|
خدمات طبية في المانيا
|
الاخوة و الاخوات الاعزاء تعاقدنا مع شركة متخصصة في تقديم خدمات علاجية متميزة للاجانب في المانيا من ضمن الخدمات telemedicine حيث يتم توفير الاجهزة اللازمة من قبل الشركة اضافة لخدمات متكاملة للمستشفيات و جهات التخصص و الاطباء مرحبا بكل من يمكنه التعاون لنقديم خدمة متميزة و تعم الفائدة
|
|
|
|
|
|
|
|
Re: خدمات طبية في المانيا (Re: أيمن دياب)
|
سلام ايمن ياخي شاكر فضلك و سؤالك عن مغامرة العودة للبلد انا الان في المانيا لفترة وجيزة و راجع تاني مادام قنعنا من السياسة عاوزين نخدم اهلنا في البنعره و ربك يهون
| |
|
|
|
|
|
|
Re: خدمات طبية في المانيا (Re: ابن النخيل)
|
مرحبتين ود النخيل بركة بالشوفة الاسفيرية ان شاء الله ح اجي مفصلا لكن فرص التعاون واسعة جدا و عاوزين اراءكم قريب ح نتحصل على اجهزة الـ Telemedicine الخاصة بالسودان
| |
|
|
|
|
|
|
Re: خدمات طبية في المانيا (Re: طه كروم)
|
مرحب دكتور طه وفد المؤسسة ح يزور المملكة الشهر الجاي ياريت لو في طريقة للتعاون معاه للمنطقة الغربية ح يكون معاهم صديقي كمال حسن عضو المنبر لحد الان عندهم تفاهم مع الرياض
| |
|
|
|
|
|
|
Re: خدمات طبية في المانيا (Re: عاطف رميتي)
|
مرحب عاطف رميتي في السودان في مستشفيات جديدة كويسة بس في مشاكل خاصة في التشخيص مثلا فعشان نقلل احتياج المرضى للسفر للخارج ح يطون في تعاون مع مستشفيات و مراكز المانية تقدم اجهزة و خدمة التشخيص عن بعد باحدث التقنيات ح نقعد مع الاطباء في السودان و نحاول نشوف احتياجات المرضى و المستشفيات و نقوم بتوفيرها بواسطة الشركاء الالمان باقلة تكلفة ممكنة
بكتب بلوحة مفاتيح ما عربية فمعليش للاختصار
| |
|
|
|
|
|
|
Re: خدمات طبية في المانيا (Re: نصار)
|
نصار
سلام
هل يمكن للشركة ان تقوم بكل الاجراءت التي تخص الفيزا والتحويل ؟
ولا تحويل التكاليف تحول مباشرة للمستشفي التي يتلقي المريض العلاج بها؟
| |
|
|
|
|
|
|
Re: خدمات طبية في المانيا (Re: saif massad ali)
|
مرحب سيف تحويل الفلوس حسب رغبة المريض لكن الغالب هو التحويل للمستشفى مباشرة لان اصدار الفيزا بيطلب دفع التكاليف البتحددها المستشفى بناء على التقرير الطبي المقدم
من اهم واجباتنا عمل ما يلزم لحصول المريض على الفيزا لانه في مشكلة بتقابل الناس في الخرطوم حتى قبل قفل السفارة
| |
|
|
|
|
|
|
Re: خدمات طبية في المانيا (Re: نصار)
|
حبيبنا علاء الدين نصار، عساكم بالف خير وعافية ،،، هذه اولى مشاركاتي خارج الرد على المرحبين بانضمامي لسودانيز اون لاين ،،، يا اخي هل يمكن ان نتحدث باستفاضة حول هذا الموضوع عبر الهاتف او اي وسيلة اخرى
| |
|
|
|
|
|
|
Re: خدمات طبية في المانيا (Re: حامد الزبيدي)
|
اسع دي جيتي من صالون الترحيب بيك ياريت و الله نتعاون في الموضوع دا و يكون سبب يعيد الايام الخوالي تلفوني 004917676449943 و اديني تلفونك هنا ولا في الخاص و الاسكايب و الذي منه
| |
|
|
|
|
|
|
Re: خدمات طبية في المانيا (Re: نايف محمد حامد)
|
نصار حبيبنا وين لاقيكم انت وكمال ،،،، يا اخي اتصلت على الرقم المذكور لكن جاتني واحدة رشتني ليك الماني لامن امنتا،، المهم انا هاتفي هو 0096899666448 اعمل لي رسالة وانا بتصل عليك الان
| |
|
|
|
|
|
|
Re: خدمات طبية في المانيا (Re: وضاحة)
|
مرحب وضاحة و الله رفعت البوست دا قبل ما اشوف خبر تأكيد وفاة محمود ربنا يرحمه و يلهمنا جميعا الصبر
انا يا ستي علاءالدين نصار كتير من الزملاء و الاصدقاء هنا بعرفوني معرفة شخصية، الشركة مؤسسة هنا في المانيا و ساعيين لفتح فروع ليها الدول العربية و السودان يعني ما تابعة لحد في السودان انا ما طبيب و مهمتي ما مهمة طبيب و البسنس ما جديد لكن بشوف انه من خلاله ممكن نقدم خدمة يحتاج ليها المرضى و المستشفيات عندنا في السودان و مرحب بيك و باستفساراتك مرة تانية
| |
|
|
|
|
|
|
Re: خدمات طبية في المانيا (Re: نصار)
|
والله انا لما قريت العنون فرحت وقلت اهلنا فى السودان ربنا رسل ليهم من يرحمهم ويقدم لهم يد العون والخير
لكن طلع بزنس
ياخى الدنيا دى كعبة خلاص
حتى الطب والخدمات الطبية المهنة الانسانية والحالفيين عليها قسم اصبحت بزنس
زمن حزين
طيب أفرض الناس المضرة تتعالج اقتنعت بى البزنس بتاعك دا لانوا معروف الظروف و الخدمات الطبية فى السودان سئية وتعبانة
لو عاوزين يستفيدو من خدمات الشركة دي بكون كيف التواصل والضمانات شنو انو حقوقهم ما تضيع ..
