|
Re: القبض على صقر يحمل اجهزة اسرائيلية بدارفور ( صورة ) (Re: ناذر محمد الخليفة)
|
Quote: ود الموج غايتو لمن الريس يصحى ويقرا مداخلاتك في البوست دا تاكد تماما إنو صقرك صفر .. هي قصدي قطرك صقر .. بسم الله !!! قصدي صفارتك صقرت !! لا لا قصدت ..اآآآآآآآآ إحم .....
دا شنو الكلمة اللايوقة دي ..!! المهم غايتو صقرك أو قطرك حا تحصل ليهو حاجة ..!!
نسأل الله السلامة ..!!! |
ناذر انا هين وحاتك قالو جماعتك من ما سمعو قالو قبضو صقر فى دارفور دار المؤتمر الوطنى فى الخرطوم (المكسور) شايل المكسر والعراريق مكموشة فى الاباطات الدار اتملت لى عينها وكل زول يقول حدقونى بيه.. وقالو واحد كبير فيهم قال ليهم (رقبتى) ترف ليها يومين اتاريه الجاى صقر؟ غايتو للضمان كده الرجل افرغ كل ما فى (جعبته) فى انتظار وصول الصقر للخرطوم... احى الخووووووووووور يا الصقر،،،
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: صديق الموج)
|
افادت مصادرنا ان الصقر جاى بدعوة من واحد من جماعتكم حتى بالامارة الصقر قال الزول قال ليه: و كان تعب منك جناح فى السرعه زيد زولكم مصقرط ظنيتو احى الخووووووووووووور يا الصقر،،،
.....................................................................
الكبر بي جهلو
امنياتي لك بعاجل الشفاء
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: nabielo)
|
وقوع الصقر فى أيدى المخابرات السودانية يُعتبر من أقوى الضربات
التى تلقاها الموساد فى السنين الأخيرة وقد تسربت معلومات مفادها
أن ما سهل عملية القبض عليه إعترافات ضب سنار الذى كشف عن الخلية
الحيوانيةالنائمةالتى تعمل مع الموساد وقد تم إصطيادهم جميعا وهم فى مكان
آمن وتحت حراسة مشددة خوفا من محاولات الموساد لتحريرهم أو بالعدم
التخلص منهم حتى لا يكشفوا المزيد من الأسرار.
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: جمال خضر)
|
يا ود الموج تقديرا لمداخلاتك فقد تقرر منحك رنبة رائد اسفيري بأمتياز .. وطبعا رتبة الرائد عبارة عن صقر واحد من النحاس في الأسبليطة .. وبما انو صقور النحاس كلها أتباعت بالكيلو في السوق المحلي وما في صقر متوفر حاليا فننصح بأستعمال الصقر دا وختو في اسبليطة الكتف الشمال لحدي ما الجماعة يقبضوا الحدية الجات مع الصقر دا عشان تختها في الكتف اليمين نظام لونق جون سلفر وكدا !!
أكيد الصقر ما جا قاطع المسافة دي كلها براهو .. أكيد معاهو حديتو عشان تسليهو وترفه عنو بس بيكون فاجأها المخاض وإنزغمت في واحدة من مغارات جبال دارفور حتى تضع حملها ..!!
