|
Re: تعامل الجمارك الروسية مع البضائع المهربة .. (Re: أيمن الفاضل)
|
Quote: جيبي الزيادة عشان نختهم هنا |
تاني في مقطعين او تلاتة ..المشكلة هم مقطعين الحلقة ..بكرة باذن الله بنزلهم اختك خلاااص نعست ..
والله يا أيمن لو حكيت ليك ملابسات الحلقة دي حتاقول البت دي دايرة تقشر لينا ساكت ..وأختك فاشلة في حكاية البرومشونات دي ..زي ما شايف ههههه..
ثقتك ما بناباها ..تشكر ياباشا
| |
|
|
|
|
|
|
Re: تعامل الجمارك الروسية مع البضائع المهربة .. (Re: جمال الباقر)
|
Quote: شايف البوست عامل زي الماسينجر شات بينك وبين البرلوم ده |
مرحب بيك جمال الباقر في البوست بتاعنا أنا وداليا
Quote: بالمناسبة الروس عندهم حاجات غريبة كتيرة كسير البضاعة ده ذكرني ايام نميري 83 لمن طلع بالدبابة في الويسكي |
الوسكي ما كان ممكن يستفيدوا منو لانو في نفسه ممنوع لكن الروس كسروا حاجات ليها قيمة
| |
|
|
|
|
|
|
Re: تعامل الجمارك الروسية مع البضائع المهربة .. (Re: داليا حافظ)
|
الواحد لما يشوف مذيعات او ضيفات عربيات على القنوات الفضائية بيتحسر صراحة لغياب المراة السودانية فى كل المجالات رغم انو المراة السودانية سباقة فى اقتحام كل المجالات السياسية منها والفنية والادبية وحتى الرياضية لكن يبدو ان حال نساءنا اصبح بعض من حال البلد المايل .. لكل ذلك جميل جدا ان تكون هناك داليا حافظ بغض النظر عن كونها زميلة بورد فهى وجه سودانى مشرف .. جميل جدا ان نرى كل هذه الاناقة فى الملبس واللباقة فى الكلام والعمق فى التحليل فهذه اشياء صارت تنقص نساء السودان فى الفترة الاخيرة .. تستحقين التحية اختى داليا وبالتوفيق
| |
|
|
|
|
|
|
Re: تعامل الجمارك الروسية مع البضائع المهربة .. (Re: داليا حافظ)
|
لكن ما خرف لكن دا اجمل خرف في تاريخ البث الفضائي بصراحة كدة انتي ما داليا الفي القناة لآنالجابوها دي داليا حافظ الشفناها دي انيقة جدا جدا الجاكيت الاسود مع الربطة مع السلسل الانيق مع الشعر الاسود الفاحم والناعم .. والعجب العطر انا اول ما هي بدت تتكلم الشاشة اصبحتى يضوع منها ذلك العطر الباريسي الفخم.. واصبحت الاجواء كهربائية
| |
|
|
|
|
|
|
Re: بوردابية ..andquot;تخرف على قناة الآن andquot; ..! (Re: بدر الدين مهدي)
|
Quote: تحياتي أستاذة داليا حافظ... تمام: طلاقة وتلقائية- مخارج واضحة.. وبساطة وعمق في التناول ... وأسلوب تواصلي - بعيد عن التكلف- يفهمه المتلقي العربي والسوداني , مزيدا من العطاء والتوهج الإعلامي مع إمنياتي لك وأسرتك بمزيد من التوفيق والتفوق....
