|
Re: مع سبق الإصرار والترصّد _ محمود عبد العزيز (Re: بكرى ابوبكر)
|
عمل رائع خاصة ان تاريخنا الفني والثقافي والرياضي .. تاريخ كل شيء في السودان تقريبا يفتقد للتوثيق الحقيقي
على سبيل المثال لايوجد حتى الان مرجع تاريخي جامع للسودان في القرن العشرين
او موسوعة عن مناطق السودان.. قبائله.. ثقافاته.. كما تفعل الدول الموقرة
او لدينا مؤسسات مدنية فاعلة تقوم بادوار كهذه
والسبب معروف ان سياق الحياة عندنا تعطل في العقود الاخيرة تماما.
شكرا
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: baha eassa)
|
عمل عظيم استاذنا حبيب نورة اتمنى له التوفيق وان يكلل بالنجاح فالتوثيق مهم في كل شي ناهيك عن فنان كالمرحوم محمود عبد العزيز ,, إنه يستحق ذلك لانه فلته فنية لن تتكرر ,, له الرحمة والمغفرة ونسال الله ان يتقبله قبولا حسنا ,,
تحياتي : ياسر العيلفون ....
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: ياسر السر)
|
أقترح إسم الكتاب (( الحوت )) واللوحة تكون صورة كبيرة تضم 2 حوت في نفس علامة اليد الكان بعملا الراحل الله يرحمه ولو تخيلنا منظر الدولفين مثلا في حركات إستعراضية , وهو يقفذ من بطن الماء مشكلة لوحة جميلة .. تصمم زيها بالضبط علامة ال × في شكل حوتين كبار طالعين من بطن النيل ,, ومعروف النيل كلو اسرار ودرر قيمة الراحل كان درة ثمينة وسره غريب, رحل مخلفا ذكريات بعمق النيل كلها ترمز لروعته ,, من سوء حظي لم التقي بالراحل المقيم رحمه الله إلا عن طريق الأخ الزميل محمد محمود ( حسكا ) المذيع بقناة النيل الأزرق وكان من المفترض ان نلتقيه في بيت الفنون في آخر زيارة لي للسودان , نظم الأخ الصديق طارق الأمين برنامج بيت الفنون مشاركة بين الأخ مصطفى السني وبيني في قرآات شعرية وفواصل غنائية , حضر الأخ محمد محمود حسكا وقدم فقرات الحفل الذي جمع الأحباب والأصدقاء برعاية الأخ الصديق طارق الأمين لهم الشكر جميعا , مشاركين وحضور أنيق .في نهاية الحفل طلب الأخ حسكا ان ننتظر الراحل محمود لأنه سوف يأتى متأخرا نسبة لإرتباطة بحفل,, ربنا ما اراد أن التقية ,, إعتذرت للأخ حسكا لظروف خاصة وطلبت منه ان يبلغ سلامي لصديقة الراحل محمود . ودعته وذهبت يومها ولا ادري ان القدر سوف يحرمني ان لا التقيه ابدا !! سبحان الله من المفترض ان يجمع بيننا بعض الأعمال الفنية , لكن شاءت الأقدار ان تسارع دون أن يكتمل هذا التعاون
رحمه الله رحمة واسعة واسكنه فسيح جناته مع الصديقين الأبرار وصبر اهله وكل محبيه
الشكر الجزيل للأخ الصديق يسين ( حبيب النوار )) والشكر مطبوق للأخ الباشمهندس بكري ابو بكر على الجهود المقدرة . اتوقع ان يكون هذا العمل رائع جدا لو نظم ونسق برواقة,,
متاوقة إقتراحي يخصوص إسم الكتاب ، مجرد إقتراح , ويا ريت تتركوا الباب مفتوح لبعض الإقتراحات الأخرى لأنها سوف تثري وتفيد في هذا العمل الرائع امنياتي بالتوفيق للجميع
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: اسماء الجنيد)
|
Quote: أقترح إسم الكتاب (( الحوت )) |
العزيزة الصديقة سومة تحياتي العنوان الذي كتبته له دلالات أحتفظ بها الآن _ ولكن هذا لا يمنع أن يتغيّر العنوان وحتى تصميم الغلاف ليس نهائياً أنا كنت عاوز أنزل اللوحة فقط _ من غير كتابة
الأيام القادمة ستكشف عن الكثير
تسلمي
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: ياسر السر)
|
Quote: عمل عظيم استاذنا حبيب نورة اتمنى له التوفيق وان يكلل بالنجاح فالتوثيق مهم في كل شي ناهيك عن فنان كالمرحوم محمود عبد العزيز ,, إنه يستحق ذلك لانه فلته فنية لن تتكرر ,, له الرحمة والمغفرة ونسال الله ان يتقبله قبولا حسنا ,,
|
تسلم يا ياسر
بالفعل محمود يستحق أكثر وأكثر
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: بكرى ابوبكر)
|
Quote: مع سبق الإصرار والترصّد _ محمود عبد العزيز كتاب توثيقي عن الفنان محمود عبد العزيز
إسم المشروع : كتاب توثيقي عن الفنان محمود عبد العزيز . إسم الكتاب : مع سبقِ الإصرار والترصّد . محمود عبد العزيز _ العنوان قد يتغيّر أو يتعدّل . عمل مصاحب : ( في حالة وجود مموّل وتفادي عقبات الحقوق ) تنفيذ سي دي c d مصاحب يتطرّق إلى بعض أوجه ونشاطات وحياة وصور وفيديوهات الفنان الراحل، ويوزّع السي دي مجاناً مع الكتاب، إحياءاً لذكراه . هدف المشروع : التوثيق للمشروع الفني الخاص بالفنان الراحل محمود عبد العزيز، وإبراز إسهاماته الكبيرة في الساحة الفنية السودانية، وذلك منذ بدايةِ إنطلاقته الميمونة، وحتي تأريخ رحيله . وسأصطصحب كذلك فترة ما قبل إتجاهه إلى الغناء، عندما كان نشاطه يقترب من المسرح أكثر . الهدف الإنساني للمشروع : سيتم مثلاً طباعة ألف نسخة، يخصص نصفها لصالحِ جمعيةِ خيريةٍ بأسم الراحل، أو مركز فني، أو يتم تخصيص العائد لصالح أسرة الفنان الراحل كنوعِ من الوفاء، وستباع أغلب النسخ الإكرامية بأسعارٍ أعلى من السعر الأساسي، لمن يحب أن يساهم في تنفيذ هذه الفكرة، ((وذلك في حالة وجود جهة تتبنّى أمر الطباعة)) . وسيكون هنالك مناديب في كافة دول العالم خصوصاً تلك التي يتمركز فيها السودانيين المهاجرين، أو سيتم