أعلن حكومة انتقالية: برئاسة ابوبكر سيداحمد, تراجي مصطفى للداخلية, دينـق للخارجية!!

Quote: جني وزير الوحدة ..

Quote: يا ادم .. الفلوس بعديين مقدور عليها ...ما اللجان القضائية المتخصصة حتفتش جيب كل واحد وتتحقق من الاموال العندو وكيف جمعها وكذلك العقارات ...الخ .. طبعا سفر برة ما في لاي واحد لحين مايتم التحقق من اموالو .. واها اكان طلعت ما اموالو محل ما خاتيها يجيبها راجعة للبلد وكدة تلقي مليارات كتيرة بتاعة الناس "المرمية تحت الشمش " .. فلوسهم ترجع ليهم ويعالجو وصحتهم تتحسن ويبدؤ العمل والانتاج وكل واحد يشيل طورية وهاك يازراعة ...زراعة ساي ... انت بس ما تشيل هم الفلوس .. دي بتجي .. المهم العدل ...

Quote: شوف يا عبدالعزيز ما عندي شغلة بي حكومتك دي رضيان بيها ميه الميه لكن شفت تراجي دي كان ما شلتها ياني المتمرد ليك هسع ودي أخر فرصة ليك شيل تراجي دي أو أتوقع أي لحظة عملية الكي بورد السنين وسنهاجم ونقتحم بكل الوسائل والله أكبر والنصر لنا يا عبدالعزيز ما عاوزين مفاوضات مافي غير العمل المسلح توقعوا بياناتنا في القريب العاجل عبدالعزيز حسين عبدالرحيم الناطق الرسمي لحركة التحرير العربية ثريا 429837498237497394723784

Quote: سلامات ياعزيز ياخوي انا كلامي وااااااااضح ياوزارة الرياضة يا طوالي بشكل حركة مسلحة وبرفع سقف التفاوض

Quote: د سعاد تاج السر ....وزارة التجارة الخارجية

Quote: Quote: د سعاد تاج السر ....وزارة التجارة الخارجية سلام يا عزيز، بوست ظريف ودمو خفيف، يا سلام ذكرتنا أيام سودان ليست ودكتور يونس في التسعينات. أها صديقنا العزيز أبوبكر سيداحمد رئيس وزراء بجدارة. فيما يخصني، مشكور على الثقة يديك العافية، لكن ياخ بالغت، التجارة الخارجية عديل كده! لو رجعنا لسودان ليست، أنا طبعاً الوقت داك إنتخبتوني !(woman of the year) ودي ذاتا بالغتو فيها وانا اعتذرت في وقتها وشكرتكم على الثقة المقدّرة. أها كمان برضو هنا الوزارات دي خليها لي ناسا، شوف لي حاجة حقوق إنسان، حاجة ثورة نسائية من وحي البيئة. حاجة كده نقدر نساعد بيها الناس نحو سودان حر ديمقراطي. والتحايا النواضر للمدام، وين الزيارة لأمريكا الوعدتونا بيها، الدعوة مازالت قائمة، وشكراً تاني على البوست الظريف والروح الجميلة.

Quote: أما اعتراضكم على تعيينه رئيسا للقضاء فيجب أن تدون كطعن رسمي في أهليته بالمنصب ومن ثم يقوم مجلس الحكومة الإنتقالية بالنظر والبت في الطعن.. وزارة الثروة الحيوانية قد سبق تكليف السيد/ سيف اليزل بها.. وكذلك حقيبتي القافة والإعلام..

Quote: هييييييييييييييع عدالة سيدنا عمر ذاااااااتو

Quote: ود عيسى ,, ياصفوة سلام مربع ياخوى منصب ريئس القضاء ده اول شرط فيهو: انو ريئس القضاء مايكون من حزب كريستال كلير ديل . تانى هام مايكون من حزب 14 آذار. تالت هام مايكون من محبى سكتـ .....