|
داليا شرفتنينا ورفعتي مقامنا فوق الله يرفع من مقامك
| |
|
|
|
|
|
|
Re: بوردابية ..andquot;تخرف على قناة الآن andquot; ..! (Re: محمد البشرى الخضر)
|
Quote: بالغتي في العنوان الأول يا أم ملك هههههههههههه تخيلي المرة الأولى تابعت الفيديو الأول لغاية ما انتهى مشهد التكسير أول ما جات المذيعة تعلّق قفلتو وما تابعت هسّي لولا تغيير العنوان ما كنت انتبهت لمشاركتك وماشاء الله :) |
ههه
عارف يا ود البشري دي قربت تحصل علي برضو
تابعت الفيديو الأول لغاية المذيعة ما ظهرت طوالي مشيت لي صفحة تانية لكن كنت بسمع في الصوت
بعد شوية أسمع ليك صوت نسائي سوداني
الله ؟
مشيت أشوف ألقي ليك كمية من الأناقة واللباقة واللطافة
بعد شوية المذيعة قالت شكراً يا داليا حافظ
الله ؟
الاسم ده أنا لاقاني وين قبل كدا ؟
رجعت البوست ألقي مكتوب قدامي دااااليا حافظ
الاسم ده مالو بيتكرر كتير كدا ؟
فجاةً انتبهت لي إنو (ممكن) تكون هي ذاتها
قمت سألتها
انتي داليا حافظ ألفي الفيديو ؟
---------------------------------------- هذه كانت حكايتي مع هذا البوست
| |
|
|
|
|
|
|
Re: بوردابية ..andquot;تخرف على قناة الآن andquot; ..! (Re: القلب النابض)
|
شكرًا أستاذة داليا ، فقد كان أدائك رائعًا و لغتك رصينة فلا هى بالموغِلَة فى العامِيّة و بالتالى لا يفهمها سوى السودانيون و لا هى فُصحَى متَرَفّعَة يستعصِى فهمها على الكثيرين . فى أحد الفيديوهات أكثرتى من كلمة فعلًا و هو إكثار غير مخِل بالأداء و لكن تجنّب تكرار الكلمات فى الحوارات التلفزيونية يعكس قدرات إبداعِيّة أكبر ، لم يخطر ببالى أنّها تجربتك الأولى لو لا أن أشِرتى لذلك بنفسك فقد كنتِ حقًامذهِلَة.
شكرًا لك على رفع رأسنا .
| |
|
|
|
|
|
|
Re: بوردابية ..andquot;تخرف على قناة الآن andquot; ..! (Re: ابوحراز)
|
يا ابو حراز ..
تعرف لو البضاعة كانت مخدرات كنت بكون مع إتلافها ..وإتلاف المهربين ذاتهم ..بس دي حاجات مفيدة ..
الراجح انو شرطة الجمارك عايزة تقول أنها فاسدة وما بتستولى على البضائع ..وده فاتني اقولوا ..لكن برضو ده ده ما مبرر ..
قصة العنوان حاجيها برضو ..
يا وليد شكرا ليك كتير ياخ وانا بفرح بالنقدالموضوعي ..تعرف قصة فعلا دي ضحكتها فيها علي نفسي شديد وانا بكررا تلاتة أو اربعة مرات ..تعرف يا وليد مش هي وبس حاجات كتيرة اتمنيت لو أني ما قلتها أو لو قلتها بطريقة تانية ..لمتا نفسي كتير في المقابلة دي ..لكنها تجربة خلتني أخت نفسي محل ناس كتار ممكن ننتقدهم بكل قسوة ..وخلتني اشعر بمعنى اليدو في الموية فعلا ما زي اليدو في نار ..
| |
|
|
|
|
|
|
Re: بوردابية ..andquot;تخرف على قناة الآن andquot; ..! (Re: داليا حافظ)
|
كلام لابد أن يقال ..بعد شكر الجميع ..العبروا عن رأيهم والأكتفوا بالمشاهدة ..والفضلوا ما يقولوا حاجة لأنهم ماعايزين يحرجوني شكرا ليهم كلللهم ومن قلبي ..
التجربة المتواضعة دي لا كانت في البال ولا في الخاطر ..ودعيت ليها قبل 3 ساعات من التسجيل ..وفي الأول رفضت وتمنعت ..جد جد حتى اسالوا ربيعة لأنو الموضوع كان مباغت وكنت معتقدة أنو لازم أكون جاهزة شكلا موضوعا ..، شكلا دي قاموا بيها ناس الآن ..ميك أب وتسريح الخ ..انا لفحت لي بدلة وجريت ..بعد أن مورس علي ضغط كبير من ناحيتين ربيعة وزوجي ابراهيم ..دي ناحية ..
