الى السودانية القبطية التى احرجتني !!! هذا مني بمثابة إعتذار !!

Quote: لو كانت جنوبيّة .... هل كنت تعتذر لها و تجي تفتح بوست كامل بالإعتذار؟ [/QUOTE وأنت من متين كان قلبك علي الجنوبيين ؟ مش أنت في بداية هذا النظام كنت جزء من منظومة النظام المهتريء دا وكنت بتحاربو في الجنوبين بأسم الدين أو بتساعدو في تجهيز الكيزان للقتال وشابكننا حواصل طير خضر والملائكة حاربت معانا وشفنا الشهيد فلان بيأكل باسطه والشهيد علان في جنة الرضوان حيتزوج عما قريب وسوف تصلكم رقاع الدعوة ولابسين البدل السفاري وتحملون في أياديكم شنط تمكناوأطلقتم لدقونكم العنان وشابكننا هي لله ولكنها لم تكن لله كانت من أجل جيوبكم ومن أجل أبنائي ودعني أعيش ودوام الحال من المحال بعد ما شيخك الترابي أتزحلق فكيتو البيرق وجاي الليلة ترفع في شعارات رنانه أيهاالوغد. ان مشيت ولا جيت أنت أنسان عنصري قذر وحتقعد تكورك بأسم مباديء لا تأمن بها الي أن تلقي الله ويختوا ليك طينة تحت رأسك ، أنت قايل هناك بتقدر تتلون زي الحربوية؟ هناك في ملك عدل لا يظلم عنده أحد . فبلاهي بطل دموع التماسيح دي . عمر عثمان سلام آسف لو عرجت بمسار البوست وأستميحك عذرا لكن مداخلة الموهوم دا قدر ماحاولت أكظم غيظي منها والله ماقدرت عديل كدة التعديل لفصل الاقتباس من الرد (عدل بواسطة عادل الباهي عبدالرازق on 12-24-2012, 08:50 AM)