|
|
|
 Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: ABUHUSSEIN)
|
سلام يا أبو حسين و عام جديد سعيد عليكم و من تحبون بإذنه تعالى ..
و ياخي ما تصعب المواضيع شدييد..
| Quote: يعني شنو شيشتنا ....؟؟؟؟؟ |
شيشتهم دي ما ياها الشيشة الواحدة دي ..
بعدين لاحظ الشيشة دي ما اتوسطتها ( نون ) ..
يعني فيها أي سيك .. عيك
| Quote: و يعني شنو لحم الحريم مزتنا ....؟؟؟ |
الزول دة أكيد قام يلحبت ..
و لأنو الحكاية فيها ( مزة )..
فأكيد ( الطشمة ) بتكون ( بت كـلب )
أها في الحالة دي ..
تلقى الواحد عايز يقول ( لحم حمير) ..
يقوم يقول ( لحم حريم )..
أها في الحالة دي ..
تأكلها في حنانك لأنو عمك في ذمتك
| |
  
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: عصام دهب)
|
| Quote: سلام يا أبو حسين و عام جديد سعيد عليكم و من تحبون بإذنه تعالى . |
و عليكم السلام و سنة كلها أفراح و سعادة ليك و لي كل أحبابك..
| Quote: شيشتهم دي ما ياها الشيشة الواحدة دي .. |
هي الشيشة واحدة يا مولانا ...؟؟؟
يا مولانا أنا ذمتي قدر شنو ....؟؟ ياخ ذمتي دي معلقين فيها كتااااااااااااااااااااااااار
تحياتي و إحترامي
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: ABUHUSSEIN)
|
| Quote: و ل حا تكذب على ولدك ...؟؟؟؟ |
الكضب الأبيض جزء من تربية الصغار يا ابو حسين
بس الفكرة ممكن تحاول تشرح جزء منها ويفهم بأنو في جزء أكبر من درجة إستيعابه الحالية باعتبار إنو في مواضيع لم يتم شرحها له بالمدرسة :)
كعلوم دنيوية :)
وبرضو بتكون في كضبة صغنونة لا مأخذ عليها .
......................
السؤال قائم الفكرة واقع أم لا 
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: ABUHUSSEIN)
|
Quote: والله يا أبو حسين أنا ذاتي داهيتنا دي ضرستني
وبعدين هي ذاتا بتنقص المعنى يعني بتخليهم غاطسين في النعيم نص نص
وبتصرف النظر عن القضية المطروحة .. هسي كل الناس انصرفت عن الموضوع
ومسكت في داهيتنا دي .. يعني الداهية بدل تثري الموضوع بقت خصماً عليه
تحياتي |
أخونا سنجاوي سلام
كل سنة و إنت بألف خير و ربنا إحقق الأماني
فعلاً البذاءة خصمت كتير من معنى الكراكتير و أي واحد بقرأ الكلام حا إقيف في الكلمة البذيئة و بكون نسى الحاصل شنو ..
تحياتي و إحترامي
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: ABUHUSSEIN)
|
ابو حسين ياخ شنو ؟
الزول لمن يختها في الواطة تقوموا تدفنوها
كلها حاجات معروفة ما محتاجة جرجرة ياخ
وفي الواقع حجر الشيشة والتخميسة عاوزات هبشة بس ..
وطوالي يدور الدخان يا مان !
والمزة فيما جاور الكتف
او ....
اها ...
يعنى نكضب وننافق لي متين
خلوها نخت اليد في الجرح
ما نسوي وشوش كضابة
ونقعد نطير مع الملايكة!!
تحياتي..
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: ABUHUSSEIN)
|
Quote: ابو حسين اللزج كل سنة و انت طيب
عمر دفع الله قال:
من كراعنا لى شوشتنا ويقصد شوشة الشعر
اى انهم والغين فى النعيم (ياربى والغين ده محلها؟ ) ما علينا
اها قامت الحروف اتلخبتت جابت سيرة بتاعة ود الصايم دى!!
دى فوكا حاجة؟؟
انت يا الفقر شيشتك بعملية اللوز ..
لوووووووووووووووووووووول،،، |
و إنت طيب
غايتو بي تبريراتك دي بكلم ليك ود الباوقة إشغلك مع ناس الإنقاذ...