*الناس البفتكروا أني كنت ثابتة وشجاعة باكد ليهم اني كنت بسمع في صوت "معدتي" ..وأنو في التلاتة دقائق الاولى قربت افك المايك وأقوم جارية..بعدها استرخيت شوية وقررت أنسى الكاميرا وأتخيل نفسي في نقاش عادي وللامانة أنا ما كنت عارفة الكاميرا ذاتها وين وإمكن ده كان في صالحي ..
* المذيعة"نسرين صادق " مذيعة مقتدرة وبراااحة جرتنا للقصة بدون تكلف ..انا ما عارفة ناس العربية والجزيرة ما شيفنها كيف ؟
* كنت عارفة موعد الحلقة الكان تاني يوم من تسجيلها وما كلمت زول يشوفها إلا ناس بيتنا ..لأني كنت خايفة من رد الفعل والانتقاد والزول صحتو بقت ما بتتحمل
* زي معظم السودانيين ما بعرف اقدم نفسي وبخاف من الجلد ..وبتعرض نفسها ..وشوفوني ..والعقد الكتيرة القدر ما نتخلص منها بتتلفا حول رقبتنا والحمد لله انا انجلدت كتير لمن بقيت أردف ..
* فكرت أجيب الموضوع بطريقة ظريفة ولو ربنا قدر الناس يشوفوا ويحكموا الحمدالله ..لكن طلع ما في زول عندو صبر ..باستثناء أيمن كتر خير ..ومع تعبو معاي لم يحضر أحد ..ن ومن هنا جات فكرة تغيير العنوان ..، الأنا بعتذر عنا ..، وأنا ما قصدت يكون جاذب بقدر ما كان خجول ..والسبب المشكلة حقت معظمنا القلتها فوق ..
* المهم دي كانت تجربة خطيرة جد ، وتعلمت منها وانا أديت نفسي فيها وما تواضع 30% ، وما زلت ارى نفسي استطيع التعبير أفضل كتابة..شكر كتير لوقتكم الثمين ..
| |
|
|
|
|
|
|
Re: بوردابية ..andquot;تخرف على قناة الآن andquot; ..! (Re: ياسر السر)
|
داليا يا حافظ
بطلي تواضع...يمين من أول طلة دخلتي قلوب الناس لا حدهم ظهور بهذا الثبات...وبهذه الأناقة واللباقة ومن أول مرة...!!! ومع ذلك حاسة إنك ممكن تعملي أفضل...
ثانيا: ما كل الوجوه ممكن أن تتآلف مع الكاميرا يا داليا...وطلتك الأولي تقول أنك تلفزيونية التوجه الاعلامي...لا صحفية...
ثالثا: الكابلي في محاضرة سمعتها بأذني هنا في البحرين...قال نحن آخرنا تواضعنا...فاين الناصر قريب الله ومحمد المهدي المجذوب من خارطة الشعر ؟؟؟
سيري وربنا يحفظك من عين خلقو
| |
|
|
|
|
|
|
Re: بوردابية ترفع راس البورداب والسودان عاليا (فيديو ) (Re: nazar hussien)
|
ياسر ..تسلم كتير الشرف لينا..
نجلاء سيد احمد ..إن شاءالله دائما مرفوعة الراس ..كما عهدناك ..
شكرا لحضورك الجميل استاذة عائشة وبتمنى أكون عند حسن الظن ..
شكرا يانزار ضحكتني والله ..اوبرا طاااخ كدة هههههه..بالله كلم د. امير قال زعلان أنو ما أخد مني
اوتوغراف ..مش كفاية ردينا ليهو ..لوووول ..
| |
|
|
|
|
|
|
Re: بوردابية ترفع راس البورداب والسودان عاليا (فيديو ) (Re: داليا حافظ)
|
الخنتيلة وهي تمن على الإعلام بقليل من عميق رؤيتها وحسن لفظها وتعبيرها ... بالإضافة للشماعة (التي لا تشبه الصورة المرسومة في خيالي، بل أحلى وأطلق محيا!)
نورتيهن بعد كنتي منورانا برانا ... منظر أنتِ جديرة به لا شك ... هنالك بعض هنات رهبة الكاميرا ولا ضير ...