الإتفاق مع دُور نشر لتوزيع الكتاب . وبعد ذلك ستورد الأموال إلى رقمِ حسابٍ سيتم تحديده لاحقاً، بدون أن يمر هذا المبلغ بالمؤلف أو دار النشر . إذا لم أجد مموّل للمشروع ستقوم دار النشر التي أتعاقد معها بطباعة الكتاب حسب الإتفاق الذي نتوصّل إليه، وهذه الطريقة تجعل أمر التبرّع بنصف ثمن النسخ المطروحة، أمرٌ غاية في الصعوبة، لأنني لن أكن مالكها أصلاً . وصف للكتاب : هذا الكتاب سيعتمد إعتماداً كبيراً على مساهمات بعض الأقلام والكتاب والمفكرين والموسيقيين والمقربين من أسرةِ الراحل، ومن يأنس في نفسه الكفاءة ويريد أن يشارك في هذا العمل . وسأقوم لاحقاً بطرحِ المشروع على الملآ في كافةِ وسائل الميديا، وكذلك إقامة مؤتمر صحفي للتعريف به وعرض لوحة غلاف الكتاب . لوحات وبورتريهات : سيتضمن الكتاب عدد من اللوحات التشكيلية والبورتريهات للفنان الراحل، لأن من ضمن أهداف المشروع توسيع إناء المشاركة من كافة ألوان الطيف . الذين شاركوا حتى الآن : الدكتور والمفكر حيدر إبراهيم، والموسيقار يوسف الموصلي، والمسرحي القدير الفنان محمد السني دفع الله، والكاتب الجميل عبد العزيز بركة ساكن، مجموعة عقد الجلاد الفنية، والأستاذ عز الدين صغيرون، والدكتورة حليمة عبد الرحمن الدكتور الفاتح حسين، والشاعر الدكتور عز الدين هلالي، وآخرين سنكشف عنهم في الوقت المناسب . لوحات مصاحبة : سأقوم بإضافة لوحات أو بورتريهات خاصة بمحمود من أعمال بعض الفنانين التشكيليين الأصدقاء على صفحات الكتاب . تدشين المشروع : سأعلن عن المشروع رسمياً في أربعينية محمود عبد العزيز، وفي الأثناء سأبحث عن راعٍ للمشروع حتى تتحقق جميع أهدافه . ومن المؤمل أن تنبثق عن المشروع عدّة مشاريع أخرى، وهذا هو المرجو . تكلفة المشروع : لن يتم تحديد التكلفة الكلية للمشروع أو تقديرها، إلا بعد إتضاح معالمه النهائية، ومعرفة إذا كان يتضمّن لوحات، سي دي، وكذلك معرفة عدد الصفحات النهائي . ياسين سليمان _ حبيب نورة . كاتب روائي وقاص . القاهرة 00201152525309 [email protected] |
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
وصلني المقترح أدناه من الصديق وعضو المنبر أمير ( tabaldy )
وأعتقد أنه يصلح للنقاش
Quote: انا من المعجبين جدا بالمرحوم وعندي فكرة اريد ان اطرحها لك حتى نكون اول من حاول ان يرد العرفان والشكر لفنان اعطي كل حياته لاسعاد الاخرين الفكرة عبارة عن مشروع اسمه ( مليون جنية ( مليار ) لاسره الراحل محمود عبدالعزيز تبرع من شباب السودان شكر وعرفان للانسان ) المشروع هو جمع دعم يصل الى مليار نتبرع به لاسرته الراحل عبارة عن تعبير بسيط من الشباب السوداني عن حبه للمرحوم ورد جزيل من عطائه انطلاقه المشروع منذ الان تسليم التبرع عن الذكرى السنوية الاولي باذن الله مصادر التبرع :- اسطوانات / يو اس بي / تحمل اغاني المرحوم / تي شيراتات عليها صور البومات المرحوم / ليالى غنائية باغاني المرحوم من زملائه الفنانين / فتح التبرعات الماديه والعينية هذه فكرة بسيطة اذا احببت ان تتبناها معي ارجو مراسلتى على الفيس او رقم تلفوني 00966551342491 امير حامد محمد |
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
حبيب نورا ملك الحرف واللغة والكلمة القوية المعبرة بحاول أنزل في المداخلة دي من الصباح وفشلت لو أمكن _كما أقترحت سوما أيضآ_ تغير العنوان لآخر ملامس للقلب زي ممتنين يا محمود/أو يا حوت ستبقى في قلوبنا لن ولن ننساك يا حوت وشوف بقية المقترحات ..
ومعكم أردد : أبكي يا سودان لقد فقدت روحك
وبالتوفيق وشكرآ لكم على الوفاء المستحق
وأبدآ لن ننساك يا محمود
شكرن جزيلن
.
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: احمد محمد بشير)
|
Quote: مالكم يا حواتة مكبرين اللفة من البوست ده ولا حتى دايرين تقولو شكر الله سيعيك. ههههههه وتقولي لي ما سمحة كيف؟ إنتِ سمحةسمحةياناس - اخر أغنية تغنى بها الحوت على العموم معاي باقي تسجيل للحفلة لكن ما حا انزلوا :) |
مشكور يا حبيب
فتحت البوست كذا مرة ولا قدرت أرد ولا حتى أسمع الأغنية
ولكنه أثار لديّ كوامن كنت أكتمها
تسلم عزيزي
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: Hadeer Alzain)
|
Quote: لو أمكن _كما أقترحت سوما أيضآ_ تغير العنوان لآخر ملامس للقلب زي ممتنين يا محمود/أو يا حوت ستبقى في قلوبنا لن ولن ننساك يا حوت وشوف بقية المقترحات ..
ومعكم أردد : أبكي يا سودان لقد فقدت روحك |
شكرا يا هدير ومقدّر حزنك ورهافة حسك
بالنسبة للعنوان أنا أصلاً كنت بفكّر في ثلاث عناوين وكان الإختيار أكتر حاجة متعبة حصلت لي لكن في النهاية أتوكلت وقررت أطلق على الكتاب الإسم المزدوج ده وزي ما أسلفت في مطلع ردي على الصديقة أسماء العنوان له دلالات سيكشف عنها الكتاب
الشكر الكتير
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
وفي مبادرةٍ نبيلةٍ طيبة _ وصلتني رسالة من الأخ الصافي بشير الصافي، الكسلاوي المقيم في المملكة العربية السعودية، يعلن عن تبرّعه لمشروع الكتاب بمبلغ ألف دولار أمريكي _ جاهزة للتحويل أو التسليم للحساب أو الجهة التي أحددها _ حسب ما ذكر في الرسالة .
