السؤال المهم : هل تجد كل المشاكل حلها في الزواج الاحادي ؟ ماذا عن موضوع مثل الخيانة الزوجيه علي سبيل المثال ؟
تقدم المبادرة ادناة محاوله لحل المشكله من خلال مايدعي بالزواج متعدد الاطراف
Quote: تقرير: ميشيل هويبنك / يقوم الفنان التشكيلي فرانسيسكو كاماتشو بحملة في هولندا من أجل إسباغ الشرعية على "الزواج الجماعي" الذي يعني اقتران أكثر من شخصين معاً. و يصرالفنان الكولومبي على أن ذلك الزواج مختلف عما يمارس من "تعدد زوجات" في بعض البلدان الإسلامية. "كمواطن(أو مواطنة) حر: ينبغي أن تكون قادرا على اختيار عدد الأشخاص الذين تريد العيش معهم " يصرح كاماتشو- 30 عاما بعزم. كان يرتدي قميصا أبيضا يحمل نصا يقول "نعم نريد!"، إنه يجمع التوقيعات في شوارع أمستردام على عريضة سيسلمها للبرلمان الهولندي في سبتمبر أيلول المقبل.
من وجهة نظر كاماتشو فإن الزواج الأحادي- أي اقتران شخصين فقط من نوعين مختلفين بزواج- هو إرث من زمن مضى، كان الدين فيه هو القوة الفاصلة بالمجتمع. ولكن الزمن تغير. "الناس من أبناء جيلي لديهم علاقات مفتوحة لا يمكن تأطيرها في العباءة المحدودة للزواج الأحادي. ومجتمعنا الحالي هو أكثر تنوعا، بمختلف فئاته، من الهيبيين والمسلمين والمثليين جنسيا فكلهم راغبون في تكييف حياتهم على طريقتهم الخاصة. "وينبغي للتشريعات أن تستوعب هذه الاحتياجات بدلا من قمعها. ويعتقد كاماتشو أن " هذا المشروع يدور بالأساس حول "مدى توفير الدولة الحرية لمواطنيها."
وتعد مبادرة "الزواج بأكثر من شخص معاً" جزء من مشروع فني كبير في أمستردام بعنوان "اسمي سبينوزا" *
ويوضح كاماتشو أن "الفيلسوف سبينوزا كان من أوائل المدافعين عن نموذج الدولة التي لا تفرض القواعد الدينية عن مواطنيها" واتسمت بعض ردود الفعل على هذه الحملة بالتشاؤم. "مستحيل" يقول أحدهم، "سيصبح كل طرف في هذا الزواج غيورا من الآخر وعليه " ولكن كماتشو قابل العديد من الناس ممن يعيشون بالفعل مع آخرين في ما يسمى بـ"العلاقات العاطفية المتعددة". ويقول "يفعل بعض الناس ذلك لأنهم تعبوا من إخفاء مغامراتهم ( العاطفية) الخارجية عن بعضهم البعض، والبعض الآخر يريد تربية طفله مع أكثر من شخصين، هؤلاء الناس غالبا ما يواجهون كثيرا من المتاعب حتى يتقبل المجتمع اختياراتهم، وحتى تعترف بهم البيروقراطية الهولندية".
أبدى بعض الهولنديين المسلمين قدرا من الاهتمام بهذا المشروع. ففي برنامج تلفزيوني بث مؤخرا، ناقشت الصحافية المغربية سميرة الكندوسي مزايا تعدد الزوجات. وهي تعتقد أن الشعب الهولندي منافق لحد ما؛ فمن الناحية الرسمية لا يسمح بتعدد الزوجات، لكن وفقا لأحدث البحوث فإن 40% من الناس يخون شريكه أو شريكته. ومع القاعدة الإسلامية التي تسمح للرجل بتعدد الزوجات، فإن الرجل على الأقل يمكنه ممارسة الطبيعية التعددية لديه دون اللجوء إلى السرية.
وتعتبر الكندوسي كاماتشو حليفاً لها، ولكنه يوضح أن المشروع هو شيء مختلف عما يلي : "تعدد الزوجات في الإسلام ، يعني أن يحق للرجل أن يتزوج عددا من النساء، واللاتي لا يتمتعن مثله بنفس هذا الحق، في حين أن الزواج المتعدد الذي نقترحه يعني أن كل طرف فيه متزوج من الآخرين ككل، وأن الجميع يتمتعون بنفس الحقوق "، ومع ذلك لا يعارض كاماتشو استفادة الرجال المسلمين الهولنديين من القانون الذي يقترحه ليتزوجوا بعدة نساء" سيكون هذا رائعا. وإذا فعلوا ذلك وفقا لاقتراحنا، فسيكون للمرأة نفس حقوق الرجل، وسوف يكون الجميع على قدم المساواة "!
وقد اشترك كاماتشو نفسه مؤخراً في زواج رمزي مع شريكين: رجل وامرأة. لقد وجدوا مختصا بالتوثيق حرر لهم عقدا بموجبه يصبح ثلاثتهم متزوجون كل من الآخر على قدم المساواة. وبوجود مثل هذا العقد فسيشرعون الآن في دعوى قضائية ضد الدولة الهولندية. ويقول كاماتشو : "أريد أن أرى ماذا سيقول القاضي عندما نطالب بموجب هذا العقد بنفس الحقوق التي يتمتع بها غيرنا من المتزوجين"
ولكن ما الدافع وراء حملة الفنان الكولومبي تلك لتغيير القانون في هولندا؟ في الواقع، وكما يقول، فإن هذا المشروع يدور حول الحب الحر. "الحب حر، بطبيعته. لا يمكنك تطويعه في إطار، وإذا كنت تريد أن تتحكم في الحب وتضعه في قالب من الأحكام \القواعد القانونية، فإنه يجب أن تكون هذه الأحكام \القواعد حرة ومفتوحة، تماما مثلما الحب نفسه "
إعلان "اسمي سبينوزا" الفني هو مبادرة من مؤسسة فن في الفضاء العام (SKOR) والذي يعقد في أمستردام ما بين مايو أيار وسبتمبر أيلول. ويعتزم توفير أماكن عرض لفنانين ومؤسسات ثقافية وأفراد من الجمهور بما يسمح لهم باستكشاف متجدد للأهمية المعاصرة لأفكارسبينوزا الفلسفية.
معليش سيناريوهاتي بقت كتيرة ولكن نظرا لأن الموضوع يستحق تقليبه على نار عدة سيناريوهات ، فلا بد من مواصلتها وإليك هذا المشهد من إحدى فصول مسرحية من لُب الموضوع :
***
الزوج رقم واحد ( وهو أكبر الآخرين سنا ) يطرق باب الزوج رقم 3 لأنه مُكَجِّن رقم 2 ( غريمه الأولاني ) يفتح رقم 3 الباب : أهلاااااان ، إتفضل رقم 1 : شكرا مستعجل ، المدام بضرب ليها في الجوال ، بس بيجيني رد إنو مقفول. و رقم 2 دة أنا ما سألتو رغم إني قابلتو حسع في الشارع ربنا يغطس حجرو . هي مش كانت بايتة عندك أمبارح؟
رقم 3 ( يضحك حتى بانت نواجذه وأشياء أخرى ) : حليلك يا أب ضمير، المدام في ماليزيا في شهر العسل مع الرابع، إنت ما عندك خبر؟ والليلة بتاعتي وعدتني تعوضا لى دبل لما ترجع. رقم واحد ( يقف فاغرا فمه ) : لو عندي خبر بسعلك؟ ودة منو دة ؟ رقم 3 : دة ما فلان .... رقم 1 : لا حول ولا قوة ، دة لكن مش أصغر منها ؟ رقم 3 : أصغر ولا أكبر ، هي كمان بيسألوها دة ليه وداك لشنو؟ هي مش إتزوجت رقم 2 ال قدُر أبوها؟ رقم واحد يجرجر أذياله ويعود القهقرى. في خلفية المسرح أغنية تتردد : كايدة العُزّال أنا من يومي
وإلى مشهد آخر من مسرح الأربعة إمعانا في كيد العزال
Quote: أبدى بعض الهولنديين المسلمين قدرا من الاهتمام بهذا المشروع. ففي برنامج تلفزيوني بث مؤخرا، ناقشت الصحافية المغربية سميرة الكندوسي مزايا تعدد الزوجات. وهي تعتقد أن الشعب الهولندي منافق لحد ما؛ فمن الناحية الرسمية لا يسمح بتعدد الزوجات، لكن وفقا لأحدث البحوث فإن 40% من الناس يخون شريكه أو شريكته. ومع القاعدة الإسلامية التي تسمح للرجل بتعدد الزوجات، فإن الرجل على الأقل يمكنه ممارسة الطبيعية التعددية لديه دون اللجوء إلى السرية.
02-09-2013, 08:09 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
د. نبراس !! تصدقى ما شفت مداخلتك فى البوست دا الا هسه ؟ لك العتبى ياخ .. لكن للحقيقة من اجمل المداخلات غزت قلبى لووووووب .. وبالمرة كدا الكزى لينا البارتينر بتاعى دا معاك .... انتى مش فى امريكا !! للبرالمة :: البارتنر يعنى الفرده !! سمح ؟؟
عبد القيوم سعد نعمل ليك علامة برلوم اعجبنى شديد ياخ !!
ابو جهينة !!!
