|
بعد زيارتي للسودان ...الناس الحايمين ديل ما بغيرو النظام ..
|
بعد زيارة قصيرة للسودان ..ومشاهداتي وانطباعي للشء الحاصل ..فان الناس الحايمين في الخرطوم ديل لن يغيرو هذا النظام..مع العلم بانهم في اسوا حال ..
ولسبب بسيط ..ما ممكن الواحد يكون ماشي في شارع من اولو لي اخرو ولم يجد سوداني .. فهل سنطلب من الاجانب تغيير الوضع ؟؟؟ وحتى لو فلن يستجيبو ..
ولي عودة
|
|
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: ود الباوقة)
|
السودانيين مغيبين فكريا وثقافيا ومن كلو ..
هل تصدق ان هنالك من المثقفين السودانيين واصحاب الراي ..لا يعرفون شيئا عن اغتيال طلاب جامعة الجزيرة وبسببها طلعت المظاهرات في الخرطوم .. وتخيل يسالون عن سبب خروج المظاهرات ...
----------------------------------------
الوضع الحالي اكثر مرارة من كل مرارات الحكومات السابقة التي تدعيها .....اخي ود الباوقة ..مع تحياتي
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: دينا خالد)
|
نعم استاذة دينا ..
ان الوطن ينادينا جميعا, فهلا لبينا النداء, ان الوطن يحتضر امام اعيننا .. وابناءه يناضلون من وراء الكي بورد .. الحروب تشتعل في اطراف البلاد ..والجوع والمرض يفتك بما بقي .. ونتحدث عن الفيس بوك ..!!!!
أقول لكل سوداني وسودانية, يعيش في بلاد المهجر, هيا احجزوا مقاعدكم في اول طائرة او با خرة مغادرة ......... فالوطن يحتاجكم ..اليوم قبل غدا ..
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: احمد محمد احمد عتيق)
|
Quote: طيب انتو المقعدكم برا شنو ؟؟؟؟ ما تجوا راجعين بلدكم تحلوا محل الاجانب وبالمره تغيروا النظام معاكم ؟؟؟؟
|
كلام جميل جدا يا دينا ومنطقى كمان
الناس البيكوركو من بره ودايرنها جاهزه ديل
ولو على جماجم اطفالنا واباءنا وامهاتنا واخوانا
نقول ليهم الشعب السودانى العظيم فهم القضية
وتانى موت وقتل وحرب ودمار مافى فى البلد
وبين اولاد البلد
الدير الحكومة ويغير الحكومة يمشى هناك
ويعمل الهو عايزو
يا بالديمقراطية والتداول السلمى للسلطة
ويا بالقوة وبالقوة لازم يموت هو بالاول
ولكن يموت الناس وهو يجى يحكم زى ده
تانى ما فى والعبو غيرها
الشعب وعى والكتوف اتلاحقت
والاجانب الموجودين
دليل طفرة وتنمية والا ماقطعوا مئات الاميال وجو لبلدك
يا زول احسب صاح واعترف بانك وجدت بلد جميل
وتنمية وطرق وكهرباء ومواصلات وخبز وماء وناس
حلوين وسيارات فارهة والتلفزيونات كلها
دعاية لموجودات محلية واجنبية
وقول كمان الغلاء شديد وفى ناس بياكلوا وجبة واحدة وناس تعبانين
والظروف الاقتصادية صعبة
عندما تجمع هكذا نصدقك ولكن ان لا تكمل الاية
فغير منطقى ولا احد يصدقك
بالله شوف الحاصل ده رغم
الحصار الاقتصادى الجائر علينا من دول الاستكبار بدون اى سبب
والسبب الوحيد انو الناس عرفوا الطريق الصاح وبداو المشوار عشان
كده
لا اعانات
لا اغاثات
لا دعم اقليمى ولا دولى
ولا استقرار داخل البلد حروبات من الشمال والجنوب
والغرب كمان
وميزانيات كبيرة تصرف من اجل الدفاع عن امن البلد واستقراره
وحماية الارض والعرض
والصرف الكبير ده كان ممكن يكون لدعم الاقتصاد والرخاء فى البلد
دايرين معادلة للحاصل
ونسبة النجاح او الفشل
والحمد لله رب العالمين
نسال الله سبحانه وتعالى ان يحفظ البلد والاهل هناك
اميـــــــــــــــــــــــــــــــــــــــــــــــــــــــــــــــــــــــــــــــــــــن
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: السمانى عمارة)
|
Quote: ا زول احسب صاح واعترف بانك وجدت بلد جميل
وتنمية وطرق وكهرباء ومواصلات وخبز وماء وناس
|
يا اخي ... بلدنا طول عمرو جميل وقبل ان تاتي بالاجانب ليساعدونا في تنمية الوهم ..
