الشفيف ود الباوقة : عليك النبي تعز النبي تجامل تجي ,, معقول بعد كلام وضاحة ده ما ترجع يا حبيبنا غايتو ده لو انا برجع بالخطوه السريعة عشان ما ازعل صاحبة الجلالة وعشان ما احرم ناس البورد من صاحبة الجلالة وضاحة..
وارجع يا حبيبنا انا هنا في انتظارك ...
تحياتي : ياسر العيلفون
01-13-2013, 01:56 PM
وضاحة وضاحة
تاريخ التسجيل: 01-16-2005
مجموع المشاركات: 9116
مبادرة جميلة من الاخت وضاحة ونتمني من بق بق العوده اتصلت عليهو بالتلفون الراجل قال عايز ياخذ ليهو جمة شوية عشرة سنين من الخدمة المتواصله يا بق بق عشان خاطرنا ترجع
01-13-2013, 02:06 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: مبادرة جميلة من الاخت وضاحة ونتمني من بق بق العوده اتصلت عليهو بالتلفون الراجل قال عايز ياخذ ليهو جمة شوية عشرة سنين من الخدمة المتواصله يا بق بق عشان خاطرنا ترجع
معقول يقدر يبعد عن اخوانوا واصحابوا
الدسيس طلعت اوف لاين خخخخخ
عاد لينا الفرح
01-13-2013, 02:09 PM
كمال سالم كمال سالم
تاريخ التسجيل: 02-13-2008
مجموع المشاركات: 4786
فيما يبدو ياوضاحه ان ضمير ود الباوقه قد استيقظ مؤخرا بعد 23 سنه من مناصرة الظلم وهو الان فى حالة تامل ومحاسبه للنفس وبالتاكيد سوف يعود قريبا ببوست عنوانه جيئتكم عائد لابشر بالفجر الجديد
فيما يبدو ياوضاحه ان ضمير ود الباوقه قد استيقظ مؤخرا بعد 23 سنه من مناصرة الظلم وهو الان فى حالة تامل ومحاسبه للنفس وبالتاكيد سوف يعود قريبا ببوست عنوانه جيئتكم عائد لابشر بالفجر الجديد
..........................................
بالعكس اخي كمال
انا جند مجند وساظل على قناعتي الا ما لا نهاية باذن الله
Quote: فيما يبدو ياوضاحه ان ضمير ود الباوقه قد استيقظ مؤخرا بعد 23 سنه من مناصرة الظلم وهو الان فى حالة تامل ومحاسبه للنفس وبالتاكيد سوف يعود قريبا ببوست عنوانه جيئتكم عائد لابشر بالفجر الجديد
يا كمال انك لا تهدى من تحب ولكن الله يهدى من يشاء
ندعوا له بالهداية
01-13-2013, 03:29 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24986
يا ود الباوقة يا حليل الجعلين متين الجعليين برجعوا فى كلامم شوف الاصلي كيفنو:
(جعلي ضرسه وجعه ... ومشى الدكتور الدكتورطلع شايقي قال للجعلي :- في زمتك انتو الجعليين وجع الضرس الهين دا بتشكوا منّو ؟؟ قام شالته الهاشمية ورد على الدكتور ....!!!!! لا أنا عايزك تقلع السالمين كلهم وتخلي ود الك-لب دا ينبح براه)
01-13-2013, 06:24 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: (جعلي ضرسه وجعه ... ومشى الدكتور الدكتورطلع شايقي قال للجعلي :- في زمتك انتو الجعليين وجع الضرس الهين دا بتشكوا منّو ؟؟ قام شالته الهاشمية ورد على الدكتور ....!!!!! لا أنا عايزك تقلع السالمين كلهم وتخلي ود الك-لب دا ينبح براه)
بالغ لكن الدكتور هو ما عارف انوا الجعليين بقعدوا فى النار
01-13-2013, 04:56 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
احيييييييييييييييييييى انا والحى الجنب حييييييييييييييييييييينا بعد رجعت بالسلامة يا عمر و الوصية فى الذمة اتصلت على البت هيفاء بت عم وهبى دى و قالت لي سلم على عمر وقول ليه زى ما جبرت بخاتر شتارة دى اقصد وضاحة دى اموت ليك وان شاء الله اتكسر حته حته حته حته حته حته حته حته حته حته حته حته حته حتة حتة حتة حتة حتة ولو ما عزيتنى ان شاء الله يصدمنى المجروس الشاحن اخوات نسيبه ويعدمن معاى طفاى النار وان شاء الله البشير ونافع وعلى كرتى و مصطفى عثمان وامين حسن عمر واحمد البلال الطيب (طبعا عبد الرحيم رحله زى دى ما بفوتا) تقع بيهم طيارة وتقع جوة القصر الجمهورى واكون المضيفة انا و زى ما جبرت بخاتر قشارة ورجعت دى اجبر بخاترى انا كمان وامش تانى، لكن المرة دى سوق معاك اللزج ابو حسين وفى خمسه تانى بديك اساميهم بالتلفون وان شاء الله تعرضو بساق الباعوضة وقشة ماتعتر ليكم.. ورسلت لىك الصورتين ديل قالت ليك ان شاء الله (تدق) بيهم الدلوكة وتعرض زى (الحلاوة) الرسووووووووول كان ما جبرت بخاترا،،،،
red textred text
01-13-2013, 05:22 PM
العوض المسلمي العوض المسلمي
تاريخ التسجيل: 11-27-2007
مجموع المشاركات: 14076
يا سلام ويا سلام .. والله يا وضاحة ناس حكومة السجم ديل ما بفهمو هسع كان شالوك معاهم في مفاوضات نيفاشا .. وكان تحنسي لينا اهلنا في الجنوب ما ينفصلو مننا .. وعليك الله اكان تقنعي لينا بشار الاسد ده يشتت من سوريا .. قناعة خلاس البت دي .. يا بق بق بالله ما تزعل تاني وكية كية في ود الموج ده ..
