بكرى ابوبكر شكيتك للخلقك
مجدى سيد قاسم الاخدرانى ابو وش صغير ..اللطيف على العود..الحنين على الصوت.. مجدى الضحوك ... اخو الاخوان... و المشوكوش المحترم الراقى..صديقنا و فردتنا.. لشد ما ألمنى رحيله عن الدنيا ام بناية قش...قبل الشوفه يا مجدى وياااااااااا حليلك يا ود أمى..و ياحليل شبابك و حليل بسمتك و حليل طلتك.. من حياة الجامعه الجميله كنت الاحظ ان لكل شخص شلته من جنسه و شله من الجنس الاخر وشله أخرى مختلطه...و ان كان ناشط سياسى فهناك شلته من اصحاب و جعته.... كنا محاطين بالطيبين و الطيبات من كل شكل و كل لون وبكل النكهات السودانيه الا special .... وامرقو النصيحه يا اخوانى/تى استمتعنا بالجامعه للطيش(ما انت يا سجيمان)... احيانا كثيره و تأثرا بالفكره التى تدعو للاستغفار بعد الضحك اقول يمكن يا جماعه نحن ما استغفرنا... كنا من اواخرالدفع التى تخرجت فى المستحليه ..لفظتنا كما النفس الاخير....لم نتوقف للوداع لم نذرف الدموع و نبكى على الايام الخوالى و لم ننتظر تبادل العناوين الدائمه...و على عجل ركضنا بعيدا خوفا من العدوى... ظننا ان الورم الخبيث الذى اصابها فى رحمها لن يلحق بنا...و جرينا جرينا شديد ...قلنا نندس وراء مكاتب الوظيفه ..الا اننا فى غمرة ركضنا لم ننتيه ان السرطان كالخطبوط له الاف الازرع ..و كالمهجوم تلفتنا فى كل الاتجاهات بحثا عن المخابىء.. ناس ربت الدقون وناس ادعت الجنون وناس اتملت بيها السجون... .. و تششتت بينا الدروب و انبهلت... واااااااااااااااااااااخ يا بلد انا من شلة الاخدرانى مجدى سيد قاسم المختلطه..من البنيات ايناس خيرى السمينه الحسها دايما مقروش و قطره العيون ملازماها و بالمناسبه لا تخلو شنطة ايناس خيرى فىاى و قت من ابرة خياطه و لكم ان تسرحوا... وامانى حسن الحلفاويه اللذيذه رئيسه الشله الحنينه ذات الضحكه العاليه و الصديقات بنات الخدور صاحبات النكته الحاضره و الاصوات الرخيمه و دقاقات بنقز درجه اولى (ما بحبن ادللاليك) و من الوليدات الصادق صلاح يا تمرجى شايل السلاح تاح تاح تراح يا تمرجى (معليش اسمو طويل) منفلت اللسان اللذيذ عازف الاورغن....علاء جيولوجيا العفوى خفيف الدم ود امبده و لامبده قصه( مره واحده من حناكيش علوم و اقفه معاهو فى الجنكشن و هو مبهول يضحك فيها شى نكت شى قفشات المهم الحنكوشه ماتت من الضحك و بعدين سألتو انت يا علاء بيتكم وين؟ رد صادقا فى امبده ضحكت شديد و ما بين شهات ضحكها قالت ليهو ياخ انت مالك جنك هزار كده انا بسألك بالجد) عندما قابلته بعدها بساعات و جدته قاعد ممحن و اول ما شافنى قال بت المجمممممممممر الحقينى انا ما مورود....و امير احمد البشير الولد القصير كما كنا نغنى له...الغشانا كلنا و عرس اخت أمانى الجميله. نجيلة المعمار...الميدان الشرقى كانت اوكارنا نلجاء الليها ليلا.. يحتوينا الطرب و زيدان الجميل...