Quote: طالما قلت في الأول رضيان بيها 100%.. خلاص.. وبعدين لازم تعمل حسابك وانت بتتكلم عن وزير الداخلية ياخوي.. يعني تبدأ بي: سعادة الوزيرة.. او حتى صاحبة السمو... وكدا خاصة أن لوزير الداخلية صلاحيات ووسائل يستخدمها بما يراه مناسبا في الحفاظ على هيبة الحكومة ومنتسبيها جماهير الشعب عامة.. وننتظر منك أن تقدم طعن موضوعي عن أي حقيبة تراها غير مناسبة للمكلف بها.. والمجلس منعقد الآن بصدد اصدار قرار بتكليف السيد/ بشاشا بمنصب وزير الدولة للداخلية.. نرفض العمل المسلح وكل ما من شأنه إراقة الدماء.. كفاية ما فقدناه من أنفس بريئة في ظل النظام الحالي..

Quote: يعني بصراحة كدي الواحد فينا يزوغ ليهو يوم يومين من منبركم ده حتي اكان كان علي سفر ..السفر الربنا رخص فيهو قصر الصلاه يتلفت يلقاكم قسمتو الحكومه علي كيفكم والله حقو الواحد يحرد المداخلات بتاعتكم دي يعني نحن ناكل نيم ؟؟ عيب اختشوا ! شوفوا لينا معاكم حاجه ... ان شاء الله بتاعة احمد هارون ديك ....اسمها شنو ...؟ توجد سيره ذاتيه مدنكله ... فيها خبرات محليه وعربيه واخري ناطقه باللغات الاعجميه وجاهزين لتكسير التلج علي اي مقاس دايرنو... ان شاء الله تقولو لينا اطحنوهو بدره ... ما عندنا مانع ارحموا من في الارض يرحمكم من في السماء

Quote: يا زول شوفو لينا ناس الدوحة سريع لانو كروزراتنا وصلت وهسع بنركب في الدوشكات

Quote: لن يغمض لنا جفن حتى نرى رد شيقوق..

Quote: Quote: لن يغمض لنا جفن حتى نرى رد شيقوق.. --- يا أستاذ عزيز، سعادة المستشار ود شيقوق ما فيهو كلام تب نؤيدكم ونشد من أزركم.

Quote: الاستاذة سعاد تاج السر ( الممتازة) Quote: يا أستاذ عزيز، سعادة المستشار ود شيقوق ما فيهو كلام تب نؤيدكم ونشد من أزركم. هنا وكفى - قف تاني ناس قريعتي راحت ديل بىىىىىىىى رئيسهم ما ساعل فيهم اطردوا الفاضلابي من البوست دا سرييييييييييييع الجابو يتشمشم شنو بهنا

Quote: معلومات اضافية : * لاتمنح جوازات سفر خاصة لافراد هذه الوزاراة * يمنع افراد هذه الوزارة بعد انتهاء مهمتهما من الاشارةالي "وزير سابق " وانما نفس الاسم واللقب قبل الوزارة * افراد هذه الوازرة واللجنة القضائية وبعد انتهاء مهتمهم لا يحق لهم الاستوزار مرة اخري مدي الحياة *لا يستوزر في هذه الوزارة ولا يعين في اللجنة القضائية من له اعمال تجارية خاصة مباشرة ام من خلال ابنائه (زول او زولة ماهية بس ) * يقضي افراد هذه الوزارة واللجنة القضائية بعد انتهاء الست شهور ست شهور اخري خارج العاصمة وفي اقصي اطراف السودان باتجاهاته الاربع وعلي حسابه * عدم استعمال القاب "السيادة" و "الفخامة" وانما الاكتفاء بالسيدة اوالانسة او السيد .... يتبع

Quote: عبد العزيز تحياتي لقد علمت التعيين من صديق بالنت وتغير بالنت وموافق لانني ليس ارغب في اي اعباء او تكاليف غير المساهمة في نشر الوعي ومحاربة الهوس الديني ونشر ثقافة الديمقراطية والمكالبة بفصل الدين عن الدولة اللي هي العلمانية احتجاج صريح لتكليف وهابي باعباء الصناعة فهنا لا تجد صناعة ولا يحزنون نوريت يخلوهو قبلو في خلاوي همشكوريب لعل بركه المراغنه تغير راسو الذي لم تستطع كندا تغييره تحياتي

