|
|
 انقلاب ام استعدال
|
لامن تقول عن الحاجة انها "انقلبت" ، لازم تكون عارف عدلتها من قلبتها
ولازم تكون عارف وضعها "الاخير" كان شنو
اتحدى كل من يجزم بي انو يعرف عدلتها من قلبتها
وممكن جدا يكون "توقيف" قوش و ود ابراهيم هو (الانقلاب)
من اعلن عن "ايقافهم"، لا يمكن وصفهم بالتخريبين
كان يكون افضل كلمة "تغيريين"، او "تصحيحيين"
لا اظن ما تم "اعتقال"، وغالبا هو "تحفظ" او تقييد
والقصد منه العزل للحوار
تم الاعلان عن "بشائر" بعد عودة البشير من علاج
ما يحدث جزء من "تهيئة" الميدان لوضع "جديد" كلياَ
جمعة مباركة طيبة زاخرة بالاخبار "الحلوة"
|
|
 
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
هلا يا هندسة
واضحكتنى يار جل وحتى الثمالة وانا صاااحى مبسسسوط من الدمتش الحصل والح يحصل فى العصابة المارقة
وممتع يا هندسة وانت بتحاول تورجغ[IMG]http://www.sudaneseonline.com/db/attention/010_Smile.gif[/IMG
وتحاول تصنع من فسيخ الدراما الحصلت دى شربات لدرجة ذهبت الى توضيف ما حصل باحتمالية العزل للحوار
يااااااااااا راااااااااجل
حوار شنو يا الشفيع البتم مع زول منزوع الحرية
وهل حديثك هذا يعنى بان موتمركم الذى وصفتو الحوار فيه بان حوار نادر وفريد وغطى كل النقاشات لم يستوعب الحوار بين التياارات فى العصابة
مما استدعى قبقبة غوووش وبعض السائحون والضباط من الاسلاميين والتحاور معهم بالزندية
يا الشفيع قليلا من المراجعة ستجد نفسك يا هندسة مغرد فى سرب موغل فى الورجغة والدغمسة
ولو باريتهم حتهدم الحقيقة فى كل مرة تحتاج فيها ان تدافع عن هذه العصابة الاسلامو عسكرية
وسنتابع
| |
|
|
|
|
|
|
|
|
Re: انقلاب ام استعدال (Re: عبدالكريم الامين احمد)
|
لماذا لم يعزل شهداء رمضان من أجل حوارهم يا الشفيع ..
وهل رفض على فضل الحوار ؟!
خطورة الكلام ده انو لا حقوق متساوية للمواطنين فى الدولة السودانية ..
بمعنى الانقلاب ده انقلاب على دولة تفترض انت شرعيتها ولها قوانينها الناظمة لعلاقات الناس بالدولة ..
وبالتالى هناك اجراءات متبعة لانفاذ القانون ..
وينتهى بتقديمهم لمحاكمات عادلة ..
زيهم زى اى سودانى آخر ..
الكلام ده نظرى يا شفيع ..
لانك ولانى والجميع يعلمون اللاوجود للدولة بمعناها السياسي والاجتماعى ..
ولا وجود لمؤسساتها بعيدا عن المؤتمر الوطنى
فما يوجد هو دولة المؤتمر الوطنى لا الدولة السودانية ..
وبالتالى كلامك على العزل من اجل الحوار ممكن ..
وانما وددت أن أكشف حجم التناقض ليس الا ..
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
بالله ؟
الانقاذ الملعونة خراب وتخريب منذ أن أتت وإلى أن تحتويها مزبلة التاريخ
وكل فاسد ارتضى لنفسه ان يكون ترسا من ماكينتها المجرمة القاتلة النتنة مخرب ليس إلا
لعنها الله
ولعن كل من أعانها على فسادها وتخريبها
صغيرا كان أم كبيرا
جــــــ.روا كان أم كــــــــــــــــلبا
إلى يوم الدين
| |
|
|
|
|
|
|
|
|
|
Re: انقلاب ام استعدال (Re: فيصل محمد خليل)
|
الشفيع وراق
تحياتى
صلاح قوش مستودع أسرار ,وجوده مشكلة ,وذهابه مشكلة
والرجل بحسه وحدسه الأمنى من الصعب "أنتفته" وهو لن
يرضى بعد أن شال وش القباحة طوال تلك السنوات أن
يكون فى الظل ,ومسوغات اللجوء والهجرة بالنسبة له
متوفرة بكثرة وإذا ضيقتم عليه الخناق لا أستبعد لجوئه
الى السفارة الفى العمارة وتسليمهم كل الأسرار لضمان
أمنه الشخصى .