دراب البشير و نافع و عبدالرحيم دا كلو تبرروا ليهم لم تحير إبليس زاتو ... و بدفعوا ليك كويس
لأنو خبراتك عالية جداً
| |
|
|
|
|
|
|
|
|
 Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: ABUHUSSEIN)
|
Quote: ابو حسين ياخ شنو ؟
الزول لمن يختها في الواطة تقوموا تدفنوها
كلها حاجات معروفة ما محتاجة جرجرة ياخ
وفي الواقع حجر الشيشة والتخميسة عاوزات هبشة بس ..
وطوالي يدور الدخان يا مان !
والمزة فيما جاور الكتف
او ....
اها ...
يعنى نكضب وننافق لي متين
خلوها نخت اليد في الجرح
ما نسوي وشوش كضابة
ونقعد نطير مع الملايكة!!
تحياتي.. |
أخونا هيثم سلام
ياخوي كل سنة و إنت طيب و ربنا إحقق أمانيك و بلدنا تبقى جنة و سلام و وئام
غلبني البقولو ليك دخلت لي في حتات ضيقة شديد و نحن في بداية سنة جديدة
تحياتي و إحترامي
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: ABUHUSSEIN)
|
Quote: أرجع أقراهو تاني ياخ ...
غاطسين في النعيم من راسنا لي شبشبنا
ــــــ
مع إنّو المعنى أبلغ لو كان نهاية البيت شبشبنا باعتبارو أدنى حاجة والراس أعلى حاجة |
أخونا صبري سلام
و كل سنة و إنت و المدام بألف خير و ربنا إحقق أمانيكم
غاينو لو ما الـــ كان إكون لي معاك كلام
و الله شككتني في نظري .... تصدق فعلاً رجعت قريت الكلام تاني ...
يا زول شبشبنا جزمتنتا أي حاجة كويسة ...
تحياتي و إحترامي
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: طارق جبريل)
|
Quote: الأخ/عادل...السلام عليكم وربنا يحقق أمنياتكم فى هذه السنة والسودان بخير وعزة وكرامة وتسامح وسلام.
ثقافة الكاراكاتير بتعتمد على ألأيحاء وتوصيل الرسالة ببساطة التعبير وعمق الفكرة..
لكن مالنا إلا أن نقول الله يكون فى العون. |
أخونا سمعة سلام
كل سنة و إنت بألف خير و ربنا إحقق ليك كل أمانيك و نشوف سودانا في تقدم و سلام و أمان و عزة
فن الكراكتير وجد لتوصيل رسالة برسوم و كلمات بسيطة و لكن عندما يفقد الأخلاق ينقلب إلى رسالة
لإشاعة البذاءة و قلة الذوق
و نسأل الله السلامة
تحياتي و إحترامي
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: صديق الموج)
|
أخي الحبيب / أبو حسين وجميع الأخوة والأخوات الكرام ...
Quote: ابو حسين اللزج كل سنة و انت طيب
عمر دفع الله قال:
من كراعنا لى شوشتنا ويقصد شوشة الشعر
اى انهم والغين فى النعيم (ياربى والغين ده محلها؟ ) ما علينا
اها قامت الحروف اتلخبتت جابت سيرة بتاعة ود الصايم دى!!
دى فوكا حاجة؟؟
انت يا الفقر شيشتك بعملية اللوز ..
لوووووووووووووووووووووول،،، |
بصراحه يا جماعه أول ما تبادر إلى ذهني هو المعنى الذي أورده أخونا صديق الموج بي فوق ده .. أي أن الأخ / عمر يقصد (الشوشة) أي (خصلة) الشعر ....
لكن عندما كثر اللغط قرأت الكلام مرة أخرى فتبين لي إنه لا يستقيم أن تقول من الرأس لخصلة هي موجودة في الرأس أصلاً ... يعني ما عممت باقي الجسم وضاع المعني ... فلو كان قال من رجلنا لي (للحته ديك) كان ممكن نمشي قصة (الخصله) دي ..لكن بهذا الطريقة يضيع المعنى المقصود ...وعليه فأن صاحب الكاركاتير يقصد بجلاء المعنى الذي يلمح إليه أبو حسين ... ويستحي -كما نفعل نحن أيضاً- أن نفسره لأبناءنا ....
