ماذا عن حوارات السمانى وقرشوم وشنان وحاتم !!!!

Quote: إلتقط بريدي الألكتروني هذه الرسالة ، وكما اتمنى من الأخ بكري أبوبكر أن يتكرم بجوده وكرمه بمنح الأستاذ / صالح خالد نصر الدين تأشيرة الدخول لهذا الموقع الأستاذ تاج السر حامد ومبدأ ( المديدة حرقتني) برضو ما كنا عايزين نرد لكن االأستاذ تاج السر أجبرنا على الرد . لأنو تعوّد أن يفتح بوستات ويوصلها 100صفحة لكن عوّد نفسو على أن يكون الجلاد والحكم يعني يطرح الفكرة او ياخد إقتباس ويرد عليهو ويرفع البوست وبعلق براهو وبتخذ قرار ويضع احكام ويصل لنتائج و... و... ومعروف عنو إنو بنتهج منهج المديدة حرقتني وبحاول دائما يدفع الناس عشان يتداخلو معاهو ومرات يكون مع فلان وبعد شويه إنقلب عليهو عشان كده ما في ناس كتيرين بتداخلو معاهو . طيب بداية كده نقول إنو الصحفي (أي صحفي) مفروض يمتلك ادوات شغلو (مؤهل أكاديمي في مجال المهنة ثم خبرة ممتازة ثم قيد صحفي ثم مصداقية ثم مقدرة (واضحة) على التحليل والوصول لنتائج منطقية تسند أخبارو ومصادر معلوماتو ثم .... ثم ....) وبعدين يكون ملك للجمهور يعبرّ عنها ويخدم مصلحتها أما أن تقذف لنا الغربة كل من هب ودب ويقول أنا صحفي وأنا إعلامي، لا والله كده ما كويس. ثانيا أنا صراحة ما بعرف الرجل ولكن أرد على ما كتب مع إحترامي لشخصو وعشان كده بنسأل عن الرجل وعن سيرته وبكل احترام نسأل من هو الأستاذ تاج السر وكيف وصل لعالم الصحافة ؟ لانو الجماعة ديل مرات يقولو نحنا صحفيين ومرات إعلاميين . دي برضو عايزه شرح عشان نفهم بس . نأتي لمداخلات الأستاذ : 1- أولا البداية كانت غلط لأنو كتب : (السماني عماره .. رئيس المؤتمر . قرشوم رئيس الجالية . شنان مواطن مغترب .. حاتم مواطن مغترب.) السؤال ليه حاتم (مواطن مغترب وليس نائب رئيس قياسا على وضع قرشوم؟؟؟ يعني من باب المساواة والعدل في الصفة . ليه يا رجل ؟؟ 2- قلت لم ينجح أحد .. السؤال متى عرفت وأدركت (كصحفي) إتو مافي واحد ناجح ؟ الآن فقط ولا ّ من زمان .إذا من زمان ليه سكت ؟ خاصة إني سمعت اليوم إنك كنت من المقربين من حاتم والسماني وصداقات وأخوانيات وأعمال خير ! وكنت قريب منهم في الجالية يعني كنت في لجنة مهمة تابعة للجالية . طيب كيف صحفي وتسكت 7 سنوات ؟ . مهمة الصحفي السعي لتسجيل سبق صحفي وسرعة تمليكه للعامة بكل تجرد وبتفاصيلو وبكل أمانه خدمة لهم لكن ليس من مهامه التعاطف أو (الإندهاش) أو قبول أو إستهجان ما يقع من أحداث وإلا كيف تكون الصحافة (سلطة رابعة) 3- قلت (للأسف نطلق عليهم قادة عمل ) وأنا أقول إذا كنت صحفي حقيقي وإذا كان كلامك عنهم صحيح فإنت أصبحت واحد منهم بسكوتك عنهم طيلة هذه السنوات . ما تقول لي زمان كتبت وزمان قلت . إنت مفروض تتمسك بموقفك تجاه الحدث مدى الحياة . 