|
|
|
 Re: القلم ليهو رافع ( بوست شخصي جدا ) !!! (Re: عبد الله فقير)
|
الأمين البرير
في اواخر ثمنينات القرن الفائت، كنا مجموعة من الفرد طلاب في جامعة الخرطوم... مرتين في الأسبوع بنلعب كورة في النادي العربي مع خليط من البشر من مختلف الاعمار لا يجمعنا بهم جامع غير هذا الدافوري .... من ضمن هؤلاء كان الامين البرير رئيس نادي الهلال الحالي .
كل ما أذكره عن هذا الشخص حاجتين : عربية كريسيدا موديل السنة و خرخرة و سطحية موديل السنة البعدها !!
مرت الأيام و السنين و تمددت صلعاتنا و في إحدي اجازتي في السودان الشقيق لمحت صورة في احدي الصحف اليومية لنفس الشخص و عليها تعليق (الامين البرير أمين خزينة نادي الهلال ) ... و قبل أن أفرك عيني من الدهشة اتصلت باحد الفرد و الشهود العيان لسطحية الرجل و كان مريخابيا متعصبا :
- يا أمير متذكر الأمين البرير ؟!
- الأمين البرير منو ؟!
- كان بلعب معانا كورة في النادي العربي، ياخي العندو الكريسيدا ال.....
أمير مقاطعا :
- آي إتذكرتو ... مالو ؟!
- بقي أمين خزينة الهلال !!
- تستاهلو !!!
| |
  
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
الامين البرير أصبح أمين خزينة الهلال ثم رئيس الهلال و من أهم إنجازتو في المستوي العام شطب هيثم مصطفي و علاء الدين من الهلال.... أما علي مستواي الشخصي فمن أهم إنجازتو اني بفكر جادي جدا في تشجيع المريخ في أول مبارة له ضد الهلال ... و دي لو كانو حكوها لي في حكايات قبل النوم ما كان ممكن أصدقها !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
الكوز عادل ابوحسين 
الحبان :
حيدر
ود الموج
عبدالله فقير
سامي عبدالمطلب
و من خارج الأستديو الحلوين محمد علي و الشفت إنت !
شكرا علي الترحيب و طيب الكلمات !!
---------
وليد يا شفت ... ياخي إنت كان ما شالك البوست نشيلك في راسنا ده !!
---------
منال يا ستهم ... البورد دايما منور طالما إنت فيهو !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: سامى عبد المطلب)
|
| Quote: كل ما أذكره عن هذا الشخص حاجتين : عربية كريسيدا موديل السنة و خرخرة و سطحية موديل السنة البعدها !! |
يا برووف امين شخص لم يترك فى ذاكرتك انطباع عنه سوئ الحاجتين الذكرتهم ديل لا صلح أن يكون إلا رئيس لرابطة معجبى الفنانه (عشة قندرانى).
مرحب بعودتك يا حبيبنا.
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: بدرالدين الطائف)
|
أمين
سلامات و حمد الله على السلامه
أُتيحت لي الفرصة للجلوس مع المرحوم الطيب عبد الله لمدة عشر دقائق بمنزله في تسعينات القرن الماضي ، و في العام قبل الماضي جلست قرب ( صاحبكم ) في منزل عزاء لمدة تزيد عن النصف ساعة
أتذكر كلام الطيب عبد الله معنا و كأنه أمس ، و لا أتذكر ما قاله ( صاحبكم ) كأنه قبل أربعين سنة .
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: Yassir Tayfour)
|
الحديث عن تبني الخيار العسكري لاسقاط النظام يجب أن يتم من مناطق العمليات لا من منتديات الحوار !!
أن يعلن البعض الحرب من غرف نومهم آمنين في سربهم معافين في بدنهم لتحرق الحرب من يكتوي بنارها مواطنين كانو أم مقاتلين ، لا يقل بشاعة عن ما فعلته الحكومة حينما قتلت مواطنيها دون ذنب أو جريرة !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
مرحباً بالبروف أمين
Quote: الحديث عن تبني الخيار العسكري لاسقاط النظام يجب أن يتم من مناطق العمليات لا من منتديات الحوار !!
أن يعلن البعض الحرب من غرف نومهم آمنين في سربهم معافين في بدنهم لتحرق الحرب من يكتوي بنارها مواطنين كانو أم مقاتلين ، لا يقل بشاعة عن ما فعلته الحكومة حينما قتلت مواطنيها دون ذنب أو جريرة !! |
خلينا من كلام الكيزان دا وواصل لينا في الكورة
| |
|
|
|
|
|
|
|
|
 Re: القلم ليهو رافع ( بوست شخصي جدا ) !!! (Re: أمين محمد سليمان)
|
Quote: الحديث عن تبني الخيار العسكري لاسقاط النظام يجب أن يتم من مناطق العمليات لا من منتديات الحوار !!
أن يعلن البعض الحرب من غرف نومهم آمنين في سربهم معافين في بدنهم لتحرق الحرب من يكتوي بنارها مواطنين كانو أم مقاتلين ، لا يقل بشاعة عن ما فعلته الحكومة حينما قتلت مواطنيها دون ذنب أو جريرة !! |
درر يا خال 
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
Quote: - يا أمير متذكر الأمين البرير ؟!
- الأمين البرير منو ؟!
- كان بلعب معانا كورة في النادي العربي، ياخي العندو الكريسيدا ال.....
أمير مقاطعا :
- آي إتذكرتو ... مالو ؟!
- بقي أمين خزينة الهلال !!
- تستاهلو !!! |
الأمين البرير بقي رئيس نادي الهلال و(النادي العربي) زاتو بقي اسمو (النادي الوطني)
محمد طايوقة كان معاكم  ده خرخار اكتر من البرير
والله ليك وحشة يا امين ياااااخ
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: omer osman)
|
| Quote: الحديث عن تبني الخيار العسكري لاسقاط النظام يجب أن يتم من مناطق العمليات لا من منتديات الحوار !! |
يا بروف ياخي ما لك بديت البل بدري بدري عايز العوّة تقوم من أسّي مالك
ما تخلّينا في البرير ما عندو وجيع هلالاب على مريخاب على ناس الكاف و الفيفا رهجانين منو :)
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: محمد البشرى الخضر)
|
| Quote: يا برووف امين شخص لم يترك فى ذاكرتك انطباع عنه سوئ الحاجتين الذكرتهم ديل لا صلح أن يكون إلا رئيس لرابطة معجبى الفنانه (عشة قندرانى). |
سلام يا بدرنا ... الشهادة لله الكريسيدا كانت شديدة لكن الخرخرة و السطحية كانو أشد !! و لو كنت متخيل يوم الزول ده ببقي رئيس لنادي الهلال كان إترشحت قبالو !!