Quote: رقم واحد ( يقف فاغرا فمه ) : لو عندي خبر بسعلك؟ ودة منو دة ؟
بتخيل لي كده يادوب المراة ح تكون سلعة لانو البريضى انو يعرس مرة متزوجة ما اتى لحوار وعايز يمشى امورو بي اقل الخسائر لارضاء غريزته وليس تكوين اسرة وبيت ده اخلاقيا
المشكلة يا قيقا انو ناس البوست دا بعاملونا انا وانت كأننا مشجعين زواج المرأة من 4 لا ... نايس تراى يا جماعة احنا (شفت نون النحل دى بقلب قوى بكتبها) نحنا ختينا عرس المرأة بى 4 دا عشان يكون صادم للعقول الذكورية ويحاولوا مجرد محاوله ان يقيسوا المسألة دى بزواج الرجل .. لعلها تظهر لهم بعض التقزززات ويعترفوا ... لكن الجماعة راكبين راسهم لسه .... الزول ذاتوو سلامات ... مشتاقين .. يعنى الراجل البعرس 4 داك جا لحوار ؟؟؟
ـــــــــــــــ تحياتى للماضل الجد جد قيقا ... وصدقت الخنساء .. فهو غير صالح للاستعمال ...
02-10-2013, 11:47 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22492
Quote: ختينا عرس المرأة بى 4 دا عشان يكون صادم للعقول الذكورية ويحاولوا مجرد محاوله ان يقيسوا المسألة دى بزواج الرجل .. لعلها تظهر لهم بعض التقزززات ويعترفوا ...
انتو دايرين تغالطوا الله في حكمتو ؟!!
اما والله قوة عين عجيبة ! وكمان تقززات ؟! وخاتا ليها تلاتة زينات امعانا في التقزز
Quote: الزوجة أم أربعة أزواج دي ، أها لو بعد كل ولادة أثبتتْ النسب بالآلية ديك : دة أبو فلان ودة أبو علان ودة أبو فرتكان وداك أبو فلانة حسب ذمة ال DNA،
إذا سلمنا ال DNA بيثيت الأبوة. كيف يمكن التحكم فى أن الزوجة ستحمل من أزواجها الأربعة، فإحتمال تحمل سته أو سبعة مرات وتنتج أطفال أبوهم واحد أو إثنين أها الأزواج السنارتهم ما غمزت فى زحمة تعددية الكورنر المرفوع يعملوا شنو؟ .. يدخلوا فى نفسيات ، أم إتهام الزوجة أنها قاصدة ما تحمل منهم .. ! وتدخل فى حرمة إن لم تعدلوا فواحد !
كما قالت دينا بايولوجياً المرآة الأكثر قدرة على ميكانيكية تعدد مثنى وثلاث ورباع .. ولكن هل تصاحبها إستجابة العواطف أم تؤدى التعددية للإقلال من متعتها؟ وأيضاً تدخل فى عدم الإستطاعة أن تعدلوا فى العواطف والسرير ومقدمات اللذى منو دخان ريحة ووو (الأسيوى الدينه يسمح بمشاركة الأخوان لزوجة واحدة قتل أخيه لأن الزوجة المشتركة لم تعدل فى هذه الناحية) . كما ثبت علمياً أن المرآة ما تستقبله من سائل الرجل يبقى أثره فى جسمها لأشهر، وتعدده من رجال له أضرارا على صحتها.
ومن ناحية جندرة قد تحس بأنها صارت وعاء للمتعة يقضى فيه أزواجها الأربعة حاجتهم ، ومفروض عليها إنتاج ذرية لهم جميعاً، إحتمال 10 ولدات ما تحلها وستكون وظيفتها فى الحياة واحدة السرير والولادة وتربية جيش أطفال .. لو صحتها ما بتساعدها ولمشوار 15 _ 20 سنة مشكلتها مشكلة المرأة التى تبغى فى تعدد الأزواج محتاجة لإختبار لياقة أصعب من إختبار كوبر ! فى حين المرآة التى لها زوج واحدة بتمشى حالها ولدة ولدتين كفاية
تضامنى مع المرأة المفروض عليها تعددية الأزواج .. أعيدوا للمرأة حريتها وكينونتها وحقها فى الإكتفاء بزوج واحد!
تحياتى لدينا وزوارها
ــــــــــــــــــــــــــــــــــــــــــــــــــــــــــــــ والمرأة زوجة الأربعة .. حتفتقد ممارسة النقة .. وطلقنى بتقدر على نقة الأربعة أزواج ؟
انا بعبد الاوجد النص .. لكن عشان اعبد الاوجد النص المفترض التزم بما اوجد من نصوص او على الاقل ياخي القى ليها تفسير تاني بدل ما اقوم ارفض التفسير العاملين بيهو ( الامة التي لاتجتمع على باطل) وما اجيب اي تفسير بديل ! او على الاقل ياخي لو ماعايز اجيب تفسير ولا اقبل التفسير المتوفر حقو ما اسخر على الاقل او اقول عليهو تقززز بزاءات ثلاثة !
بعدين ماتنسى انو الرسول صلى الله عليه وسلم كان معدد في الزواج ! واظن انو المسلمين عددو في الزواج قدام عيونو ومامنعهم .. يبقى الاعتراض على شنو ؟ وصف حاجة عملها النبي حتى لو ماكانت سنة بانها مقززة فيهو عدم تأدب مع النبي ياقيقا او على الاقل شبهة .. انت مالك ومال كده ياخي !
اها انا ماعايز اخوض ليك في قياسات انو ده التفسير الصحيح والكلام الكتير داك وماعندي اعتراض على عدم اقتناعك بالتفسير المتوفر .. وماعندي اعتراض على عدم رغبتك في الاتيان باي تفسير بديل وماعندي اعتراض على سخرية دينا خالد ولا سخريتك ان شملتك ناء نحلها كل الموضوع انا سالتك ... هل تشملك ناء نحل دينا خالد ولا ما هل ؟
ـــــــــــــــــــــــــــــــ غايتو كوني ازنقك انت بي كلام قالتو دينا خالد .. دي حاجة غريبة خلاص هههههههههه
02-12-2013, 07:11 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
فى مشروع الجزيره الزول الما بقدر على حواشتو بشوف ليهو زول يشاركو فيها هو بالارض والشريك بالعمل واحد من اصحابنا مشارك فى حواشته فى ذات ونسه قلت ليهو اها ما داير تدبل ؟ قال لى والله الواحد لو ما بخاف من ربنا كان لحقها الحواشه ....!
02-12-2013, 09:15 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
انا بعبد الاوجد النص .. لكن عشان اعبد الاوجد النص المفترض التزم بما اوجد من نصوص او على الاقل ياخي القى ليها تفسير تاني بدل ما اقوم ارفض التفسير العاملين بيهو ( الامة التي لاتجتمع على باطل) وما اجيب اي تفسير بديل ! او على الاقل ياخي لو ماعايز اجيب تفسير ولا اقبل التفسير المتوفر حقو ما اسخر على الاقل او اقول عليهو تقززز بزاءات ثلاثة !
بعدين ماتنسى انو الرسول صلى الله عليه وسلم كان معدد في الزواج ! واظن انو المسلمين عددو في الزواج قدام عيونو ومامنعهم .. يبقى الاعتراض على شنو ؟ وصف حاجة عملها النبي حتى لو ماكانت سنة بانها مقززة فيهو عدم تأدب مع النبي ياقيقا او على الاقل شبهة .. انت مالك ومال كده ياخي !
اها انا ماعايز اخوض ليك في قياسات انو ده التفسير الصحيح والكلام الكتير داك وماعندي اعتراض على عدم اقتناعك بالتفسير المتوفر .. وماعندي اعتراض على عدم رغبتك في الاتيان باي تفسير بديل وماعندي اعتراض على سخرية دينا خالد ولا سخريتك ان شملتك ناء نحلها كل الموضوع انا سالتك ... هل تشملك ناء نحل دينا خالد ولا ما هل ؟
ـــــــــــــــــــــــــــــــ غايتو كوني ازنقك انت بي كلام قالتو دينا خالد .. دي حاجة غريبة خلاص هههههههههه
نبدأ من حيث انتهى (حديثك) يا غالي .. غالي والطلب رخيص ياخي المافي شنو هو .. انا ودينا حاجة واحدة* .. ولك ان تحاسبني بكلامها لا تثريب عليك اليوم .. ما غريب الا الشيطان
اما بعد
انت يا خالد حصل قريت الاية كاملة، ول متدرع ضنب الككو والمسكوك ليو بوليس الفقه اخوانك بنو عبد الوهاب قلت لي :[الامة التي لاتجتمع على باطل]!!!
كدي ممكن توريني الدخل اليتامى هنا شنو!؟ وهل يجوز نقرأ النص (المقدس) مبتور!؟ مالك قرايتك تشبه لي قراية شيخنا ود الشايقي كدا؟
اذا مر بالايات فتمطق .. وبرأس السبحة طقطق وآخرا قال: يا ويلي من عذاب .. فقد قصرت ف حق (الكتاب) .. ليس عندي غير ثلاث
او نحو ذلك
ياخ دا فهم جامد للنص .. ورغبوي جداً
------
* مرة واحد -صاحبي شديد الغريبة .. الاغرب من بتاعتك- في السودان الشقيق جبنا سيرة سودانيز والكتابة ودينا خالد .. وفي الاخيرة دي القائد خيط الشمار انا كنت.. عقد حاجبي الدهشة وقال لي بحزن واسى يليق: يعني انت ما دينا خالد!؟
Quote: النص القرآني انا مابعرف افسرو .. كدى خليهو لكن الرسول كان معدد .. والصحابة عددو قدامو وما قال ليهم شي والناس دي كلها بتعدد من الزمن داك
اها اسي عشان الكلام يكون مرتب ونبدأ من الاول انت تفتكر رأي الاسلام شنو في التعدد
هل هو حرام حلال مكروه ماظريق مقززززز شنو بالظبط ؟ انت جاوب لي على الجزئية دي ... وممكن تسألني اي سؤال وانا بجاوب ليك لكن ماتسألني سؤال صعب .. اتفقنا ؟
لكن بالجد عليك الله انت مادينا خالد ؟!