من جانبي _ أشكرك أخي الصافي، وربنا يقدرنا على جزاك _ أشكرك بالإنابة عن كل محبي الفنان الراحل محمود عبد العزيز .
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: طارق جبريل)
|
Quote: على استعداد تام متى ما كان النص جاهزا ومصححا والصور جاهزة أن أقوم بتصميم النصوص وتجهيزها للطباعة وإرسالها جاهزة للطبع للجهة التي سوف تطبع الكتاب |
تشكر يا جبرين
أنا شغال فيه صباحَ مساء لمدة خمس وثلاثين يوماً _ في إضافات ح تكون جيدة _ حسب توقّعي كما أنني سأتيح الفرصة لبعض المشاركات، والغرض توسيع ماعُونها بحيث إنها تسع الجميع
المهم : أعتبرت كلامك وعد وبوافيك في حينها _ بس معليش دي مبادرة جميلة بتاعة أخوان أخوان _ ولكن لو بقينا عليها أشترط أن تتنفذ بمبدأ الحساب ولد _ يعني شغل شغل والأولو شرط آخرو نور
ـــــــــــــ
تشكر يا جبرين على التعاون وإبداء روح المشاركة
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
Quote: الذين شاركوا حتى الآن : الدكتور والمفكر حيدر إبراهيم، والموسيقار يوسف الموصلي، والمسرحي القدير الفنان محمد السني دفع الله، والكاتب الجميل عبد العزيز بركة ساكن، مجموعة عقد الجلاد الفنية، والأستاذ عز الدين صغيرون، والدكتورة حليمة عبد الرحمن الدكتور الفاتح حسين، والشاعر الدكتور عز الدين هلالي، وآخرين سنكشف عنهم في الوقت المناسب . |
تصويب :
الذين شاركوا فعليا حتى الآن : الدكتور حيدر إبراهيم والموسيقار الصديق يوسف الموصلي، والدكتور الموسيقار الفاتح حسين، وعدد من أعضاء فرقة عقد الجلاد الفنية، والأستاذ عز الدين صغيرون والدكتورة الصديقة حليمة ، والشاعر الكبير السر قدور والأستاذ وجدي كامل وعددٌ من أصدقاء الراحل وكثيرين سأكشف عنهم فور وصول مشاركاتهم فعلياً . وكذلك وصلني عددٌ من الرسومات والبورتريهات واللوحات تكفي لمعرض، أشكر أصدقاءي الفنانون وسنورد أسماءهم بعد إختيار الأعمال التي ستنزل في الكتاب، وربنا يسهلها . ومعذرة لو نسيت إسم أحد .
أشكر كل من شاركني هذا المجهود، وأشكر كل من لم تسمح ظروفه بالمشاركة
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
Quote: محمود ده زول برّااااااااااحة كده يا نادر وحتى جيتو كانت براحة . " برّاحة جا . يتدبّى زي " نقُر الأصابع لمّا ترتاح للموسيقى " . برّاحة زي تنمِيل الحواس لما تفتُر من محاحاة النغم . وبضجيجٍ لم تعثر عليه صلصلةِ الأجراسِ العظيمةِ أتى . بنواحٍ متّصِل لم تجُد به قرائح النائحات المكلومات جاء . ولكنه أتى . برّااااحة جا . مثل إنتظار اليباب الملول للغيم طُولاً، مثل تململ الواحاتِ من وطءِ المطر . برّاحة جا . كان حِس الفقارى المتعبين والمصلوبين في صفوف الرغيف، وكانت ضحكتُه موية الفول للمساكين والجعانين آخر النهار، وكان الضُّل . وكأنه أستمع لنصيحةِ شيخي الإمام عبد العزيز محمد داؤود إذ قال " غنّي _ الغنا بنفعك " . وما نسانا من صالح الغناء . |
عبارة" تنميل الحواس لم تفتر من محاحاة النغم".توصيف بديع ومثير بمداد من شجن!. اثنى عنوان "الحوت". لطالما إنتابني إحساس بوجود علاقة ما بين حكاية صعود " الحوت محمود" ورواية الحوت " موبي ديك" في كلاسيكية الروائي الامريكي هيرمان ملفيل ، والتي جسدت صراعا مأساويا بين حوت وإنسان. فرواية موبي ديك تضمنت - برغم الصراع - إشارات إلى بزوغ فجر الولايات المتحدة كقوة كونية ضاربة، كذلك الحال مع حكاية صعود "الحوت محمود" والتي تضمنت - برغم الاحزان في مسيرته-، إشارات ببزوغ قوة إبداعية دانت لها ينابيع التطريب العذبة ومحيطات الإبداع الهادرة! فجر الغنا الطاعم. توثيق بديع يا حبيب البت السمرية.
محبتي
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: الفاتح ميرغني)
|
Quote: لطالما إنتابني إحساس بوجود علاقة ما بين حكاية صعود " الحوت محمود" ورواية الحوت " موبي ديك" في كلاسيكية الروائي الامريكي هيرمان ملفيل ، والتي جسدت صراعا مأساويا بين حوت وإنسان. فرواية موبي ديك تضمنت - برغم الصراع - إشارات إلى بزوغ فجر الولايات المتحدة كقوة كونية ضاربة، كذلك الحال مع حكاية صعود "الحوت محمود" والتي تضمنت - برغم الاحزان في مسيرته-، إشارات ببزوغ قوة إبداعية دانت لها ينابيع التطريب العذبة ومحيطات الإبداع الهادرة! فجر الغنا الطاعم. توثيق بديع يا حبيب البت السمرية.
|
لطالما لم يساورني شك بأنك تجيد قراءة ما بين السطور، أكثر مما أستطاع القلم الإفصاح عنه _ ولعمري هي ميزةٌ أخرى تضاف لسجلك العامر بالنباهة _ لا جعلها الله ( إنتباهة ) أخشى أن أجاريك فأكشف أوراقي التي أدخّرها ليوم كريهةٍ وسدادِ ثغرٍ
إنا لله
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
كاتبنا الانيق حبيب نورة
وكل المتضامنين مع الفكرة التي نتمني ان تجد طريقها الي النور قريباً التوثيق شئ جميل ولا سيما ان كان من اشخاص قد عاصروا الحوت له الرحمة والمغفرة
..