-----------
| Quote: أمين سلامات و حمد الله على السلامه أُتيحت لي الفرصة للجلوس مع المرحوم الطيب عبد الله لمدة عشر دقائق بمنزله في تسعينات القرن الماضي ، و في العام قبل الماضي جلست قرب ( صاحبكم ) في منزل عزاء لمدة تزيد عن النصف ساعة أتذكر كلام الطيب عبد الله معنا و كأنه أمس ، و لا أتذكر ما قاله ( صاحبكم ) كأنه قبل أربعين سنة . |
و عليك السلام يا كمال ...
تعرف لمن تفكر في الموضوع بصورة عقلانية بتلقي إنو الأمين البرير ما عمل حاجة غلط ... من حقو يسعي و يبقي رئيس للهلال ... المحزن إنو البلد علي كافة المستويات و الأصعدة تقاد بدون مؤهلات .. .
بالجمبة كده ...نفس قصة بروف عبدالله الطيب حصلت لينا في الجامعة ... مشينا مكتبو عشرة دقائق عشان يشرح لينا بيت الحطيئة :
دع المكارم لا ترحل لبغيتها ... واقعد فإنك أنت الطاعم الكاسي
و لو الواحد من شهادتو الجامعية دي ما كان طلع بحاجة غير العشرة دقائق مع البروف ده لكفته !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
| Quote: أُتيحت لي الفرصة للجلوس مع المرحوم الطيب عبد الله لمدة عشر دقائق بمنزله في تسعينات القرن الماضي |
| Quote: نفس قصة بروف عبدالله الطيب حصلت لينا في الجامعة ... مشينا مكتبو عشرة دقائق عشان يشرح لينا بيت الحطيئة |
الزعيم الطيب عبد الله يا بروف وليس زميلك البروفسير عبد الله الطيب صحصح معانا يا بروف القصة كورة وهلال
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: مرتضى احمد عبد القادر)
|
Quote: محمد طايوقة كان معاكم ده خرخار اكتر من البرير
والله ليك وحشة يا امين ياااااخ |
والله يا سعادتك بالاكتر ياخي ...
لا طايوقة لا عبودي ما كانو معانا !!
بالله النادي النادي العربي بقى اسمو الوطني ؟! غايتو الكيزان ديل فالحين فلاحة في قصة تغيير الأسماء دي !!
---------------
Quote: يا بروف ياخي ما لك بديت البل بدري بدري عايز العوّة تقوم من أسّي مالك
ما تخلّينا في البرير ما عندو وجيع هلالاب على مريخاب على ناس الكاف و الفيفا رهجانين منو :) |
يا البشرى ... البل بره و بعيد ... انما هي خواطر و كتابات ....
بعدين الامين البرير ده زي ما قلت ما عندو وجيع كلو كلو ... ما عارف الرئاسة أم دق دي داعيتها شنو ؟!!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أبوبكر أبوالقاسم)
|
عودا حميدا يا بروف
قلت لي البنادي بالسلاح يمرق لا برة
لكن كدة ما ضيقت واسع
الجيش الاسمو جيش فيهو توجيه معنوي ولا ما فيهو ؟
اها ناس المنبر ديل ناس التوجيه المعنوي وابشرك ناس الفجر الجديد عندهم يونس محمود زي الانقاذ كدة :)
بعدين الانقاذ دي مش عنده سفراء لا بسين كرفتات في كل العالم الفجر كمان عندو سفراء بكرفتات ولا بل حتى اولاد ميكي على ذمة امنه مختار* وقعو
كل ما هناك له مقابل عندهم فارعوي ههههههههههههه
الجابك يجيب الصفوة اميرة الشيخ قادر يا كريم
ــــــــــــــــــــــــــــــ
* ذمتها واسعة لانو اولاد ميكي ديل لو خشو الميدان بنتضاير كلنا نحن والانقاذ هههههههههه
ديل قدرو يلغو رحلات الطيران ويحتلو مطار الخرطوم في عصرية بس
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: القلب النابض)
|
Quote: نسيت اضيف، الحزب رئاستو آلت لتبارك، آي والله تبارك الواحد ده، يقوم يلِف ليهم ما تبقى من الحزب في كرت، والعاقبة عندهم في المسرات؛)
|
ههههههههههههههههههههههههههههههه
ده شنو يا ياسر طيفور ياخي ... قطّعت مصارينّا
سلامات يابروف
| |
|
|
|
|
|
|
|
|
 Re: القلم ليهو رافع ( بوست شخصي جدا ) !!! (Re: عبد الله فقير)
|
Quote: سلامات ياخال حمور (وش مدردق )
والله ماعارف نرحب بيك ولا ترحب بينا
لكن الواحد سعيد انك رجعت تكتب فى المكان دة
انت من الاقلام التى لا املك الا ان احترمها حتى حال خلافى معها
تانى سلام |
أثني و بشـدة... و آادي قعدة...
سلامات يا خال حمور (غايتو خال حمور دي براها محمدة ليك)
تحياتي للجميع...
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: خالد عبد الله محمود)
|
شكرا يا وائل ياخي ...
-----------
| Quote: أمين يا نوته اتوحشناك والله أخوك طبعا عنده حبة انطوائية كده ، البورد لو ما لقيت فيه زول بعرفه ما بخسر فيه أي كليك أن شاء الله بس شغلتكم عننا أموالكم وبنوكم |
تيجا الأصلع !! سلام يا رجل و ذاك الشوق والله ...
والله لا شغلتنا أموالنا ولا أهلونا من البورد، لكن البطن كانت طامة مما فيه من إنحطاط ... نسأل الله السلامة !!
بعدين ياخي الناس ما جات هنا بتتعارف .... حبه حبه بتعرف الناس كلها !!
------------------
| Quote: مرحب بالبروف في داره وبما أنك قد عدت ستجدنا مع القواعد() والمتفرجين في هذا الخيط بل بلك ســـاي وما ترفع رجلك من الابنص كلو كلو حبابك |
البشاري يا حبنا ... كيفك ياخي !!
مافي سكة رفعة للابنص ... البتاعة دي ما بتمشي كان رفعنا من الأبنص !!
(القواعد ) البين قوسين دي ملعوبة جدا يا صفوة !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
شكرا يا أبابكر علي الترحيب نشوف شنو أكتر من الشفناه يا ابوبكر ياخي ؟!
-----------
شكرا يا شيخ الشامي علي الترحيب .. و لك من الود ما لا قبل لك به !!
