|
|
 Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: حبيب نورة)
|
حبيبنا
تصدق ياحبيب نورة رغم انو زعلان لحدي اسي ما قريت روايتك ( في حبة عشم كدة انو تجيني في مقبل الايام ) لكن عاوزاموت بالزعل لانو ما قريت للراجل ده - خسوسا - انوقال روايتو مترجمة بالانجليزي (زي بالانجليزي يا مرسي).
خشمنا بقا ملح ملح والله الواحد بقا يخجل لكذب الناس التانية لانو بالجد كدة الواحد بحس بالذنب (ليه ما عارف؟).
| |
 
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: محمد سنى دفع الله)
|
مشكلة الكاتب محمد سعيد حامد دا انو النوع البتعتر ليهو ( حاجاتو ) ..... يعني حظو عاثر لدرجة قف تأمل... الزول دا لو كان ظهر ايام وفاة محمود كان زووووول جاب خبرو مافي
اهو بس يجي يطربق طربقتو لا من شاف ولا من دري :).... ولا جانا ايام مظاهرات وللا ايام اعتقالات وللا اي كبة من كبات نظام الخرطوم الكتييييرة دي.... هسي انا اقوم ابحت وابحت
وابحت لقيت شركة ( كونج توت ) دي قاصد بيها ( كنج توت ) جهجه افكاري لغاية ما لقيتها , اها كمان لقينا عندها صفحة في الفيسبوك ودا رابط الصفحة
https://www.facebook.com/KingTutForMediaProduction
ودا كمان عنوانهم في القاهرة
3 Obour Buildings ,Salah Salem Road, Cairo, Egypt, 11311
يعني لو في زول من ناس القاهرة الفاتتهم مشاهدة (دموع القمر) ممكن يختف رجلو علي الشركة ويشوف لينا القصة دي بالله
ولحينه نكتفي بهذه ( التزة ) الاسفيرية غير المعوقة :)
واحد يشغل لينا وجه القمر سافر بالله 
| |
|
|
|
|
|
|
|
|
 Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: محمد سنى دفع الله)
|
سلامات يا ناصر,,
إنه زمان أمثال هذا المريض زمان المهازل زمان الغفلة,,, زمن الطحالب والنبتات المتسلقة الضارة...
صاحبك دا ما براههو يا صاحب,, شاف بعينو كلو بيتوهم ويتنفخ بالهواء الفاسد ويجى يكتبو أو يلقى ليه
قناة زى قناة الشروق دون أى تمحيص ودون أدنى مجهود من لافض فوه مقدم البرامج الذى يفترض فيه أن يبحث
ولو قليلا عن خلفية ضيفه وسيرته,,
يا ناصر مافى أى حاجة غريبة فى الموضوع والمصيبة ماشة متعاظمة كل يوم وقليل جدا من معدى البرامج ومقدميها
يملكون الأدوات الصحيحة والخلفيات المطلوبة حتى لا يأتى أمثال صاحبك ده ويمرر كل الخزعبلات وأحلام اليقظة طرفه
على أمة بحالها عبر القنوات التى تفتقر للأساسيات المطلوبة مثل الشروق وأخواتها..
الإنهيارات متواصلة ..
تابع الضجيج الذى يثيره
الهندى عز الدين فستجد
لمثل هذا الرجل العذر
فهو مريض شفاه الله وعافانا..
وبعدين ياخ ما كلو بجى يكضب فى راسنا دا ويقول الدايرو ويمشى يضحك بقت على الزول التعبان دا!!!!
تحياتى
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: أيمن الطيب)
|
سلام لي كل الشباب علي المداخلات و حا ارجع ليكم واحد واحد
في محاولة لاكتشاف المزيد من الحقائق
و في البداية بحب ارد علي الزميل Ridhaa الذي كتب
Quote: وبرضو أكرر ليكم الأختلاف لازم يكون بأدب واحترام مش سباب
واساءة مهما كانت الظروف ..................... |
كلامك زين ...... انا امبارح كنت في ذروة الانفعال ... اسف علي ذلك و اشكرك علي النصيحة يا اخي.
انا غايتو كان ما استعملت كلمة بمووووووت
و من اسه خليني بس عليك الله استعمل كلمة واحدة بس (المشتبه به) دي اظنها مناسبة و مافيها شتيمة
و بالمناسبة (اب رويس) زاتها ما تعتبر شتيمة من العيار التقيل.