ودورك انت شنو في تسهيل الامر والمقابل كم ؟؟؟
| |
|
|
|
|
|
|
Re: خدمات طبية في المانيا (Re: وضاحة)
|
طيب ممكن تورينا نماذج او تجارب اتعاملت مع الشركة دي من السودان حتى نطمئن انو ما في اي خداع او غش ح يحصل من الشركة ... وكم الكلفة التقريبية للعلاج
| |
|
|
|
|
|
|
Re: خدمات طبية في المانيا (Re: علي محمد الفكي)
|
مرحب علي محمد الفكي يادوب نحنا بصدد تأسيس الشغل في السودان و زي ما ذكرت للاخت وضاحة انا ح ادير الشغل بنفسي في الخرطوم طبعا كل حالة مرضية بكون ليها تقدير مسبق للتكاليف من المستشفى المناسب للحالة اقناع المرضى بسلامة الاجراءات و عدم احتمال الغش او الخداع او المغالاة في تحديد التكلفة هي او تحديات تواجة اي عمل مثل هذا
| |
|
|
|
|
|
|
Re: خدمات طبية في المانيا (Re: وضاحة)
|
معقولة يا اختي الفاضلة ما سمعتي و لا مر بيك مكتب خدمات طبية قبل كدا؟... ليه مسودة الصورة كدا بس؟ الدنيا ما بقت كعبة بي انا و لا بالخدمات الطبية متين الطب ما كان بزنس؟ الناس حقها ما بروح لاني ح اكون معاهم في السودان
الموضوع ح يكون مؤسس و بتعاون مع مستشفيات هنا و هناك
| |
|
|
|
|
|
|
Re: خدمات طبية في المانيا (Re: وضاحة)
|
يشهد الله يا وضاحة خلاصة كلامك النبيلة دي هي دافعي من وراء الشغلة دي كلها و ان شاء الله تسمعي عننا كل خير حكاية بناء المستشفيات و ادارتها مطروح من الجانب الالماني لكن ما عارف اذا ناسنا بتعاونوا ولا لا علاج المرضي في السودان هادفين ليهو عبر الـ Telemedicine النوهت ليهو في البداية
مرحب باي نقد او توجيه
| |
|
|
|
|
|
|
Re: خدمات طبية في المانيا (Re: نصار)
|
Quote: الاخ عماد
طيب انت بدل ما تستغل الم الناس ومرضهم وكمان دعاية واعلان مجاني
اقترح عليك تعمل بزنس مع الحكومة الظالمة المواطنين المساكين ديل واجحفت فى حقهم فى عدم توفير ليهم مستشفيات فيها خدمات طبية وكوادر طبية ممتاز
انت ممكن تعمل تعاقد مع التماسيح ديل وتجيبوا كوادر مدربة من المانيا تعمل دراسات جدوى لبناء مستشفيات حديثة و تكون وفيها خدمات طبية والمواطن يلقى خدمات فى بلدوا بدل يدفع دم قلبوا ويسافر المانيا وما معروف يجد الخدمات المطلوبة ام لا
وبتالى تكون وفرت للمواطن خدمات طبية كل ما احتاج لها
وبتالى انت تكون عملت بزنس كويس مع الحكومة بل المواطن الغفقير
رايك شنو ؟؟؟؟ |
الأخ العزيز نصار اسمح لي بالرد على الأخت وضاحه أولا يا أختي العزيزه وضاحه أنا نائب مدير القسم العربي بالشركة ( وده بس بي بساطه عشان ما تقولي دخلي في الموضوع شنو)، والشركة دي ليست صناعة اليوم أو أمس ليها عدة سنوات شغاله وأغلب مرضاها يأتون من الدول الخليجية و روسيا والدول الأوربية، والحقيقة الما داسينها إنو فيها قسم كبير لما يعرف بالسياحة الطبية ودي محددة المعالم تماما، ومنفصلة بشكل واضح للمريض حين التعامل معنا، لأنها تدخل في جانب الخدمات الإختيارية، ويمكن أن أعرض لك (البروشوره) الفيها التفاصيل دي إذا ظلت نبرتك اتخوينية هي نفسها، ولم تصدقي صراحة الأخ علاء الدين وهو يحاول الرد عليك وإذالة الظلال السوداء من على نظارتك التي من خلالها إلينا تنظرين . ما أريد أن اقوله أن العمل التجاري في الحقل الطبي ليس سبة أو جناية ولم نكن نحن بدعا في هذا المجال، السبة ربما تأتي في تفاصيل وقفنا نحن ضدها،وكانت سببا رئيسا في هجرتنا عن الوطن لقرابة العشرون عاما، وانا غني عن القول بأن أي من الدارسين في الهند تعرفينه يمكتك أن تسأليه عن علاء الدين نصار و كمال حسن علي، ومواقفنا السياسية (الثابتة والتي لم تتغيرمطلقا) من النظام وسفارته كذلك ، والدارسين في الهند من نافلة القول عن إختلاف مشاربهم وألوانهم أن من يمكن أن يصادفك منهم ربما كان شيوعيا، بعثيا حزب أمة، إتحادي أو كوز وأنا راضي مقدما في شهادة من تقابليه منهم أيا كان مشربه في كل منا نرجع مرة أخرى للحديث عن العمل، الشركة في الأساس ألمانية والخدمات التي تقدمها موجهة في الأساس للمرضى الراغبين في العلاج في ألمانيا، ولهم القدرة على ذلك، لكن ما نطمح علاء