فما رأيك ؟ وهل تسمّي ذلك نهاية حقبة أم بداية حقبة .. أم أغاني حقيبة ؟
ـــــــ عندكم كأس إسبانيا .. أحزموا حقائبكم وموتوا فيهو مع جاركم والحالة التي يمر بها البارسا حالياً ما حاجة جديدة .. في كل موسم بتحصل .. بس الغريب فيها المرّة دي الهزيمة مرتين على التوالي ومن فريق في مستوى الريال ...
03-02-2013, 07:28 PM
abas
abas
تاريخ التسجيل: 07-27-2002
مجموع المشاركات: 6254
أقول ليك حاجة .. أنا في فترة كدا وصلت درجة الملل من فوز البارسا على الريال .. وبيني وبين نفسي قلت الشغلانة كدا ما حبابا لازم تكون في شوية ندّية .. وأهو بدت ترجع الندية ...
Quote: وما تنسي انو البارسا بدون مدرب
وبدون شماعة يا عباس أخوي .. مبروك عليهم .. وأنا في رهاني مع عُمر الفاروق في نجيضة الموسم شنو ؟ دا كلّو عشان نعرف بداية الحقبة ونهايتها هل هي مرتبطة بفوز الريال على البارسا أم ماذا ؟
03-02-2013, 08:19 PM
احمد محمد بشير
احمد محمد بشير
تاريخ التسجيل: 06-17-2008
مجموع المشاركات: 14987
الله على البايرن مونشين مرعبهم ومعذهبهم ههههه قولت لي اذا لم يلتقي يا صبري؟ دي تجي كيف نهائي بدون البايرن البفاري!!
Quote: وسيفوز برشلونة بدوري أبطال أوروبا
إلا تحصل معجزة ...... مع انه الاياب في ارضهم بعد الخسارة بس خليهم يمروقوا من ورطة الميلان دوري الاربعة في الابطال السنة دي يشموهو قدحة. السنة دي ما اظن البرسا يفوز بغير الدوري الاسباني
مع اني برشلوني اسبانيا ولكن ملاحظ انه مستوى برشلونا هبط نيجة الارهاق ولا غير, الفريق ده قاعد يسعدنا على طول ولكن آن الاوان للراحة و البحث عن تكيكات جديدة ولاعبين بدلاء لإراحة الاساسيين.
03-02-2013, 09:42 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
يا صبري يا اخوي انا برشلونابي لكن كلام عمر فيهو حته صحيحه الحقبه انتهت عشنا فتره كور برشلونه مهماكان الخصم الواحد بيكون أعصابه في تلاجه ضامن الفوز و بيقعد يحضر الكوره للمتعه بس لكن خلاص برشلونه محتاج بدايه جديده و لعيبه جدد لأنه في لعيبه التيم كان بيعتمد عليهم كبرو و مستواهم قل زي تشافي و بويول و فيا بعدين طريقة اللعب بقت مكشوفه للفرق و بقت ما منطقيه ذاتو الفريق بيلعب بدون تكتيك و بدون حسابات داير يهاجم بإستمرار و الهجوم كله معتمد على ميسي. لكن ده ما بيعني انه في أسطوره بدت الريـال فاز لأن برشلونه مستواها هبط و ليس لأنه مستواه ارتفع برشلونه لحد قريب بترش الريـال في قمة مستواهو مش في فترات هبوطه. برشلونه ممكن يفوز بالدوري و دي ذاتها بعد صعوبه لكن دوري الأبطال شبه مستحيل و بتوقع يطيرو قدام الميلان و حتى لو إتأهلوا بمعجزه ما بجيبوا الكاس لو قلنا الهجوم إتحسن الدفاع ده يسدوهو بشنو؟
Quote: يا صبري يا اخوي انا برشلونابي لكن كلام عمر فيهو حته صحيحه الحقبه انتهت عشنا فتره كور برشلونه مهماكان الخصم الواحد بيكون أعصابه في تلاجه ضامن الفوز و بيقعد يحضر الكوره للمتعه بس لكن خلاص برشلونه محتاج بدايه جديده و لعيبه جدد لأنه في لعيبه التيم كان بيعتمد عليهم كبرو و مستواهم قل زي تشافي و بويول و فيا بعدين طريقة اللعب بقت مكشوفه للفرق و بقت ما منطقيه ذاتو الفريق بيلعب بدون تكتيك و بدون حسابات داير يهاجم بإستمرار و الهجوم كله معتمد على ميسي. لكن ده ما بيعني انه في أسطوره بدت الريـال فاز لأن برشلونه مستواها هبط و ليس لأنه مستواه ارتفع برشلونه لحد قريب بترش الريـال في قمة مستواهو مش في فترات هبوطه. برشلونه ممكن يفوز بالدوري و دي ذاتها بعد صعوبه لكن دوري الأبطال شبه مستحيل و بتوقع يطيرو قدام الميلان و حتى لو إتأهلوا بمعجزه ما بجيبوا الكاس لو قلنا الهجوم إتحسن الدفاع ده يسدوهو بشنو؟
غايتو يا ياسر إذا الحقبة دي بتقيسوها بالهزيمة من ميلان وريال مدريد .. أقول لك أنّ البارسا انهزم من ريال سويسيداد هذا الموسم وانهزم أكثر من مرّة الموسم الماضي ...