_________
أكرر اسفي لك
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: Ridhaa)
|
Quote: و في الطبعة الاولي باع اربعين الف نسخة !!!!!
بي قميصو الاصفر دا و رويسو الصغير دا
|
والاربعين الف نسخة دى اتباعت فى سوق ام دفسو ولا شنو ما سمعنا بيها.
هسع يجيك دكتور المشرف يقول ليك ام دفسو ده وين.
______________________
الاديب ده ذكرنى قصة واحد صاحبنا ونحن فى المتوسط.
الزول ده كان خيالو واسع جداً حاجه كده من ربنا لا بشرب بنقو ولا يحزنون.
المهم بنقعد فى مسطبه تحت عامود كهرباء ويجى صاحبنا ده ينجر لينا حكاوى تشيب الرأس.
مرة مشيت انجمينا وووووووووو
مرة لما كنت فى باريس وووووووو
وهو الوكت داك المسيد دى ماشافه .
والذ حاجه انه عارف نفسه بيكضب ونحن عارفنه بيكضب .
وبعد ده كله كنا مستمتعين بكلامه وكضبة.
لكن الاديب ده ادأنى احساس بالقرف زى اخونا ناصر ده.
زول ما ممتع ياخ.
قرف يقرفك.
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: عمار عبدالله عبدالرحمن)
|
بالنسبة لمسلسل دموع القمر
Quote:
تاريخ النشر: الثلاثاء 22 أبريل 2008
محمد قناوي
احتفلت الفنانة اللبنانية نور ببدء تصوير أولى بطولاتها في الدراما التليفزيونية من خلال مسلسل ''دموع القمر'' تأليف مجدي سالم ويشاركها رياض الخولي وعبير صبري وهياتم وضياء عبدالخالق والتونسية درة والأردنية صبا مبارك واخراج عصام شعبان. والمسلسل من انتاج قطاع الانتاج المصري وتبلغ ميزانيته 12 مليون جنيه
اقرأ المزيد : نور تحتفل بـ دموع القمر - جريدة الاتحاد http://www.alittihad.ae/details.php?id=18146and...ixzz2JXTbLpo6[/QUOTE]
وين موقع شركة كنج توت من الشغلة دي ؟؟؟ في الموقع النزلو الاخ عمار مافي اي سيره عن المسلسل ده
يا ناس مصر دا عنوان شركة كنج توت و تلفونهم
عليكم الله سلك صغير كده و ورونا الخبر
3 عمارات العبور – صلاح سالم القاهرة .
تليفون : 24027176
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: بدرالدين الطائف)
|
| Quote: والاربعين الف نسخة دى اتباعت فى سوق ام دفسو ولا شنو ما سمعنا بيها. |
قال ليك الاربعين الف نسخة دي كملت في اوروبا براااااها
ترجمت الي عشره لغات يا بدرالدين
الدنيا مقلوبة بي بره و نحن لسه قاعدين ننفذ سياسة الدفاع بالنظر ههههههه
من اليوم داك و نحن مصنقعين في السماء حسب توصية وزير الدفاع
الفاضي يقرأ منو يالطائف؟
عرفت كيف انو نحن ديل الطلعنا مقصرين معاهو ؟؟؟
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: ناصر احمد الامين)
|
نصور
ياخي نقول جاب الروايات وصورتو الغلاف
يااخوي نحن بنتابع اي رواية صدرت الييوم لافلسفة ولا ينقشر بيكم
لكن ده البحصل في السودان بلدنا اول ما تطلع رواية ولاكتاب ويسمع الف واحد برشحو ليك
والف واحد بقولو ليك ياخي طلع كتاب فنان لي زول فنان عليك الله رسلوا لينا
اها هسي انا اصلو مافي زول من اصحابي قال لي طلعت رواية دموع القمر ولا دموع القمرة ولا حزن المغارب ولا حزن السنين ولا فلتكان بن خلتكان وبعدين رواياتو من ياتو نوع وثقلها شنو في الادب السوداني والقدمها منو ومين النقدها ومين ومين
محبتي وتابعنا في الماسنجر يا حبيب
| |
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: محمد عوض السيد)
|
Quote: اخ رضا
انا لست مع الشتيمة ولكن من ناحية الكذب فهو كذاب وقد اقتبست لك حديث عبدالعزيز بركة ساكن عنه وهو واضح لا لبس فيه
