|
Re: مرحب ببورداب الإمارت بالعين .. المبزرة الخضراء .. الخميس 24 يناير (Re: محمد عبد القيوم سعد)
|
اهلا الشيخ سيد احمد ومرحب بيك
يا هندسة انعل ابليس ياخ ويك اند و العين جوّها اليومين ديل ما بتفوّت
هلا قردابي و حمدالله ع السلامة, اها معانا ولاّ مع غانا
اهلين عصام في انتظاركم مع الشفت باذن الله
مرحب مرحب ابو محمد فؤاد
سلامات ياخالد ابو محمد فؤاد ما قصّر وجاوب على سؤالك و ياخي احنا كايسين للزملاء الجدد وكان ما خايفنكم تتحسسّوا كنا سميناها استقبال البرالمة هههههههههههههه
ما تفقد عزيز يا معروف في انتظاركم
مرحب بدكتور أمير و بالباشمهندس عاطف و محمد الأمين وين الريّس؟
هلا عبدالله كسلا ومرحب بيك
كل عام وانتم بخير يا مصطفى, لا ياخي عزابة وين المبزرة جميلة واكتر من يستمتع بيها الأطفال وما قصّرت و كويس نبّهتنا للفرشات
يا شباب بالله البقدر يجيب معاه فرشات
اهلا بالحلاوي ومرحبا
هلا يا حمد, الجبل فعلا عالي لكن الطريق متلوّي بطريقة تقلل زاوية انحداره ما أمكن و مسفلت ومضاء بطريقة سليمة دا ما يمنع الحذر برضو يا ريت تشرفنا يوم و نوديك تشوف المنظر من القمة
أووو تنظير حمدالله ع السلامة ومبروك الكأس الله حلاّك مني لما العراق درّن فتحت البوست وكتبت عنوان يشير لكجّك لمنتخب الإمارات و خلاااااص كنت ح اضغط أضف بس ربّك ستر قلت انتظر النهاية :) التاريخ حددته الإجازة و المحل مافي احسن منو في العين و بطّل التنظير
هلا خالد درق ومرحبا
محمد سعد مرحب بيك في البورد و نشوفك إن شاء الله و اسمها دفعة الطيور أم الطيور ديك براها
| |
|
|
|
|
|
|
Re: مرحب ببورداب الإمارت بالعين .. المبزرة الخضراء .. الخميس 24 يناير (Re: محمد البشرى الخضر)
|
Quote: الله حلاّك مني لما العراق درّن فتحت البوست وكتبت عنوان يشير لكجّك لمنتخب الإمارات و خلاااااص كنت ح اضغط أضف بس ربّك ستر قلت انتظر النهاية |
هو بالله بلا حقدك دا الخلاني أفوز بالكأسات والحاجات شنو ؟ اتصلح معاي من الناحية دي عشان ما تتبشتن ساي .. اتا مع شنو كمان ( قفة واللا أضان قفة) ؟ لما المنتخب دا نفسو جاب كأس آسيا للشباب انا كتا في النص وسنير بتاع تغطية كمان، وهسع احتمال كبير ودوني تفاؤلا بي عشان رجلي الخدرا ونياتي الطيبة دي وأهو ما خذلتهم كالعادة وصدقني لو ودوني بعد درون العراق كان برضو المنتخب فاز .. اتا مع شنو كمان ( قفة واللا أضان قفة) ؟ لكن بامانة عايز اعترف واقول انو انا كجيت منتخب البحرين ولو بالنية ساي لأنو كتا متمنى أنو يهزم الكويت في التالت والرابع عشان في جماعة بحرينيين كدا أصحابي شدييييد، لكن وحياة خوتك المافيها فايدة قلتا ليهم شكلو كدا الكويت ح يوديكم التوج والكلام دا كان بعد هدف البحرين في الدقيقة الأولي من المباراة حتي الجماعة قالوا لي شكلك قاصد العكس لكن أصريت على رأيي وفعلا حصل الحصل .. اتا مع شنو كمان ( قفة واللا أضان قفة) ؟
بالنسبة للبرنامج غايتو شكلو كدا ح اكون مزحوم لغاية ما فرحة المنتخب دي تخف شوية .. ولو ما لقيت فرصة جيت بركة شيخي أب ضنين برد المبرزة دا يعمل عملتو في واحد كدا عارفو أنا . يلا شتت .