الاعمال بخواتيهما .. والحديث حلو من الآخر
ياخي هو انا اطول!؟ زولي داك قلت ليو اذن مفروض الواحد بعد دا يوقف الكتابة .. لمن صعدتوني لمصاف دينا خالد هارسلف!
اما بعد .. ومن الآخر برضو
التعدد مباح .. وفق شروط بالمناسبة انا ود المرا التانية .. وابن سيرين والحسن البصري (على ما اعتقد) لكن تلك امة خلت ..
والرسول كان ما اخاف الكضب كانن تسعة .. تسعى في الخير ان شاء الله لكن هو نبي .. انت نبي .. زي محسن!؟* بعدين انت عايش معانا هنا ول مسجون وجدانياً ومفاهيمياً في القرن السابع؟ او حتى في القرن التاسع عشر او قول العشرين ذاتو!
اقرا التفسير دا واديني النجيضة
Quote:
بالفطرة السليمة رفضت التعدد... و كان الموضوع كالغصة بالنسبة لي. بحثت كثيراَ في الموضوع و ذلك لما فيه من ظلم لايقبل به إنسان لنفسه أو لأهله و هنا أقصد... للنساء الرأي للأغلبية معروف (لكل قاعدة شواذ) للرجال... ما رد فعلك لو قالت لك زوجتك... طلقني ... أنا أحب شخص آخر و أريد الزواج به! أو صرحت لك و الله فلان ده عاجبني ... تصريح و لم تطلب الطلاق. أيضاً للرجال... هل تقبل بالأمر لبنتك, أختك, أمك (ربما تنحاز لأبيك بعض الشئ إذا كان هنالك خلاف عائلي مثلاً) و أعنى القبول هنا... أن الأمر عادي و مابيهز شعرة فيك و لا يزعلك؟
الرجل لا يصرح فقط بل يفعلها و لسان حاله عرفتي ما عرفتي أقعي البحر آخذاَ من الآية أدناه ستراً وغطاء... دون آي جهد للإستبصار (ليه يستبصر ما دام في مصلحته أصلاً)
كم ممن أراد الزواج بأخرى راجَع تفسير الآية و ملابسات نزولها؟ فيا أشقاء الدموع ... المتذرعون بالآية, الله عدل ... هذا يتنافى ومنطقكم لشرعية التعدد!
أكثر تفسير منطقي وجدته للآية (لا أذكر المصدر لطول المدة ):
أن الآية نزلت بعد غزوة أحد وقد خسر المسلمون الكثير من الرجال. ترملت النساء وتيتم الأطفال و أصبحت الأسر من دون عائل. و لسماحة الإسلام في بث روح التكافل الإجتماعي وحماية الأسر من الضياع, كان لابد من وجود وسيلة لإعائلة هذه الأسر. و حتى تُحفظ كرامة الأرامل من تردد الرجال علي دورهم بغرض المساعدة نزلت الآية لتجعل للتكافل شرعية محدودة بحد الزواج. (يعنى عشان الناس ما يشيلوا حس الأرملة من دخول الرجال لبيتها بغرض المساعدة) نزلت الآية لتمنحهم حق شرعي في الكفالة و سد حوجة نساء الشهداء الإنسانية النفسية*. والقسط في اليتامى في الآية مَرَدُهُ إلى أن من يريد الإنفاق على هؤلاء اليتامي و يخاف كلام الناس عن شبهة علاقته بأم الأيتام و يخشى التردد علي بيتهم... أن يتزوجها. و الحد ... رُباع لأن العبء الإقتصادي يطال كل الأُسر إذا كان أكثر من "رباع" . أما "إن خفتم ألا تعدلوا فواحدة أو ماملكت إيمانكم" ... إن خاف الرجل ألا يعدل فعليه الزواج بواحدة فقط أو ماملكت إيمانه (في ذلك الوقت)
هنالك تفاسير مختلفة منها ما يصب في نفس مجرى أصحاب المصالح الشخصية ... بما أن الله خلق الرجل والمرأة وهو العدل ... كيف يستوى عدل الخالق و إعطاء الرجل الحق في الزواج (الخيانة العاطفية) بأخرى من أجل المتعة مثلاً أو مواكبة طبيعة الرجل البايولوجية **(إحدى الذرائع). الأدهى والأمر أن الكثير يجهل هذه الحقائق, وكثير جداً ممن حاورت من الرجال(المعددين وغير المعددين) عن سبب نزول الآية أو إكمال نص الآية (يقف حماره عند العقبة). المشكلة الكبرى في وجهة نظري قبول أنثى أخرى و إشتراكها في الجريمة*** ..........................................
*المجتمع آنذاك صغير جداً و تطبيق الآية الآن و زواج الرجل بزوجة شهيد(محل جدل) لا يستقيم و أسباب النزول... **في مناطق كثيرة من العالم تتزوج المرأة بأكثر من رجل (Polyandry) إذ أن الأمر جزء من ثقافة تلك المناطق. خلق الله هؤلاء النسوة كما خلقنا. فكيف تستقيم هذه الحقيقة (لايعرفها الكثير) و ذرائع مناصري التعدد بأن الله حلل التعدد ليواكب طبيعة الرجل البايولوجية؟ ***جريمة لتبعاتها الإجتماعية والنفسية علي الأسرة إبتداءاً من الأم الضحية الأولى... حيث إغتيلت وجدانياً (عاوزين محكمة للوجدانيات) :) وحتى إذا توفرت المادة... صعب توفر العواطف و جو المودة الصحي لتنشئة الصغار (و ليه يدفعوا ثمن نزوات أباءهم)...
Re: دعوة للحوار هل تعتقدون زواج الرجل المتزوج من امراة اخرى خيانة؟
فردوس جامع
-------
* في (غصة) مهدية محسن وافتشال نبوءته دي اكتر ما احزنني الشاكوش الاخدتو (ام الحسين) الفي صعيد مصر ديك ..
الزول دا عرسوا ليو .. دا مرض حامد الذي لا اخطئي غرته ابداً .. مافي شيطان ولا حاجة
ما بلنقى لينا فدائية حداكم يا غالي تنتحر فيو ولها أجر مجاهد؟
طالما مباح يبقى خلاص .. لكن الشروط دي لو تم الاخلال بها هل بيبقى مامباح ؟؟ ومن ثمة المعيار شنو للاخلال بشرط العدل ده ؟
غايتو ماعارف لكن وعلى الرغم من الغصة التعدد مباح وبعد مية سنة الغصة حاتكون بقت عبرة عديييل لكن برضو حايكون مباح ما اظن التطور بتاع المفاهيم + التفاسير ممكن يصل الدرجة دي من البجاحة وقوة العين لمن يحرم ليهو حاجة زي دي ههههههههه
بعدين انت ماشفت الشاكوش الصحي صحي عندي واحدة صاحبتي كنت بتونس معاها .. بعدين جبنا سيرة الموضوع داك وهي ماكان عندها خبر وفي نفس الوقت سودانيز مابفتح معاها اها قمت قعدت اقرا ليها في الكلام ... لمن وصلت جزئية ام الحسن دي قالت لي : سجم امي !! قلت ليها مالك ؟؟ كيفن سجم امك ؟ قالت : ان شاء الله يايمة ده شاكوش العدو ... الزول ده المفروض حايعرسني انا هههههههههههه
وبالمناسبة دي ثمة بعض الحركة في بوست زهرة الغرق حقو تديهو طلة
ايوة تعال هنا انت .... بقيت مابتجي بي غادي مالك ؟؟ خلاص فوّزتو ناسكم في الانتخابات وشردّت ... يا ايها الشيوعي الاخضر ؟! والله ماجد تاج ماغلطان عليكم كلو كلو :)
ــــــــــــــــ اسمع ... دينا خالد دي موش ياها نسرين النمر المزيعة .. ولا بتشبهها ساي ؟
02-12-2013, 12:27 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: ما اظن التطور بتاع المفاهيم + التفاسير ممكن يصل الدرجة دي من البجاحة وقوة العين لمن يحرم ليهو حاجة زي دي ههههههههه
ويحك يا بن عبدالوهاب! ما تظن على كيفك، وانت مجرد (بن عبد الوهاب) ولست (الوهاب) جلّ وعلا!؟
يا عزيزي القرآن دا نزل للتدبر والتفكر .. والهدف الاسمى معرفة الله .. عين اليقين .. وحق اليقين القوم -اهل الطريق- ادركوا الحقيقة دي .. عشان كدا بسموهو (العارفين) {وَاتَّقُوا اللَّهَ وَيُعَلِّمُكُمُ اللَّهُ وَاللَّهُ بِكُلِّ شَيْءٍ عَلِيمٌ}
ولو احسنت الفعل ما بتعلم، يعلمك الله علم ما لم تكن تعلم عشان كدا صعدوا في مراقي اليقين .. مش زي عبدة النصوص ومساجين الوجدان والمفاهيم.
المباح يا عزيزي -وحسب بوليس الفقه (التقليدي)- هو ما لا يثاب فاعله، ولا يعاقب تاركه. اها الجزء التاني دا غتستو وين؟ مافي زول لوا ليك يدك عشان ترتكب المباح وفي عقيدتي الشخصية، لو تركتو -بنية التقرب الى الله- تثاب عديييل كدا
"الا من اتى الله بقلبٍ سليم"
ثم سانين : وكان في نقطتو الكم ما عارف .. ليه اتحرّم الرق في القرن التاسع عشر، بواسطة الكفار المحتلين -للأسف ما بواسطة النخاسين المحليين المسمنهم حالياً ابطالنا التاريخيين(!)- كيف سمحوا ليهم بتحريم ما احل الله .. وابقت على التحريم دا دولة الاسلام المتمهدية!