دعوات المظلومين تأتى أُكلها ولو بعد حين .
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
يا الشفيع
حكاية التسمية دي ما مهم أبداً في نظري
عملية تخريبية’ انقلاب ’استعدال ’تبديل ’تعديل ’ تغيير ’تصحيح, كله ما مهم
المم هو أنّ هناك تذمّر وخروج عن المؤسسية
وأن هناك صراع داخل المؤتمر الوطني على السلطة
مرض البشير وما احدثه من قيل وقال حول خلافته هو المسبب الرئيس لهذه التحرّكات
وهذا أخطر ما في الأمر
| |
|
|
|
|
|
|
|
|
|
Re: انقلاب ام استعدال (Re: جمال خضر)
|
Quote: سلام وتحية
نصلي الجمعة ونرجع
ولو انتظرتو لي اخر اليوم يكون افضل |
تقبل الله منك
حبيبنا الشفيع
واها انحنا منتظرين
حبل الصبر بربط وبحل
ههههه
مع التحيييييييييييييييييييييية
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
Quote: لامن تقول عن الحاجة انها "انقلبت" ، لازم تكون عارف عدلتها من قلبتها
ولازم تكون عارف وضعها "الاخير" كان شنو
|
هسي يا الشفيع ده كلام زول عارف ليهم قلبة ولا عدلة واللهي ناسك ديل فردة من كل بلد
| |
|
|
|
|
|
|
|
|
|
Re: انقلاب ام استعدال (Re: محمد البشرى الخضر)
|
| Quote: "يعني انت معترف انهم ما مستعدلين" شكراً فيصل خليل دي اهم نقطة في بوست الشفيع ود جيرانا الباقي كلوا ورجغة على قول كيكي |
نها بت احمد عبد القادر
بت جيرانا
وصاحبتنا الزماااان
شرفت ياخي
| Quote: "يعني انت معترف انهم ما مستعدلين" |
شايف الكوت ده اتكرر
وتم الرد عليهو في اول مداخلة يا ناس
انتو ما بتقروا ولّ شنو؟
Quote: لامن تقول عن الحاجة انها "انقلبت" ، لازم تكون عارف عدلتها من قلبتها
ولازم تكون عارف وضعها "الاخير" كان شنو |
بالله ما تبارو فيصل ده، بوديكم التوج
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
بل هو شروع في التخريب ...
زي ما قال الناطق الرسمي باسم الحكومة
| Quote: وكان وزير الإعلام المتحدث الرسمي لحكومة السودان أحمد بلال عثمان قال في مؤتمر صحافي أمس «إن المسؤولين اتهموا بالتحريض على الفوضى، واستهداف بعض القادة |
يا الشفيع ...
المحكمة المحكمة
لو بتعرفوا حاجة سامها دولة ومؤسسات وعدل ونظام .
| |
|
|
|
|
|
|
|
|
|
Re: انقلاب ام استعدال (Re: محمد البشرى الخضر)
|
شفيع يا رااااقل
-------
سميها مربوطة طيب ..
واعني البلد المنكوبة يسار ويمين دي
شوف مخاتلة اللغة "انقلاب تصحيحي“ .. ولا عبرة بالزمان يوليو،نوفمبر .. ولا فرق في عمر الامم بين 1971 ؤ 2012
النجيضة
خبراء الوست بقولوا البجيب مربوطة .. بسقط المربوطة ..