الدين وأنا هو ان نجعل موازيا لذلك برنامج للأطباء الألمانيين المتطوعين لتقديم خدمات مجانية (وهم كثر في الحقيقة)، كما أن هناك العديد من المنظمات التي يمكن أن تساهم في دعم المستشفيات في الدول بالعالم الثالث ، كل هذا العمل يحتاج لتحريكه، ويحتاج في كثير من الأحيان لغض الطرف عن من يحكم (مؤقتا) في سبيل إنقاذ ما يمكن إنقاذه من أطفال و نساء ومرضى بمختلف الألوان والأشكال ومكافحة أمراض فتاكة مثل الملاريا و التيفويد و غيرها بواسطة تقنيات وبحوث علمية ألمانية. ما نستطيع فقط أن نؤكده نحن بإن هذه المشاريع في جانبها الإنساني ستظل غير قابلة لتحويرها تجاريا كما ظل يحدث، والضمانة هو أننا ظللنا نعمل لأعوام في هذا المجال بعيدا عن السودان وكون أن نخسر سوق السودان لا يؤثر على الشركة تحت أي ظرف من الظروف
| |
|
|
|
|
|
|
Re: خدمات طبية في المانيا (Re: وضاحة)
|
Quote: نرجع مرة أخرى للحديث عن العمل، الشركة في الأساس ألمانية والخدمات التي تقدمها موجهة في الأساس للمرضى الراغبين في العلاج في ألمانيا، ولهم القدرة على ذلك، لكن ما نطمح علاء الدين وأنا هو ان نجعل موازيا لذلك برنامج للأطباء الألمانيين المتطوعين لتقديم خدمات مجانية (وهم كثر في الحقيقة)، كما أن هناك العديد من المنظمات التي يمكن أن تساهم في دعم المستشفيات في الدول بالعالم الثالث ، كل هذا العمل يحتاج لتحريكه، ويحتاج في كثير من الأحيان لغض الطرف عن من يحكم (مؤقتا) في سبيل إنقاذ ما يمكن إنقاذه من أطفال و نساء ومرضى بمختلف الألوان والأشكال ومكافحة أمراض فتاكة مثل الملاريا و التيفويد و غيرها بواسطة تقنيات وبحوث علمية ألمانية. ما نستطيع فقط أن نؤكده نحن بإن هذه المشاريع في جانبها الإنساني ستظل غير قابلة لتحويرها تجاريا كما ظل يحدث، والضمانة هو أننا ظللنا نعمل لأعوام في هذا المجال بعيدا عن السودان وكون أن نخسر سوق السودان لا يؤثر على الشركة تحت أي ظرف من الظروف |
ا اعتقد انكم اذا ركزتو في مجال العمل التجاري انت ونصار على منطقة الخليج بكون اربح وافيد لكم .. فاهل الخليج قادرين على تحمل تكلفة العلاج في اي مكان اما بالنسبة للسودان واهلنا الطيبين الذين يعيش السواد الاعظم منهم تحت خط الفقر ويموت الكثيرين منهم لعد امتلاكهم تكلفة العلاج اتمنى ان تركزوا على الجانب الانساني وبرامج الاطباء الالمان المتطوعين وتكونوا ساهمتم اسهام فعلي في رفع المعاناة عن اهلنا في السودان ولكم الاجر مع خالص تحياتي
| |
|
|
|
|
|
|
Re: خدمات طبية في المانيا (Re: علي محمد الفكي)
|
مرحب بيك اخي علي محمد الفكي الشركة طبعا شغالة مع الخليج و روسيا و غيرها من الدول التي بما يسمى بالعلاج السياحي اما السودان فنحنا طبعا ما منعزلين من واقعه بل اكثر من ذلك انا الان عمليا مستقر في السودان و الان في زيارة لالمانيا. هناك الكثير الذي يمكن تقديمه للسودان اذا لم تعترضنا عقبات.
| |
|
|
|
|
|
|
Re: خدمات طبية في المانيا (Re: وضاحة)
|
سلامات نصار. خدمات ال Telemedicine. تخدم الغلابة والفقراء غير القادرين على السفر يا وضاحة. Telemedicine يتم عرض صور الأشعة الخاصة بالمريض وصور الاشعة المقطعية ورسم القلب ووو..كل ذلك المريض فى السودان والطبيب فى ألمانيا.. الأجهزة المستخدمة بسيطة للغاية وتشمل أجهزة كمبيوتر موصلة بانترنت عالى السرعة و سكانر و كاميرا ديجيتال بموواصفات محددة وبعض الأجهزة الاخرى.. حتى فى غرف العمليات الجراحية يوجد مجال لل تيليميديسين.. إضافة لذلك الطبيب السودانى سيستفيد كثير بالتواصل مع الأطباء الألمان والإستفادة من خبراتهم. أتمنى من الأخ نصار وكمال بتطبيق الفكرة كذلك على مستشفيات السودان المحلية- ولا ضير فى أخذ الفكرة وتأسيس شركتهم الخاصة فى السودان حيث تأتى حالات مرضية كثيرة من كسلا ودنقلا والفاشر ووة وكان بالامكان معالجتها هناك ببعض التوجيه للطبيب المعالج هناك.. المشكلة انه المسؤولين فى وزارة الصحة ليست لهم آذان لتسمع أفكار كتلك ولكن لا ضير من المحاولة معهم.. وبالتوفيق فى مسعاكم الإنسانى.