لانو ببساطة الاشياء ليست هي الاشياء .. ومن نظنهم كفاراً اتوا الله بقلبٍ سليم!! عاوز تعرف المقزز بالجد؟ هي ظاهرة السراري والتسري .. كيف يعني الولد يعقب ابوه، واي قلب دا البتحمل احتمال انو يكون بيأتي اخته من ابوه!!
-----
في نقد الفهم الجامد عند "شيخنا ود الشايقي"*:
ذات مره والممرات كثيره شيخنا صلى الصبح نافله وبآيات قصيره وتحوقل وتعوذ ودعا الله بان لا يتجوز ثم ترجم ثم تمتم وبراس السبحه طقطق وتشهق وتمنطق ثم نقنق ومضى يتلو الكتاب مر بالمال والبنون فتبسم وتنسم ثم آيات الطلاق فتجهم وتعسم ثم آيات الزواج فترنم فاذا ما لاقى مثنى وثلاث ورباع وقف الشيخ طويلاً مثل ما فحل الضباع وبكى ملئ الجفون البقريه وشهيقاً كالدجاجه البطريه قال يبكي وهو يرخي بالحبال الوتريه انها عين الشماته فانا لا املك غير تلاته انني قصرت في حق الكتاب ساعاني ما الاقي من عذاب اين مني زوجةً بكراً فتيه اين مني المحلبيه والعطور الاجنبيه والعطور الاجنبيه في نقاء كبحيرة طبريه ثم قال استغفر الله وطفر وتحفحف وتعطر وتقيف يتبختر يسال الله عروسه ثم حشش بعبايه وزناد وكدوسا ...
آخر الكلام:
ان طعم العرس حلو ولذيذ وهو راحات واقداح نبيذ وبعده الخوازيق حتماً ستاتي وانتفاخات القرنتي ثم ضربات البلنتي وبطاناً كالنمتي لا تقاوم بالدي أن تي هي تصرخ بنتي بنتي وانت تصدح حني حني وستي ستي ....
الراجل تقول مسحور وما بخليلو مرةً بور وزرعتو ما بتقع واطه ....
زنننننننن!!
اوعك من وجع العيون يا عمك!
* ساي المستلبين والمعلوفين بامباز غزاتنا بقولوا "الحاج متولي" مع ايقونة ود بادي الخرافية "شيخنا ود الشايقي" دي، [متوفرة ولاذعة في ألسنة الشعب زي ريق الحمضيات]
02-12-2013, 01:04 PM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: إذا سلمنا ال DNA بيثيت الأبوة. كيف يمكن التحكم فى أن الزوجة ستحمل من أزواجها الأربعة، فإحتمال تحمل سته أو سبعة مرات وتنتج أطفال أبوهم واحد أو إثنين أها الأزواج السنارتهم ما غمزت فى زحمة تعددية الكورنر المرفوع يعملوا شنو؟ .. يدخلوا فى نفسيات ، أم إتهام الزوجة أنها قاصدة ما تحمل منهم .. ! وتدخل فى حرمة إن لم تعدلوا فواحد !
الرجال الخايبين السنارتهم ما بتغمز ... والرجال الخايبين الولدتهم كلها أولاد ... ديل يطلقوهم طوالي ويعرسوا غيرهم ... المرا المقتدرة مفروض تجدد فراشها ...
... المهم ....
02-12-2013, 01:10 PM
مصطفى عبيد مصطفى عبيد
تاريخ التسجيل: 08-21-2012
مجموع المشاركات: 235
Quote: ايوة تعال هنا انت .... بقيت مابتجي بي غادي مالك ؟؟ خلاص فوّزتو ناسكم في الانتخابات وشردّت ... يا ايها الشيوعي الاخضر ؟! والله ماجد تاج ماغلطان عليكم كلو كلو :)
بطلوا خرخرة ..
ياها دي الديموقراطية عاملة كدا اصلو .. يصحوك تدي صوتك .. وترجع تندمس تبقى خلايا نايمة حى اشعارٍ آخر جاييكم والله ..
الديموقراطية يا خالد ان تقبل نقدي لخيارك الشخصي برحابة صدر .. طالما انا شايفو مقزز وحتى احترام حقي في السعي الحثيث، والعمل مع الاخرين الشايفين شوفي في انو نحول تقززنا دا لي قانون راسو عدييييل .. يلزمك انت دا ويحجم كل شيخنا ود الشايقي. المافي شنو هو خطأ فادح جداً اعتبار (الاخلاق) كثابت او استنباطها من خارج الواقع الاخلاق فضيلة كونية لذاتها ومن ذاتها لا من تاريخ، ولا تراث .. وليست محكومة بانانية ذاتية
-------
Quote: المهم غايتو قصة البتيخة دي عجبتني شديد واوحت لي بي فكرة .. لماذا ياقيقراوي لاتندمج هذه الاحزاب الكثيرة مع بعضها وتشكل فولترون ؟ لماذا ؟
وخت في بطنك بتيخة صيفي .. جاري العمل على قدمٍ وساق والافضل من دا كلو تعال بالدرب وادعم (التعددية) .. تعدد المنابر لا الزوجات لكن .. في اطار كيان ديموقراطي كبير جامع! يسمح بتعدد المدارس الفكرية .. ويضمن الديموقراطية فعلاً ومنهجاً لا قولاً ديكورياً ومحسنات بديعية وبودرة مكياج سياسية.
وتعبير (القدم والساق) اعلاه مجازي .. ما حسي لذا لزم التنويه لدعاة التعدد .. التعدد خشم بيوت يا اخوي ؤ [ودبنادم غلّب الهداي]
تقبل نقدك (اللازع) لخياري (الشخصي) دي ياها الديمقراطية ؟!! لاحولا ولاحولا
عارف .. الخطوة التالية مباشرة لي كلامك ده هي الديمقراطية هي ان تقبل نقدي للونك الاخضر الزرعي برحابة صدر .. طالما انا شايفو غير جميل وحتى احترام حقي في السعي مع الاخرين الشايفين شوفي في انو نحول شوفنا ده لي قانون عديييل يعتبرك اقل مواطنة مننا نحن اصحاب اللون البنفسجي الجميل ! ماتستغرب ولاتعتبرها شطحة ياهو كلامك ذاتو بس بطريقة لكثر تطرفا ههههههههه
آفة الديمقراطية هي تشريع القوانيين البتنظم الخيارات الشخصية
وطيب انتوزعلانيين من الشريعة في شنو وكت ده رايك .. ماياها دي قاعدة تنظم ليكم في اخلاقكم وفي الحاجات المقززة من المامقززة
قال رحابة صدر قال
عمليا اكتر من كده ؟؟ وماتزعل مني ياحبيب اذا كان حزبكم الاخضر الذي لايرى الا بالمايكروسكوب انقسم ليقسمين لايمكن رؤيتهم ولا حتى بالامايكروسكوب تجي تقول لي شنو ؟
انقسامكم كان مقزز ياقيقرا ومحبط ... وتعبير انو الحزب اتسرق داك كان مزعج ومضحك ومبكي ... كوميديا سوداء مدهشة
ثم انو انت مابقيت رئيس واحد من الاقسام لييه؟ حاتبقى رئيس حزب متين انت ؟ :)
02-13-2013, 12:22 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
يا اخوي الكلام كان من الاول كده دينا خالد قالت ناء النحل وقالت مقزز بثلاثة زاءات انا قلت ليك انت معاها في الكلام ده ولا حاتفلسفها .. (لانو وصف حاجة حلال و مباحة و عملها الرسول بانها مقززة بثلاثة زاءات ده انا اعتبرتو عدم تأدب مع النبي) قمت انت قلسفها
الكلام جاب الكلام ..
بالنسبة لي انا يامعلم فرد مرة ماعندي خلي كمان اعدد ... لكن ماعندي اي اعتراض على المعددين وماعندي اعتراض على المامعددين الموضوع بالنسبة لي طالما انو مباح يبقى زي شراب الموية وتنفس الاوكسجين .. خيار شخصي علي كيفك فيهو .. من شاء فاليتنفس الاوكسجين ومن شاء فاليتنفس ثاني اوكسيد الكربون ان استطاع اليه سبيلا
02-13-2013, 02:51 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
بالنسبة لي انا يامعلم فرد مرة ماعندي خلي كمان اعدد
ياغالي، كتاب الله ما بناباهو .. لكن الفيك اتعرفت!
------------
دينا كان بتتقزز من الحاج متولي وشيخنا ود الشايقي في العصر الحديث ..
بطل رفع المصاحف على اسنة الرماح دا .. وين جابت سيرة الرسول الكريم هنا .. ح تحاسب الناس على صورة في راسك المكودس دا!؟ او جيب اقتباس من كلام دينا يا اخوي؟
الى الان مافي اي رد مقنع -ولا حيكون- لفخ التعدد ده !! حتى الاعتبارات الدينية فشلت في التبرير , الحكمة طبعا من آيات التعدد يعلمها الله لكن كلٌ يقرأها بحسب هواه انا متأكدة ان الله ليس بعدو للمرأة زي الاسلاميين ديل , وعمق آيات التعدد ماحيشوفوه دي مافيها نقاش !!