ولو دخلت علي صفحة الكاتب بركة وهي مفتوحة يمكن ان تقرا ماكتب عنه من اناس لهم صلة شخصية بالمستضافة في القناة التلفزيونية
|
فعلا يا رضا ... بركه ساكن كلامو واضح و نشروا اول ما شاف اللقاء ده طوالي
تعرف يا محمد عوض انو من حق عبدالعزيز انو يقاضي (المشتبة به) قانونيا
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: محمد زكريا)
|
Quote: نقول الهولنديين بكونوا عدموا الادباء والكتاب اللى ممكن يرشحوهم لجائزة نوبل وما لقوا الا ولدنا المبدع ده , كله جائز ولا داعى للاندهاش
بس ممكن ترشح براواياته باللغه الهولندية او الالمانية لانهم ما بفهموا البلاغة الضمنية والتصوير المكنى والتورية وانّه واخواتها
|
تقول شنو يا دفعة ؟؟؟!!! و الله ركبت فينا محنه السواد و الرماد
و ما زلنا في انتظار البراهين و الكتابين
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: Mohammed Ahmed Saeed)
|
الاخوة المتداخلون والمتداخلات
- العمر لايحدد ابداع الكاتب والتهكم غير مقبول ولكن من يعطي نفسه لقة سائغة للتهكم فليقبل
- الادب لايمكن الكذب فيه وعليه ومن السهل كشف المستور وبهذا المنبر أديبان مرر الزمان حكايتهما علي
جهاز كشف الكذب أحدهما صار مهديا طال انتطاره والاخر فاز بجائزة انقاذية وجاء الي المنبر معترفا.
- فلنطرح من عمر هذا الشاب 23 سنوات الانقاذ واثرها علي الادب والادباء ولنري ماتبقي له
من اساس .هل الجرايد والحوائط تصنع ؟؟؟؟؟
- الكتاب الذين استشهد بهم انفسهم لم يتجرأوا علي جائزة نوبل واين نحن من قال " لاأريد نوبل لتكالب العرب عليها"
وحتي غازي القصيبي له نصيب فقط معقول من الادب والاعمدة.
- كيف لشخص أن تكون لديه الجرأة أن يدعي أن رواية معروفة أن ينسبها الي نفسه -مجرد تساؤل-
- هذا الشخص يردد اسمه ودموع القمر وكأنه غير مصدق الاسم والرواية
- الحديث والحوار لايدل علي امتلاك ناصية اللغة للدرجة التي تجعل منه واثقا بترشح نوبل
- كم هي قاسية شروط نوبل وهل من حق جهة حكومة ان تتدخل في الترشيح ؟
- المصيبة أن مثل هذه الامور تمر وبدا الناس في تقبلها اوحتي النقاش حولها . هذا يعكس التردي في كل مجال
طالما اري وفي هذا البوست بعض الداعمين-ان كان الدعم غير مغلف- واخر يقول انه من توسط له اوحتي يعلم بهذه الحلقة أجد نفسي حزين الي
مالنا في زمن الانقاذ.
- هذا مع كامل الود
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: ابراهيم حسين)
|
Quote: يا ناس مصر دا عنوان شركة كنج توت و تلفونهم
عليكم الله سلك صغير كده و ورونا الخبر
3 عمارات العبور – صلاح سالم القاهرة .
تليفون : 24027176 |
يا عمك ياخ خسرتنا جنيهين ساهي !
هسه أنا أتصلت على ناس شركة كنج توت ديل
قلت للموظف أنا ياسين سليمان صحفي سوداني وشاعر وكاتب مرشح لجائزة نوبل . وبسأل عن مسلسل من إنتاجكم إسمه دموع القمر
وفي واحد سوداني بقول إنه هو المؤلف وصاحب الحق الأصيل في هذا المسلسل !
رد الموظف : لا يا فندم ما عملناش مسلسل خالص بالإسم دوّت !
إنتهى الخبر
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: showgi idriss)
|
ناصر الأمين
سلام يا صديق
أها المسلسل بتاع ( هشام آدم ) كيف ؟؟؟
يعنى الروايات مش موجودة
فتشت كويس
ولا قصاصات ..
ولا حاجة تثبت هذا الأديب الأريب ..
أها ..
نعمل شنو
نصدق
ولا مانصدق ..