| |
|
|
|
|
|
|
Re: خدمات طبية في المانيا (Re: ombadda)
|
مرحب دكتور امبدة تمنيت مشاركتك و لم يخب ظني، انا و كمال واضعين امال كبيرة في مسألة التليميدسن و نحنا على وشك الحصول على الاجهزة المخصصة للسودان.. واضعين في اعتبارنا العقبات الممكن تواجهنا و لكن زي ما قلت انت لابد من المحاولة و ربنا ييسر الامور.. ح اكون قريب في السودان ياريت نتلافى و نشوف الممكن عمله...
| |
|
|
|
|
|
|
Re: خدمات طبية في المانيا (Re: وضاحة)
|
الاخت وضاحة سامح الله على كل مخاشنة و عنف لفظي و سوء ظن غير مؤسس و لا افهم من اين اتاكي الدافع للمبادرة به و الاصرار على التجريح و محاكمة النوايا الغلابة ليسو اهلك وحدك بل هم اهلنا جميعا و يهمنا امرهم فعلا لا قولا و لك ان تتمعني في ما تفضل به الاخ الدكتور امبدة و هو طبيب عامل في السودان و سوف نعتمد على امثاله من اهل الخبرة و العزيمة
| |
|
|
|
|
|
|
Re: خدمات طبية في المانيا (Re: نصار)
|
Quote: الاخ نصار
انت دافعك الاساسي ليس خدمة المواطن العادى السودانى دا الفرق بينى وبينك
انت عاوز تفتح بزنس فى السودان على مستوى الاغنياء فقط
|
وهذا بالضبط أس المشاكل في السودان وهو إحتكار الوطنية وإعتبار الشخص نفسه الوصي على الوطن وغيره هم المجرمون الذين يضمرون للوطن الشر، ولا يتعب الشخص نفسه بالتقصي عن من يقفون وراء العمل، وخلفياتهم وأهدافهم، بل كما أشار أخي علاء الدين يحاكمون نيتك قبل أن تبوح بها، وهم بذلك ينازعون الواحد الأحد في صفاته العليا (تعالى علوا كبيرا) الحقيقة التي لا أريد لهذا البوست أن ينجرف عن مساره بقولها هو أن هذا الوطن مأساته الحقيقية أنه واقع بين مطرقة الغالبية في الحكومة وسندان (الغالبية من المعارضة)، وأن التفكير الغالب في كلا الجانبين أن إقصاء الآخر يجب أن يتم حتى وإن كان ثمن ذلك إفناء السواد الأعظم من أبناء هذا الشعب . القليلون فقط من أبناء هذا الوطن هم من يحاولون العمل بصمت ويهدفون إلى خدمته بدون إدعاء أومن أوأذى
| |
|
|
|
|
|
|
Re: خدمات طبية في المانيا (Re: نصار)
|
وضاحة سلامات. معليش ما عندى خاصية إقتباس علشان كدة ح ارد على ردك فى شكل نقاط. * ذكرتى انه أجهزة التيليميديسين يجب ان تتوافر فى اى مستشفى. طيب إذا سلمنا بصحة كلامك دة، سؤالى ما هى الجهة التى ستركب وتوفر تلك الأجهزة؟ بالتأكيد دة شغل فنى تقنى ما شغل اطباء. إجابتى للسؤال اعلاه: شركات متخصصة تتعاقد مع المستشفيات، وبالتأكيد أصحاب الشركات دى ما انبياء ولا رسل او اصحاب ثروات طائلة علشان يشتغلوا الشغل دة مجانا بلا مقابل. . . * سألتى عن تكاليف مقابلة المريض فى العيادة الخاصة والفحوصات والعلاج. ما عارف سؤالك دة علاقته شنو بموضوع البوست؟ الجماعة ديل ما قالوا دايرين يفتحوا عيادات خاصة. حسب ما فهمت دايرين يشتغلوا فى مجال التيليميديسين ومساعدة المرضى المقتدرين ممن يود العلاج فى ألمانيا. . . * سؤالك عن ليه ما تتوفر خدمات زى دى فى المستشفىات الحكومية؟ سؤالك دة نوجهه لوزارة الصحة. دى مسئولية حكومات وليس الأفراد. بعدين ملك البزنس فى الطب وصحة المواطن المقهور هو وزير الصحة ولاية الخرطوم صاحب مستشفى الزيتونة وصاحب الجامعة الخاصة. فارجو ان توجهى بقية سهامك نحوه لعله يصغى ويرحم المواطن المسكين * وضاحة ياخ شايفك ظلمتى نصار وكمال كثيرا. أرجوا ان تراجعى نفسك وتعتذرى لهما. واذكرك: وما يصدر من قول إلا لديه رقيب عتيد. ولا يكب الناس على وجوههم إلا حصاد السنتهم. وربنا حرم الظلم على نفسه فكيف بنا أن نظلم بعضنا البعض. . . Disclaimer: * لا اعرف الاخ نصار أو كمال معرفة شخصية، وحدود تعاملى معهم هذا البورد والتداخل فى البوستات. والمداخلة دى كلمة حق ليس إلا. * ليست لدى النية فى الدخول معهم فى أى شراكة او مشاريع الان أو مستقبلا.