اتفرجت مثلا على الفيديو الجابو الأخ هنا للشيخ الشعراوي ودكتور النجار -أظن اسمو كده- مافي أي تبرير منطقي هم نفسهم الفكرة ماواصلاهم وينشروا في الفهم المبتور ده على أعداد هائلة من الشباب في المساجد وخلافه !! الاستناد الرئيسي ذكوري بحت !! ان الله كرم المراة بعدم التعدد , واستنباط للفكرة دي من آيات التعدد المباشرة طيب ماكان الأولى تكون في آيات مباشرة برضو بالخصوص ده ؟ ليه يخليها لاستنباط الشيوخ وهواهم مادام القصة فيها لغط كتير ؟؟ ودايما الفهم الأساسي -المتخيليين انو ده فهم ربنا برضو- انو المرأة دي هي الشرف والمساس بها مساس بالمجتمع وكرامة المجتمع وهي دائما اداة توصيل الرجل -المسكين الموهوم- للكون انو الدم يغلي في عروقو وانو مازالت الحياة بخير طالما هو -حمش- !! مسكين خلاص :-) هو ربنا ده طيب وقت بكرم المرأة يعني ماعارف انو زواج زوجها بأخرى ممكن يقتلها ؟؟ نفسيا وعاطفيا واجتماعيا ؟؟ ولا شيوخ العلم بكل شئ ديل ماعارفين يعني وقت قاعدين يستنبطوا ؟؟
ده كلو كلام فارغ , لو المنظور للمرأة والزاوية البعاينوا بيها ليها دي ما اتغيرت ماحيشوفوا .. أرجع من حيث بديت : التعدد ده دحين انسوه , كان مره كان راجل :-)
دينا ولا يهمك ياخ مابيناتنا :-) انا في بلجيكا لكن أفو , وريني البارتنر بتاعك ده وين نلكزوا ليك :-)
*** شايفه في واحد تحت من ناس الفيسبوك سال مني قال انا مرتبطة ولا على قيد الحياة ؟؟ هههههههه تطير عيشتي انا :-)
Quote: المشكلة يا قيقا انو ناس البوست دا بعاملونا انا وانت كأننا مشجعين زواج المرأة من 4 لا ... نايس تراى يا جماعة احنا (شفت نون النحل دى بقلب قوى بكتبها) نحنا ختينا عرس المرأة بى 4 دا عشان يكون صادم للعقول الذكورية ويحاولوا مجرد محاوله ان يقيسوا المسألة دى بزواج الرجل .. لعلها تظهر لهم بعض التقزززات ويعترفوا ... لكن الجماعة راكبين راسهم لسه .... الزول ذاتوو سلامات ... مشتاقين .. يعنى الراجل البعرس 4 داك جا لحوار ؟؟؟
ـــــــــــــــ تحياتى للماضل الجد جد قيقا ... وصدقت الخنساء .. فهو غير صالح للاستعمال ...
ده كلام دينا خالد كامل انا من الكلام ده فهمت انو دينا خالد شملتك معاها فيما يأتي من حديث نفت انها بتشجع زواج المرأة من 4 رجال قالت انها ختت عرس المرأة من 4 ده عشان يكون صادم للعقول الذكورية فهمت انها بتقصد وضع الذكور في الجانب الاخر وتخليهم يشوفو بي شوف الطرف الاخر اللهو المرأة المعددين عليها فهمت انها بتقصد من مقزززات دي وصف لفعل التعدد بانو مقزز
ياريت لو اخطأت في فهم اي حاجة هنا تصححني دينا خالد .. او انت ذاتك صححني لو في اي غلط في فهمي ده
اها يلا بناء على فهمي ده قلت انو وصف حاجة حلال بلال ومقبولة اجتماعيا وتعتبر (حسب رايي) انها خيار شخصي و عملها الرسول الكريم ... وعملوها الصحابة قدام الرسول الكريم ومانهاهم عنها ... وصفها بانها مقززة ده فيهو نوع من عدم التأدب مع الرسول ... لانك وصفت حاجة هو عملها وعملوها اصحابو قدامو بانها مقززة !
ده كل الانا قلتو .... ماقلت ابدا انو دينا جابت سيرة النبي الكريم ... قلت انها وصفت حاجة عملها النبي الكريم بانها مقززة بس
اها يلا ده كل الموضوع ... لو انا فهمت فهم غلط من كلام دينا ارجو انك توريني محل الغلط لو مافهمت غلط ارجو انك توريني السبب شنو الخلاك تقول لي جيب اقتباس ؟!
02-14-2013, 11:49 AM
دينا خالد دينا خالد
تاريخ التسجيل: 06-26-2006
مجموع المشاركات: 8736
انا بزيد على قول قيقا وبقول ليك حسب فهمى وانا انسانه مخاطبة بهذا القران لما ربنا يقول ولن تستطيعوا .. تانى فى زول بعرف اكتر من ربنا ؟؟؟ فى داعى للتجربة ؟ ماهو ربنا قال ولن تستطيعوا .... هل ممكن يجى زول ويجرب ويقول لى ربنا اهو انا دا استطعت ؟؟ بل زاد على القول عشان ما يجوا البنى ادميين ويتفلسفوا زاد على ذلك وقال وان حرصتم .... برضو انا بالنسبة لى دا كلام من ربنا عشان مافى زول يمشى يجرب ويقول لا انا ح احرص على العدل .... ربنا قال ليه وان حرصتم ....لن تعدلوا فكيف الدبارة ادن اذا عرفنا انو التعدد مشروط بالعدل !!!! انا بالنسبة لى دا تحريم تحريم عديييل كدا مش دعوة ذى ما قال ليك صديقى قيقا .... بعدين الناس الفسروا القران ديل بشر عاديين ... وانا برضو بشر ...
اما مقارنة الوضع بالرسول فواضح انو دا مافى ليه طريقة لانو الرسول ص رخصتو كانت مختلفة وتزوج ب 9 وفى رواية 11 وفى رواية 13 فهل يمكن لغير الرسل من الرجال فعل ذلك ؟؟؟؟؟ اذن المقارنة اصلا مرفوضة بس ....
ــــــــــــــــــــــــــ شخصيا بعتقد ان مداخلات قيقراوى فى هذا البوست من الدسامة بحيث مفروض ننقلها لبوست جديد بعنوان جديد ومعها صحبة راكب بعض مداخلات تبارك الدى لا يزال ما بيده شى .... هدا بعض موافقة الكائن قيقا طبعا اما تبارك ولا على كيفو ... هو شن نفروا ؟ قالوا كايس عروس !! لوووووب
02-14-2013, 12:09 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
الاية الجايباها انتي وقيقراوي دي واضحة زي الشمس وماعارف لييه قاعدين تفسرو لغاية نقطة معينة وبعدين تمسكّم هاء السكت ! قال ليكم لن تستطيعوا ان تعدلوا بين النساء حتى لو حرصتم (اها) فلا تميلو كل الميل وتخلوها زي المعلقة ... اسي الكلام ده ماواضح ؟!
ومرة اخرى يادينا يابنتي .. مسألة التحريم والتحليل دي لاتخضع للمزاج والزول يقول انا بالنسبة لي ده حرام وماعندي شغلة بالباقين ! الموضوع ده اجتهدوا فيهو ناس كتار وعلماء وكلهم اجمعوا على الاباحة .. مامعقول تجي انتي بالبساطة دي وتقولي لا حرام ! اوكى اجتهدي واطلعي لينا بي فتوة نجيضة لكن كده ساي بالعناد وقوة العين كده .. انتي مخيّرة لكن تخييرك ده بينطبق عليك براك مابتقدري تعمميهو على المسلمين (اوعك تقولي لي متين عممتو على المسلمين بخسرك !)
بخصوص موضوع المقارنة بتاعة الرسول ماتهربي الى الامام انتي وصفتي الفعل بانو مقزز .. يعني الفعل في ذات نفسو .. ماوصفتي موضوع انو مباح او مامباح .. عشان تجي تقولي لي داك الرسول وعندو رخص مختلفة وبطيخ ! التعدد مباح للجميع ... مامباح دي عندك براك .. توصفي الحاجة المباحة واللهي خياري الشخصي بانها مقززة ده تعدي على خصوصياتي وان طارت العنزة :) بعدين ماقلت ليك انو الصحابة عددو قدام الرسول الكريم مامنعهم مالو ؟؟ دي جليتيها لييه ؟ زمتك بقت لستك خلاص !
بعدين شكيرك لي مداخلات قيقراوي وتبارك واستوساخك لي مداخلاتي ده شنو يعني؟ حقارة يعني ؟؟ كلكم سناير عنصريين ومثقفين شوفونيين .. برجوازيين
يخسي عليكم يخس
02-14-2013, 02:38 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
يا عبد الوهاب يا خوى (غيرى انا) فى فقهاء كتاااار قالوا بحرمة التعدد واستندوا لى نفس الاية لكن العقلية الذكورية السايده است######ت اجتهاداتهم وبقا الفى السطح الاجتهادات بتاعت الاستباحة ناس كتاااااااااااار وقبلى عملوا ذى الفتوة دى ... منهم الشامخ محمود محمد طه وهسه الجمهوريين ما بعددوا ... اها ...
انا قلت ليك الرسول ص موضوعو مختلف ... لانو انت ما بتقدر تعرس قدره ... ربنا خلقوا كدا واداهو الرسالة ... ودا استثناء ما معاه قياس ....
قصة انو الصحابه عددوا جنبوا دى ما محك لانو برضو الرق كان بيمارس جنبو ... لكن الرق حسب المبادىء والمقاصد العامة للقران ممنوع وحرام ولما جاء وقت تحريمو حرم ... الناس ما قالت لا القران بقر الرق لانو مقنن فى اياتو والناس مارسوهو قدام الرسول وما منعهم !! صاح ؟؟؟ المنع فى الوقت داك كان مربوض بى ظروف ذى ما بقولوا ناس ابو ساندرا ذاتية وموضوعيه .. وقطعها من دابرها مستحيل لكن فى الكليات والمقاصد حرام ....