ـــــــــــــــــــــــــــــــــــــــــــــــــــــــــــــــــــــــ
طيب قناة الشروق فى حالة ثبت أن الكلام دا خارم بارم !!
بنقدر نرفع عليها قضية ولا شنو الشورة ؟؟؟
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: معروف حمدين)
|
Quote: و قال الهولنديين عرضو عليهو الترشيح لجائزة نوبل للأدب لكين هو رفض
عشان طلبو منو تنفيذ اجندة ضد السودان.
|
| Quote: و قال عبدالعزيز بركة ساكن اشاد بيهو |
يرفض الترشُّح لجائزة نوبل للإدب ثم يبحث عن إشادة من عبدالعزيز بركة ساكن .. فتأمل!
لو كان ذلك كذلك .. فليسعى عبدالعزيز بركة ساكن لنيل الإشادة من كاتبنا العظيم
ــــــــــــــــــــــــــــــــ
معليش يا ناصر ... إستلفت مكنّة ملاسي في غيابه القهري 
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: حبيب نورة)
|
Quote: يا عمك ياخ خسرتنا جنيهين ساهي !
هسه أنا أتصلت على ناس شركة كنج توت ديل
قلت للموظف أنا ياسين سليمان صحفي سوداني وشاعر وكاتب مرشح لجائزة نوبل . وبسأل عن مسلسل من إنتاجكم إسمه دموع القمر
وفي واحد سوداني بقول إنه هو المؤلف وصاحب الحق الأصيل في هذا المسلسل !
رد الموظف : لا يا فندم ما عملناش مسلسل خالص بالإسم دوّت !
إنتهى الخبر |
خبر السواد يا حبيب نورة
انا اسه دي خجلان لمن بي غادي
الاديب و الشروق حا يكون موقفهم شنو ؟؟
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: Mohammed Ahmed Saeed)
|
| Quote: وانا عايزها لدكاترة الغفلة ( دكاترة اقصد بيها) ناس شهادة الدكتوراة الوهمية القداننا من القنوات دى |
الاستاذ محمد سيد احمد ........ اها دا كمان موضوع مهم اخر
لكين علي الاقل الدكاتره ديل غشونا نحن برااااانا
لكين زولنا ده لو طلع كضاب دي فيها تطاول عديل كده
جائزة نوبل و شركة كنج توت و الراحل مصطفي سند و الراحل غازي القصيبي و بركة ساكن و جامعة الخرطوم و معهد شنو كده ما عارف في هولندا
و مسلسل (جنون) القمر هههه و ........ الخ الخ الخ
ذكرتني نكتة الحرامي التلب ليهو في بيت عزابة
لقي ليك في الحوش 13 سرير فيهم 13 عزابي نايمين
و اوضة واااااحده
قال بس الاوضه دي حا تكون مليانه ثروة 13 نفر
دخل الاوضة و سرق ما تيسر له
و لما طلع بره ... لقي ال 13 سرير فاضيين !!!!!
طوالي دخل الغرفة تاني و قفلها عليهو و قعد يكورك
يا بوليص ... يا بوليص
لمن البوليس جا و طلعوهو من الغرفة و قبضو عليهو
قال ليهم : ايوه كده ياخي انقذوني ... دي كانت 13 نظرية جاهزة راجياني
هههههههههههههههههههه
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: ناصر احمد الامين)
|
ناصر إزيك ياخي ........
تعرف، الزول ده، رغم إنو طمم لي بطني (الله يسامحك في الفيديو الجبتو) .... لكن حقو ما نلوموا. لو مشيت في الشوارع حتلاقي كتيرين زيو .. ممكن كضابين أو موهومين أو مرضى ... إلخ. وأي واحد فيهم يلاقي فرصة يعمل لقاء في أي قناة بيجري وراها جري.
المشكلة هنا قناة الشروق ... حتى لو إفترضنا إنو الزول ده فعلاً عندو روايات ... مش مفروض يعمل ليهو إسم في أي نطاق حتى لو كان ضيق، عشان لما يسجلوا معاهو برنامج والواحد يشوفوا، يقول: أيواااا ده الزول الكتب الرواية الفلانية. بس قناة تجيب زول نكرة تماماً ...... إما تكون قناة لا علاقة لها بالمهنية، أو عندها أجندة خفية من تلميع زول زي ده.
