|
|
 Re: حاتم سر الختم يترافع ويكشف حقائق وملابسات الجالية «1»(2) (Re: السمانى عمارة)
|
حاتم سر الختم حمد النيل وسقوط ورقة توت أخرى أمام الشيخ قرشوم
الأستاذ أيوب خليل أشكرك على إتاحة فرصة التواصل من الخارج والداخل بداية أقول ما كنت اتوقع أن تستمر الإنتباهة في نشر هذا الغسيل ال و س خ ا ن .الإنتباهة اصبحت إنتكاسة واصبحت غير مفضله عند المغتربين هنا ولا المقيمين داخل البلد . شوفو جريدة الخرطوم وكيف استمرت لأكثر من 20سنة تقدم خدمة مميزة للمغتربين – منو القال لهاشم وعصام دقداق إنو نحن بنفرح لأخبار كهذه؟؟؟ وهل في ذلك خدمة لنا ؟؟ ومنو القال إنو موضوع الجالية هو أكبر همنا ؟؟ الجالية دي موضوع يهم ناس محددين حتى لو كانت معاهم القنصلية لكن نحن عندنا مشاكل تانية وكثيرة وشائكة ولا نخافُ في الحق لومة لائمٍ .
كان ردنا على شنان لسبب واحد وهو إنو بنفس الحماس الذي يرى إنه ومجموعته على حق ممكن تكون هناك مجموعة ترى غير ذلك ، وكنت أعتقد إنو الموضوع إنتهى ! لكن إستمر مسلسل الإنتباهة فوجدت نفسي مُجبرا على الإستمرار في الردود مهما كان مصدرها لآننا قلنا إن عُدتم سنعود وسنعود بقوة لسببين أولاً لآننا سودانيين ، وكشماليين ثانيااً وما زلنا نرى إن كلام شنان غير لائق في حق العم عوض سيد قرشوم وشنان ذاتو يعرف هذه الحقيقة والآن وقبل أن يستر شنان عورته طلع علينا حاتم السر بعورات كتيره.
السؤال الأول : من حاتم ؟ :
الإجابة توضح إنو من النيل الأبيض لكن بعدين يتضح إنو رئيس رابطة ولاية الخرطوم!!!!!!!! ، ومن هسه ما في زول يقول لي ما فيها حاجة ، والزول دا إستقر في الخرطوم ودرس المرحلة الثانوية هناك وعشان كدا ممكن يكون خرطومي – لأنو بالقياس دا شيخ عوض قرشوم مفروض يكون والي الخرطوم بدل حبيبنا عبد الرحمن الخضر فهو من سكان الخرطوم لأكثر من نص قرن يعني بعمر حاتم –
الحكاية وما فيها مفروض حاتم السر يرجع لموطنه الأصلي ويخوض العمل العام بصفته نيل أبيض وما عندو أي علاقة بالخرطوم – نحن كأبناء ولاية شمالية ما قاعدين نقول نحن من بحري او مدني او الخرطوم 2 بالرغم من تواجد أجدادنا وآبائنا في العاصمة منذ قرون – حتى الشيخ قرشوم شغال معاكم بصفته من الولاية الشمالية بالرغم من إنو مستشار كبير للتأمين ويقطن الخرطوم وأبناؤه واملاكه كلها بالخرطوم .
السؤال الثاني
ما هي فكرة مجلس تنسيق الجاليات ؟؟ وكيف تم تكوينه؟
الإجابة :حينما احتج رؤساء الجاليات الأخرى في المنطقة الغربية تم حل المجلس السابق المكون من ثلاث جاليات ، وتم تكوين مجلس تنسيق من الجاليات السبع، وكان رئيس الجالية وقتها خارج المملكة العربية السعودية ، ومعي تفويض منه شخصياً بإدارة شؤون جالية مكة المكرمة. وانا أقول : أعتقد يا جماعة إنو من هنا بدأت المشكلة وهي وجود الشيخ خارج المملكة وتفويضه لك يا حاتم – الشيخ عوض راجل طيب جدا وإنت بتعرفو كويس وبدل ما تقوم بإدارة العمل في غيابه في حدود التفويض الممنوح لك .... حدث ما حدث وأظنك عارف الحصل شنو ؟ حياااااااك الله . ثم قلت إنو السماني ما كان عضو في مجلس التنسيق – طيب كنت زمان بتسمح ليهو بحضور الإجتماعات لي شنو ؟ والآن تقول إنو ما عضو ، يعني نفس أسلوب شنان ، لما تكونوا حلوين مع بعض كل شئ تمام ولما حصل الخلاف كل واحد يضبح التاني .
