|
الى السودانية القبطية التى احرجتني !!! هذا مني بمثابة إعتذار !!
|
جارتي في مكان العمل ... لديها محل صغير تكد فيه وتتشبث به ... ذات ونسة صباحية بيننا عن الحال الذي يغني عن السؤال !!! وتصاعد أسعار الدولار !! والضائقة المعيشية !! والجبايات !! والخيارات والحلول والهجرة والاغتراب !!! قلت لها وكأني اكتشفت الذرة انتو يا(...) ماعندكم مشكلة القرار بالنسبة ليكم ساهل هاجرواتخارجو احسن ليكم ان شاء الله مصر القريبة دي !!! صمتت لثواني ونظرت الى بعتاب شديييد ليييه كده ياعمر !!! هل تظن أننا لسنا بسودانيين مثلكم نحب هذا السودان بخيره وشره ويصعب علينا ان نفارقه !!! هل تعلم ياعمر أن خرطومكم هذه لاتشدني مثل ما تشدني مدينتي (القضارف) التى تربيت فيها وعشت فيها طفولتي ولايزال قلبي معلقاً بها ولولا ان الاحوال هناك لم تعد مثل الأول لما غادرتها!!! لا لا يا (.....) انتي فهمتيني غلط !!! انا قصدي انكم ساهل تاخدو فيزا لاي دولة !!! ضحكت .. انا فهمتك صاح ياعمر !! لكن بقبل منك التصحيح ده وبعتبره اعتذار هههههه
|
|
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: محمد سنى دفع الله)
|
الاعتذار شيمة الاقوياء . ماحدث منك ياعمر يحدث من معظم الشعب السوداني علي وجه العموم والنخب علي وجه الخصوص لانها ثقافة ومورث سوداني لاجيال لاتعرف ان كل من ولد بالسودان وترعر فيه ونال جنسيته هو سوداني اصيل بغض النظر عن الدولة التي اتي منها . حتي في اعتذارك ياعمر اصبتها في مقتل حين اضفت كلمة قبطية لسودانيتها التي عتزت بها . وهل كان يمكن ان تعتذر وتقول الجعلي السوداني . لم اقصد ان احملك مسئولية ثاقفة وموروث ادي الي تفتيت النسيج الاجتماعي السوداني والنخب السودانية لم تستطع الفكاك من تلك الثقافة والموروثات لان مناهج التربية الوطنية ضايعة .
لك تحياتي ياجنابو
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: يوسف السماني يوسف)
|
Quote: ماحدث منك ياعمر يحدث من معظم الشعب السوداني علي وجه العموم والنخب علي وجه الخصوص لانها ثقافة ومورث سوداني لاجيال لاتعرف ان كل من ولد بالسودان وترعر فيه ونال جنسيته هو سوداني اصيل بغض النظر عن الدولة التي اتي منها . |
تشخيص مقبول ومقنع والسؤال كيف السبيل الى العلاج والدواء ؟
Quote: حتي في اعتذارك ياعمر اصبتها في مقتل حين اضفت كلمة قبطية لسودانيتها التي عتزت بها |
صحيح كلامك يا يوسف .. صدقني وقفت عندها وترددت !! لكن اخيراً قررت ان اكتبها لانها توصيف حقيقي لما حدث ولشكل الأزمة !!
الف شكر يوسف وتحياتي وتقديري ،،،
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: omer osman)
|
تشخيص مقبول ومقنع والسؤال كيف السبيل الى العلاج والدواء ؟
العلاج يحتاج لتضافر جهوج النخب السودانية علي المستوي الجمعي لتبصير الناس بالمساواة بالحقوق والواجبات بغض النظر عن الجنس او اللون . والثانية علي مستوي الفرد كما فعلت انت واشعت ثقافة الاعتراف بالاخطاء وعلاجها عبر منبر عام يفترض انه يضم النخب (كتاب وقرا ) . نحتاج ياجانبو لمنظمات مجتمع مدني فاعلة تقود حركة التوعية المنظمة والمبرمجة . عمر لقد فتحت جرح غائر في جسد الوطن لاتنفع فيه الطبطبة . نحتاج لمنظمات ثقافية مدنية تعلم الاطفال ما معني الوطنية وتحثهم عليها من يقود هذه المنظمات المحبون لتراب الوطن والساعون للتغير نحو الافضل بغض النظر عن اي انتماء .