| |
|
|
|
|
|
|
Re: خدمات طبية في المانيا (Re: وضاحة)
|
الزميلة وضاحة ،،، تجديني حديث عهد بالمنبر ( برلوم يعني ومازلت في طور قراءة البوستات ملتصقا بالحائط ولكنك اجبرتيني سيدتي على كتابة هذه المداخلة ) وربما تصنف مداخلتي هذه في اطار الدفاع عن الشلة او الاصدقاء دون النظر الى الموضوع ،،، سيدتي اذا انتي بالفعل مقيمة بقطر سوف ارسل لك ارقام هواتف واسماء العديد من السودانيين المقيمين بقطر الذين يمكنك ان تساليهم من هو علاء الدين نصار أوكمال حسن على ،،، سيدتي هؤلا الرجال ( كما وصفتيهم ) وكما اعرفهم ( ولا ازكيهم على الله ) هم من انقى الناس سريرة واعفهم يد ولسان ،، اما عن وطنيتهم واهتمامهم بقضايا البلد فهي ليست محل مزايدة عندهم لما اعلمه عنهم ،،، فياسيدتي لا اطالبك بالاعتذار ولكن ارجو منك فقط ان تصفي النية ،،، احتراماتي
| |
|
|
|
|
|
|
Re: خدمات طبية في المانيا (Re: نصار)
|
دكتور أمبده أوفيت وكفيت، و أشكر لك كلمة الحق وحسن ظنك فينا، والذي هو وحسن ظن الآخرين بنا سيكونون الزاد الذي يقوينا في سبيل تحقيق ما نسمو إليه ويدفعنا للأمام والأمنيات حقيقة في أن ينجح مشروع التيليمديسين الذي أعتقد أنه سيحدث نقلة نوعية في مجال الخدمات الصحية في السودان و لك الود مجددا
| |
|
|
|
|
|
|
Re: خدمات طبية في المانيا (Re: كمال حسن)
|
Quote: طيب انت بدل ما تستغل الم الناس ومرضهم |
دي بالغتي فوقها يا وضاحة هههههههههه شايف الناس بقولوا ليك يا دكتوره...غايتو لو طلعتي طبيبة, مداخلاتك دي تكون مبااااااالغة يعني انت يا دكتوره بتاخدي مرتب عشان تعالجي ناس مبسوطين و ما بتالموا من المرض و الضحك شارطهم؟ غايتوا إلا إذا شغاله فولنتير سااااااي لي الله
| |
|
|
|
|
|
|
Re: خدمات طبية في المانيا (Re: ناصر جامع)
|
مرحب ناصر جامع المريحني في موقف اختنا وضاحة انها ما بتحكم علينا في شخوصنا لانها ببساطة ما بتعرفنا و هي بذلك تستند على الحال العام بتاع البلد الفيهو الكتير من الامور الما بتسر
| |
|
|
|
|
|
|
Re: خدمات طبية في المانيا (Re: نصار)
|
الأخ الحبيب حامد الزبيدي، لك الأشواق الهواطل وشهادتك فينا ـ صديقي ـ مجروحة و مهببة بي ستين ألف هباب وسعيدين أن دخلت في معمعة سودانيز أونلاين إتوهط، فأنت هنا سيد بيت
| |
|
|
|
|
|
|
Re: خدمات طبية في المانيا (Re: نصار)
|
الأخ ناصر جامع تحية طيبة
Quote: دي بالغتي فوقها يا وضاحة هههههههههه شايف الناس بقولوا ليك يا دكتوره...غايتو لو طلعتي طبيبة, مداخلاتك دي تكون مبااااااالغة يعني انت يا دكتوره بتاخدي مرتب عشان تعالجي ناس مبسوطين و ما بتالموا من المرض و الضحك شارطهم؟ غايتوا إلا إذا شغاله فولنتير سااااااي لي الله |
تعرف يا ناصر دي مشكلة فهم جيل كامل يعني كثير جدا من المعارضين للنظام تلقى الواحد قاعد ومتجدع وموفر لي أولادو الدايرينو وأكتر و تلقاهو بيطالب الآخرين إنهم يطلعوا مظاهرات و يدخلوا - بالنيابة عنو - السجن و هو معارضتو كلها في طرف (كيبورديهو) نحن برغم إنو شغالين ونحمد ربنا (وسوق السودان ده أصلنا من زمان رامين طوبتو لأنو حرامو أكتر من حلالو، ووالله العظيم إتوفرت لينا زمان فرص في السودان رفضناها بي سبب إنها بتغنيك علي حساب الآخرين ودي خط أحمر في مبادئنا بيعرفها أي زول إحتك بينا في أي مرحلة من مراحل حياتنا) لكن أهو نحن بنحاول نستفيد من خبرات إتوفرت لينا في جلب تقنيات جديدة ودعم من جهات نعتقد إنو المستفيد الأول والأخير فيها هو المواطن السوداني الضعيف
| |
|
|
|
|
|
|
Re: خدمات طبية في المانيا (Re: نصار)
|
الحبيب نصار (لووول قربت تبقى الحبيب الأنصاري) و الله الرحله فاقداك بس، أول شيء من البرد والجليد داك فجأتن كده في جو 20 درجه ممتع ، غايتو براي حسدت روحي تاني حاجه قلت أريح ليك خشمي من (الآختونق و الإنتشولديقونق) وإتكلم لي حبة عربي لكن لقيت نفسي مع دكتور فايكس بس يفرقنا النوم يوم الأربعاء غايتو يا جاني حامد من السلطنه يا مشيت ليهو قبل سفرة الرياض تحياتي
| |
|
|
|
|
|
|
Re: خدمات طبية في المانيا (Re: كمال حسن)
|
الأخوان الفاتح أحمد عباس و حسن مهدي شكرا ليكم وعلى الدعم ربنا يجعلنا مثل ما تظنون و أحسن من ذلك و يقدرنا على تنفيذ ما يمكن أن ينفع البلد وأهله والذين يستحقون منا الأفضل، و أكثر من مجرد هذه المساعدات الخجولة
| |
|
|
|
|
|
|
Re: خدمات طبية في المانيا (Re: نصار)
|
Quote: In den Vereinigten Arabischen Emiraten unterstützen deutsche Mediziner in einem Telemedizin-Projekt den Kampf gegen Diabetes. Zudem bauen ein deutscher Telemedizin-Provider und das German Heart Centre in Dubai ein telemedizinisches Kompetenzzentrum auf, das Diagnostik, Monitoring und Therapiesteuerung von Patienten mit Herzerkrankungen anbietet. Im Mandauml;rz 2010 schlossen das Jerudong Park Medical Centre in Brunei und ein deutsches Krankenhaus einen Kooperationsvertrag, um ein neurologisches Zentrum aufzubauen. Herzstück der Zusammenarbeit ist eine telemedizinische Anlage. Sie erlaubt es, Bilder (CT und MRT) und andere diagnostische Ergebnisse zwischen Deutschland und Brunei elektronisch auszutauschen und in Deutschland befunden zu lassen.