بالمناسبة لماذا تنازلت عن رئاسة المجلس للشيخ عوض ؟؟ إجابتك لأنو رئيس الجالية (ما بتدخل الرأس)
السؤال الثاني: وما هو الوضع الطبيعي للأخ عوض قرشوم الآن ؟ الإجابة بعد بعد انتهاء مدة الجالية القانونية تم التجديد للمكتب التنفيذي لمدة (6) أشهر و(6) أشهر ليتم تكوين باقي الكيانات ومجلس الجالية لم يجتمع منذ تأسيسه فكيف لمجلس لم يجتمع اصلا أن يصدر تفويضا إلى أربعة أشخاص لإدارة المكتب التنفيذي للجالية ؟؟؟؟؟؟؟؟؟؟ وبذلك يكون قرشوم غير مكلف بإدارة شؤون الجالية ولم يجتمع مجلس الجالية ويقرر تكليف رئيس الجالية المنتهية ولايته بإدارة شؤون الجالية ثم نحن أعضاء في مجلس الجالية لم نجتمع ولم نقرر ولم نفوض الشيخ عوض قرشوم ولا غيره فمن أين جاء بالتفويض الذي يتحدث عنه الآن؟ - ونحنا نقول والله يا حاتم لو الناس حياتها كلها ما مختلفه معاك الآن كلهم ما معاك ، ليه ؟ لأنو إنت وجماعتك بتعتقدوا إنكم إنتو بس البتفهموا والباقيين حمير لأنو دا ما كلام يقولو نائب رئيس .. الإجابة السابقة دي لو منك او من مستشار فيها ضحك على الدقون أولا إنت كنت وين الوقت داك وإنت نائب رئيس . عارف يعني شنو نائب رئيس ؟ مالك ما إعترضت بسبب عدم عقد الإجتماعات وليه إستمريت في هذا الوضع ؟؟؟ أوع تقول لي القنصل السابق كان وكان!!! يا أخي إجابتك دي بقولو عنها (إجابة تالية لحدوث فعل ( يعني إجابه إستقرائية بعد الحدث ) وقمت ركبتها عشان تخدم واقع ماثل الآن .. حياك الله ... أما من وين جاب التفويض فإنت تعرف تماما (أي والله ) إنت عارف إنو التفويض من القنصل السابق وكنت مبارك الشغل دا وتمشي المناسبات بصفتك نائب للرئيس وإلا إذا كان ما في تفويض لقرشوم فبالتالي ما في نائب أصلا يعني إنت الآن لما تقول الرئيس المنتهي الصلاحية إنت برضو منتهي الصلاحية وكان الناس يقدموك كنائب ولم تعترض عشان كدا يا اخوي أقول ليك إذا كان وجود قرشوم طيلة السنوات الماضيه باطلا فوجود نائبة باطل – خاصة أنه لم يصدر من الجالية منشور يفيد بعدم صلاحية الرئيس وتكليف النائب بإدارة العمل . إيه رأيك طال عمرك .