وياريت صورة الغلاف تكون معبرة بحق وفيها اشارة واضحة للراحل
مع ودي واحترامي
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: محمد عوض السيد)
|
Quote: كاتبنا الانيق حبيب نورة
وكل المتضامنين مع الفكرة التي نتمني ان تجد طريقها الي النور قريباً التوثيق شئ جميل ولا سيما ان كان من اشخاص قد عاصروا الحوت له الرحمة والمغفرة
..
وياريت صورة الغلاف تكون معبرة بحق وفيها اشارة واضحة للراحل
|
تشكر أخي محمد عوض تسلم وشاكرين لمرورك الطيب
الغلاف له دلالات كثيرة وكذلك الإسم _ هذه العلامة تشير إلى الحوت، وليس بالضرورة أن نرسم وجهه . أقدّر وجهة نظرك ولك محبتي
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
حبيب السمحه .. تحيه وسلامات
المشروع ضخم جدا ومترامي الاطراف محمود عبد العزيز غرس عشقه في نفوس كل السودانين بكل ثقافاتهم .. في كل ركن وفي كل زاويه من زوايا الوطن تجد محمود يتربع عشقاً وحباً في القلوب استطاع ان يجمع الكل بفنه الراقي وحضوره الطاغي وقبل ذلك بانسانيته وتواضعه الذي يعرفها القاصي والداني .. وهكذا حال الاساطير انسان بحجم وطن مترامي الاطراف .. قد تحتاج ان تجوب البوادي والقري والمدن وستجد آلاف الحكايات عن محمود لم تجد حظها من النشر والتوثيق اكاد اشفق عليك من هول ما انت قادم عليه يا صديقي فالحوت اكبر من ان تحتويه غلافات الكتب ومداد يسكب علي السطور ولكن يقيني انك اهل لذلك العبء .. وتستطيع ان توثق لحياة انسان ولد ليكون اسطورة تدون في سفر الخالدين .. ورمزاً من رموز هذا الوطن
ــــــــــــــــــــــــــــــــــــ
ما يخص الغلاف فأنا اتفق تماماً علي التسميه خصوصاً ما يخص الشطر الثاني من العنوان فالكتاب ليس حكراً علي السودانيين .. فان كان كذلك فلك ان تكتفي باللوحه فقط فهي كافيه لتوحي للجميع ان هذا الكتاب يخص محمود عبد العزيز .. ولكن ليعلم العالم اجمع لا بد من كتابة الاسم الكامل للفنان حتي تكتمل الصورة لديهم اما ما يخص الشطر الاول احسب ان دلالته ستكون بين السطور علامة ( X ) هي علامه خاصه بالحوت مثلها مثل اي شعار لاي كيان تكفي لتدل عليه وقد اختلفت الرويات حول رمزيتها عند الفنان محمود عبد العزيز شيء اخير وآسف علي الاطاله .. اتمني ان تفرد مساحه مقدره لما كتب عن الحوت بعد رحيله من مقالات ومرثيات
أعانك الله يا صديقي ومن بعده من هم علي صلة بحياة الراحل في هذا المشروع الضخم والعملاق
تحياتي حبيب السمحه وربنا اسدد خطاك واوفقك بحق رب محمود
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: أبوبكر محمد عثمان)
|
Quote: وهكذا حال الاساطير انسان بحجم وطن مترامي الاطراف .. قد تحتاج ان تجوب البوادي والقري والمدن وستجد آلاف الحكايات عن محمود لم تجد حظها من النشر والتوثيق اكاد اشفق عليك من هول ما انت قادم عليه يا صديقي فالحوت اكبر من ان تحتويه غلافات الكتب ومداد يسكب علي السطور ولكن يقيني انك اهل لذلك العبء .. وتستطيع ان توثق لحياة انسان ولد ليكون اسطورة تدون في سفر الخالدين .. ورمزاً من رموز هذا الوطن
|
بالفعل يا أبوبكر هذا هو حال الأساطير أنا بذلت جهد مضني في الموضوع ده وحرمني لذة النوم وتعبت فيه شديد بس عشان أجمع كل الحكايات والمواقف ح أحتاج لكتب ومجلدات أعتقد أن هذا الكتاب سيكون له جزء ثان
أتمنى أن لا أكون كاتبه
تشكر يا أبو بكر وربنا يديك العافية
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حمزه بابكر الكوبي)
|
Quote: بالفعل يا أبوبكر هذا هو حال الأساطير أنا بذلت جهد مضني في الموضوع ده وحرمني لذة النوم وتعبت فيه شديد بس عشان أجمع كل الحكايات والمواقف ح أحتاج لكتب ومجلدات أعتقد أن هذا الكتاب سيكون له جزء ثان
أتمنى أن لا أكون كاتبه |
حبيب نورة حبيبنا
ليك الاجر اول شئ و الباقي محبة احباب الحوت كل التوفيق و المني يا حبيبنا فى الاول و الثاني
ونحن معاك مع سبق الاصرار و " الترقب " لكل جديدك
مودتى الغالية ود الغرب
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: مازن عادل النور)
|
Quote: حبيب نورة حبيبنا
ليك الاجر اول شئ و الباقي محبة احباب الحوت كل التوفيق و المني يا حبيبنا فى الاول و الثاني
ونحن معاك مع سبق الاصرار و " الترقب " لكل جديدك
مودتى الغالية ود الغرب |
ود الغرب البسُر القلِب إنت وصديقنا الذي في طوكيو إنشاء الله قرييييب بضربنا الهمبريب بس خليك قريب
تحياتي ليك يا حبيبو
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
حبيب نورة يا حبوب: معليش للمشاترة ..
Quote: الدكتور حيدر إبراهيم والموسيقار الصديق يوسف الموصلي، والدكتور الموسيقار الفاتح حسين، وعدد من أعضاء فرقة عقد الجلاد الفنية، والأستاذ عز الدين صغيرون والدكتورة الصديقة حليمة ، والشاعر الكبير السر قدور والأستاذ وجدي كامل |
ما عارف نوع المشاركة شنو لكن صراحة قائمة الاسماء دي قائمة اغلبها اسماء لا تعرف محمود العرفة البتخليها تشارك في كتاب قد يكون توثيقي ..لكن لو كانت حكاوي موقف أو موقفين فبقول ليك أوكي ..
