|
|
|
 Re: الخرطوم ملك منو والمنبر ملك منو؟ (Re: Balla Musa)
|
دكتورنا بلة سلام وتحية
بعيدا عن الجمال والخرطوم أنا كبرلوم متعود في أي موقع اكتب فيهو بالصفة دي(برلوم) أنو الناس بتاخد مني مسافة أمان لغاية ما يعرفو أنا شايت وين
ومسافة الأمان دي لمن لم يدمن القيادة بإهمال أمر طبيعي ومغروس فينا كبشر من أي حاجة جديدة أو مجهولة
فدحين أنا لافي شمال بعد خمسة أمتار وعشرة ثواني وعلى الجميع مراعاة قوانين المنبر
| |
 
|
|
|
|
|
|
|
|
Re: الخرطوم ملك منو والمنبر ملك منو؟ (Re: Musab Osman Alhassan)
|
سلامات بلة.
مهما يكن هناك ما يعرف بال lurking فى جميع منتديات النقاش وغرف الدردشة. وأول شئ تعلمناه هنا فى هذا المنتدى هو انه الواحد يكون lurker ومن ثم التداخل مع باقى الأعضاء بحذر. منابر النقاش مليئة بذوى العاهات النفسية والعقد ومن الضرورى بمكان معرفة ردود العضو والكيفية التى يتفاعل بها مع الإستفزازات والنقد اللاذع وهذا لا يتأتى للأعضاء الجدد بكثرتهم وكثرة مداخلاتهم. نحتاج بعض الوقت لنفرز من هو على قلب "جادات" أو على قلب "معاوية الصايم" او ''هبانى االهوى" أو أو ...
بإختصار الحكاية تحتاج إلى غربلة وكثير زمن ومافى داعى للشفقة.
نصيحتى إلى الأعضاء الجدد ان يتريثوا فى المشاركات.
حتى الآن من كل المشاركين الجدد وضعت إثنان فقط من ضمن قائمة الsafe members وهى قائمة لاعضاء يمكن ان اساهم واتداخل فى بوستاتهم بكل اريحية. والقائمة ستزيد بالطبع مع مرور الزمن.
غايتو دة منهجى فى هذا المنبر طوال 11 عام لم يتم فيهاإيقافى او زجرى ولم اتعرض لاى إساءات جارحة ولم يتعرض اى بوست فتحنه لمحاولات تخريب.
شىء أخير: المنبر واهل المنبر مكان إفتراضى يجمع اعضاء إفتراضيين يعنى الحكاية كلها virtual x virtual
وبالتالى مجرد ما تقفل نافذة المنبر بالله انسى ما فى المنبر واتتقل لعالمك الحقيقى your real world.
:-)
امبدة فى ثياب الواعظينا ههههههه
كنتم مع الكاميرا الخفية يا برالمة .
ومرحب بيكم كلكم، ونعم لحرية الراى والفكر بلا قيود.
| |
|
|
|
|
|
|
|
|
|
Re: الخرطوم ملك منو والمنبر ملك منو؟ (Re: Balla Musa)
|
| Quote: ولبرلوم واحد أفضل من 100 سنير! |
وحاتكـ يابله ..
في سناير هنا ماناقشين التكتح ..
والواحد لمن تسمعه يتفاصح ..
تقول ده ابن بارم ديلو ..
وهو قرعوبتو فاضيه ..
وبعض البرالمة والذين أعرفهم وقابلتهم في مواقع شتى ..
بدنيا العوالم العنكبوتية .. وجاءوا في فترة التسجيلات الأخيرة ..
أفهم من كثير من السناير القاعدين وماقاعدين ..
وبالذات ناس قريعتي راحت ..
وناس معاهم معاهم .. عليهم عليهم ..
ولبكري وجهة نظر ستظهر في فترات قادمة ..
أما الناس الماعجبهم ديل ..
فضيق الأفق .. والأنانية كاتلاهم ..
بالذات البعض ممن يرى أقدميته ..
دليل علو كعبه ..
وديل حيجيهم يوم يعرفوا فيه خطأ معتقدهم ..
وتبقى ليهم الشينة القابلوا الناس بيها هنا ده ..