Quote: الموقف الوزاري حتى اليوم: أبوبكر سيدأحمد رئيسا للوزراء تراجي مصطفى....... وزارة الداخلية عمر عثمان .........وزارة الدفاع ديـــنق ...........وزارة الخارجية أحمدالشايقي....... وزارة العدل كوستاوي ...........وزارة الإعلام السيدة/ دومـــا ...وزارة التربية صديق الموج ........وزارة شؤون الرئاسة الفاضل سبيل .......وزارة المالية أحمد الياس........ وزارة التجارة عمر علي حسن .......وزارة الشؤون الدينية دسعاد تاج السر ....وزارة التجارة الخارجية فضيلي جماع.........وزارة الحكم الإتحادي د ابو القاسم قور...وزارة التعليم العالي أكوي دينق .........وزارة البترول هشم نوريت .........وزارة الصناعة صديق علي...........وزارة الزراعة آدم صيـام .........وزارة الثقافة دالمعز بخيت .......وزارة الصحة عبدالكريم كيكي ....وزارة الري فيصل خليل0 ........وزارة السياحة سيف اليزل .........وزارة الثروة الحيوانية حواء سليمان .......وزارة الشؤون الإجتماعية الفاتح ميرغني .....وزارة الطرق والكباري أميرة الشيخ .......وزارة الرياضة زمراوي علوي .......وزارة الكهرباء والسدود

(عدل بواسطة الطيب شيقوق on 01-10-2011, 08:03 AM)

Quote: Quote: الموقف الوزاري حتى اليوم: أبوبكر سيدأحمد رئيسا للوزراء تراجي مصطفى....... وزارة الداخلية عمر عثمان .........وزارة الدفاع ديـــنق ...........وزارة الخارجية أحمدالشايقي....... وزارة العدل كوستاوي ...........وزارة الإعلام السيدة/ دومـــا ...وزارة التربية صديق الموج ........وزارة شؤون الرئاسة الفاضل سبيل .......وزارة المالية أحمد الياس........ وزارة التجارة عمر علي حسن .......وزارة الشؤون الدينية دسعاد تاج السر ....وزارة التجارة الخارجية فضيلي جماع.........وزارة الحكم الإتحادي د ابو القاسم قور...وزارة التعليم العالي أكوي دينق .........وزارة البترول اسماء الجنيد.......وزارة الصناعة صديق علي...........وزارة الزراعة آدم صيـام .........وزارة الثقافة دالمعز بخيت .......وزارة الصحة عبدالكريم كيكي ....وزارة الري فيصل خليل0 ........وزارة السياحة سيف اليزل .........وزارة الثروة الحيوانية حواء سليمان .......وزارة الشؤون الإجتماعية الفاتح ميرغني .....وزارة الطرق والكباري أميرة الشيخ .......وزارة الرياضة زمراوي علوي .......وزارة الكهرباء والسدود وانا وين؟ زحلقتوني؟ انشاء الله يجيكم رئيس قضاء يشهيكم العافية

Quote: يا عزيز يا أخى طالما اتذكرت اصحابك بتاعين تسعينات القرن الماضى وسودان ليست فيا أخى انتو نسيتو وزارة الإسكان وانا عاوزها إن شاء الله يوم واحد عشان عندى واطة رايحة بس ألقاها او اقلعها من أى كوز وبرجع ليكم الوزارة طوالى... دة طرفى منها... وحكومة ما عندها وزير مالية ووزير زراعة شعبها ياكل نيم... هو فى نيم ظاطوووا؟؟؟ دى حكومة تفتح شهية العساكر... أحسن نتخارج بسرعة...بس خايف على اصحابى رئيس الوزراء ورئيس القضاء ووزيرة التجارة الخارجية من الإعتقال... لكين لو حصل ما بقصر اعمل مذكرة احتجاج لأمنيستى انترناشيونال وضحايا التعذيب بس بالله ما تتجرسوا واسمع واحد فيكم يغنى (براي سويتا فى نفسى)..... نورالدين منان

Quote: انت ذو منصب محوري.. مافي زول بيهبشك... القائمة الفوق بتاعة الوزراء.. تابعهم زين عشان الطعون والحاجات القانونية ديك..