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: عمر الفاروق)
|
Quote: ما عارف نوع المشاركة شنو لكن صراحة قائمة الاسماء دي قائمة اغلبها اسماء لا تعرف محمود العرفة البتخليها تشارك في كتاب قد يكون توثيقي ..لكن لو كانت حكاوي موقف أو موقفين فبقول ليك أوكي ..
|
تسلم يا فاروق
الأسماء المكتوبة أعلاه كلهم كتبوا مقالات جيدة جداً وبتخدم الكتاب وأنا برى إنها بتستحق تنزل في كتاب عن محمود
محمود لا يحتاج إلى إنسان يعرفه وسكن معاه في أوضة واحدة لكي يكتب عنه _ محمود ده كما قال خالد صديق خضر حسين زول شعبي خااااالص أنا كلفت بعض الأصدقاء لكي يستكتبوا أولاد الشارع ( ما يعرفوا بالشماشة ) وهسه لو جاتني حاجة ما بتردّد وبنزلها من غير تفكير . عموماً يا سيدي لو إنت شايف إنك عارف أشخاص أجدر وأحق بالكتابة عن محمود لسه في فرصة، وإنت كذلك . من هنا لغاية أسبوع أنا تحت أمرك
مشكور
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: مها عبدالمنعم)
|
حبيبنا يس
العنوان غير مناسب يا حبه ده كتاب توثيقي يا حبيب نوره وانت سيد العارفين يختلف عن الرواية .. اسم الكتاب لابد ان بكون ذو دلاله لها علاقة مباشرة بالشخصية المكتوبة او مقتبس من اشارات لها علاقة مباشرة بالشخصية
اقترح ان يُسمى الحوت اما الرسم ففي ظني 100%
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: وليد محمد المبارك)
|
Quote: العنوان غير مناسب يا حبه ده كتاب توثيقي يا حبيب نوره وانت سيد العارفين يختلف عن الرواية .. اسم الكتاب لابد ان بكون ذو دلاله لها علاقة مباشرة بالشخصية المكتوبة او مقتبس من اشارات لها علاقة مباشرة بالشخصية
اقترح ان يُسمى الحوت اما الرسم ففي ظني 100% |
حبيبنا وليد
العنوان متلازمة للسياق وأنت لم تقرأ الكتاب بعد أتريد دلالة أوضح من كتابة إسم الشخصية التي يتناولها الكتاب ؟ العنوان هكذا ( محمود عبد العزيز " وتحت ليها " مع سبق الإصرار والترصّد ) التصميم ده ليس هو التصميم النهائي _ قصدت بيه إني أرسخ صورة الغلاف في أذهان الناس فقط . وبعيد سبق السيف العزل تقريباً عشان الشغل ده أشتهر يا مان ههههههههههههههههههههه
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
الأخ حبيب نوره والباشمهندس وجميع البورداب المداخلين ولكى يعيش محمود فينا يتوجب أن نقدمه للتاريخ وللأجيال القادمه ليصبح كوكبا سيارا مضيئا وأما الكتاب التوثيقى ها قد توالدت عنه أفكار شتى واسمحوا أن أشارك بالكتابه عن محمود عبدالعزيز المبدع بين التمرد والإلتزام وكيف صار رمزا لحركة إجتماعيه تجاوزت حتى المفاهيم والقناعات التقليديه كما أتمنى عليكم فى زحمة هذا المشروع الرائع أن نؤسس لمهرجان غنائى تنافسى يقام كل عام فى ذكرى ميلاده ولكم عبر المنبر أن تتوافقوا على كيفية أن يقوم ويقام المهرجان الأول على أفضل ما يكون وفاء للراحل العظيم وإرساء لفكرجديد يتماهى مع أفكار الراحل وأحلامه وآسف للإطاله مع أكيد الشكر والقدير ونسال الله الرحمة والمغفرة لعزيز الناس محمود عبدالعزيز آمين
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
Quote: امنياتي الكاملة بالتوفيق |
تعرف يا وليد أنا بعجبني الزول البقول رأيو ولما ترد عليه ويقتنع _ بجيك بكل رحابة نفس وبتمنى ليك التوفيق
وتقديراً لهذه الروح أنا ح أضيف حاجة للعنوان تجعله مريح بالنسبة لك ولآخرين ح يكون ( الحب مع سبق الإصرار والترصّد ) رغم إن التغيير ده ببعدني من حاجات متسقة مع العنوان الأول لكن بسمكرها سريع عشان خاطرك وخواطر ناس كويسين غيرك .
شكرن كتيرن !
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
معقولة يا حبيب نورة
ياخ انت زول موثوق ومضمون لدينا .. وبناقشك نقاش اخوان للتجويد .. بنحب مححمود نعم وعاوزين سيرتو تنكتب باحسن ما يكون .. لكن ده ما السبب الوحيد لتداخلنا .. جزء من اسباب تادخلنا انت ده ذاتك .. فانا بحبك على درجة قريبة من محمود وابحث لك بكل صدق على النجاح الكامل .. فما تحت في بالك ..
هو نقاش للتجويد .. انت صاحب المشروع .. ونحن وكت نقراء الكتاب حا نفهم الحاصل فما تشوه فكرتك لنقاش وما تتحسس ياخ .. تقوم تخلينا نتحسس نحن ذاتنا
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: وليد محمد المبارك)
|
Quote: معقولة يا حبيب نورة
ياخ انت زول موثوق ومضمون لدينا .. وبناقشك نقاش اخوان للتجويد .. بنحب مححمود نعم وعاوزين سيرتو تنكتب باحسن ما يكون .. لكن ده ما السبب الوحيد لتداخلنا .. جزء من اسباب تادخلنا انت ده ذاتك .. فانا بحبك على درجة قريبة من محمود وابحث لك بكل صدق على النجاح الكامل .. فما تحت في بالك ..
هو نقاش للتجويد .. انت صاحب المشروع .. ونحن وكت نقراء الكتاب حا نفهم الحاصل فما تشوه فكرتك لنقاش وما تتحسس ياخ .. تقوم تخلينا نتحسس نحن ذاتنا |
تعرف يا وليد _ إنت جربت نعمة الجنى _ ربنا يحفظ ليك وليداتك ويغطيهم، وكذلك خشيت في إمتحان السماية _ ما قصدت خروف السماية وربنا يعلم مهما كانت الظروف بتقدر تدبّرها جاي جاي . قادر تتخيل إنو أكتر معضلة واجهتني في الكتاب ده إنها كانت إختيار الإسم ؟؟! داخل سياق النص أنا لغاية هسه دي _ يعلم الله ويكون آخر كتاب لى _ لم أُشِر (( لا من بعيد ولا من قريب )) لحكاية " مع سبق الإصرار والترصّد " دي !! أقصد هنا الإشارة الواضحة التي يوجد لها ملمس أو فضاء يمكنك لمسه وتحسّسه والإمساك به .
