كادت ان تنضمّ إلي ركب المشاهير، أمثال مِيسِي، رونالدو، دينزل واشنطون، كوبي برآين، سيلين ديلون ...إلخ لكن حظها العاثر حال دون ذلك، ففُجعنا فيها حيث رحلت إلي الدار الآخرة تحمل أحلآمها بين طيات كفنها، ولسان حالها يقول لنا، أمانة يا ناس السودان ما عندكم المِحن. كادوا أن يخرجونا من دجل إلي دجل آخر !!!؟؟؟ يا جماعة المسعلة دي حدها وين ؟؟؟
قال ليك وآحد مشى السوق يشتري الخدار... قدُر ما يقيف جنب خُدُرجي يلقى قريشاتو ما بيكفّن. وكت غِبى حِيّلة، جدع قٌفتو وإتفّن وسط السوق وكورك في الناس: يا جماعة هووووووي، كدي تعالوا شاورونا في معيشتنا دي.
دحين يا جماعة هووووووي، تعالوا شاورونا في حال البلد.
وحات ربي جدادة عديييييل كدي...
12-06-2012, 02:01 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: وكشفت الاعترافات التي عُرضت بالصورة والصوت كل الشخصيات المقبوض عليهم عدا قوش، كشفت مشاركة «فكي» ليقوم بأعمال الدجل والشعوذة، حيث أقرَّ «الفكي» بأن ضابطاً برتبة اللواء لجأ إليه للقيام بعمل يمنع تحركات قيادات متنفذة في الحكومة وجهاز الأمن «سماهم»، وذكر الفكي أنه طلب من المتهمين إحضار دجاجة، وعندما جاء بها أحدهم في «ضهرية» عربته وجدها «ميتة». وعند سؤال الفكي ضمن التحريات عن سبب عدم تبليغه السلطات بالمحاولة، قال إنه رأى في المنام فشلها ولذلك آثر عدم التبليغ
Quote: وعندما جاء بها أحدهم في «ضهرية» عربته وجدها «ميتة»
يموّت حيلك. خاتيها في الضهرية مالك. قايل نفسك موديها أمواج. يا سجم دي ماشة تشارك في عملية إصلآح كبيرة جداً، كانت سوف تغير مجري التاريخ، وتنتشل بلد كامل من بئر الهلآك. يا اخي ما كان تلبسا نضارة سودا، وتركبا معاك في المقعد القدآم طالما هي ماشة في مهمة خطيرة بالشكل دا. تختها في الضهرية!!! طورية هي ؟؟؟
12-06-2012, 02:22 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: قال أحد المقبوض عليهم: «الرئيس يتمتع بشعبية كبيرة ولو قمنا بتسليمه سنجهض الثورة»
طيّب،،،، وكت اصلو بيتمتع بشعبية كبيرة، مزعزعنو مالكم يا ناس الطير. جدادة يا كبير، يا سلآقين البيض. الزول دا معاهو شيخ بلة الغايب. باقيلكم بتقدروا عليهو؟؟؟. ختاها ليكم وآآآآآضحة، تلآتة وتلآتين سنة بالتمام والكمال، والله يضاعف لمن يشاء.
شاورونا في حال البلد
12-06-2012, 02:26 PM
الزنجي الزنجي
تاريخ التسجيل: 09-05-2003
مجموع المشاركات: 4141
ود المدير (نحن الطيور) اصدقاء المزارع كفانى الزنجى مؤونة السؤال عن صقر ود الباوقة على سيرة الجداد قالو جدادة عفصتا رقشه لما اتمطت فى الشارع قالو قامت اتنفضت وقالت ليهم: احى يا روحى الديوك يا كده يابلاش .. طيب يا معاوية جدادة زى دى ما بتستحق يسمو باسمها شارع من شوارع الخرطوم ماتراهو كل حنبرة او زعيط يموت فداء للانقاذ بسمو باسمه شارع.. يخيل لى الشارع القدام دار المؤتمر الوطنى مناسب جداً يسموهو شارع الجدادة نعمنو الدار دى فيها ديوك عدة لا حصر لهم.. يعنى هسه بقى عندنا صقر ود الباوقة وجدادة قوش عقبال ود ابرق نافع الطيور على اشكالها تقع،،،
12-06-2012, 02:41 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
سلآمات يا الزنجي. موت الجدادة فقد كبير، فقد ضحت بروحها في محاولة لإنقاذ شعب ضاق الويلآت من هذا النظام المستبد. أما الصقر الرعديد، ال########، الصهيوني، الجاسوس. حتماً قريبي ود الباوقة سوف يرفع أمره لسيده الرئيس، وبعدها لن تسمعوا غير كع...