لك امتناني ومودتي
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: يوسف السماني يوسف)
|
Quote: العلاج يحتاج لتضافر جهوج النخب السودانية علي المستوي الجمعي لتبصير الناس بالمساواة بالحقوق والواجبات بغض النظر عن الجنس او اللون . والثانية علي مستوي الفرد كما فعلت انت واشعت ثقافة الاعتراف بالاخطاء وعلاجها عبر منبر عام يفترض انه يضم النخب (كتاب وقرا ) . نحتاج ياجانبو لمنظمات مجتمع مدني فاعلة تقود حركة التوعية المنظمة والمبرمجة . عمر لقد فتحت جرح غائر في جسد الوطن لاتنفع فيه الطبطبة . نحتاج لمنظمات ثقافية مدنية تعلم الاطفال ما معني الوطنية وتحثهم عليها من يقود هذه المنظمات المحبون لتراب الوطن والساعون للتغير نحو الافضل بغض النظر عن اي انتماء . |
شكرا يوسف مرة تانية .. حقيقة روشتة شاملة ومافات علينا يجب ان لايفوت على اولادنا .. هناك كثير من الامور والمفاهيم تحتاج الى مراجعة وتصحيح .. اتمني فعلاً ان تكون هناك منظمات مجتمع مدني تعني بهذه المهمة ..
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: محمد سنى دفع الله)
|
Quote: والسودان ده فيهو سحر كل من ولد فيهو وتربى بين حنياياه هو سوداني بالميلاد وكل الناس التي وفدت اليه من زمنا بعيد ما طلعت منو الابعد ما جو الناس ديل |
وأخشي ان استمروا هكذا ان يهاجر حتى (صقر الجديان) !!!
Quote: ليها احترامنا وليك مودتنا واعتذارك بفيدك وكبرت في عيونا محبتي |
الف شكر يااستاذ السني يارائع ... والحمد لله هي قبلت إعتذاري والتواصل بيننا لم ينقطع ... لكن ظل الامر يحز في نفسي لذا فتحت هذا البوست ... إعتذاراً مني لكل الأخوة والاصدقاء السودانيين الاقباط ...
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: Mohamed Suleiman)
|
Quote: لو كانت جنوبيّة .... هل كنت تعتذر لها و تجي تفتح بوست كامل بالإعتذار؟ |
الأخ محمد سليمان تحياتي ... برغم النفس الحار في سؤالك !!! احيلك الى ردي في المقتبس ادناه نقلاً عن بوست كان قد فتحه الأخ GeerTor Tong
Quote: هلا ياقير وكل عام وانت بخير ... كنت ولازلت اؤمن بأن مشكلة الجنوب والشمال مشكلة بين سياسين لاشعوب ... وانه كان بالامكان احسن مما كان لو اخلص الساسة في الشمال والجنوب النوايا قبل اقل من شهر وفي جلسة ضمتني باكثر من عشرة اصدقاء سألتهم : هل لديكم شعور بأن (الجنوب) اصبح دولة اخري وان (الجنوبي) اصبح اجنبي ؟ وكانت الاجابة بالاجماع : لا حتى الانفصال انفصال في الورق لم يترسخ في وجدان الناس ومن يدري ربما نعود ذات يوم ... |
هل كان صاحب الأمر" قل لا عاش من يفصلنا" صادقاً أم كان مجرد أمنية؟.
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: العوض المسلمي)
|
جنابو عمر
الموضوع في رأيي أبسط كتير من كده !!