اما لو جيت للطرق ..اكبر شارعين في منطقتنا لو شفتهم بتكره نفسك ..ويا ريت لو صورتهم ليك ..
والمدة القصيرة التي كنت فيها هنالك وفي قلب العاصمة القومية المياه قاطعة يومين متتاليين ..بالتحديد يومي 17 و18 ديسمبر ...
وايام وجودي هنالك كانت ازمة المواصلات في اشدها وياليتني صورت لك صفوف الديزل والتي لن ينكرها حتى والي الخرطوم ..ابتداء من يوم 14 ديسمبر وحتى تاريخه ..واسال ناس ناقلات البترول بيعطوك النجيضة ...
اما الخبز فحدث ..ويكفي ان الرغيفة صارت بمقدار الكف ...
اما الناس فلم اجدهم وهذا ما قصدته بهذا الموضوع ..تغيرت التركيبة نهائيا ..وناس السودان الحقيقيين صارو خارجه ..واحتلو العاصمة اناسا ليسو من اهلها ولا اهلنا ..ولا يمكن ان تكون نظرتك صحيحة في انهم جاءوا للتنمية ..ولاول مرة اعرف التنمية في الاعمال الهامشية ..
وما خفي اكبر واعظم ...
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: احمد محمد احمد عتيق)
|
دة ما كلامي .. كلام الوالي الخرطوم: عمار محجوب :
أعلن د. عبدالرحمن الخضر والي ولاية الخرطوم عن اقتراب حل أزمة المواصلات بالولاية، وقال إن الأيام القليلة القادمة ستشهد إضافة (60) حافلة جياد لأسطول الحافلات العاملة بجانب صيانة (830) بصاً، وكشف الوالي خلال حديثه في برنامج مؤتمر إذاعي أمس عن اتجاه لتميك الـ(60) حافلة لأصحاب الحافلات والخريجين ومتقاعدي القوات النظامية بأقساط مريحة، وقال إنه في إطار معالجة أزمة المواصلات سيتم السماح لعربات الهايس والقطاع الخاص بالعمل في نقل الركاب بالتراخيص المؤقتة، بالإضافة للتساهل الشديد غير المخل في الترخيص. وفي سياق آخر أكد الوالي عن اقتراب موعد إعلان السياسات الجديدة لمشروع نظافة ولاية الخرطوم، و وأقر الخضر بقصور في الجوانب الصحية بالولاية.من جانبه اشتكى وزير التخطيط بالولاية من التعدي على شارع بأمدرمان وقال إن وزارته أخطرت وحذرت المعتدين على الشارع بالإزالة الفورية.فيما قال معتمد بحري إن تدشين آليات النظافة سينطلق اليوم بتدشين (300) آلية جديدة عبارة عن عربات ضاغطة وجرارات.
اخر لحظة
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: احمد محمد احمد عتيق)
|
Quote: يا اخي ... بلدنا طول عمرو جميل وقبل ان تاتي بالاجانب ليساعدونا في تنمية الوهم ..
اما لو جيت للطرق ..اكبر شارعين في منطقتنا لو شفتهم بتكره نفسك ..ويا ريت لو صورتهم ليك ..
والمدة القصيرة التي كنت فيها هنالك وفي قلب العاصمة القومية المياه قاطعة يومين متتاليين ..بالتحديد يومي 17 و18 ديسمبر ...
وايام وجودي هنالك كانت ازمة المواصلات في اشدها وياليتني صورت لك صفوف الديزل والتي لن ينكرها حتى والي الخرطوم ..ابتداء من يوم 14 ديسمبر وحتى تاريخه ..واسال ناس ناقلات البترول بيعطوك النجيضة ...
اما الخبز فحدث ..ويكفي ان الرغيفة صارت بمقدار الكف ...