بس ما تسألني تقول لي لمن تضع حملها اختو وين والكتفين اتملوا ههههههههه
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: صديق الموج)
|
هاك الصقر دا يا بق بق
Quote: تل أبيب : فيما يبدو وكأنها رسالة تحذير لإيران ، كشفت صحيفة "معاريف" الإسرائيلية الخميس أن شركة طائرات إسرائيلية ستعرض الأسبوع المقبل مقاتلة متطورة بدون طيار أطلق عليها اسم "الصقر الأسود 50". وأضافت الصحيفة أن المقاتلة تتميز بخصائص كثيرة عن أسرة الطائرات الصغيرة بدون طيار ، حيث بمقدورها التحليق في كل مكان وفي مدى عملي أوسع وذلك في ظروف استطلاعية أكثر تعقيدا من طائرات أخرى بدون طيار. وتابعت " المقاتلة باستطاعتها الهبوط في أي نقطة في الميدان دونما الحاجة إلى ممر للإقلاع ويمكنها التحليق على علو منخفض والمرابطة بالقرب من الهدف. ونسبت الصحيفة إلى مصادر في الشركة الإسرائيلية التي طورت المقاتلة القول إنها مبنية على براءة اختراع أصلية تعطي لها جهازا ذاتيا لمراقبة الطيران ويوفر هذا الجهاز حلا سهلا وفوريا لاستخدامه في منظومة استطلاع متنقلة حتى في بيئة مثيرة للمشاكل. |
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: nabielo)
|
يا بق بق اقرا الكلام دا عن الصقر الاسرائيلي الذي تم اصطياده في السعودية قبل فترة
Quote: تتبع حركته يساعد في حماية الأنواع المعرضة للانقراض في المستقبل
مسؤول إسرائيلي: سعادتنا بالغة بإطلاق السعودية لـ"النسر الأصلع"
أيمن حسن- متابعة: عبر مسؤول في حماية البيئة بـ "إسرائيل" عن سعادته لقرار السعودية إطلاق النسر الذي اصطاده مواطن في حائل الأسبوع الماضي، معتبراً أن ذلك سيساهم في حماية الأنواع المعرضة للانقراض.
ونقلت صحيفة "جورزاليم بوست" الإسرائيلية، عن المتحدث باسم جمعية حماية الطبيعة في "إسرائيل" دان ألون قوله "لقد شعرت بالسعادة البالغة عقب سماعي قرار إطلاق الطائر"، وأضاف "إن تتبع حركة الطائر سوف يساعد كثيراً في حماية الأنواع المعرضة للانقراض في المستقبل".
ونقلت الإذاعة العامة الإسرائيلية تصريحات الأمين العام للهيئة الوطنية للحياة الفطرية الأمير بندر بن سعود بن محمد، الذي أعلن أن النسر سيطلق من جديد، وأنه لا صحة لما تناقلته وسائل الإعلام من أن النسر الذي اصطاده مواطن في منطقة حائل، مدجج بأجهزة تجسس إسرائيلية.
ووفقاً لتقرير نشرته صحيفة "الحياة" الأحد، قال الأمير بندر بن سعود: إن الدراسة أثبتت أن الطائر من نوع النسر الأصلع، وأن الجهاز المثبت على قدميه يستخدم للتتبع عبر الأقمار الاصطناعية لمراقبة هجرة الطيور. وقال إن السعودية تستخدم مثل تلك الأجهزة للأبحاث والدراسات. |
يا كافي البلا ما سمعتو بي حاجة اسمها ابحاث و دراسات !!!!
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: nabielo)
|
بوست تحفة ود الباوقة كيفنك , إن شاء الله طيب والأسرة الكريمة ومبروووك على البنية ربنا يهنيها إن شاء الله جدو الموج ده إنت ماك عارفوا ؟ الليلة لقى فيك فرقة شيل شيلتك بس واركز على قولك
لكن بيني وبينك يا باوقة حكاية الصقر دي أخير منها فكي قوش وفكي بلة الغائب , والله صحي
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: اسماء الجنيد)
|
والله حكاية بلدنا فعلا بقت مستهدفة ----------------------------------------------- معتمد كرينك د. حسين الغالي يصرح:
"بالقبض علي الصقر الاسرائلي بغرب دارفور."
وأبو قردة وزير الصحة وفي مؤتمر صحفي يصرح:
"بأنه لا يستبعد وجود مخطط لنشر مرض الإيدز في السودان" "لارتفاع نسبة الإصابة في السودان والذي يحتل المرتبة الثانية بعد جيبوتي"
الصوارمي خالد سعد الناطق بالرسمي للقوات المسلحة في برنامج الواجهة يصرح:
"قوات خليل في غزوة امدرمان استخدمت تقنية امدتهم بها اسرائيل جعلتهم غير مرئيين"
يا أخوانا دي محنة شنو البقينا فيها دي ؟؟؟ صقور !!!! وأيدز !!!! طواقي اخفاء !!!