|
كيمو ياريت تحاول الاطلاع على هذه التجربة القائمة على تعاون اماراتي الماني في مجال التيليمديسن
| |
|
|
|
|
|
|
Re: خدمات طبية في المانيا (Re: نصار)
|
لكما التحية الاعزاء كمال ونصار وفقكما الله لما فيه فائدة اهل وطن الجدود فانتما فوق الشبهات . وحتى ان كان في الامر بيزنس يحق لكما ما دام الامر مشروعا فلم يحرم الله التجارة بل حرم اكل اموال الناس بالباطل وأعتقد ان آكلي لحوم الغلابة يعلمهم القاصي والداني عليهم من الله ما يستحقون .
| |
|
|
|
|
|
|
Re: خدمات طبية في المانيا (Re: خالد كيبا)
|
شكرا خالد كيبا
راس فيه مخ غليد ههههههه
يا خالد الناس دى ما قادرة تفهم انا بقصد شنو كويس جيت لخصت ليهم الموضوع وختيت النقط فى الحروف
يا نصور ياخى اتمنى ليك بزنس ممتع مع مدخل صاح يؤدى للفايدة
وصاحبك ابو كباس دا قول ليه روق واحسب خطواطك صاح علشان ما تفشل البزنس
بالمناسبة الشركات الامانية زاتوا ما بتثق فى لاشركات السودانية وما بتتعامل معها فى السودان
نسبة لظروف الاقتصادية البمر بيها السودان
Good Luck
| |
|
|
|
|
|
|
Re: خدمات طبية في المانيا (Re: وضاحة)
|
الاخت وضاحة يا عزيزتي شنو البخليك تجزمي باننا ما فاهمين كلامك؟ انت من البداية اغلظتي في القول و ما قلنا ليك حاجة على اساس انه كل زول بعبر بالطريقة البتناسبه و الناس بتحكم على مجرى الحوار انا شخصيا ما عندي مشكلة في الكيفية البنتقدني بيها ايِ كان لاني لا البس اي طاقية تفصل لي و لا احسب اي صيحة علي حتى ما بتوقف عند ما يسمى بنقد بناء و آخر هدام لاني كما قلت اثق في سلامة حكم القراء و الزملاء صديقي اسمه كمال فهلا تكرمتي بمخاطبته باسمه الصحيح و هو رجل اكثر حكمة مني و هو الان في رحلة عملية موفقة في اكثر من دولة و اضافة لهذا العمل يطلب رأيه من مؤسسات اخرى نعم هناك عقبات في تعامل الدول الغربية مع السودان و هنا دورنا بحكم معرفتنا الوثيقة بالطرفين ان نحاول تخطي ما يمكن تخطيه منها و شكرا مرة تانية للاماني الطيبة
| |
|
|
|
|
|
|
Re: خدمات طبية في المانيا (Re: خالد كيبا)
|
العزيز خالد شكرا للاماني الطيبة و النصائح المخلصة تعرف يا خالد انا اطلاقا ما زعلان من الاخت وضاحة لانها عبرت عن رأي يمكن يكون اخرين جاملونا و تفادوا التصريح به و سخنت الحوار عن امر مهم جدا، كما انها اتاحت لينا الفرصة للتوسع في توضيح مقاصدنا
| |
|
|
|
|
|
|
Re: خدمات طبية في المانيا (Re: خالد كيبا)
|
Quote: أود أنا أضيف بان آراء الأخت وضاحه (critical thinking) زات قيمة وفائدة إليكم في فتره تاسيس مكتب السودان وهي تمثل آراء غالبية السودانيين ولكن غالبية الناس في السودان بيبخلو في طرحها وخاصة في حالة الواحد يكون جاي من خارج السودان بفكره انشاء عمل تجاري (غالبية الردود آي شي بينفع في السودان إنت بس تعال أفتح) فمن الأجدر ليكم أخد آرائها في عين الأعتبار ودراسة جدواها فيما يتعلق ودخولكم سوق العمل التجاري إلي السودان (أود التنوية إلي تجارب كتيرة في مجالات أخري دخلت السودان و فشلت لعدم عمل دراسة جدوي و احصاء كامل لسوق والزبائن "برو/كونترا evaluation" ).
|
يا خالد كما سبق ان ذكرت انا حامد ليها انها افصحت عنما يسكت عنه آخرون، و في سبيل ذلك لم اتعرض لطرقتها في التعبير عما تعتقد. حقيقة الشغل في السودان مشاكله لا تعد و لا تحصى و نحنا لا نذهب الى هناك باحلام وردية لكنا نرى ضرورة المحاولة و رجاء التوفيق من عند الله بعد ان نقدم الاسباب.. انا الان في مرحلة تجريب الاقامة في السودان بعد غربة منذ زمن الدراسة في الهند سنة 1986 و بالفعل اقمت في الخرطوم 4 اشهر تلمست فيها الواقع الراهن و هو واقع صعب جدا و لا يعلم احد الى اين يسير و ما مستقره.