______
ثم إنت واحد حاقد ساكت
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: ناصر احمد الامين)
|
Quote: ذكرتني نكتة الحرامي التلب ليهو في بيت عزابة
لقي ليك في الحوش 13 سرير فيهم 13 عزابي نايمين
و اوضة واااااحده
قال بس الاوضه دي حا تكون مليانه ثروة 13 نفر
دخل الاوضة و سرق ما تيسر له
و لما طلع بره ... لقي ال 13 سرير فاضيين !!!!!
طوالي دخل الغرفة تاني و قفلها عليهو و قعد يكورك
يا بوليص ... يا بوليص
لمن البوليس جا و طلعوهو من الغرفة و قبضو عليهو
قال ليهم : ايوه كده ياخي انقذوني ... دي كانت 13 نظرية جاهزة راجياني |
ههههه
قوية
إنت رضا حبيبنا مشي وين
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: Ridhaa)
|
Quote: لازلنا في انتظار افادات الأخوة حافظ أنقابو والسمؤال
لقربهم من الرجل أكيد حايحلوا طلاسم هذا اللغر ......
وفي انتظار الخبر الأكيد ....................... |
نعم و ما زلنا في الانتظار يا رضا
لكين كلام حبيب نورة ده برضو يعتبر خبر اكيد و مهم ....
الراجل اتصل بي شركة كنج توت بي نفسو و قالو ليهو انهم
لم ينتجوا مسلسل بهذا الاسم ...
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: Hafiz Bashir)
|
والله يا أخوان أنا لا ألوم هذا الشخص
بقدر ما أنني ألوم قناة الشروق
والمسؤولين عن أمر البرنامج الذي ظهر فيه
وكأنهم لا يدرون أن هذا الأمر يصب في خانة
مصداقية القناة،
التلفزيون القومي استضاف في مثل هذه البرامج
شخصا أعرف أنه لم يكمل الكورس الذي جاء لدراسته
هنا ( في البلدالذي أقيم فيه ) لمشكلة بينه والجامعة
وفي البرنامج مدد أرجله كما شاء له في أوجهنا ( من نعرفه )
وفي أوجه كل المشاهدين
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: وليد محمد المبارك)
|
سلامات يا ناصر الأمين وعباس محمود،
دى كانت مداخلتى فى بوست د.سيف والذى تناول نفس الموضوع قبل إسبوع تقريباً
Quote: سلامات يا دكتور سيف وعلّك طيب،
ما عندى كلام أقوله غير أن أقتبس مداخلة الأستاذ محمد عبدالحميد بالفيسبوك،
ومحمد للذين لا يعرفونه هو ريئس تحرير القسم العربى بإذاعة هولندا العالمية.
|
قال محمد كلاماً حكيماً: Quote: هذا الرجل ليس كذابا انه بحاجة لرعاية طبية
اما قناة الشروق فعليها ان تعتذر لمشاهديها ان كانت تحترمهم |
وبرضو ما عندى كلام أضيفه بإعتبار وضوح المسألة والكورة الآن فى ملعب قناة الشروق.
مع تحياتى للجميع.
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: منعمشوف)
|
ناصر استأذنك
اخي منعمشوف ....تحية طيبة
حقيقة لم اتابع بوست د.سيف وحتي بوست ناصر هذا لم اطلع عليه الا اليوم
اقتراحي لاسم الاستاذ محمد عبد الحميد لمعرفتي به وعلمي لصدقه و ثقافته العالية وبرضه هو مقيم في هولندا منذ سنوات .
وكويس انك اوردت مساهمته في الفيس بوك ....دي اكيد وفرت جهد كبير في مسعي ناصر للبحث عن الحقيقة
التحية لكما
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: عباس محمود)
|
أهلاً وسهلاً الأخ عباس محمود
أنا نفسى نشرت ردى فى بوست د. سيف هذا الصباح وبعدها بفترة وقعت فى بوست ناصر
الحقيقة لا محمد عبدالحميد ولا شخصى ولا عدد كبير من السودانيين المشتغلين بالصحافة والأدب قد سمعوا بهذا الشاب فى هولندا
ومنهم على سبيل المثال ناس زملاءنا بالمنبر كالكاتب والقاص المعروف أحمد الملك والأستاذ الصحفى إبراهيم حمودة زميل محمد عبدالحميد بالإذاعة
وهذه شهادتنا حسب علمنا وحسب دوائر علاقتنا وسط السودانيين والهولنديين، ألهم إلا شئ خارج هذه الدوائر والمعرفة والمتابعة اليومية.والله أعلم.