اما الناس فلم اجدهم وهذا ما قصدته بهذا الموضوع ..تغيرت التركيبة نهائيا ..وناس السودان الحقيقيين صارو خارجه ..واحتلو العاصمة اناسا ليسو من اهلها ولا اهلنا ..ولا يمكن ان تكون نظرتك صحيحة في انهم جاءوا للتنمية ..ولاول مرة اعرف التنمية في الاعمال الهامشية ..
وما خفي اكبر واعظم ... اضف الموضوع لصفحتنا فى التويتر English Forum
[] صفحة 1 من 1: << 1 >>
· · · أبحث · ملفك ·
|
يا سادة يا كرام
اقرو كلام اخونا عتيق ده وما تجاملونى ولا تجاملوه وقولو النصيحة
الزول ده جاء من السودان ولا بلد تانى
يا راجل حديثك عن التنمية وتبخس الناس اشياءهم بهذه الطريقة
مين حيصدقك
تقول مافى تنمية مين حيصدقك
تتكلم عن الطرق مين حيصدقك
عمرنا ما سمعنا موية بتقطع فى الشتاء حتى وقت الازمة
يمكن اليوم داك كان ظرف طارىء وتحصل فى ارقى الدول
نعم الناس حلوين من زمان ولكن فى فترة من الفترات الناس تعبوا
وانت اول الشاهدين على ذلك
الشعب السودانى شعب عظيم جدا وشعب قنوع وشعب تكافلى
والعندو بيشيل الماعندو ولو ما كده الناس كانوا حيتعبوا اكثر من كده
ومع التعب ده هم صابرين لنعمة الامن والامان والاستقرار
ونتمنى ان بستقر بقية اجزاء السودان ويعقل ابناءه ليعيش
اهله فى سلام ووئام
اسالك بالله فى نعمة اكثر من كده
تمشى بلدك وتلقى اهلك وابناءك واخوانك وتقضى معهم ايام حلوة وفى امان
وترجع فى امان
يا راجل كه خذ نظرة كده على سوريا او العراق او الصومال او او او او او او او او
تقوم من النوم تلقى صاروخ ولا قنبلة ولا مصيبة ولا تجد الابن ولا الاهل ولا ولا ولا
كل ده والواحد ما يحمد الله على هذه النعمه وفى نعمة ولا رحمة اكثر من كده
اخوى عتيق ونحن فى هذا البلد الطاهر ارض الحرمين الشريفين
مطلوب مننا فقط الدعاء لاهلنا وبلدن
نسال الله سبحانه وتعالى ان يحفظ البلد والاهل وينعم علينا بالاستقرار
والامن والامان
اميــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــن
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: احمد محمد احمد عتيق)
|
Quote: لناس البيكوركو من بره ودايرنها جاهزه ديل
ولو على جماجم اطفالنا واباءنا وامهاتنا واخوانا
نقول ليهم الشعب السودانى العظيم فهم القضية
وتانى موت وقتل وحرب ودمار مافى فى البلد
وبين اولاد البلد
الدير الحكومة ويغير الحكومة يمشى هناك
ويعمل الهو عايزو
يا بالديمقراطية والتداول السلمى للسلطة
ويا بالقوة وبالقوة لازم يموت هو بالاول
ولكن يموت الناس وهو يجى يحكم زى ده
تانى ما فى والعبو غيرها |
انا لا اتحدث عن التغيير بالسلاح ..او القوة ...وواهم من يفهم من كلامي ذلك ..او في نفسة ما يوسوس به ... ولكني اتحدث عن نقطة محددة ..وهي تهجير وافراغ السودان من السودانيين ... وبصورة مدروسة ومنظمة ... وساتي بتفصيلا لذلك ..
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: احمد محمد احمد عتيق)
|
Quote: يا راجل حديثك عن التنمية وتبخس الناس اشياءهم بهذه الطريقة
مين حيصدقك
تقول مافى تنمية مين حيصدقك
تتكلم عن الطرق مين حيصدقك
عمرنا ما سمعنا موية بتقطع فى الشتاء حتى وقت الازمة
يمكن اليوم داك كان ظرف طارىء وتحصل فى ارقى الدول
نعم الناس حلوين من زمان ولكن فى فترة من الفترات الناس تعبوا
وانت اول الشاهدين على ذلك |
انا تحدثت عن تنمية الوهم او وهم التنمية ..افهمها زي ما داير ..ولكن في ظل التنمية المقدرة والتي تحكي ..اية رايك لو ضربت لينا نثلا بسعر الدولار في 1980 وسعرة اليوم ولماذا هذا الانهيار الاقتصادي والذي وصل التضخم 60% وليس 46% كما يشاع .. واعمل لينا مقارنة بسيطة بالتنمية في عهد جعفر نميري وعهدكم هذا ....برضو ح تلقى فرق ..