| |
|
|
|
|
|
|
Re: خدمات طبية في المانيا (Re: خالد كيبا)
|
Quote: . ما هو موقف شركات التامين في السودان؟ هل بتتكفل بنفقات العالج إذا لم يتوفر العلاج في السودان وتوفر في ألمانيا؟
|
مافي تغطية للعلاج بالخارج من شركات التأمينات السودانية. هناك نفر قليل (مثل بعض منسوبي وزارات بعينها) لديهم تأمينات عالمية من شركات غربية
| |
|
|
|
|
|
|
Re: خدمات طبية في المانيا (Re: خالد كيبا)
|
Quote: . ما هو موقف المستشفيات الخاصة في السودان من هذة الخدمة بعتبارهم المنافس الأول لكم في السوق ؟
|
المستشفيات في السودان عموما ليست منافس لنا بل هي شركاء بدونهم لن نستطيع انفاذ مشروعنا بكلياتها فالسفر للعلاج بالخارج لا يكون خيار مطروح الا في الحالات التي يستعصي علاجها بالداخل اضافة للفائدة الكبيرة التي يمكننا تقديمها للمستشفيات عبر التيليميدسين التي يحصلون عبرها على تشخيص الحالات الصعبة و مساندة مراكز متقدمة في كل الجوانب العلاجية دون الحوجة لسفر المريض و ذلك حتى داخل غرف العمليات و كذلك يمكن للمستشفيات توسيع رقعة خدماتها بتشبيك المستشفيات و المراكز الصحية و المستشفيات الريفية عبر هذه التقنية
| |
|
|
|
|
|
|
Re: خدمات طبية في المانيا (Re: خالد كيبا)
|
Quote: Ich hoffe ich war Euch allen gegenueber gerecht. Weiterem da ich ein paar information und daten hier und dort ueber die Gesundheitsversorgung in Deutschland habe, bitte falls Ihr hilfe oder einen rat braucht lass mich wissen... Tip: Falls ich auf Eurem Schuen waere, wuerde ich diesem Geschaeft im Sudan auf Eigenem fussen bestreben, und die Frankfurter beauftragen nicht umgekehrt ... ! Ich wuensche Euch allen viel Erfolg und Besinnung |
بالتأكيد نحتاج لكل معارفك و خبراتك في المجال و نصائحك محل اجلال و نتوقع منك المزيد و نعرف كم انت رجل منهجي و مطلع
| |
|
|
|
|
|
|
Re: خدمات طبية في المانيا (Re: نيازي مصطفى)
|
العزيز نيازي مصطفى رفيق الزمن الجميل هذه الشهادة وسام نعتز به من اخ نعرف قدره و صدقه و نعم المعرفة التي تكون في بعد عن الوطن و في ظرف تنافس شريف في ساحات العمل السياسي و النقابي الطلابي نحمد الله الذي اخرجنا من صراع سيسي محتدم بدون ضغائن لنا او علينا و هذا كسب كل الساحة الطلابية الهندية التي لو ساد نموذجها في الساحة الوطنية العريضة لربحت البلد و تعافت من كثير من جراحها
لك صادق الود الذي تعرف
| |
|
|
|
|
|
|
Re: خدمات طبية في المانيا (Re: نصار)
|
الحبيب نصار والقائمين على هذا الأمر... بالتوفيق ان شاء الله ولو استطعتوا تخدموا زول/ة واحد بقروشو/ها في البلد هنا، تكونوا ما قصرتوا. طوبة طوبة وشوية شوية T .T. T Things Take Time
التحية أنور
| |
|
|
|
|
|
|
Re: خدمات طبية في المانيا (Re: نصار)
|
جميعا السلام عليكم,
وضاحه يا ستهم صباحك خير ولا شكر علي واجب وضاحه كتبت: Quote: يا خالد الناس دى ما قادرة تفهم انا بقصد شنو كويس جيت لخصت ليهم الموضوع وختيت النقط فى الحروف |
أنا متاكد مية المية بينكم التلاتة ما في أي اشكال في الفهم, بل الروابط المشتركة بينكم أكتر من القواسم، بس مرات كتيرة مشغوليات الحياة والزحمة بتخلي الاتصال بين الناس يكون في أزمة, بذات وقت االاطراف هم ناس غيورين و ليهم ولاء لاهلهم زيكم التلاتة. إضافة الباين لينا إنو غاياتكم التلاتة واحدة اللهي توفير الخدمات الطبية والعلاج لاهلنا. وربنا يوفقكم ويوفقنا جميعا للمفيد ووعمل الخير لاهلنا.
وضاحه كتبت:Quote: راس فيه مخ غليد ههههههه |
يا ستهم ده راس منو دا :-)
مره تانية تشكري ونتمني ليك يوم سعيد في الدوحة التي نحب،
Khalidkeba
| |
|
|
|
|
|
|
Re: خدمات طبية في المانيا (Re: خالد كيبا)
|
الأخ نصار نهارك سعيد
تشكر أخي للتوضيح
نستمحك مرا تانية في الابداء براي واضافة كلمه كلمتين
نصار كتب:Quote: انا الان في مرحلة تجريب الاقامة في السودان بعد غربة منذ زمن الدراسة في الهند سنة 1986 و بالفعل اقمت في الخرطوم 4 اشهر تلمست فيها الواقع الراهن و هو واقع صعب جدا و لا يعلم احد الى اين يسير و ما مستقره. |
من كلامك أنا فهمت انك حاليا في السودان، إن كان ده الحاصل، طبعا الخطوه دي من أهم خطوات التاسيس في السودان و ذكية جدا وبها حتكون إنت مالك زمام الراي وقرارك يكون مبني علي واقع حال "برافو"
نصار كتب:Quote: مافي تغطية للعلاج بالخارج من شركات التأمينات السودانية. هناك نفر قليل (مثل بعض منسوبي وزارات بعينها) لديهم تأمينات عالمية من شركات غربية |
تشكر للرد والايضاح نصار كتب:Quote: فالسفر للعلاج بالخارج لا يكون خيار مطروح الا في الحالات التي يستعصي علاجها بالداخل
|
هل فكرتو وسالتو شركات التامين في علاج المرضي في السودان باطباء ألمان واوروبيين!