12-06-2012, 05:18 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
هذا الديك يناصر الحكومة انه غير انقلابى وسيقوم بجولة تفتيشية على كامل الدجاج المتأمر ولا نامت اعين الجبناء وحدة دجاجية وديوكية خلف القائد .. تأكيدا على وحدة الصف الوطنى
12-06-2012, 09:40 PM
عبد المنعم سيد احمد عبد المنعم سيد احمد
تاريخ التسجيل: 10-13-2003
مجموع المشاركات: 11824
لكن يا ود المدير الفكي ده زاتو خازوق كبير ليه قال جدادة ؟ ما كان يقول عتود ؟؟ ولا يعني دايرين يمعطوا ريش الشعب الفضل ؟ فكي ماسورة و حقااار ,, والله صحي
كامل التضامن مع جدادتي الصغيرة الحمراء , نحتسبها في سبيل الله لكن بركة الإستشهدت هسه كان عايشة إمكن كان تكون شوربة في بطن الترابي !! اخير ليها الإستشهاد من إنها تبقى فطيسة في بطن ضلالي ,, والله صحي
12-07-2012, 00:45 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ود المدير (نحن الطيور) اصدقاء المزارع كفانى الزنجى مؤونة السؤال عن صقر ود الباوقة على سيرة الجداد قالو جدادة عفصتا رقشه لما اتمطت فى الشارع قالو قامت اتنفضت وقالت ليهم: احى يا روحى الديوك يا كده يابلاش .. طيب يا معاوية جدادة زى دى ما بتستحق يسمو باسمها شارع من شوارع الخرطوم ماتراهو كل حنبرة او زعيط يموت فداء للانقاذ بسمو باسمه شارع.. يخيل لى الشارع القدام دار المؤتمر الوطنى مناسب جداً يسموهو شارع الجدادة نعمنو الدار دى فيها ديوك عدة لا حصر لهم.. يعنى هسه بقى عندنا صقر ود الباوقة وجدادة قوش عقبال ود ابرق نافع الطيور على اشكالها تقع،،،
هههههههههههههههههه، صديق الموج يا صديق، شارع بس!!!؟ يا اخي المفروض يعملوا ليها نصب تذكاري، فقد ضحت بروحها من أجل الوطن مُش زيكم إنتو يا مناضلي الكيبورد. دي إنضمت إلي قائمة المشاهير، وأصبحت لا تقل شاناً من ديك البطانة وديك المسلمية. شُفت كيف؟!
12-07-2012, 00:51 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ندين ونشجب اقحام الدجاجة في شنطة العربية ونرفع الامر لجمعيات حقوق الدجاج لسوء المعاملة التي لقتها شهيدتنا الوفية ولا نامت اعين الحبناء
سلآم يا الزبير، يا أخوي ما يبقى شجب وإدآنة زي سُوآة أهلنا بتاعين جامعة الدول العربية. إنكربوا، والموضوع دا أكان خليتوهو فات ساكت بتبقى فينا عوجةً كبيرة بالحيل، وبعدين نودي وشنا وين قدآم الجداد ؟...
12-07-2012, 07:10 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
حققو معاهم زي ما دايرين بس، أووووعكم تقولوا عليهم دجالين كلكم طينة وآحدة، وكلكم تمارسون الدجل و الشعوذة.
بلة الغايب دا الزول السقى البشير العسل، والبشير قال، العسل بتاع بلة نفعلوا الحساسية. برضو بلة قال عندو أعشاب أخطر من الضِريسا زاتا، أداها ليهو أخوهو من الجن، وقال كووووولكم قاعدين تمشو تملو بطاطيركم من عندو. أها، أكان جيتو قلتو الناس ديل دجالين، عاد دا اللوم زاااااااتو. والله صحي...