عارف كانوا بيداقرونا بي شغلة برالمة دي ..
السناير .. أيام الجامعة وفي سنوات دخولنا لها ...
فكنا نلم ليك في السنير من ديل لحدي مانبلعو كلامو ..
ونخرتو في حنانو ذاتو ..
شغلة البرالمة والسناير دي ..
بتذكرني بالزول القال للتاني ..
تعيش كتير تشوف كتير ..
فرد عليه الآخر .. لا يا أخوي ..
تلف كتير تشوف كتير ...
وهكذا البرلمة والسنيره ..
فهي تخضع لي كون البرلوم ده جاي من وين ؟؟
أما ان كانت من باب المزاح وتلطيف أجواء التعارف ..
فلا بأس ....
يابله .....
طرحكـ طرح موضوع من زول أكثر من موضوعي ..
وينضح فهم ... وينطق عقلانية ..
| |
|
|
|
|
|
|
|
|
|
Re: الخرطوم ملك منو والمنبر ملك منو؟ (Re: معاذ الدخري)
|
تسلم كثير دكتور بلة
سنوات خلت و نحن وغيرنا قراء لهذا المنبر و بعدها نال عضويته من قبل صاحب المنبر
من تقدم له و بقى البعض منتظر ألى أن حان دوره و ما لم يكن قارئ و متابع لما أنضم
لهذا المكان ... من خلال متابعتى للمنبر سنوات يخيل لى هذه أكبر دفعة بعد السنوات الأولى
قبلها الأخ بكرى ... الملاحظ حتى الآن الأغلبية تتداخل بحذر و أنا منهم رغم معرفتنا بكل عضو
هنا و أتجاهه و فكره ولكن الأغلب لم يأت ليخاصم أو يهاتر أو يسئ أو يتعنصر و مثلما هؤلاء
السناير منهم السمين أيضاً بينهم الكثير من الغث ...
الشئ المزعج هو النوع الفاكها فى روحه و مضخم ذاته و مستنكر دخول هذا العدد من البرالمه
و والله قرأت فى هذين الأسبوعين لبعض البرالمه أفضل بألف مرة مما يكتبه مضخمى ذواتهم
ســـــــــــــــــــؤال لأصحاب الأنا :
ماذا يضيركم وجود هؤلاء الجدد .....؟؟؟
دنيــــــــــــــــــــــــا ....كما قال أحدهم
| |
|
|
|
|
|
|
|
|
Re: الخرطوم ملك منو والمنبر ملك منو؟ (Re: على عبدالله بشير)
|
الخرطوم حقتنا كلنا نحن الغبش ديل ،
والماعاجبو ، يمشي ان شاء الله تركيا ، ويسوق معاهو الماراضيانين بينا كلهم ،
وفوق البيعة غازي ، وود حمدي ،،،
والمنبر دا حق الباشمهندس بكري ابوبكر ،
والماعاجبو يسويلو منبر ، المؤكد ان لا احد ينكب فيه ؛
.....
شكرا بلة اخوي ، والمناسبة انت كاتبي المفضل من يوم ،
الليلة اليلة قالوا الجداد حلبو
تصدق ما زلت ابحث عن الشطر الرابع ،
عندما اجده بديك خبر ،
| |
|
|
|
|
|
|
|
|
|
Re: الخرطوم ملك منو والمنبر ملك منو؟ (Re: عبدالمنعم الطيب حسن)
|
| Quote: الخرطوم ملك منو والمنبر ملك منو؟ |
المنبر ملك بكري أبوبكر العائش في فينيكس أريزونا..
والخرطوم ملك " أهلها " و "ناسها" ..
" أولاد المدن" .. المهذبين والمؤدبين والمتحضرين، والممكن بسهولة تفرزهم من خلال سلوكهم وتعاملهم حتى في غربة الله الواسعة دي !
| |
|
|
|
|
|
|
|
|
|
Re: الخرطوم ملك منو والمنبر ملك منو؟ (Re: Elhadi)
|
Quote: والخرطوم ملك " أهلها " و "ناسها" ..
