نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: محمد المكى ابراهيم: ياسر عرمان أخذ مقعده فى التاريخ (Re: الشفيع وراق عبد الرحمن)
|
الشفيع سلامات ومساك الله بالخير..
Quote: والداير يسقط حكومة ما بيجري ويركض ويوسط للمفاوضات |
وحركتنا تجرى وتركض ليه؟؟؟ الحركة تقبض بزمام الامر على أرض المعركة وتسيطر على 80% من ولاية جنوب كردفان و 25% من النيل الازرق.. ان كان هناك ما يقلقها هى الاوضاع الانسانية ومنع الحكومة من وصول الاغاثة للمتضررين.. المفاوضات حكومتكم تسعى لها سراً وترفضها جهراً.. يعنى (النفيسة فيها والقليب مابيها).. وعلى كل تسعى الحركة لاسقاط النظام وهذا حق مشروع للمعارضة طالما النظام القائم جاء بانقلاب وتقول على الديمقراطية واقام دولة شمولية وصادر الحريات واسعبد العباد.. وبالطبع التفاوض وسيلة من الوسائل المتاحة لوقف الحرب وحقن الدماء ان جنح نظامكم للسلم بالتأكيد سيجنح الاخرين لها.. اها يا الشفيع ده ما كلام عقل؟ عشان تقدر تاخد وتدى معاى؟ احترامى
| |
|
|
|
|
|
|
Re: محمد المكى ابراهيم: ياسر عرمان أخذ مقعده فى التاريخ (Re: إحسان عبد العزيز)
|
Quote: اها يا الشفيع ده ما كلام عقل؟ عشان تقدر تاخد وتدى معاى؟ |
بكضب عليك يا احسان لو قلت ليك كلامك ده بيدخل عقل زول فيهو باقي مخ
هسه، وعشان نمشي قدام حددوا لينا دايرين تفاوضوها ولّ تقلعوها من جذورها وترموها في الزبالة ولامن تتفاوض مع زول، بيعني انك اقريت بي شرعيتو وطالما اقريت بي شرعيتو لا يجوز تقلعو ولّ انا غلطان!!!!
| |
|
|
|
|
|
|
Re: محمد المكى ابراهيم: ياسر عرمان أخذ مقعده فى التاريخ (Re: الشفيع وراق عبد الرحمن)
|
Quote: الحركة الشعبية: السفير "أبو حليمة" يتحدث بـ (لسان) المؤتمر الوطني كتب: جاتيكا أموجا أبدت الحركة الشعبية لتحرير السودان- شمال أستغرابها من تصريحات ممثل الجامعة العربية في الآلية الثلاثية السفير أبو حليمة،وقالت أن أبو حليمة أصبح يتحدث بلسان المؤتمر الوطني،وجددّت الحركة الشعبية التزامها بمذكرة التفاهم والمبادرة الثلاثية. وقال عضو وفد التفاوض ومسئول الشئون الانسانية بالحركة الشعبية نيرون فليب أجو في تصريحات صحفية أن نظام الخرطوم رفض السماح للمنظمات الانسانية دخول مناطق سيطرة الحركة الشعبية،وذاد" حكومة الخرطوم رفضت حتي دخول المنظمات لمدن مثل " كادوقلي" والدمازين"،ووصف أجو تصريحات أبو حليمة بـ (مذايدات) وقال أنها تشكل موقف المؤتمر الوطني ولا ينبغي أن تأتي من شخص يفترض أن يكون "محايد" مثل السفير أبو حليمة،وأكّد أجو تنصل المؤتمر الوطني من المبادرة الثلاثية واضاف" رفض المؤتمر الوطني الجلوس مع الحركة الشعبية للتوقيع علي اتفاق آليات يسمح للمنظمات بإيصال المساعدات الانسانية للمتضررين،وأشار الي أن وقف العدائيات منصوص عليه في المبادرة الثلاثية. وجدد أجو التزام الحركة الشعبية بالدخول في أي مفاوضات من شأنها إيصال المساعدات الانسانية للمنطقتين. |
اها يا الشفيع عرفت الحركة الشعبية عايزة تفاوض فى شنو؟ وتفاوض لاجل الاوضاع الانسانية ليس بالضرورة ان تقر بشرعية الطرف الاخر.. المؤتمر الوطنى يقبض على البلاد والتفاوض معه ضرورة لاجل الانسان السودانى بالرغم من عدم شرعيته.. واسقاطه واجب وطنى ومسئولية تاريخية تقع على عاتق الشعب السودانى وبالطبع الحركة الشعبية كجزء أصيل من هذا الشعب
| |
|
|
|
|
|
|
Re: محمد المكى ابراهيم: ياسر عرمان أخذ مقعده فى التاريخ (Re: الشفيع وراق عبد الرحمن)
|
Quote: هل افهم من كلامك انك ضد التفاوض السياسي مع الحكومة خلا الامور الانسانية؟ وانك ح تعلني تبرؤك من الحركة الشعبية في حال دخولها اي مفاوضات فيما يخص الامور السياسية؟ |