12-07-2012, 11:56 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: الموضوع كله اصله قائم علي "الطيور" يعني بيعتبروا شعب السودان كله طيور.. وفي نفس الوقت يستعينوا بالطيور في حكمه! ..... ..... ياربي إحنا عايشين في ياتو زمن يا معاوية؟؟
ألف سلآمة يا منى، بركة اللأصبعك بقى كويس وبقيتي تكتبي. والله بقينا منتظرين ود ابرك واخوانه، وناس أُم قيردون، والسقدة وسهرا. يعني البلد بقت زي شُدرة الحراز تأوي جميع أنواع الطيور. عايشين في زمن الطير الفي الباقير. نحن منتظرين الجماعة ديل يطيرو، جونا وآحدين بتاعين جداد كمان!!!...
12-07-2012, 12:41 PM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: يا ود المدير الفوكيا ديل كلهم نجاض وردهم حاضر كدا!؟ ما حصل لاقاني فكي كيشة
يا حلبي الفكي طلع حويط وشِفِت، وشديد ولضيّد كمان. صاحبك أوّل ما عصروهو عمل فيها سيدنا يوسف، وقال إني رأيت أحدى عشر كوكبا. داير يظعط الجدادة ويعملآ شوربة لكن المكنة عضّت...
12-08-2012, 01:39 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
... كامل التضامن مع "الفكى" و "الجداده" و "الشعب السودانى ..
عاد يا ود المشرّف الصيوان ما بندقو كيفِن ؟ الجدادة دي جداتاً هيّنة ؟؟؟ أشرف دا بالمناسبة ولي، واكان قال لا يحق عدم تصديقه ومراجعته تُخرج صاحبها من المِلة. أكان قال شهيدة معناتا خلآس شهيدة، ويكون قول الحلبي تأكيّد نعمنا شهادتا ما دايرالآ رفع ضو. التضامن وآجب، وإنتو اصلكم ما بتقصرو...
12-08-2012, 02:27 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ود المدير وضيوفك الكرام السلااااام عليكم يا اهلنا
لكن يا ود المدير الفكي ده زاتو خازوق كبير ليه قال جدادة ؟ ما كان يقول عتود ؟؟ ولا يعني دايرين يمعطوا ريش الشعب الفضل ؟ فكي ماسورة و حقااار ,, والله صحي
كامل التضامن مع جدادتي الصغيرة الحمراء , نحتسبها في سبيل الله لكن بركة الإستشهدت هسه كان عايشة إمكن كان تكون شوربة في بطن الترابي !! اخير ليها الإستشهاد من إنها تبقى فطيسة في بطن ضلالي ,, والله صحي
بت الجنيد، كيف حالك ؟. الفكي يا بت الجنيد وكِت عصروهو قال حلمان الإنقلآب فشل. والله صحي. الجدادة نحتسبها لكن أكان عاشت الترابي ياتو البتصلو مع الفكي الماسورة ؟. دا كان عايزا شوربة لرقبتو يحلم علي حسها بأنه فكي الحكومة الجديدة بمزاج، لكن الجدادة والفكرة اللتنين طارنلو في راسو...
12-08-2012, 03:05 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
يا وضاحة، الفي الصورة الجبتيها دا ديك ما جدادة.بعدين شكلو كدا شايف نفسو شديد. يعني دا لو الضابط حاول ياخدو للفكي كان رفض يركب في الضهرية. دا لو إقتنع اصلاً بحكاية الفكي، وشكلو كدا عشان يوافق علي المشاركة في المحاولة كان حيطلب منصب الرئيس كشرط اوّل وأساسي. المصيبة وقعت في جدادتنا المسكينة دي، وأظن وقعتلك حكايتا.
ألف شكر يا وضاحة...
12-08-2012, 04:29 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
والله تراجي ظلموها ظلم الحسن والحسين. المعلوم إنو الناس ديل في بدآية حكمهم أقروا علي لسان مسئولين كبار بأنّ الجن عرضوا عليهم المساعدة في إرساء دعائم الحُكم. قالوا، البتجي من السما تحملآ الوآطة. غايتو وقعت في أُختنا تراجي لا إيدا، لا كراعا.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
الزنجي
صديق الموج
الامين موسى البشاري
عبد المنعم سيد احمد
الزبير صالح الزبير
Muna Khugali
Ashraf el-Halabi
محمد حيدر المشرف
اسماء الجنيد
وضاحة
Hadeer Alzain
فيس بوك
تويتر
انستقرام
يوتيوب
بنتيريست