-------------
| Quote: الزعيم الطيب عبد الله يا بروف وليس زميلك البروفسير عبد الله الطيب صحصح معانا يا بروف القصة كورة وهلال |
يا مورتا ... أخوك قرأ كلام أخونا كمال عمر ده باضنينو ... فليعذرنا الرجل
-------------
| Quote: بالمناسبة يا بروف ما اديتنا رأيك في إنقسام حزب قيقا ؛) — الأخضراني اللون يا عا########ي فيهو عيون يا يا ؛) |
والله يا ياسر ... أنا القصة دي كلها كنت قايلها هزار !! ما عرفت إنو قيقا و تبارك في الأخضر الليموني بالجد جد إلا بعد إنقسام الحزب .
و من هذا المنبر بقول لتبارك الذي بيده الحزب : أنج سعد ... و بهدي ليه اغنية (يا ما بكرة تندم......وانا حالك بشوفو ) !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
أخونا و حبيبنا الباشمهندس محمد إبراهيم ... سلام يا رجل و كتر خيرك علي الترحيب
| Quote: عودا حميدا يا بروف قلت لي البنادي بالسلاح يمرق لا برة لكن كدة ما ضيقت واسع الجيش الاسمو جيش فيهو توجيه معنوي ولا ما فيهو ؟ اها ناس المنبر ديل ناس التوجيه المعنوي وابشرك ناس الفجر الجديد عندهم يونس محمود زي الانقاذ كدة :) بعدين الانقاذ دي مش عنده سفراء لا بسين كرفتات في كل العالم الفجر كمان عندو سفراء بكرفتات ولا بل حتى اولاد ميكي على ذمة امنه مختار* وقعو كل ما هناك له مقابل عندهم فارعوي ههههههههههههه |
لو قريت كلامي كويس يا محمد بتلقي اني ما اتكلمت عن الحرب - في عضمتها - كخيار..
أنا ضد اسقاط النظام بالقوة العسكرية لانو ضررو أكبر من نفعو، و دي وجهة نظر خاصة بي لا تمنعني من إحترام وجهة نظر من يرو عكس ذلك ، الأنا اتكلمت عنو و إنتقدتو مسالة الدعوة للعمل العسكري من الملاذات الآمنة ... يعني ما ممكن أكون قاعد في الشقيقة أمريكا ضارب الطراوة، ماكل... شارب... آمن... و عيني كل يوم في أولادي بركبو بص المدرسة الصباح و بنزلو منو آخر اليوم سالمين تامين... و أجي أفتح الكمبيوتر أدعو للحل العسكري و أنا علي هذه الحالة ... العايز يدعو للحل العسكري يدعو ( ده حق مافي زول بينازعو فيهو ) لكن يركب يمشي مناطق العمليات يحارب بنفسو !!
مقارنتك حال هؤلاء بناس فرع التوجيه المعنوي ما منطقية يا باش ... لانو ناس فرع التوجيه المعنوي ديل ذاتهم عساكر و ممكن يستدعو للمشاركة في القتال إذا استدعي الامر ... خشو الجيش كعساكر أو ضباط زيهم و زي باقي زملائهم يعني كانو مدركين إنو المسالة فيها حرب و موت .... يبقي مافي مقارنة بينهم و بين من يدعو للحرب و هو يعلم إنو ما طرف فيها لانو في مأمن .
الحرب يا باش - كما تعلم - ليس نزهة ... خسائر الأرواح بس - فيما أري - مفروض تكفي لاستبعادها كخيار ... الشايف غير كده يعمل بيان بالعمل و يمشي يحارب بنفسو !!
و أقعد عافية
--------------------------
| Quote: اوووووووووووه حبيبنا في الصلعة يمين بالله فاقدك ياخ |
أوو ود جبريل ياخي ... شايفك بهناك فاتح ليك بوست و منزل فيه صورة ليك بشعر !!
حيرتني ياخي ... الوقت ده كلو قايلك مولود بصلعتك دي !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: smart_ana2001)
|
| Quote: حرام عليك يابروف ...كنت داير تحرمنا ابداعك ده ؟؟؟!!! |
يا حمزة ... مافي إبداع لكن دي عين الرضا ... كتر خيرك ياخي !!
--------------
شكرا يا أبا المسلمي علي المتابعة ... السلام أمانة لسيدنا بالله ...
-------------
سلام يا مديرنا ياخي | Quote: اللمين البرير ما يبقى رئيس نادي الهلآل، ما ترا البشير بقى رئيس السودان ونافع بقى شنو كدي ما عارف ؟؟؟ |
والله صدقت ... بلد تمحن !!
------------
سلام يا قلبنا النابض و مبروك الدكتوراة ياخي ...
بتحير جدا في الناس البتعمل دكتوراة دي ... سنتين تلاتة ماجستير و سنتين تلاتة دكتوراة و القصة كلها ربع ساعة تفتح ليك بوست و تعلن انك دكتور و بعداك الاخوان بجازفو ليك البروفسيرشيب براهم !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: عاطف عمر)
|
القرود في شكل خليل و أبو الشوش حبيبنا كتر خيركم علي الترحيب
--------------
| Quote: تستاهلوا ... كان أحسن ليكم تجوا تلعبوا معانا اسكواش بالناحية التانية |
يا أمير ... أي نعم أخوك كان عامل فيها حنكوش لكن ما لدرجة العب اسكواش !!
-------------
| Quote: سلامات يا خال حمور (غايتو خال حمور دي براها محمدة ليك) |
يا وائل ... ياخي محمدة شنو ؟! مافي حاجة بالاني غير إنو أنا خال الزول ده !!
-------------
| Quote: أها بخلاف إنكـ قلبت مريخابي و بقيت كوز .. الجديد شنو ؟ |
ابوعبدالله يا حبيبنا ... ياخي أنا أبرأ من المريخ و الكيزان !! عمك البرير ده كرهنا في رقبتنا لكن كمان ما لدرجة أبقي مريخابي !!
-------------
| Quote: هسي -عليك الله-مستخسرين الهلال علي ود البربر ؟ أي سي ميلان بجلالة قدره اشتراه برلسكوني. !!!!! |
الله يسلمك و يديك العافية يا خالتو اسمارت ... ياخي عمك برسكولي ده التيم حقو عديل ... ما بقعد يطفش في أحسن لعيبة عندو زي ما بعمل عمك البرير ده !!
-------------
| Quote: برلوم مركب مكنة سينير و دفعة أخو ( خال حمو ) الصغير بدري في مصر . |
يا كمال ياخي بدري شنو البقي أخوي الصغير ؟!! الزول ده أكبر مني بكتير !! إنت كان دفعتو تاني ح أقول ليك عمو كمال !!
| Quote: مراحب يا بروف والعود أحمد والحكاوي طاعمة وناس أبتفة والحال ياهو ذات الحال.. حالتنا قلنا المولود المبارك يعلمو الحنية ثم إنت مشيت وين ؟؟ |
عاطف يا وجيه ... الشوق هد حيلنا ياخي !! أب تفه ده ما عندو سكة حنيه ... الأحاسيس الجميلة دي ماتت عندو منذ الالف السنين !!