السؤال الثالث :
من المسؤل عن أموال الجالية في الفترة السابقة ؟ الإجابة الشيخ قرشوم هو المسؤل ولم يتصرف القنصل السابق وأيضا القنصل الحالي في ريال واحد إلا بتوقيع الشيخ ولا من أي جهة حكومية ولم يات أمر من جهاز المغتربين وووووووووو ... ونحنا نسأ ل ببراءة إنت كيف عرفت المعلومات دي ؟؟ وإذا كان هذا صحيحا ليه بتتهموا قرشوم ؟ لكن سؤالنا الآن أين تذهب القروش بعد ما يصرفها القنصل بأمر من قرشوم ، القروش دي يا ناس وين بتمشي ؟؟؟ والوضع الان شنو ؟؟ قرشوم دا تم إبعاده زمان – الان الوضع شنو ؟ وليه ما تمت محاسبة قرشوم زمان وليه ما تمت محاسبتو خلال اكتر من سنه ونص من الان وبعد ان تبدل الحال ؟؟ المغترب (محمد ود احمد ) يريد ان يعرف. وسؤال ضفاري كدا (إنت يا حاتم ليه قبلت تستمر نائبا للرئيس في وضع شائك كهذا كل هذه السنين ؟؟
السؤال الرابع : :
ما هو دور القنصلية تجاه الجالية ؟ الإجابة دور القنصليات رقابي وإشرافي ( لا حولة ولا قوة إلا بالله ) يا زول دا كلام شنو ؟؟ رقابة وإشراف وكمان حماية وإعطاء وضع قانوني. يا أخونا الجاليات دي عندها شرعية دوليه عديييييييييل كده وعندها نظام عالمي عدييييييل كده تحكمو نظم دولية – الكلام دا زمان بعد الحرب العالمية التانية وصدرت قوانيين مصاحبة للتمثيل الدبلوماسي في الدول الأخرى ونظمت عمل الجاليات ، دا كلام كتير دا ما مكانو . لكن نحنا نقول إنو القنصلية تشرف على العمل الطوعي دا . أما أنو القنصل الحالي قوي بمعنى الكلمة يا جماعة سعادتو دا بمثل البلد هنا إنتو أحترموه وبلاش تحرجوه ياحاتم وتجيبو إسمو في كل شئ وفي كل مُناسبة !! وزمــان قلنا لشنان العمل القنصلي والدبلوماسي دا ما داير ليهو قوة . اما إنو القنصل عرف كل صغيرة وكبيرة سؤالنا عرف كيف ؟ ومتى ؟ وأين ؟ ولماذا ؟ ومن منو ؟ وهل قرشوم كان موجود أثناء المعرفة دي ؟؟ وقلت ما كنا نعتقد أن أحد يستطيع إصدار قرار مثل الذي أصدره ؟ ليه يا أخي كده ؟ أما رواتب الإخوة نحنا سمعنا إنك إنت ليك دور كبير في ذلك . اما إنو أصدقائك (السابقين) كتبوا في الصحف اليومية وطلبوا إيقاف تدخل القنصل العام والقنصلية في عمل الجالية يا سيدي هم شافوا كده وزمان جماعتك قالو في القنصل السابق كلام كتير ، بالمناسبة يا شيخ حاتم إنتو زمان كنتو زعلانين من جماعة قرشوم لعلاقتهم بالقنصل السابق وكنتو بتشوفو إنو القنصل مفروض يكون للجميع والان إنقلبت الآية .. طيب الزعل لي شنو إنتو بتزعلو لي شنو وعشان شنو ؟؟ أما شكاوى ناس قرشوم للخرطوم والله إنت سبقتهم في ذلك وما يسألوك عن مسؤل إلا قلت إنو جارك في الكلاكلة !!! ولى صاحبك أو قريبك – مجلس الوزراء كله أصحابك – حياك .
السؤال الخامس : :
هل هذا يعني إنكم تطالبون بإعطاء سلطة قانونية للقنصلية للتصرف في أموال الجالية ؟ قبل نعرف إجابة حاتم نقول والله دا سؤال غريب وعجيب يعني الصحفي دا بسأل حاتم وكأنو حاتم عندو تفويض من ربع مليون سوداني بالمنطقة عشان يقرر من المسؤل عن قروشنا ، حاجة عجيبه يا هاشم ، السؤال دا ما ظريف والإجابة أسوأ حين قال حاتم نحن نعتقد إنو اولا من انتم ؟ نحن قبيل إتفقنا إنو مافي جالية ، أما قرار القنصل بتكوين جالية من موظفين من القنصلية دا ردينا عليهو في مقالات شنان وقلنا مفروض اللجنة دي تكون من أهل الوجعه يعني عضو من العاملين في باب شريف وواحد من الحراج وثالث بروفيسور ورابع ميكانيكي وخامس محاسب وسادس راعي وسابع صحفي وثامن سواق قلاب وواحد صيدلي وآخر طبيب أسنان و5 من اخواتنا المغتربات العاملات وواحد قانوني وشوية معلمين وموظفين ونجارين وسباكين وبتاعين البوهية والمطاعم هؤلاء هم أصحاب المصلحة الحقيقيين كلهم يجوا ويوضحوا ليهم المشكلة ويستمعوا ليهم وياخدوا بإرائهم أما موظفي القنصلية الكبار يكونوا مستشارين ويحضروا الإجتماعات ويقدموا النصائح ونقعد إن شاء الله سنة لحدى ما نصل لي حل . حكاية إنو قرشوم تنصل من الإتفاق ما عندي فكرة عنها لكن سقوط كل الأسماء وعددها (62) دا كلام غير صحيح والصحيح إنكم خفتو من إجتماع التفويج واعتقدتو إنو الشيخ والسماني كانو بصدد تكوين جالية وقمتو نشرتوا الفزع في الناس والحقيقة أنو داك كان إجتماع للمصعدين الحقيقيين ، المهم .. وبعد يوم تم نشر كشوفات غير حقيقية ومنذ ذاك اليوم تجمدت الإمور وإنقسم الناس لقسمين وإذا لم يتم الإتفاق ستشهد هذه المنطقة جاليتين في المستقبل أما إذا صدرت توجيهات بإيقاف الأنشطة والله يكون شئ جميل جداّ ، بالمناسبة في ناس ما عندها حاجة غير الجالية دى لشنو ؟؟؟ ما عارف!!