فكيف تربط نهاية حقبة بثلاثة مُباريات كونها كانت شبه متتالية ؟
ما أعرفه المُحصلة الحالية صدارة للبارسا في الدوري الإسباني بفارق 12 نقطة عن أقرب مُنافسيه .. وهنا يخرج السؤال أيهما الأفضل حتى تاريخه في الدوري الإسباني البارسا أم الريال لنعرف نهاية الحقبة دي الفهم بتاعها شنو ؟
أمّا دوري أبطال أوروبابحساب الأرض والجمهور ففرصة البارسا أكبر من الريال ...
Quote: الله على البايرن مونشين مرعبهم ومعذهبهم ههههه قولت لي اذا لم يلتقي يا صبري؟ دي تجي كيف نهائي بدون البايرن البفاري!!
برشلونة بدأ عليه الإعياء والإرهاق .. والبايرن جاهز بدنياً وهذا ربما يرجّح الكفة لصالحه إذا ما تواجها ...
Quote: إلا تحصل معجزة ...... مع انه الاياب في ارضهم بعد الخسارة بس خليهم يمروقوا من ورطة الميلان دوري الاربعة في الابطال السنة دي يشموهو قدحة. السنة دي ما اظن البرسا يفوز بغير الدوري الاسباني
الظروف التي انهزم فيها البارسا من الميلان والريال تمر عليه سنوياً وتقريباً في نفس التوقيت ... فإذا اعتمد عمر الفاروق على هذه النتائج أذكّره بهزيمة الريال في هذا الموسم في الدوري أكثر من مرّة .. فهل هذا يُعدّ مقياساً لضعف أو قوّة الريال لديه ؟
03-03-2013, 08:38 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
Quote: برشلونة بدأ عليه الإعياء والإرهاق .. والبايرن جاهز بدنياً وهذا ربما يرجّح الكفة لصالحه إذا ما تواجها ...
غايتو إعياء شهرين ما ح يروح ده مااا إعياء ..زول بيفكر لي زول إنو بعد شهرين ح يكون في حالة إعياء بينما الفريق التاني ما حي يعيا كللو كللو ..أريييتو إعياء الياباني والتاباني .. انا بعرف لي واحد صحبي كان عندو إعياء قام عااادي والله فاز ..ما تشوفهم كده يا صبري..الناس الإعيائيين ديل ما مضمونين ..
Quote: غايتو إعياء شهرين ما ح يروح ده مااا إعياء ..زول بيفكر لي زول إنو بعد شهرين ح يكون في حالة إعياء بينما الفريق التاني ما حي يعيا كللو كللو ..أريييتو إعياء الياباني والتاباني .. انا بعرف لي واحد صحبي كان عندو إعياء قام عااادي والله فاز ..ما تشوفهم كده يا صبري..الناس الإعيائيين ديل ما مضمونين ..
شكلك كدة مُشكلتك بتقرأ بس يا عُمر بدون ما تفكّر ...
البايرن مستواه ماشي في تصاعد وعندو البديل بمستوى الأساسي ... برشلونة في الوقت الحاضر لا يوجد لديه بديل جاهز بمستوى بويول المُنهك وكذلك تشافي وميسي وإنييستا الذي صرّح بالإرهاق ...