اما قطع المياه والكهرباء والمواصلات ومنذ العهود الاولى التي عشنا فيها تنسبها الحكومات للظروف الطبيعية وخلافه ...يعني ما اتغير شيء ....
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: السمانى عمارة)
|
الأخ/ أحمد محمد عتيق
الأخوة المتداخلين
عشان نكون صـريحين وأستحلفكم بالله (لو نظرتم إلى أقل عامل بالمعاش في السودان أو حتى موظف ويستلم راتب أقلهم 500 جنيه) ولديه أبناء فما هي المعادلة؟؟ ولي أمر يسكن بإيجار (لديه أبناء) ولي أمر لديه سكن (ولديه أبناء بالمدارس أو الجامعات) ؟....؟............؟؟؟؟؟؟؟؟؟؟؟؟؟؟؟؟؟؟
خلونا من التنظير أنا مغترب والحمدلله (كما الكثير منكم) ولكن لو توفرت لي مقومات في وطني فلماذا (الإغتراب) والهوان؟؟؟
أنا عندما أتصل بأهلي وأصدقائي (الكل يعاني ويستنكر ما آل إليه الوضع) أنا من سكان أطراف بحري المدينة
وأتحدى أي مغترب يقوم (بتحويل فقط مائتين دولار) ونقول دي أقل راتب ولي أمر في السودان؟ فهل تكفيهم؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟ ؟؟؟؟؟؟؟؟؟؟
عشان ما يجي اي واحد ينظر لينا
وشكراً
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: فتحي عباس نقد)
|
Quote: يا سادة يا كرام
اقرو كلام اخونا عتيق ده وما تجاملونى ولا تجاملوه وقولو النصيحة
الزول ده جاء من السودان ولا بلد تانى |
الأخ السـماني
طلبت أن نقـرأ ونفيـدك بأنني قــرأت , ولن أجاملك أو أجامله ( كما طلبت )
والنصيحـة , الزول دا قال جأء من الســودان و نصـدقه في ذلك كما أن ما أتى بـه يشــابه ما نعيشــه في السـودان الكان حدادي مدادي و فيه الناس مســتورين ومتآلفين و متكافلين بقـدر مايســمح زمانهم و أكثر و هنا لا يجـدى الكلام عن تنمية غير ملموســـة ولا محســوســـة , بل العكس فكلما تأبط أحد وزراء المالية و تكلم عن الرفاهية الموعودة كلما زادت حياة الناس بؤس و ضـنك , وكلما تحدث الرئيس و نائبه عن مكافحـة الفقــر تمـدد الفقـر أكثر و مد لسـانه لمن يريد أن يحاربه و بالله و بأمانة أرجـع ســنين لوراء و قارن نســبة الفقـر , هل زادت أم نقصــت , الهجـرة زادت أم نقصت الاقتصاد تحسـنت حالته ام ســاءت , ماكينات المصانع ( التنمية ) دارت ام توقفت .............الخ من اوجه المقارنة و اشــنعها هل توقفت الحروب ام زادت و توســعت والسـؤال وانت قيادي في المؤتمر الوطني هل التنمية كثرة عربات , في حين أن المواصلات العامه تردت و انعدمت و غليت , و لماذا ســمحتم للبنوك بتمليك العربات بدلا عن تمويل مدخلات الانتاج في القطاعين الزراعي والصناعي , ولماذا انصرفت مؤسـسات الدولة للمتاجرة و الربح بدلا عن الانصراف لمهامها الأسـاسـية
الأخ عتيق و بدون مجامله لك الشـكر والسـلام
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: محمد النيل)
|
شكرا للاخوة المتداخلين ..فتحي واحيمر والنيل ..
ولسع لم احدثكم عن الخدمة المدنية ولا سوق الخضار ولا المعيشة( دي مفروغ منها ) ولا النفايات التي يستلم حقها ولقايت ما رجعت من السودان الاكياس موجودة امام الباب ويوميا تفرفرها الكدايس واطلع الصباح المها ...