السؤال السادس : :
أخ حاتم ما الذي قمت به تحديداً بشأن مبلغ المائة ريال التي ذهبت لدعم القوات المسلحة ؟ قبل الإجابة نسأل حاتم : هل السؤال دا كان بطلب منك ولا (سبحان الله ) الصحفي هشام دا كان عارف دورك الرهيب في هذا الأمر لآنو إجابتك كانت مُطولة ومُجهزه . إنت قلت إنك ذهبت للسودان وقابلت فلان وفلان وفلان وتحدثت مع رئيس الجمهورية ؟؟ الذي تغيرت ملامح وجهه عندما علم بعدد المسجونين . وتشاورت مع قادة القوات المسلحة ، طيب برضو ناس قرشوم قالوا قصة أجمل من كده تؤكد إنهم سعوا ومشوا وقابلوا مسئولين ، السؤال أين هذه المبالغ الان ؟؟ وما دام تم التصديق بيها باسم القوات المسلحة ليه زعلتو عندما طلب الناس بإرسالها دعما للقوات المسلحة ؟ أما موضوع السجون دا حاجة تانية لكن أنا بسأل تاني ليه إستمريت نائبا لقرشوم عندما تم إقصاءك من لجنة السجون ؟ وليه ما طالبت برد إعتبار ؟ وسؤال أخير هل ما رويته يا حاتم بخصوص السجون هو الحقيقة ؟؟ كل الحقيقة؟؟؟؟؟؟ أما قولك إنك (علمت بعد قرار حل اللجنة المكلفة أن الأموال تسير بصورة واضحة وهي في الحفظ والصون ويتم حل بعض الحالات الطارئة حسب التفويض من أغلبية المصعدين . سؤالنا من هم هؤلاء المصعدون؟؟ وهل المصعدين من جانب قرشوم من ضمنهم ؟؟ وهل تفويض المصعدين دا بكون لحالات السجون فقط ام لكل الحالات التي تتطلب موافقة على صرف قروش من القنصلية ؟ وإذا كانت الإجابات نعم ليه هنا إعتمدوا تفويض من مصعدين وهؤلاء المصعدون عليهم إختلاف جوهري منذ البداية وهم السبب الرئيسي في هذه المشاكل – كما تفضلت إنت وشنان بشرح ذلك أكثر من مرة ؟ ليه ؟؟
السؤال السابع : : :
ما حقيقة الإتهامات التي وجهها ضدك قرشوم بأنك لست عضو في حزب المؤتمر الوطني وأنك دخلت عبر الشباك ؟ إجابة حاتم لم تكن موفقه حينما قال كل ما قيل بحقنا وحق آخرين من إساءة فالأمر فيه لله سبحانه وتعالى . الكلام دا ما صاح لأنك شخصيا ظللت تردد في كل مرة وبالطلاق إنك ما مؤتمر وطني بل قلت ذلك امام مسئول سوداني كبير وبرضو الكلام دا قالوا واحد صاحبك وبرضو قالوا الهواري ( والهوارى دا عايزين وقت نشوفو ونكتب عنه وعن نشاطاته جمبعها اما حكاية جئنا لمساعدة ومساندة إخوانا السودانيين دي والله ما بتلقى ليها رواج مع أصحابك ديل.