أخوك إختفي لالام في البطن بعيد عنك ... لكن أهو جينا راجعين زي الما حصل حاجة ... ربنا يصلح الحال غايتو ...
----------------
| Quote: حكايتك شنو يا أمين نجيك بهناك تجي بي هنا نجيك بي هنا تمشي هناك |
يا خضر ... بقينا قاعدين بهنا و بهناك ... الباندويث واحد و الرب واحد ... و يحيا الوطن !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
| Quote: عوداً حميداً مستطاب يا بروف أمين ياخ انت تجى تنور وتمشى تنور ... والدليل انك مشيت بى هنا هشام ادم جا قر واعترف بى هنا بالعودة للمؤهلات يبدو ان اعلى مؤهلات الامين البرير انو كان بدفر معاكم كورة :) واصل وانا لك لمتابعون |
أبو حميد يا حبيبنا ... ياخي كتر خيرك علي الأطراء الذي لا استحق ...
غايتو انتهيت من البرير ده مره واحدة بكلامك ده !!
و بمناسبة هشام أدم ... ياخي أنا مستاء جدا من الناس الهاجمو إعترافو و إعتذارو ... الرجل قدم شيك علي بياض و إعترف بأشياء مافي زول عارفها غيرو ... ما ممكن نقفل باب التوبة و نقول ليه لا، مافي ليك ...
أرجو اننا - بما فينا هشام نفسو - نفتح صفحة جديدة و ندفر لقدام ...
-------------
من خارج الأستديو :
شكرا يا أبا ملاذ علي طيب كلامك ...
------------
سلام يا عبدالعزيز ...
ما عارف سبب وقيفك لكن ما شايف لي أي سبب يوقفو بيه زول عن الكتابة هنا ... المكان ده فيهو ناس بتفتري الكذب و تبهت مخالفينها بكل قبيح، يسب في الله و يسخر فيه من الرسل و الأنبياء، تكتب فيه الألفاظ البذيئة كيفما كانت و يخوض فيه المنحطون في أعراض الناس بلا وازع ... و ياهم بكتبو قشه ما معتره ليهم ... فما عارف إنت ممكن تكون عملت شنو عشان يوقفوك ؟!!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: سارة علي)
|
يا امين
البرالمة ديل ماولدوهم يوم ادوهم الباسويرد ! البرالمة مولودين من زمااان ومتابعين الموقع يمكن من بدايتو
وعارفين منو بيكتب شنو وليشنو
فطبيعي جدا انهم يفقدوا قلمك الواعي وقلم حمور الفاهم وقلم عزاز القوي الخ
وطبيعي تكون بطنهم طامة من بعض الاقلام هنا
اما لو بتتكلم عن عرفة نمشي القهوة ونشرب شاي ... فاعفي لينا
تحياتي ليك
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: سارة علي)
|
| Quote: مرحب العزيز البروف أمين بالله أضيفنا لقائمة المعجبين تشكرات أسعد |
يا أبوالسعود ياخي القائمة كده ما بتشيل ؟!
ياخي كتر خيرك علي لطفك و كرمك ده ....
-------------
| Quote: ياخ انا من النوع البيشاكلوني تووووووشك .. تاني لقدام معاي ما تتلفت ..ارمي بس |
بالله يا خالد سارة دي محل ما تلقاها بلها بدون ما تتلفت ...... تووووشك كده زي ما قالت ليك !!
-------------
يا سرورة ياخي مشتاقين والله .....
-------------
و من خارج الأستديو محمد ضرار و أحمد سيد ... يا اخوانا عاجز عن الشكر علي طيب كلماتكم ... أنا والله - بحليفتها - لا استحق كل هذه الكلمات الطيبات ... و مرات بتخيل لي إنو بتتكلمو عن زول تاني !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
| Quote: أنا والله - بحليفتها - |
هههههههههههههههه
ذكرتني نكتة الزول العضاهو التمساح :)
| Quote: ياخ انا من النوع البيشاكلوني تووووووشك .. تاني لقدام معاي ما تتلفت ..ارمي بس |
سلامات ياسارة
يازولة الله لاجاب شكل .. انا زول مسالم جدا
اقصى مايمكن اصل ليهو من قلة الزوق اني ممكن اهظر - على استحياء - مع زول مابعرفوا
ههههههههههه
تحياتي
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: Yassir Tayfour)
|
الطريق إلي الديمقراطية شاق و طويل ،و كلما زاد تجبر الحكام و طالت مدة حكمهم كلما زاد الطريق طولا، كلما عسر المخاض و صعب اقتلاعهم .
و الذي يحدث في سوريا مؤلم لكل صاحب ضمير، إذ صار الموت جزء من حياة الناس و خبزها اليومي، و العالم - كل العالم- يتفرج حيث الصمت و الادانات الخجولة تذبح السوريين مثلما يذبحهم النظام.
في بواكير الصبا، امتلكت شريط فيديو لرائعة محمد الماغوط و دريد لحام (كاسك يا وطن ) و هي عبارة عن مسرحيه كوميدية تنتقد الأنظمة العربيه و طرق الحكم فيها، و رغم انها كانت باللهجة السوريه، إلا انني حفظتها عن ظهر قلب ، رددت مع غوار الطوشي - إبن الشهيد رضا - ( بكتب اسمك يا بلادي عالشمس الما بتغيب...لا مالي ولا ولادي على حبك ما في حبيب)، ضحكت عند محادثته لوالده من الجنه و نزلت دموعي عند ما ماتت بنته (أحلام ) بسوء الأهمال الطبي، و كان المشهد مهيبا عندما ملأ صوت المقرئ المسرح ( إذا المؤودة سئلت باي ذنب قتلت ) !!
غوار الطوشي (و هي شخصية دريد لحام في معظم اعماله) شكلت مع محمد الماغوط بعض من وعينا السياسي حيث كانو الأعلي صوتا و الأكثر تاثيرا في تقدم المسرح السياسي في الوطن العربي، و تقف أعمالهم (ضيعة تشرين) (غربة ) ( الحدود ) و (التقرير )شاهدا علي ما نقول.
الماغوط ذهب لملاقاة ربه و بقي دريد لحام ليوقع في أول أيام الثورة السورية مع بعض الفنانين الآخرين علي بيان سمي (تحت سقف الوطن ) جاء فيه (إننا نشيدُ ونثمنُ الخطواتِ الإصلاحيةَ التي اُعلن عنها مؤخراٍ من قبلِ القيادةِ السياسيةِ ونؤكدُ على ضرورةِ الإسراعِ في تنفيذها وإتمامِ ما بُدء من إصلاحات) ثم اعقبه بلقاء مع التلفزيون السوري قال فيه : إن الذي يحدث في سوريا الان (فتنة) و أن صورة الرئيس بشار الأسد في قلبه أبقي و أكثر صدقا . و أنه مع الرئيس بشار لانه قائد إستثنائي، و طلب من الوزراء و المسؤلين الأقتداء بسيد الوطن - بحسب تعبيره- بشار الأسد . البيان و اللقاء التلفزيوني كان في الوقت الذي كان النظام يقتل الناس في الشوارع و يقتحم المدن بالدبابات و يعذب المعتقلين أمام شاشات التلفزيون .