وهل يعقل ان يتحدثون عن التطور والتنمية ...كلنا خلال الاعوام السابقة نستمع للمتحدثين العائدين من الاجازات ولكنا لم نتخيل ما هو حاصل ...
يا ابناء السودان .. السودان يحتاجكم .....لانكم سترجعون اليه يوما ولن تجدوه ..
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: احمد محمد احمد عتيق)
|
الناس (اللمعوا) نفسهم وقالوا جنس الكلام دا (وهم عارفنه وهم في وهم)
Quote: الناس البيكوركو من بره ودايرنها جاهزه ديل ولو على جماجم اطفالنا واباءنا وامهاتنا واخوانا نقول ليهم الشعب السودانى العظيم فهم القضية وتانى موت وقتل وحرب ودمار مافى فى البلد وبين اولاد البلد
|
عندهم مآرب أخري غير مصلحة الشعب السوداني العظيم (أو كما قال) أول حاجة الزول البينقد الناس البكوركو من بره إتضح إنه هو زاتو بيكورك من برة (وداير الناس البرة تقعد تدعي للسودان وتبطل رأي وكتابة ومشاورة - الحاجات البكرهوها أتباع الديكتاتوريات)
تانيا البيقتل الاطفال والنساء والعجائز (لي يومي ويومك دا) هو حكومة المشير الحقير البشير قول لي الحكومة توقف الحرب مش الشعب السوداني وبعدين زمان ما قالوا لناس الجبهة الإسلامية تعالوا إلي صلح وسلم يوقف الحرب في السودان (الكلام دا كان في حكومة الصادق المهدي المنتخبة ديمقراطيا) فرفضوا وإنقلبوا علي إتفاقية سلام كان مزمع توقيعها في يوليو 1989 ودوروا في البلاد حرب دمار موت تعذيب في بيوت أشباح وفي السجون تشريد ومحاربة في الرزق وركزوا بالذات في حكاية التدمير دي خربوا السكة حديد (إنتهوا منها نهائيا) خربوا مشروع الجزيرة ومشاريع النيلين الأزرق والأبيض خربوا البوستة والنقل الميكانيكي والنقل النهري والأشغال وإتفننوا في تخريب شخصية المثقف السوداني فصار بعضهم ما عنده مانع ينطط من فوق جثث أطفال (كتلتهم هسع دي طيارة أنتينوف) عشان يسلم علي المشير الحقير (بعد أن يتم تعيينه وزيرا للبحث العلمي في بلد ما فضل فيها عالم لافي)
يا أتباع الديكتاتور الحقير المشير البشير الشعب السوداني طيب ومغلوب علي أمره حرام عليكم البتعملوه فيه دا
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: Nasr)
|
اقرو كلام اساسي ده يمكن تستفيدوا وتحسوا بالبشر شوية
Quote: ازيك يا ود المشرف ياخ
من هبات الله علي ان انزلني منزل رؤية ومشاهدة ومعايشة شتاء هذا العام الذي لم ينصرم بين الاحبة وسط الديار ثلاثون يوما لم تتنبأ بها اجمل احلامي.. انقضت قبل اسبوع ونيف وليتها لم تفعل فيها لم اسمع بتلك القيامة .. فالناس هناك يعيشون ليومهم لا يشغل بالهم غد وكانه لن يجئي ..ولا يكترثون فيها لم اسمع بذاك الانقلاب , الناس هناك يكادون لا يعرفون من يحكمهم . وحتى ان عرفوا .. تلك الديار يعمرها الان قومان , كل قومية لا تعرف عن الاخرى ولا تكاد تراها , يعني بالعربي كل قومية " انفزبل " عن الاخرى , فقومية شعبي تعيش ليومها منغمسة في ذاتها وتحقيق احلامها البسيطة , يعيشون بشق الانفس ولكنهم فرحين بما اعطاهم الله , يصنعون الفرح ما استطاعوا لذلك سبيلا ويتقاسمون الحزن ولكنهم يلفظونه سريعا, استهلكتهم الحياة فاضحوا قوما مستهلكين , انسان تلك الديار اصبحت قيمته فيما يستطيع ان يستهلكه لا فيما يملك وهكذا اصبحت حيواتهم نذرا للاستهلاك , لذا لا يشغلهم ان يملكوا شيئا , فزهدوا في الملك وترفعوا عنه وتركوه . وكذا تفعل قومية الكيزان , تعيش لذاتها وتحقيق اطماعها واحلامها الكبيرة , يتصارعون فيما بينهم لتحقيق تلك الاحلام , تحول امرهم واصبحوا زرافات زرافات , لا كبير بينهم , ولا رادع لهم , ولا حد لاطماعهم , يحكمون بعضهم البعض يتبادلون المناصب , يصاهرون بعضهم البعض وكذا يقتلون ويكيدون لبعضهم , لا يعلمون بان الديار يسكنها غيرهم وكذا الشعب لا يهتم باسماعهم صوته ولا يهتم اصلا بان يريهم من نفسه خيرا , وهذا وايم الله قمة التصالح في التعايش فلا المصالح تتقاطع ولا الغايات واحدة ولا يرى احدهم الاخر .
