الأستاذ محمود محمد طه: هذا مغتسلٌ باردٌ وشراب

Quote: * الأستاذ قال: انا همي أؤمن الاخوان الصغار من الاخوان الكبار.. * الأستاذ قال: "السمك الكبير دايما بياكل السمك الصغير"، "الارواح الكبيرة بتغير على الارواح الصغيرة"، قال العركي: زرنا الشيخ الطيب ود البشير (راجل أم مرِّحي) ومعنا مجموعة من الاخوان، بتنا في القبة لغاية الصباح، انا جبت حجرين للأستاذ من جبلو (جبل الشيخ الطيب في أم مرِّحي) وأديتم للأستاذ، الاستاذ مسك حجر، واداني حجر، قال لي: الشيخ الطيب ود البشير والشيخ يوسف اب شرا بيناتم غارات، وبيناتم محبة، قلت: نحن قايلين بيناتم غارات بس.. * أب حراز ما بتنشقَّا، والشيخ الطيب ود البشير جا شاقي اب حراز، المرا قالت للشيخ يوسف: زمان ما بتنشقو!، الحصل عليكم شنو؟، فقال اب شرا: "التشقِّك شقة قنقرة" ما شايفا النبي ماشي قدامو (قالو المرة شرررررررر انشقت).. عدم الإذن * الشيخ يوسف بعد ما صلى الصبح، نظر لي قرية ود المجذوب غرب النيل على الظلط، وقال: الولَّع نار القرآن دا منو ما استأذن مننا؟!..قالوا: الناس اتفرتقو طوالي، وما قامت للقرآن قايمة بي هناك، وتُعزى المغارة لعدم الاستئذان.. * الاستاذ قال لمَّن جينا أب حراز سنة 1970 حوالي 100 من الجمهوريين والجمهوريات، مع انو المسافة قريبة، لاكين العربات طشَّت، والاستاذ سأل الاخوان قال: الحاصل شنو؟!، مافي زول جاوب، الاستاذ قال ليهم: العركيين الكبار موافقين على الزيارة، لاكين الصغار معترضين، والامر في الآخر حسمو الشيخ يوسف أب شرا..