ياهشام هباني أنا مشيت المؤتمر الوطني بالباب ومرقت بالباب !!!

Quote: .طيب كدي خلينا نتكلم كلام موضوعي ومفيد أنا اول حاجة ماقلت في مانع او حرج في العمل في جهاز الأمن وجهاز الأمن زيو وزي اى جهة تانية فيهو الصالح والطالح ومافي دولة في الدنيا ما عندها جهاز أمن بس انا ماشغال في جهاز الأمن ودي نقطة خلافي معاك ، وتعرف ياهشام اسواء قرار اتخذته انا والعديد من ضباط الشرطة اننا تركنا الشرطة او اتحنا الفرصة لهم لدفعنا لترك الشرطة ماكان مفروض نمشي وكان مفروض نقعد ونشتغل بالشغل البنعرفو واتعلمناهو في الكلية اذا رفدونا دي يبقي موضوع آخر بمعني انا واخرين في الشرطة او في غيرها ساهمنا بشكل مؤثر في التمكين الذي حدث فالطبيعة لاتقبل الفراغ والفراغ الذي تركه تسرب غير المنتمين الى المؤتمر الوطني من القوات النظامية والخدمة المدنية اعطاهم الفرصة لبسط المزيد من السيطرة والتمكين !!! اما موضوع مشاركة الحزب الاتحادي الاصل فصراحة انا كنت مؤيد لها بشرط ان تكون مشاركة حقيقية فاعلة وعندي بوستات هنا بتحمل نفس المضمون ده لكن انا غير راضي اولاً عن الطريقة التى اتخذ بها قرار المشاركة. ثانياً : العناصر المشاركة وطريقة اختيارها ثالثاً : المردود من المشاركة بعد اكثر من سنة رابعاً : الاستمرار في المشاركة واعتقد ان على الاتحادي الاصل اما ان يشارك مشاركة حقيقة تنقذ ماتبقي من الوطن او ينسحب الليلة قبل بكرة !!!!!!