وأجدد تحياتى للجميع
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: عباس محمود)
|
كتب د. عباس
Quote: اسأل محمد عبد الحميد عن قصة هولندا دي
محمد عبد الحميد صحفي سابق في سونا ويعمل حاليا في اذاعة هولندا ( القسم العربي ) ويمكن مدير اوكبير محررين ...وهو رجل مثقف ومتابع و كان عضوا في المنبر ولا اعلم وضعه في المنبر الآن
ممكن تلقي رقمه عند محمد سيد احمد |
و رد استاذ منعم:
سلامات يا ناصر الأمين وعباس محمود،
دى كانت مداخلتى فى بوست د.سيف والذى تناول نفس الموضوع قبل إسبوع تقريباً
Quote: سلامات يا دكتور سيف وعلّك طيب،
ما عندى كلام أقوله غير أن أقتبس مداخلة الأستاذ محمد عبدالحميد بالفيسبوك،
ومحمد للذين لا يعرفونه هو ريئس تحرير القسم العربى بإذاعة هولندا العالمية.
قال محمد كلاماً حكيماً:
Quote: هذا الرجل ليس كذابا انه بحاجة لرعاية طبية
اما قناة الشروق فعليها ان تعتذر لمشاهديها ان كانت تحترمهم
وبرضو ما عندى كلام أضيفه بإعتبار وضوح المسألة والكورة الآن فى ملعب قناة الشروق.
مع تحياتى للجميع.
شكرا دكتور عباس و الاستاذ منعمشوف
و هذا تأكيد مهم اخر حتي الان.
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: Hatim Alhwary)
|
Quote: سوال قانوني
انتو الكذب والادعاء والانتحال ما عندو قانون جنائي يمكن محاكمته به؟
يعني هسي زي " المشتبه به" دا ...لو تم كشف كذبه...ممكن شنو الاجراء اليتعمل ضدو |
يا زول دا الناس الراجياهو كتار كتره !!! بس زي نكتة الحرامي الفوق دي
لكين البمرقو من الكضب شي واااحد انو يكون عقلو ما كويس
و في الحالة دي بقعوا فيها ناس الشروق
و الله يا حاتم الهواري ..... حالتنا بقت حالة
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: ناصر احمد الامين)
|
والله جنس حسادة عليكم
زول لقي ليه مزيعة سمييييحة زي دي
ولقاء تلفزيوني
وادوه شربات قبل الحوار
وادوه قروش بعد الحوار
والناس فرحاااااانة ومبسوطة وبتحلم بي نوبل
تقعدوا انتو .........تسفهو في الراجل بالطريقة دي؟؟
والله ياناصر جايزة نوبل دي زي ليلة القدر .....اصلوا مابتعرفها بتقع وين
مش اوباما كان نااااااااايم في سابع نومة ماجايب خبر....صحاهوا السكرتير بتاعهو قال ليهو ياريس ناس نوبل ديل ادوك جايزة
والله اوباما لمن نط
قال ليهو..انا؟؟؟؟ حقت شنو؟؟؟هو انا متيييين بقيت رئيس
ياخ عليكم الله خلو الزول يحلم
وكت اصلو واقعنا..........(عليه اللعنة).........بالانجليزي.........................
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: omar altom)
|
يا ناصر,,,| Quote: هذا الرجل ليس كذابا انه بحاجة لرعاية طبية |
أمسك فى الكلام دا قوى,,,
كدى يا ناصر حك راسك شوية كده وإتذكر إنك قبل كده ما قابلت شخصية قريبة من الزول دا!!!
نفس الملامح والشبه ونفس الحوجة الماسة لنفس نوع الرعاية!!
مالك عامل فيها مستغرب,,,
هذا أو القول ما قاله ود الفحل...
فلقتنا فلقة ياخ,,
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: محمد عوض السيد)
|
.