دريد لحام الذي طالما نادي بسيادة القانون و حق الشعوب في حياة كريمة و عاش حياته الفنيه يبشر بالعدل و الحرية و باعمال موجهه لقيم الحق و الخير و الجمال، أو هكذا ظننا،و عندما انطلقت الثورة (شعارات ترددها القلوب ) و يدفع ثمنها الشعب السوري دما طاهرا يسيل في شوارع درعا و حلب و حماة و حمص و اللاذقية و دير الزور، إختار غوار و ثلة من أراذل الفنانين السوريين أن يقفو يدا بيد مع نظام الأسد حيث لا أسد هناك، إختارو أن يقفو مع القتله مبررين و مؤيدين، هم إذن لا يختلفو عن الشبيحة إن لم يكونو أضل سبيلا .
عدد القتلي في سوريا منذ بدء الثورة أكثر من ستين الف مواطن و الأسد - حيث لا أسد هناك - ما زال يصر علي الحكم فوق جماجم شعبة و باي كلفة .
غدا - بحول الله - يذهب الأسد و نظامه المتعفن و يذهب معه شبيحة الفن أمثال دريد لحام و تبقي سوريا و يبقي الشعب السوري الذي كسر حاجز الخوف و هدم مملكة الصمت و يقدم كل صباح ارتالا من الشهداء مهرا للحرية !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: عمران حسن صالح)
|
تأخر حضور قيقراوي عن الدخول للبوست أقلقني عليه....
ــــ
عااارفك منوّه على قيقا إنو ما يجي يعمل ليك غاغة هنا
حبيبنا وصاحبك حسّاس .. ياربي البّلة بتاعت من نعم الله إني بلّ.. بل ّ الخ
الفكيّتها فيهو ديك تكون أكلت معاهو جنب ؟؟
ـــــ
برلوم بس كمان إخصائي متابعة بلّات ومبلولّين
ـــــ
وبمناسبة رجعتك بهدي ليك أغنية ..بلّالي بلاّلي ..بلاّلي الليّلة وآآناري
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمير محي الدين محمد)
|
حبيبنا أحمد سيد أحمد ... و عليكم السلام و رحمة الله و بركاته و ياخي أعطيتنا - كان أنا كان ود أختي - أكثر مما نستحق حتي لم استطع الاقتباس من مداخلتك !! و ده من لطفك و كرمك ... ممنونين لطيب كلماتك و نسال الله أن نكون خير مما تظنون و أن يغفر لنا ما لا تعلمون ....
---------------------
| Quote: يابروف مرحب بيك لكن شايف شعبيتك كلها فجر قديم.. المهم أنا ماشى أوقع بدعوة من شخصيات مهمة لذا ممكن تعتبر الفجر الجديد رحب بيك باعتبار ماسيكون! |
بالله يا دوك شوف لي معاك فرقة في حته الشخصيات القومية دي، مكن أوقع ممثلا عن الفجر القديم !!
--------------------
| Quote: يا بروف زي عودة الروح للجسد كان عودتك |
سيد أحمد ياخي ... شاكر و ممنون علي الكلام الطيب ده ...
--------------------
| Quote: هلا بالبروف أمين ما أظن فاتكـ كتير بتكون قريت الحاجات الهزت البورد خاصة وانو إتذكروكـ بالخير ودعو ليكـ ناس كتار بس الجديد في متصفحين بردوا من الفيس بتلقاهم أسفل البوست حاول رد ليهم برض |
عمران يا حبيب الروح ... أول تلاته أربعة شهور ما كنت متابع خالص، خفت يدي تاكلني أقوم أرجع ... لكن بعداك تابعت .... و الحقيقة إنو ارتباطنا بالبورد أكبر كتير من ما أي واحد فينا متخيل ( أو هكذا بدا لي ) !!
بالنسبة لحبايبنا خارج الأستديو ... الرد عليهم فرض عين ... ديل الخير و البركة !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: Elawad)
|
| Quote: السلام عليكم ورحمة الله الأخ أمين مرحباً بعودتك في سياق كلام منقول عنك في خيط الأخ هيثم وفي سياق وجود المفتري والملفق خضر خليل لي عودة |
و عليكم السلام و رحمة الله و بركاته يا حبشي ... و مرحب بيك في أي سياق ...
--------------
| Quote: تأخر حضور قيقراوي عن الدخول للبوست أقلقني عليه.... ــــ عااارفك منوّه على قيقا إنو ما يجي يعمل ليك غاغة هنا حبيبنا وصاحبك حسّاس .. ياربي البّلة بتاعت من نعم الله إني بلّ.. بل ّ الخ الفكيّتها فيهو ديك تكون أكلت معاهو جنب ؟؟ ـــــ برلوم بس كمان إخصائي متابعة بلّات ومبلولّين ـــــ وبمناسبة رجعتك بهدي ليك أغنية ..بلّالي بلاّلي ..بلاّلي الليّلة وآآناري |
سلام يا أمير
بالعكس ... قيقا لو كان خشه البوست ده كنت ح استغرب ... و أغلب الظن إنو تحليلك سليم !!
شكرا علي الاهداء ياخي
-------------
| Quote: العزيز أمين السلام عليكم ياخي ونورت البورد بالجد مش كلام ساي. والله مشتاقين ومقصرين لكن للأسف مافي وسيلة اتصال. |
العوض الذي هو ياسر ... و عليك السلام و رحمة الله ياخي ... و المنبر منور بيك و بباقي الحلوين الهنا ده ...
يا زول تقصير شنو ... الحال من بعضو ...
------------
الحلوين من خارج الأستديو :
عبدالناصر الخطيب ( مندوبنا في جدة ) !
أماني حمزة
مستنير شديد
عبدالرحمن خليفة
أحمد سد مرة تانيه
شاكر و ممنون لكل المشاعر الطيبة و الكلمات اللطيفة ..
