موضوع العنصرية بالبورد . لماذا أتصدى لها ؟

Quote: اخي دينق......عشان نكون في الصوره عايز تناقش العنصريه كفكره كشئ ضد حقوق الانسان اذا ماتذكر فئه معينه ذي ما قلتا ليك وحاكرر دا داء عالمي ماسوداني شمالي .......انت اخ دينق من نصفنا الحبيب الجنوب والذي اصبح دوله قائمه بذاتها هل تناقش العنصريه في السودان الشمالي كباحث.........لو باحث خليني استفيد منك وتستفيد مني لأني باحثه...........هل بتناقشه كشخص عانى منه هو وأهله ودفع التمن غالي .......النتيجه دوله طول وعرض اسمها جنوب السودان حديثه ناشئه.....فيها كثير من العلل تحتاج لجهودك الفذه وإحدى هذه العلل سيطرة قبيله وااااااحده وهي الدينكا على مفاصل الدوله وانا لو رصدتا ليك الاحداث العنصريه البتحدث منهم اتجاه بقية القبائل الجنوبيه الاخرى المساحة لا تكفي......ارجوك افهمني صاح لأني اتعودتا اكون وااااضحه انحنا دايرين حلول مش ذكر للعله وتذكير صباح مساء وكانها علتنا الوحيدة .يا سيدي أنا عايشه في السويد في دوله نسبة الاميه صفر في عنصريه مغيته يكفي انه السويديين برحلوا من الحي لما يسكن فيه أجانب والا الهند الان فيها طبقه اسمها العبيد لوشربوا من ماسورة عامه بحرقوهم وبكسروا الماسورة .......هناك في السودان في عنصريه ما ينكرها الامكابر لكن في قلوب ذي العسل قلوب طيبه ونفوس صافيه بالدليل انه حتى الحروب القامت لم يكن سببها الاساسي العنصريه .ومستعده لمناقشتك فيها ........عايزه اقول ليك كلام قالوا رجل قامه صرح ثقافي متحرك الاستاذ مؤسس اكول سفير جمهورية السودان سابقا في السويد الجنوبي ألبي محبته وثقافته العاليه وادبه وتواضعه لما جميع السودانين في السويد حوله وقال لينا نحنا شعب عظيم بس مشكلتنا دائماً ننظر للجزء الفارغ من الكوب لو قعدنا الوقت كله نفتش بس للعيوب ونضع علي الجرح ملح حنضيع ونضيع السودان. الفضل .الأناني هو البفرق بين الناس ليسود حكومه او معارضه شعبنا اعياه الجوع والحرمان وقائمة الفواتير الطوىله الدفع من دمه عشان فاسدينه يعيشوا خلونا نجمع شتات نفسنا ونفكر في البنفعنا العنصريه ماليه العالم بس لو اي انسان حصل في ظل دولة قاااااااانون علي حقوقه وأدى واجباته مافي واحد حيشتغل براي التاني فيه وكل شي بالعداله الاجتماعيه بتحقق . وجودك في منبر اعضائه جلهم ان لم يكن كلهم من السودان الشمالي وانشغالك بقضايانا يدل علي حبك لينا والا شنو .....اذا كبر احلامك وخلينا كل يوم نحلم بشكل دوله متكامل ونوعي الناس من خلال المنبر بيه لأنو الفكر لما تحركه المشاعر السالبة ذي الانتقام او الفتنه اوغيرها مافي ليه نتيجه غير الخراب والدمار والعكس صحيح أنا معاك لازم تزال العنصريه من المنبر ولكن أصر وأصر انها سياسه عليا اي في ايدي بكري ينوه للتبليغ عن اي اشاره عنصريه .......حذف للبوست وإنذار .....طرد وكفا الله المؤمنين شر القتال........