وفي رواية بسقط حكومة مقلوبة اصلاً
| |
|
|
|
|
|
|
|
|
|
Re: انقلاب ام استعدال (Re: قيقراوي)
|
| Quote: حوار شنو يا الشفيع البتم مع زول منزوع الحرية |
يا كيكي دي الطريقة الانقاذية للحوار
وصدقني ح تجيب نتائج
كتار في البوست اثاروا نفس النقطة وبنفس الفهم
ود المشرف قال نفس الحكي، وبعدين "هوّن"، واقر بي انو ممكن ووارد
وانا اتفق معاهو، لانه الحوار بيتم بين اتنين ما مختلفين، احمد وحاج احمد
وما ممكن تدخل لي هنا طبعا شهداء رمضان والشهيد عاي فضل
فتحي
شفت مداخلتك
| Quote: و ما سبقك عليها زول |
كل شيء فيهو اول مرة يا دكتور
جمال خضر
صدقت
قوش رقم لا يمكن تجاوزه "بسهولة"
كمال فرانكلي سلام
الكيزان ديل موية تحت تبن
ومهما بقيت ما ح تعرف هم بسوو في شنو
تظن انه كل واحد فيهم بيعزف نشاذ واشتر، لكن لو انصت ح تلقاهم بيعزفوا سيمفونية راااائعة
انصت
يا ابو روضة
تأكد انك لن ترى مشانق في الخرطوم
انصت ايضاً
| Quote: هسي يا الشفيع ده كلام زول عارف ليهم قلبة ولا عدلة |
ده هو نفس ما قلناهو يا محمد عثمان
| Quote: اتحدى كل من يجزم بي انو يعرف عدلتها من قلبتها |
المكاواة شنو يا ود البشرى
وصدقني (كلو ح يكون تماااام)
وانت تحديداً تنصت بكامل اذنيك
فتحي الصديق
ليس كل ما يقال صحيح، وليس كل ما يعرف يقال
قيقراوينا
انت من جاب "النجيضة"
وفعلا البجيب مربوطة .. بسقط المربوطة
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
Quote: يا ابو روضة
تأكد انك لن ترى مشانق في الخرطوم
انصت ايضاً
|
بالضبط يا الشفيع
لانو شرف النزال ما كان بطموحات
تطلعات بواسل شهداء رمضان
ولا السكة الفي مراد كتائب متمردي المؤتمر الوطني كانت عدل
نقطة سطر جديد
في حاصل الحاصل والمتحصل يا الشفيع
الحكاية مفهومة ومفبركة
محاولة انقلابية
استشعار بتدبير محاولة تخريبية
هناك موجهات قادت اجهزة الامن
لا توجد تهمة حتى الان قدمت للمعتقلين
كلها تصريحات خرجت من نفس اعلام السلطة وروج لها
وكل ذلك
هدفه واضح وصريح
اعلان حالة الطواري تضييق مساحة الحريات وحصار المعارضة المتصاعدة
والاحتمال الثاني
اختبار رؤية الشارع في تقبل انقلاب كيزاني ينقذ المؤتمر الوطني من الحال التي وصل اليها
وكله ما بهم الناس في شي
وكما قال قيقراوي
تبقى الانقاذ في كل ما دبرته ونسجته اخدت اســـــــــــــــــــــــــــــــــــــــنه في قبوله
خالص التقدير والاحترام
| |
|
|
|
|
|
|
|
|
|
Re: انقلاب ام استعدال (Re: فرح الطاهر ابو روضة)
|
Quote: كمال فرانكلي سلام
الكيزان ديل موية تحت تبن
ومهما بقيت ما ح تعرف هم بسوو في شنو
تظن انه كل واحد فيهم بيعزف نشاذ واشتر، لكن لو انصت ح تلقاهم بيعزفوا سيمفونية راااائعة
انصت
|
بصراحة يالشفيع استوقفنتي هذه العبارات التي تعلي من شأن الطغاة والمستبدين والذين غالباً ما يحاولو ان يصورو انفسهم يعلمون دبيب النمل ويعلمون مابين الصدور ..........ثم انهم مقددينها خالص.........وللاسف هناك من المثقفين من يرضي لنفسه ان يكون مايكرفون لتوصيل مثل هذه الرسائل ..........اذكر انه عندما كنا برالمة في مصر ، جاء طالب جديد مقبول بكلية الهندسة ،فاشر لبتاع التاكسي قائلاً :تاكس!!!!!!!!! وهنا وقف بتاع التاكسي قائلا :"تفضل ياباشمهندس" كعادة المصرين عندما ينادون بعضهم بالالقاب والمهن ......وهنا قام صاحبنا مندهش فقال : لا حولاااااااااااا والله الناس ديل عندهم جنس امن!