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: ود الباوقة)
|
ود الباوقة هيا بنا نلعب انا اماً بحجز انا صقراً بختف زروق ............ ود الباوقة قول كاااااااااااااااااااااااك حمور............ ود الباوقة قول كااااااااااااااااااااااك خدور كأاااااااااااااااااااااااااااااااااااااااااااك عبد الرحيم كااااااااااااااااااااااااااااااااااااااك البشير كاااااااااااااااااااااااااااااااااااااااااااااك ود الباوقة كااااااااااااااااااااااااااااااااااااااك احى الخوووووووووووووووووووووووووووووور يا الصقر،،،
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: Hafiz Bashir)
|
Quote: موج
دا شنو البتعمل فيهو دا
انت راجل ماك سغيروني
ربنا يكبر العقول |
ود الباوقة اجى؟ انت تتضقلم!! ما قلت ليك هيا بنا يلعب فوكها حاجة؟؟ ماتراهو وزير الدفاع بلعب بمقدراتنا و البشير بلعب بالشعب والصقر بلعب بى ديله ، بقت على انا و انت؟؟ ما انتو الحكومة بتعرفو كل شى انا حا اكون العب من الحكومة يعنى و اللا ايييييييه؟؟ بس انت قول كااااااااااااااااااك وما عليك......كاااااااااااااااااااااااااااااااااااااك احى الخوووووووووووور يا الصقر،،،
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: أيمن الطيب)
|
Quote: الزول دا ما حرد البوست لكين إنت ظهرتها شديد
صاحبك دا رفدوهو من وحدة الجهاد اللكتروني و تاني صقرية مع سيدو الرئيس ما بشمها و لو صقرط |
حافظ بشير يا بتاع المشاكل ازيك وحات شيخى صقر البرزن انا متضامن مع ود الباوقة ما مع الصقر بس انت بطل الفتن وخلينا فى صقرنا ده .. مش كابلى قال صقرى ياهو الباقى لى؟ وتيب!! ود الباوقة احى الخووووووور و واااااااااى يا الصقر،،،
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: ناذر محمد الخليفة)
|
Quote: خلاص خلوها من الصقور المهاجرة !!
أجي يا بنات أمي !!! الصقر إن دار يهاجر ما يهاجر !! مالكم دايرين تحموهو ؟!! |
يعنى يا ناذر الصقر عادى ممكن يجى من الديم يختف من الخرطوم تلاته ويرجع؟ كان كده الله يستر!!لووووووووووووووول احى الخوووووور و واااااااااااااااااااااااى يا الصقر ود الباوقة قول الرووووووووووووووب،،،
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: جمال خضر)
|
إنجاز كبير يا ود الباوقة إنه يكون عندك بوست في سودانيزاونلاين يوصل لحدي 5 صفحات! ولكن سبب وصول البوست إلى خمس صفحات حتى الآن لا يكمن -بالطبع- في أهمية الموضوع وتهافت أعضاء المنبر على بوستاتك لروعة اسلوبك في الكتابة أو مهاراتك في إدارة نقاش أو حوار، فأنت شخص محدود الافق وقليل المعرفة. السبب هو شوبارك وإصرارك المستمر على جعل نفسك مثاراً للسخرية والتندر! ياخي لم يطلب منك أحد الكف عن الاسترزاق من المؤتمر الوطني...استرزق كيفما شئت إلى أن تستكمل "بناء قطعة الأرض"، ولكن حاول بقدر الإمكان ألا "تهبّل" نفسك إلى هذه الدرجة...فقط انظر إلى زملائك من أرزقية المؤتمر الوطني بتاعين الرياض والسعودية المعاك هنا في سودانيزاونلاين...إنهم يسترزقون وينافقون ويكذبون ويلهطون يمنة ويسرة دون أن "يهبّلوا" انفسهم كما تفعل! ارحم واحترم نفسك و"اختشي"!
| |
|
|
|
|
|
|
Re: القبض على صقر يحمل اجهزة اسرائيلية بدارفور ( صورة ) (Re: Adil Ali)
|
صورة تجمع الصقر مع خطيبته صقورة والتى كشفت لنا سر خطير يتمثل فى أن الموساد أجبر
خطيبها على كتابة شيكات بمبالغ طائلة واستخدموها كورقة ضغط حتى يقوم بتنفيذ المهمة
وأيضا هددوه بإيذاء أفراد أسرته وخطيبته فما كان له خيار غير الإقدام على تنفيذ لمهمة
لأنه إذا رفض فهو عُرضة لدخول السجن ولا يأمن على أُسرته من شرورهم .
| |
|
|
|
|
|
|
|