ورغم أنّ برشلونة سيعود بعد هذه الفترة الما جديدة عليهو يا عُمر ولكن لا أظنه سيصمد ضد البايرن إذا ما واجهه ...
كلامي دا كلام زول بشجّع البارسا بدون عصبية .. ومُتابع لمُباريات البايرن ...
03-03-2013, 08:50 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
عارف يا صبري ذكرتني ايام الدفاع الشعبي للجامعة .. أها ودونا ليك المرخيات ..وفي يوم الطابور الصباحي التعلمجي جنوبي وقف في نص الساحة وقال الناااس ال حتبلغ مرض صباحي يطلعو في نص الطابور.. فوو فوو فووو مرقو ليك زي 300 نفر كده !!! التعلمجي وبي عربي جوبا الساخر داك قال : يااا جماااأأ ديل كوووللهم أيااانين ؟؟؟ مأناها مؤسكر ده فيهو وبأ
أها دحين يا صبري برشلونة إذا إستمر معاهو الاعياء ده لحدددي النهائي معناها برشلونة ده عندو وبأ مااا إعياء..
Quote: أها دحين يا صبري برشلونة إذا إستمر معاهو الاعياء ده لحدددي النهائي معناها برشلونة ده عندو وبأ مااا إعياء..
كلامك دا إذا قُلت برشلونة ما حيصمد ضد كل الفرق .. أنا اخترت فقط البايرن .. عشان كدا قُلت ليك فكّر قبل ما ترد ...
ثمّ ثانياً إنت اختفيت ليك مدّة عن عالم الريال والبارسا .. فلماذا عدت بعد هزيمة البارسا في كأس إسبانيا .. أها نوع عودتك دي ذكّرتني تشجيعنا زمان لهلال مريخ المبني بس على نتائج هلال مريخ ...
صبري إنت ملاحظ معاي؟؟ خليني انا البقرا كدي شوف نفسك إنت البتكتب .. فريق منهك ومعيي يا قولك ونحن لسسة في دوري ال16 .. هذا الفريق المنهك ومنهك ومعيي يقوم يفوز في دوري ال16..يقوم يييي إعياءو ده يفوز في دوري ال 8 ..يقوم وهو لسسسة معيي يتأهل لي دوري ال4 ..ثم يواصل هذا البطل المعيي إعياااءن شديييدن فيتأهل لي دوري ال2 (دي قالا البرير ..الهلال ح يتأهل لي دوري الإتنين) ..اها يقوووم كده برشلونة فججججعتن كده يتذكر إنو معيي ويقول ههههيييي انا مش عندي إعياء؟؟؟ خلاص نخلي بايرنموينخ يشيل الكاٍس لأنو نحن عيانين والله ..
Quote: صبري إنت ملاحظ معاي؟؟ خليني انا البقرا كدي شوف نفسك إنت البتكتب .. فريق منهك ومعيي يا قولك ونحن لسسة في دوري ال16 .. هذا الفريق المنهك ومنهك ومعيي يقوم يفوز في دوري ال16..يقوم يييي إعياءو ده يفوز في دوري ال 8 ..يقوم وهو لسسسة معيي يتأهل لي دوري ال4 ..ثم يواصل هذا البطل المعيي إعياااءن شديييدن فيتأهل لي دوري ال2 (دي قالا البرير ..الهلال ح يتأهل لي دوري الإتنين) ..اها يقوووم كده برشلونة فججججعتن كده يتذكر إنو معيي ويقول ههههيييي انا مش عندي إعياء؟؟؟ خلاص نخلي بايرنموينخ يشيل الكاٍس لأنو نحن عيانين والله ..
طيّب إنت ركز في كلامي كويس ... الفترة الحالية برشلونة قاعد يمرّ بيها بشكل سنوي .. وأنا أتذكر جيداً مرّ بيها الموسم الماضي وقبل الماضي والقبلو كمان ...
دا من جانب .. ومن جانب آخر سيعود البارسا بعد هذه الفترة بشكل أفضل .. ولكن بمحصلة عمر سنوات مجهود البارسا وصعود البايرن لن يصمد البارسا أمامه ...
احتمال تسألني وتقول لي وماذا عن باقي الفرق .. سأقول لك يستطيع برشلونة التغلب عليها رغم فترة الإعياء الطويلة .. ولكن البايرن لا أظن بحساب المنطق .. ما عدا ذلك تكون مفاجأة ليس إلاّ ...