تلك الثلاثون فيها لم اسمع بالموت ولا الانبياء الطيارون ولا كنائس الشيطان , تلك البلاد لا تعرف عن امر سودانيز شيئا فلا اجهزتهم تستطيع اليه وصولا ولا هم منشغلين به , وحتي من علم من امر ذاك المنبر شيئا فقد عافه قبل سنوات خلون وسنام رأيه ان ذاك موقع للاحتراب الشخصي وتصفية الحسابات واعادة انتاج ازمات عنصرية .لذا القلة القليلة التي تعلم عن امر المواقع الاسفيرية المحجوبة تبكى علي الراكوبة بكاء ليس فيه حرقة .فالعزاء عندها انتهي بانتهاء مراسم الحجب .
ثلاثون يوما اعدت فيها التعرف علي اشقائي , فالعيال كبرت , لذا لم يكن بد من مصادقتهم واعادة التعرف اليهم , فيها اخذوني ماخذ دفء وحنين وكذا فعلت في شتاء تلك الديار , احلنا شتائذٍ الي دفء عائلي وكانهم كانوا يتربصون حضوري , برمجوا بي وكذلك فعلت بهم , فاحلنا اماسي الخرطوم الي حنين والفة لم يسلم منا شارع نيلها ولا ومقاهيها ولا مطاعم اسماكها , حتى قندهارها احلنا فيها سكون نهار سبتها ذاك الي صخب , بت خبيرا بشارع النيل , بل املك افضل خارطة طريق ترشد كل من كان صاحب كيف ومزاج للقهوة والشاي بانواعه , فامل كوبر افضل من تقدم شاي بي لبن علي خط النيل من مصبه الي منبعه , اما عبير بت الجامعة تقدم جبنة وقهوة من عهد الحبوبات العتيقات , لديهن تسامرنا انا واخواني وقصصنا حكاياتنا الصغيرة وناقشنا تفاصيلنا واسترسلنا ومزحنا.
فيها التقيت صديق عمري هشام , وللعجب يوم وصولي الي الديار كان هو مسافرا الي عمله الموقت خارج العاصمة وعلي وشك الذهاب الي الميناء البرى ما ان وصله هاتفي الا وجلى موضوع السفر وبقي معي في الخرطوم يومان منحها لي بالكامل , فيها اعدنا سرد حكاياتنا وقصصنا وبرمنا العاصمة المثلثة كما ينبغي واعاد تعريفي بها واعدنا ايام خلون بحلوها وضحكنا علي مراراتها
وفيها يوما خصصته باهل هذا المكان حينما اتصل بي ود البشرى الذي تزامن اواخر اجازته السريعة مع وجودى هناك والتقيته لاول مرة "كفاحا" من وراء الكيبورد , كان رجل ضحوكا بشوشا يشبه بوستاته اسابيع البورد وخستكاته , ومعه التقيت احبة اخرين من عتقاء المكان الذين احتفوا بنا واكرمونا مما جاد به نيل بلادي , اولاد المسلمي العوض ومحمد ومعتصم نيستا و عمك وهبة والبوليص عمر جنابو والمافي شنو فيها التقيت بالراجل الديسنت حسين ملاسي حينما ترافقنا سويا الي دعوة ابو ساندرا واحتفائه بزواج ابنته والتقينا هناك تبلدينا كما والتقينا بشعب الله المستنير في ذاك الحفل النوعي الذي سبق الزواج في تلك القاعة التراثية في الحديقة الدولية وكانت امسية بهيجة خرجت منها وانا اظنني "كشافة" من كمية الاستنارة التي تعمر المكان حتى حسبتني الامام المضئي الذي ينير سريره ليلا وهو نائم لم ينغص تلك الامسية الا قفشة ملاسي باننا اصبحنا نجالس ابو العروس في الافراح في اشارة الي اننا قد هرمنا
