
|
هههههههههههههههههههههههههههههههههههه مع انه ما داير اضحك حتى لا اشبه بضاحك اخر ويكتب عنّى من الضاحكين ومع ذلك ارى اعجاب بنا ظاهراً, فااا رايك شنو نعمل ثنائى المحيط الاطلنطى وكده لكن اسمح لى اسألك انت قاصد منو ب انكم تدو رخصة دى؟ حدد ياخ وبلاش اسلوب تكون قاصد الزول وما تقول اسمو
واسمحها لينا استلفنا منك مهمتك بكثرة وكمان دى
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: محمد زكريا)
|
Quote: فااا رايك شنو نعمل ثنائى المحيط الاطلنطى وكده |
انت حدد ... انت داير تعمل ثنائي مع منو؟
غايتو يا محمد زكريا انا الليلة ضحكت كوتة الاسبوع كلو ...
مع الاعتذار للأخ احمد بابكر ولاّ شن سموهو المبروك دا ... حقيقة آراءك هي البتستخف بيك .... انا ما قصدت استخفاف ...
.... المهم ....
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: تبارك شيخ الدين جبريل)
|
Quote: مع الاعتذار للأخ احمد بابكر ولاّ شن سموهو المبروك دا ... حقيقة آراءك هي البتستخف بيك .... انا ما قصدت استخفاف ...
|
آآآآمنت بالله انك مورطاتى يا تبارك هسى خليتنى زى الكأنى فعلاً عامل ثنائى معاك بالجد ويشهد الله اكتر فائدة فى البوست دى من وبسبب مداخلات الاخ احمد ابكر الجادة والموضوعية على الاقل ولولاه لما كتبنا انا وانت اكثر من مداخلة فله التحية والشكر ياخ انا شخصياً استفدت منه كتير واتمنى ان التقيه فى بوستات اخرى
======================== معلومة لغير الفائدة العامة الوساس الخناس ساكن فى المحيط الاطلنطى فى مثلث اسمه برمودا عشان كدى الفقراء (جمع فكى) بيرسموا فى بخراتهم تقاطع مثلثين دلالة عن الوسواس وابوه الخناس ويقول ليك دى نجمة داؤود
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: وليد محمد المبارك)
|
Quote: والله انت دلاهة جدجد |
شوف غيرها هلكتنا بيها دي ، مش انت خبير راندوك وعندك خبرة في ساقط القول مسجل في قصة السحركة ، يلا جيب حاجة جديدة
Quote:
كدي لف لي دائرة 720 درجة .. وحاول تجي في نقطة البداية 99% |
ودي برضو اتبرعنا ليك بي هناك وقلنا بقيناها ليك قطرها 9850 ،
Quote: اها يا عوقة المجنون ميطي في هدومو وانت ميطي في مخك |
بالجد انا قاعد احن عليك يا (الشفت) انت شقت تخصص شنو ، لاني بكلامك دا لا شفت ولا حاجة انت زول وروار سااااااااااي والغريبة انك زي ما قلت ليك زمااااااااااااان (فاكيها في نفسك) وما عندك اي حاجة
سحروك بيه العب غااااااااااااادي ، خلاص بقيت واضح (غباء باين بينونة كبرى ) وقع ليك يا سحركة
ايوووا قبل ما امشي اخبار قصتك شنو ؟؟؟؟؟ تحذير كل من يريد الدخول الي قاذورات السحركة ان يتكمم( يلبس كمام توجد زفارة ههههههههههههههه)
يلا قد برا وجع راس وورجغة
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: تبارك شيخ الدين جبريل)
|
Quote: داير اسألك من "مادة مغشوشة" دي يا احمد ابكر .... وداير اسألك سؤال تقليدي خالس:
كان ما غشوك؛ كان ربّوك؟
يعني انت مزرقن في نفس النقطة ... هسي لو قلنا انو دي لواقة حا تتهمني بالكذب والتلفيق ... |
تبارك شيخ الدين (الوسواس الخناس) تعتبر الوسواس الخناس دا خيال إبتدعوا ربنا ، دا ما قضيتي أنا لكن الإسم دا لائق بيك تماماً وشايفك داير تميع التهمة النسبتها لي وتقلبها إستهبال وداير تشبه تهمتك بتاع إنو أنا دافعت عن التكفير بتهمتك بتاع إنو أنا زول لايوق عشان تخفف من وزن التهمة الأولى شن جاب دي لي دي ما عندك الشجاعة علشان تعتذر أيها الكذاب ورجعت لعاداتك القديمة بتاعة الحرب النفسية بتاعة إنو آرئي مسخرة بدون ما تشير لياتو رأي إنت قاصدو ياهو شغل الوسواس الخناس ذاتو بس ألعب غيرها ،، أنا محصن من هذه الحماقات ، والحمد لله آرائي تلقى إستحسان من يفوقونك علماً ورزانة بألف مرة ووين وعدك أمس إنك تجي وترد على كلامي الطويل داك بتأني التأني دا كلو علشان بس تجي في الآخر وتقول فلان آراءو مسخرة وتمشي؟
ما عندك موضوع يا الوسواس الخناس غير المشاغبة والكذب أعوذ بالله منك
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
Quote: داوود ظاط نفسو جاب النجمة من وين؟
|
يا ربى بكون من العطّار بتاع التداوى بالاعشاب ما قلنا دى معلومة ليست للفائدة العامة فااا ما عارف اقول شنو وخصوصاً انّى لسة ما قريت الزبور بعد
غايتو ناس المناهج التربوية زمان ظلمونا وما قرونا لا التوراة ولا الزبور ولا حتى الانجيل الكان مقرر مع انه فهمونا انها من الكتب السماوية التى يجب الايمان بها
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: محمد زكريا)
|
Quote: وداير تشبه تهمتك بتاع إنو أنا دافعت عن التكفير بتهمتك بتاع إنو أنا زول لايوق عشان تخفف من وزن التهمة الأولى شن جاب دي لي دي ما عندك الشجاعة علشان تعتذر أيها الكذاب |
ياخي انا آسف على التلفيق والكذب ... انت في الحقيقة اتفقت مع صلاح بندر في جهده الميمون لحماية الجالية من مؤامرات نهلة محمود ومثيلاتها الإيرانيات المتبرجات ... تمام كدا؟
... المهم ....