الكلام دا وقع ليك ولاّ أشرح تاني ...
03-03-2013, 09:02 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
وهاك أسمعا مني يا صبري وبما إنك بتغالط ضلك .. إذا تعامل مورينهو بجدية وإنو الدوري ما إنتهى وركز في الفوز بكل مباريته المحلية فبرشلونة معرض لخسارة الدوري أو الفوز بالدوري بفارق لا يتجاوز الخمسة نقاط .. برشلونة ح يخسر ليهو اقل شي تلاتة مباريات في المتبقي من الدوري وخليك متذكر كلامي ده كوييييس .. اما بالنسبة للبطولة الأوروبية فبرشلونة ما ح يمشي فيهو لي قدام وإن فاز على الميلان .. مع إنو ميلان الشوفتو انا امبارح ده مؤهل للفوز على برشلونة في اسبانيا ..
Quote: وهاك أسمعا مني يا صبري وبما إنك بتغالط ضلك .. إذا تعامل مورينهو بجدية وإنو الدوري ما إنتهى وركز في الفوز بكل مباريته المحلية فبرشلونة معرض لخسارة الدوري أو الفوز بالدوري بفارق لا يتجاوز الخمسة نقاط .. برشلونة ح يخسر ليهو اقل شي تلاتة مباريات في المتبقي من الدوري وخليك متذكر كلامي ده كوييييس ..
كل شيء وارد .. ولكن خياليتك يبدو مُرتبطة أيضاً بفوز الريال في كل مُبارياته .. وخياليتك دي ربما تناست أنّ الثاني والثالث سيصطدما مع بعض .. وكذلك سيلعب البارسا مع الثاني (الأتليتكو)
متبقي للدوري يا عُمر 12 جولة يلاّ أحسبها بالحصحاص
Quote: اما بالنسبة للبطولة الأوروبية فبرشلونة ما ح يمشي فيهو لي قدام وإن فاز على الميلان .. مع إنو ميلان الشوفتو انا امبارح ده مؤهل للفوز على برشلونة في اسبانيا ..
برشلونة إذا ما تأهل على حساب الميلان لن يوقفه إلاّ البايرن .. تذكّر كلامي دا كويّس يا عُمر ...
03-03-2013, 09:04 AM
احمد محمد بشير
احمد محمد بشير
تاريخ التسجيل: 06-17-2008
مجموع المشاركات: 14987
يا عمر البايرن ده ما فيهو كلام فريق جاهز, انت شكلك ما متابع مبارياته السنة الفاتت طقطقنا الريال ده زي الترتيب في دوري الابطال وطلعناهم في الاليانز زي الماحصل شيء اها الريال ده وبي نفس نجومو اللعبو مع مونشين (عاملين بع بع للربصا) اها السنة دي البايرن مونشين غير وصبري كلاموا صح في بداية البوسط ..... لكن اختلافي مع صبري انه البرصا لن يمر في مباراة ميلان القادمة وسيخرج البرصا من هذا الدور ........ وبعدين كان ربنا حيانا بذكرهكم.
03-03-2013, 09:00 AM
Abdullah Idrees
Abdullah Idrees
تاريخ التسجيل: 12-05-2010
مجموع المشاركات: 3692
هوي يا ناس الريال ، فعلا هزايم الريال من برشلونة في الخمسة سنوات الفاتت وصلت مرحلة الستات والخمسات انتو نسيتو ولا شنو ؟ لكن برشلونة بصراحة محتاج تجديد .. قلب دفاع بمواصفات مات هملز ، طويل وسريع وممتاز في التمرير ، وحا يجيبوهو السنة الجاية حسب التسريبات ، باك يمين ، الفيش استهلك تماما ، الراجل شغال shuttle في الجناح اليمين ليهو سنين طويلة ما بين اشبيلية وبرشلونة ، بقى ما بقدر يرجع في الهجوم المرتد ، بيدرو رودريجز لم يعد صالحا لبرشلونة مطلقا ، عندهم جناح يمين ممتاز في الفريق ب متصدر هدافين الدرجة التانية حيصعدوهو ، وفي رأيي بيدرو من الاسباب الرئيسية لتراجع مستوى برشلونة .. بسبب بيدرو برشلونة بقى بخش المباراة بعشرة لاعبين ولمن ينوم لاعب تاني يبقوا تسعة ، لا يساعد في الدفاع ولا الهجوم ودي كمان جزء منها سببه المدرب . المباريات الفاتت دي كان مفروض ميسي يلعب جناح يمين صريح مع تيلو في الجناح الشمال من البداية ، المدرب رورا ما قادر يتخذ قرارات مهمة ، ما قادر يؤثر على اللاعبين ، مش ممكن تلعب بخطة اثبتت فشلها في مباريات متتالية ؟ لكن مافي حقبة انتهت الفريق ضمن الليغا مسبقا .. والصيف محتاج قرارات شجاعة .. تحياتي
Quote: لكن مافي حقبة انتهت الفريق ضمن الليغا مسبقا ..
