|
Re: هل من حلول لإجازة المغترب الرايحة شمار في مرقة ؟؟؟ (Re: Mohammed Abuzaid)
|
اولا جهاز المغتربين دا لايقدم اي خدمة او اي تسههيلات للمغترب نظير المبالغ المدفوعة ...مجرد نهب صريح في مقابل حصولك علي التاشيرة ...اي شخص يعرف جيدا انة لولا الضرورة لما اراد الدخول الي هذا المبني العشوائي ...الاجراءت معقدة بدون داعي عايزينك تمشي تدفع لكل زول في محلو تمشي ناس الخدمة تدفع وترجع تدفع لناس الزكاة والضرائب والخدمات وتمشي تصور الورق وبطاقة الخدمة وتفتش اورنيك التاشيرة وتدفع ..ولاحظ دايما المبلغ البتدفعو اكبر من قيمة الايصالات ..كم جنية كدا من كم زول مافارقة المهم تتخارج..وممكن جدا جوازك يطلع باقي ليهو شوية يقول ليك لازم تجددو وترجع تاني دوامة طويلة وترجع الضابط عشان يصدق وتمشي تدفع وتمشي الضابط الجنبو وتاني يطلع مفاجاة جديديدة مثلا ذي اسمك محظور وتقعد تلف تاني وتضطر تفك قروش تمشي البنك جوة تلاقيهو مقفل قاعد جنبو بنتاع عملة بسفة كبيرة يفك ليك واظرف حاجة عاملين بطاقة ضريبية تمشي لكل ناس في محلهم (عادة بكونو نايمين في كراسيهم..او بتونسو في بكاء فلان) تطلع سلم ازكاة وترجع تحت الخدمات وتاني الضرائب سلم اخر ....والبطاقة مدتها سنتين ولما تخلص تدفع عشان تجددها وعن تجربة مابتفيدك اذا نسيت ايصالاتك ....باختصار عالم تاني ماعندو علاقة بالمهنية ولاحتي مواكبة للانترنت والتقدم الحاصل في العالم نفس الاختام الكتيرة والورق والتكرار ....رغم ذلك اقول انو في تحسن وتسريع في الخدمة من زمان ...يعني زمان كانو في المدرسة بجلدونا بالخرطوش ومع تقدم الزمن صدر امر من الناظر بالجلد فقط بسوط عنج ..تحسن برضو!!!!!!
|
|
|
|
|
|
|
العنوان |
الكاتب |
Date |
هل من حلول لإجازة المغترب الرايحة شمار في مرقة ؟؟؟ | Mohammed Abuzaid | 02-09-13, 05:58 PM |
Re: هل من حلول لإجازة المغترب الرايحة شمار في مرقة ؟؟؟ | ولياب | 02-09-13, 06:16 PM |
Re: هل من حلول لإجازة المغترب الرايحة شمار في مرقة ؟؟؟ | Mohammed Abuzaid | 02-09-13, 06:31 PM |
Re: هل من حلول لإجازة المغترب الرايحة شمار في مرقة ؟؟؟ | Hani Arabi Mohamed | 02-09-13, 06:45 PM |
Re: هل من حلول لإجازة المغترب الرايحة شمار في مرقة ؟؟؟ | Mohammed Abuzaid | 02-09-13, 06:57 PM |
Re: هل من حلول لإجازة المغترب الرايحة شمار في مرقة ؟؟؟ | Mohammed Abuzaid | 02-09-13, 06:52 PM |
Re: هل من حلول لإجازة المغترب الرايحة شمار في مرقة ؟؟؟ | ولياب | 02-10-13, 08:50 AM |
Re: هل من حلول لإجازة المغترب الرايحة شمار في مرقة ؟؟؟ | Mohammed Abuzaid | 02-10-13, 10:31 AM |
Re: هل من حلول لإجازة المغترب الرايحة شمار في مرقة ؟؟؟ | Mohd Ibrahim | 02-10-13, 02:20 PM |
Re: هل من حلول لإجازة المغترب الرايحة شمار في مرقة ؟؟؟ | Mohammed Abuzaid | 02-17-13, 10:54 AM |
Re: هل من حلول لإجازة المغترب الرايحة شمار في مرقة ؟؟؟ | Salah Ahmed Eisa | 02-18-13, 10:13 AM |
Re: هل من حلول لإجازة المغترب الرايحة شمار في مرقة ؟؟؟ | جمال ود القوز | 02-18-13, 10:18 AM |
Re: هل من حلول لإجازة المغترب الرايحة شمار في مرقة ؟؟؟ | Mohammed Abuzaid | 02-18-13, 12:16 PM |
|
|
|