إتعودت أقول لأصحابي الكانوا معتقلين مثلا نفس كلامك للسودانية جارتك على سبيل المزاح (اللجوء السياسي ساهل ليكم بعد ما جابتكم أمنستي )
لا أظن أنك كنت تستصحب نفيا لها من الوطن في وجدانك ، بل تستصحب الفكرة الخاطئة (كما أظن) لسهولة تقبل العالم الخارجي لهم لإعتبارات كثيرة بالذات على خلفية مغستك من وضع السودان و تفكيرك الجدي في الغربة أو الهجرة (كما كتبت ذات بوست) كن بخير
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: محمد قرشي عباس)
|
Quote: لا أظن أنك كنت تستصحب نفيا لها من الوطن في وجدانك ، بل تستصحب الفكرة الخاطئة (كما أظن) لسهولة تقبل العالم الخارجي لهم لإعتبارات كثيرة بالذات على خلفية مغستك من وضع السودان و تفكيرك الجدي في الغربة أو الهجرة (كما كتبت ذات بوست) |
دكتورنا العبقري تحياتي ... الصراحة بين المريض والدكتور اهم شيء ههههههه رغم انك اوجدت لي مخرج كويس جداً لكني لا اخفي عليك انه كان لدي على الاقل القليل من الاحساس او الفهم في حديثي معها بانهم اقل ارتباطاً بالسودان منا !!! وهذا ما لمت نفسي عليه بشدة !!! اما عن تفكيري في الهجرة فقائم حتى يومنا هذا لكني في ذات الوقت اخاف منها يااااخ انا بره السودان كان سمعت طارق ابوعبيدة (خدر) بغني بقعد ابكي
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: احمد محمد احمد عتيق)
|
Quote: العنصرية والجهوية اللعينة والتي اودت بالسودان لهذا الدرك ... |
فعلاً يااحمد هي سرطانات نهشت جسد السودان وفصلت جنوبه عن شماله ولاتزال !!! وحتى لا نلقي كل اللوم على الانقاذ !! دائماً ما اقول ان الانقاذ لم تصنع كل مشاكل السودان في بعض الاحيان ورثت الانقاذ قنابل موقوتة ومشكلات مزمنة إلا انها سارعت بتفجيرها !!! هناك شيء ما خطأ في هذا السودان منذ وفاة الامام المهدي وحتى تاريخه !!!
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: omer osman)
|
Quote: لو كانت جنوبيّة .... هل كنت تعتذر لها و تجي تفتح بوست كامل بالإعتذار؟ |
يا كبتن عند بداية عملي بالقنصلية في اسمرا تقرب مني اثنان من اليهود السودانيين واسرة قبطية سودانية .. لا اخفيك انني تعرضت لوسواس من ناحيتهم .. بلغ حد ابلاغي السفير عن هذه العلاقة ومحاولة معرفة رايه الرسمي في مواصلتها او قطعها .. وتوقعت ان يوجهني السفير بممالاتهم والاستفادة منهم .. ولكنه قال لي وبلهجة قاطعة ديل سودانيين اكتر منك .. وكان يعرف الجانبين ..
بمرور الوقت استأنست لهم وتطورت علا قتي بهم الي صداقة حميمة .. ووجدتهما اكبروفاء وانتماء للسودان مما ظننت وظن السفير .. فاحد اليهوديين كان محاميا .. وكان دون ان يعلن يتولي قضايا السودانيين ولا يقبل منهم رسوما او اجرا ويسافر علي حسابه ويلاحق قضاياهم دون تردد
اما الاسرة القبطية فقد كانت اميز اسرة في الجالية وكان بيتهم مفتوحا للكل ويذهبون للسودان كلهم او بعضهم لحضور الافراح والمآتم .. خاصة في كسلا التي اتوا منها . وظلت يدهم ممدودة بالمساعده والكرم للسوانيين دون من او اذي
لم يهاجر منهم احد الي اسرائيل او غيرها من البلاد التي تجتذب غير المسلمين
ولانني من عطبره فقد عرفت الاقباط ونشات معهم في الطفولة والصغر فلم احس بانني اكثر منهم وطنية وانتماء وولاء للسودان .