عليك الله مُش حاجة تحيّر يا عبدالله ... فريق سيحتفل في شهر مايو القادم وربما أبريل بالدوري .. وعُمر يقول ليك نهاية حقبة ... واحتمال أيضاً يحتفل بفوزه بدوري أبطال أوروبا .. وعُمر يقول ليك نهاية حقبة ...
نهاية حقبة في ثلاث مُباريات ... يا عيني على ثقافة هلال مريخ
وانا اقولا ليك وبيي حليفتا يا صبري ..ريال مدريد لو قدر له وقابل بايرن ميونخ بتاعك ده ح يضربو رايح جاااي لا إرهاق لا يحزنون.. الكأس ما ح يمرق من فايز ريال مانشستر ..
صدقني يا عمر ريال مدريد لا قوي ولا يحزنون ما تتغشة ، ريال استفاد من ضعف برشلونة في الفترة الحالية برشلونة يمر بفترة حرجة ، وشنو في كل المباريات السابقة غالبا بفوز بصعوبة ، الريال اقل من بايرن الذي اعتبره حاليا الافضل والمتكامل من ناحية الفورمة والعناصر ، بايرن بقدر يدافع كويس ويهاجم كويس ، وعندهم رادارات ، فان بويتن وغوميز ومانزوكيتش ، يعني ضربات راسية تنسو تجيبو منها قون ، عندهم لاعبين مهرة جدا في الوسط والهجوم والدفاع ، لام ، شفاينشتايغر ، كروس ، ريبري ، روبن وانتو بتعرفوهم زي جوع بطنكم .. ياخي سيبك من بايرن انت نسيت دورتموند عمل فيكم شنو ؟
03-03-2013, 09:21 AM
احمد محمد بشير
احمد محمد بشير
تاريخ التسجيل: 06-17-2008
مجموع المشاركات: 14987
Quote: وانا اقولا ليك وبيي حليفتا يا صبري ..ريال مدريد لو قدر له وقابل بايرن ميونخ بتاعك ده ح يضربو رايح جاااي لا إرهاق لا يحزنون
ياخي كان كده انت ثقافتك ثقافة هلال مريخ وما متابع الكورة الالمانية كويس يازول ما تحلف بي الله ساكت ,,, ريال مين اليطقطق البايرن؟ اقول ليك شيء؟! اها فريق دورتموند وصيف الدوري الالماني و القاعد يتغلب من البايرن طقطق الريال باعكم ده زي الترتيب وفي دوري الابطال
تاني المانيا طقطق الريال وانت تجي تحلف بي الله وتقول انه البايرن حا يتغلب من الريال رايح وجاي؟!!!!!
صحيح ثقافتك ثقافة هلال مريخ .... وشكلك ما قاعد تتابع الكورة بحياد.
03-03-2013, 09:38 AM
Yassir Mahgoub
Yassir Mahgoub
تاريخ التسجيل: 07-25-2002
مجموع المشاركات: 547
يا صبري بنقول الحقبه إنتهت لأسباب فريق برشلونه هذا الموسم هو أسوأ موسم له دفاعياً منذ عام 62 لم يحدث أن دخل مرماه هذا العدد من الأهداف و لسه كمان الدوري ما انتهى. الفريق رغم فوزه و تصدره لم يقدم مستوى المواسم السابقه و في مباريات كثيره فاز بعد معاناة بفضل إبداع ميسي. يا صبري بصراحه هل مستويات تشافي، بويول، فيا، بيدرو، ماتشيرانو طوال هذا الموسم و ليس في المباريات الآخيره هي نفس مستوياتهم السابقه؟ ده بخلاف انه الفريق حيلعب بدون مدرب لحد يوم 2 ابريل موعد عودة فيلانوفا و البشرف على التيم راورا هو ممرن أو مدرب عام يعني زول بيعمل حسب توجيهات الكوتش و ما عنده رؤية و تخطيط و شخصية الكوتش. التيم محتاج تجديد في الدفاع و الوسط و الهجوم و بالتأكيد ما حيكونوا بنفس إنسجام القدام و حيحتاجوا زمن عشان كده قلت ليك برشلونه محتاج بدايه جديده.
