**** الأخ صديق الموج و الأخت د. نجاة دعوة من قارئ للتصافي ****

Quote: الفاضل طارق جبريل تحية وأحترام أولا أشكرك على هذه النافذه لأطل فيها على المنبر من جديد لظروف الأيقاف من طرف بكري من فترة وكذالك قلة متابعتي للبورد أريد أن اوجه رسالة لصديقي عادل أبوحسين يقراءها اكبر عدد من الناس رغم أني قد وصلتها ليه بخصوص المصالحة بين دكتورة نجاة وصديق الموج يا أبوحسين جنيت ولا الحاصل شنو رغم اني كتبت ليك وضحكت فيك وفي دقستك بي فتح بوست يا أبوحسين صديق الموج صديقي زي ماهو من صديقك لكن يا أبوحسين مسك العصاية ومساواة الجاني والضحيه وطلب العدل دون اعترف وتوضيح ساي كدا ما بنفع صديق الموج صديقنا كلنا لكن يا عادل هو الغلطان وهو الأساء لدكتورة وما اظن زول في البورد دا ما يكون اطلع على أساءة من صديق الموج لدكتورة نجاة او مطاردته ليها بالمطاعنات والناس بتجاوز وتغمض عنها عشان سن صديق الكبيره والباقي انت عارفه، وياها نفس الأساءات والأذى اللقيته أنت ولسه هسع متواصل هسع يا عادل تسوي شنو لو صديق الموج جا فتح ليه بوست وطالب انكم تتصافوا انت ومعاويه وجا معاويه عمل الاوهام الانت عارفها واظن دي المرحله الجايه ما تدقس يا ابوحسين وانت زول لي هسع الأذى متواصل معاك وياهو داك بوستات التشهير والأساءات ليك في مستراحات الاسافير مفتوحه والوراها انت عارفه منو ؟؟؟ يعني هسع عجبك كلام زيكو دا وجيت جاري هو زيكو دا منو ؟؟ تضمنه كيف ما يكون شبح فاكنه يرقع صديق الموج بعد التعريه والفضح السوته فيه دكتورة نجاة حتى لو كان زيكو دا حقيقي لكن ما اظنه زول متابع يا عادل مش جلسه مع صديق الموج تخليك وقرقره تخليك تجي تطلب يغفروا ليه السواه صديق الموج صديقنا لكن الخبث الزرعه يحصده براه وياكله براه هسع خليه يقلع مسوح البراءه دا ويجي يعترف انه هو البدأ بي مطاردة دكتورة نجاة وأساء ليها ويعترف ويطلب تسامحه وتغفر ليه بطل حركات ناس السعودية الحقيقة والاعتراف فوق الصداقة وفوق الخوه اي زول صديق غلط ياكل ناره ومفروض انت كزول بتعرفه تدقه علي راسه لمن يجي يعترف الايده زي المويه مازي اليده في النار وانت يدك في المويه عشان كدا ما حاسس بي دكتورة نجاه جيت ماسك العصاية من النص مافي زول بقدر يمسح السواه صديق الموج ويسامحه غير دكتورة نجاة يا عادل دقست والباقي بتمه ليك براك أرجوا انت تنقلوا رسالتي للموضوع المعني كمان عبدالعزيز حسين عبدالرحيم