|
Re: دستور بمن حضر!!! سمير عطا الله (Re: مهدي صلاح)
|
لماذا لم يصوت المعارضين للدستور ؟ واكتفو بالاعتصامات والمظاهرات ؟ قيادة المعارضة واجهت الامر فى بدايته بالتشنج والعويل والصراخ ولما انتبهت .. للخطة - الكيزاينة - اتحركت متأخر ودعت المعارضين للتصويت .. بلا ... لكن بعد فوات الاوان ..
اذا انت ما عاوز الدستور اشتغل عليهو من الاول واحشد ناسك وامشو صوتو .. بلا .. واسقطو الدستور !!!
ما مشكلة مرسي انو الجو صوتو 32 او 33 فى الميه .. ما مشكلتو نهائي !! والمثل القالو الكاتب لاينطبق على ما قصدو بالعكس تماما .. بدل على معارضة منظمة اقنعت الشارع بالتصويت ضد بطل فرنسا واسقطت اقتراحاتو .. وده ما بنطبق على المصرييين الماقدرو يسقطو دستور مرسي بالرغم من - جلطات - مرسي
المعارضة المصرية دقست وعليها الانتظار سنوات حتى تتمكن من تعديل الدستور - اذا - نالت اغلبية فى المستقبل
وما ننسى برضو وبالرغم من انها مصر البفتكرو الناس بالباطل وبالحق انها - كبيره - ما ننسى انو ما عندهم خبرة ... فى الحكومات البرلمانية والرئاسية الحرة .. عشان كده ... حا نشوف صدامات كتيرة بين المعارضة والحكومه لحدى ما يقتنع المعارضون ويحترمو الديمقراطية .. ولحدى ما كيزان مصر - يتعلمو انو ولو فازو بالديمقراطية ما مفروض يتجاوزو الباقين ولو من باب حسن النوايا .. وجمع الصف الوطني
|
|
|
|
|
|