وكان الاخوة المصرين كثيراً مايرددون ان الحيطة ليها ودان ......في اشارة واضحة لقوة الاجهزة الامنية عهد مبارك .........ولكن حينما هب الشعب المصري داس بهذه الاكاذيب علي ارجله .........ونحن في سودان نميري ايضاً لدينا رصيد كاف من مثل هذه الدعاية الموقلة في "الجهل " مع اسفي طبعاً ان جاءك راس السوط............فكان الناس يرددون في سرهم ان النميري قد زار سراً ومتخفياً المنطقة الفلانية ........وكمان شافو فلان وعلان .......فكانو يتصورون ان للاجهزة الامنية قدرات فائقة ............
الكيزان غالباً ما يوعدون الناس بحياة رغدة ودائماً يرددون ان يوم بكرة جميل دون اي دلائل ولا اشارات ولا مقدمات عما سوف يعملونه .......فطبيعة النظام الامنية ......قد انعكست حتي علي مصائر الناس .....فحتي قرارات التعليم اخذت طابع السرية .........وكذا قرارات الاقالة والصالح العام ........والعلاج وها انت تحدثنا عن مصير انقلابين بانه سيكون مفاجاءة .
فالشفيع دع التطبيل الذي يخصم من رصيدك كسوداني ......
| |
|
|
|
|
|
|
|
|
|
Re: انقلاب ام استعدال (Re: ibrahim alnimma)
|
Quote: المكاواة شنو يا ود البشرى
وصدقني (كلو ح يكون تماااام)
وانت تحديداً تنصت بكامل اذنيك |
لا مكاواة هناك يا شفيع لكن محاولتك اظهار ان الأمور تمام و محصلة ما يحدث مهما كانت ستكون في صالح المؤتمر حقيقة اشبه بطريقة اعلام المريخ
مهما تتالت الهزائم دايما يتحدثوا عن طي الملفات و القادم الأحلى بدون تحليل ونقد حقيقي لما حدث و قبل هذا وذاك الوالي رئيس طوالي
الحصل دا مهما حاولت التقليل من شأنه يبقى دلالة على شروخ عظيمة في بنيان المؤتمر الوطني وخطورتها انها جاءت المرة دي من قلب المؤسسة العسكرية ومن اهل الجلد و الراس لا يمكن اتهامهم بالخيانة و العمالة ولا يمكن اتهام الشيوعيين بقفل البلف المرة دي
وإن فشلت دي فهذا لا يعني فشل الجايات
ونعم انا منصت ومتابع علّي أقرأ نقدا حقيقيا لا على طريقة كلو تمام
لأن أملي كان - وما زال - في التغيير و تنحّي البشير بطريقة واضحة و علنية و سلمية لا عن طريق انقلاب و صراعات قد تفرز مشاكل وتبعات اكبر مما لو ظل البشير على الحكم
| |
|
|
|
|
|
|
|
|
|
Re: انقلاب ام استعدال (Re: ibrahim alnimma)
|
Quote: وها انت تحدثنا عن مصير انقلابين بانه سيكون مفاجاءة .
فالشفيع دع التطبيل الذي يخصم من رصيدك كسوداني ...... |
الاستاذ ود النعمة
لك التحييييييييييية وجمعتك مباركة
نقطة سطر جديد
ياخ حبيبنا الشفيع دا ما للدرجة دي وهسي هو لو كان اخر البوست دا بعد ما صلى واستغفر الله العظيم كم مره
واعقب ذلك بصلاة من الاستختارة ما كان كتب البوست الما موفق دا
لانو والله كوز وهيييييط
وبنقاش وبجادل
لكن البوست دا بالغ فييييييييييييييييييييييه بوش الباب
احترامي لك وللشفيع
| |
|
|
|
|
|
|
|
|
|
Re: انقلاب ام استعدال (Re: فرح الطاهر ابو روضة)
|
بل هي أشبه بمحاولة إغتصاب و زنا المحارم ,وستقود حتما لعواقب وخيمة على الجاني والضحية على السواء من إضطراب في السلوك
واهتزاز في الثوابت والقيم والرغبة الشديدة في الإنتحار أو الإنتقام .
ترى هل هي إرهاصات لتحقق نبوءة سيدنا محمود محمد طه .
| |
|
|
|
|
|
|
|
|
|
Re: انقلاب ام استعدال (Re: معاوية الأرباب)
|
Quote: فتحي الصديق
ليس كل ما يقال صحيح، وليس كل ما يعرف يقال |
الناطق الرسمي باسم الحكومة بيكذب يعني يا الشفيع ..
صح؟؟
-------------------------------------------------------------
طيب كويس ..
تاني الكذبت فيهو الحكومة شنو بخصوص الاستعدال دا ؟
-------------------------------------------
الشفيع ناسك عجاجتم واقفة تقول لي استعدال ؟؟
الخلاف ظهر للعلن ..ثم ظهرت الرغبات بازاحة الرئيس ...(طبعاً دي ما بتتم بالتحانيس) ..
الباقي شنو؟
المافي شنو ؟
المسألة مسألة وقت صدفني ...
--------------------------------------
مأساتنا أننا ظللنا نتفرج على المؤتمرجية وهم يقتلون الوطن ..لزمن ..
والان ..
حان أوان فرحتنا برؤيتهم وهم يقتلون بعضهم بعضاً .
| |
|
|
|
|
|
|
|
|
|
Re: انقلاب ام استعدال (Re: معاوية الأرباب)
|
| Quote: بصراحة يالشفيع استوقفنتي هذه العبارات التي تعلي من شأن الطغاة والمستبدين والذين غالباً ما يحاولو ان يصورو انفسهم يعلمون دبيب النمل ويعلمون مابين الصدور ..........ثم انهم مقددينها خالص.........وللاسف هناك من المثقفين من يرضي لنفسه ان يكون مايكرفون لتوصيل مثل هذه الرسائل |
الأخ ابراهيم النعمة
لك التحية
إستوقفتنى هذه العبارة ,لأن هذا هو الواقع فعلا فأى نظام دكتاتورى يحاول أن يخلق إسطورة من حوله
عن قوته وقوة أمنه وإستخباراته وكذلك سياسييه بأنهم عباقرة يلعبون بالبيضة والحجر وهذه كلها
خزعبلات وأوهام يغطون بها على ضعف النظام وهوانه ويحاولون بها إرهاب معارضيهم .
| |
|
|
|
|
|
|
|
|
|
Re: انقلاب ام استعدال (Re: جمال خضر)
|
الشفيع ..
كنت أكثر ذكاء فيما مضى يا زول ..
ولكنها " مباراة الجداد " على ما يبدو
لا تهمنى مصائر قوش والجماعة المعاهو ..
ولا أكلف نفسي الكتابة حول هذا الموضوع ..
ما يهمنى انهزام مشروعك فى بناء دولة سودانية حديثة ..
وده ياهو مدلول كلامك بوضعك المسألة وكأنها ..
(ديل فى نهاية الامر ناسنا وما بيننا هو الحوار )
ولو كانت هناك دولة ..
لما استقام هذا المنطق فى توصيف العلاقة ما بين مجموعة الانقلابيين وحكومة الدولة المفوضة من الشعب للقيام بواجبات الدولة
ذلك أن القانون .. ولا شيء غير القانون, هو ما يحكم العلاقة الآن بين الدولة وهؤلاء
ولا يوجد فى القانون ما يسمى "العزل للحوار"
هذا هو الاطار الذى تحدثت عنه وفات عليك تماما ..
Quote: كتار في البوست اثاروا نفس النقطة وبنفس الفهم
ود المشرف قال نفس الحكي، وبعدين "هوّن"، واقر بي انو ممكن ووارد
وانا اتفق معاهو، لانه الحوار بيتم بين اتنين ما مختلفين، احمد وحاج احمد
وما ممكن تدخل لي هنا طبعا شهداء رمضان والشهيد عاي فضل |
| |
|
|
|
|
|
|
|
|
|
Re: انقلاب ام استعدال (Re: محمد حيدر المشرف)
|
من المدهش ظهور مافى الدواخل سهوا يا شفيع
قلت ..| Quote: انه الحوار بيتم بين اتنين ما مختلفين |
ما مختلفين على الاطلاق ..
ولو نحينا أكاذيب عبدالعاطى وبلال حول الدولة الشرعية الموجودة الآن ..
نجد أن الفكر الانقلابى متفق حوله تماما ..