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: تبارك شيخ الدين جبريل)
|
تبارك شيخ الدين (الوسواس الخناس) إنت زول قلبك ميت وما عندك كرامة زول يتهموك بالكذب ويتحدوك إنك تثبت التهم والتلفيق بتاعك ، وتوعد بالعودة والرد ثم تزوغ ولما يذكروك ويزرزروك ويطالبوك بالإعتذار تجي تحاول تصلح الكذبة الأولى بأخرى مثلها
Quote: ياخي انا آسف على التلفيق والكذب ... انت في الحقيقة اتفقت مع صلاح بندر في جهده الميمون لحماية الجالية من مؤامرات نهلة محمود ومثيلاتها الإيرانيات المتبرجات ... تمام كدا؟ |
إنت ما بتجيب إقتباسات مالك؟ وريني وين أنا جبت سيرة الجالية السودانية ولا الإيرانيات؟
شوف يا الوسواس أنا صبرت عليك كتير ، وصدقني حاولت أسترك ، لكنك تماديت بعد دا I will fight back حأفضحك وحأخلي الناس تعرف تفاصيل سبب مرضك النفسي دا وحأجيب تفاصيل الحاجة الخلتك تتعقد كلما تقرأ إسمي وبإقتباسات من بوست أستاذنا فضيلي رغم إنك ما بتعرف حاجة إسمها الفضيحة ، زي ما هو باين بس خليني أعلق على كلام أخونا محمد زكريا دا في الأول
أعوذ بالله منك
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
Quote: آآآآمنت بالله انك مورطاتى يا تبارك هسى خليتنى زى الكأنى فعلاً عامل ثنائى معاك بالجد |
مورطاتي = فتّان = شغل الوسواس الخناس كلامي ما بيقع الواطة أهو إتبرأوا منك يا الوسواس زي ما أنا تبرأت منك قبل كدا لما إستنجدت بي ، فكرهت خلقتي وما عرفت تسوي شنو ، فقعدت تفتري علي ما اشبه الليلة بالبارحة ( ربنا يستر ما يقوم يزعل من محمد زكريا كمان ويقعد يلفق في حقه)
إنتو عارفين سبب زعلتو مني وحنقوا علي ، عارفنوا شنو؟إ سبحان الله نفس شغل الفتنة دا ومحاولة الإستناد على أكتاف الغير للإرتقاء حأحكي ليكم تفاصيل القصة وبالوثائق كمان
أعوذ بالله من هذا الوسواس
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: محمد زكريا)
|
يا أبو زكريا تحياتي لا ولا يهمك يا حبيب حقك علي رغم إنو أنا ما قلت إنك قلت تبارك فتان وشغلو شغل وسواس دا كلامي أنا ، لكن شبهت كلامي بي كلامك لما قلت عليهو إنو هو زول مورطاتي تشبيه لا أكثر ، فقلت مورطاتي دي زي فتان وشغل وسوسة
على كلٍّ خليك في مقاعد المتفرجين وإستمتع بعد دا أنا لا حأشتم ولا حاجة فقط بدافع عن نفسي وبجيب تاريخ وتسلسل المشكلة بيني وبين تبارك بالوثائق وحتشوفوا العجايب حتلقوا الزول القال ما بعرفني دا وبيقول على (بسموك شنو) وإنو آارئي مسخرة ، كيف كان بيقول إنو هو عندو بوست كامل وإنو مضمون كلامو في بوستو داك بيتوافق مع كلام أنا قلتو في اسطر قليلة يعني جاي يتلصّق فيني علشان يرفع أسهم بوستو أها .. أنا جيت قلت ليهو أمشي بعيد مني ، موقفك ما بيشبه موقفي ، أنا في وادي وإنت في وادي آخر ومن ديك وعييييك (على قول بشاشا)
العفو يا حبيب من اي شظايا طائرة
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
أها نبدأ المرافعة
مقدمة وتذكير: زي ما قلت ليكم قبل كدا الوسواس تبارك دا كان عندو بوست باير كدا ، جاء زارنا في بوست الاستاذ فضيلي جماع وحاول يرفع اسهم بوستو داك عن طريق الإشادة والإسترشاد بي كلام أنا قلتو في بوست فضيلي وزعم إنو كلامي العجبو داك بيصب في نفس موضوع بوستو وجاب رابط لبوستو للأمانة : الحركة دي ما عملها معاي أنا بس كلما يلقى زول يقول كلام ويعجبو يجي يقول أيوة أنا عشان نوع الكلام دا ، عملت بوستي دا ويجيب رابط البوست زي ما عملها بعد مداخلة من أخينا محمد كبّر
بعد داك جيت أنا قلت كلام فجا وقال:
أها مشيت أنا وقريت كلامو في بوستو الفلقنا بيهو داك ولقيت كلام فارغ ما عندو صلة بالكلام الأنا كنت بقولو ( ما بعرف هسه غير رأيو في كلامو داك ولاّ لا) ياهو أنا جبت ليكم رابط بوستو ذاتو ، عملت ليهو دعاية مجانية ، وتلقاهو اليوم خجلان منو بعد داك جيت رديت عليهو بكلام سخن شوية (أنا ذاتي فيما بعد حسيت إنو كنت قاسي عليهو ،، وعلشان كدا طنشت كتير من مضايقاتو ووسوستو وقلت في نفسي الراجل معذور وخلي يفش غلبو شوية ، لكنو زودها وتجاوز كل الحدود) قلت ليهو:
Quote: يا تبارك أنت في وادي وأنا في وادي آخر تماماً أنا ناقد للثوار أبغي رشدهم أما أنت فإنني أراك أحد الإنصرافين الذين عنيتهم كيف لا؟ أولست أنت الذي - في بوستك الذي جئتنا برابطه هنا- ذهبت تعضد موقف الصادق المهدي من معركة أم درمان؟ وقلت إن كان حملة السلاح إختاروا الحرب فذاك شأنهم لكن عليهم ألا يأتوا لأمدرمان؟ وقولك هذا يجعل منك عنصرياً فجّاً فوق إنصرافيتك هلا سألتني : وكيف ذاك؟ أقول لك: لو كنت ترى أن السلاح لا خير فيه بتاتاً ، لكان الأوفق أن ترفض إستخدامه حتى وسط أهل الثوار وتقول لهم: إن أهلكم هم شعبنا أيضاً ولكنك باركت أن يموت أهلوهم ور فضت أن يمتد الموت حيث ينام أهلك ، وتناسيت أن أمدرمان ليس شأناً يخصك وحدك
|
نشوف هو قابل الكلام دا بي شنو نواصل
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
Quote: زول يتهموك بالكذب ويتحدوك إنك تثبت التهم والتلفيق بتاعك ، وتوعد بالعودة والرد ثم تزوغ |
انت مش قلت دايرني اكون شجاع واعترف بالتلفيق والكذب واعتذر ...
