أين نذهب اذا تم تطبيق الشريعة الاسلامية في استراليا

Quote: سلام يا استاذ بشري ... انت ما فهمتني انا ما ضد انو الناس تختار العلمانيه ... انا مع انو حتي العلمانيه ما ينفذوها سودانيين ... لانو احنا من الاستقلال دوله كل يوم ماشه من زفت لازفت ما قادرين نتفق كيف يحكم السودان ... فهمتني ... لكن سودانيين ينفذو العلمانية او اي نظام حكم ما اظن ننجح لانو بكره احزاب الاسياد ح تتفق مع الجيش يقلب الحكومة و تاااااني نرجع للمربع الاول و ما تقول لي دستور لانو لا احزاب الاسياد ولا الجيش بيقيف في وشهم دستور و ما تقول لي الشعب دورو شنو لانو احنا شعب الولاء بتاعو للقبيله او الحزب لكن ما للسودان و النخب السياسية في السودان اتفقت علي ان لا تتفق و النخب دي ما جاية من بره جايه من الشعب علشان كدا مافي نظام حكم ينفع الا تطبقو لينا حكومة محترفين دوليين .. . قصه مجغمسه و مدغمسه ... اما استراليا ممكن يتنفذ فيها اي نظام حكم حتي الشريعة ممكن لانو مشاكلنا الفوق دي ما عندكم .... معليش هضربت زول نعسان و متشائم لابعد درجة .تصبح علي خير