السؤال الثامن : :
الأخ حاتم كنت على خلاف مع السفير محمود فضل ؟ السؤال دا مدسوس !!!!!!!! كيف الصحفي دا عرف بهذا الخلاف وهو بقول إنو بعيد عن مسرح الأحداث وإنو برسل الأسئلة بالبريد الإلكتروني (يعني لو قال إنو الأسئلة دي قدمها دقداق كان ممكن تنبلع لأنو دقداق قالوا موجود في جده ثم ثانيا أسئلة البريد الإلكتروني دي الناس ديل ما بعرفوها . نحن شباب ودرسنا الكمبيوتر دا وتخصصنا فيهو عديل وبرضو ما عارفين حاجة تجي تقول لي ناس الخمسينات ديل بتاعين بريد كتروني ونت وتلاتين عشره وأيفون .. المهم بالرغم من دا كله كانت الإجابة غير حقيقية لأنو حاتم ومجموعته كانوا فعلا على خلاف كبير مع محمود فضل ، لكن هنا حاتم يحاول تلطيف الجو .
السؤال التاسع
ما هو برنامجك ؟ وماهي الأفكار التي تحملها من أجل جالية بلا صراعات ؟ يا دي البرنامج ويا دي الأفكار، وعموما قلنا كلامنا عن البرنامج دا في ردي على شنان ونضيف هنا إنو أصحاب البرنامج هم نفسهم الناس اللي دخلو لحاتم فكرة الترشيح لرئاسة الجالية واستغلوا تفويض حاتم لتكوين الكيانات وقاموا كونوها ليهم هم وقالوا لحاتم بدل تتعب لغيرك ما تتعب لنفسك ونحنا نجيبك رئيس ! وأقنعوا حاتم بهذا السيناريو والنتيجة BIG ZERO (صفــــــر)
السؤال العاشر :
ما هي طبيعة المشكلة الرياضية ؟ هذا سؤال قنبلة لأنو حاتم ذاتو بعد ما ترك البريد وجاء للمملكة وشارك في العمل العام دخل من بوابة الكورة وكان معاهو آخرين ، ومن يومها وإنطلق ، قال حاتم ( عندما فشل السماني وعوض قرشوم في تكوين الكيانات تم تفويضي لتكوين أغلبية الكيانات ونجحت في ذلك لأنني لا انظر لهذه التكوينات من الناحية القبيلية والجهوية و...و.. ) أولا كلامك دا كله ما صاح ، عمك عوض أداك صلاحيات واسعة ودي غلطتو الرئيسية ودا السبب في كل الحاصل دا ولذلك فرضت نفسك في تكوين الكيانات واستغليت سفر السماني للصين وكوريا واستمريت في التكوين فارض نفسك على الناس كل الناس ساعدتك في ذلك أما حكاية جهوية وقبلية نحن في الشمالية نعترف إننا جهوييـــــــــــن وإنت ذاتك ما قاعد تقصر وتقول إنك جعلي وفيها كمان حلف بالطلاق ، أما السماني بدأ بالتشكيك ، السماني مشكلتو معاك القروش التي قلت عايز تستثمرها في السودان دا السبب الرئيسي والراجل قال بملْ فيه لا ثم لا للشقق المفروشه ؟ إنت نططت وزعلت وشاكلتو وكمان فيها ضرب ومن اليوم داك إنتو في خلافات – يا حاتم المواضيع واضحه ، دا صراع إنت السبب المباشر فيهو. أما إنشقاق في المؤتمر دي من عندك إنت لأنك لما فشلت إنت وأصحابك في قيام الجالية برئاستك روجتو لمشاكل في المؤتمر الوطني وعدم شرعيتة وذهب معك من ذهب لأنك كنت تديهم وعود إنو الخرطوم قالت ؟! وإنو كرار قال ! وإنو جهاز المغتربين ! وصحبي الوزير قال ! وعندي في جيبي قرار من الخرطوم يقول كيت وكيت !! وعقدت مائة إجتماع لجماعتك الكم وتلاتين وفي النهاية والنتيجة أيضاً BIG ZERO (صفــــــر) ، وفي هذه الفترة السماني كان قائم بعمله في المؤتمر على الوجه الأكمل والتقارير الدورية الأسبوعية مستمره وإجتماعتو مستمره وسفرياتو للخرطوم مستمرة وممقابلاتو للمسئولين مستمرة وكل المسئولين الذين حضروا لجده تمت مقابلتهم بل تم إنتخابه رئيسا للمؤتمر الوطني على مستوى الخليج . بالنسبة لموضوع الرياضيين أكتفي بإجابة الأستاذ خالد الجزولي تعقيبا على كلام حاتم بخصوص الرياضيين حيث قال الجزولي ((كذبا كااااذب)) ، حلو يا جزولي وإنت أدرى بالتفاصيل .