ربما يكون الكتاب ملغوم وقابل للإنفجار، ولكنه ليس خطأي _ إنما هو بالتأكيد خطأ الذي يعلم بأنه يسير في حقلِ ألغام، وهو يعلم تمام العلم بأن هذه المنطقة _ منطقةٌ ملغومةٌ .
طالما إتفقنا _ خليني أرجع للعنوان الأول .
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
الحبيب لي نورة
Quote: أنا كلفت بعض الأصدقاء لكي يستكتبوا أولاد الشارع ( ما يعرفوا بالشماشة ) وهسه لو جاتني حاجة ما بتردّد وبنزلها من غير تفكير |
اها ديل ممكن يعرفو ليك محمود أكتر من الناس ديل ..لأنو كل القصص المتواترة واللي اتشاهدت إنو بيعرفو محمود ومحمود بيعرفهم .. معليش يا حبيبا لكن كتابة مقال لا تكفي لإيراد اسماء ناس في كتاب توثيقي ..قريت قبل فترة مقال لي السر قدور في جريدة الخرطوم ..وعن نفسي اضع السر قدور في قائمة المنافقين الدجالين فيما يتعلق بالحديث عن الفنانين وخصوصاً بعد موتهم ..وسمعت ليهو أكتر من إتصال في أكتر من مناسبة لي فنانين ماتوا.. يكرر ويعيد نفففس الكلام مع تغيير اسم الفنان .. ما عارفك متابع ولا لأ ..لكن هذا القدور ومعاهو ذاك المدعو عاصم البنا مارسو مع محمود أسوأ أنواع التعامل فيما يخص برنامج اغاني واغاني حسب ما وردني من خلف الكواليس.. الكتاب ده ما حاجة ساهلة يا حبيبا وما عايزك تستعجل فيهو ..خلينا نقبل إنك تخت طوبة وتقول انا حاااجز كتاب عن محمود لكن ما تستعجل طلوعو ..خصوصاً بي الاسماء المشاركة دي..
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: عمر الفاروق)
|
يا حبيب نورة
محمود شخصية مركبة .. عشان كده ما تخلي الحكاوي تاتي من فيئه معينة .. لانو كل زول حا يكتب ليك من الزاوية الشايفها في محمود
فكرة استكتاب الشماسة فكرة حلوه
تابع مع نعيم علي زميل المنبر حا تلقى عنده معلومات ممتازة عن محمود متعلقة بالمايقوما
راسل زميل المنبر الفنان محمد شبكة فمحمد صديق لي اخوانه الكبار من بدري وبتلقى عنده حاجات قديمه عن شخصية محمود ما بتلقاها عند زول .. وخلي الملك يلمك في اخو شبكة ياسر عبد العزيز
خلي زميل المنبر عز الدين محمد عثمان يلمك في اخوه عاصم كونكا برضو بديك معلومات ما حا تلقاها في الشارع كلو كلو
اهما حاجة فتش على صاحب الاعاقة سيد العلامة الخاتيها في العنوان .. وخليه يتحدث ليك عن الكنت قايلو فات زمان
في ظني الشخصي لاذم تفرد مساحة معتبر للخالد في كتابك ده .. فالخالدي فنان محمود .. وهو السبب الرئيسي لاعتكافة محمود الاخيرة
طبعا الحا يتكلموا ليك عن محمود بصورة فنية كتار وبتكون جمعتهم لكن ما تنسى تجربة محمود الدرامية وياريت لو تلقى حاجة عن محمود ومجدي النور وفي الحته دي برشح ليك امام حسن اخو عوض شكسبير فهو صديق شخصي لمحمود والبتلقاه عنده ما بتلقاه عند زول
واختى ناس كابو .. ديل لا اصحاب محمود ولا يحزنون
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: وليد محمد المبارك)
|
وما ينسى الخير بتاع عقد الجلاد سابقا يا وليد .. الخير ده صاح بمحمود برضو وشديييد .. بالمناسبة يا وليد انا قاعد معاي هنا ود جيرانا في الحلة حيييطة بي حيييطة جا ليهو كم يوم من السودان ..هو صديق شخصي لي محمود برضو وهو من علمني حب محمود زماااان ..الزول ده ود حلة وبيعرف حاجات محمود حقت اولاد الحلة ديك .. بالمناسبة انا عايز الكتاب ده يثير حتة حساسة شديييد وخاااصة شديييد لكن بعتبرها جوهر محمود .. علاقات محمود العاطفية !!! وحب محمود الأول والأخير .. المرأة التي شكلت محمود الفنان .. أديك سر يا وليد؟؟؟ غنا محمود السمح داااك كلللو محمود بدا يطلعو ويغنيهو عشان زووولة واااحدة حباها شديييييييييد ..زولة شكلت وجدانا وخلتنا نكتشف محمود الفنان لمن يغني الغنا البيحرق جوووة داك..