كيف لا وهم جميعا يرضعون الآن فى آثدائهِ الحرام !!
| |
|
|
|
|
|
|
|
|
|
Re: انقلاب ام استعدال (Re: محمد حيدر المشرف)
|
سلام
الاستعدال يا الشفيع بتم في البرلمان بالمناقشة
لكن زول بحرك دبابة دا زول إنقلاب رأسو عديل
| Quote: البجيب مربوطة .. بسقط المربوطة .. |
ممكن يجيبها
لكن لو ما حريف ما بسقطا
ياخي في ناس المربوطة دي بسقطوها مقصات ساي
| |
|
|
|
|
|
|
|
|
|
Re: انقلاب ام استعدال (Re: حمد عبد الغفار عمر)
|
Quote: كنت أكثر ذكاء فيما مضى يا زول ..
ولكنها " مباراة الجداد " على ما يبدو
لا تهمنى مصائر قوش والجماعة المعاهو ..
ولا أكلف نفسي الكتابة حول هذا الموضوع ..
ما يهمنى انهزام مشروعك فى بناء دولة سودانية حديثة ..
وده ياهو مدلول كلامك بوضعك المسألة وكأنها ..
(ديل فى نهاية الامر ناسنا وما بيننا هو الحوار ) |
احيك ياودالمشرف وأثمن عالياً ما جئت به ..........دائماً تعرف محل الضربة القاضية .........
فتحياتي وشكراً لك بكل بساطة تعرف هزيمة الظلام
| |
|
|
|
|
|
|
|
|
|
Re: انقلاب ام استعدال (Re: ibrahim alnimma)
|
ابراهيم سلامات ياخ وكيف الحال ..
وانظر عنوان الشفيع .. ( انقلاب ام استعدال )
وكأن فى الأمر حركة تصحيحية ما ..
ثم انظر لمقالة خالد التجانى النور فى الراكوبه ..
ويشير بحصافته المعهوده لتصورات أو خرافات الاصلاح فى الحركة الاسلامية ..
| Quote: لم يكن هناك تيار إصلاحي ولا آخر محافظ يتصارعان في المؤتمر حول رؤى أو أفكار أو سياسات جدية لتغيير مسار البلاد وإبعادها من حافة الهاوية, كان مجرد تنازع بين أفراد يتسابقون للحفاظ على السلطة أو الوصول إليها, كان الصراع حول السيطرة على قاعدة نفوذ في الصراع المحتدم على السلطة. بين من يريدون الإبقاء على المعادلة الراهنة, استمرار نفوذ قاعدة السلطة الوحيدة المستمدة من المؤسسة العسكرية, وهو ما يتطلب أن تبقى نسخة "الحركة الإسلامية" التي يريدونها مجرد جمعية خيرية مشغولة بالدعوات والعمل الصالح الذي لا وجود له, تاركة السياسة والنفوذ والسيطرة لحزب كسيح لا يعدو ان يكون هو الآخر مجرد مصلحة حكومية بائسة. ولتبقى الطبقة المسيطرة على الحاءات الثلاث, الحكومة والحزب والحركة, هي المتحكمة في كل شئ. |
| |
|
|
|
|
|
|
|
|
|
Re: انقلاب ام استعدال (Re: ibrahim alnimma)
|
سلام وتحية تاني
Quote: لحكاية مفهومة ومفبركة
اعلان حالة الطواري تضييق مساحة الحريات وحصار المعارضة المتصاعدة |
كل يغني على ليلاه يا ابو روضة
حاصل الحاصل ما ح تعرفو الا يقولو
| Quote: فالشفيع دع التطبيل الذي يخصم من رصيدك كسوداني ...... |
ابراهومة
دي قرايتي لي حاصل الحاصل زي ما قال فرح
ونديك الانجض من نجيضة قيقراوينا
وقالها ليكم فرانكلي
الحاكمين ....كيزان
والبتظاهروا بالجد جد ....كيزان
والمعارضين جد جد ......كيزان
والبتسجنه جد جد ...كيزان
والبعملو الانقلابات .....كيزان
اين انتم؟؟؟؟
وازيدك
لو فعلا الجماعة ديل شاعرين بي اقل "تهديد"، هل تتخيل انكم ح تشوفوا "اختلافاتهم"
الجماعة ديل يا ابراهومة معتبرنكم "صفر على الشمال"، وما محترمنكم وما معتبرنكم
يعني وجودكم وعدمه سيان
| Quote: لأن أملي كان - وما زال - في التغيير |
ود البشرى يا حبيب
اطمنك
التغيير قادم قادم
والمكاواة قصدت بيها جماعة الوالي
معاوية الارباب ازيك