السؤال الحادي عشر :
جالية مكة المكرمة ؟ لم ترد في الإجابة حقيقة واحدة ولكن حاول حاتم كعادته أن يخلط المعلومات ويعجنها مع بعضها البعض ويحشر إسم السماني حشرا . وفي النهاية قال إنو المشكلة ح تنحل بمساعدة الأخوان في القنصلية !!!
السؤال الثاني عشر :
عن جهاز المغتربين ؟ الإجابه مدح للجهاز مع إنو 99% من المغتربين السودانيين على مستوى العالم عندهم رأي في الجهاز إلا حاتم وكم نفر بالرغم من إنو قال ( ونقول للقائمين بالجهاز لا بد من مراعاة قضايا السودانيين المقيمين بالمملكة العربية السعودية، لأننا أكبر جالية بالمهجر) يعني إنت ما راضي. المهم رأيك دا بسموه (علاقات عامة ) وليس كلام مؤسس.
السؤال الثالث عشر :
إذن أنتم راضون عن أداء ومواقف جهاز المغتربين والقنصلية إزاء ما يجري من مشكلات وصراعات في مسرح الجالية ؟ بالله عليكم شوفو السؤال دا كيف ؟ أنا ما فاهم !! الصحفي يسأل حاتم عن رضائه عن أداء ومواقف الجهاز والقنصلية تجاه مشكلات وصراعات الجالية ؟ والإجابة نعم نحن راضون . لكن خلونا نحسن الظن . أما شكره للقنصل لأنه وضع حل لهذه المشكلة فنحن نسأل لماذا كل هذه اللقاءات والجرائد والعمم والبدل والتصويرات والإنتباهة ما دام المشكلة إنتهت زمان بتكوين لجنة من القنصلية ؟؟؟ طيب الكلام دا كله سببو شنو؟ والجالية وين عشان نقدم لأراضي.. حيااااااك . أنا عندي سؤال محيرني وهو : إنت لما تتكلم عن القنصلية بتدينا معلومة ولاّ بتدينا معلومة ؟؟؟ فهمتوا حاجة يا جماعة؟
آخيرا قال الصحفي إنو حاتم جلس أكثر من ساعة وهو يترافع ويكشف عن ملابسات الجالية . اولا كلمة يترافع دي ما ليها داعي هنا ثانيا إنتو ما قلتو الأسئلة دي بالإيميل ؟؟ والله جننتونا . وبرضو حاتم تمنى أن يكون وضع النقاط على الحروف في هذا اللقاء خدمة لنا وأنا أقول مع كل الإحترام إنت ( وقصدا) شتت الحروف والكلام عشان الناس تتوه .
قبل الختام : (إنتو يا جماعه صلاح حمد دا ياهو صلاح حق البرنامج ؟؟
طيب جاب المستند دا من وين ؟
لازم نعرف من وين الزول دا جاب المستند دا ؟
طوالي قالو ليهو أدخل البوست وهاك المستند دا وعمل فيها ذكي وقطع (كوت) وقال هاكم (ليوم القيامة) والله يا صلاح إنتو ديل بتخلونا نكون أكثر عصبية وقبلية والآن أنا أدعو جميع أهلي بالولاية الشمالية في الداخل والخارج وروابطهم وجمعياتهم للوقوف جنبا إلى جنب مع الشيخ الوقور عوض سيد قرشوم حتي القيامة تقوم ونوصلها لأبعد الحدود هنا وفي السودان – إنتو كده فتحتو فتح جديد – والبادئ أظلم
واخيرا أرجو شاكرا أن يتكرم الأخ حاتم بالرد على أسئلة الأخوان ( محمد أحمد عتيق من الطائف ويوسف محمد يوسف ما عارف عنوانو بكل أسف (السؤال الأول بخصوص جالية الطائف والتاني بخصوص رابطة الخرطوم ) كما أرجو من عماره ان يرد على العمدة
– غايتو يا انتباهة ساهرتي بينا وقددتي عيونا بدون فائدة وأرجو شاكرا عدم نشر هذه المواضيع في الصحف مستقبلا لأنو وبإختصار شديد إذا سمحوا مستقبلا بتكوين جاليات وروابط في السعودية ولم يتفق الطرفان فسوف تشهد جده تكوين جاليتين مهما تدخل المركز
محبي الشيخ القامة / عوض سيد على قرشوم ..
