جيت أمس من السودان وعامل رفرش (جديد ) للحجبات زح بعيد ولم كرامتك ما يحرجوك
أنــــا الككو الفجخ الطين أنــــا الضب الوقع في العجين
وهيييييع تلجنا بكسروا لينا يا عرريب والعمر لي حدو والسير لي مردو والزارعنا غير الله الإجي يقلعنا سنون فيل سنون دلك وعييييييك تل ضرعاتك وهز حجباتك وامرق لي برا في السهلة وبعد دا تحياتي ومودتي ههههههههههههههههههههه
12-15-2012, 10:16 AM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: سلام يا شمس المشارق وضاحة بوست جميل وحلو المذاق وزاد الحلاوة حلاوة وجمال روح الاسلوب الحسن اللطيف في ردودك التي تحمل عبير الورد عبقا.. وروحك الخفيفة ظلَّ تضفي على الردود جمالا وحسنا لم أقرأ البوست كله لكن سوف اعيده من الصفحة الأولى ولي عودة والعود حميد وكان ذلك بسبب وجودي في بلد حجب الموقع عنها وتعذر علينا دخول المنبر وصلت اليوم من بلد الاهل والحبان شندي ولي عودة تسلمي من كل بلاء يا وضاحة يا شمس المشارق
تحياتي ومودتي الشديدة
يا سلااااااااااااااااااام عاد الفرح
حمد لله على السلامة خالد المنتدى بلاك عدم
بعودتك عادت الروح للمنتدى
كل عام وانت بخير خالد وكل عام انت مليان فرح وسعادة
12-15-2012, 01:22 PM
وضاحة وضاحة
تاريخ التسجيل: 01-16-2005
مجموع المشاركات: 9116
عندي ليك نصيحه : الزول البتعرفيه ده عايني في عينيهو عديل و قوي و ما ترمش ليك عين ، ان دنقر ( نظر لي تحت ) او اتلفت ( نظر حوله ) ده ما زولك . و لكن اكان ابتسم او قال ليك هووووي هه ده تب يا هو زولك .
و الله العظيم بتكلم جد جد
والله يا عمو ما تشوف الفصاحة دى هنا دى فصاحة كى بورد
انا زولة خجولة جدا وما بقدر اعاين لى زول في عينوا شديد ههههههههههههه
12-15-2012, 01:22 PM
Asim Fageary Asim Fageary
تاريخ التسجيل: 04-25-2010
مجموع المشاركات: 7810
ومصداقا لكلامك أختنا وضاحه عن شوق ليالي الشتاء الطويله .... دعيني أسوق لكم التالي من ذات الأخت الشاعره سلمي الصديق :
Quote: Salma Alsiddig Alazrag منذ 24 نوفمبر عبر الهاتف المحمول في قانون الطبيعة كل الأجسام تنكمش بالبرودة ,,,عدا الشوق والحنين ....خارجان عن القانون يتمددان في ليالي الشتاء الطويلة فيصبحان بحجم الكون !!!
مع خالص ودي وتقديري ؛؛؛
12-16-2012, 11:56 AM
بشير جبريل علي بشير جبريل علي
تاريخ التسجيل: 08-03-2006
مجموع المشاركات: 785
وهذه يا وضاحة والأخوة الكرام لوحة رسمها شاعرنا الجميل الواثق عبد الرحمن ، زميل البورد الذي أضاع باسوورده ولم يقدر على إرجاعه حتى الآن .... أنقلها لكم بدون تعليق :
Quote: الواثق عبد الرحمن تعال اشرب معانا الشاي....وانضملك خشم خمشين....تعال نتملى من شوفتك...نكحل بيك سواد العين....نحاحي الضل محل ميل...نشاغل لينا عصفورتين..ترك الاولى في الخاطر....تغني التانية بي جهتين...تعال نتجابد الموية...نباصر لينا كوز كوزين...تعال ونس على كيفك...وقول قصاتك الاتنين....لقيت قصص الصبر كاملات..قريتن في كتاب الدين ..دحين صابر علي صبري...الفتر من صبري ليهو سنين...تراني الاوي في ظني...وما شايف لي ضمة يقين...ومنك لا بمش لا ماش...لا حاولت لا شتين..مفاتيح ذاتي في ذاتك....اريت لو تبقى مرة حنين يونيو 3
يا بنتي يا وضاحه والله ردودك في هذا البوست ذي لعب الزول الكيشه في الكتشينه ، تفكي في ورق الحب و الريد ساكت ، اعملي حسابك ما ترمي ليك جوكر حب او كرت نص يجروك بيه خمسين .