03-03-2013, 09:45 AM
Yassir Mahgoub
Yassir Mahgoub
تاريخ التسجيل: 07-25-2002
مجموع المشاركات: 547
أحمد محمد بشير.. طبعاً ما حا اقول ليك انت شكلك ما بتعرفني كويس ..لأنو انا كمان ما توم كروز أو حسن جردل (ده ود جيرانا مشهور جدددن جددن) لكن بقول ليك باختصار نبذة رياضية تعريفية عن شخصي غير المتواضع.. انا بشجع المانيا من سنة 82 ولا يفوتم إنو انا في 82 كان عمري خمسة سنوات صدق؟؟؟ لا تمر علي سنة إلا وانا اشتري فانيلة المنتخب الالماني ...وشاااحد واحدة زميلة منبر هنا معاكم ترسل لي قميص المدرب الحالي كيم لوف لكن زاااغت مني متعللة بي إو كرشي كبير القميص داير زول سمباتيك.. انا متابع للالمان ووصلت مرحلة إنو طلبت في واحدة من سنوات هووسي صور لجمييع لاعبي البوندزليقا من الإتحاد الألماني وما قصروا معاي وقتها رسلو لي صور لاعبي كللل الفرق .. انا يا ابو حميد من يقول للمقربين من الاصدقاء في جلسات الكورة وما الليلة ولااا السنة الفاتت ولاا القبالها إنو العايز يشوف فريق ويستمتع يشوف بايرنموينخ لأنو فيهو اولاد لعابيين وهو الفريق المكتمل (وقتها الناس مشغولة بي برشلونة حقتكم دي).. ونا ايا ابوحميد من قلت للمقربين من الاصدقاء قوارديولا لو مرب ذكي اصصصلو ما يشمي يدرب شيلسي او مانشستر لأنو ح يتكشف إنو مدرب كييسو فاضي لكن لو ذكي يمشي يدرب بايرنمونخ لأنو تييم جااهز واللعيبة ما حيخزلوهو وح تتثبت نظرية إنو مدرب ناااجح وما ح يتكشف.. اخوك يا ابوحميد غير الكورة والله ما عندو شي وما بيعرف شي.. وغير المانيا ما بعرف شي.. ولو عايز كورس مجاني في الكورة الامانية حباابك فماا تمشي لي مع صبري اليادوووب شاف ميونخ واندهش بيهو ..انا مندهش من سنة 82 تعال بوريك والله ما تشوفني كده بعععرف ..
