بريمة صورة وصوت .. يسأل ومناوى يتهرب .. (فيديو)

Quote: لملاحظة الأخيرة وهي الخطاب العام والاورال برسنتشن (Public Speaking & Oral Presentation) دول بقي عندك فيهم مشكلة كبيرة هم كتار لكن المهم 1. في حالة السوال السياسي وخاصة السوال لراي المخاطب أجمل هدية ممكن الواحد يقدمها للمخاطب هو سوال يبداء ب(هل) يعني ذي الجيبت ليهو صحن حلوي مشكل وقلتا ليهو إختار اجابتك منو ونوع في الرد و ما تنسي علق تعليق إيجابي يتفق عليه الجمهور...... ودا فعلا الشي السواهو مني في إجابتو ليك لدرجة الناس صفقت ليهو في الوقت الفهو ما جاوب سوالك المهم جدا، بل طرح ليك سوال وجابو ليك،2. برضو وقت يكون في زمن وعدد محدد للاسائلة الواحد ما بهدي الزمن في السلام الكتير وفيهو أسامي الضيوف والتمتمة وتكرار الكلمات (مفترض أي كلمة تذكر في السوال مرة واحدي فقط لا تكرر)، 3. تاني في تردد في الكلام والاكثار من أا AAA برضو دي بتاخد زمن وبتخلي الجمهور يمل سريع، برضو في الببلك سبيكنك التربيزة ما ختنا عشان الواحد يتكل فيها (التربيزة بختو فيها ورق،أدوات صحفية, موية وادوية ومرات بختو فيها رفعة للناس القصار و حاجات وكدي عشان تساعد المتكلم)........,.. يلا يا صحبي أديناك (consulting) واستشارة مجانية في الحاجات الانت فيها كويس والحاجات البتحتاج منك لتقوية. عموما المستوي ما قدر بريمة سيودانس اونلاين لكن في زمن لتقوية النقص.