ـــــــــــــــــــــــــــ قيقا تعال .. ايديى وجعتنى بقا ! دا عشان ما نقول لى وهبه دا .. ارحل ... حقيقى النقاش معاه ممتع وظريف والعفو ياخ انت ما بست######وك ذوق وادب وعرفه سيد شباب البرالمة والله .. دا بعد الزعلان منى داك طبعا (لؤلؤة البرالمة). سامى .. لوووووو
02-14-2013, 05:34 PM
مصطفى عبيد مصطفى عبيد
تاريخ التسجيل: 08-21-2012
مجموع المشاركات: 235
Quote: بعدين ماقلت ليك انو الصحابة عددو قدام الرسول الكريم مامنعهم مالو ؟؟
يا خالد الرسول (ص) منع على بن أبي طالب من الزواج وقف في المنبر عدييل لما سمع إنو علي مشى خطب وقال: "إنما فاطمة بضعة مني يؤذيني ما آذاها"
أها الكلام بوري إنو فاطمة تأذت من نية علي الزواج والأذية لحقت والدها (ص) والكلام دة بينسحب على كل الناس الراجلها عاوز يدبل وابوها برضو
ولا نقول الرسول (ص) ظلم علي لما منعوا حق شرعي الله أباحو ؟
تاني في قصة كسر السيدة عائشة لإناء فيه طعام ارسلته إحدى زوجات الرسول وهو عندها وقول الرسول "أمكم غارت"
الخلاصة زي موضوع الرق وكلام دينا نقلاً عن أبوساندرا الظروف الذاتية والموضوعية كانت بستدعي كدة
وزي ما قلت في مداخلة فوووق ما أظن في زول قراها : الإمام محمد عبده أفتى بمنع التعدد (منع عديل) وأظن هي الفتوي الكان مستند عليها قانون الأحوال الشخصية في تونس قبل الثورة
02-14-2013, 05:47 PM
بدر الدين احمد موسى بدر الدين احمد موسى
تاريخ التسجيل: 10-03-2010
مجموع المشاركات: 4858
Quote: انا بزيد على قول قيقا وبقول ليك حسب فهمى وانا انسانه مخاطبة بهذا القران لما ربنا يقول ولن تستطيعوا .. تانى فى زول بعرف اكتر من ربنا ؟؟؟
الاية البتتكلمو عنها دي ليست الاية المرتبطة بتعدد الزوجات هي ( وَإِنْ خِفْتُمْ أَلا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ فَإِنْ خِفْتُمْ أَلا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ) و حسب الرابط التحت, انه اساسا الاية نزلت للتقليل من عدد الزوجات من عشرة او اكثر للعدد الموضح في الاية, حسب قدرة الرجل في العدل بينهن, و العدل هنا ايضا ليس عدلا في الحب و المودة و كلنا نعرف الحديث فيما معناه (اللهم لا تلمني فيما تملك و لا املك ) و انما في المتاع المادي من مصاريف و انفاق.
Quote: الرق حسب ظني حرمتو الامم المتحدة ماحرموا الاسلام
يا خالد معليش ما عايز الموضوع يبقى زي المطاردة لكن لما انا سألت كنت قاصد رأيك انت الشخصي انت شايف انو الرق طالما انو القرآن ما حرمو يبقى مافي مانع من انو يظل باقي ؟؟؟
مساء الخير يامصطفى معليش مافهمت قصد سؤالك في الاول
انا عن نفسي احس بنفور شديد من مسألة التعدد والرق والعنصرية بكل انواعها .. صراحة لا ادري اذا كان الاسلام حرّم الرق ولا لا .. ولا اظن ان الاسلام حرّم التعدد
موقفي المبدئي من اي حاجة ماحرمها الاسلام وما امر بيها هي انها خيار شخصي .. يعني علي كيفك تعملو او ماتعملو .. وبشكل عام انا ماقاعد انكر اي حاجة علي اي زول .. اي شيء بشوف الزول حر فيهو بالكااامل طالما كان حاجة بتخصو براهو
بخصوص الرق لو كان حلال وبصفتي مسلم فليس لدي ما اقوله في هذا الشأن لكن قطعا لن امارسه ابدا ابدا
02-14-2013, 07:52 PM
مصطفى عبيد مصطفى عبيد
تاريخ التسجيل: 08-21-2012
مجموع المشاركات: 235
Quote: مساء الخير يامصطفى معليش مافهمت قصد سؤالك في الاول
انا عن نفسي احس بنفورشديد من مسألة التعدد والرق والعنصرية بكل انواعها .. صراحة لا ادري اذا كان الاسلام حرّم الرق ولا لا .. ولا اظن ان الاسلام حرّم التعدد
موقفي المبدئي من اي حاجة ماحرمها الاسلام وما امر بيها هي انها خيار شخصي .. يعني علي كيفك تعملو او ماتعملو .. وبشكل عام انا ماقاعد انكر اي حاجة علي اي زول .. اي شيء بشوف الزول حر فيهو بالكااامل طالما كان حاجة بتخصو براهو
بخصوص الرق لو كان حلال وبصفتي مسلم فليس لدي ما اقوله في هذا الشأن لكن قطعا لن امارسه ابدا ابدا
كدة اتفقنا تب مافي أي خلاف الإسلام لم يحرم الرق .. أقصى ما وصل إليه الحض على المعاملة الحسنة والتحريض على العتق (ككفارة أو صدقة) وأيضاً لم يحرم التعدد لكن أمر بالعدل (وإن خشيتم الاّ تعدلوا فواحدة)
نجي للكلام (البللحمر) نفور: تقزز الفرق ما أظن كبير
والتاني "قطعاً لن أمارسه أبداً أبداً" (لييييييييييييييه) ما حلال المشكلة وين ؟؟؟
المشكلة أن الفطرة السوية تأباه (في عصرنا هذا وفهمنا للإنسانية)
في كلام إتقال كتير لمن بقى بايخ عن محاكمة النصوص في حيز التاريخ .. يعني لما نقول إنو الإسلام حدد الزواج بأربع في زمن كان ممكن يكون للرجل عشرين زوجة وخمسة أضعاف ذلك من الجواري دة مفروض يتحسب محاولة للتضييق على العادة .. ما تشريع قاطع
"يا بدر كمان ما فضل الا الشيوعيين يفتوا لينا بعد دينا
ثم ثانين انا بلزم المحاور هنا بما الزم به نفسه، لست مع الفهم النصوصي الجامد انا ودا موضوع تاني ما حابي اخوض فيو اسي
لكن كدي ورينا رايك بالفهم النصوصي ذاتو للايتين"
يا قيقراوي الشيوعيين مالهم? ما مسلمين ? نتجاوز عن النقطة اعلاه! يا قيقراوي, انا فهمي للايات و للقرآن ان القرآن اباح تعدد الزوجات. و من قرايتي للسنة و حياة سيدنا محمد صلى الله عليه مسلم فانه ايضا مارس تعدد الزوجات. فما في طريقة للدعوة لقصر عدد الزوجات على واحدة مطلقا استنادا لنصوص القرآن او من السنة, الاية الانا جبتها فوق ديك, نصا يا قيقراوي, بتقول ان الشئ الوحيد المهم بالنسبة للقرآن كان هو القسط في اليتامى, و ليس العدل بين النساء. و هناك حديث واضح قال فيه الرسول (ص) فيما معناه و هو يخاطب الله (اللهم هذا قسمي فيما املك فلا تلمني فيما تملك و لا املك) و كان المقصود الميل القلبي او الحب. فالنبي نفسه يعترف بانه لا يوجد انسان يمكنه تقسيم حبه بين امرأتين او اكثر بالتساوي, لكن العدل بين النساء المقصود هو العدل في الجانب المادي مثل المصاريف و الانفاق.
يا قيقراوي, الحكاية مفروض تتاخد on case basis يعني هناك من يقبل بالتعدد من النساء و الرجال و لهم الحق اذا ارادوا, و ايضا لا يوجد تاريخيا مثال بقسر من لا يريد التعدد على التعدد. يعني العايز واحدة يتزوج واحدة و التي ترفض الزواج من متزوج لها ان ترفض و من ترفض المشاركة في زوجها يمكنها الطلاق منه اذا اراد الزواج عليها, (المافي شنو?) احسن ما نقع في ورطة الصين الحددت عدد الابناء بواحد في الاسرة, و انتهوا هسع يا اما الاسرة تقتل البنات ليسمح لها بطفل جديد, او ان يفعلوا ذلك رغم القانون بالدس. و برضو فشل الزواج الكاثوليكي واضح, حيث يتم فرض حكاية زوجة واحدة مدى الحياة, و انتهوا بحكاية العشيقات (تتذكر بيل كلنتون!) و الممارسات خارج اطار الزوجية يعني هناك حالات الواحد او الواحدة بتكون لديهم علاقات متعددة جدا تنتهي "بوجع الضمير" ما نضيق واسع! بيولوجيا و من امثلة المجتمع تعديد الاناث بالنسبة للذكر مشاهدة و لا يمكن انكارها!