" أولاد المدن" .. المهذبين والمؤدبين والمتحضرين، والممكن بسهولة تفرزهم من خلال سلوكهم وتعاملهم حتى في غربة الله الواسعة دي ! |
على حسب تعريفك دا يا الهادى نفهم أنك لا من ناس الخرطوم ولامن أولاد المدن؟
| |
|
|
|
|
|
|
|
|
|
Re: الخرطوم ملك منو والمنبر ملك منو؟ (Re: Elhadi)
|
مرحب الهادي Quote: والخرطوم ملك " أهلها " و "ناسها" ..
" أولاد المدن" .. المهذبين والمؤدبين والمتحضرين، والممكن بسهولة تفرزهم من خلال سلوكهم وتعاملهم حتى في غربة الله الواسعة دي ! |
شفنا مدن العالم
الخرطوم لا مدينة لا ناسها متمدنين
| |
|
|
|
|
|
|
|
|
|
Re: الخرطوم ملك منو والمنبر ملك منو؟ (Re: Balla Musa)
|
تحياتي لبلّة بن موسى وضيوفه.
===============================
برلوم برلوم برلوم ....
لا أدري لماذا التعامل مع من سجلوا في وقت قريب كأنهم صغار سن أو عديموا خبرة.
==============================
من جاء إليكم من زملائكم الجدد ... أناس مؤهلون لهم خبراتهم في الحياة والفكر والكتابة ... والاختلاف فقط أنهم كانوا بعيدين عن ضوء الكاميرا .... أو أنهم كانوا يغردون في فضاءات مختلفة غير فضاءنا هذا ....
==============================
قال برالمة قال :)
| |
|
|
|
|
|
|
|
|
|
Re: الخرطوم ملك منو والمنبر ملك منو؟ (Re: Elhadi)
|
والله يا الهادي يا خوي انا زاتي انزعجت من تعريفك دا
التهذيب و الأدب - خليك من التحضّر اسي - لا علاقة لهم بنشاة الإنسان في ريف أو مدينة بل بتربيته في اسرته غض النظر عن كانت وين
وبمقارنة سريعة - غير دقيقة - النتيجة ليست في صالح اولاد المدن
| |
|
|
|
|
|
|
|
|
|
Re: الخرطوم ملك منو والمنبر ملك منو؟ (Re: محمد البشرى الخضر)
|
Quote: التهذيب و الأدب - خليك من التحضّر اسي - لا علاقة لهم بنشاة الإنسان في ريف أو مدينة بل بتربيته في اسرته غض النظر عن كانت وين
وبمقارنة سريعة - غير دقيقة - النتيجة ليست في صالح اولاد المدن |
نظرياً، صاح وأتفق معاك في السطر الأول يا ود البشرى في كون أن السلوك الجيد عموماً ما مفروض يكون عندو علاقة بنشأة الإنسان في مدينة أو غيره..
لكن الواقع الماثل أمامنا والشايفنو قاعد يقول غير كده :)
وطبعاً المسألة ليست بالمطلق لكن نحن نتحدث عن الأغلبية..
| |
|
|
|
|
|
|
|
|
|
Re: الخرطوم ملك منو والمنبر ملك منو؟ (Re: Elhadi)
|
زمان الخرطوم دى كنا بنجيها لى حاجات محددة بعضها بارداتك والبعض الاخر إنت مجبور عليهو.
يعنى لو عاوز تسافر طيران الا تمشى الخرطوم.
لو عاوز تطلع جواز سفر الا تمشى الخرطوم .
تمكلة إجرات الخدمة الالزامية الخرطوم .
فحص الدم الخرطوم.
الجمارك الخرطوم.
طبعًا الحكومات السابقه والحالية عندها فهم فى تكريس الحاجات دى فى الخرطوم .
مطار مدنى ده ليهو عشرين سنة ليه ما اتنفذ .
منو الكان السبب فى تعطيل انشاء المطار ده.
وشوف الشريحة الكان ممكن تستفيد من المطار ده قدر شنو.
________________________________
ويجى والى الخرطوم بكل بجاحه يقول ليك (الماقادر يعيش فى الخرطوم يطلع منها).