4- بخصوص وفد الخرطوم إنت ليه شاغل نفسك بيهو كتير كده وليه استوقفتك كلمة (من المتوقع ) ما اظن فيه حاجة وبعدين قلت (حالت الشك ) كده بالتاء المفتوحة ، والله يا استاذ دا كله ما ليهو داعي مفروض يجوكم أي نعم لكن العويل دا ما ليها داعي. 5- قلت للمغتربين الصابرين إنكم اليوم أمام معركة حقيقية وإذا أرادوا جالية معافاة عليهم إلغاء المصعدين وتصعيد جدد وطلبت أن يتدخل جهاز المغتربين وطلبت الإستعانة بالمثقفين والمحاسبين و...و... والله يأ أستاذ إنت مكبر الشغلانه ودا كله ما ليهو داعي والمغتربين مهمومين بالدوام أما ان يتدخل الجهاز الكلام دا وضحناه لشنان وحاتم (أنا شايفك هنا إنت في صفهم) وحكاية المثقفين دي برضو ما بتحل مشكلة دا كلااام ساااااااااكت . 5- أما كلامك (لأن الجالية المرتقبة مطلع العام القادم كما سماها جهاز المغتربين تعج بمجموعات كثر من الانتهازيين تحتاج الى نظافة من المرجفين وقادة الرسم الردى .. إلا أنها ستسقط الجالية المرتقبة وتكذب على نفسها إذا أدعت أنها ستحقق كل أهدافها !! أو أن يضحك القدر ويتجرد جهاز شئون السودانيين العاملين بالخارج من أسلحته ويختفى من الوجود) .. الكلام دا كله معناهو شنو؟؟ وتعبيرك (( تحتاج لنظافة من المرجفين انا فهمتها إنو المرجفين ديل هم اللي يقومو بالنظافة) وبعدين يعني شنو الرسم الردى ويعني شنو أن (يضحك القدر ويتجرد الجهاز ويختفي من الوجود ) صراحة كده ما فاهم حاجة خاصة أنا عجمي اللسان . 6- إنت قلت (لوكنت مكان أحدهم لترفعت عن الكتابه والجمت الصمت حفاظا على ماء الوجه) ليه يا رجل ؟؟ وألجمت الصمت يعني شنو ؟؟ الظاهر قصدك (السكوت الشديد ) لكن تعبيرك دا معناه يا استاذ الواحد ما إسكت مدى الحياة .ألجمت الصمت يعني إنت سكّت الصمت بشده .. يعني ( فتحتو) .. يعني ما سكت أبدا ( سالب السالب موجب ) .. الشغلة معكوسه . 7- وصفك لهم بالكذب والغوغائية و...و.... أنا عرفت إنك كنت قريب منهم وجزء أصيل من الجالية والناس ديل أصحابك وكانت هناك مودة بينك وبينهم . وسمعنا زمان إنو حاتم وقف بجانبك! بل يصر على الاخرين الوقوف معاك – طيب ليه كده الآن ؟ 8- إنت قلت عن السماني (ألمنى واستفزت مشاعري تلك الإجابة الحزينة والتي جاءت على لسان السيد / ريس المؤتمر الوطني بالخليج .. ما كنت أريده أن يسلك هذا الحديث القبيح في دق الطبول ومسح الجوخ والتواري خلف الأقوياء فلا يبرز هيكله الهزيل حتى لا يقع مع أقل رياح الريا .) ووصفت كلامه بعدم المصداقية و...و.. أول حاجة يعني شنو (يسلك هذا الحديث؟) الحديث بسلكو ولاّ بقولوه وبعدين وصفتو بعدم المصداقية وإن حديثه قبيح وبمسح الجوخ ويتوارى خلف الأقوياء (يعني ج ب ا ن) ما خليت حاجة لكن عموما انا أقول ليك أهلنا ديل بنعرفهم كويس وإنت بتعرفهم برضو كويس ولذلك كلامك دا مردود عليك ما حصل سمعنا انو السمانى دا بكذب أو ضعيف أو بتاع جوخات بل العكس زول واضح وصادق وكريم وبساعد البسوى والما بسوى وكتير ساعد ناس محتاجين سوى للعلاج او تجديد الإقامات او سفر عوائل أو هدايا (بالكوم) لكل الضيوف – كيف يا رجل تقول كده – إجابات السماني كانت جميلة وتوضح انو راجل سياسي وعلى رأس حزب كبير . أما إنو حزبه يعاني إنشقاق يا أخي ديل كلهم ما مؤتمر وطني .. ناس ما عارفين يعملوا شنو في الغربة قالوا نكون مؤتمر .. كل ناس المشاكل ديل ما مؤتمر . كله ك ذ ب ك ذ ب ك ذ ب ..إيه رأيك . 9- كلامك ( .... وهنا يتدخل المؤتمر الوطنى ليكون مسمار نص يربط بينه والجالية ليكون رباطا مؤسسيا لايتضرر بغياب أحدا منهما وهذا هو مربط الفرس ) إذا قلنا إنو كلامك دا صحيح وإذا إعتبرنا إنك مؤتمر وطني فما العيب في ذلك من الناحية السياسية والتنسيقية ؟؟ لكن كلامك ما صحيح لأنو المؤتمر ما مسمار نص وكان يسعى وبصدق لجمع شمل كل الأحزاب وإشراكها كلها في الجالية وعماره قال إنو إجتمع مع كل الكيانات والروابط والأحزاب ليخرج بجالية معافاة وإنت تعلم ذلك جيدا .. لكن الجماعة لما شعروا إنو الأستاذ دا ماشي صاح خافوا ووضعوا العراقيل وإستعانوا بمن استعانو وأصبحت الجالية مكانك سر يا تاج السر .. حياك الله وأبقاك . 10- قلت إنت معجب بكلام الهواري وأنا أقول ( لا تعليق) لكن الهوارى دا موقعه شنو في الجالية ؟؟؟؟؟ 11- إنت قلت (جميل جدا ..أن تنكشف أوراقكم الخاسرة وتفضحوا بعضكم بعضا ..تناسيتم تلك الايام الجميلة والتى كنتم فيها وجهان لعملة واحدة ولا أحد يستطيع مخاطبتكم وكنتم تنظرون للمغتربين السودانيين وكأنهم صراصير) أولا لا أتفق معاك في هذا الوصف ثانيا إنت كنت معاهم أما المغتربين كأنهم صراصير – يا زول دا كلام شنو يا إعلامي – ما تكتب كده لا زعلا ولا تمثيلا ولا مجاملة للمغتربين ولا تروجيا لقضاياهم . 12-صلاح حمد قال عن الحوارات (بعضها جاء واضحا وصريحا ، وفي مجملها كانت لصالح البرنامج الإنتخابي القومي للجالية بالمنطقة الذي من أهدافه وحدة الصف والنأي بالعمل الخيري الطوعي عن الحزبية والقبلية) إنتو صلاح دا ما عندو حاجة غير البرنامج والحزبية والقبلية ، قلنا ألف مرة برنامج صلاح ومحمد عوض منقول منقول منقول . وبعدين صلاح دا مشكلتو شنو مع القبلية والحزبية – يعني هو ما عندو حزب ..لا وطني ولا شعبي ولا غيرو ولاّ هو حزبي وعايز يبعد الجالية من الحزبية لخدمة الغالبية الصامتة والمغلوبة على امرها و...و... ؟؟؟ يا جماعة الشغل دا كيد في كيد عدييييل.. والظاهر صلاح دا حيكون موجود هنا لنصف قرن قادم يبحث عن الجالية .. نحنا قبليين وجهوييين ذاتو رايكم شنو؟؟ صلاح قال بعض الحوارات جاء واضحا يعني كلام حاتم وشنان والهواري .. طيب نحنا شايفين غير كده يا صلاح أفندي!!! وصلاح مبسوط من تاج السر بالرغم من إنو تاج السر شمل حاتم في مبلغ ال 257 ألف .. وصلاح مع حاتم وما زعلان من الإتهام دا .. وغايتو . 13- بعد كده قمت يا أستاذ بأخذ إقتباسات من كلام حاتم ورد السماني عليه وكانت ردود السماني حسب منطق الإمور وحسب إسترساله كانت واضحة وصادقة ومنطقية خاصة شرحه في تكوين مجلس التنسيق وحديثه أن الشيخ كان يكلف حاتم ويفوضه وحاتم إستغل كل ذلك وأوصلنا إلى ما اوصلنا إليه بمساعدة صلاح حمد وجماعتو .. ولكنك يا أستاذ في ردودك لم تكن منصفا أبدا وكنت منحاز وبوضوح لحاتم واي زول لاحظ ذلك . طيب نحنا منحازين لقرشوم والسماني إيه رأيك ؟ ، 14- كنت أتوقع منك التعليق وبأمانه على كلام السماني حينما قال مخاطبا حاتم (لماذا تعامل الناس بسذاجة وعدم عقلانية وتعتقد انك الوجيد العاقل الذى يسمع ويطاع فمن انت !!!!!!!!؟؟؟؟؟؟؟؟؟ أو عندما قال مخاطبا حاتم ( وانت دائما تدعى البطولات وكنا نقبل ذلك وبمزاجنا ونستغرب وكنت تصدق ما تقول قبل الناس ورغم علمك بانه كذب وكنت تعتقد الناس كذلك جهلا لا يفهمون ولا يعقلون وتدعى انك فعلت كل شىء بنفسك وعندما تسال عن المال تقول عوض قرشوم فهل يستقيم ذلك يا رجل وهل وصلت بالناس البلاهة والسذاجة الى هذا كما تعتقد وكان حديثك منزل ياراجل حرام عليك وتذكر لحظة واحدة السبحة التى لا تفارق يدك واتق الله فى خلق الله ) أو كلام السماني لحاتم (اما ان تقول السمانى اوقف هذه الاموال فهذا كذب واسالك بالله الذى لا اله غيره وامام الناس اجمعين ان تؤكد هذه المعلومة ومن اين استقيتها ) أو ان تعلق يا التاج على كلام السماني المهم والخطير حينما قال (دخل علينا فى الاجتماع اكثر من ثمانية اشخاص ولا نعرفهم من اين جاءوا ولماذا وبدأوا يتحدثون عن الجالية ومشاكل الجالية وخرج اليهم بعض الاخوة واخرجوهم من الاجتماع وما كنا نعرف لذلك سبب ولا سبب دخولهم للاجتماع ولكن فى الاخر فهمنا القصة ) أو أن تشكر السماني على نصيحته لحاتم عندما قال (نصيحة لوجه الله سبحانه وتعالى والعشرة القديمة البينى وبينك والملح والملاح البينا واقتداءا بحديث الرسول صلى الله عليه وسلم ان تجلس مع نفسك ولوحك وتتوضا وتقرا من كتاب الله بعض الايات ) هذه هي النقاط التي يجب التعليق عليها بصفتك صحفي/ إعلامي !!! لكن ظللت تختار من كلام السماني ما يمشي في خطك وهدفك من فتح البوست وتترك ما ينفع الناس . 15- وصفت (أعمالهم بالمتسخه فعلا وقولا ) دا ما بنطبق على قرشوم ولا على عماره .. وأين دورك كإعلامي - إنت يا التاج ليه بتقّسم مهنتك – مرات كده ومرات (ما) كده؟؟ 16- إنت قلت (حوارت تكشف الكثير والكثير من المستخبى ! لم يراعى أحدهما للاخر أو لنقل للملح والملاح ..