مع خالص ودي وتقديري ؛؛؛؛
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: إدريس محمد إبراهيم)
|
| Quote: و الله ما قدرت أمشيها لأنو الشفع حايمين جنبي و الصورة كبييييرة و بقروا الكلام الفيها و جنهم أسئلة ... |
يعني برضهم طالعين لزجاء؟؟؟؟
على العموم كل عام وأنتم بخير
والشيشة معلومة طبعا الواحد لمان يكون "بيتعاطاها" بتكون قاعدة في الواطة تحت كرعيه
يعني ما معقول يكون خاتيها فوق رأسوا
ويخيل لي انها منعت في معتمدية محافظة الخرطومالمثلثة بواسطةالوالي
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: ABUHUSSEIN)
|
Quote: بصراحه يا جماعه أول ما تبادر إلى ذهني هو المعنى الذي أورده أخونا صديق الموج بي فوق ده .. أي أن الأخ / عمر يقصد (الشوشة) أي (خصلة) الشعر ....
لكن عندما كثر اللغط قرأت الكلام مرة أخرى فتبين لي إنه لا يستقيم أن تقول من الرأس لخصلة هي موجودة في الرأس أصلاً ... يعني ما عممت باقي الجسم وضاع المعني ... فلو كان قال من رجلنا لي (للحته ديك) كان ممكن نمشي قصة (الخصله) دي ..لكن بهذا الطريقة يضيع المعنى المقصود ...وعليه فأن صاحب الكاركاتير يقصد بجلاء المعنى الذي يلمح إليه أبو حسين ... ويستحي -كما نفعل نحن أيضاً- أن نفسره لأبناءنا ....
مع خالص ودي وتقديري ؛؛؛؛ |
أخونا إدريس سلام
و كل سنة و إنت بألف خير و ربنا إحقق أمانيك
أخوك صديق الموج بحاول إتذاكى في حتات أكبر من إمكانياته الذهنية ....
تحياتي و إحترامي
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: د.محمد حسن)
|
الشيشة في قاموس الراندوك : فتحت الشرج الاس هول
عشان تعرفوا تتناقشوا كويس
موضوع الشيشة هين
الاهم من الاشارة غير الكريمة في الكاركتير للانثى السودانية .. صورهم راسم الكاركتيرعلى انهم مبسوطات من ان يكونن مزه للشيخ المعاهن وده واضح من الابتسامات الموزعة والحنية الظاهرة
فهل الامر ده صحيح .ز وهل نحن نسوانا رخاص كده
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: امين علي الشيخ)
|
Quote: يا وليد المبارك
كيف يعني موضوع الشيشه دي هين؟؟؟
يعني لو ما كنت عامل عملية بواسير قبل
كم سنه في القاهرة علي حسب كلام أخونا
الذي في أريزونا صديق مهدي كان نقول
ماعارف المنعطف الخطير الختانا فيه
الكاريكاتير ده. |
صديق ده اشتر
ياخ ده مجمد في زمن حينا يا صيصة .. انت زمان ما ختوه ليك في البص او في السينما
لو علملوا دراسة حا تجد انو السودانيين من اكثر شعوب الارض ابلاء بالبواسير
بسبب سخونة الجو واكل الشطة الكتير
غايتو البواسير ما علمناها وان شاء الله ما نعملها ... ما عشان شي الا لانو قالو حارة شديد
Quote:
معليش يا وليد ياخي من ما سجلت في
البورد مستني لي فرصة فيك
كل عام وانت والبنيات وأمهم بخير
وعلي امنياتكم |
كل سنة وانت طيب
اخد راحتك يا معلم
انت لسع في ضيافتنا
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: وليد محمد المبارك)
|
لا أظن أن مما يُحسب لصالح الكاريكاتور، أن يجعلك تشيح بنظرك بعد النظرة الأولى، وهو ـ للأسف ـ ما يحدث لي مع جلّ رسوم الأخ عمر دفع الله.
لستُ في موقع الناصح ولكني كمتذوق أجدني أتفاعل مع الكاريكاتور الذكي، وأجد أن كثيراً من التفاصيل في الرسم وفي الكلمات تفقد الكاريكاتور حمولته الناقدة وتحوله إلى .. شيء آخر.
قرأت أكثر من مرة ملاحظات لبعض الزملاء، وبعضها كُتب على استحياء، تشير إلى بعض التفاصيل المنفرة في هذه الرسوم: مؤخرات عارية وغائط.
ليت أخانا عمر يأخذ ما نقول به نحن ـ معشر المتلقين ـ بعين الاعتبار ويثق في ذكائنا وذائقتنا.
أما إذا كان الهدف هو "الصدمة" فالمؤكد أنها تحدث، ولكنها في حالات كثيرة تكون ذات أثر عكسي.