لعلكم لايخامركم نفس الشك فينا فنحن في الهجرة نصف اعمارنا او يزيد
هل جاطت الامور مع جيلكم .. ولكنك احسنت بطرح الموضوع
تحياتي عمر علي حسن
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: عمر علي حسن)
|
Quote: هل جاطت الامور مع جيلكم .. ولكنك احسنت بطرح الموضوع |
سلام سيادتو عمر على حسن ..... جاطت جوطة شديييييدة خلاص ياسعادتك للأسف لم يبقي شيء لم يجوط !!! هل تعلم ياسعادتك عمري كلو فاهم انو انا شايقي من (جلاس) من كم سنة بقت تظهر اصوات من داخل مناطقنا بتقول لا نحن ماشوايقة نحن بديرية دهمشية !!! وبافتراض صحة هذا الامر لماذا لم يكن امراً يجب ذكره في السابق !!! شفت التفاصيل دي بقت كيف !!! لغاية زمن نميري لم تكن للقبلية قيمة عند التعيين في المناصب السياسية او الوزارية بعكس الأن يعني حتى تفصيل انو نحن شوايقة كان من باب العلم بالشيء ليس إلا هسي نلقي نفسنا في تفاصيل التفاصيل !!!! بديرية دهمشية وبعد شوية يقول ليك نحن من البطن الفلاني في البديرية الدهمشية وعيييييك موضوع هذه الواقعة برضو ملتبس عندي بمعني انو انا لم اجردهم من انتمائهم الوطني للسودان لكن في ذات الوقت خيل لي انهم ربما يسهل عليهم التحلل منه وبرضو كان تقدير غلط وفكرة حمقاء تماماً
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: omer osman)
|
أجمل حاجه فى الزول انو يضع نفسو دائما تحت المراقبه ويتقصى تفلتاتو عشان يصلح منها وبغض النظر عن الاعتذار .. أو الخطأ فدى بتحصل من كل الناس لكن ... وضع النفس تحت المجهر .. ومراجعه بديهيات تعاملاتنا هى الأهم ودى ما بتجى الا من زول شفيف .. وبتمنى انو يكون صادق مع الجميع
وبالرغم من انو كلامك واضح معناهو والاعتذار منك زيادة خير الا انو كلامك صحيح فى مضمونه فالاخوة الاقباط ولظروف انهم اقليه فى مجتمع يبدو من الخارج انو متشدد دينيا يجدوا قبول كبير فى منحهم التأشيرات .. والكثير منهم هاجر وهذا لايعنى التشكيك فى وطنيتهم .. فأكثر منهم هجرة السودانيون الاخرون .. وكلها لظروف البلد فالهجرة للبحث عن حياة افضل ليس تشكيك فى الانتماء وانظر فقط لاعضاء المنبر .. مهاجرتهم اكثر من الجوه السودان
تحياتى
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: يحي قباني)
|
Quote: ما يهمك يا جنابو اهو بكري خته ليك المروحة الدايسون دى لزوم التبريد من سخانة الزنقه ... :( |
هههههههههههه دي زنقة كانت دايرة ليها مكيف اسبلت
Quote: ياخ والله انتو الزمن ظلمكم بس ... 88 انتو طلبه في كلية الشرطه ... 88 انحنا قنعنا من خيرا فيها و مرقنا من البلد .. |
وأنت يا يحي قايل شنو !! انا كان ما (الانقاذ) دي كان هسي عمري يكون 22 سنة بس
| |
|
|
|
|
|
|
Re: الى السودانية القبطية التى احرجتني !!! هذا مني بمثابة إعتذار !! (Re: Mohamed Suleiman)
|
Quote: الي المدعو عادل الباهي عبدالرازق:
لو كلُ كَـلـبٍ عَوى ألقَمْتَهُ حَجَراً ***** لأصبحَ الصَّخْرُ مِثْقَالاً بدينارِ |
ألا أبلغ لديك أبا دلامـــه...فلست من الكرام ولا الكرامه جمعت دمامهً وجمعت لؤما....كذااك اللؤم تتبعه الدمامه إذا لبس العمامه قلت قردا.. و خنزيراً إذا نزع العمامه فإن تك قد أصبت نعيم دنيا.... فلا تفرح فقد دنت القيامه
الاستاذ المبجل مين كده سليمان مالك كثافتك جات سريع كدة وفكيت آخرك أهو نحن لسع في البداية . أنت مفتكر النضال نهيق وعواء أم صياح ونبيح وهراء ؟ أسع أنا قلتا حاجة غلط ؟ مش نوعيتك دي وبقية الارزقيةالزيك كدة من دعمتم الانقاذ في بداية عهدها يا ضلالي وعذبتم وأعتقلتم الشرفاء بأسم الدين؟ ولمن النقاطه التي كانت تضخ في جيوبكم وقفت بعد قلب الطاولة علي شيخكم الترابي قلتو يا فكيك وجريت أرتميت في حضن الامريكان أيها العميل واي واي واي وجاي الليلة تقل أدبك جاتك نيله تأخدك في ساعة زمن لو عندك مباديء بتأمن بيها شيل السلاح زي الرجال لكن ماتقعد كل ما تتمليء بيرقر وبيتزا والاكل يكتم علي نفسك تمسك الدلوكة وتقعد تزغرد لينا هنا . عالم وهم .
فقبل أن أختم دعني أرد اليك بضاعتك الكاسدة علها تفيدك في مقبل أيامك ايها الارعن
ولقد قتلتك بالهجاء فلم تمت إن الكـلاب طويلة الاعمار
| |
|
|
|
|
|
|
| |