03-03-2013, 09:57 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
Quote: أحمد محمد بشير.. طبعاً ما حا اقول ليك انت شكلك ما بتعرفني كويس ..لأنو انا كمان ما توم كروز أو حسن جردل (ده ود جيرانا مشهور جدددن جددن) لكن بقول ليك باختصار نبذة رياضية تعريفية عن شخصي غير المتواضع.. انا بشجع المانيا من سنة 82 ولا يفوتم إنو انا في 82 كان عمري خمسة سنوات صدق؟؟؟ لا تمر علي سنة إلا وانا اشتري فانيلة المنتخب الالماني ...وشاااحد واحدة زميلة منبر هنا معاكم ترسل لي قميص المدرب الحالي كيم لوف لكن زاااغت مني متعللة بي إو كرشي كبير القميص داير زول سمباتيك.. انا متابع للالمان ووصلت مرحلة إنو طلبت في واحدة من سنوات هووسي صور لجمييع لاعبي البوندزليقا من الإتحاد الألماني وما قصروا معاي وقتها رسلو لي صور لاعبي كللل الفرق .. انا يا ابو حميد من يقول للمقربين من الاصدقاء في جلسات الكورة وما الليلة ولااا السنة الفاتت ولاا القبالها إنو العايز يشوف فريق ويستمتع يشوف بايرنموينخ لأنو فيهو اولاد لعابيين وهو الفريق المكتمل (وقتها الناس مشغولة بي برشلونة حقتكم دي).. ونا ايا ابوحميد من قلت للمقربين من الاصدقاء قوارديولا لو مرب ذكي اصصصلو ما يشمي يدرب شيلسي او مانشستر لأنو ح يتكشف إنو مدرب كييسو فاضي لكن لو ذكي يمشي يدرب بايرنمونخ لأنو تييم جااهز واللعيبة ما حيخزلوهو وح تتثبت نظرية إنو مدرب ناااجح وما ح يتكشف.. اخوك يا ابوحميد غير الكورة والله ما عندو شي وما بيعرف شي.. وغير المانيا ما بعرف شي.. ولو عايز كورس مجاني في الكورة الامانية حباابك فماا تمشي لي مع صبري اليادوووب شاف ميونخ واندهش بيهو ..انا مندهش من سنة 82 تعال بوريك والله ما تشوفني كده بعععرف
كان كده إنت ولدنـا وبفاري و الماني صميم ......... طيب مالك مشوه تاريخك ده بالتأيد الاعمى للريـَال؟
بالنسبة للريال الانت بتقول انه ح يغلب البايرن رايح وجاي هاك الفيديو ده وشوف .. وصيف البايرن - دورتموند عمل فيهم شنو. الكلام ده اسع في دوري الابطل الحالي نسخة 2013-2012
االذهاب ريالكم مغلوب 2-1
الاياب متعادلين 2-2 وفي ارضكم يا ريالاب وصعدتو لي دوري الـ كتاني مجموعة وبعد خراج روح
Quote: محمد طاهر عبر الفيس بوك كتب: مورينيو فك الشفرة الخاصة بالبارسا وجميع الفرق الباقية عرفت هذه الشفرة ..فباي باي بارسا
يا حبيب شفرة شنو ياخ .. كل ما في الأمر الدفاع تعبان ومُرهق ..
أمّا فيما يخص الهجوم .. أهو ميسي في المُباراة الأخيرة عادل رقم ديستيفانو في لقاءات الكلاسيكو .. يعني الساقية مدوّرة ... وبالنسبة للدوري هدّافك منو ياخ وبي فارق كم ؟
إنتو الناس دي بتكتب ساي كدا ولاّ الفهم شنو ؟
03-03-2013, 12:22 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
صبري الملولو ممكن سؤال مباشر عشان الزول يقدر بعد داك يقراك زي ما بتقول انت ؟
السؤال : برشلونة يوم كورة ميلان الجاية ح يكون مرهق ووعندو إعياء ولا لأ؟؟ لأنو شايفك بتقول برشلونة اذا مرق من كورة ميلان ح يفوز على كل الفرق الباقية ما عدا ميونخ .. إجابتك المباشرة بنعم عندو إعياء وح يطير أو لأ برشلونة كامل الدسم وح يتأهل بتفرق معاي كتيير ,,
ممكن تورينا توقعك ده مبني على شنو؟ توقع مستحيل لان الميلان في افضل ما يكون بعد الانتكاسة التي حدثت في بداية الدوري "السيرياA".......... على العموم نتابع كان ربنا ادانى عُمر
03-03-2013, 05:49 PM
احمد محمد بشير
احمد محمد بشير
تاريخ التسجيل: 06-17-2008
مجموع المشاركات: 14987
ممكن تورينا توقعك ده مبني على شنو؟ في اعتقادي توقعك مستحيل لان الميلان في افضل ما يكون بعد الانتكاسة التي حدثت في بداية الدوري "السيرياA".......... على العموم نتابع كان ربنا ادانى عُمر
Quote: ممكن تورينا توقعك ده مبني على شنو؟ في اعتقادي توقعك مستحيل لان الميلان في افضل ما يكون بعد الانتكاسة التي حدثت في بداية الدوري "السيرياA".......... على العموم نتابع كان ربنا ادانى عُمر
أنا توقّعي كان مبني على أغنية تباريح الهوى .. الفيها بيت بيقول "مُستحيل بقى لي أسيبك"
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة