**** الأخ صديق الموج و الأخت د. نجاة دعوة من قارئ للتصافي ****

Quote: العزيز معاوية المدير ياخ تحياتي وأحترامي معليش يا معاويه المنظر ما منظر أنه خاشي في دور زول ما عاوز صلح أو أعتذارات لكن الحق يا معاوية والحقيقة لازم توضح للناس وحكاية شتيمه في الشارع واعتذار في زقاق دي ظالمه الأعتذار حاجه سمحه لكن في ناس ابتذلوه وبقوه حاجه كعبه لأنه في ناس بتفهم أنه الأعتذار دا ضعف قبل كدا قلت في المكان دا الكلام التاي (الأعتذار البجبرو ليه صاحبه يعتذرو ما دايرنو والاعتذار البجلدو صاحبو لمن يقول الروب ويجي يخارج نفسه ما دايرنو الأعتذار يمرق من جوه النفس ومن أحساس بي فداحة الخطأ مرات ما بتكون غلطان لكن بتعتذر لمن تحس انك حرجت ليك زول او مسيت انسان بي كلامك رغم انو صحيح صدق الأعتذار هو المقياس الحقيقي ليقظة الأحساس ونباهة الضمير ) يا معاوية البحصل دا مسك العصاية من النص في زول غلطان وغلطه كبير وهو صديق الموج وفي إنسانه اتضررت ضرر كبير حكاية نجي بي جوديه وبي كلام سمح نلتق الموضوع دا عدم عداله لأنه صديق بهت وكضب ومارس الاتبزاز ولي هسع بمارس الحاجات دي كلامك السمح دا يا معاويه مفروض يقولوا لينا صديق الموج الراجل الكبير العرك الحياه وعركته واتعلم منها الحكمه يقولوا لينا نحنا الكل يوم بنتعلم شي تاني يا معاويه برضه أنت مش يدك في مويه انت يدك في تلج لانك وتحمد ربك لا بتغلط على زول ولا في زول بغلط عليك ولا بتخش في محل انت ما قدره لكن يا معاويه لو فجاءة كدا لقيت نفسك مبهوت ومطارد بي اتهامات ما حا يكون دا موقفك عشان كدا وابوحسين وود البشرى حاسين بي دكتورة نجاة وهي ست الوجعه تخيل كدا يا معاويه انه البوست دا ما انفتح ولا البوست التاني بتاع طارق جبريل فجاءة كدا فتحت البورد لقيت بوست اعتذار من صديق الموج يعترف فيه انه ضايق دكتورة نجاه وانه بهتها وتعدى عليها وطارده وانه بطلب انها تسامحه الساعة ديك كلنا حا نكبر الحاجه ديك وصديق يثبت انه كبير ويثبت لينا مبدأ الأعتذار المقدم بي الأعتراف بالخطأ زي البوست بتاع دكتور بله اليخلي اليطمن القلب لكن صديق الموج شال البوست لبسه يلمع بيه نفسه ومع اول لفه فهم غلط انه دكتورة نجاة ما قبلت الاعتذار مع انها قبلته رجع تاني عاوز يمارس الابتزاز بتاعه بعد دا مافي زول يطالب دكتورة نجاة بي حاجه ياهو داك صديق الموج امشوا قولو ليه السويتو دا اعوج وما بشبه الكبار ومحل ما تلقوه بترصد لي دكتورة نجاة ما ترتو ليه اردموه لمن ضميره يصحى ويعترف بي غلطه ----------------------------- يا زيكو انت بتقول عني المدعو في حين انا كاتب اسمي كامل وانت متخفي بي أسم فياخ احترم صراحتي شويه بعدين انت زول ما محايد هسع يعني غلبك تقول كلمه في السواه صديق الموج وعاوز يحذفوا البوست يعني يا البوست يرقعوا بيه صديق الموج يا يتحذف مش على كيفك وانت ابوحسين ما بتعرفه