يااااااخوانا الشافع دا(دكتور).....دكتووووووور, ما بتفهموا؟
وجواز قطري, وجواز سوداني , وجواز هولندي, ونحن قاعدين في قطر دي
مسطحين قامه قَدُر دا لا نلاقيهو في ندوة, لا منتدى, لا تجمع ثقافي , ويا
محمد السني قاعدين وين إنتوا عاملين لي (دكة الثقافة السودانية) الولد
دا(دِكَّة سروالو) عشرة أمتار وجرجار ومركوب وجائزة نوبل , ومزيعة تحلم
بحرم الأديب وشقة في لاهاي, والشافع يهضرب تقول رامي جمل في سوق الناقة
قعدت لي قدام واحدة فاتحة تلفزيونه, وكترابة الشية حمتني أشوف جناب
الوالي في شارع الشنقيطي قاعد يصرف تعليمات لعمال الطرق لأن الملجة بتاعت
الخدار ما بتقبل هبوط الذباب إضطراري.......ينعل أبو السمك ذاتو
يا ناصر ألحق عمك جَنَّ!!!!!!!!!!!!!!!!!!!!!!!
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: الطيب عثمان يوسف)
|
الزملاء و الاخوه
omar altom
أيمن الطيب
محمد سيد احمد
محمد عوض السيد
محمد فضل الله المكي
جنابو الطيب
سأعود لمداخلاتكم و لكن بس خلوني اوريكم رد الزميل حافظ انقابو
عبر المحادثة الهاتفية و الايميل الرسلو لي اليوم.
حافظ قال نفس كلامو الكتبو هنا انو هو ما بعرف الاديب ده و لكن كان واسطة بعد طلب الزميل السمؤال
و حافظ نفسو قال انو اتفاجأ بالموضوع و طلب من السمؤال يرسل ليهو بعض الاثباتات العندو ، و فعلا السمؤال رسل الاتي:
1- غلاف رواية دموع القمر
2- صورة المؤلف في المؤتمر العالمي (زي ما مكتوب في عنوان الصورة)
3- صورة خاصة للمؤلف وهو في حالة تجلي
4- ملف PDF فيهو نص الرواية (لكين ما فتح معاي و لا مع حافظ انقابو)
| |
|
|
|
|
|
|
|
|
|
Re: الموهوم ده قال هو اديب و تم ترشيحو لي جائزة نوبل - (يوجد فيديو) (Re: عباس محمود)
|
أجي يا البرقش
هي روايتي الجديدة و التي تم اختيارها لتكون فلم من بطولة Tom Hanks و اخراج Frank Darabont
و قد نافست رواية الحب في زمن الكوليرا للكاتب جابرييل غارسيا ماركيز
اختار الاوربيون رواية ماركيز .... و اختار الامريكان رواية الكاتب ناصر الامين
انا درست في اكاديمية الملكة اليزيليز الثانية
انتو شن عرفكم بالثقافة يا وهم
د. عباس و معتز انتو بالذات اخرجو من هنا ........... يا بتاعين المشاوي و الجداد
انا فاضي ليكم ياخي ؟؟؟!!!!
الطيب عثمان يوسف ............. عرف نفسك .. و اكره نفسك
أيمن يا قريبي انت بالذات ما عاوز اشوف خلفقتك دي لانها بتذكرني بالغربة و ليالي الكتشينة و الكركدية الباااااارد و بيت ناس سمك
امرق !!!!!!!!
انا اديب اريب و مهضوم
و ماليش في التدني و الانحدار
انها رواية (أجي يا البرقش) التي هزت عرش امريكا و الدول المجاوره
اواباما (العب) ذات نفسو اشاد بيها .......... عندكم دليل بعكس ذلك ؟؟؟
يا وهم يا مقاطيع يا شذاذا الافاق يا مرحلة الاساس !!!
| |
|
|
|
|
|
|
|
| |
Osama Mohammed
حبيب نورة
Nader Abu Kadouk
محمد سنى دفع الله
الخير محمد عوض
haroon diyab
ناصر احمد الامين
أيمن الطيب
saidahmed shami
Ridhaa
بدرالدين الطائف
عمار عبدالله عبدالرحمن
Mohammed Ahmed Saeed
showgi idriss
معروف حمدين
Amir Omer
محمد أبوالعزائم أبوالريش
أيمن الفاضل
محمد عوض السيد
Hafiz Bashir
حامد بدوي بشير
Hatim Alhwary
عباس محمود
منعمشوف
عزالدين عباس الفحل
وضاحة
Osman Musa
omar altom
mohmmed said ahmed
محمد فضل الله المكى
الطيب عثمان يوسف
amir jabir
abas
فيس بوك
تويتر
انستقرام
يوتيوب
بنتيريست