Quote: ايوااااا كدا تمام وحاة النبي زعلت جنس زعلة وفكرت اجدع فرع اللبعة الاربعيني بعييييييد واخلى الجماعة يركبوكم قدو قدو من طرف

Quote: شكرا يا عزيز انا زول هامش واخوى قريمان عارف وناوى بحلم الم المهمشين كلهم واوزع عليهم اراضى الحوض النوبى والصحراء الكبرى عشان نوقف الزحف المصرى وأقد اتفاقية الحريات الأربعة وامقلب ليك المصريين بتعليق بند تمليك الأرض للأجانب عشان اى اجنبى يشتغل تحت كفيل سودانى... وبعدين الوزراء كلهم اسكنهم فى مبنى تحت الأرض عشان حراستهم تكون سهلة وبى غفير واحد فى المدخل ورجل بوليس مسلح يكون لابد فى حتة استراتيجية. وبعد ما القى واطاتى الرايحة وأتأكد إنو عندى قطعة أرضى تأوينى واسرتى ابتدى اهدد بتقديم استقالتى إذا لم يساعدنى الباشمهندس رئيس الوزراء بتصميم خريطة منزل المستقبل وسلفية معتبرة من البنك العقارى لبناء المنزل... توقيع وزير الإسكان وأراضى المهمشين