عمك الشويحاتي
12-17-2012, 05:33 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
طال علينا فراقكم والله يا غايبين قدر ما ننسى العلينا والله مشتــــاقين
الخدود الشاربة من لون الشفق عند المغارب ديل خدودك سيدي... سيد الناس يا سيد الحبايب العيون طرتني زول... من أهلو غايب والشعر في كتيفو يتهادل سبايب ...
والله مشتاقيـــــــــــن
في عينيك تظهر لي دنيا.. دنيا شوقك فيها ظاهر الأماني الحلوة هايمة... زي بحور ماليها آخر الكليمة طيبة منك زادي... وحياتك لباكر والامل فارد جناحو.. ديمة زي عينيك مسافر
والله مشتاقيـــــــــــــن
الغروب يسألني منك.. امسياتنا في شوقي اليك الرمال الناعمة مشتاقة لمشيك ... الطيور الراحلة في ضل المسا تسأل عليك كيف تفارق الضفة والنيل هان عليك والله مشتاقيـــــــــــــن
طال علينا فراقكم والله يا غايبين قدر ما ننسى العلينا برضو مشتاقين والله مشتاقين والله مشتاقين
والله مشتاقـــــــــــــين
12-17-2012, 06:34 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
الشوق والريد.. الشوق والريد.. والحب البان في لمسة إيد وأغاني نقولا نقول ونعيد.. نقول ونعيد الدنيا زهور ... فى عينينا... تصدح كل يوم زي طفل وليد زي طفل وليد ...
كل الأشواق آهه بتجرح قلب المشتاق ليك ياهاجر ليكِّ رسالة .... لو روحك يوم تنسى دلالا ( اي دلالها ) تشوفنا قريب ماتتعالى نسأل عنك وعن حالا نعيد الكان حليل الكان نخلي الحب يسرح بينا يبقي جناحين ... ويطير بينا
نعيد الكان ... حليل الكان
نشوف الدنيا ربيع و زهور نسكــــــــــت و تتكلم عينينا ونعيد الكان
وليكِّ رســـالة ليكَّ رســــالة نعود أحباب زي ما كنا في دنيا الحب نلقى الجنه يا حبيب الروح يا أغلى غرام أسأل قلبك برضو يقولك لو كان حنَّا
12-17-2012, 08:28 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
عندما نصبح نحن الأشواق وتتماثل الأشواق تشبه ملامحنا ونذوب بين الشوق والشجن
انا والاشواق كلمات السر دوليب
انا والاشواق فى بعدك بقينا اكتر من قرايب ما بنغيب عن بعض ابدا زى اعز اتنين حبايب
كنت فاكر الشوق يغيب لحظة واحدة عن فؤادى بالزمن يتلاشى وجدى قلبى يسلا فى بعادى وشوقى قال لى مستحيل مرة يتحقق مرادى ولازمنى ذى خلى الوفى واصبح زى حبيبي الما بعادى
اى لحظة بعيدة عنك و ضايعة من ايام زمانى وكل يوم كلن لى فى قربك اتمنى لو احياها تانى وروحى لو غنيتا ليك ما بتصور ما اعانى وحبى ابلغ من غناى وحبى اسمى من المعانى
كم رسالة يا حبيبى بسطرا اشكى ليك بالبعد يا ناسينى واحلا كلمة منى ليك بضمنا باقة من شوقى وحنيني بين حروفا اشوف خيالك وانت تتبسم لعينى
وقبل ما اختم كلامى وقبل ما أكمل خطابي بتمنى لو ردك يجينى
وبقينا أكتر من غرايب
12-19-2012, 01:14 PM
وضاحة وضاحة
تاريخ التسجيل: 01-16-2005
مجموع المشاركات: 9116
أختي وضاحة العزيزة كلمات من الزمن الجميل حديث كله أشواق واشواق بصوت الفنان المبدع والصديق الجميل أبوبكر سيداحمد ( السنجك كما يحلو لي تسميته ) مل امل ان تنال أعجابك
الحبيتا ديك جاهلة مــــأ دارية .... والناسيانا والجافيانا مــــــا طارية ..... خلو النـــوح في الدموع وخلو النار في الضلوع لي عُزالنا وأعدانا شمتـــــّو ......... ياناس إنتو وين إنتو ؟ ما بِينتّو ورو قلوبنا وين إنتو ؟ وليه روحتّو ؟ ومابِينتّو
كل الدنيا ولهانة بي ريدا .... وحتى الظبية.... غيرانة من جيدا .. وحبي ليهم ..ما راعوّهو ودون إشفاق ودعوّهو ... لي أرواحنا ... وأعمارنا ودرتو ..... ياناس إنتو وين إنتو ؟ ما بِينتّو ورو قلوبنا وين إنتو ؟ وليه روحتّو ؟ ومابِينتّو
شفتا الدنيا ... ضاحكالِي في عيونا .. وحتى الفتنة .. ساجده لا مفتونة ( لا اي لها .. اي ساجدة لها ) وكلو ليلاً ... بي صباحو وكلو صبَّاح بي نواحو وأنا غيري لي النوحي مـــــأدرتو ..... ياناس إنتو وين إنتو ؟ ما بِينتّو ورو قلوبنا وين إنتو ؟ وليه روحتّو ؟ ومابِينتّو
وهذه زفرة من زفرات أختنا الشاعرة الرائعة سلمى الصديق .....أسوقها إليك علها تطفيء قليلاً من نيران الأشواق ..... ألم أقل لك من قبل ... كلنا في الهم (شوق) ....
Quote: Salma Alsiddig Alazrag منذ 20 ديسمبر عبر الهاتف المحمول ياحادي القلب تمهل فنبضي الرقيق لايحتمل وقع خطوك وأنت تهرول بين غرف الفؤاد الأربع ... ترفق بي وأنت تسري مسري الدم في أوردتي وشراييني ... كن منصفآ ياسيدي في مكوثك في كرياتي ... إملأ تلك الذاكرة بك وبتفاصيلك حد الإكتظاظ زودني منك قدرآ مستطاعآ يسكن آلام غيابك ... قطر ماء حنانك في أذنيا ... إزرع قمرآ في عينيا ... ضوع عطر الفواح بين يديا ... تمهل وأنت تبتعد بمحياك الحبيب عني ... سأسألك أن تخفض صوت غيابك فأنا أحاول أن أهدهد حنيني ليغفو قليلآ !!!
* بعدين يا خيّه .... وين الغياب من هذا المكان الجميل .... ويا أختنا قالوا البكا بحرروه أسيادو ..... ورجاء نقل هذا البوست للربع القادم ... لأنو بصراحه الواحد لاقي فيهو متنفس جميل .....
مع خالص الود والتجلة ؛؛؛؛
12-28-2012, 08:14 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: هااااااااااااااااااااا ناس القيامة قالوا جاية تقوم
ونحن لسة ما بلينا شوقنا معقول بث
والله حرام
H أفووووووووو .. كيف القيامة تقوم قبال تبلي ..شوقك .. شوقك .. مبلول .. مبلول .. يا أخت العرب ..ما عليك إلا أن تدفعي حق البل يا بلالة ..أقصد يا وضاحة ..
البلال ..