انا اعترف بالكذب والتلفيق واعتذر ... تطلع دايرني ازوغ؟
بعدين انت اعتذاري ما عجبك ولاّ شنو ...
يا احمد ابوبكر ياخي انا ارحب بالخصوم في الفكرة والمبدأ ...
الخصومة الما عندها راس وقعر دي انا ما فاضي ليها ...
الكلام انا كتبتو ليك في زمان ومكان مختلف ... هسي انت داير شنو؟
داير تخلي المنبر فوت ... داير تنتظر اجابتي المستفيضة احتمال يوم السبت الجاي ... ما بقدر اوعدك ...
(تحت تحت .... الدراما عندك .. ياخي انا اسمك وسط البرالمة الزي الركشات ديل ما فارزو ... انت جادي؟)
... المهم ....
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
Quote: الكلام انا كتبتو ليك في زمان ومكان مختلف ... هسي انت داير شنو؟ |
يا سلام !!! خجلان ينبشوا ليك الماضي؟ طيب والكلام المفبرك الإنت جبتو ونسبتو لي وقلت إنو أنا قلتو في بوست البندر ونهلة ، داك ما كان في زمان ومكان مختلف؟ مش أنا اللى قلت ليك الكلام داك دا ما محلو؟ وطالبتك وقلت ليك أمشي أرفع البوست داك وقول كذبك دا هناك علشان أجي وأوريك نجوم القايلة؟ مش كدا وبس ، أنا في الاول ما طالبتك حتى بالإعتذار والله أنا زول طيب خلاص ، لكن الوسواس دائماً لما يتوهم إنو الآخر ضعيف بيعمل كدا
Quote: انا ارحب بالخصوم في الفكرة والمبدأ ... الخصومة الما عندها راس وقعر دي انا ما فاضي ليها ...
|
يا راجل ، خصومة شنو ؟ كدي أرجع وشوف مناشداتي ليك بالهدوء وإعادة المياه إلى مجاريها ولما ما إستجبت لي مبادرتي ، ترجيتك إنك تسيبني في حالي ، وتاني لا ترد على مداخلاتي ولا أرد على مداخلاتك لكنك فهمت غلط ، وإفتكرت إنو دا ضعف مني وقلت أصلك ما حتفك دربي ، وحتقعد تباريني الآن وفي المستقبل تجي هسه تقول لي خصومة وإنت ما فاضي ليها ؟ عجبي !!!
ههههه أول مرة تغلط في إسمي من بداية البوست ، وبرضو انا عارف ليه إنت تعمدت أن تغلط علشان تمرر حكاية إنك ما مركز معاي ولا متنشن بي ، ولا فارزني ذاتو ، Nice try أمّا دي
Quote: ههههههههههههههههههههههههههههههههههههههههههههههههههههههههههههههههههه |
دي قهقت الوسواس لما ينعصر
===============
والله كنت ناوي أستمر للنهاية علشان الناس تشوف العجب العجاب في شأن هذه النوعية من الناس لكن لأنو إتجرس وبكي وخصومة ومش عارف إيه ، حأكتفي مؤقتاً ونشوفو بيرعوي ولّا لا أصلي أنا ما زول إنتقام ، ولا أمثل بجثة القتيل ، عندي أخلاق ، رغم إنو في ناس ما مؤمنين بحاجة إسمها أخلاق ذاتها لو كنت زول خصومة وإنتقام كان فتحت بوست كامل بإسم هذا الوسواس (تبارك شيخ الدين) وفرّجت فيهو خلق الله
والسلام
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: تبارك شيخ الدين جبريل)
|
هوي ،، الوسواس إنت لسه عايش وبتفرفر؟ ولّا عفرتّ من جديد؟ أنا قايل نفسي دفنتك نهائياً ، أمرك عجيب يجو يردموك ، تكورك ، ،،، يخلوك ، تفرفر؟ ألا ما أطول روحك يا الوسواس !!!
Quote: عليك الله اعدلها خلينا نفطر ... |
طبعاً دا تعليقو لما قلت عليهو قلبت الدنيا عليك هسع بالله كلامي الزي السم داك كلو ما عندك تعليق عليهو إلا بفرفرة زي دي
ياخي أنا قلت ليك تاني كذبت وأثبتو ليك زول يجي علشان يعتذر وفي نفس اللحظة اللهو بيعتذر فيها يقوم يكذب تاني والله دا ما سبقك عليهو زول ، بالله دي ما حرقتك ، كونو يعروك بالشكل دا ، ولسع ما عندك دم وجاي تتفاصح؟ يعني نفهم من عدم تعليقك على كذبتك التانية دي إعتراف منك بالكذبة ولّا شنو؟
لا وكمان بدم بارد جاي عايز تشتت الكورة وتسأل عن القردة ومنو القالها ، أنا ذكرت موضوع القردة علشان أذكرك إنو دا الموضوع الوحيد الما تطرق ليهو البندر في حديثو وفي نفس الوقت هو الموضوع الوحيد الأنا إنتفدت نهلة فيهو ومع ذلك الكذاب تبارك (الوسواس) يجي يقول أنا دعمت البندر في موضوع الإيرانيات العريانات والجالية وكلام فارغ وجاي عايز تقفز على التهمة التانية وماشي تشتت الكورة تتحدث في مواضيع آخرى شوفو قوة العين يا إما تثبت لي وين أنا جبت سيرة الإيرانيات العريانات والجالية السودانية أو تعتذر للمرة التانية أو ما تفتح خشمك مرة تانية نهائي في هذا البوست ، و برضو ما عايز أشوفك تاني تقيف قدامي وتوسوس لي في أي بوست آخر دا شرطي في التوقف عن عرض صحيفتك البائسة وإلا حأستمر فيهو ، وحأنقلو في بوست منفصل فاهم ؟ ما عندك خيار تالت No way. The game is over
أعوذ بالله منك طبعاً التعويذة دي + الدمغة (أو الصحيفة بتاعتك الأنا إستعرضت جزء منها هنا) حيكونوا بعد دا حجابي منك حأشيلهم معاي ومحل ما الاقيك قدامي بكون جاهز ومتحفز، أول ما تبدأ توسوس بستخدمهم على طول
============== لا يفوتني أن أشكر الجمهور الذكي الذي إستعاذ منك أيضاً وشهد على العصرة