Quote: قرارات رئاسة مجلس وزراء الحكومة الإنتقالية: الإخوة والأخوات المكلفون بالحقائب الدستورية..ألرجاء الإطلاء على كل التفاصيل قبل أداء القسم (1) *"اعلن " : عزيز يقول لكم "انا الشعب" *المتوقع ولما عانته المراة وما زالت هو ان تكون الحقائب السيادية لها بالاضافة الي غالبية الحقائب (الصحة -التعليم -الثقافة-الشئوون الاجتماعية ) *الحد الاقصي لعمر المستوزرة و المستوزر 45 سنة وخبرة عملية مناسبة في مجاله * يبدو انه ليس لرئيس الوزراء دور في اختيار الوزراء *رئيس القضاء يجب ان يعين اولا مع لجنة قضائية عليا لتكون السلطة العدلية الاعلي ومن سلطاتها عزل اي من يتولي منصب دستوري ...المواطنة لب ومحور الدستور... (2) وفق دستور الحكومة الإنتقالية فان اي مواطن له الحق في تعلم لغته/ لسان والدته بجانب العربية طوال المرحلة الإبتدائية.. وجميل أن يتعلم كل طفل رطانته.. الاعتراف باللغات المحلية وتعليمها مع العربية والانجليزية معا في مناطق من يتحدثون بها (3) عامكم باذن الله سعيد للاستفادة من الدعوة الافتراضية هذه ماذا لو بينا توقعاتنا لاصلاح حال بلادنا وشعوبها...ماهو شكل "الديمقراطية" التي ذكرت هنا ...كيف سنعيد لشعوبنا وبلادنا حيويتها و نعوضهم عن عقود شقاء وفرقة وجهوية وظلم اقتصادي واجتماعي .. كيف سنصلح ما افسده الحكام والحكومات .. التعليم الصحة الزراعة المثلث الاساسي للازدهار كيف سنقومه ونعدل اضلاعه ...كيف سنعيد للقضاء سلطته وسطوته بحيث يكون برئيا من امراض الحكم والحكام ....كيف نتخلص من عنصرية وجهويةضيقة ونجعل تنوعنا اداة قوة ؟؟؟ احتمالات ان تصير بلادنا خلال اقل من اسبوعيين في شكل اخر محليا واقليميا وعالميا وارد بدرجة كبيرة .. اي سودان جديد اخر.. ماذا نتوقع ونحن نري حكام اليوم ومعارضيهم في واد وشعوب السودان في واد اخر؟؟ متي سنتخلص من ادمان اعادة تدويير ساستنا واحزابنا التي صار الفشل في مجري دمها ودساتير ظالمة اساءت لشعوب السودان ؟؟؟ متي ستتخلص النخب السودانية من شعور بلا مسئولية وانتظار الغد كيفما ياتي وانتظار الاخر والغريب لينجدنا ؟؟؟؟متي سيعرف ساسة السودان انهم فاشلون جميعا وان وقت ان يتقاعدو ويغيبو تماما عن واجهة البلاد قد مر وهم قد ادمنو الاضواء داخل وخارج الحكم ؟؟؟؟متي سياتي من هو اقدر علي التغيير والاصلاح من شابات وشباب السودان الي الواجهة ؟؟؟؟ (4) علي الجميع ان يتذكرو دائما ان ديون الغير علي اهل السودان تفوق ال 35 مليار دولار بالرغم من ان اهل السودان لا دور لهم في ذلك وانما بسبب بعض الفالتيين من ابنائهم.. امس في اعلان لبرنامج في البي بي سي كانت المقدمة فيما يعني " السودان البلد القارة والذي كان متوقعا ان يكون سلة غذاء العالم يتلقي الان اكثر من مليوني من شعبه اعانة من برنامج الغذاء العالمي بينما تغذي بعض الدول العربية شعوبها من فواكه وخضروات ودواجن من مزارع لها في السودان " بلادنا مديونة وبعض من اهلنا يستجدي ما تجود به الامم المتحدة وكثير تحت خط الفقر بينما اسر وعائلات الاغنياء الجدد في الاسواق العربية واسواق الشرق الاقصي والصين واوروبا تصرف اموالا كثيرة في سلع كمالية واموال اكثر في زيارات سياحية واموال اكثر تضيع في سيارات غالية جدا لا يستعملوها الا في زياراتهم ....اغنياء حرب الجوع في السودان يجب ان يعرفو انهميسرقون اموالا فاذا كان السودان مديونا ولا انتاج في البلاد فمن اين لهم ما يصرفونه صرف من لا يعرف الفقر ؟؟؟؟؟فلتستمر رقابة شعبية لمثل هذه التجاوزات فليست الحكومة وحدها هي التي تصرف الاموال التي ليست لها وانما كتيبة من المنتفعيين الذين لا يهمهم جوع معظم اهل السودان ؟؟؟هذه ليست دعوة ضد جمع المال والاغتناء ولكن من خلال قنوات عادلة وفرص عادلة ؟؟؟؟ (5) لمعلومية الجميع : * العمل في هذه الوزارة تطوعي من غير مرتب * الطعام والشاي والقهوة علي الوزير والرئيس يعني كل واحد يجيب اكل وشاي وقهوة معاهو يكفيه هو لان ساعات العمل من السادسة صباحا الي العاشرة مساء* ممنوع التدخين واستعمال الصعوط *المظهر العام ضروري *مخالفة قوانين حماية الحياة البرية بلبس مركوب اصلة او جلد فهد او نمر او شنطة من ذات الجلود تعني غرامة واعفاء * ممنوع الزيارات والمكالمات الشخصية اثناء العمل *التصنيف الجهوي والقبلي والديني حتي مزاحا ممنوع * المواصلات علي الرئيس والوزير زيو زي اي موظف في البلد *السفريات الخارجية الرسمية علي الدرجات السياحية ( ملك من اسكندنافيا وصل مطار الملك عبدالله في مرة من المرات مع فريق رياضي لبلده في درجة سياحية ودون اي بروتكولات ) *التوسط للحصول علي التراخيص والتسهيلات التجارية تعني الاعفاء والتقديم لمحاكمات عاجلة *ستكون هنالك لجنة قضائية مكلفة بالتحقق من ممتلكات واموال كل المستوزرات والمستوزريين بالاضافة الي لجان شبيهة خاصة بالمدراء والوكلاء واصحاب الاعمال التجارية والتحقق من كيفية حصولهم عليها واعادتها الي المال العام اذا ثبت انها من اموال الشعب (وساطة او واسطة ..الخ ).. *الاذاعة والتلفزيون لا تتبع للدولة والغاء الموجودة حاليا وكذلك شركات الهاتف للتاكد من ان الشعب يوصل صوته دون تشويش وتجسس وتحسس *الشرطة لخدمة الشعب ويعينها الشعب ويراقبها الشعب *الجيش اذا كانت هنالك ضرورة لوجود جيش فليس له علاقة لا من قريب ولا بعيد بالحكومات ولايحق لاي عسكري ان يستوزر * الغاء كل الدرجات الاكاديمية العليا التي منحت في العقديين الماضيين لحين التحقق من كفاءتها بواسطة لجان متخصصة ومحايدة ... وعدم استعمالها الا في موقعها بعد ان يتحقق من كفاءتها ....يتبع ... (6) تحياتي سيف وعام احسن يوافق طموحاتك انشاء الله ... انت عايز الوزراء ياكلو علي حساب الشعب واكثر من مليونيين من السودانيين بيعتمدو علي برنامج الغذاء العالمي ؟؟؟ بخصوص الحياة البرية القرار كما اضفت يشمل الكل والغرض من الاشارة هنا للوزراء لانهم بيظهرو في الاعلام اكثر ؟؟ بخصوص الاذاعة حتبقي مشكلة حيث يجي واحد ناطي بالليل ويعلن ببيان انو استولي علي السلطة ولذا الاعلام من املاك الشعب وليس الحكومة... المرحلة الجاية التعليم فقط لدرجات ما قبل الجامعة (معهد تقنية وزراعة وتمريض. الخ ) ...العايز يدرس جامعة يمشي بطريقتو الخارج .. كفاية الاف الجامعيين العطالة ..؟؟ ما كلية غردون كانت فوق الاولية فقط يعني حتي ما لاحقة ثانوي ؟؟ اثني مافي سفر للوزراء ولا حتي للرئيس و الاكتفاء ببعض السفراء المحترفيين في الخارج لحضور المهم جدا من اجتماعات .. المهم الان الداخل فقط ... (7) رغم ان التكليف من غير مرتبات ولا مخصصات ولكن لتسهيل المهمة والاسراع في اتخاذ القرارات : تدمج الوزارات وفق النشاطات تكون مجموعة لكل وزارة مدمجة علي ان تراس امراة الوزارة المدمجة كوزير اول لضبط النظام والتاكد من التزام الوزراء بالعمل وعدم الزوغان وشرب الشاي والقهوة ماعدا في الفسح الثلاث (فطور -غدا - عشاء) والتاكد من المظهر العام وضبط النفقات ( استهلاك كهرباء وماء ..الخ ) يعني اربع وزارات تكون بها اربع وزيرات اوائل من الشرق والغرب والجنوب والشمال ... تكون 50% من كل مجموعة من النساء اعطاء اي متقدم متطوع(امراة او رجل) نصيب من التوزيير وفق النسبة اعلاه حتي لا يحدث انقلاب علي ان يلتزم الوزير بالاداء الممتاز وستراقب الوزيرة الاولي ذلك ... رئاسة القضاء كذلك تكون لامراة ومعها قضاء بدرجة وزير وليس فيهم من خاض انتخابات من قبل في اي مرحلة!! من حق الوزيرة الاولي اعفاء اي وزير في مجموعتها باجراء تصويت ويكون صوتها حاسما في حالة التعادل .... يكون لكل وزير عجلة يشتريها من ماله الخاص للترحيل للتوفير لا يسمح للوزراء حضور حفلات عامة .. ممنوع الغياب (8) ياسيف .. ما عشان "الهجيج" دة ذاتو انا منعت حضور الحفلات حيث يحصل توهان ويطلع كلام ما مضبوط .....مهمة الوزارة دي انتقالية بست شهور فقط والحكومات التي ستاتي وفق ما يوضع من دستور هي مؤقتة بقرار الشعب والرئيس مؤقت وزي ما دي سلفا -اكثر رئيس لاقي قبولا وجماهيرية في البرازيل- امس طوالي راح بيتهم بعد تنصيب السيدةDilma Rousseff ديلما روزيف كاول امراة يختارها الشعب لتكون رئيسة ...مافي بيوت رئاسية ولا عربات رئاسية ولا اقرباء رئاسيين ولاناس كتار لابسيين سفاري رمادي ونطارات سودة ... (9) يا ادم .. الفلوس بعديين مقدور عليها ...ما اللجان القضائية المتخصصة حتفتش جيب كل واحد وتتحقق من الاموال العندو وكيف جمعها وكذلك العقارات ز.الخ .. طبعا سفر برة ما في لاي واحد لحين مايتم التحقق من اموالو .. واها اكان طلعت ما اموالو محل ما خاتيها يجيبها راجعة للبلد وكدة تلقي مليارات كتيرة بتاعة الناس "المرمية تحت الشمش " .. فلوسهم ترجع ليهم ويعالجو وصحتهم تتحسن ويبدؤ العمل والانتاج وكل واحد يشيل طورية وهاك يازراعة ...زراعة ساي ... انت بس ما تشيل هم الفلوس .. دي بتجي .. المهم العدل ... (10) معلومات اضافية : * لاتمنح جوازات سفر خاصة لافراد هذه الوزاراة * يمنع افراد هذه الوزارة بعد انتهاء مهمتهما من الاشارةالي "وزير سابق " وانما نفس الاسم واللقب قبل الوزارة * افراد هذه الوازرة واللجنة القضائية وبعد انتهاء مهتمهم لا يحق لهم الاستوزار مرة اخري مدي الحياة *لايستوزر في هذه الوزارة ولا يعين في اللجنة القضائية من له اعمال تجارية خاصة مباشرة ام من خلال ابنائه (زول او زولة ماهية بس ) *يقضي افراد هذه الوزارة واللجنة القضائية بعد انتهاء الست شهور ست شهور اخري خارج العاصمة وفي اقصي اطراف السودان باتجاهاته الاربع وعلي حسابه *عدم استعمال القاب "السيادة" و "الفخامة" وانما الامتفاء بالسيدة اوالانسة او السيد .... يتبع (11)