عليك الله يا الشفيع اسى ده كلام عقل دة!!!!!!! الحركة الشعبية بالنسبة لى مبادئ وقناعات ومواقف.. التبرؤ غير وارد وان اختلف الموقف الحزبى مع وجهة النظر الشخصية.. الحوار والحل السلمى واحد من اليات الحلول المتبعة فى مناطق النزاعات فى العالم باكمله ونحن جزء من هذا العالم ، قد تبدو الاولوية للاوضاع الانسانية وقد يتطور الحوار ليشمل محاور أخرى.. اى حديث فى هذا الشأن وأى إجابة على سؤالك تعتبر قفز فوق الحواجر وكلام سابق لاوانه.. ولاّ دى جرجرة منك يا الشفيع.. تحياتى
| |
|
|
|
|
|
|
Re: محمد المكى ابراهيم: ياسر عرمان أخذ مقعده فى التاريخ (Re: إحسان عبد العزيز)
|
Quote: الحركة الشعبية بالنسبة لى مبادئ وقناعات ومواقف.. |
ده ما ياهو كلامي ذاتو يا احسان مبادئ الحركة هي عدم التفاوض مع الحكومة قناعات الحركة هي اسقاط الحكومة مواقف الحركة هي الحرب والحرب فقط
Quote: الحوار والحل السلمى واحد من اليات الحلول المتبعة فى مناطق النزاعات فى العالم باكمله ونحن جزء من هذا العالم ، قد تبدو الاولوية للاوضاع الانسانية وقد يتطور الحوار ليشمل محاور أخرى.. |
ما تلخبطي الكلام زي عرمان الما فاهم حاجة النزاعات في النيل الازرق وكردفان ودارفور ما ليها ايتها علاقة بالحركة عرمان متلصق فيها ساي و زي ما قال ليك ود القوز "يتأوه من وجع لا يحسه" المفروض الحركة حزب قائم بي ذاته وعندها برنامج لي كل السودان موش تمشي تتلصق محل النزاعات وتعمل خوتة في الفاضي
احسان لامن ترقدي بالليل عشان تنومي ما بجيك تانيب ضمير؟ موش ممكن تكوني ماشة في اتجاه خطأ؟ وممكن يكون بيتم استغلالك، والبتسوي فيهو ده الغرض منه تأطير لتقسيم تاني للسودان؟ عليك الله اقعدي وفكري بي رواقة، وانسي كل تاراتك المع الانقاذ وفكري في السودان البلد القطر واسترجعي نيفاشا1 واستفيدي منها للعبر والتاريخ وانت الان بتنادي لي نيفاشا2 انا من داخلي والله متأكد انك نيتك صافية وما بتجري زي كتيرين لي مصالح شخصية فـ أقيفي شوية وفكري وقيمي ولو لقيتي نفسك متأكدة انك ماشة صاح ومواقفك فايدتها للبلد "مؤكدة" واصلي وربنا يسدد خطاك
| |
|
|
|
|
|
|
Re: محمد المكى ابراهيم: ياسر عرمان أخذ مقعده فى التاريخ (Re: الشفيع وراق عبد الرحمن)
|
اولاً.. شكراً يا الشفيع لتقييمك لشخصى الضعيف..
Quote: عليك الله اقعدي وفكري بي رواقة، وانسي كل تاراتك المع الانقاذ |
ثانياً: أنا ما عندى تارات شخصية مع الانقاذ وتاراتى هى تارات الوطن الذى مزقته الانقاذ بالحروب والفتن والانفصالات التى لن تقف عند حد الجنوب فحسب.. تاراتى مع الانقاذ تار امهات مطرودات الى الشارع من مستشفى حكومى وهن يحملن أطفال مرضى (اخر أحداث وأخباث الحكومة: اغلاق مستشفى جعفر اب نعوف للاطفال).. تاراتى تارات وطن مورست عليه اقسى انواع الذل واستغلال ونهب الوارد ليبقى فى جوعه وجهله وتعاسته.. تاراتى تارات وطن هتك نسيجه الاجتماعى باسم الدين وغزته مظاهر فساد اخلاقى لم يعرفها قبل الانقاذ فاغتصب الاطفال حتى الموت وتحولت الظاهرة من افعال فردية الى ظاهرة اجتماعية تهدد المجتمع وغزت المدارس وتطالعنا الصحف باخبار الاغتصابات الجماعية التى تمارس بواسطة من يفترض انهم حماة التربية والتعليم (المعلمين) فى المدارس الخاصة التى روج لها النظام وجعلها بعدد بائعى الموية فى الوطن العزيز.. تاراتى يا الشفيع تارات العطاله من الشباب حاملى الشهادات ومتسكعى الشوارع اما لبيع الجرايد او او او او .. تاراتى تارات وطن منهوب وضح النهار باسم الدين..Quote: وفكري وقيمي ولو لقيتي نفسك متأكدة انك ماشة صاح ومواقفك فايدتها للبلد "مؤكدة" واصلي وربنا يسدد خطاك |
وانت برضو يا ود الشيخ فكر فى حال البلد ولو لقيت انك صاح وبتدعم فى نظام عادل وخايف الله وما فاسد وما بايع البلد وما بانى القصور فى ماليزيا ودبى وغيرها من مدن العالم الاول على حساب شعب مقهور ومظلوم وجائع والكثير منه (عطشان).. واصل.. علنا نلتقى فى نقطة تجمعنا معاًعلى كلمة سواء.. اكرر شكرى وفائق إحترامى لحوارك الثر وكلماتك الطيبة.. وفقنا الله جميعاً لما فيه خير هذه الامة حفظك الله
| |
|
|
|
|
|
|
|