... المهم .....
| |
|
|
|
|
|
|
Re: بوردابية ترفع راس البورداب والسودان عاليا (فيديو ) (Re: جعفر محي الدين)
|
Quote: زي معظم السودانيين ما بعرف اقدم نفسي وبخاف من الجلد ..وبتعرض نفسها ..وشوفوني .. والعقد الكتيرة القدر ما نتخلص منها بتتلفا حول رقبتنا والحمد لله انا انجلدت كتير لمن بقيت أردف ..
|
هههه شكراً داليا، والله عايشت تجربتك ونجاحك، من خلال تعليقات أيمن والباقين، لكن ما تمكنت لأسباب فنية من مشاهدة الفديوهات! إضافة إلى أن مداخلتك اللي اقتبست منها هذا الاقتباس، بتدي مؤشر إلى أن هذه التجربة تستحق مزيدا من الحكي وتسليط الأضواء على بعض التفاصيل، أقصد بالذات الإنسانية، وبالذات من ناحية علاقتها بتحقيق الإنسان للنجاح في المجال العام! والعبارة الأخيرة كان فيها إشارة لعلة أساسية من علل الخوف في الجيل بتاعنا، (الجيل الكان بيردف)! فشكرا|ً للظهور المشرف! وأتوقع بوست آخر عن التجربة!
| |
|
|
|
|
|
|
Re: بوردابية ترفع راس البورداب والسودان عاليا (فيديو ) (Re: صلاح عباس فقير)
|
صلاح فقير كيفنك ..
والله يا فقير مداخلتك من الخطورة بمكان لأنها اربكتني جدا ..فانا ما عارفة إذا كانت التجربة بتحتاج للكتير من الكلام ولا لا ..لكن الكلام القلتو عنها ده حقيقي جدا وشايفاهو بالطريقة دي ، ما بقدر اعتبر حلقة واحدة تجربة يستفاد منها شديد زي ما زول يعمل تجارب تراكمية مع سبق الاصرار ..بس من ناحية شخصية وبعد ردود أفعال الناس ما قبلو ..شعرت بنوع من الرضا وندمت على فرص ضيعتها مرات ، وبديت أفكر في أنو الزول ما يكون خجول في تقديم روحو آز سنبل آز ذات ..لحدي المرحلة دي ..بعداك نشوف ..افتكر كدة عفيتني من بوست تاني في السقط ده
تحياتي ..
| |
|
|
|
|
|
|
Re: بوردابية ترفع راس البورداب والسودان عاليا (فيديو ) (Re: داليا حافظ)
|
صراحة يا داليا يا حافظ عيونك .. لي عينا سهيدة .. تضرب بنبالك ارواحنا و تصيدا من اوصاف عديدة ظهرت لي قوافي
الواحد زاتو من شدة ما انبهر بالاطار العام والشكل الخاص في اطار بديع جدا ما عارف يقوم يغني ولا يرمي رمية ويقطعها في حنانو ويسكت غُصنو مُهفهف املدن .. هيبة اسد في عيون شدن
ولا شنو
| |
|
|
|
|
|
|
Re: بوردابية ترفع راس البورداب والسودان عاليا (فيديو ) (Re: داليا حافظ)
|
يا زيزو يا معاين من الشباك ..(الفيسبوك)..
تسلم كتير ولي الشرف انا بمتابعة اهلي ..بالنسبة للزي يا زيزو اللبس اللابساهو ده ما عندو هوية معينة بلبسوهوا الناس كلهم زي ما عارف في كل الدنيا"مدني " وفي نفس الوقت حاجة "فورمل" بتتناسب مع نوعية البرنامج ..، وما ممثلة السودان فيهو بصفة رسمية ..وحتى لو ممثلاهو ما بتخيل ضروري أكون لابسة توب (وجهة نظر) وفي الوقت نفسه ما عندي اي تحفظ على التوب ..بالنسبة للهجة والسحنة مافي منها مفر بتظهر بتظهر وده شيء بسعدني شديد، بالنسبة لاستخدام كلمات موغلة في العامية زي "بري" مشكلة لانها شرحها بكون صعب بعدين المستحب في حوارات ما موجهة محليا انو الزول يستخدم ما يسمى باللهجة البيضاء ..بمعنى انها تكون مفهومة لاي شخص ما سوداني بسمعا عشان كدة اختك اجتهدت شديد
شكرا ليك كتير ..