Quote: Quote: لموقف الوزاري حتى اليوم: ...................... عمر عثمان وزارة الدفاع ...................... ...................... خمس وزارات حتى الآن لحـواء..... لأستاذ/ عبدالعزيز عيسى سلام بوست ظريف ودمه خفيف ممكن سؤال: على أي أساس تم إختيار وتشكيل هذه الحكومة الانتقالية - حزبي أم ولائي؟ لا أرى تمثيل لولاية الجزيرة؟ آمل الإشارة الى ولاية وحزب أي وزير حتى لا تستأسد ولاية واحدة أو حزب بعينه بالحكومة الانتقالية . عدالة توزيع الثروة والسلطة الحقيقية ضرورية ما توزرونا وتهمشونا . الشعب يطالب بحكومة جاذبة وإلا سوف نتمرد عليكم من قلب الجزيرة الخضراء . طلب بسيط : السيرة الذاتية للمرشح لوزارة الدفاع بإعتبار أن المرحلة القادمة حاسمة وتحتاج الى منطق القوة لا غير، طيب : لو الجيش السوداني فعلها قبل 9 يناير وقام بإنقلاب عسكري أو غزو أجنبي (مرتزقة مثلا ) ماذا أنتم فاعلون ؟ يا ربي تسلم بلادي وأهلها الطيبين من الحروب والإنقسام. . ودمتم سالمين، صلاح حمد