فيها التقيت احبة " رائعون " حينما تناديت الي دعوتهم لي واحتفائهم بي في بيت المشويات بامدرمان , وكانت عصرية فريدة جملوها بالقهم وحضورهم الراقي وقفشاتهم وضحكهم النبيل فيها التقيت باصدقاء من منبر سودان هوم حينما دعاني الجميل ود الزبير والاخ حافظ ونميري الي امسية بداناها في شارع النيل وانتهت بنا الامسية في مقهي فورست بالرياض , المقهي الذي تعمره نادلات من حسان بلاد الاحباش وسمرنا وحضرنا انتصار فريق الريال علي فريق بلاد الوليد وانتهي بي الامر الي العودة الي ذلك المقهي في نهار سفري بمعية صديقي هشام الذي عاد يومها الي الخرطوم في تلك الثلاثون حلما ركبت حافلة سوق ستة الي مايو , كنت اريد تلمس الواقع بطريقتي الخاصة وقد فعلت , وعدت الي الصحافة بيت عمتي بحافلة " كريز" ومنها ركبت ركشة الي البلابل والتقيت صديقا قديما وذهبت الي المغتربين بمواصلات لا اعرف وجهتها , وفي المغتربين سمعت صوتا ينادي " اساسي" هي يا ناس دا منو الحيجيب لي الهوا هنا دا , وسالما رجلا سودانيا قحا اصيلا وجرجرني الي ان اقر لي بانه عضو المنبر الاخ اسامة خليفة والذي عرفني من صوري في المنتدى وجلست اليه قليلا وضاع مني في زحمة الاجراءات وفيها واعدت الصديق خضر حسين بالهاتف ولم استطيع الذهاب للقياه والاخ ود البوكسي وانا متحرج من اخلافي لوعدي لاسباب كثيرة فقد تزاحمت لدي الحاجات ولم تدع لي زمنا استقطتعه للقياهم وانا اعتذر عن ذلك تلك الثلاثون كانت زاخرة بالاحلام التي لم اقصص لك الا عناوينها ابعد هذا هل ستجد احدا يحدثني عن القيامة او الانقلاب او الموت ؟ وهل اذا وجدت محدثا هل تظن اني بمستمع ؟ |
| |
|
|
|
|
|
|
Re: بعد زيارتي للسودان ...الناس الحايمين ديل ما بغيرو النظام .. (Re: Nasr)
|
شكرا ناصر .. كدي احكي ليكم عن الخدمة المدنية ..والجامعات .. الجامعة عبارة عن حوش وبالخارج بنابر الشاي والقهوة وجلسات في الهواء الطلق ..
اتخيلو عشان اطلع شهادات من احدى الجامعات المعروفة ..ومقدم للشهادات لي شهر ونص ..وذهبت لقايت الجامعة وكان ردهم بانه ليس لديهم انسان للطباعة ..والموظفات البطبعو ومن المفترض ان تكون بالكمبيوتر ...واحدة مريضة والثانية ما قادرة تقضي العليها ...ووصلت الايام لشهرين واستخرجو لي شهادة واحد للتصبيرة وكدة ولي هسع بقية الشهادات ما طلعت .. والجامعة زاتها ليها اسبوع بتردد عليها لشغلة تانية خالص بقولو لي الشبكة ما شغالة ..المهم في النهاية عرفت انو خطوطهم مقطعة ..اتخيلو جامعة دخلها السنوي بالمليار وخطوطها الهاتفية مقطوعة ...وانا اسبوع بتردد عليهم ولم ترجع وتركت وصية لغيري لاكمال المطلوب والى تاريخنا هذا لم يتم ..لعل المانع خيرا ..
وببساطة ما اكثر خريجي وطابعي الكمبيوتر في السودان ..الناس ديل في فقههم مافي تعيين ولا شنو ..وبالمناسبة انا قلت ليهم جيبو من الناس القاعدين مع ستات الشاي والقهوة البرة ديل بساعدوكم في الطباعة ...
ولي عودة
| |
|
|
|
|
|
|
|