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
سلام يا محمد حيدر و لعلك بخير ياخي | Quote: الحرب يا أميننا الذى نحب ليست ترفا للممارسة الاسفيرية نطقطق بيها صوابعنا .. ولا يوجد مبرر أخلاقى واحد لرفضها فى نواحى الخرطوم والتسامح مع فظاعاتها خارج حدود العاصمة .. كما وأنها -اى الحرب - وبالمناسبه دى موجوده يا شباب ولا تحتاج لتوزيع رقاع الدعوة !! |
فعلا يا مشرف الحرب ليست ترفا للممارسة الاسفيرية عشان كده قلنا الداعين ليها يكونو مستعدين يمشو محلها .... لانو ببقي محض جبن ادعو لقتال أنا أعلم يقينا إنو لا أنا، لا من يهمني أمرهم بصورة شخصية ما طرف فيها.
أما هذه ( ولا يوجد مبرر أخلاقى واحد لرفضها فى نواحى الخرطوم والتسامح مع فظاعاتها خارج حدود العاصمة ) فما عارف منو الرفضها في نواحي الخرطوم و سمح بيها خارج حدود العاصمة ؟!
عني شخصيا ... الحرب في وطني واحدة و عشان كده مرفوضة أينما كانت ...
موضوع الخيار العسكري لاسقاط النظام يا محمد حيدر بالنسبة لي ذي شقين ( الصادق المهدي بس ) :
1- الخيار العسكري كخيار .
2- موقف مؤيدي الخيار العسكري .
بالنسبة للشق الأول، زي ما وضحت.. أنا ضد الخيار العسكري لاسقاط النظام و لاسباب كتيرة جدا ده ما مجالها . أنا اتكلمت في الشق التاني و قلت مؤيدي الخيار العسكري لاسقاط النظام في الخرطوم لهم الحق في تبني هذا الخيار و لا يقدح في وطنية أي منهما، لكن لانو الحرب ليس ترفا إسفيريا كما تفضلت، كل من يدعو لها عليه قرن القول بالفعل و الذهاب لمناطق العمليات، و أظن ده كلام fair جدا .
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: ombadda)
|
في بريدي الألكتروني لحظة كتابة هذه السطور عدد 11044 رسالة لم أقرائها !!
أي والله : حداشر ألف و أربعة و أربعين ايميل لم يتم قرأتها : كل محتال من محتالي الأنترنت و حرامي من حرامية الاسافير ممن يوعدون بالملايين مقابل ( حق التحويل ) ارسل لي ... استلم رسالة كل ما تحدث احدهم مع الاخر في إحدي مجموعات الفيس بوك التي لا تنتهي ... استلم رسائل من مواقع لم أزرها و من مجموعات بريديه لم انضم اليها و من شركات لم اتعامل معها و من اناس لا أعرفهم و لا يعرفوني !
و تحت هذا الركام من الايميلات التي لا معني لها ( ينسرب ) ايميل مهم من شخص او جهه مهمه و اللوم الكان بجي بالغفلات ، بقي بجي بالايميلات !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
| Quote: مرحبا بعودتك بروف أمين.. نفقتد الوسطية فى الآراء السياسية فى هذا المنبر.. نقرا لك كثيرا.. واصل.. وطمنا كمان على أديبنا حمور.. |
شكرا يا دكتور أمبدة علي الترحيب و طيب الكلام ...
حمور ساكن في الفيسبوك ... شئ مصريين و شئ سودانيين و قصة !!
بديها صنة كده و بجرو بجاي و لا علي كيفو !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
| Quote: استلم رسالة كل ما تحدث احدهم مع الاخر في إحدي مجموعات الفيس بوك التي لا تنتهي |
يابروف
في طريقة ممكن توقف بيها الايميلات البتجي من الفيس بوك ..
كنت اعاني من نفس المشكلة ولمن اعلنت تبرمي صراحة وهددت بانني سوف اترك الفيس بوك بلا عودة
تبرع صديق وشرح لي الطريقة
امشي اعداداتك في الفيس بوك وهبش هناك بتلقى الطريقة لامحالة!
بخصوص الحرب اعتقد جازما بانها حاتصل المدن الكبيرة في اواسط السودان
وسيتجرع سكانها ويلاتها كما جرعوها غيرهم بالمشاركة او التواطوء
ربنا اسمو العدل ولايظلم عنده احد!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: خالد عبدالوهاب)
|
| Quote: يابروف في طريقة ممكن توقف بيها الايميلات البتجي من الفيس بوك .. |
بالله يا خالد لو عندك سكة الحقنا بيها otherwise ياني القفلت حسابي ..
| Quote: بخصوص الحرب اعتقد جازما بانها حاتصل المدن الكبيرة في اواسط السودان وسيتجرع سكانها ويلاتها كما جرعوها غيرهم بالمشاركة او التواطوء ربنا اسمو العدل ولايظلم عنده احد! |
كلامك الفوق ده غريب جدا يا خالد
هل سكان المدن الكبيرة جرعو و تواطئو علي الناس في الأطراف و شنو عليهم حرب عشان يستاهلو إنو الحرب تجيهم في دارهم ؟!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
- الداعية السعودي الربيعي: خلع المرأة ملابسها أمام زوجها يستوجب الطلاق !!
- يا شيخنا الزول ده قال ما قال الكلام ده و وضح إنو الكلام ده ما طالع من حسابو في تويتر...
- الداعية السعودي الربيعي: خلع المرأة ملابسها أمام زوجها يستوجب الطلاق !!
-الداعية السعودي الربيعي: خلع المرأة ملابسها أمام زوجها يستوجب الطلاق !!
-الداعية السعودي الربيعي: خلع المرأة ملابسها أمام زوجها يستوجب الطلاق !!
و تستمر التعليقات دون أدني إعتبار لان الرجل لم يقل هذا الكلام !!
أظن - و ليس كل الظن إثم - أن الغالبية الغالبه من الناس ودت لو أن الرجل قال هذا الكلام !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
Quote: أمين محمد سليمان
- الداعية السعودي الربيعي: خلع المرأة ملابسها أمام زوجها يستوجب الطلاق !!
- يا شيخنا الزول ده قال ما قال الكلام ده و وضح إنو الكلام ده ما طالع من حسابو في تويتر...
- الداعية السعودي الربيعي: خلع المرأة ملابسها أمام زوجها يستوجب الطلاق !!
-الداعية السعودي الربيعي: خلع المرأة ملابسها أمام زوجها يستوجب الطلاق !!
-الداعية السعودي الربيعي: خلع المرأة ملابسها أمام زوجها يستوجب الطلاق !!
و تستمر التعليقات دون أدني إعتبار لان الرجل لم يقل هذا الكلام !!