الذى تناولوه مع بعضهم البعض ..بل أصبح كل منهم يستخرج عيوب الآخر والتى كانوا يتعاملون بها ضد المغتربين ! أولا كلامك دا لا ينطبق على الشيخ والأستاذ سماني ثانيا زمان في المدرسة قالوا لينا حرف الجزم لمن يدخل على الفعل المضارع المعتل الاخر يجزمو بحذف حرف العله ويرمي الحرف دا في الخور عشان كده نقول (لم براع) والله يا صحفيين جننتو اللغة جن ثالثا (كلمة يستخرج دي رأيك فيها شنو؟؟ رابعا ... برضو إنت كنت وين زمان ؟؟؟ 17- قلت (أنقسموا الى مجموعتين (أ) و(ب) .. أنا كنت في جده وكنت متابع وكل يوم قاعد في النت دا عشان كده أقول ليك إنت أول زول إبتدع حكاية المجموعتين دي وروجت ليها في جميع بوستاتك – وكنت تستخدمها حسب إتجاه الريح (حياك الله.) 18- دقداق نزل فجأة صورة خطاب السفارة كان ردك يا أستاذ تاج ( هذا يدل على أن الأخ عصام وللاسف حاول جهجهة هذا البوست والدليل دخول الأخ السمانى مباشرة ) أولا إنت قبيل فوق شكرت دقداق دا ووصفتو بالصحفي القدير فكيف صحفي قدير يجهجه بوستك . إنت تعرف يا تاج بتستخدمو الكلمات دي في غير موقعها ثم حشرت إسم السماني وكانك داير تقول إنو هناك إتفاق مبيت بين دقداق والسماني .. شفت كيف ؟؟ 19- منو الوقّف عامودك في الإنتباهة ؟ لآنو بعدين لخبطتنا لما لآحظنا إنك إتجهت تشكر وتثمن !!! 20- ليه سكتّ على حوار فرشوم سنين طويله ونشرتو الآن ؟ وليه تبرر ذلك بأن الإخوة الأعداء الآن كانو زمان احبة ؟؟ وهل دا سبب يخلي صحفي يحجب الحقيقة (إذا كان فعلا صحفي واذا كانت فعلا هي حقيقة)) 21- لماذا يا أستاذ (كصحفي) لم تربط بين مبلغ ال 257 ألف وموضوع الإستثمار في السودان والسجون و...و... مجرد سؤال؟) 22- يا تاج ألا تتفق معي إنو هناك الكثير من الإمور مفروض يسأل عنها القنصل احمد التجاني عشان نعرف الحقيقة وأنا حسب متابعتي من بعيد وقرايتي لبوستاتكم الكتيره دي لاحظت إنو هناك مجموعة تقف في صف هذا الشيخ وتشكره من وقت لآخر . أسألوا أحمد التجاني عن تصريف المال أثناء فترة تواجده هنا فربما يشرح أكتر . 23- الشيخ قرشوم قال كلمة طيبة في حقك (إنك بتقول الحق) ليه إنت كصحفي ما بتقول كلام (حقيقي) وليس (كلام طيب) في حق الآخرين خاصة الصادقين المجردين من أي غرض أو منفعة شخصية . 24- ما كان هناك داع عشان تكلمنا بموضوع الختم بتاع الأستاذه وملاسنة حاتم مع محمد الضي وكلمات ما طيبه ما كنت يا أستاذنا الجليل توردها هنا أنا قبيل قلت ليك إنت بتعمل ( المديدة حرقتني)) وتخلق مشاكل . 25- إنت سألت لماذا يتدخل رئيس المؤتمر في الجالية؟ يا تاج انا عايز اقول ليك حاجة كل السياسيين والحزبيين في العالم كله بدخلوا في متظمات العمل العام والخاص ومنظمات المجتمع المدني والما مدني وفي الجمعيات والمنظمات والمؤتمرات والهيئات والمنتديات والأندية والشركات والصحافة والإستثمار والمشاريع الخيرية .. ومعظم جماعتك ديل عندهم انتماءات سياسية ... السياسة يا أستاذ في كل شئ .. بالله لو سمحتم تاني ما ترددوا لينا الكلام دا . 26- قلت الآن بسألوا ليه القنصل الترس مسك القروش؟ طيب ورينا إنت ؟؟ إنت قلت إنو القروش دي حقت المغتربين وتم جمعها من المغتربين وعشان كدا نحنا نقول مفروض يصرفها المغتربوت على المغتربين ..... 27- إنت قلت (قادة الجالية ينفشوا ريشهم على سعادة القنصل خالد الترس لأنه قفل عنهم كل أوجه صرف وإهدار مال الناس الغلابة والذى كانوا يبعثرون فيه ماشاء لهم) أولا إنت ما قصدك كل قادة الجالية .. إنت قصدك ناس محددين بعثروا قروش الجالية لأنو التانيين إنت معاهم .. ثانيا الشغلة ما نفض ريش الشغلة إنو القروش دي بتاعت المغتربين وفعلا مفروض المحافظة عليها لكن برضو عن طريق المغتربين .. مفروض تكون هناك لجنة تتابع الصرف اليومي وتعرف الحالات التي تصرف ليها قروش.. نحنا زمان سمعنا إنو هناك مبالغ صرفت لعلاج أفراد بعض الأسر . المهم نحن لا نتهم ولكن بنقول الصاح ،اما مدحك للقنصلية بسبب وبدون سبب ما عارف أقول ليك شنو . 27- إستخدامك ل (كما يقال له) في إشارة لرئيس المؤتمر وإنو رئيس المؤتمر بالخليج .. انا أقول ليك إنو دي فعلا صفته وإنت ذاتك كنت بتقول ليهو كده لكن تغيرت احوالك الآن في يناير 2013م بالرغم من إنو السماني دا إياهو نفس السماني الزمان (الأخو والصديق والمعين وال..وال...)) وقد ظلت علاقتك إنت بعماره جيده بالرغم من مرور هذه السنوات وبالرغم من وجود كل هذه المعلومات في رأسك ونحنا قبيل إتفقنا إنو الصحافة (سلطة رابعة) فكيف تجي الآن وتقول إنو السماني بشتت احاديثه بدون رقيب ((إنتو يا جماعه فجأة تقعدو على الكيبورت وتكتبو والسلام – حياااااك . 28- أما قولك في مبلغ ال 257 ألف ((ولانهم كان متحابين وواضعين أياديهم فى أيادى بعضهم البعض لم يحركوا ساكنا لهذا الامر !! أو .. والله أعلم كان هناك شئ يفعلونه خلف الكواليس لشئ فى نفس يعقوب- لكن الله يمهل ولا يهمل- وإنو احدهم كان عايز يستثمر القروش )) دا يا اخوي إتهام عديييييل للجماعة ديل . هنا إتهامك ليهم واضح وصريح وما خليت حاجة 29- وقلت يا تاج ((واليوم يطالبون سعادة القنصل بأموال الجالية !!صحيح اللاختشوا ماتوا ؟؟ وقلت (مال الجالية الان فى أيادى أمينه أيادى تخاف من عقاب الله وليس كما أنتم يا قادة الجالية الموقرة )) دا برضو أسلوب المديدة حرقتني .. إنت داير توقع بين القنصلية واخوانا ديل وانا عايز أذكّرك ببوست إنت فتحتو زمان وكانت هناك فعاليتان في يوم واحد وإنت قلت في البوست (إنو القنصل قال إنو بعترف بفعالية كده ولا يعترف بفعالية كده ) ولكن وبسربعة أدركك الصباح وسكت عن الكلام المباح وإختفى الخبر من البوست!! .. هل هناك ربط بين اليوم والأمس؟؟؟.. هلا بيك . 