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
Quote: لا يفوتني أن أشكر الجمهور الذكي الذي إستعاذ منك أيضاً وشهد على العصرة |
اصالة عن نفسى وبالانابة عن الجماهير المتفرجة من جميع الدرجات نؤكد متابعتنا اللصيقة وعليه نناشد بالتالى يرجى تقسيم شاشة العرض الى اربعة وان يعطى كل خصم فى الصراع ركن يجب ان تعرض استعراضات كل بطل فى الصراع لفترة زمنية محددة وفى زواية وركن محدد ومن ثم تنتقل الى الركن الاخر بحيث يكون التتبع سهلاً علينا شخصياً رقبتى وجعتنى من الانتباه الى ركن وبعديها الى ركن وترجع تلقى خصم اخر فى الركن المتابعو وترجع للركن الجديد تلقاهو مشى للركن الخليتو والمشكلة فى الناس البتتلفت للركن الايسر بالكرسى وصوت صكيك ارجل الكراسى مع الاوووه, اوووو, امّمممك خبتو, ادّيلو, ردمو, والعودة بالكرسى تاااانى للجهة اليمنى بنفس الموال
مافى زول يقول لى حكايتك شنو مع الاركان والسينما اصل العلاقة زى اركان نقاش اتحاد البركس والتفرج من الشجر الرامى فروعه فى سينما النيل الازرق يعنى تتابع الفلمين فى وكت واحد
ما خلاص يا , فك النفس يا
بسم الله ده شنو ده جنيت انا ولا شنو
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: محمد زكريا)
|
يعني انت يا احمد ابكر ... مأخذك الوحيد على نهلة انها قالت انو المسلمين بيقولوا اليهود قردة وخنازير وهي كاذبة في ذلك؟
ما عندك مشكلة انو صاحباتها شيوعيات إيرانيات عريانات؟
ولا عندك مشكلة انها قالت انها "مسلمة سابقة"؟
أوكى ... انا غلطان وآسف ...
وللاحتياط ... لأنك حا تلقى إنة ترفض بيها الاعتذار ... نديك اعتذار مستقبلي مفتوح ... للمرة التالتة (ما عندها علاقة بالمرة الأولى والتانية) انا غلطان وآسف ....
.... المهم ....
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: تبارك شيخ الدين جبريل)
|
Quote: يعني انت يا احمد ابكر ... مأخذك الوحيد على نهلة انها قالت انو المسلمين بيقولوا اليهود قردة وخنازير وهي كاذبة في ذلك؟
ما عندك مشكلة انو صاحباتها شيوعيات إيرانيات عريانات؟
ولا عندك مشكلة انها قالت انها "مسلمة سابقة"؟
أوكى ... انا غلطان وآسف ...
|
إنا لله وإنا إليه راجعون البوست هداك قاعد ، لو لقيت فيهو شيئ غير مسألة القردة والخناذير دي جيبو لي
Quote: لأنك حا تلقى إنة ترفض بيها الاعتذار |
أولاً : مافي شيئ يبخليني أرفض الإعتذار الإعتذار إعادة لحق معتدى عليه ، وإعتراف من الجاني بجريمته في زول بيرجعوا ليهو حقو ويرفضو ؟ أكيد الإعتذار مقبول دون أن يعني ذلك العفو والتصافي ، فذاك متروك إلى حين الإعتذار معناه إنتفاء سبب الحرب على المعتدي وملاحقته فقط فالعذر مقبول ، وربنا يسهل علينا وعليك
لكن عندي تأملات فقط في الإستفهامات الإنت قلتهم ديل تأملات ما موجهة ليك ، فقط عن كيف إنبنى هذا الإنطباع عني تأملات مافيها أسئلة ليك ولا هجوم عليك ، فتلك مسألة قد إنقضت
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
معقول تبارك يكون بهذه الإنطباعية ؟ ومن أين جاءه هذا الإنطباع عني؟ ليه إفترض إنو يكون عندي مشكلة لو نهلة صاحباتها شيوعيات وإيرانيات عريانات ؟ وأنا مالي وما لها لو هي نفسها ( مش الإيرانيات) لو هي نفسها مشت كما ولدتها أمها ؟ ومن وين شعر تبارك إنو أنا عندي مشكلة إنو الزول يبقى شيوعي ، ناهيك عن أن يكون مجرد صاحب أو صاحبة للشيوعيين لا حولاااا هل هو فعلاً شخص إنطباعي متعصب فأضيفه كعينة من العينات التي في بحثي الذي اقوم به عن ظاهرة التعصب في السودان؟ أم أنه شخص ماكر وحسبها وفاضل بين أمرين: بين أن يتم تصنيفه كشخص صاحب ضغائن ويطور أي صدام لحظي أو دائم حول فكرة أو حول موقف سياسي إلى كراهية وضغينة ويصبح أسير لها كما رسمتها عنه مداخلاتي يوم أمس وبين أن يبدو للناس شخصاً إنطباعياً يتعصب ضد الآخر بمجرد إنطباع خاطئ عنه لا أساس له فإختار الخيار الثاني (الأخير) ؟ حسناً : الإفتراض الأول - رغم أنه لم يكن إختياره - على ما يبدو - لأنه لم يتجادل حوله ولم يعلق عليه- إلا أنه الإحتمال الأقرب لماذا؟ لأن هناك واقعة تدعمه ، واقعة صدام حقيقي وقع بيني وبينه في يوم ما؟ لكن الإفتراض الأخير هذا لا شيئ يدعمه على الإطلاق بل الأدهي أن كل مداخلاتي في بوست البندر المعني تشير إلى العكس من إفتراضه الإنطباع الذي أخذه عني حسب الإستفهامات التي وضعها هنا يرسم عني صورة ذهنية أو يضعني ضمن تيار الهوس الديني ، وهو قالها بلسانه إنني أويد التكفيريين إستدعيت في خاطري بعض مداخلاتي في ذلك البوست فلم أجد عبارة واحدة تشير إلى كوني مسلم ناهيك عن أن أكون متشدداً بل تكفيرياً مهووساً (راسو عديل) سوى عبارة واحدة قلت فيها بصريح العبارة إنني مسلم ملتزم إذا حذفنا هذه العبارة الأخيرة فليست في مداخلاتي ما يمكن أن تشير إلى ديانتي فلقد كنت أتحدث عن العصبية والتطرف ، دافعت عن نهلة بقوة ، لكنني إنتقدت إنسياقها وراء برامج ترويج الكراهية ضد المسلمين هذا الكلام يمكن أن يقولها اي ناشط يهودي من مجموعة (يهود من أجل السلام) إذا إستفزته كلمة (أنا مسلم ملتزم) فلا شك إنه مهووس في الضفة الأخري (أقصي اليسار) لكنني مع ذلك أرجح الفرضية الأولى : وهي أنه من الذين تحركهم الضغينة ، في هذا الإطار يجب أن أتذكر بأنه الرجل الذي شمت بالشيوعيين وزعيمهم نقد لم يوارى الثرى بعد طيب ، لكنه اليوم يتساءل منتقداً لي عما إذا كنت أنا غضبان من أن صاحبات نهلة شيوعيات !!!!!!!!؟؟؟؟؟؟؟؟؟؟؟؟؟ دعني أتأمل فقرات من مداخلاتي مرة أخرى ، لعلي أجد تفسيراً المداخلة الأولي
Quote: أنا مسلم ملتزم إذا كانت كلمة ملتزم دي ترجمة دقيقة لل Practicing Muslim ومع ذلك أرى الآتي : 1- ما دام أن الله سبحانه وتعالى قد خيّر الناس بين الإيمان والكفر ، فليس هناك فرق إذا مارس الحق في الكفر هذا شخص أم مارسته جماعة فأين المشكلة لو تكونت جماعات أو نشأت منظمات تدعو إلى الكفر ؟ دا تعليقي على المقتبس دا:
Quote: أقول ليك مخطط مدفوع من جهات ووراهو تمويل
2- الكفر حق كفله الخالق تكريماً للعقل (لأنه فكر) كما كفلته المواثيق الدولية ، والإيمان كذلك ، بالتالي ، أرى أن الكفر لا يجب أن يغضب أحداً ، لكن الإستفزاز هو الذي لم يشرعه الله ولم تقبله المواثيق الدولية وفي البلاد الديقراطية القوانين تعاقب الإستفزاز والسخرية من معتقدات الآخرين. وشخصياً إستفزني فيلم الإساءة (في حق رسول الإسلام ، عليه أفضل السلام) لأن مثل ذلك الفيلم ليس فكراً بل سفاهة وقلة أدب وسوء ذوق ، ويمكن أن تسن القوانين لملاحقة القائمين على أمره ويكون ذلك متسقاً مع المواثيق الدولية ( الإعلان العالمي لحقوق الإنسان) كما إستفزتني عناوين الأخ صديق الموج مثل ( أيها المبعوص فينا ... ) لأن هذا ليس فكراً أيضاً معليش يا الحبيب (ود الموج) مجرد ضرب مثال للتدليل والمقارنة ، لزوم الشرح وكدا ، ونأسف لحشر إسمك هنا
3- خروج نهلة عن الإسلام يقابله دخول آلاف إلى الإسلام .. صحيح هي الخاسرة ، ففيم الغضب؟
4- الدكتور محمد أحمد محمود لديه آراء ضد القرآن منذ أكثر من خمسة وعشرين عاماً وظل مواظباً ومتحمساً على نشرها والترويج لها ، وهذا من حقه ، وطبيعي أن يفرح بمثل الخطوة التي إتخذتها نهلة ، ولا ينقص من حقه إن كانت تقف خلفه منظمات أو هيئات ، فكما قلت في البند رقم (1) أعلاها فإن ممارسة الحق في الكفر أو الإيمان مكفولة للفرد و للجماعة ، والجماعة دي بتشمل المنظمات الإسلامية أو المسيحية التبشيرية وخلافهما
|
المداخلة الثانية والتي جاءت في اليوم الثاني أو الثالث للمداخلة الأولى
Quote: لكن في المقابل: فإن نهلة ليست أمينة ، بل أفّاكة وملفّقة في أول جملتين ، وفي موقف تشهيري بالإسلام وربما مغازلة لفئات معينة ،قالت الآتي: " لقد قيل لي أن اليهود قرود وخنازيز " ثم بعد ذلك أتبعتها بباقي الكلام الذي يخصها والذي قالت أنه دفعها لترك الإسلام مثل إن الملحدين يجب أن يقتلوا ، وإن المرأة دون الرجل ... إلخ الكلام الأخير هذا رأيها ومن حقها أن ترى ذلك ،، لكن الكلام الأول داك الجابو شنو ؟، الجاب اليهود هنا شنو؟ ومنو القال ليها إن اليهود قرود وكلاب؟ ليه رمت الكلام على المجهول (لقد قيل لي ) ثم تقول إنني تربيت في دولة إسلامية لكي تربط الحديث مع بعضه بطريقة غير مباشرة بأن الإسلام يقول إن اليهود قرود وخنازير وين الإسلام قال كدا؟ كنت إحترمتها في الأول لكنها مبرمجة على ما يبدو ومع ذلك حقها في أن تكفر يجب أن يصان
|
ثم في تعقيب قصير على أحد المتداخلين وقد بدأ يتململ لمجرد أنني هبشت نهلة (على خفيف)
Quote: نطمح إلى حوارات هادئة بعيدة عن العصبيات نهلة لها كامل الحق في أن تعتقد فيما تشاء وتغير رأيها فيما تعتقد وقتما تشاء لكنها ليست محصنة - ولا ينبغي - من النقد والطعن في أسلوبها وطريقتها في ممارسة حقها
|
أكتفي بهذا القدر ، واللي فيه خير رينا يوفقنا إليه قاتل الله العصبية وعلى الأرض السلام وبالناس المحبة
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
Quote: ومنو القال ليها إن اليهود قرود وكلاب؟ ليه رمت الكلام على المجهول (لقد قيل لي ) ثم تقول إنني تربيت في دولة إسلامية لكي تربط الحديث مع بعضه بطريقة غير مباشرة بأن الإسلام يقول إن اليهود قرود وخنازير وين الإسلام قال كدا؟ |
طيب القال كدا منو؟
(دا السؤال الجنن بوبي!)