01-13-2013, 06:10 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
Quote: شكرا وضاحة لجوديتك المنبر من غير ود الباوقة مابقعد
وضاحة يا فجر المشارق سلام ، الحق يقال ود الباوقة مهما أختلفنا معاهو وجودو مهم في المنبر على الاقل بنعرف اخبار سيدو الرئيس وأخبار البترول والدهب و.... والمنبر من غير مناكفة مسيخ ، تحياتي ليك وليهو.
01-13-2013, 06:27 PM
وضاحة وضاحة
تاريخ التسجيل: 01-16-2005
مجموع المشاركات: 9116
موج يا خال وردنا من مصادر عليمة انك من عمل بجهد حقيقى على ارجاع الاستاذ ود الباوقة بعد ان خرج مغاضبا و علمنا انه تأبى كثيرا و لكن لان امام اصراركم و ايماناتكم المغلظة عليه الشكر الكثير لهذا الجهد الجبار و الكبير كبير
Quote: موج يا خال وردنا من مصادر عليمة انك من عمل بجهد حقيقى على ارجاع الاستاذ ود الباوقة بعد ان خرج مغاضبا و علمنا انه تأبى كثيرا و لكن لان امام اصراركم و ايماناتكم المغلظة عليه الشكر الكثير لهذا الجهد الجبار و الكبير كبير
جميعابى يا حبيب لكن كان ما الزول ده جاء ودق الدلوكة وعرض زى الحلاوة انا بطنى مابتبرد فى شان شتمونى فى صمة .......،،،
01-14-2013, 01:44 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
لا يشبه الحزن عينيك.. لا لنظراتك الانكسار... لماذا تذبلها.. وتذبل حولك الفرح؟ رائع آنت بزهوك وصخبك يملا المكان ويفوح وهجه على كل الوجوه! حتى الأشياء تنطق فرحا حين تجاورها تفيض عليها بمرحك وزهوك حتى الطيور تطوى أجنحتها تغط على النافذة لتشارك في جلسة الفرح! لماذا تذبل عينيك؟ لماذا تدع الانكسار يمتلك نظراتك وتصمت! تصمت آلي لا نهاية فمن يحكى إذا؟ من يغامر بالكلام بعدك؟ ستكون ألفاظه حروفا مرصوفة بلا معنى.. بلا صدى.. بلا إيقاع... لن ينصت أحد.. لن يبالى أحد .. بل سيرحلون جميعا إليك.. آلي حيث تكون.. آلي حيث تمضى يجاورنك في الحزن العظيم الذي يحتويك ويتبادلون معك حديث الإشارات حديث العيون والذكريات عندها لن تبقى وحيدا سيصير حزنك فرحا
صاحبة السمو شكرا لمجهوداتك المقدرة في عودة ود الباوقة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وضاحة
ياسر السر
عباس الدسيس
معاوية المدير
كمال سالم
علي محمد الفكي
حيدر حسن ميرغني
خالد عبد الله محمود
عمر صديق
عبد اللطيف السيدح
حمد عبد الغفار عمر
الطيب شيقوق
abas
moaz elsir
صديق الموج
العوض المسلمي
الشيخ سيد أحمد
هشام كمال عبادي
Nagat Sid Ahmed Elshiekh
Khalid Saeed
امجد الجميعابى
MOHAMMED ELSHEIKH
عزالدين عباس الفحل
فيس بوك
تويتر
انستقرام
يوتيوب
بنتيريست