أظن - و ليس كل الظن إثم - أن الغالبية الغالبه من الناس ودت لو أن الرجل قال هذا الكلام !! |
]
ديل كوم
وناس اساساالاسلام عامل كدة
متخلف ورجعى
والكيزان
والسلفيين
الخ الخ
طيب يخوانا جيبو الحاجة الانتو معترضين عليها وناقشوها مافى مشكلة
تانى يرجعو يقولو ليك طيب الربيعى ماقال كدة
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
مساء الخير يابروف
امشي اعدادات الفيس بوك وهناك بتلقى تبويب اسمو اشعارات خش هناك ووريهو شنو اليرسلو ليك بالايميل وشنو المايرسلو
احسن تقول ليهو ماترسل اي حاجة بالايميل وخلي مافي الفيس بوك في الفيس بوك
ايوة سكان المدن الكبيرة متواطئين
البيحصل في الاطراف ده جريمة كبيرة يابروف .. جريمة فظيعة من النوع البتستوجب اللعنة على كل البلد
ويؤخذ اخيارها بذنوب اشرارها وينقلب عاليها واطيها ثم يؤتى بقوم آخرين
سكوت سكان المدن الآمنين عن الجريمة دي في حد ذاتو جريمة
المفروض الحياة تقيف عديل كده .. المفروض مافي زول يقدر ينوم او ياكل او يعمل اي حاجة لغاية ما يتحاسب الاتسبب في الجريمة دي
تاكفروض الناس يمرقوا الشارع شاحبة وجوههم خاتين يديهم في راسهم من هول الجريمة
غايتو شخصيا كده متأكد تماما من ان ثمة عقاب جماعي سوف يحل بهذا البلد
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: خالد عبدالوهاب)
|
أخونا عبدالله ... سلام ياخي
| Quote: ديل كوم وناس اساساالاسلام عامل كدة متخلف ورجعى والكيزان والسلفيين الخ الخ طيب يخوانا جيبو الحاجة الانتو معترضين عليها وناقشوها مافى مشكلة تانى يرجعو يقولو ليك طيب الربيعى ماقال كدة |
والله أنا القصة ده حيرتني رسمي ... ما قدرت أفهم مغزي الاصرار علي تقويل الشيخ ما لم يقل ثم التعامي عن التصحيح و المواصلة في الاستهزاء !!
----------------
خالد يا غالي !!!!!!!
طبعا أنا اكتشفت الأكتشاف ده قبل يومين بس !!! بالله ده كلام ده !!!
شكرا ياخي علي التنوير الفيسبوكي ..
| Quote: ايوة سكان المدن الكبيرة متواطئين البيحصل في الاطراف ده جريمة كبيرة يابروف .. جريمة فظيعة من النوع البتستوجب اللعنة على كل البلد ويؤخذ اخيارها بذنوب اشرارها وينقلب عاليها واطيها ثم يؤتى بقوم آخرين سكوت سكان المدن الآمنين عن الجريمة دي في حد ذاتو جريمة المفروض الحياة تقيف عديل كده .. المفروض مافي زول يقدر ينوم او ياكل او يعمل اي حاجة لغاية ما يتحاسب الاتسبب في الجريمة دي تاكفروض الناس يمرقوا الشارع شاحبة وجوههم خاتين يديهم في راسهم من هول الجريمة غايتو شخصيا كده متأكد تماما من ان ثمة عقاب جماعي سوف يحل بهذا البلد |
عليك الله شوف تعميمك ده ظالم كيف !!
يا زول ((المدن الكبيرة )) اللي إنت بتتكلم عنها دي و بتصفهم بالتواطؤ فيهم ناس مبلولين زيهم و زي الناس المظلومة في الاطراف... فيهم ناس هربو من الظلم و القتل ده ذاتو ... و فيهم ناس من شدة البل ما عارفين إنو في ظلم في الأطراف أساسا .
وجه لومك للمثقفين من بني وطني، الذين عرفو فسكتو تجدنا كلنا معك، لانو حتي المثقفين فيهم من لم يسكت علي هذا الظلم . أما هذا التعميم ففيه ظلم لا يرجي مِن مَنْ يعترض علي الظلم ...
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
هههههه
الغريبة اتخيلت تكون اكتشفت الاكتشاف ده من البوست الكنت بلاوي فيهو في الناس البقولو ليك الا ترجع داك
التعميم هنا ماظالم يابروف
لانو في مثل الجرائم والمظالم البي الحجم ده لاقيمة للافراد ... المسألة حسب ظني تؤخذ بالتوجه المجتمعي
وواضح انو توجه المجتمع بتاع ناس الوسط والبعيدين من الحرب انو متصالح مع الحرب الفي الاطراف
يعني قصة ناس مبلولين او مظلومين او ماعارفين دي ماعندها وزن ... توجه المجتمع شكلو شنو ؟؟
واظن في كل التاريخ وردت عبارات مثل قوم لوط .. وقوم نوح و الخ
رغم انو بكون فيهم ناس مبلولين في النص ... مع التحفظ على التشبيه :)
يعني بس في النوع ده من الجرائم بفتكر انو توجه المجتمع هو البيحدد الناس متواطئين ومشاركين ولا لا
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
امين سلامات
| Quote: فيهم ناس من شدة البل ما عارفين إنو في ظلم في الأطراف أساسا |
قبل شهرين كده كنت ماري في كلية الهندسة ج خ لقيت قروب كده من المبلولات عاملات (باظار) ،،، شئ سندوتشات وشي دلايات بتاعة مفاتح ، وشئ قلوب - قال شنو؟ : قال باظار لدعم غزة !!
هاك غزة دي !
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أيمن محمود)
|
| Quote: والله حيرتونا البروف يجي يكتب من جوى ود. محمد المشرف يفتح الباب ويطلع يرد ليهو من برا (وجه متمحن) وسلام للاتنين ... |
و عليكم السلام يا شمسنا و لعلك بخير ... ياخي المشرف حبابو من محل ما يكتب ... و بكري ابدع بقصة من خارج الأستديو دي .
. ------------
| Quote: التعميم هنا ماظالم يابروف لانو في مثل الجرائم والمظالم البي الحجم ده لاقيمة للافراد ... المسألة حسب ظني تؤخذ بالتوجه المجتمعي وواضح انو توجه المجتمع بتاع ناس الوسط والبعيدين من الحرب انو متصالح مع الحرب الفي الاطراف يعني قصة ناس مبلولين او مظلومين او ماعارفين دي ماعندها وزن ... توجه المجتمع شكلو شنو ؟؟ واظن في كل التاريخ وردت عبارات مثل قوم لوط .. وقوم نوح و الخ رغم انو بكون فيهم ناس مبلولين في النص ... مع التحفظ على التشبيه :) يعني بس في النوع ده من الجرائم بفتكر انو توجه المجتمع هو البيحدد الناس متواطئين ومشاركين ولا لا |
خلاص يا غالي ... لمن الحرب تدور بالله أبدو لينا من الناس ال already مظلومة و مبلولة دي، و اللي كل جريرتهم انهم عايشين في الوسط !!