| |
|
|
|
|
|
|
Re: مرحب ببورداب الإمارت بالعين .. المبزرة الخضراء .. الخميس 24 يناير (Re: طلحة عبدالله)
|
سلام يا شباب،
مبدئياً كدا معاكم إذا ما ظهر لينا شغل في اليوم دا، والله بتتفقوا عليهو معاكم لكن الأمسيات حلوة وما فيها شغل دا اقتراحي
وشكراً يا ود البشرى، وعني شخصياً يا ود البشرى بقتنع بي إقتراحاتك فإنت راجل ذواق ودائماً إختيارك بكون موفق ومرحب بي وليد الشفت وهشام عبادي ومعتصم محمد صالح في الإمارات
وترحيب خاص بي مجدي أمدرمان ويا مجدي والله فرحنالك بالعضوية و ح أفتح ليك بوست بهذه المناسبة للترحيب بك
| |
|
|
|
|
|
|
Re: مرحب ببورداب الإمارت بالعين .. المبزرة الخضراء .. الخميس 24 يناير (Re: Al Sunda)
|
مرحب ناصر, عثمان رضوان, الطيب عثمان و السندا في انتظاركم يا شباب ويا ناصر عصر شنو يامعلم العصر متأخر شديد عايزنكم تصلّوا الضهر معانا او في الطريق على أقل تقدير الجو جميل في الفترة النهارية وعايزين نستفيد بأكبر فترة ممكنة في معيّتكم
وفي خبر جميل.. عرفت أن الحبيب زميلنا العزيز نعيم علي في دبي هذه الأيام لفترة قصيرة واتصلت عليه ووعدنا بالحضور إن شاء الله اسمعوها مني يا أخوان من أراد رؤية ملاك يمشي على الأرض فعليه بلقاء بنعيم - تلج شديد يا قريبك
| |
|
|
|
|
|
|
Re: مرحب ببورداب الإمارت بالعين .. المبزرة الخضراء .. الخميس 24 يناير (Re: عبدالكريم أحمد الامين)
|
Quote: وفي خبر جميل.. عرفت أن الحبيب زميلنا العزيز نعيم علي في دبي هذه الأيام لفترة قصيرة واتصلت عليه ووعدنا بالحضور إن شاء الله |
** ود البُشرى.. ** سلام ومساءك خير.. ## ياخوى نعيم دا فى الخرطوم سمعنا عنه الكثير والذى يُفرح بأنه من أصحاب الأيادى البيضاء ولم نُحظآ بلقائه ,, ونحمد الله أنه بيننا الآن للتكرم بإعطائه رقم هاتفى للتنسيق قبل يوم الخميس ** ## للتكرم بتحديد موعد الحضور وطبعاً بالمواعيد السودانيه ماتنسى أنو بنديها كوز لو قلت 10 بنجى 11 ولو قلت 12 يعنى 1 ## /green] ** أقترح أن يكون الحضور الساعه 12 ظُهراً ** (ودام الود بيننا)
| |
|
|
|
|
|
|
Re: مرحب ببورداب الإمارت بالعين .. المبزرة الخضراء .. الخميس 24 يناير (Re: عبدالكريم أحمد الامين)
|
مرحب يالدكتورة مهيرة ربّنا يسهّل القواسي يا خال فاطمة إن شاء الله تحيّاتنا للريّس يا امير و الجايات اكتر من الرايحات بإذن الله سلامات يا نادوس كيف ياخ دكتور اسامة اساسي قبل شوية كنا مجتمعين و الأخوان للترتيبات دكتور قرشي هنا؟ يا سلام يا ريت لو يشرّفنا أبو فؤاد تحيّاتي بالنسبة للمواعيد اطناشر مناسبة و كل ما الناس جات بدري كل ما زاد استمتاعنا بالجو النهاري
يا شباب ناس الشارقة ودبي و ابوظبي للتواصل و التنسيق دي تلفوناتنا عباس 0503304298 ابوحتوت 0504682415 تعالوا بدري قبل ما تتزحم الحديقة و الباركنج
| |
|
|
|
|
|
|
Re: مرحب ببورداب الإمارت بالعين .. المبزرة الخضراء .. الخميس 24 يناير (Re: خال فاطمة)
|
Quote: غااااااااااااايتو كان اغريتونا بنجي ... يا ود البشرى ويا عبس ابو صلعة |
** خال فاطمه.. ** سلام ومساءك خير.. ## واحده من الإغراءات إنك حتقابل نعيم على ود.مهيره (بت الجعلى) دا غير أشخاص نتوقع حضورهم ومشاهدتهم لأول مره .... بـعـد دا إلا تكون داير تتصور مع عمورى وجائزة أفضل لاعـــب ودى مُمكن ناس عباس وابو حتوت يدبروها لينا بعلاقاتهم الشخصيه ... (ودام الود بيننا) (ابو محمد فؤاد)
| |
|
|
|
|
|
|
Re: مرحب ببورداب الإمارت بالعين .. المبزرة الخضراء .. الخميس 24 يناير (Re: هشام كمال عبادي)
|
مرحبتين سيد شامي واحدة للعضوية - معذرة على تأخيرها - وواحدة لبرنامج العين بإذن الله
نتشرف نحن يا الفاتح التوم بحضورك إن شاء الله
تعال يا المسافر بنعرفك ما تشيل هم
يا مصطفى بالإضافة للتلفونين الأداك ليهم سعادة المستشار هاك دا كمان أخونا مجدي أمدرمان 0558806239 اعتمدنا شوايتك طبعا :)
