رد من الأخ الزبير عن طريق الفيسبوك، Alzubair Salih Alzubair Hammad · Riyadh, Saudi Arabia
Quote: يا مواهب دة كلام خارم بارم وبيعتمد لية علي كلمتين فخيمات زي دفرنت يونفرس وسينتفك ثيوري وشوية مشاهدات او خواطر او لنقل وهمات من اناس في حالة صدمة ما ممكن نعتمد علي وضعهم النفسي في الوقت داك بعدين التقرير بيقول مادة منشورة في المجلة العلمية وما حدد ياتو مجلة ولا الكتب المادة منو عشان نشوف مصداقيتة الموت موجود موجود والما مؤمن بيه دة انسان خايف منو ليس الا جيت من الشباك الليلة قلنا النجرب الحكاية دي
الأخ الزبير مساء الخير، تخريمة: عاجبني مصطلح "خارم بارم"
الزبير كتب:
Quote: يا مواهب دة كلام خارم بارم وبيعتمد لية علي كلمتين فخيمات زي دفرنت يونفرس وسينتفك ثيوري
....دفرنت يونفرس ديل أنا بفتكر موجودين في القران الكريم يا الزبير .... سورة الملك الآية (3)
Quote: " الذي خلق سبع سموات طباقا ماترى في خلق الرحمن من تفاوت فارجع البصر هل ترى من فطور ".
سورة نوح الآيات 15ـ16
Quote: "ألم تروا كيف خلق الله سبع سموات طباقا وجعل القمر فيهن نورا وجعل الشمس سراجا ".
سورة فصلت الآية (12)
Quote: "فقضاهن سبع سموات في يومين وأوحى في كل سماء أمرها وزينا السماء الدنيا بمصابيح وحفظا ذلك تقدير العزيز العليم ".
ما هي السموات الطباقا ؟ هل هي الدفرنت يونفرس؟ هل السموات الطباقا و الدفرنت يونفرس هما نفس الشي فيزيائيا؟ الكلام ده مكتوب في كتابنا المقدس لاكتر من ألف وخمسمائة سنة وما في زول من ناسنا اتكلم عنه والناس ديل بصورة غير مباشرة بيثبتو كل يوم ما ذكر في القران الكريم:-)
الزبير كتب:
Quote: .... الموت موجود موجود والما مؤمن بيه دة انسان خايف منو ليس الا جيت من الشباك الليلة قلنا النجرب الحكاية دي
أي نعم الموت المعروف للانسان كحال مغير لإستمرارية الوجود الجسدي احيائيا موجود وده كلام المقال أو النظريات المذكورة ما بتنتقدو وكل الناس بتمؤمن بالموت بدون شك. الزبير كتب:
Quote: ... وشوية مشاهدات او خواطر او لنقل وهمات من اناس في حالة صدمة ما ممكن نعتمد علي وضعهم النفسي في الوقت داك ........ انسان خايف منو ليس الا جيت من الشباك الليلة قلنا النجرب الحكاية دي
السوول المناقش (بضم الميم) .... فيزيائيا بعد الموت الأرضي المعروف لدينا ما هو مصير الروح أو ذي ما إنت بتقوول "مشاهدات او خواطر او وهمات" ما هي من أين أتت وما هو مصيرها و ما هو مصير الطاقة المقدرة ب-20 واط الموجودة والمسيرة كهروفزبائيا للعقل البشري؟ بتمشي وين؟ كل هذة الاحوال للروح (Consciousness ) من وعي و مشاهدات و خواطر و وهمات هي واقع حالي لشي معين شفهيا. عندنا في القران الكريم مذكور أن الروح وما عليها من وعي و مشاهدات و خواطر و وهمات بتصعد لربنا سبحانة وتعالي في السماء (اليونيفرس) للحساب. العلماء حاليا في رحلة بحث فيزيائيا عن الروح (Consciousness ) مصدرها وإلي أين و ما هو مصير الطاقة المقدرة ب-20 واط وإلي أين تذهب بعد الموت كحال مغير لصفة الحياة احيائيا والادرك الحسي للجسم البشري.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خالد كيبا
فيس بوك
تويتر
انستقرام
يوتيوب
بنتيريست