غنينا يا ابوالامجاد داوى نارى و التياعى و تمهل فى وداعى.... لكن انا عندى ليك سؤال مالك انت ما اتمهلت وبخلت نفسك ان تهب لنا بضع لحظات سراع...يا الله يا الله.... يا بنات الخدور شيلن ايناس انتى ما بتعرفى صفقى بس الصادق انت بكر ه جيب الاورغن... امير اصبر بعد شويه بنغنى الحقيبه...ويا علااااااء قديتنا بثنائى العاصمه.. اين منا ذلك الزمان الجميل..... فلك الرحمه يا ود سيد قاسم بكرى ابوبكر شكيتك للخلقك كان تورت علينا الذكريات التى بتنا نهرب منها حتى لا يصيبنا صداع الشجن.... و اها قصد كده ح انزل الكلام ده فى بوست براهو بدل بوستك الاتملأ ده ... (عدل بواسطة Siham Elmugammar on 08-29-2004, 12:44 PM)

العنوان	الكاتب	Date
بكرى ابوبكر شكيتك للخلقك	Siham Elmugammar	06-28-04, 10:44 AM
Re: بكرى ابوبكر شكيتك للخلقك	ali othman	06-28-04, 10:57 AM
Re: بكرى ابوبكر شكيتك للخلقك	Siham Elmugammar	06-28-04, 12:50 PM
Re: بكرى ابوبكر شكيتك للخلقك	Siham Elmugammar	06-28-04, 07:45 PM
Re: بكرى ابوبكر شكيتك للخلقك	Abdel Aati	06-29-04, 00:28 AM
Re: بكرى ابوبكر شكيتك للخلقك	singawi	06-29-04, 04:42 AM
Re: بكرى ابوبكر شكيتك للخلقك	بكرى ابوبكر	06-29-04, 04:53 AM
Re: بكرى ابوبكر شكيتك للخلقك	سجيمان	06-29-04, 05:17 AM
Re: بكرى ابوبكر شكيتك للخلقك	مريم الطيب	06-29-04, 07:15 AM
Re: بكرى ابوبكر شكيتك للخلقك	TahaElham	06-29-04, 07:53 AM
Re: بكرى ابوبكر شكيتك للخلقك	Siham Elmugammar	06-29-04, 02:27 PM
Re: بكرى ابوبكر شكيتك للخلقك	Siham Elmugammar	06-30-04, 05:49 AM
Re: بكرى ابوبكر شكيتك للخلقك	الجندرية	06-30-04, 06:27 AM
Re: بكرى ابوبكر شكيتك للخلقك	Siham Elmugammar	07-01-04, 10:37 PM
Re: بكرى ابوبكر شكيتك للخلقك	nada ali	07-02-04, 12:05 PM
Re: بكرى ابوبكر شكيتك للخلقك	Siham Elmugammar	07-06-04, 01:25 AM
Re: بكرى ابوبكر شكيتك للخلقك	Siham Elmugammar	07-06-04, 01:27 AM
Re: بكرى ابوبكر شكيتك للخلقك	esam gabralla	07-06-04, 01:47 AM
Re: بكرى ابوبكر شكيتك للخلقك	Siham Elmugammar	08-29-04, 12:41 PM
Re: بكرى ابوبكر شكيتك للخلقك	Siham Elmugammar	08-29-04, 09:32 PM
Re: بكرى ابوبكر شكيتك للخلقك	انا بنت النيل	09-02-04, 11:37 AM
Re: بكرى ابوبكر شكيتك للخلقك	Aymen Tabir	09-02-04, 01:35 PM
Re: بكرى ابوبكر شكيتك للخلقك	nour tawir	09-02-04, 05:46 PM
Re: بكرى ابوبكر شكيتك للخلقك	بكرى ابوبكر	09-02-04, 05:48 PM
Re: بكرى ابوبكر شكيتك للخلقك	خضر عطا المنان	09-04-04, 10:09 AM
Re: بكرى ابوبكر شكيتك للخلقك	Siham Elmugammar	09-04-04, 12:17 PM
Re: بكرى ابوبكر شكيتك للخلقك	Ehab Eltayeb	09-04-04, 12:55 PM
Re: بكرى ابوبكر شكيتك للخلقك	خضر عطا المنان	09-05-04, 09:52 AM
Re: بكرى ابوبكر شكيتك للخلقك	sari_alail	09-05-04, 11:18 AM
Re: بكرى ابوبكر شكيتك للخلقك	sari_alail	09-06-04, 09:48 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]