Quote: الاخ عبدالعزيز عيسي تحياتي انقاذا لاهل السودن من براثن الغرب نعلن قيام الجبهة السودانية للانقاذالمعأرضة . [ Quote: QUOTE]....اغنياء حرب الجوع في السودان يجب ان يعرفو انهم يسرقون اموالا فاذا كان السودان مديونا ولا انتاج في البلاد فمن اين لهم ما يصرفونه صرف من لا يعرف الفقر[/QUOTE ] السيدالوزير ابوبكر نرفض التدخل في اختصاصتنا وسنكشف الفسادي والنهج الظلامي لفكر حكومتكم المعينة .

Quote: Quote: أميرة الشيخ وزارة الرياضة دى من بنى الاحمر فنحن بنى زرقان نعترض بشده..ما يجى مناتل ينمطها ..وزيرة الرياضه المرشحه تتفهم مقصدى ..

Quote: تشاور مع الأخ/ صديق على وزير الزراعة لأجل توطين المزيد من أشجار النيم!! لزوم اللبع... وضد البلع..

Quote: زى البلتوب ( ضم الباء وتسكين اللام وضم التاء وضم الواو - اخخخخخخ كلها ضم الحاصل شنو؟)

Quote: ما لم تمس حق عام...

Quote: دا جضيمة ساى بتفكك منو - بس اوع تمسوا استقلال القضاء وانا in my capacity as such معاكم في حدود ال check & balance لقيتني كيف؟

Quote: انت لا معانا ولا حاجة.. خليك في قوانينك والسلطات القضائية..

Quote: Quote: انت لا معانا ولا حاجة.. خليك في قوانينك والسلطات القضائية.. جاييييييييييييك

Quote: ابوعركي

Quote: كما يؤكد كتاب الأمير مراراً على الحاكم بأن لا يقيم وزناً كبيراً للشعب , ولكن يجب عليه في الطرف الآخر أن يغدق على بطانته والمقربين منه والداعمين لحكمه ويمنحهم المزيد من الامتيازات والتسهيلات , فكل ما تعمقت مصالح أصحاب القرار في الدولة بمصالح الحاكم أصبح من الصعب على القلة المنادين بالتغيير عمل أي شيء , فعامة الناس يحكمون على الأشياء من مظهرها الخارجي , وهذا العالم لا يتكون إلا من هؤلاء العامة , ويضيف مكيافيلي قائلاً : "لا أعتقد أن هناك من يخالفني القول بأنه من يبني على الشعب يبني على الطين".