02-14-2013, 08:34 PM
مصطفى عبيد مصطفى عبيد
تاريخ التسجيل: 08-21-2012
مجموع المشاركات: 235
Quote: فسؤالك بتاع ليييييييييييه ده غريب .. ماعايز وبس موش علي كيفي هههههههههههه
لكن في نفس الوقت مابنكر عليك انك تعدد لو عايز
لكن كان استرقيت ليك زول بزعل منك ههههههههههههههه
ياخالد تاني معليش .. عشان القصة بقت زرزرة لكن ليييييييييييه دي كانت في الرق مافي التعدد ومسألة الرق ما خيار شخصي .. تسترق ليك زول بتتعب مع (الأمم المتحدة)
لكن في الآخر طالما وصلنا لي
Quote: يعني انا ماعايز اعدد
يبقى ممكن نصل لي (تعدد
Quote: بزعل منك ههههههههههههههه
)
بعد دة النوم
02-15-2013, 08:41 AM
بدر الدين احمد موسى بدر الدين احمد موسى
تاريخ التسجيل: 10-03-2010
مجموع المشاركات: 4858
قصة لطيفة استمعت لها اليوم وانا سايق في الطريق من اذاعة NPR عن سيل الفيل Elephant seals و هي حيوانات بحرية تتواجد في المحيط الباسيفيكي في سواحل كاليفورنيا هناك نوعين من الذكور الفا Alpha و بيتا Beta الالفا هو الاقوى, و يسيطر على عدد من الحريم في موسم التزاوج قد يصل عدد الاناث في حريم الذكر الواحد مئة انثى! البيتا لا يستطيعون التزاوج الا خلسة في غياب الذكر الالفا, او حين هم انفسهم يترقون بعد اكتساب القوة المناسبة لتخويف الذكور الاخرى عادة بعد موت الالفا السابق. دا مثال واحد لمسألة تعدد الاناث بالنسبة للذكر في الطبيعة
Quote: كدة اتفقنا تب مافي أي خلاف الإسلام لم يحرم الرق .. أقصى ما وصل إليه الحض على المعاملة الحسنة والتحريض على العتق (ككفارة أو صدقة) وأيضاً لم يحرم التعدد لكن أمر بالعدل (وإن خشيتم الاّ تعدلوا فواحدة)
كيف الإسلام ما حرّم الرق؟ قل إنما حرّم ربي الفواحش ما ظهر منها وما بطن ... من الآخر كدا ...
لابد أنك تقصد أن "الشريعة" لم تحرّم الرق ... وهذه حقيقة ... فالشريعة فعلاً لم تحرّم الرق ... ولكن الإسلام حرّمه ... وكرّم بني آدم وساوى بينهم ...
ما تلخبت يا زول ... الرقيق في موريتانيا مسلمين ... وقرروا حرق "موطأ مالك" احتجاجًا على إجازة المذهب المالكي للرق ... ما قالوا ما مسلمين ولا قالوا دايرين يحرقوا المصحف ...
الإسلام براهو ... والشريعة والفقه براهم ....
الشريعة دي جابوها من وين انا ما عارف ... وقدر ما سألت السؤال دا مافي زول داير يجاوب ليّ ...
... المهم .....
02-15-2013, 03:06 PM
مصطفى عبيد مصطفى عبيد
تاريخ التسجيل: 08-21-2012
مجموع المشاركات: 235
( حرمت عليكم أمهاتكم وبناتكم وأخواتكم وعماتكم وخالاتكم وبنات الأخ وبنات الأخت وأمهاتكم اللاتي أرضعنكم وأخواتكم من الرضاعة وأمهات نسائكم وربائبكم اللاتي في حجوركم من نسائكم اللاتي دخلتم بهن فإن لم تكونوا دخلتم بهن فلا جناح عليكم وحلائل أبنائكم الذين من أصلابكم وأن تجمعوا بين الأختين إلا ما قد سلف إن الله كان غفورا رحيما )
التحريم بكون زي دة ... وين النص القرآني البقطع بي تحريم الرق في القرآن يا تبارك؟؟؟؟
القصد انو الحرام في القرآن دة حرام عدييييل بي كلمة (حرمت) أو (حرم) والحلال حلال وبينهما المشتبهات لكن اذا الإسلام حرم الرق ما كان مورس في حياة الرسول وأجازه على نفسة فعلى ما أعلم الرسول (ص) كان له عبيد وسراري
يبقى الموضوع زي ما قلنا قبيل محاكمة النص في سياق التاريخ هو البحل مشاكل تعارض النصوص مع فهمنا لإحتياجات البشر حالياً
02-15-2013, 04:10 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: يا قيقراوي الشيوعيين مالهم? ما مسلمين ? نتجاوز عن النقطة اعلاه! يا قيقراوي, انا فهمي للايات و للقرآن ان القرآن اباح تعدد الزوجات. و من قرايتي للسنة و حياة سيدنا محمد صلى الله عليه مسلم فانه ايضا مارس تعدد الزوجات. فما في طريقة للدعوة لقصر عدد الزوجات على واحدة مطلقا استنادا لنصوص القرآن او من السنة,
يا بدرنا بقيت تصرجا كتير خلاس اليومين دي؟ لو عاوزني ما اهزر معاك .. قول وشوف ليك جدية وصرامة اذا بتريد
ياخي مع الشيوعيين ديل انا ما ذكرت دينا .. ما سألت عن مالها وحلالها مالك المسكينة دي!؟
ذكرتني النكتة الاثيرة بتاعت الديكتاتور القال عاوز يكتل ليو 1000 مسلم، وطبيب اسنان واحد .. كل الناس بتسأل (طبيب) اسنان ليه؟ .. وكأن الالف مسلم ديل بعوض .. طبعاً (المفارقة) هنا انو كنه السؤال عن (الطفاسة) في الواحد البعد الالف .. ما الاستدراك الكتبتو انا اعلاه!
اني وي (حتى لو كان طريق لينين همسلف) سايرين .. سايرين .. ماشين في السكة نمد
زي ما قلت ليك ما داير اطرح قراءتي الخاصة هنا للنص، لتقدير خاص جداً بي .. فحقو تعفوني
لكن قرايتك يا بدر غير تاريخية، وسلفية جداً ..وكأن النص (مغلق) زي ما قال د. هشام عثمان بهناك! الانسان اكرم الحيوانات، امثلتك القاعد تجيبا هنا من عالم الحيوان ايررررررلفنت يا حبيب زمااااااااان قضى الناموس اننا ننتقل لمراقي ارفع واسمى .. والتاريخ يسير الى الغد وكلو بتدبير وتقدير الخالق الاعظم .. رب الناموس .. وبارئ الكون فان تقاصرت هامات (الرجال) عن استدراك كنه الحقائق العظيمة فاولى بهم التواضع *.. وعدم الاساءة والتقول على الله وتفسير مراداته العليا وهم ما اوتووا من العلم الا قليلاً!! تفتكر في حاجة في الكون دا ممكن تحصل (عكس) مراد الله، وغصباً عن ارادته الكلية العليا!؟ طيب كيف (سمح) للامة المتحدة بتحريم الرق، ان لم يكن هو جل وعلا (المحرم) المطلق؟ هوو نوز البصير بكرة؟ هوو نوز -مقدماً- بنتيجة صراع المتناقضات ومقتضيات السيرورة والزوال!؟
لو بكرة اقر قانون محلي او اممي بتحريم التعدد بعد ثورة نسائية عاااارمة .. بتمشي وين يا ابدرباً مااااكن!! والاهم هل جهزت اعتذار يليق لله الخالق المريد .. كلي العلم والارادة والقدرة!؟
وحدو الله يا خلق.. وكونوا ربانيين عباد الله
-------------
* كتب المستشار محمد سعيد عشماوي:
[هذا المفهوم الآلي للكونية، والمضمون الميكانيكي للحيوية، مضاد في حقيقته لمعنى الالوهية، ومعارض للفهم الديني الصحيح، ومصادر للعقل البشري، ومناقض للارادة الانسانية، على عكس مما يرى عامة الناس ويعتقدون، بل ويتهمون مخالفهيم بالكفر والإلحاد. العقل في الاسلام ص 96]
02-16-2013, 06:08 PM
بدر الدين احمد موسى بدر الدين احمد موسى
تاريخ التسجيل: 10-03-2010
مجموع المشاركات: 4858
Quote: لكن قرايتك يا بدر غير تاريخية، وسلفية جداً ..وكأن النص (مغلق) زي ما قال دز هشام عثمان بهناك! الانسان اكرم الحيوانات، امثلتك القاعد تجيبا هنا من عالم الحيوان ايررررررلفنت يا حبيب
"
يا قيقراوي يا ما معقول تخليني شايل سبورة و في كل مرة اقيف اوريك الحاصل ياخ! يا قيقراوي قرايتي غير تاريخانية ليه? هل لنت تعرف معني "تاريخية" حدث ما! طيب النحكي ليك! لما تقول القراية تاريخية المقصود ربط الكلام او الحدث بظروفه التاريخية في الزمان و المكان الذي حدث فيه. طيب لو شلنا كلامي دا و قسنا عليه كلامي الفات ستجد ان كلامي تاريخي و بالمسطرة كمان! كيف? في عصر سيدنا المصطفى صلى الله عليه و سلم, و لما نزل القرآن و الاية موضوع الكلام, كانت تفهم حرفيا و النبي نفسه عدد زوجاته و دي حاجات لا يمكن تغيرها برغبتك يا قيقراوي! يعني ثابت في التاريخ و بوقائع ان المسلمين كانوا يفهمون الاية كما جاءت في القران, و لا تستطيع الان انت و لا غيرك تغيير تلك الوقائع لأنها حدثت في السابق (التاريخ) و في اي وقت اذا اردنا ان نتحدث عن رأي الاسلام في تعدد الزواج "تاريخيا" لا مهرب غير ان نقر بان الاسلام اباح تعدد الزوجات, دي هي التاريخية يا صاح! اما اذا انتم عايزين تغيروا الحكاية دي طبعا ممكن, لكن لن تستطيعوا ان تستندوا لا على القرآن و لا السنة لدعم دعاواكم! ممكن تتجاوزوا النص, او تعطلوه, او تعملوا اي شئ, لكن الاسلام اباح تعدد الزوجات. فلو عايزين تبقوا مسلمين كلاسيك عليكم تفهم ذلك و في النهاية ممكن تلقوا مخرج في انه لا يوجد الزام لكن النص و التاريخ لن يسندكم.