... المهم .... ________________________ النوباوي قال: انا ما جيتو من جبال ... قالوا ليهو طيب جيت من وين .... صنقع دنقر فكر وقال: لاكين جيتو اسة؟
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: محمد عبد الماجد الصايم)
|
واحد فيسبوكاوى كتب الكلام
Quote: · U of khartoum صاحب البوست تناول الموضوع باستخفاف ولجوءه لاسلوب الاستفزاز لا يجدي بشي بل يعريه ويوضح ضحالة فكره ....... طبارك كالعادة عنف لفظي مبالغ فيه الفاظ نابيه اسلوب عقيم ياخي على الاقل احترم القراء وشايل الحكاية عضلات الواحد تقوم بيه سيجارة ويجي يطلع احشائه هنا الواحد تغلبو الحجة طوالي يشد لي مكنه العضلات اللفظية والله حرام تكون مع ناس lمستنيرين زي احمد أبكر ومحمد زكريا ياخي قرفتنا الله يقرفك
|
لامن اسمه ما ظهر رجعت اتاكد من الاسم لقيت كلاموا زاتو مافى لكن انا اولريدى كنت عامل ليهو كوبى المهم عجبتنى شديد الجزئية بتاعة انه بيفتكر انه انا من المستنيرين فااا حبيت اسجل ليهو صوت شكر على الحتة دى واتمنى اكون عند حسن ظنه
-----------------------------------------------------------
Quote: محمد عبد الماجد الصايم مسجد!! |
يا عمك الدنيا صبح ياخ والراس خسرانين فيهو كبايتين شاى وقهو وبس اولاد انصار لا بنسف لا بنسجر فاااا لو سمحت حدد الفكرة ولا الفهم من المداخلة بتاعتك الشنقة دى
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: محمد زكريا)
|
ابوالزيك صباحاتك نسايم تصدق ود الصايم يا دوبو جاي يصوّت بين العنبر والمسجد أهلنا بيقولوا ليك الزول دا عايز يرجِّع القنيص لى جبل توو ليت طارت الطيور بأرزاقها والنتيجة فوز ن كل من نميري ومبارك وصدام ومن لف لفهم بنسبة كم كدا ما عارف
ياخي ضحكة ود الصائم دي عليك الله ما أحسن من 99 كباية شاي
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
وبعدين بالله في الفيسبوك في ميزة الكاميرا الخفية؟ أنا برضي بحييهو وبشكرو على حسن الظن لكن سحبو لي تشجيعوا دا قد يكون نتيجة إختلاف في وجهات النظر بينو وبين واحد تاني أو واحدة تانية جنبو أو جنبها ودا ما في صالحنا ، خاصة لو الصوت الكان ضدنا وما شايفنا مستنيرين دا كان صوت ناعم
خسارة يا فرحة ما تمت
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
طيب يا احمد ابكر ...
مشكلة الكراهية ومقولة المسلمين أن اليهود قردة وخنازير ... دي يحلوها كيف؟ (في رأيك المستنير)
وانا بسألك السؤال دا باعتبار أنك تعترف بأن هذا الرأي الإستعلائي هو رأي المسلمين عمومًا في اليهود عمومًا ... بما أنك تجنبت الإجابة المباشرة ...
أنت تتهم نهلة بإثارة الكراهية رغم أنها لا تتبنى رأي المسلمين بأن اليهود قردة وخنازير ... بل تتهمها بإثارة الكراهية ضد المسلمين ... يعني المسلمين يقولوا ان اليهود قردة وخنازير ... والبيقول كدا يكون بيثير الكراهية ضد المسلمين؟
والكلام دا في بوست صلاح بندر آل التكفيري والذي يدعي فيه أنه يحمي النسيج الاجتماعي للجالية المسلمة ببريطانيا من التفكيك الذي تمارسه نهلة؟
يعني حسب كلامك مسألة تكفير نهلة أتت لحماية النسيج الإجتماعي المسلم من التفكيك والكراهية من اصحاب الديانات الأخرى ... لأنها تثير الكراهية ضد المسلمين ...
وحجتك ... أن المسلمين ما قالوا ... وما داير تجيب مصدر القردة والخنازير .. حالتك مستنير ...
لو كنت ظلامي كان عملت شنو؟
ياخي انت بتتهمني بالكذب والتلفيق والتربص وكل اشكال العنف اللفظي لأنو قلنا ليك انو تناولك لحميد بطريقة أرسين لوبينية وتوصيفو بى (كم خطأ) لا يجوز في معايير النقد الأدبي ... وبعد تلاتة اعتذارات مني انت لسة جايي تحتفي بى زول يصفك بالمستنير ... وتشكرو على حسن الظن بيك ... وهو يصفني بالعنف اللفظي ... انت جايي المنبر دا تكبّر كوم الكيزان؟
لأنو كلما تتزر بتجلقب ... واي واي استهدفوني ... واي واي تاني ما تتداخل معاي .. وتتهمني بى اني انصرافي وبشتت الكورة ...
في البوست دا ... وجهة نظر صاحبو انو 99% من السودانيين مصابين بالهوس الديني ... وموضوع البوست بالنسبة ليك انك بتشتت كورة المستنيرين في نقدهم للتكفيري صلاح بندر بحجة واهية اسمها انو نهلة تثير الكراهية ضد المسلمين ... وانك تنتقد شعر حميد نقد اخلاقي - وبطريقة ارسين لوبينية - لا يجوز على الشعر ويخالف موقف الدين من الشعر ... وانك انصرافي تتهم من يفضح ظلاميتك بالإستهداف الشخصي وبتسوط المواضيع وتدخّل البوستات في بعض ... (وانا رمة زي "فضيلي جماع" ما بتكلم عنو ظاطو) ... وانك بتمارس الإستفزاز والعنف اللفظي وتتربص بشخص محاورك بدلاً من الرد على رأيه ... يعني لو حسبناك مع المهوسيين دينيًا يكونوا السودانيين مهوسين دينيًا بنسبة 101% ...
فما قولك في التهم المنسوبة إليك من التـافه الرخيص الكذاب الملفق المغرض تبارك شيخ الدين ... أي نعم ما يستحق ترد عليهو بكلمة ... لاكين بس اكرم القراء بى تبيين موقفك في الموضوع لا أكثر ... وحاشاك الإنزلاق في مدارك تبارك شيخ الدين المنحطة ...
... المهم ....