زيادة: الملك أنور "AnwarKing " ده أديهو زيارة أكيد بعد سنوات الاغتراب نظرتو للاشياء في السودان بتكون بمنظارين للمقارنة وده الناقص في السودان.
AnwarKing كتب: Quote: طوبة طوبة وشوية شوية T .T. T Things Take Time |
يا الملك إنت ال-3T ديل الملكية الفكرية ليهم عند منو؟
الأخ نصار في حالة وجودك في السودان وعندك رغبة أنا بحاول المك في زول في المجال الطبي التجاري في السودان من عدة سنوات, أكيد مقابلتو بتفيدكم شديد و بتقصر ليكم مشاوير كتيرة. ? Lass mich wissen كل الاحترام والتقدير, Khalidkeba
| |
|
|
|
|
|
|
Re: خدمات طبية في المانيا (Re: خالد كيبا)
|
سلام خالد يا صديقي رأيك و نصحك مرحب به دائما و يتقاصر شكرا لك عليه عنه
Quote: هل فكرتو وسالتو شركات التامين في علاج المرضي في السودان باطباء ألمان واوروبيين! |
أنا يا خالد بديت خطوات الاقامة في السودان و الان متواجد في زيارة لالمانيا و منها راجع خلال اسبوعين فعلا نحنا بنفكر في احضار اطباء المان زائرين للسودان و سوف ارى رأي التأمينات في اقتراحك الطرحته في شكل سؤال و نشوف كتير من الافكار البتقلل تكلفة العلاج هنا او هناك بخبرات المانية عندنا برضو تعاون مع شركات ادوية جينرك الهي زي ما بتعرف جودة المانية بتكلفة اقل
ياريت توصلني بالاخ الذكرته و ما دام من طرفك اكيد يمكن التعاون معه بارتياح
شكرا يا حبيب و تفضل باي اراء بلا تحفظ
| |
|
|
|
|
|
|
Re: خدمات طبية في المانيا (Re: خالد كيبا)
|
سلام خالد يا صديقي رأيك و نصحك مرحب به دائما و يتقاصر شكرا لك عليه عنه
Quote: هل فكرتو وسالتو شركات التامين في علاج المرضي في السودان باطباء ألمان واوروبيين! |
أنا يا خالد بديت خطوات الاقامة في السودان و الان متواجد في زيارة لالمانيا و منها راجع خلال اسبوعين فعلا نحنا بنفكر في احضار اطباء المان زائرين للسودان و سوف ارى رأي التأمينات في اقتراحك الطرحته في شكل سؤال و نشوف كتير من الافكار البتقلل تكلفة العلاج هنا او هناك بخبرات المانية عندنا برضو تعاون مع شركات ادوية جينرك الهي زي ما بتعرف جودة المانية بتكلفة اقل
ياريت توصلني بالاخ الذكرته و ما دام من طرفك اكيد يمكن التعاون معه بارتياح
شكرا يا حبيب و تفضل باي اراء بلا تحفظ
| |
|
|
|
|
|
|
Re: خدمات طبية في المانيا (Re: نصار)
|
دعواتكم لنا بالتوفيق فقد ازف الموعد سوف اسعى لابقاء هذا البوست حيا ليتثنى لكم متابعة خطواتنا التي نتمناها موفقة و معينة للحقل الطبي و المرضى في السودان
| |
|
|
|
|
|
|
Re: خدمات طبية في المانيا (Re: نصار)
|
السلام عليكم و الرحمة حقيقة أنا سعيد بالتجاوب و المشاركة ونصائح و أمنيات كل الإخوان الذين تداخلوا معنا في هذا البوست، وسأعود لكم بشكل فردي إن سمحت ظروفي في مقبل الأيام بين ضغط التسفار شبه اليومي
Quote: وصاحبك ابو كباس دا قول ليه روق واحسب خطواطك صاح علشان ما تفشل البزنس |
إذا رجعتي يا زميلة المنبر وضاحة لإرشيف مداخلاتي هنا في سودانيز أون لاين ستجدين أنني لم أنساق من قبل ولن أنساق مستقبلا في ردود جاهلة وإساءات على مثل ما تفضلت وسميتيني بأبو كباس أعلاه لأني أعرف قدر نفسي تماما و قناعاتي تمنعني عن الإيتاء بامور أفعلها متسترا وراء كيبورد إذا لم أقو على فعلها وقولها أمام الناس. فيا زميلة المنبر أرجو منك شاكرا الإبقاء على شعرة معاوية و ماتبقى من إحترام بيننا إن كنت ترغبين في مواصلة التقاش و التحاور، وإلا فبالطبع هذا رجاء فقط و أكيد لك حرية أن تختاري قطع الشعرة
| |
|
|
|
|
|
|
Re: خدمات طبية في المانيا (Re: نصار)
|
نصار يا حبيب سلامات و الله والله يا حبيب أنا ما لاقي وكت أدخل فيه عشان بس أسلم ساكت أعذرني داير لي وكت عشان اقدر أكتب ليك بالتفصيل على العموم الأمور ماشه على أفضل مما توقعت لها والمأموريه شكلها ستمدد على الأقل عشرة أيام أخرى.
بعدين لا عليك يا حبيب بالنسبة للزميله، فمداخلتي أعلاه كانت آخر مداخله لي معها.
| |
|
|
|
|
|
|
|