|
GPS الصَقُـرْ.. طلع زي سبحة حسن ارابيسك في سرير توحيده ..
|
الناس القُدام التابعو مسلسل أرابيسك من تاليف اسامه انور عكاشه و اخراج اسماعيل عبد الحافظ
بيتذكروا لما " منصور الدوكش " زوج اخت صلاح السعدني لما حب يورطه و يؤلف ليهو قصة ...
رسل الولد " سامبو " ... يسرق توحيده (هالة صدقي) ... و يخت جلابية السعدني في سريرها
عشان يقولوا كان معاها " وكده " ...
قوم يا الود سامبو لما مشي يسرق جلابية حسن ارابيسك " السعدني " اسرق معاها سبحته ...
وبعد ما تسرق توحيده و كمان تكتلها ...قوووم خت الجلابية و السبحة في السرير ...
اها لما جا محاميهو مصطفي بطاطا ... قاليهم الجلابية فهمناها ...
السبحــــة ...السبححححة ... بتعمل ايه علي السريييييير ...
يعني لما تجي تحبِك ليك كضبه ...
خليها حلوة شويه ... وما تزودها ...
عشان البزيد من حدُّه بينقلب ضِدُّه ...
يعني صقر قريش ده معلقين ليهو GPS عشان ما يتوه في ربوع السودان
ولا لما يرجع اسرائيل يعرف سكته ...
ولا رادارتهم " بتتعب " من السيطرة في البلاد الحارة ...
ولا فهمونا الصقر ده كان ماشي بالرموت كنترول ...
ولا بالنظر سااااي ...
|
|
|
|
|
|