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: تبارك شيخ الدين جبريل)
|
Quote: المسجد: لأن الحكومة لا تستحق الشفقة والمساعدة في الأساسيات ومساكن حكامهامن بيوت ألف ليلة وليلة!! |
مساء الخير المفاضلة المنطقية والموضوعية بتكون في " حوجة" اهل المنطقة هل هم محتاجين لمسجد أم عنبر للعلاج؟
أتوقع ان تكون حوجتهم للعنبر والعلاج اكبر...لانه لا توجد منطقة في السودان ليس فيها مسجد او زاوية للصلاة او حتى مكان نظيف مرشوش يصلون فيه...وهذا يكفي
العلاج اهم
وبعدين حتى ولو تهدم العنبر أو قفلت المستشفى لاي اسباب اخرى او تقصير من جهات حكومية لا اعتقد انه يمنع الثواب او استمراره عن الميت واعمال الخير هى بالنية السليمة وابتغاء المصلحة العامة دون رياء او من
تحياتي
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: تبارك شيخ الدين جبريل)
|
Ooh this is K O at the last round Blessed is back
============= يا ابو الشباب المزاد قفل فبيييييييييل لا دايرين جامع لا عنبر فاقترحوا حاجة تانية
معانا مقترح مظلة فى المحطة ولا مزيرة فى الشارع؟, ود حلال يفتح الباب ============ ناس الفيسبوك ديل حقو نشوف ليهم صرفة اى زول بيعلق اكتر من عشرة تعليقات يستحق باسورد لمداخلة وهكذا الى ان يصل الى مرتبة فتح بوست كامل
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
Quote: ايوة ما وقع لي ،، واقترحت عليه انو يمشي يشوف المستشفى وعنابرها التعبانة المليانات وطاويط ومواسيرها ضاربة ، ولمن تشوف وتجي بوريك اقتراحي ، قال لي خش في الموضوع على طول انا المستشفى دي امس كنت هناك وعارفا كويس ، خلاص لمن انت عارفها ايه رأيك تقوم تبني مجمع جديد (نساء وتوليد-جراحة - باطنية - اطفال) اختار اي قسم وابنيه أو اهل العنابر القديمة وتكون وقف لأبوك ،، وانا شايفها منفعتا اكتر من بناية المسجد ، ----------- |
الاخ/ علي دفع الله سلام
ربنا خلق الانسان ثم كلفه بالعبادة.. يعني الخلق ووجود الانسان هو سابق للتكليف هو سابق للعبادات.. وحياة وصحة الانسان تدخل في الخلق,, فالاهتمام بصحة الانسان أولى من قصة العبادة هذه.. بناء المستشفى حتى ولو لم يكن هنالك مسجدا بهذه البلدة هو ضرورة حياتية وذات أولوية فعندما يكون البشر أصحاء أقوياء ومعافين لا تعجزهم اقامة عباداتهم ولو في العراء..
رأيك سديد وناصح.. ولم أمر على المداخلات كلها.. لكني أساند رأيك هذا بقوة
تحياتي
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
Quote: وين أنا قلت إنو نهلة تتبنى رأي المسلمين (المتوهم) في اليهود؟ |
الراي ... البيقول ... إنو اليهود .... قردة وخنازير ... دا راي منو؟
دا راي إستعلائي؟ ... ولاّ لأ؟
(شنو كلو ما يزروك تعمل رايح وتكتب تسعة صفحات ... ديل سؤالين بس ... جاوب عليهم شان نشوفك واقف وين!)
... المهم ...
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: تبارك شيخ الدين جبريل)
|
تعرف يا الوسواس حكايتي معاك هي إنو أنا بقيت زي الطبيب البجيبو ليهو جثة ويقوم بتشريحها علشان يشرح للطلبة وكلما يقول ليهم خلاص أمشوا أدفنو أو احرقوا الجثة دي ، بيتذكّر إنو في حاجة ما شرحها ويأمر بإعادة الجثة بس الفرق هنا هو إنك (كجثة ) بتجيني براك
وهل تعرف كمان الفرق بيني وبينك شنو؟ أنا برد على مداخلاتك فقرة فقرة ، جملة جملة علشان كدا ردودي طويلة ، كل صفحة إنت تكتبها ، انا برد عليها بثلاثة إلى أربعة صفحات وبلقاها فرصة أستعرض فيك مقدراتي المعرفية وقوة المنطق بتاعي ، وبلقاها فرصة أوصل من خلالك (كجثة) معلومات ومفاهيم مهمة للجمهور ، علشان كدا خاطبت حتى اليهود من خلال هذا البوست لكنك بتتعامل مع الأمور بلغة نعم ولا ، دي اعملها هناك في الكتشينة ، كل زول يرمي ورقة واحدة وينتظر لا فيها حجج ، ولا فيها فلسفة للأمور ، وفيها غش وكذب وسرقة والورقة البتترمي ما بتترفع تاني ، بل تبحث تجر ورقة جديدة علشان كدا عمرك ما علقت على إجابة أقولها ليك ، لأنها بتفحمك ، وتقوم تهرب إلى فقاعات جديدة
Quote: الراي ... البيقول ... إنو اليهود .... قردة وخنازير ... دا راي منو؟ دا راي إستعلائي؟ ... ولاّ لأ؟ |
شايفك بديت تقلل من الهوس والتنميط والشطط بتاعك لغتك إتغيرت : من (المسلمين) بيقولوا اليهود قردة وخنازير ، إلى (المسلمين عموماً )، إلى (الرأي) البيقول كدا دا تطور إيجابي (سبحان من يحيي العظام وهي رميم ) في أمل في الجثة أنها تقوم من جديد لو دا حصل حأدّعي إنو انا بقيت المسيح بس شايفك ما علقت على حكاية المصادر ولا على المسلمين البيقولوا إنو المسلمين ذاتهم قابلين للمسخ (هربت كعادتك ) يا زول هوي ، مش قلنا ليك مافي رأي بيقول إنو اليهود قردة وخازير ؟ مافي خالص هل في مسلم واحد بيقول اليهود قردة وخنازير؟ خليك مركّز يا راجل ، الرأي الإنت قاصدو دا بيقول اليهود (إخوان) القردة والخنازير وليس إنهم هم ذاتهم قردة وخنازير لأن المجموعة الإتمسخت ديلك هم شلة من قرية يهودية ، علشان كدا في ناس بيكاووهم بيها وبيقولوا عليهم إخوان القردة (مكاواة يعني وشتائم زي شتائمك دي) فرق كبير بين الجملتين ديل لكنك إنت ونهلة ومن لف لفكم مدلّسين وكذّابين وملفّقين هسه إنت مش اخو البشير وأخو الكيزان وأخو أعداءك الشيوعيين ؟ مش إنت سوداني وديلك سودانيين؟ لكن هل يعني دا إنو إنت كوز أو إنت شيوعي أو إنت البشير ؟ دا شنو دا ؟ أقعد فرّج العالمين في نفسك وأكشف لهم مستواك