عنهم / صالح خالد نصر الدين..
من أبناء /دنقلا
وللتواصل والمشاركة في هذا البوست من الخارج
[email protected]
|
|
  
|
|
|
|
|
| العنوان |
الكاتب |
Date |
| حاتم سر الختم يترافع ويكشف حقائق وملابسات الجالية «1»(2) | عصام دقداق | 12-23-12, 03:16 PM |
| Re: حاتم سر الختم يترافع ويكشف حقائق وملابسات الجالية «1»(2) | عصام دقداق | 12-23-12, 03:20 PM |
| Re: حاتم سر الختم يترافع ويكشف حقائق وملابسات الجالية «1»(2) | احمد محمد احمد عتيق | 12-23-12, 05:04 PM |
| Re: حاتم سر الختم يترافع ويكشف حقائق وملابسات الجالية «1»(2) | يوسف محمد يوسف | 12-23-12, 10:03 PM |
| Re: حاتم سر الختم يترافع ويكشف حقائق وملابسات الجالية «1»(2) | خالد حامد الجزولي | 12-24-12, 08:42 AM |
| Re: حاتم سر الختم يترافع ويكشف حقائق وملابسات الجالية «1»(2) | محمد حسن العمدة | 12-24-12, 09:42 AM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 12-24-12, 11:58 AM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 12-24-12, 07:38 PM |
| Re: حاتم سر الختم يترافع ويكشف حقائق وملابسات الجالية «1»(2) | Azhari Mohamed | 12-24-12, 08:30 PM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 12-25-12, 08:35 AM |
| Re: حاتم سر الختم يترافع ويكشف حقائق وملابسات الجالية «1»(2) | صلاح حمد | 12-25-12, 01:40 PM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 12-25-12, 07:55 PM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 12-26-12, 12:04 PM |
| Re: حاتم سر الختم يترافع ويكشف حقائق وملابسات الجالية «1»(2) | الرفاعي عبدالعاطي حجر | 12-26-12, 12:21 PM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 12-26-12, 01:32 PM |
| Re: حاتم سر الختم يترافع ويكشف حقائق وملابسات الجالية «1»(2) | أيوب خليل | 12-26-12, 01:47 PM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 12-26-12, 07:44 PM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 12-27-12, 01:58 PM |
| Re: حاتم سر الختم يترافع ويكشف حقائق وملابسات الجالية «1»(2) | عبد القادر شادول | 12-27-12, 05:55 PM |
| Re: حاتم سر الختم يترافع ويكشف حقائق وملابسات الجالية «1»(2) | صلاح حمد | 12-28-12, 00:06 AM |
| Re: حاتم سر الختم يترافع ويكشف حقائق وملابسات الجالية «1»(2) | Saadan Ibrahim | 12-28-12, 02:20 AM |
| Re: حاتم سر الختم يترافع ويكشف حقائق وملابسات الجالية «1»(2) | أيوب خليل | 12-28-12, 11:44 AM |
| Re: حاتم سر الختم يترافع ويكشف حقائق وملابسات الجالية «1»(2) | عبد القادر شادول | 12-31-12, 11:05 AM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 12-31-12, 08:24 PM |
| Re: حاتم سر الختم يترافع ويكشف حقائق وملابسات الجالية «1»(2) | محمد حسن العمدة | 12-31-12, 11:39 PM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 01-01-13, 08:44 AM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 01-01-13, 10:51 AM |
| Re: حاتم سر الختم يترافع ويكشف حقائق وملابسات الجالية «1»(2) | أيوب خليل | 01-09-13, 10:50 AM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 02-17-13, 02:09 PM |
| Re: حاتم سر الختم يترافع ويكشف حقائق وملابسات الجالية «1»(2) | السمانى عمارة | 02-20-13, 12:18 PM |
|
| |
أيوب خليل
فيس بوك
تويتر
انستقرام
يوتيوب
بنتيريست