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: محجوب البيلي)
|
Quote: يعني برضهم طالعين لزجاء؟؟؟؟
على العموم كل عام وأنتم بخير
والشيشة معلومة طبعا الواحد لمان يكون "بيتعاطاها" بتكون قاعدة في الواطة تحت كرعيه
يعني ما معقول يكون خاتيها فوق رأسوا
ويخيل لي انها منعت في معتمدية محافظة الخرطومالمثلثة بواسطةالوالي |
اللزج يلد لزجاء و الدمو تقيل يلد أبناء دمهم تقيل المشكلة وين ....؟؟؟
أما موضوع الشيشة تحت حا تلقى وليد الشفت ختاها ليكم على بلاطة علشان ما تقعدوا تنظروا لينا
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: ABUHUSSEIN)
|
Quote: اها يا جماعة وصلتو لي شنو؟
الزول ده قاصد شيشة معسل عادي
والا شيشة ود الصايم
عشان نحدد موقفنا من الكريكاتير
انا شجبا وادانة
او تهليل وتكبير
ابو حسين
يا لزج ( اقتباسا من جدي صديق الموج)
كل عام انت واسرتك بالف خير |
أخونا أبو شنب سلام
كل سنة و إنت و البنيات و أمهم بألف خير و في سعادة إن شاء الله
ود لصائم الدخلو شنو هنا يا خوانا ......
تحياتي و إحترامي
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: ABUHUSSEIN)
|
Quote: الشيشة في قاموس الراندوك : فتحت الشرج الاس هول
عشان تعرفوا تتناقشوا كويس
موضوع الشيشة هين
الاهم من الاشارة غير الكريمة في الكاركتير للانثى السودانية .. صورهم راسم الكاركتيرعلى انهم مبسوطات من ان يكونن مزه للشيخ المعاهن وده واضح من الابتسامات الموزعة والحنية الظاهرة
فهل الامر ده صحيح .ز وهل نحن نسوانا رخاص كده |
وليدنا سلام
كل سنة و إنت و العيال و أمهم بألف خير و صحة و ربنا إحقق الأماني
ما تاخد بالشروحات الفطيرة الفوق دي
الناس بتدخل بوستات أبو حسين علشان إهبلو بي أبو حسين لكن المصيبة بهبلوا نفسهم
و الغريب في الأمر إنها حصلت أكتر من مرة... قالو التكرار بعلم الحمار ...
تحياتي و إحترامي
| |
|
|
|
|
|
|
|
|
|
Re: *** الكراكتير المعلق فوووووق دا مظبوط و ل أنا مسطول ؟؟؟ *** (Re: ABUHUSSEIN)
|
Quote: لا أظن أن مما يُحسب لصالح الكاريكاتور، أن يجعلك تشيح بنظرك بعد النظرة الأولى، وهو ـ للأسف ـ ما يحدث لي مع جلّ رسوم الأخ عمر دفع الله.
لستُ في موقع الناصح ولكني كمتذوق أجدني أتفاعل مع الكاريكاتور الذكي، وأجد أن كثيراً من التفاصيل في الرسم وفي الكلمات تفقد الكاريكاتور حمولته الناقدة وتحوله إلى .. شيء آخر.
قرأت أكثر من مرة ملاحظات لبعض الزملاء، وبعضها كُتب على استحياء، تشير إلى بعض التفاصيل المنفرة في هذه الرسوم: مؤخرات عارية وغائط.
ليت أخانا عمر يأخذ ما نقول به نحن ـ معشر المتلقين ـ بعين الاعتبار ويثق في ذكائنا وذائقتنا.
أما إذا كان الهدف هو "الصدمة" فالمؤكد أنها تحدث، ولكنها في حالات كثيرة تكون ذات أثر عكسي. |
أخونا محجوب سلام
كل سنة و إنت طيب و ربنا إحقق الأماني
و الله ما قصرت و قلت الكلام المنو فايدة
تحياتي و إحترامي
| |
|
|
|
|
|
|
| |
ABUHUSSEIN
عمران حسن صالح
عصام دهب
امين علي الشيخ
عمار يس النور
صديق الموج
هيثم التوم
Deng
ismeil abbas
طارق جبريل
Nasir Ahmed Elmustafa
Muna Khugali
إدريس محمد إبراهيم
MOHAMMED ELSHEIKH
د.محمد حسن
محجوب البيلي
وضاح عبدالرحمن جابر
فيس بوك
تويتر
انستقرام
يوتيوب
بنتيريست