30- أها .. ظهر صلاح حمد تاني وقال (السؤال : هـل قام المكتب التنفيذي بدوره؟ الزول دا يختفي ويجي يقول كلام عجيب – إنت بسؤالك دا يا صلاح برنامج عايز تثبت فشل المكتب التنفيذي يعني (قرشوم) لكنك تنسى في نفس الوقت إنو حاتم مساعد لقرشوم وتنسى تاني وتالت ورابع إنك تطالب بعودة حاتم عن طريق برنامجك وبينك وبين نفسك إنت عارف إنو حاتم كان مسئول عن كل المشاكل الفاتت – ليه كده .. اوع تكون من المحلفين (بفتح اللام ) . 31 – إنت قلت يا أستاذ تاج (عجيب أمر رئيس المؤتمر يتساءل ويقول أتمنى أن يقول نائب الجالية بأنه مسئول عن أموال الجالية ) والله غريب أمرك إنت يا أستاذ .. الكلام دا فيهو شنو .. السماني قال كده .. إنت مندهش لشنو وعشان شنو ؟ واستغرابك دا لشنو!!!!! 32- قال الأخ شحوتاي((واذا كانت العلة في القنصلية يجب ان تعود لدورها الاشرافي كراعي لكل السودانين في هذه الديار ولا تحشر انفها في عمل اهلي مجتمعي قديم قدم الاغتراب وكان يطلق عليه الدبلوماسية الشعبية )) وهنا كان تعليقك يا أستاذ عكس موقفك الثابت وجاملت الأخ شحوتاي وقلت إنو القنصلية قالت قولتها الشهيره وقلت وقلت .. وانا بقول ليك يا استاذ .. دور الصحفي مو كده !! قلنا قبل كده إنو دوره هو (الثوابت .. المصداقية .. التحليل.. القراءة بين السطور.. عدم الإنحياز ..كشف الحقائق بتجرد.. وألاّ يكتب تحت تاثير نفسي معين وأن ... وأن... ) 33- قلت يا أستاذ ((رئيس المؤتمر الوطنى بالخليج أخذ يتخبط فى أحاديثه ..ويصف الصحافيين بأنهم سذج !!هذا ماكتبه قلم رئيس المؤتمر الوطنى بالخليج أعلاه سبحان الله أصحاب الاقلام وكلمة الحق أصبحوا اليوم سذج)) وأنا أقولك يا أخي إمكن دا رأي الأستاذ عماره , وانتو هناك في الغربة ما عندكم صحفيين بالمعنى المعروف.وإنت يا أخوي مرات دهشاتك وردود فعلك بتكون أكبر من الحدث او الكلام ذاتو .. وبعدين شنو حكاية (اصحاب الأقلام وكلمة الحق أصبحوا سذج) !! (( أصحاب الأقلام دي كلمة كبيرة شوية )) 34- قلت يا أستاذ ((إذا كان معشر الصحافيين سذج !!فماذا تكونوا أنتم ياصديقى)) الإجابة وببساطة هم أبدا ما سذج . وإنت تعرف ذلك جيدا .. حياااااااااك . 35- قبل ما انسى يعني شنو (ضعف طبيعتكم البشرية) ؟؟؟ العربي دا معناه شنو؟ وموقعه شنو في الكلام دا كله ؟؟ 36- عندما رد شيخ قرشوم على سؤال إنحياز القنصل من عدمه كان تعليقك (هنا تكون الطامة الكبرى !وتساءلت : ماهى تلك الجهة والتى ينحاز لها سعادة القنصل الترس دون الجهات الاخرى وقلت (ونحن أيضا فى إنتظار الرد من سعادة القنصل العام حول هذا الحديث الخطير ) يعني يا أستاذ برضو (المديدة حرقتني)) مع إنك بتسأل الأسئلة دي وبينك وبين نفسك الرد (الحقيقي وليس الإيحائي)) موجود في عقلك !! طيب دا رد قرشوم إنت زعلان لشنو؟؟ وليه تحرج سعادة القنصل؟ 37- في النهاية صلاح حمد تعب من العربي وعبر عن إنبساطه بلغة الخواجات وإنت يا أستاذ تاج تقول ليهو (( مرورك .. وطلتك)) –لشنو دا كله .. والله ما عارف. وما داوم الشغلة فيها لغات نحنا برضو نتكلم لغات ونقول ليهو ((برضو يا صلاح كلامك (إر سودر بنجي)) . الخلاصة : 1- أعلاه ملاحظات وتعليقات برئية لا اعتقد انها تفسد للود قضية تناولنا فيها كلام الأستاذ وليس الأستاذ . 2- أنا شايف وحتى اليوم إنو أخونا التاج لم يتبن رؤية واضحه مكتوبه ومفصلة وناضجة عن تكوين جالية جديدة ولم يعقد ندوه او يطرح فكرا أو برنامجا في هذا الصدد وإنما إكتفي بإشارات من وقت لآخر وفتح البوستات وتناول أحاديث المدينه وأحاديث الناس . 3- كثير من زعل الأستاذ ومداخلاتو ودهشاتو وإنفعالاتو لامبرر لها . 4- اللغة .. اللغة .. يا أستاذ !! 5- إتهامات أستاذ التاج لقرشوم والسماني واضحة وصريحة . 6- أنا شايف إنو الأستاذ يحتاج لمراجعة (مهام المهنة التي يقول هو إنها مهنته) 7- عرفنا من بعض الناس أن الأستاذ كان قريب جدا من الذين يتحدث عنهم الآن وكان أيضا بينه وبينهم (ملح وملاح) وعلاقات وصداقات وود ومحبة ومساعدات و((عمل خير)) وهذا لا يمنع أن ينتقدهم ولكن بموضوعية وصدق وتجرد و... و.. (كل الكلام السمح)) 8- حبيب زين العابدين كتب وقال ((وطالما أنك لم تكتفي برئاسة الجالية )) و (( يا عمو عوض ، رحم الله إمرء عرف قدر نفسه .. وأهلنا قالوا في الأمثال القلم ما بزيل بلم )) أنا ايضا بقول ليك إنت قلمك ما زال بلم (( لم تكتفي)) .. معليش أنا اجزم إنو الجزم دا داير ليهو زول يجزم إنو بيعرف يجزم .. وما تقول لي بتكتب بالدارجي أو الحاجات دي ما مهمة ثم ثانيا هل تقصد إنو عمك عوض ما عارف قدر نفسه وإنو قلمو ما زال البلم؟؟ ؟؟ يا زول إنت داير ترضي منو؟؟ وعندي سؤال عااااادي جدا : إنت حساس كده لشنو من شغل ناس التخليص والشحن ؟؟؟؟! 9- لاحظنا إنو اخونا الأستاذ تاج عندو نوعين من الزعل (زعل واضح ) تجاه قرشوم والسماني وزعل مصطنع أو (فيه حياء) تجاه آخرين 10- سؤال برئ : ما هي الآمال التي يعلقهاالأستاذ التاج أو (يعلقوها) على مجئ وفد الخرطوم هل هناك وعووووود ؟ لأنو الأستاذ مهتم جدا بالموضوع دا . مرات جايين في يناير ومرات فبراير وشفقان علي المغتربين وبسأل (إذا ما جاء الوفد ماذا انتم فاعلون ؟ 11- سؤال أكثر براءة : وين أخونا هاشم إنتباهة؟؟ 12- كان مفروض نعلق على حوار الهواري لكن أخونا الأستاذ التاج كان مسخّن سلام ،، محبي الشيخ الشيخ القامة / عوض سيد على قرشوم عنهم / صالح خالد نصر الدين من أبناء /دنقلا