| Quote: الناطق الرسمي باسم الحكومة بيكذب يعني يا الشفيع .. |
لا
بس ما بالضرورة يقول كل الحقيقة
هل تظن ان العميد/ كمال عبد المعروف بعيد من الموضوع؟
| Quote: حان أوان فرحتنا برؤيتهم وهم يقتلون بعضهم بعضاً . |
ح تنتظر كتير وكتير يا فتحي
| Quote: يغطون بها على ضعف النظام وهوانه |
الضعيف ده بي لزة ساي بيسقط يا جمال
| |
|
|
|
|
|
|
|
|
|
Re: انقلاب ام استعدال (Re: ibrahim alnimma)
|
كلنااقرار ان هنالك خلاف حاصل بين المجموعة المتنفذة داخل الحزب
-لو سلمنا ان المؤتمر الوطني حزب-/الدولة-مع ان ملامح الدولة نفسها تكاد تتلاشى
في البلد-،
الخلاف لم يعد داخل الاطر الداخلية ولكنه طلع للهواء الطلق مسلح ، ودامي هذه المرة .....
طيب ،
الخلاف لم يكن سببه الفساداو المظالم او الغلاء او انهيار الدولة،
وتعطل مصالح الشعب وانسداد الافق امامه،
كلا هذا لم ولن يكن سبب الخلاف ....
ولكن خلافهم حول السلطة واستحقاقاتها ومزاياها...
وحول الاتجاه نحو تطرف اكثر كلما انعصرت الحكومة/المؤتمر الوطني كلما اتجه نحو الدين والشريعة والتطرف ...
............................
هذا خلاف نحن الشعب لا ناقة لنا فيه ولا مصلحة ...
وكل تيار اشد سؤا من الاخر ،
............................
ملاحظة اخيرة معظم الكيزان لم تعلن اي موقف حتى الان ولن تعلن
منتظرة انتصار اي تيار لا فرق عندها...
وتعلن الولاء والطاعة وتنطلق تبحث عن مصالحها او قل استمرار مصالحها،
...........................
كل هذا لن يصرف قوى التغيير الحقيقية عن رص صفوفها وانجاز ثورتها،
فالنظام الان في اضعف حلقاته ...
| |
|
|
|
|
|
|
|
|
|
Re: انقلاب ام استعدال (Re: عبدالمنعم الطيب حسن)
|
| Quote: من المدهش ظهور مافى الدواخل سهوا يا شفيع |
ومنو القال ليك "سهوا" يا ود المشرف؟
| Quote: كنت أكثر ذكاء فيما مضى يا زول .. |
هي رسالة واضحة يا دوك
الجماعة متماسكين كما هم
وما تحلموا به من انشقاق ثم انهيار لن يحدث
ما يحدث هو "حوار داخلي" بلغة هم بفهموها
وسيأتي تغيير او سميهو "تصحيح"
| Quote: هذا هو الاطار الذى تحدثت عنه وفات عليك تماما .. |
ما فات علي يا دوك
حتى ولو فهمت اني اقصد ان ما يدور "دولة داخل دولة"، فهو امر "داخلي"
ما "يليكم" كمعارضة او حتى كشعب، هي دولة "مؤسسات" كاملة الدسم
لذا "قيل" لكم (اعمال تخريبية)
Quote: وانظر عنوان الشفيع .. ( انقلاب ام استعدال )
وكأن فى الأمر حركة تصحيحية ما . |
طيب يا دوك
ورينا رايك شنو؟
تحليلك شنو؟
Quote: الاستعدال يا الشفيع بتم في البرلمان بالمناقشة
لكن زول بحرك دبابة دا زول إنقلاب رأسو عديل |
مراحب الحبيب حمد ود عبد الغفار
كلامك سليم
وقنا الحصل هو (عزل للحوار)، يعني برضها اقرب للبرلمانية
يا اخوي ما شفنا لينا دبابات
| Quote: مسلح ، ودامي هذه المرة |
ده كلام شنو يا عبدالمنعم الطيب حسن
| Quote: هذا خلاف نحن الشعب لا ناقة لنا فيه ولا مصلحة ... |
كلامك سليم
ده "شأن داخلي" بين اصحاب وحبايب، انتو بس امرقو منها
| Quote: ملاحظة اخيرة معظم الكيزان لم تعلن اي موقف حتى الان ولن تعلن منتظرة انتصار اي تيار لا فرق عندها... |
نحنا مع التصحيح (قوش وعبد المعروف)، اها سجل عندك، ده "موقف"
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
حبيبنا الشفيع ..سلامات وكل سنة وانت طيب ..