قصة قوم لوط و قوم نوح و .... دي تسميات ربانية ما سماها التاريخ .... و العذاب الجامع ده جاهم من رب العباد ما من ناس قررو يشنو حرب لاسقاط النظام يكون ضحاياها الجميع .
-------------
| Quote: قبل شهرين كده كنت ماري في كلية الهندسة ج خ لقيت قروب كده من المبلولات عاملات (باظار) ،،، شئ سندوتشات وشي دلايات بتاعة مفاتح ، وشئ قلوب - قال شنو؟ : قال باظار لدعم غزة !! |
أبو يمن يا حبيبنا ... غايتو حسب الصورة دي ... نحن المحتاجين دعم !!
تعرف واحدة من أكبر أسباب عدم الوطنية في السودان الشقيق مسالة احساس الناس في الأطراف بانو باقي الناس ما شغالة بيهم شغلة !!
قبل فترة حبيبنا محمد عثمان إبراهيم في صفحتو في الفيسبوك نزل صور لاطفال في إحدي قري الشرق والله ما تصدق إنو في اطفال علي وجه البسيطة بهذا الفقر المدقع ناهيك انهم يكونو أطفال بلادي !!
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
Quote: خلاص يا غالي ... لمن الحرب تدور بالله أبدو لينا من الناس ال already مظلومة و مبلولة دي، و اللي كل جريرتهم انهم عايشين في الوسط !!
قصة قوم لوط و قوم نوح و .... دي تسميات ربانية ما سماها التاريخ .... و العذاب الجامع ده جاهم من رب العباد ما من ناس قررو يشنو حرب لاسقاط النظام يكون ضحاياها الجميع . |
صباحاتك يابروف
ياخي انا اسي ماقاعد اقول ليك في رأيي او رغبتي او ماسوف نفعله عشان تقول لي (ابدو لينا) !
كل الموضوع انا بقول ليك في قرايتي للمستقبل او نبوءتي لما سوف تؤول عليه الامور
والقراءة دي نابعة من مقارنات وملاحظات على امتداد تاريخ البشرية
لمن يحصل جرم بالحجم ده ويعم الفساد ويموت الناس مجانا كده
بتحصل مصيبة تقلب موازين الامور كلها او تستعدلها في الحقيقة
ويذهب الله بالقوم الظالمين والماظالمين لكن ساكتين ويأتي بقوم آخرين !
اسي انت لمن تقول لي (العذاب الجامع ده جاهم من رب العباد) يعني ربنا ظالم مثلا ولاشنو ؟
لمن يحصل مايستحق العذاب الجامع ربنا بينزلو من عدلو .. لانو ميزان العدل بكون اختل اختلال مابينفع فيهو اصلاح كلو كلو
وده اظنو الحصل والقاعد يحصل كل يوم ... والعذاب واقع لامحالة
نسأل الله اللطف بس
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: خالد عبدالوهاب)
|
امين..حبابك يا صديقي
و بركة بالعودة يااااخ..
دقينا جرس يوم الفاتح من سبتمبر 2012..و بي عدلنا الدنيا ودتنا ( التــُمنة)..!
ح اجيب ليك الرابط هنا..و ده ما المهم..
المهم دايرك في نقة خصوصية .. انت و طيب الذكر صديقنا محمد قرشي عباس..و دي فتحت اضان.. عشان بعدين ما تتغبوا فينا العرفة..
التحية لضيوفك الأكارم هنا..
كبر
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: Kabar)
|
| Quote: اسي انت لمن تقول لي (العذاب الجامع ده جاهم من رب العباد) يعني ربنا ظالم مثلا ولاشنو ؟ |
بالعكس يا خالد ... أنا نقطتي لانو ربنا عادل و نحن ما مطلعين علي طريقتو في تصريف الأمور ما مفروض نقيس علي فعله ... يعني ما لانو ربنا خسف بقوم الأرض ( مع وجود صالحين فيهم ) نقيس عليه إنو ناس الوسط يستاهلو الحرب حتي لو فيهم مظلومين .
--------------
أووو محمد النور كبر ... سلام حبيبنا و لعلك بخير
| Quote: المهم دايرك في نقة خصوصية .. انت و طيب الذكر صديقنا محمد قرشي عباس..و دي فتحت اضان.. عشان بعدين ما تتغبوا فينا العرفة.. التحية لضيوفك الأكارم هنا.. |
يا زول حبابك و حباب دكتور قرشي و حباب نقتكم كان عامة كان خاصة ...
| |
|
|
|
|
|
|
|
|
|
Re: القلم ليهو رافع ( بوست شخصي جدا ) !!! (Re: أمين محمد سليمان)
|
اكتشفت إنو في كمية كبيرة من الناس قايليني بروف بالجد !!!
قبل فترة ضربت لي أختي من السودان ... عندها صاحبتها متابعة س. أونلاين ... قالت ليها إنت أمين محمد سليمان البكتب في س. أونلاين أخوك ؟
أختي ما بتكون سمعت ب س. أونلاين أصلا ... المهم بعد وصف كده عرفت إنو صحبتها قاصدني أنا ...
قالت ليها هو بروف في شنو ؟!!
أختي قالت ليها غايتو بروف بتاعتو دي إلا تكون من ابوروف الساكنين فيها دي !!
ده إعلان غير مدفوع الأجر إنو القصة دي لقب لا أكتر لا أقل !!
و الشهادة لله ... أنا جازفت الدكتوراة بايدي و شديدي هنا : باركو لي الدكتوراه.........................!!!!
لكن البروفسيرشيب دي جازفوها لي الأخوان !!
| |
|
|
|
|
|
|
| |
أمين محمد سليمان
ABUHUSSEIN
حيدر حسن ميرغني
وليد محمد المبارك
صديق الموج
عبد الله فقير
سامى عبد المطلب
بدرالدين الطائف
kamal omer
تبارك شيخ الدين جبريل
الشفيع وراق عبد الرحمن
Yassir Tayfour
Hussein Mallasi
Frankly
omer osman
محمد البشرى الخضر
احمد التجانى احمد
الامين موسى البشاري
مرتضى احمد عبد القادر
أبوبكر أبوالقاسم
الشامي الحبر عبدالوهاب
محمد إبراهيم علي
طارق جبريل
حمزه بابكر الكوبي
محمد المسلمي
معاوية المدير
القلب النابض
khaleel
أمير عثمان
showgi idriss
خالد عبد الله محمود
smart_ana2001
Nader Abu Kadouk
خضر حسين خليل
احمد الأمين على إدريس
عاطف عمر
ASAAD IBRAHIM
سارة علي
saidahmed shami
عمران حسن صالح
Mohamed E. Seliaman
Elawad
ombadda
Shams eldin Alsanosi
أيمن محمود
Kabar
فيس بوك
تويتر
انستقرام
يوتيوب
بنتيريست