كل يوم اجي اعاين ليه وامشي.. اقول المتخلف دا شنو بخلي يفرش يبيع في الواطه قدام ضل بيتنا :( واكون متغاااااااااايظه منو جنس قيظ شويه شويه القصه اتطورت واخدت شكل تاني مامفهوم :(بقيت اتعمد اجي داخله اشان اسلم وكان ماعاوزه اشتري شي اخش اشتري ان شاءالله عود كبريت :(والشغله ماشه كبيره اول مااشوفو افرح واتبسم واتكشم واصلح واعدل في توبي الوحيد العاجبني الازرق الشفاف المابلبسو الا للحفلات البتجي بعد كم سنه مره .... ومره مره ارفع امد كباية شاي هاك يا الصادق كبيبية الشاي دي باقي من الفطور ..وشويه شويه الصادق كباية الشاي دي عملتها ليك مخصوص ..واخيرا الصادق اعمل ليك شاي؟ والحياة في خير حال وبهجه وسعاده وهناء وسرور وانضباط ويوماتي اكنس خشم الباب ! وانا برش اسلم كيف حالك ؟ يقول الحال زين انتي كيف حالك؟ الحمدلله اها نعل بضاعتك ماشه سمح ايه وشيك فيهو الخير وفتح لي باب الرزق امرقي يوماتي اشان اغني سريع ولشنو تغني سريع اشان اشتري بيت وبعد البيت نشتري الشيله وبعد الشيله نجيب العروس ومنو العروس لسه مااخترناها سمح !!(درجة الغيظ مرتفعه هنا) والشي من فرشه عمل طبليه وكبرت الطبيليه بقت دكيكين وانا راجيه الصادق يجي يقول خلاص دار اجي لابوك اخدك مره!! يوم من الصباح لفحت توبي ومشيت شريت لي لبانه :(وسعلتو الصادق هوي بدور تاخدني والا بدور مرة تانيه الراجل فتح خشمو حتي انا ماعرفت النضم كيفن مرق من خشمي مساااااااااااافه حتي رد بسم الله الرحمن الرحيم ، اعوذ بالله من الشيطان الرجيم الصادق مالك ؟شن فيك لالا بس داير اتاكد الكلام دا قلتيهو؟ اااااي قلتو انت قلت شنو قلت لا اله الا الله المعني! المعني بجي لابوك اخطبك منو وراجيني اقول من الاول؟؟ لالا علا...يازوله ابشري تب (قد يتبع)
01-26-2013, 10:24 AM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
بعرف شخصية بالاسم دا وهي الوحيدة القابلتني بالروح الجميلة الفي كتابتك دي بدور أتأكد بس إنت نفس الشخصية ولا تشابه أسماء سؤال للتأكيد بتعرفي أماني بت علوية وتينا بت فاطنة تندلتي وهويدا بت إنصاف؟
وعموما مرحب بيك حتى لو إنت ماهي
01-26-2013, 10:44 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7159
ظننت أنك قادمة لتخطبي من عالم سودانيزأونلاين الذي هو عالم جميل تبسمت وقتها وكل تفكيري قد إتجه نحو صديقنا زهير أو ( أبو الزهراء ) كما يحلو له أن يدلع ( روحه ديك ) ... ما فيش حد أحسن من حد وما ذاك إلا لأنه أشهر من لاهى بالزواج وأشجع من أعلن عن خيباته المتتالية
_________________
ثم مرحب بيك تاني
01-26-2013, 11:12 AM
Amir Omer Amir Omer
تاريخ التسجيل: 06-14-2007
مجموع المشاركات: 950
Quote: ظننت أنك قادمة لتخطبي من عالم سودانيزأونلاين الذي هو عالم جميل تبسمت وقتها وكل تفكيري قد إتجه نحو صديقنا زهير أو ( أبو الزهراء ) كما يحلو له أن يدلع ( روحه ديك ) ... ما فيش حد أحسن من حد وما ذاك إلا لأنه أشهر من لاهى بالزواج وأشجع من أعلن عن خيباته المتتالية
كلما اطلع من المنبر امشي واجيه راجع زي ماقال الفنان اقول يمكن بتاعة اللبان دي جات تتم لينا الحكاية الجميلة دي ووصية انا ماعارف النهاية شنو لكن قولي ليها ابقي على بتاع اللبان ده عشرة طالما عارفاه من ماكان بفرش في الواطة قبل ماتبقى عليها حكاية البت دي
01-27-2013, 06:34 PM
مها عبدالمنعم مها عبدالمنعم
تاريخ التسجيل: 01-02-2013
مجموع المشاركات: 683
اولا الف مرحب بك الاخت مها ونورتي الدار ,, وصراحة تلهفنا بشده لباقي القصة او الحكي الجميل الذي اتمنى ان يكون اصبح واقع معاش في سوداننا الحبيب لانو نحن لما طلعنا من السودان كان لسه مافي بت بتتجرا وتفكر مجرد تفكير في هذه المغامرة الجريئة الجميلة وهي حق مشروع للبنت ولكن احسب ان الظروف قد تغيرت الآن وبالتاكيد للاحسن لذا متمنى ان نرى حكيك هذا على ارض الواقع ,, وواصلي ونحن في انتظارك
بس كدي قولي لي بيتكم بي وين علشان نجيب البضاعة ونجي نفرش امكن نطلع بي عروس ,, لوووووووووولز ..
انا طبعا كنت بفكر بزاوية اخرى ... بقول يا ربي الزول دا ما عندو اخت تساعدو في البيع دا وتقسم معاه عشان نجهز ليها ضل بيتنا وامكن تلمح لي بخطوبتها .... كدي بالله اسأليه السؤال دا ...
شكرا على السرد الجميل ...
02-03-2013, 01:20 PM
مها عبدالمنعم مها عبدالمنعم
تاريخ التسجيل: 01-02-2013
مجموع المشاركات: 683
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مها عبدالمنعم
أيمن محمود
ABUHUSSEIN
عادل خياري
Rawia
النذير حجازي
حسين ديقول
إدريس محمد إبراهيم
عاطف عمر
Amir Omer
عباس الدسيس
وضاحة
الصادق صديق سلمان
حافظ انقابو
الزبير بشير
ياسر السر
عمر الفاروق عبد الله الشيخ
mustafa bashar
الامين موسى البشاري
nazar hussien
طارق عبد اللطيف نقد
عبد الله عبد العزيز
Muna Khugali
أسامة البلال
امجد الجميعابى
الصادق الزين
محمد جبره
وليد فتح الرحمن
نايف محمد حامد
Nagat Sid Ahmed Elshiekh
محمد أبوالعزائم أبوالريش
ALGARADABI
عمار محمد ادريس
علاء الدين حيموره
المسافر
الصادق ضرار
توفيق عيسى مكي
فيس بوك
تويتر
انستقرام
يوتيوب
بنتيريست