أول قضية إليكترونية..منال عوض خوجلي ضد محمد ناصر

Quote: أنت جادي في كلامك دا يا وائل ؟ يعني بتزكي أي زول يرسل ليك إيميل حتى لو ما عارفو شخصيا !؟ وائل أنت عضو معانا هنا دا .. كلامك القلتو فوق ما بقنع .. مين قال إنت خرقت قوانين المنبر؟ ياريت لو خرقتها .. بلاش من القضية إنت خرقت قواعد الأخلاق والمثل بالإحراج السببتو لصاحب الموقع.. ياخي من باب رد الجميل كان مفروض تكرم إدارة المنبر الوثقت في ترشيحاتك .. صحيح السوداني البسيط بتعامل مع الحولو بحسن نية قد تؤذيه .. بس دا ما إنت .. قول ليه .. لأنك بعضمة لسانك قلت إنك إنسان مؤهل ؤ واعي .. ومن كلامك مؤكد ماك جديد في التعامل مع النت.. من الصعب تقنعنا إنك ما مدرك خطورة عدم الحرص في التواصل الالكتروني .. فوق دا إنت كادر سياسي ياخي .. ما ممكن نفترض فيك التصرف العفوي زي الزول البسيط .. هسه الاغلبية ظنيتها فسرت (سردبتك ) دي بأنو محمد ناصر احتمال كبير يوزر نيم ليك شخصيا.. أو لبنت تعرفها حق المعرفة .. المهم القضية دي انتهت بخيرها وشرها كقضية .. بس الجانب الأخلاقي زى ما قالت منى قائم + سمعة المنبر .. وتأنيب الضمير الممكن يلحق بالكثيرين على الاذي اللحق عضو من عضوية المنبر .. إنت قلت زكيت آخرين غير محمد ناصر .. ما ضروري تكشف اسماءهم لكن هل عندك المعرفة بعناوينهم .. مكان سكنهم / مكان عملهم / مهنهم .. تقدر فقط لو تكرمت تجاوب بنعم أو لا ؟ . . . بقول لمنال في مقولة تنسب لسيدنا علي كرم الله وجهه : ( اللهم اعني على اصدقائي فأعدائي أنا كفيل بهم ) الضربة جاتك من حولك .. الجبن أسوء خصلة لأنه حتما يقود صاحبه إلي الكيد أو الغدر.