أعوذ بالله من نتانة وعفانة جثة الوسواس
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
Quote: أعوذ بالله من نتانة وعفانة جثة الوسواس |
كتلتو تب يا احمد ابكر ،، هيييييييييييييييع انا عافي منك،،، ------------ احمد ابكر اسهل حاجة تعملها عشان تجهز على تبارك تعمل(ما يختص المواطن تبارك شيخ الدين ) او كما قال معاوية عبيد ود الصايم رضي الله عنه ، وتكتب اي حاجة (ما انت برضو ما شاء الله عليك عندك بسطة من رص الحروف ، وتكون كتلتو وريحتنا منو زااتو الزول الاخدر دا ،) ------------ لأنو المساحة هنا ما بتشفي غليلك وشايفك موجوع شديد من الزول دا ،وتبارك شغال معاك بنمرة واحد وانت بنمرة ستة ،
احترامي ليكم الاتنين ،،
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: علي دفع الله)
|
كتب احمد ابو رباب من الفيس بوك
Quote: علي كوهين --- دا الفهم الطلعت بيهو من جامعة الدلنج --- قوم لف تلفك شيمه |
طبعا احمد ابو رباب هو خريج مدرسة الهالك بن لادن ،، وبزعل جدا لمن تقول ليه الهالك بن لادن لنو هو شايفو في منزلة بعد الرسل مباشرة ، لكن النقول ليك يا ابو رباب السلفي بن لادن لمن قتلوه الامريكان لقوه في قصر كبيييييييير في ابوت اباد (150كلم من اسلام اباد) وسط نسوانو وخدمو وحشمو وغلمانو ومجموعة وافرة من (الفياجرا) يعني يا ابو رباب بن لادن كل الصور الكان بنتنجها ليه مؤؤسة السحاب الارهابية وهو يتجدع في جبال طورا بورا وتبثها عبر قناة الجزيرة الاخونجية كلها صور مفبركة فما تهلكونا بهؤلاء الكذابون بن لادن والزرقاوي وبقية القتلة (فكركم مفضوح) ------------- عشان كدى يا جماعة كل اهل الاسلام السياسي من اخونجية وسلفية كلهم مدرسة واحدة ومشروعهم الكبير هو الهتاف بأسم الدين للتمكين من الحكم ، لذلك وسيلتهم الاعلامية مسخرة لمحو وتغبيش الوعي ووضع المجتمع كلو في خان المؤمن بنظرية الاسلام هو الحل والحكم بالشريعة الاسلامية (ومن خلال هذه الفرية يمرروا اجندتهم ال######ة قتل دمار فساد وغيرو) لذلك لمن عملنا الخيار بين المسجد والعنبر هو دا اساس الصراع ، بالضبط زي ما قاعد يجوعر البشير وطغمتو (الناس ديل يا جماعة قاصدننا في شريعتنا دي) --------------
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: علي دفع الله)
|
Quote: احمد ابكر اسهل حاجة تعملها عشان تجهز على تبارك تعمل(ما يختص المواطن تبارك شيخ الدين ) او كما قال معاوية عبيد ود الصايم رضي الله عنه
|
ما تستعجل عليهو يا علي دفع الله ، دا الحيحصل ، خاصةً وأنا شايفك إتضايقت من وجودي في بوستك ومشكور ياخي على الإستضافة لأن المادة الأنا جهزتها في بوستك دا حتكون هي النواة لذلك البوست
Quote: وشايفك موجوع شديد من الزول دا ، وتبارك شغال معاك بنمرة واحد وانت بنمرة ستة ، |
إنت وجعتك كلمة الوسواس لما إستخدمتها في وصف تبارك وما وجعتك كلمة الظلامي والتكفيري البيقولها تبارك عني الفرق شنو بين الإثنين؟ وما وجعك الكذب !! إنتو يا ناس حصل ليكم تطبيع مع الحاجات دي ولا شنو الكذب أصبح فضيلة ولا شنو؟
بعدين نمرة واحد ونمرة ستة ، إنت قايل صحبك دا عندو غير نمرة واحد وما مشغلها؟ لا يا أخوي ، ما عندو غيرها ، دي قدرتو ، راسو فاضي لكن بالله نمرة واحد بتاعتو دي إنت ما حسيت بعفنها من الحب ما قتل
فتك بعافية
| |
|
|
|
|
|
|
Re: الافضل أن تبني (مسجد) ام (عنبر) في مستشفى؟؟؟؟؟ (Re: أحمد أبكر)
|
Quote: شايفك بديت تقلل من الهوس والتنميط والشطط بتاعك لغتك إتغيرت : من (المسلمين) بيقولوا اليهود قردة وخنازير ، إلى (المسلمين عموماً )، إلى (الرأي) البيقول كدا دا تطور إيجابي (سبحان من يحيي العظام وهي رميم ) في أمل في الجثة أنها تقوم من جديد لو دا حصل حأدّعي إنو انا بقيت المسيح بس شايفك ما علقت على حكاية المصادر ولا على المسلمين البيقولوا إنو المسلمين ذاتهم قابلين للمسخ (هربت كعادتك ) يا زول هوي ، مش قلنا ليك مافي رأي بيقول إنو اليهود قردة وخازير ؟ مافي خالص هل في مسلم واحد بيقول اليهود قردة وخنازير؟ خليك مركّز يا راجل ، الرأي الإنت قاصدو دا بيقول اليهود (إخوان) القردة والخنازير وليس إنهم هم ذاتهم قردة وخنازير لأن المجموعة الإتمسخت ديلك هم شلة من قرية يهودية ، علشان كدا في ناس بيكاووهم بيها وبيقولوا عليهم إخوان القردة (مكاواة يعني وشتائم زي شتائمك دي) فرق كبير بين الجملتين ديل لكنك إنت ونهلة ومن لف لفكم مدلّسين وكذّابين وملفّقين هسه إنت مش اخو البشير وأخو الكيزان وأخو أعداءك الشيوعيين ؟ مش إنت سوداني وديلك سودانيين؟ لكن هل يعني دا إنو إنت كوز أو إنت شيوعي أو إنت البشير ؟ دا شنو دا ؟ أقعد فرّج العالمين في نفسك وأكشف لهم مستوا |
عشان كدا كتبنا ليك النكتة بتاعة "لاكين جيتو اسة؟"
(لو يفيدك في شي ... من ألقابي في السعودية: شيطان مكة! )
... المهم ....
| |
|
|
|
|
|
|
|