انما تاسي علي الحب النساء!

Quote: تعرفي يا تيسير بعد التحية انا قلت كدا من باب المجاملة وهي - أي المجاملة - إحدى أكبر عيوبي .. أسأل الله أن يخلصني منها أنا كنت بفسر قصة انو (نقلتي) لأنو الزول دا دائما ما ينقل المواضيع، ونادرا ما يكتب حاجة من بنات أفكاره كنت بعزي الحكاية دي إلى أنو ربما يكون غير موهوب في الكتابة الابداعية وخلافها من انواع الكتابات الأخرى ورغم ذلك كنت (مرات) بقول انو قاريء جيد ... لكن تعرفي تداخلك هنا ذكرني ببهتانه لك في بوست المعيار بخصوص قصة المغربية بتاعة محسن، وعجزه عن إثبات دعواه (الباطلة) ضدك .. وتفسيري للحكاية دي ما بطلع من أحد أمرين : 1/ الزول دا قدراته في القراءة ضعيفة ككتابته 2/ أو، (ربما تكون) قدراته في القراءة عالية ولكنه مدلس!! يا ريت الحبشي يخرج عن صمته ويجي يورينا هو من ياتو صنف من الاتنين ديل هل هو أحد الذين يقرأون بآذانهم أم هو من أهل التدليس (والعياذ بالله) ، كما انتهز هذه السانحة وأتقدم له بطلب أرجو أن يقبله شاكراً وهو، إضافة اسم الاخت تيسير الى قائمة الأشخاص الواجب الإعتذار لهم؛ وأذكّره بالاسماء : 1/ خضر حسين خليل 2/ شخصي الضعيف 3/ تيسير عثمان عووضة 4/ ؟؟؟؟؟؟

قدراتو الكتابية دي ما بعرف عنها لكن لو قرايتو ياها الشايفنها دي يبقى دون المتوسط زاتو كتير ..

وأنا طبعاً برجح التانية بدون تردد!
لأنو زول كل موهبتو في الدنيا هي تصيد و"إجتزاء" الكلام والمواقف عشان يبتز بيها الآخرين ..

بعدين يا وهبة بهتان الحبشي لي في بوست المعيار أنا تغاضيت عنو لسبب واحد بس، عشان يبقى شاهد للدنيا والزمان على تدليس وعدم أمانة الحبشي وسكات كتيرين جداً في الوقت داك عن قول الحق والغريبة إنهم من البينادوا بالنزاهة وعدم بهتان الآخرين !! الناس البتقرا وتصفق ليهو وبتقول إنو ذكي ولماح وبتاع قنطرة حيعرفوا ولو بعد حين إنو قنطرة بالتلفيق وتوهم المواقف دي ما دايرة ليها أي حرفنة ولا عظيم قدرات ..
والناس البيعجبهم شغل الحبشي ويفشهم في خصومهم ماخدنها من ناحية إنو بيعمل الما بيقدروا يعملوهو هم سواء لأسباب تتعلق بالأخلاق "في ظنهم" أو لأسباب تتعلق بالقدرات الحلزونية و إعتقادهم الراسخ في حرفنة الحبشي المزعومة، ويجوا يقولوا ليك يكشف أو يعري تناقض التقدميين، الكلام دا صاح في حال إنو بيبني تعريتو دي على مقارنة نزيهة وأمينة لموقفين متناقضين من نفس الشخص/الأشخاص مش تقعد تقص وترص من راسك وتلتق ظنونك وأوهامك مع الحقيقة الأصلية وتبيع للناس الصفيح على إنو دهب ..

الغباء والجبن صفتين لو واحدة فيهم بقت في الزول يبقى حقو وحق المعاهو راح فما بالك لما يجتمعوا الإتنين في زول واحد !


شكراً ليك لأنك قلت الحق
ولو على الإعتذار أنا ما محتاجة ليهو
لكن حقي العند الحبشي وبهتانو لي ما بعفيهو ليهو لمن أدخل تحت التراب ..




ـــــــــ
أها نرجع لموضوعنا