|
|
|
 Re: الفنان صلاح ولي عجييب (Re: صديق الموج)
|
صـلاح ولــي دا شــاب جميل ، ومبدع بالجــد ..
شــايف فيهــو إمتداد طبيعي لجيل الرواد من مدرسة التعبير الحركــي أمثال القامــة سيد خليفة ، والهــرم خضــر بشيــر ، والمبدع النور الجيلانــي ..
الاهم من كدا ، إنـو فنــان مثقف ، وواعــي بي الشئ البيقدمــو ..
في شعرة رفيعــة بتفصــل بين الأداء الحــركي المصاحب للغنــاء ، وبين التهــريج .. الشــاب دا قدــر يحافظ عليهـا بإمتيــاز !
| |
  
|
|
|
|
|
|
|
|
Re: الفنان صلاح ولي عجييب (Re: الزنجي)
|
Quote: صلاح ولي دا الفنان البينطط داك
خامة صوتة جميلة
وبينقي الاغاني البتتناسب مع صوتة |
يعني يا الزنجي أنت بتعرفو من زمان؟
ياخ أنا أول مرة أسمعو أمس
تعرف لو خلى النطيط بعد شوية لو ما عمل حسابو حيكون عادي
| |
|
|
|
|
|
|
|
|
|
Re: الفنان صلاح ولي عجييب (Re: حمد عبد الغفار عمر)
|
Quote: حمد الزول ده ناوى يغنى لى حد سن 40 وبس واللا الفكره شنو؟؟
لا نه نطيط زى ده بعد السن ديك كيف تانى ؟ والله الا يدرب ليه قرد
وهو يمسك المايك خلف الكواليس مخير الله،،،، |
والله يا موج الود دا حيرنا الغريبة بعد النطيط دا كلو ولا قطرة عرق مافي
وبهناك هويدا شرف الدين تقول مافي أكل
شباب ياخي بس بي نطيطو دا سن 40 دي ما بحصلها يوم غايتو بتنكسر فيهو مخروقة
ربنا يحفظو
| |
|
|
|
|
|
|
|
|
|
Re: الفنان صلاح ولي عجييب (Re: عبدالله علقم)
|
مرحب حسن نقد
| Quote: في شعرة رفيعــة بتفصــل بين الأداء الحــركي المصاحب للغنــاء ، وبين التهــريج .. الشــاب دا قدــر يحافظ عليهـا بإمتيــاز ! |
بس حركتو كتيرة شديد ورغم ذلك ما منعتو من المحافظة على زمن الغناء
يعني زول قادر يسيطر على أحاسيسو بشكل غريب
| |
|
|
|
|
|
|
|
|
|
Re: الفنان صلاح ولي عجييب (Re: حمد عبد الغفار عمر)
|
Quote: نسخة جديدة منقحة من عبد الله البعيو ..
وفي نفس الوقت باهتة ومشوهة من خضر بشير ..!!
بتكلم عن المظهر والحركة فقط ..!! |
والله يا ناذر كلامك دا ذكرني أغنية:
زولا سرب سربا
وختا الجبال غربا
قنعان
المهم
| |
|
|
|
|
|
|
|
|
|
Re: الفنان صلاح ولي عجييب (Re: حمد عبد الغفار عمر)
|
Quote: ياحمدنا عجيب بتاع وين ياخ !!
إنت بتسمع بنظارتك :))
|
مرحب يا حيدر
والله يا حيدر أنا في السمع دا صعب جدا لا بيعجبني العجب ولا هيثم مصطفى
لكن ما اخفي عليك الزول دا فيهو حاجة كدا بتشد الزول ليهو
على العموم أنا كنت مستمتع معاه لكن السبب شنو ما عارفو
| |
|
|
|
|
|
|
|
|
|
Re: الفنان صلاح ولي عجييب (Re: إسماعيل وراق)
|
اخ حمد
تحية طيبة لك و لضيوفك
اللحن بتا ع اغنية عديله عليك هو نفس لحن اغنية مشيت للعمدة وقال لى ما بمضى - حلاة الزول الحمانى
بنار الكمائن
فقط لزم التنويه ومستغرب كيف فات ذلك على هذه الفرقة الموسيقية الكبيرة
تمنيات بنقاش ممتع وجميل
| |
|
|
|
|
|
|
|
|
|
Re: الفنان صلاح ولي عجييب (Re: إبراهيم عبد الحليم)
|
حمد..حبابك
كتر خيرك ..و كتر خير الشباب هنا..