اها النجي لموضوع الريليفانسي بتاعت الامثلة التي اتيت انا بها ليه يا قيقراوي امثلتي ايرليفانت? ايرليفانت لغير الناطقين بالانجليزية معناها غير مناسبة يا قيقراوي عرفنا انك ما بتعرف ماركسية و دي حاجة عادية, و عرفنا انك ما بتعرف اقتصاد و لقينا ليك عذر بانك قريت محاسبة ساكت و ما دخلت في عضم الفهم الكلي للاقتصاد, لكن كمان عايز تحكم في البيولوجي و السايكولوجي من غير علم? دي كتيرة يا قيقا ياخ! امثلتي ريليفانت relevant جدا يا قيقراوي و نص كمان! لو عايز تعرف انها ريليفنت او لا امشي افتح ليك اقرب كتاب بتاع علم نفسك و شوف الدراسات التي يتم الاستناد عليها, هل تجرى على الانسان ام الحيوان! دراسات علم النفس و البيولوجي يا قيقا, تجرى على القرود و الكلاب و القطط و الفئران و بجرة قلم على الحيوانات و لا تجرى على الانسان فقط. بل في الحقيقة تتم ملاحظتها في الحيوان اولا ثم بعد ذلك اثباتها على الانسان و من ثم دراستها كحالة في الانسان فمثلا السلوك الشرطي تم اكتشافه في الك لاب. و كل النظريات بتاعت علم النفس مبنية على ملاحظات ما يجري في المملكة الحيوانية فياخ ما تطربق ساكت يا قيقراوينا
كلامك التحت دا هو الايرليفانت يا قيقا "
Quote: وكلو بتدبير وتقدير الخالق الاعظم زز رب الناموس زز وبارئ الكون فان تقاصرت هامات (الرجال) عن استدراك كنه الحقائق العظيمة فاولى بهم التواضع *زز وعدم الاساءة والتقول على الله وتفسير مراداته العليا وهم ما اوتووا من العلم الا قليلاً!! تفتكر في حاجة في الكون دا ممكن تحصل (عكس) مراد الله، وغصباً عن ارادته الكلية العليا!؟ طيب كيف (سمح) للامة المتحدة بتحريم الرق، ان لم يكن هو جل وعلا (المحرم) المطلق؟ هوو نوز البصير بكرة؟ هوو نوز ظمقدماًظ بنتيجة صراع المتناقضات ومقتضيات السيرورة والزوال!؟
لو بكرة اقر قانون محلي او اممي بتحريم التعدد بعد ثورة نسائية عاااارمة زز بتمشي وين يا ابدرباً مااااكن!! والاهم هل جهزت اعتذار يليق لله الخالق المريد زز كلي العلم والارادة والقدرة!؟
وحدو الله يا خلقزز وكونوا ربانيين عباد الله
"
انت هنا تحول النقاش في مسالة اجتماعية بيولوجية سايكولوجية, لنقاش في اللاهوت. و على الاقل ارجو انك تكون عارف ان سيدنا ماركس نهانا عن تحويل النقاش السياسي-الاجتماعي-الاقتصادي لنقاش لاهوتي, و عشان كدة هو اعترض على الناس المانوا يعادون الدين و يعتقدون انه هو المعوق للتطور البشري. و قال ليهم ياخ الدين دا كويس و بلعب دور ايجابي لدى الغلابة, زيو وزي الافيون لما تحقنه في زول طالع من غرفة الجراحة, بتسكنوا و تخفف الالم عليه. و لو عايزين تغيروا بالله غيروا لينا الظروف الاقتصادية و الاجتماعية و السياسية.
اصلي انا هنا لا دعيت لتعدد الزوجات و لا وقفت ضده, و انما قلت انه حاجة تعني الانسان الفرد و لا يجب ان تتدخل دولة و لا امم متحدة و لا غيره في الموضوع دا لأنه لن تنجح اي محاولات لذلك. لو منعوا تعدد الزوجات, لن يستطيعوا منع تعدد الاناث بالنسبة للذكر, لأنه دا سلوك طبيعي غريزي (ناتشورال) في الانسان زي ما هو ناتشورال في المملكة الحيوانية و كل قوانين الدنيا لن تستطيع منعه, و اول اثبات ان القرآن مثلا حرم الزنا على المسلمين و وضع اقسى عقوبة ممكنة, لكن ذلك لم يمنع و لن يمنع المسلمين (دع عنك غير المسلمين) من ممارسة العلاقة الجنسية خارج اطار الزواج اذا اراداوا. و عبارة اذا ارادوا دي, هي الكلمة المفتاحية هنا يا قيقراوي. و كل الامر يرتبط بارادة الانسان عشان كدة مفروض تترك على ذلك المستوى من اراد و وجد من تقبل التعدد فله ذلك و من لم ترد او لم يرد لا قسر عليهما! اما موضوع الارادة الالهية و خلافه فدا موضوع لاهوتي انا بحب ان لا ادخل فيه, لأنه زمان لما كنا في الداخلية ناس غرفتنا اطلقوا على اني "ملحد" بالضبط لاني اعتقد و ما زلت ان الطريقة الوحيدة لوجود اله هو ان يكون كامل الارادة و القدرة, و لو كان ذلك كذلك, فما حتكون فارقة بالنسبة له انك تسلم او تكفر او تفعل اي شئ, لانه لا شئ يستطيع الافلات من ارادة اله كلي القدرة, و لا شئ يستجد عليه. و في الحقيقة لم و لن يتغير اي شئ اطلاقا في منظور الاله كلي القدرة و الارادة. و اول امبارح كنت بقرأ في كتاب قال نفس الفكرة انه في الحقيقة الكم بليون سنة المرت على الخلق دي, لا تمثل اي شئ بالنسبة للاله كلي القدرة و العلم, و ما حا يصبح صباح جديد على الاله و يتفاجأ بشئ لم يفعله هو نفسه! عشان كدة كنت بقول ليهم و الله الناس الحا تدخل الجنة او النار في النهاية بدخلوا بارادة الله, مش لانهم عملوا ذنوب او عملوا صالحات و كانت دي بتجننهم! طوالي قالوا لي انت ملحد! لكن في الحقيقة انا مؤمن جدا, و اعطي الاله كامل حقه, فسبحانه لا تغشاه سنة و لا نوم!
02-16-2013, 09:13 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
انت يا اخوي قايل التحريم دا حظر ومنع ونهي ولاّ شنو؟
المعروف يلزم الأمر ... والمنكر يلزم النهي ... ومعيار المعروف المجتمع وما تعارف عليه ... ومعيار المنكر ما أنكره المجتمع ... ليس للمعروف والمنكر مصادر أخرى ... ولا يوجد معروف ومنكر كوني يصلح لكل الأزمنة والمجتمعات ... ولا يستند تعريف السلف والخلف للمعروف والمنكر على هدىً ولا كتابٍ منير ... بل هي تأويلات تواتروها لا تتناقض مع سياقاتها التاريخية ولكنها تتناقض مع سياقات الأزمنة والأمكنة الأخرى التي لا تخرج عن الوصف القرآني ... يعني شخص يعيش في زمان غير زمانك ومكان غير مكانك ... يكون له معروف غير معروفك ومنكر غير منكرك ... مع تغيّر المعروف والمنكر لا يتغيّر المبدأ الديني في الأمر بالمعروف والنهي عن المنكر ... يعني يجب أن تطيع القانون أينما وأنى كنت ... لأن قانون أي مجتمع هو الأمر بمعروف ذلك المجتمع والنهي عن منكر ذلك المجتمع ...
أمّا الطيبات والخبائث فشأنها يختلف وطبيعتها تختلف ... والطيب يلزمه الحِل ... والخبيث تلزمه الحرمة ... والحل تهذيب غير ملزم للإباحة ... بينما الحرمة تهذيب غير ملزم للحظر ... والحل والحرمة لجهاد النفس وتهذيبها ... وتهذيب النفس عتق للبشرية من الإصر والأغلال وكل أنواع العبودية والإسترقاق ...
فغرض الدين كله هو الإستنارة والهدى ... بعكس غرض الشريعة الظلامي ...
والمبدأ الديني تساوي الناس جميعًا أمام القانون (الامر بالمعروف والنهي عن المنكر) وأمام أنفسهم (تحليل الطيب وتحريم الخبيث) ...
بينما المبدأ الشرعي يبيح امتلاك الإنسان للإنسان ... رغم أن ذلك كان معروفًا في زمان ومكان محصوران تاريخيًا وجغرافيًا ... فبديمومة ظلام الشريعة ... ضاع نور العتق من الأغلال ...
... المهم ....
02-17-2013, 09:09 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: أمّا الطيبات والخبائث فشأنها يختلف وطبيعتها تختلف ... والطيب يلزمه الحِل ... والخبيث تلزمه الحرمة ... والحل تهذيب غير ملزم للإباحة ... بينما الحرمة تهذيب غير ملزم للحظر ... والحل والحرمة لجهاد النفس وتهذيبها ... وتهذيب النفس عتق للبشرية من الإصر والأغلال وكل أنواع العبودية والإسترقاق ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ابو جهينة
دينا خالد
ALZOLZATOO
قيقراوي
نادر الفضلى
تبارك شيخ الدين جبريل
سامى عبد المطلب
مصطفى عبيد
مدثر صديق
بدر الدين احمد موسى
فيس بوك
تويتر
انستقرام
يوتيوب
بنتيريست