جدا يا خال فاطمة, نغريك ليه لأ جايبين باسطة هههههههههههه
هلا يا زنجي, الفرشات بالله اهم شي :)
هلا هلا هشام متلومين معاك والله لكن إن شاء الله نتشرف بملاقاتك يوم الخميس
يا شباب وصف مبدئي سريع كدا للمكان الإخترنا نقعد فيه وانت داخل بالطريق مدخل المبزرة الرئيسي بقابلك الدوار دا عليه اللافتة الواضحة في الصورة
تاخدو شمال و تمشي سيدا خلي بالك تمنة البوليس على يدك اليمين و الجامع على يدك الشمال لغاية يلاقيك تفرع عليه اللافتة دي "مجمع الشاليهات - ج " وتحتها مكتوب "المسابح"
تاخدها يمين و سيدا لغاية تفوت المسابح قريب من منطقة الألعاب بتلقانا إن شاء الله الحتة دي ميزتها جمبها الالعاب و الخدمات و فيها اشجار للضل و مظلة لكنّها لي جوّة فالناس تجي بدري عشان تتجنب زحمة الباركنج ما أمكن
ونشوفكم جميعا بإذن الله
| |
|
|
|
|
|
|
Re: مرحب ببورداب الإمارت بالعين .. المبزرة الخضراء .. الخميس 24 يناير (Re: محمد البشرى الخضر)
|
Quote: ## واحده من الإغراءات إنك حتقابل نعيم على ود.مهيره (بت الجعلى) دا غير أشخاص نتوقع حضورهم ومشاهدتهم لأول مره .... بـعـد دا إلا تكون داير تتصور مع عمورى وجائزة أفضل لاعـــب ودى مُمكن ناس عباس وابو حتوت يدبروها لينا بعلاقاتهم الشخصيه ... مرحبا بالجميع
يا مولانا خال فاطنة نقول ليه زي ما بيقولو العرب ( تدلل ) ...مولانا مرحب بك وأأمل ان نلتقي جميعا ويمتد التعارف...موضوع الصورة مع عموري ود البشري وAbas آى داوت...طلحة عبدالله ...احتمال
الاعزاء نصر الدين البشير ..حمودة ..اتمني ان التقي بكم لم تأكدو حضوركم
الزنجي ....غايتو نقطتك دي انا فهمتها رفعة للبوست وتأكيد للحضور
| |
|
|
|
|
|
|
Re: مرحب ببورداب الإمارت بالعين .. المبزرة الخضراء .. الخميس 24 يناير (Re: Dr. Ahmed Amin)
|
السلام عليكم ورحمه الله وبركاته
الأخ/ ود البشرى وجميع بورداب الإمارات وضيوفكم الكرام
إن شاءالله معاكم بإذن الله
وأنا كنت في حيرة منذ أسبوع بعد أن فاتني لقاء الشارقة، لأن لدي إرتباط مع خالتي وإبنتها مسافرتان على فلاي دبي الخميس 24 يناير 9 مساء وبتوفيق من الله بأن أحمل لهم الحقائب (يعني بالواضح عندي قرين كارد إجباري منكم بالمغادرة مبكراً)
والله كانت فرصة لإحضار البنات وأمهم لمبزرة الخضراء فقد طال الغياب ولكن الجايات أكثر بإذن الله
| |
|
|
|
|
|
|
Re: مرحب ببورداب الإمارت بالعين .. المبزرة الخضراء .. الخميس 24 يناير (Re: abas)
|
مرحب بالشباب للناس الجايين من دبي خلو بالكم للساين بورد دا
ما تاخدوا المخرج المكتوب عليه مركز المدينة و تابعوا المكتوب عليه مستشفى توام و المطار وحتلاحظوا للافتات باللون البني على يمين الطريق تدل على اتجاه المبزرة
و تمسك الشارع سييييييييدا حتى تلاقيك اللافتة دي بعدها دوار
تاخد المخرج اليمين و تاخد الدوار يسار ولاحظ للافتة البنية
ويلا سيدا تكمل الدوارات كلها لغاية ما تلاقيك لافتة بنية تشير لإتجاه المبزرة على اليمين ولو رحتوا اتصلوا علينا :) ناس ابوظبي طبعا واضحة بالنسبة ليكم
و يا شباب العندو كفتيرة شاي كبيرة - زي بتاعة الداخليات يا قول كسلا :) - يجيبها معاه
| |
|
|
|
|
|
|
Re: مرحب ببورداب الإمارت بالعين .. المبزرة الخضراء .. الخميس 24 يناير (Re: osama idris)
|
يا بلة فودكا شنو الدنيا مولد يا مولانا :)
دكتور احمد أمين يسعدنا حضورك والله, حاول كدي وعلى بركة الله تزبط معاك
مرحب بيك يا فتحي و ربنا يكتب سلامة قرايبك إن شاء الله, تعال حبابك وبنديك إذن بدري:)
أبو التا, الكوتشينة في تعالي انت بس
Quote: تيسير عووضة وشركاه ترحب بضيوف البلاد والأعضاء الجدد .. |
قلت لي تلقّط مفاتيح العربات يا شفت!! خايفك جوازك ما تلم فوقو :)
مرحب يا اسامة, في انتظاركم
| |
|
|
|
|
|
|
| |