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: وليد محمد المبارك)
|
يا وليد انا خوفي وكللل خوفي الكتاب ما يخرج من التقليدية والحكاوي الكرروها الناس في التلفزيون من نوعية محمود الإنسان ومحمود رباي اليتامى ومحمود ود الحلة والقصص المستهلكة مع إضافة بعض الفزلكة والتلاعب بالكلمات في قالب لغوي قصصي.. نحن لو ما امتلكنا الشجاعة في كتابة كتب تحكي عن سيرة إنسان تفاصيل حياته معقدة وامتلكنا الشاعة في سردها زيي ما هي يبقا الكتاب ده لا يعنيني
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: عمر الفاروق)
|
Quote: بالمناسبة يا وليد انا قاعد معاي هنا ود جيرانا في الحلة حيييطة بي حيييطة جا ليهو كم يوم من السودان ..هو صديق شخصي لي محمود برضو وهو من علمني حب محمود زماااان ..الزول ده ود حلة وبيعرف حاجات محمود حقت اولاد الحلة ديك .. بالمناسبة انا عايز الكتاب ده يثير حتة حساسة شديييد وخاااصة شديييد لكن بعتبرها جوهر محمود .. علاقات محمود العاطفية !!! وحب محمود الأول والأخير .. المرأة التي شكلت محمود الفنان .. أديك سر يا وليد؟؟؟ غنا محمود السمح داااك كلللو محمود بدا يطلعو ويغنيهو عشان زووولة واااحدة حباها شديييييييييد ..زولة شكلت وجدانا وخلتنا نكتشف محمود الفنان لمن يغني الغنا البيحرق جوووة داك.. |
يا فاروق ياخ ما تحاور لي الزول ده في أقرب فرصة ممكن نطلع بحاجة مفيدة جدااااا
وياريت لو الليلة قبال بكرة
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: وليد محمد المبارك)
|
Quote: محمود شخصية مركبة .. عشان كده ما تخلي الحكاوي تاتي من فيئه معينة .. لانو كل زول حا يكتب ليك من الزاوية الشايفها في محمود
فكرة استكتاب الشماسة فكرة حلوه
تابع مع نعيم علي زميل المنبر حا تلقى عنده معلومات ممتازة عن محمود متعلقة بالمايقوما
راسل زميل المنبر الفنان محمد شبكة فمحمد صديق لي اخوانه الكبار من بدري وبتلقى عنده حاجات قديمه عن شخصية محمود ما بتلقاها عند زول .. وخلي الملك يلمك في اخو شبكة ياسر عبد العزيز
خلي زميل المنبر عز الدين محمد عثمان يلمك في اخوه عاصم كونكا برضو بديك معلومات ما حا تلقاها في الشارع كلو كلو
|
بالفعل ده شغل مربك جداً يا وليد وعشان إختلاف زوايا الشوف أنا نوّعت في المشاركات وح أسعى للوصول للناس ديل_ وممكن كمان الناس تساعدني وتجيب لي الشغل جاهز وانا بقبلو من الشارع من ناس مقربين وممكن يلحق الكتاب
Quote: واختى ناس كابو .. ديل لا اصحاب محمود ولا يحزنون |
إنت ح تقول لي ؟
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: وليد محمد المبارك)
|
Quote: محمود شخصية مركبة .. عشان كده ما تخلي الحكاوي تاتي من فيئه معينة .. لانو كل زول حا يكتب ليك من الزاوية الشايفها في محمود
فكرة استكتاب الشماسة فكرة حلوه
تابع مع نعيم علي زميل المنبر حا تلقى عنده معلومات ممتازة عن محمود متعلقة بالمايقوما
راسل زميل المنبر الفنان محمد شبكة فمحمد صديق لي اخوانه الكبار من بدري وبتلقى عنده حاجات قديمه عن شخصية محمود ما بتلقاها عند زول .. وخلي الملك يلمك في اخو شبكة ياسر عبد العزيز
خلي زميل المنبر عز الدين محمد عثمان يلمك في اخوه عاصم كونكا برضو بديك معلومات ما حا تلقاها في الشارع كلو كلو
|
بالفعل ده شغل مربك جداً يا وليد وعشان إختلاف زوايا الشوف أنا نوّعت في المشاركات وح أسعى للوصول للناس ديل_ وممكن كمان الناس تساعدني وتجيب لي الشغل جاهز وانا بقبلو من الشارع من ناس مقربين وممكن يلحق الكتاب
Quote: واختى ناس كابو .. ديل لا اصحاب محمود ولا يحزنون |
إنت ح تقول لي ؟
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: عمر الفاروق)
|
Quote: اها ديل ممكن يعرفو ليك محمود أكتر من الناس ديل ..لأنو كل القصص المتواترة واللي اتشاهدت إنو بيعرفو محمود ومحمود بيعرفهم .. معليش يا حبيبا لكن كتابة مقال لا تكفي لإيراد اسماء ناس في كتاب توثيقي ..قريت قبل فترة مقال لي السر قدور في جريدة الخرطوم ..وعن نفسي اضع السر قدور في قائمة المنافقين الدجالين فيما يتعلق بالحديث عن الفنانين وخصوصاً بعد موتهم ..وسمعت ليهو أكتر من إتصال في أكتر من مناسبة لي فنانين ماتوا.. يكرر ويعيد نفففس الكلام مع تغيير اسم الفنان .. ما عارفك متابع ولا لأ ..لكن هذا القدور ومعاهو ذاك المدعو عاصم البنا مارسو مع محمود أسوأ أنواع التعامل فيما يخص برنامج اغاني واغاني حسب ما وردني من خلف الكواليس.. الكتاب ده ما حاجة ساهلة يا حبيبا وما عايزك تستعجل فيهو ..خلينا نقبل إنك تخت طوبة وتقول انا حاااجز كتاب عن محمود لكن ما تستعجل طلوعو ..خصوصاً بي الاسماء المشاركة دي.. |
بالفعل يا فاروق الشباب ديل هم الفئة الأكبر تضرراً من رحيل الحوت وياريت لو ساعدتني في الموضوع ده أما بخصوص الناس الأستكتبتهم فهم خدموا المشروع من زاوية أو أخرى
وسيتضح الأمر أكثر عند صدور الكتاب .
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
مقال ذو صله منقول من صفحة احدهم بالفيس بوك :