كدى وفر للناس كل متطلباتهم وبعدين تعال شوف البجيك منو.
| |
|
|
|
|
|
|
|
|
|
Re: الخرطوم ملك منو والمنبر ملك منو؟ (Re: Rawia)
|
طبعاً نحن برالمة في المنبر ...ولكن لدينا تجارب تمنحنا تحصين معقول ضد امراض المنتديات والمنابر..
بكل امانة ..اكثر ما يحزنني في هذا المنبر هو اللغة التي يستعملها المختلفون ..خصوصاً في المواضيع السياسية ..والمطلوب الارتقاء بلغة الحوار ...بعيداً عن التخوين والاساءة والالفاظ الخارجة..
واتمنى ان يكون حال (البرالمة) افضل من حال (السناير)..
مع ودي ..
| |
|
|
|
|
|
|
|
|
 Re: الخرطوم ملك منو والمنبر ملك منو؟ (Re: عثمان رضوان)
|
جمال ود القوز
على ابراهيم رفاى حمد
سامى عبد المطلب
Rawia
معاذ الدخري
على عبدالله بشير
عبدالمنعم الطيب حسن
عادل عبد الرحمن حسن
Hani Arabi Mohamed
omar altom
عزالدين عباس الفحل
munswor almophtah
محمد البشرى الخضر
بدرالدين الطائف
ياسر منصور عثمان
جمال الباقر
عثمان رضوان
سلام عادى جدا للسناير الكرام
وسلام عالى جدا للبرالمة
وشكرا لكل من تداخل أو مايل أو مسكل أو أبرق أو تلفن بخصوص أمر البرالمة فى هذا المنبر..
وبعد
ياراوية
هيييع وكع
ماركة آيفون
والفحل دا زعيم الهوتو
وبعد تانى
خلونى انفرد شوية بالهادى
| |
|
|
|
|
|
|
|
|
 Re: الخرطوم ملك منو والمنبر ملك منو؟ (Re: Balla Musa)
|
واحد
اتنين
تلاتة
اربعة معاك الواحد
واحد زايد أربعة يساوى خمسة
خمسة تضيف ليها أربعة المجموع تسعة
يعنى كدا لحد الآن الواحد عمل ليه شلة من 9 رجالة..
وعندى بغادى مداخلة فى بوست كسلا يبقى عشرة
وعندى ترحيب لبرلومة يبقة عشرة ونص
مابطال لحدى الآن شلة كويسة!!
| |
|
|
|
|
|
|
|
|
|
Re: الخرطوم ملك منو والمنبر ملك منو؟ (Re: Balla Musa)
|
Quote: واحد
اتنين
تلاتة
اربعة معاك الواحد
واحد زايد أربعة يساوى خمسة
خمسة تضيف ليها أربعة المجموع تسعة
يعنى كدا لحد الآن الواحد عمل ليه شلة من 9 رجالة..
وعندى بغادى مداخلة فى بوست كسلا يبقى عشرة
وعندى ترحيب لبرلومة يبقة عشرة ونص
مابطال لحدى الآن شلة كويسة!! |
دي حسابات بتاعت شنو
وناوي علي شنو بالظبط
| |
|
|
|
|
|
|
|
|
|
Re: الخرطوم ملك منو والمنبر ملك منو؟ (Re: Balla Musa)
|
Quote: والخرطوم ملك " أهلها " و "ناسها" ..
" أولاد المدن" .. المهذبين والمؤدبين والمتحضرين، والممكن بسهولة تفرزهم من خلال سلوكهم وتعاملهم حتى في غربة الله الواسعة دي ! |
| Quote: انت انزعجت من التعريف الفوق ده ولا شنو يا " بــلــــــــة " ! |
| |
|
|
|
|
|
|
| |
Balla Musa
أيمن الفاضل
Musab Osman Alhassan
ombadda
جمال ود القوز
سامى عبد المطلب
Rawia
معاذ الدخري
على عبدالله بشير
عبدالمنعم الطيب حسن
Elhadi
Hani Arabi Mohamed
omar altom
عزالدين عباس الفحل
munswor almophtah
محمد البشرى الخضر
بدرالدين الطائف
ياسر منصور عثمان
جمال الباقر
عثمان رضوان
علاء الدين عبدالوهاب
نوفل عبد الرحيم حسن
فيس بوك
تويتر
انستقرام
يوتيوب
بنتيريست