اتفق مع حسن بكري نفد.. انو الصورة هنا امتداد لأداء خضر بشير ، سيد خليفة.. نور الجيلاني..و البعيو..
اما حكاية النطيط البدون عرق.. ياخي انت شفت حاجة؟..عندي فكرة افتح بيها خيط في اليومين ديل.. البلد كلها قاعد تنطط يا حمد..
الآنسات شهد (12 سنة) و شروق (9سنين)..بالغصب بنحاول ترغيبهم في المزيكا السودانية..و عندهن رأي في ادأء سميرة دنيا..و بيقولن عليها حزينة للغاية..
سمعتهم شرحبيل.. عجبهم شديد و حافظين اللابس البمبي..
اها مرة وريتهم فيديو للبعيو..
شهد قالت..
he knows how to rule the stage
شروق قالت:
he is too clowning
اها وريتهم النور الجيلاني..
شهد قالت:
he knows how to connect with audience
شروق قالت:
he is OK
اها قمت وريتهم.. الفيديو بتاع صلاح (بعد ارفاقك ليهو هنا).. عارف قالن شنو؟..
الإتنين قالن بصوت واحد:
He is Coooooooool
الفكرة.. كل دهر و ليهو ناسو..و الشباب اليومين ديل مع النطيط..
لكن صلاح شفتو في بوست اشرف..و بيأدي اغنية حمد الريح الكتبها سليما ن عبد الجليل (لا سلام)..اداء معقول مقياسا بناس اليومين ديل..و بيقدر يخلق اثر درامي ينسيك حزاينية الغنية..!
و دمتم..
كبر
| |
|
|
|
|
|
|
|
|
|
Re: الفنان صلاح ولي عجييب (Re: Kabar)
|
مراحب يا كبر
Quote: الآنسات شهد (12 سنة) و شروق (9سنين)..بالغصب بنحاول ترغيبهم في المزيكا السودانية..و عندهن رأي في ادأء سميرة دنيا..و بيقولن عليها حزينة للغاية..
سمعتهم شرحبيل.. عجبهم شديد و حافظين اللابس البمبي..
اها مرة وريتهم فيديو للبعيو..
شهد قالت..
he knows how to rule the stage
شروق قالت:
he is too clowning
اها وريتهم النور الجيلاني..
شهد قالت:
he knows how to connect with audience
شروق قالت:
he is OK
اها قمت وريتهم.. الفيديو بتاع صلاح (بعد ارفاقك ليهو هنا).. عارف قالن شنو؟..
الإتنين قالن بصوت واحد:
He is Coooooooool |
ما شاء الله ربنا يحفظهم ويخليهم ليك وصف غاية الدقة
وشيل شيلتك انت معاك نقّاد اساتذة كبار
غايتو ما تحاجج كتير بطيروها ليك في راسك
| |
|
|
|
|
|
|
|
|
|
Re: الفنان صلاح ولي عجييب (Re: إسماعيل وراق)
|
مرحب اسماعيل وراق
Quote: اشاد به شيخ النقاد الفنيين ميرغني البكري كما اشاد به دكتور الدرديري وهو موسيقي مشهور..
صلاح يرجى منه مع قليل من التركيز.. |
طبعا ديل ناس ما بطلعوا أراء مجاملة وبالتأكيد رأوا فيه ما لا نراه
عموما زول بغني بطريقة جهز ليها نفسو كويس ونجح
| |
|
|
|
|
|
|
|
|
 Re: الفنان صلاح ولي عجييب (Re: Abd Alla Elhabib)
|
مرحب عبد الله الحبيب
Quote: محاولة باهتة لأمركة الغناء السوداني
بتقليد حركات ناس الراب والهب هوب
يا ولي ركّاب سرجين بدق الدلجـة |
اتخيل لي ناس الراب والهب هوب بعملوا الرقصة أول وبعد داك بيألفوا الموسيقى ال بتناسب الرقصة 
لو خلى واحد من السرجين ديل يا دوب بدق الدلجة
شكرا
| |
|
|
|
|
|
|
|
|
|
Re: الفنان صلاح ولي عجييب (Re: Elmosley)
|
Quote: شغل موسيقي ممتاز ومنظم وخروج على التقليدية في المسرح
شكرا له وللشباب |
أظنو بعد كلام الأستاذ القامــةالموصلي .. ماف كلام يتقال !
مبروك النجومية يا صلاح ولي ..
| |
|
|
|
|
|
|
|
|
|
Re: الفنان صلاح ولي عجييب (Re: حمد عبد الغفار عمر)
|
| Quote: يعني يا الزنجي أنت بتعرفو من زمان؟ |
سلام يا حمد ولكل المتداخلين
الزول ده انا حضرت ليو حفلة قبل اربعة سنين تقريبا في السودان(حفلة زواج)
بنفس نطيطو ده وبزيادة كمان عارف طلع في راس البيت وإتسلق صهريج الموية
والناس إتفاعلت معاه بطريقة عجيبة والجميل انو بغني اغاني الآخرين وبطريقة جميلة جدا خصوصا اغاني حمد الريح
نتمنى ليو التوفيق والنجاح
| |
|
|
|
|
|
|
|
|
|
Re: الفنان صلاح ولي عجييب (Re: حمد عبد الغفار عمر)
|
أشرف الحلبي يا راقي يا زين
الحالة واحدة ياخ كلا البوستين لتشجيع المواهب
Quote: يا حمد شايف بوستيك دا لما الجلاكين أعداء النجاح
ناس الموج وحيدر حسن وناذر وعلقم هههههههه
ما شفت بوستيك قبل ما أفتح بوست لولدنا |
ما تشوف الكلام دا ، الجلاكين ديل تلقاهم قافلين الصالون وبسكسكوا
بس النطيط دا ما بقدرو عليهو دا عايز high quality cartilaginous fluid
| |
|
|
|
|
|
|
|
|
|
Re: الفنان صلاح ولي عجييب (Re: حمد عبد الغفار عمر)
|
مرحب ابراهيم عبد الحليم
Quote: اللحن بتا ع اغنية عديله عليك هو نفس لحن اغنية مشيت للعمدة وقال لى ما بمضى - حلاة الزول الحمانى
بنار الكمائن |
قعلا نفس اللحن مع إضافة بسيطة للمقدمة
مشكور على الطلة
| |
|
|
|
|
|
|
|
|
|
Re: الفنان صلاح ولي عجييب (Re: حمد عبد الغفار عمر)
|
مرحب سامية حامد
| Quote: بنفس نطيطو ده وبزيادة كمان عارف طلع في راس البيت وإتسلق صهريج الموية |
والله دا فنان مريح لا مسرح ولا الزول يتعب نفسو
تمسكو المايك بس
بس بالطريقة دي ما أظن في زول شاف ليهو عروس أو عريس
طريقتو طريقة غناء جماهيري فعلا
| |
|
|
|
|
|
|
|
|
|
Re: الفنان صلاح ولي عجييب (Re: حمد عبد الغفار عمر)
|
| Quote: he is too clowning |
دي أول حاجة خطرت في بالي لمن سمعت أغنية حمد الريح الوصية لأني حسيتو بصطنع الحركات دي و ليست عفوية كما عند خضر بشير أو البعيو
لكن للأمانة بعد ما شفت فيديو الحفلة الهنا قل بكتير إحساسي بإنها مصطنعة و بديت أحس إنها برضو عفوية
عموماً هو فنان جيد لأنو صوتو حلو و ده أهم شئ
| |
|
|
|
|
|
|
|
|
|
Re: الفنان صلاح ولي عجييب (Re: Nazar Faisal)
|
حلقة البرنامج كانت لطيفة ولى ظريف وعندة 12 عمل خاص ما بقلد
يعنى اخيرا لقينا واحد واثق من نفسة وطلعنا من التفليد وترديد الحقيبة الطلعنا عينها,
بس يا ولى البدل ما بتنفع مع عمرك ولا مع النطيط خليك كاجوال
الى الامام .
| |
|
|
|
|
|
|
|
|
|
Re: الفنان صلاح ولي عجييب (Re: حمد عبد الغفار عمر)
|
مرحب هادية محمد
| Quote: بس يا ولى البدل ما بتنفع مع عمرك ولا مع النطيط خليك كاجوال |
فعلا مفروض يلبس ما يناسب العرض
البدل ما بتشبه النطيط دا وما بعيد تنشبك ليها في كمان ولا جيتار وتحصل كارثة
| |
|
|
|
|
|
|
| |
حمد عبد الغفار عمر
بكرى ابوبكر
الزنجي
وضاح عبدالرحمن جابر
صديق الموج
Hassan Bakri Nugud
ناذر محمد الخليفة
حيدر حسن ميرغني
عبد المنعم سيد احمد
Ashraf el-Halabi
Abd Alla Elhabib
إسماعيل وراق
إبراهيم عبد الحليم
Kabar
Elmosley
طارق جبريل
ساميه حامد
عمار محمد ادريس
خالد عبد الله محمود
Nazar Faisal
فيس بوك
تويتر
انستقرام
يوتيوب
بنتيريست