|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: قلت اخير اخطب لروحي دي (Re: مها عبدالمنعم)
|
مشيت من وكتي داك بليت الكركدي وبعد صفيتو دخلتو التلاجه قبال الفطور قلت فيشان يرجا سااقط
واستنيت العصر وماجا ولا عجاج كرعي ظهر و ليلي داك كل مايدق الباب اتاوق اقول اها الصادق جا القي مره سيد اللبن ومره شافع الجيران دايرلو حبة ملح
لمن العشا فات قمت علي جك عصيري داك شربتو لامن حسيت بكلاي وجعني وراجياك ياصباح متين تصبح وانووووووم والقي الليل لسه مناوبتو شغاله ماانتهت واول ماجا الصباح شلت مقشاشتي ومرق قشيت خشم الباب والدكيكين مقفول
وفكر ياخدني وفكر يجيبني
قطع شك اخد في نفسو ماانا العرضت عليهو الامر!
اخدت لي قعده لامن دميعاتي كملن دخلت وانا احمد في الله واستغفر وادعي يارب ثبت علي عقلي
يارب لاتفضحني
والعصر بدري مرق علي بت الجيران بدور احكي علا خايفه من شيل الحال
وقدر ماسعالتني شن ببكيك ماجاني قدره اقول شن قلت للصادق وكيف شرد
رجعت المغييييييييرب اول اخوي ماشافني نهرني
تعالي طرت وين انت؟
اها يالصادق شلت الكلام وديتو لاهلي اتلومت تب !
ايه معليش الوكت سرقني خير مالك
خير جا الصادق واخوانو يطلبوك للعرس قال كلمك قالك كلمي ابوك لشنو سكتي!!
( قد يتبع)
| |
 
|
|
|
|
|
|
|
 Re: قلت اخير اخطب لروحي دي (Re: مها عبدالمنعم)
|
غايتو وقفتى لى قليبىىىىىىىىىىىىىىىىى حرام عليكىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى
انا لو مكانك لحظتها بنط فى اخويه احضان لمن اوقعه الواطه
:))))))))))))))))))
| |
|
|
|
|
|
|
|
|
 Re: قلت اخير اخطب لروحي دي (Re: رانيه محمد الشيخ)
|
والله غايتو الموضوع فيه سماحة نص درامي ولا هو بسميهو شنو ناس
الدراما المهم محمد السني دفع الله ومن معنا منهم من اساتذة
احجزوا الكلام دا كارب جدا
مها سلامات ليك والواحد بقرا بتخلع اول مرة الزول يقرا كلام بخلع وجميل في نفس الوقت
يعني هس تقريبا كل الناس ديل سمعوا نهرة الاخو دا
الناس ديل كلهم سامعين صوت المقشاشة وهي بتقش قدام البيت
كان ما صورة الدكان في راس مليون واحد عبرت وركزت
اجمل الكتابة هي البتصور تصوير جيد
وقد كان هنا
تحيات وسلام للجميع هنا
| |
|
|
|
|
|
|
|
|
|
Re: قلت اخير اخطب لروحي دي (Re: محمد بابكر محمد)
|
يا الله
سرد ممتع يخلى الواحد يقرأ بدون اى كسل
دى نوعية الكتاب الما بتخلى الزول يفط سطرين ويقرأ سطر
اهه يا مها الحقى اعمل ليك جردل كركدى بدل الجك فالصادق جاء ومعاهو بوكسى مليان
فى انتظار البقية
ونوعية الشغل بالقطارة دى بحرق الروح ياخى ( كبى ) الكلام كلو
| |
|
|
|
|
|
|
|
|
|
Re: قلت اخير اخطب لروحي دي (Re: مجاهد محمد الهادي)
|
Quote: اخدت لي قعده لامن دميعاتي كملن دخلت وانا احمد في الله واستغفر وادعي يارب ثبت علي عقلي
يارب لاتفضحني |
سرد جميل
بس مافي فضيحه ولا حاجه السيده خديجه رضي الله عنها طلبت من الرسول صلي الله عليه وسلم للزواج وقد كان
| |
|
|
|
|
|
|
|
|
|
Re: قلت اخير اخطب لروحي دي (Re: عبد الله عبد العزيز)
|
| Quote: يمين بالله شوف عيني دي الصفحات كانن كان اربعه كان خمسه نمت وصحيت لقيت الشي رجعن تلاته حصل شنو يكون |
الحصل .. مطوا الصفحة ..بدل A4 .. بقوها A3 ..كانت بتشيل عشرين مداخلة رفعوها لثلاثين مداخلة ..دا كل الخصل يا عسل ..
يا مها ..سردك جميل وطاعم ..ما تقصري .. زيدينا ..
تحياتي ..
| |
|
|
|
|
|
|
|
|
|
Re: قلت اخير اخطب لروحي دي (Re: بشير جبريل علي)
|
مرحب بيك يا مها نص ممتع للغاية
وموضوع يستحق الطرح
في واحد من اصحابنا المستنيرين جدا كان بحب واحدة وقطع علاقته معها
عشان هي صارحته اول
الصادق زول صادق والله
ومرحب بيك وتاني حنفتش ليك
| |
|
|
|
|
|
|
|
|
|
Re: قلت اخير اخطب لروحي دي (Re: مها عبدالمنعم)
|
غايتو لو ما رديتي علينا يا مها
وبالاسم
صدقيني ياني الجاييك لحدي بيتكن
مكالماتك - اقصد مشاركاتك ناهزت التمانين ويدك تقيلة! .. هوووي يا بت الموية وش زي الوش ههههههه
وش زعلان
| |
|
|
|
|
|
|
| |
مها عبدالمنعم
الفاتح سليمان
قيقراوي
Nagat Sid Ahmed Elshiekh
محمد بابكر محمد
وليد فتح الرحمن
مجاهد محمد الهادي
عبد الله عبد العزيز
بشير جبريل علي
Hani Arabi Mohamed
عمر نملة
فيس بوك
تويتر
انستقرام
يوتيوب
بنتيريست