12-29-2012, 09:19 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11826
`كيفك يادكتورة وضاحة سلام عليك وعلى زوار عيادتك ومشتاقين كتير بس مايكون زي شوقنا لي صاحبنا واحد صاحبنا حاولت مرة إشتاق ليهو .. بالله ربع ساعة ماتم جاني داخل شايل شنطتو السوداء الماتغباني .. وقطع لي شوقي في راسي
12-29-2012, 01:31 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: `كيفك يادكتورة وضاحة سلام عليك وعلى زوار عيادتك ومشتاقين كتير بس مايكون زي شوقنا لي صاحبنا واحد صاحبنا حاولت مرة إشتاق ليهو .. بالله ربع ساعة ماتم جاني داخل شايل شنطتو السوداء الماتغباني .. وقطع لي شوقي في راسي
يا حبيب كل سنة وانت طيب ومشتاقيين كتير
زوار العيادة كلهم من اجمل النساء ونساء فى عمر الزهور
زكرتنى بقصة الشنطة دى قبل كده مريضة جات العيادة وكانت خائفة جدا وقالت لى والله انا يادكتورة ما بحب الدكاترة ولا المستشفيات بس مجبورة
قلت ليها ليه يا اختى نحن ما بنخوف
قالت لى والله انا الشوفتهم كانوا بخوفوا لكن انتى شكلك بطمئن وكانت بتعاين لى بطريقة غريبة
بينى وبين نفسي قلت المراة دى مالها ما نصيحة
المهم كانت عندها مشكلة بتاعت عدم انجاب واستمرت فى العلاج معاى و يوم العيادة كانت بتجى ركد على العيادة
والحمد لله ربنا رزقة بطفلة جميلة سمتها على ومن اليوم داك بقت ما بتخاف من الدكاترة
12-29-2012, 01:32 PM
وضاحة وضاحة
تاريخ التسجيل: 01-16-2005
مجموع المشاركات: 9116
هيج سكون الليل بكاي قاسم عويناتي السهر .. لمن سمع همسه غناي مجروحه فوق قلب الوتر . . رسيني فوق هدب العيون اوفوق تصافيف الشِعر ... خليني في جواك كلام يابـوح من احلي الدرر
01-03-2013, 08:35 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: Salma Alsiddig Alazrag منذ الأربعاء عبر الهاتف المحمول دائمآ أسأل الإجابات عنك ,,, وترتد الأسئلة علي وجه دهشتي ,, لم أنت جميل إلي هذا الحد الذي فاق سقف أمنياتي ؟ وحتي صار كل الرجال دون ذلك السقف ! أيها العاشق الذي فتح عيني رغبتي علي مصراعين من جنون ! كيف صارت كل الأغنيات مجرد تفاصيل صغيرة في لوحة سيريالية لا تكتمل إلا بك ,,, وكيف أصبحت حياتي قصة بداياتها عينيك وختامها عينيك وكل الفصول فيها أنت !!!
الشوق اصناف يا وضاحة له اوجه وصور شوق للبلد والاهل : شقي انا للبلد بي حالا والشوق للتراب لاهلي
الشوق للحبيبة حد الظمأ : يا حبيبي ظمأت روحي وحنت للتلاقي وهفى قلبي الى الماضي وناداني اشتياقي
وشوق المتغرب للوطن وظروفه المناخية التي نشأ فيها مثل : حلمو كان في الغربة نسمة من اريج بلدو البحبو
وفي شوق تاني ما عرفتو دا شنو زي : الشوق شاق الشقانا من شفنا شاقانا ههههههه والله دا ما فهمتو عموما يا وضاحة حددي نوع شوقك والله يبلو ليك قرييييييييب ياقادر يا كريم
مع خالص مودتي
02-03-2013, 07:55 AM
إدريس محمد إبراهيم إدريس محمد إبراهيم
تاريخ التسجيل: 03-13-2006
مجموع المشاركات: 2762
أعلاه ما خطه يراع صديقي الشاعر الجميل : الواثق عبد الرحمن في صفحته بالفيسبوك اليوم ...شفتو الروعه ...
* خارج النص : الواثق عضو معنا هنا فقد كلمة السر منذ فترة وباءت محاولات إرجاعها بالفشل ... يا ريت نحاول إرجاع مثل هذا البلبل المغرد ليضفي على هذا المكان مزيداً من الروعة .. يا ريت ...
03-04-2013, 12:11 PM
بدرالدين الطائف بدرالدين الطائف
تاريخ التسجيل: 01-09-2013
مجموع المشاركات: 1747
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب شيقوق
خالد علي محجوب المنسي
وضاحة
Asim Fageary
Khalid Saeed
عادل سهل
إدريس محمد إبراهيم
بشير جبريل علي
الزبير بشير
هاشم الادريسى
MOHAMMED ELSHEIKH
Mahmoud Mustafa Mahmoud
Osman Musa
محمد عبد الماجد الصايم
محمد التجاني عمر قش
عزالدين عباس الفحل
Hani Arabi Mohamed
الامين موسى البشاري
بدرالدين الطائف
فيس بوك
تويتر
انستقرام
يوتيوب
بنتيريست