| |
|
|
|
|
|
|
Re: بوردابية ترفع راس البورداب والسودان عاليا (فيديو ) (Re: داليا حافظ)
|
ملاحظ جدًا انو مقدمة البرنامج انتبهت لي انك عندك آراء مؤسسة على تعاطي الواقع بموضوعية ... ما مجرد ملاحظات سطحية لظواهر منفصلة عن بعض ... يعني في رؤية كلية خلف الكواليس ...
فشايف بقت بتبدى بيك عشان الحوار يتبني على نقاط محورية ...
يعني الزول البيقرا الظواهر الإجتماعية والسياسية بى أبعاد اقتصادية وجمالية واخلاقية مختلفة ... عادةً الزول الزي دا بيقدر يساهم في إعادة صياغة الواقع ... مسوّق آمال عريضة كدأب الأدباء والشعراء والفنانين ... يتبعك "الغاوون" زي ضلك ...
والله اتكيفت منك ... لاكين خايف انبهل في البوست دا ... يفهموني صاح ...
(وبالجنبة كدا ... شكلك ومظهرك يستحقوا مشاغلة وصفارة وكلمتين تلاتة النوع البيتحذف وبعد داك ابقى في الباسويرد واللايحة وعيييييك!)
... المهم ....
| |
|
|
|
|
|
|
Re: بوردابية ترفع راس البورداب والسودان عاليا (فيديو ) (Re: داليا حافظ)
|
سـلام يا داليا.. وأنا طبعاً ماليش في الإعـلام ومتطلباتو عشان أديك راي زي ما طلبتي من الزملا في البداية.. وكمان ماليش في تهريب البضايع برضو :).. ورغـم أنو الخبر بقول بضايع مهربة لكـن بحسب ما قاعـدين نشوف ونسمع في بلاد تانية خاصة في أوربا، فالإتلاف غالباً بتم لبضايع مزورة وبالتالي مهربة بالضرورة.. أجهزة الآيفون مثلاً في الخبر غالبا تكون مقلدة أو (صينية) زي ما بقولوا ناس السودان (من الطرايف واحدين في السودان بقول ليك الآيفون أبوتفاحة كاملة صيني، وأبوتفاحة مقرومة دا أصلي :)).. عليه بفتكر فكرة إتلاف الماركات المزورة للأجهزة أو حتى الأحذية والملابس صحيحة وأجدى من التفكير في محاولة الإستفادة منها ولو بشكل عمل خيري؛ لأنها بتضر بالشركة صاحبة المنتج الأصلي بسبب إنها قد تباع بسعـر أقل كتير من الأجهزة التي الأصلية أو التي تدخل البلد بطريقة صحيحة.. وممـكن برضو يكون فيها إشكالات قانونية تانية الخ.. مرة تانية زي ما قلت أنا من ناس: كـلام سيدي السمح الما في زول فاهمـو.. لكن حضورك في الإعـلام (العربي خاصة) وال بنعتبر نحنا (مهمشين) فيهو كمشاركين؛ حضورك وطلتك تسعدنا وتشرفنا كبورداب وسودانيين .. مزيد من النجاح أرجوه لك..
| |
|
|
|
|
|
|
Re: بوردابية ترفع راس البورداب والسودان عاليا (فيديو ) (Re: Isa)
|
يا محب مرحب بيك ..والشرف لي بحضورك شكرا ليك كتير ..
أهلين يا Isa ..كلامك عن انو البضائع مقلدة اجتهاد قد يكون صحيح ..بس انا كنت متقيدة بالتقرير القدامي الما اتذكرت فيهو حاجة زي دي ..وكان الموضوع اختلف لانو بضر آخرين ..وتشجيع على الغش والتزوير ..وشكرا كتير للتمنيات ..
| |
|
|
|
|
|
|
|