|
|
|
 Re: متقريف للخرطوم .. السلف يمتنعون (Re: بخاري عثمان الامين)
|
الاخ بخاري سلام
Quote: ولم يجدوا اراضي يزرعونها
فخمروا زراعة الاخرين لتوفر لهم قوت عيالهم وعموما هم قوم لا يمتلكون معرفة
سوي الزراعة والراعي |
انا لا يستفذني شئ في الدنيا مثل هذا ...شنو لا يملكون معرفة الا بالاتنين ديل ...كناس في الخرطوم عاوزة عرفة ...بيع الشاي عاوز عرفة ...الخ
هذا مثل البعض الان يبررون للفساد الاخلاقى لبعض طالبات الجامعات بالضيق الاقتصادي...(حاجة غريبة) يعني العلم مفروض يعمل على سمو
الاخلاق مش على انحطاطها ......
| |
 
|
|
|
|
|
|
|
 Re: متقريف للخرطوم .. السلف يمتنعون (Re: مدثر صديق)
|
الاخ بخاري رد الله غربتك واعادك الي اهلك ووطنك عزيزا مكرما وحفظك انت والاسرة الكريمة حيثما كنتم
وبالجد والله مشتاقوون لرويتك وروية الشامخة العزيزة نجلاء التي تقف حيث المسكين من طوكر الي الخرطوم
وتتعب وتوثق للمصايب التي وقعت علي ابتاء بلدها بالرغم من مسولياتها تجاه اسرتها وضحت بنفسها من معتقلات
وضرب وسب وخلافه بلغ تحياتي للاخت العزيزة نجلاء وقول ليها ربنا يحفظك ومشرفانا انت في كل بلد
مع تحياتي الخالصة لكم
| |
|
|
|
|
|
|
|
|
|
Re: متقريف للخرطوم .. السلف يمتنعون (Re: بخاري عثمان الامين)
|
والله يا بخاري كلنا متقريفين للخرطوم
حكى لي صديق عن قبطي من "الديم" تغرّب لسنين طويلة - الكلام دة قبل فترة - زمن الدكاكين لسع فيها الفحم وقدرة الفول بدو غاز ... قال صديقو القبطي دة اول حاجة عملها "أتفرّجخ" في الواطة ام فحم ديك قدام دكان فيهو قدرة فول (فشّ غبينتو) وفات
مثلها حكاها لي د. ميرغني معتوق في أمريكا ... قال لي في نهاية بعثته في الستينات، عائدا لأمريكا من السودان... برضو "أتفرّجخ" في الواطة وطلب زلابية أكلها بحبر جريدتا
سلام يا باخ
| |
|
|
|
|
|
|
|
|
Re: متقريف للخرطوم .. السلف يمتنعون (Re: بخاري عثمان الامين)
|
Quote: بس كنت في حاجة بتعجبني شديد خالص لمن تجئ واحده من اخواتنا
وتسألنا الصباح : اها الليلي نسولكم شنو في الغداء ؟ لمن تسمع السؤال دا يا فائز تقول عندهم فرن بيتزا ...
ويوميا اختار ملاح ( المتلوت ) ويا ريت لو جاء طارق ود جبرين شرح الملاح دا للناس باقي الجنا حنين . |
سلام أخوي البخاري .....أرجع بالزمن مرة واتذكر حكايتي معاك تلاقي القصة جد مرة... حب الشمال واهله الطيبين الصباح الزين .. كيف اصبح يا الخزين اصبحتوا طيبين .. الملاح الطاعم والكسره القراصه الحاره فحل البصل ربطة جرجير وفجل وكباية شاي تقيل الجلوس تحت النيم هباب العصر .. ياخي جمال ما بعده جمال وهدوء وراحة بال لعن الله الغربة التي جلبت لنا الامراض قاوت ومصران وغضروف يا ربي تاني بنستمتع مع اهلنا وحياتهم الحلوة
| |
|
|
|
|
|
|
|
|
|
Re: متقريف للخرطوم .. السلف يمتنعون (Re: بخاري عثمان الامين)
|
الاخ بخاري
سلام جاك ..
انت ما بتعرفني ولكن انا بعرفك هنا من تاريخ تسجيلك و لكثرة تصفحي للمنبر قدرت اكون لكل واحد
شخصية من خلال مداخلاته و مشاركاته
اولا رد الله غربتك وترجع لبلدك سالم غانم
الظاهر انك زول حنين و قلبك رهيف وزول ونسات و الزيك يحب الصغير قبل الكبير
صورتك في البروفايل سواء كنت انت العلينا و لا البغادي شديدة التعبير عن نفسها وعنكم الاتنين
الاصدقاء او الاخوان لامن يتقارنوا زي مسكتم دي لبعض معناها ديل اصحاب شديد وبقدرو الخوه والعشرة
و الحركة دي ما بتلقاها عند الناس الكبار ولكنها ذكرتني ايام الصبا لما يكون واحد صحبك شديد يكون الاتين ياها وقفتكم
عجبتني دخلت اخواتك عليك وبيسألنك تتغدوا شنو
ادام الله لك حب الوطن و الحلة واصدقاء الطفوله لانهم هم ملح الارض البعالج كل الجروح
لهم تتفتح كل غرف قلوبنا الاربعة لتستقبل اسباب السعادة
الاحمر
| |
|
|
|
|
|
|
|
|
 Re: متقريف للخرطوم .. السلف يمتنعون (Re: بخاري عثمان الامين)
|
| Quote: التانية مشتاق لونسة معاك . |
اها يا باخ اديك ميزة واقوليك حاجة ..
حسع دي بوستينك دا اكان فتحت ليك فوقو نفاخ قريفه والله امسخ ليك حياتك .. الله يرضى عليك خليني في سجمي دا ..
..
عارف يا باخ ..
لو لما جيتي دي موقتـه لي هنا دا .. عشان رزقي .. القسمو لي ربي .. صدقني شبر ما برفع عرقوبي
ايوه ممكن اقرف جوه .. اعمل اي حاجة .. لكن كل زول بشوف بي شوفو ..
عجبتي والله تونـة خضر .. وملاح اخواتك في الشمالية ..
اها ما عايز اقوليك تشمو قدحـه تاني .. لكن صدقني .. الموت مع الجماعة عرس ..
| |
|
|
|
|
|
|
| |
بخاري عثمان الامين
محمد إبراهيم علي
طارق جبريل
خضر حسين خليل
مدثر صديق
محمد المسلمي
عبدالله عثمان
حافظ انقابو
عبدالكريم الاحمر
أيمن الطيب
tmbis
Mohamed E. Seliaman
ناذر محمد الخليفة
وضاح عبدالرحمن جابر
فيس بوك
تويتر
انستقرام
يوتيوب
بنتيريست