Quote: قصة الحوت كاملة:بدات القصة في يونيو من العام الماضي 2012 بتعرض محمود لالام حاده بالبطن وتم عرضة على الاطباء بمستشفى ر.ك بالخرطوم وتم تشخيصة كقرحة متفجرة وتحتاج لتدخل جراحى مستعجل وفعلا تمت الترتيبات للعملية واجريت بذات المستشفى وكانت عملية ناجحة واخرج بعدها من المشفى وهو في اتم الصحة والعافية....ثم تكررت الالام في ديسمر الماضي ويضا حول الى ر. ك وهنالك اجريت له عدة فحوصات وصور للبطن وتم تشخيصة كالاتصاق بالامعاء الدقيقة كمضاعفات لجراحه الاولى ثم تقرر ان يعالج بالمراقبة املا في تجنب التدخل الجراحى مرة اخري وفعلا ادخل المشفى لمده ثلاث ايام الا ان الالتصاق لم يبارح مكانه فتقرر ان يعالج جراحيا بواسطة الجراح (م.ف )الطيب بالمستشفى فادخل غرفة العمليات وتمت الجراحه واخرج بعدها الى غرفة العناية المكثفة..الا انه خلال الربع ايام التى تلت الجراحه تدهورت الحاله الصحية العامة بصورة مخيفة فاصبح يعتمد على اسطوانات الاوكسين عن طريق القناع ويعتمد في التغذية على المحاليل الوريدية فتم التدخل الجراحى الثالث فقام الاطباء هناك بعمل جراحه استكشافية في البطن فوجد ان البطن ممتلئة بمحتويات الامعاء نتيجة لفك التوصيلة بين الامعاء الدقيقة التى اجريت في الجراحه السابقة وهو خطأ تكنيكى وتقنى من الجراحين وتلى ذلك حدوث التهاب حاد وتسمم لكل الجسم كنتيجة طبيعية لفك التوصيل بين الامعاء واصبح يعمد على التنفس الصناعى بنسبة 100% ولان المشفى مدعوم من اعيان البلاد وسادتها وكتنصل من المسؤليه تم اعلان ان رئاسه الجمهورية ستتكفل بعلاج محمود خارج البلاد خوفا من انهيار سمعه المشفى الفخم وفى حقيقة الامر ان زوجة محمود السابقة وابنة الاسرة الكبيرة في السودان هى التى تكفلت بدفع تكاليف الطائرة الى الاردن30 الف دولار و7 الف دولار من صديقه احمد الصاوى وتم تسفير محمود الى الاردن وطارت معه المسؤليه الواقعه على عاتق المشفى...والحديث عن دفع رئاسه الجمهورية لتكاليف العلاج عار من الصحه اذ لم تدفع الا 87 مليون عبارة عن فواتير المستشفى....وسافر حمود الى الاردن تحفه دعوات الملايين من المعجيبين من الشعب السودانى الذى لا يعلم لحقيقة بان محمود سافر الى العلاج وهو في حالة ميؤس منها نتيجة لعده مضاعفات منها تسمم الم الكامل وتعطل لمعظم الاجهزة الحيوية في الجسم وجاءث ثالثة الاسافى بمعاناته من نزيف ف المخ ليكتب سطرا اخر من معاناه هذا المبدع...محمود الان يرقد ف الاردن وهو يعانى من موت دماغى كامل وسوف تجتمع اليوم لجنة من اختصاصيي المخ والاعصاب لتحدد متى تنزع اجهزة التنفس الصناعى من محمود وعندها تنتهى رحلة مبدع طرق ابواب الشعب السودانى بلا استئذان وسكن الدواخل لربع قرن من الزمان لا ينافسه الامحمودعدالعزيز نفسه...اردت ان املك الحقائق للناس ليعرف الذين تغيب عنهم قصة محبوب الملايين.. |
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
Quote: الأخ حبيب نوره والباشمهندس وجميع البورداب المداخلين ولكى يعيش محمود فينا يتوجب أن نقدمه للتاريخ وللأجيال القادمه ليصبح كوكبا سيارا مضيئا وأما الكتاب التوثيقى ها قد توالدت عنه أفكار شتى واسمحوا أن أشارك بالكتابه عن محمود عبدالعزيز المبدع بين التمرد والإلتزام وكيف صار رمزا لحركة إجتماعيه تجاوزت حتى المفاهيم والقناعات التقليديه كما أتمنى عليكم فى زحمة هذا المشروع الرائع أن نؤسس لمهرجان غنائى تنافسى يقام كل عام فى ذكرى ميلاده ولكم عبر المنبر أن تتوافقوا على كيفية أن يقوم ويقام المهرجان الأول على أفضل ما يكون وفاء للراحل العظيم وإرساء لفكرجديد يتماهى مع أفكار الراحل وأحلامه وآسف للإطاله مع أكيد الشكر والقدير ونسال الله الرحمة والمغفرة لعزيز الناس محمود عبدالعزيز آمين |
الموسيقار الجميل أنس العاقب ستكون بلا شك إضافة عظيمة وطيبة فأنت رقمٌ لا يمكن تجاوزه وكلنا سنتضافر من أجل تخليد ذكرى الراحل الحبيب محمود عبد العزيز وكما أشرت هنالك خيط رفيع بين التمرّد والإلتزام في شخصية محمود، يسعدني أن تتطرّق له، سيكون مفيد جداً أوافقك على فكرة المهرجان وهنالك عدة مشاريع سنناقشها حين تتضح الرؤية وأتمنى أن يشارك الجميع بآراءهم
أشكرك يا جميل وأنتظر مشاركتك
| |
|
|
|
|
|
|
Re: مع سبق الإصرار والترصّد _ محمود عبد العزيز (Re: حبيب نورة)
|
Quote: تغريده في عش البلبل اوالصندل يحترق. . بمناسبة شهر علي رحيل محمود عبدالعزيز. . اورد ابن حزم الاندلسي في كتابه طوق الحمامه ابوابا عن موت المحب ولها وقالت العرب من الحب ماقتل،وعلي العكس من ذلك هو الحال عندنا في سودان الشجن حيث يرحل المحبوب من فرط محبة معجبيه، وان كنت تريد في الامر غرابه انظر اجمل ماكتبه علي المك تجده عن دخول ام درمان بيت الحبس حزنا علي ابوداؤد وطارق السمع الي منصور خالد تجده يراقص الحروف في رثاء الزرياب خوجلي عثمان وتأمل كيف هي السلطنة ومزج الدارج والفصيح تجد عبدالله الطيب يرثي العتيق، تلك مقامات في الكتابه لاندعيها وامال في التماثل لاننكرها.. وماصاحبنا بأقل من ذلك (قام بي سنونو) فتح الحقيبه فاتته طائعه ماهابها ولاتلجلج وضع لمسته منذ البدايه، ذهب الي قاهرة المعز وغني فصرخ احد الخبراء(مش ممكن)وسال عن مقاس بنطلونو مستغربا خروج الصوت من هذا الجسد النحيل وهي الدهشة ذاتها التي حدثت في روسيا عندما غني صداحنا سكت الرباب وهتف الروس مش ممكن (بالروسي) وبمقاس البنطلون نفسه وربما اقل فالحوت كل ماغني ذاب طربا،لم يدري هؤلاء ان حبال صوته هذه هي منتوج زاكره صوتيه امتدت من سرور الذي يطرب الخرطوم بلامكبرات صوت ابوداؤد الذي يغني بلا اي آله موسيقية حسبه علبة اعوادالثقاب (الكبريته)..وكما رثي الابنودي عبدالناصر (يعيش جمال حتي في موتو)وكما تفرد محمود في حياته تفرد جمهوره بالوفاء بشكل مختلف ففي الأبيض وزع محبيه الازيارالبراميل للسقيا بعد ان زينوها بصوزته ونظموا ختمات للقرآن في بحري وامدر ووهبوها لروحه وفي الخرطوم تداعو لحملة تبرع بالدم كانت الانجح في تاريخ الحملات... اللهم انك علمتنا ان نزكر محاسن مستوانا ونرضي قضائك فانانشهدك انا عرفنا محمود بارا باهله كثير الصدقه واهبا جل ماله للمحتاجين لامنانا ولامتكبر لاتدري شماله فعل يمينه، اللهم كما تأكل النار الحطب اجعل صدقاته كفارة لزنوبه وارحمه وارحمنا من بعده آاامين |
يا حبيب نورة ده حساب كنوكا في الانترنت نسق معاه انا كلمته https://www.facebook.com/asim.konka?fref=ts
| |
|
|
|
|
|
|
|