Quote: لا اظن ما تم "اعتقال"، وغالبا هو "تحفظ" او تقييد
والقصد منه العزل للحوار |
يعني اى واحد دايرين يحاوروه يتحفظوا عليهو بالعزل ؟!!
الشفيع انت اذكى من انك تبرر بكلام زي ده ..
الكلام ده يقولوا محمد فرح او اى شبح آخر ..
تحياتي ،،
| |
|
|
|
|
|
|
|
|
|
Re: انقلاب ام استعدال (Re: فايزودالقاضي)
|
Quote: لماذا لم يعزل شهداء رمضان من أجل حوارهم يا الشفيع ..
وهل رفض على فضل الحوار ؟!
خطورة الكلام ده انو لا حقوق متساوية للمواطنين فى الدولة السودانية ..
بمعنى الانقلاب ده انقلاب على دولة تفترض انت شرعيتها ولها قوانينها الناظمة لعلاقات الناس بالدولة ..
وبالتالى هناك اجراءات متبعة لانفاذ القانون ..
وينتهى بتقديمهم لمحاكمات عادلة ..
زيهم زى اى سودانى آخر ..
الكلام ده نظرى يا شفيع ..
لانك ولانى والجميع يعلمون اللاوجود للدولة بمعناها السياسي والاجتماعى ..
ولا وجود لمؤسساتها بعيدا عن المؤتمر الوطنى
فما يوجد هو دولة المؤتمر الوطنى لا الدولة السودانية ..
وبالتالى كلامك على العزل من اجل الحوار ممكن ..
وانما وددت أن أكشف حجم التناقض ليس الا .. |
اكيد ما كتبه المشرف لا يحتاج الى زيادة , لا توجد دولة سودانية
لكن امثال الشفيع وراق لا يرعون في التمرق والتملق وصناعة شربات من فسيخ الفساد و اشكالية الشفيع وراق هو اللاهُوية السياسية التي يعيشها في الغربة
ويعمل بصميم التزييف من اجل ارضية تجمعه بهُوية مفقودة من كي لى كي يبحث عن ذاته المتناقضة ويحاول اجادة فن الوصول في بحيرة الشيطان هنيئاً لك
ودعك في بحثك المضني عن شطآن الاخوان عساك تصل ,,, بحق الواحد يشفق عليك كثيرا على من تتعثر خطاه في الخمسينات .
...........................................................................................................حجر.
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
يا جماعة الخير
المسألة واضحة لا حوار ولا يحزنون
ناس طمعانة في السلطة، والسلطة مشت لي ناسها بالارهاب وبالترغيب وبالتزوير، والحركة الحصلت دي مقروءة بما حدث في مؤتمر الحركة الاسلامية.
الناس دي زي ما قال الشفيع محبوسين للحوار، والحوار واضح جداً وكالآتي:
يا صلاح قوش الحركات البتعمل فيها دي شنو؟
قوش: يعنى تلحسوا براكم ونحن نصيع
يا صلاح آخرو شنو، يعني داير شنو؟
قوش: يعنى عامل فيها ما عارف، كدي ارجع لآخر محاولة "تخريبية" قائدها وين هسه
ها ها ها قصدك "ابو ساطور" الحاج آدم
قوش: كتلتو كتل
طيب كدي خلينا نشوف ليهو سفرية على التونسية" والامور تهدأ شوية، ونختك في محلو
قوش: كلام زي الورد
، عليك الله ماتنسي في باقي عمولة اجهزة التجسس الاشتريتا ليكم من بريطانيا، قالوا الزول الحيوان بتاع المالية دا وقف الشيك بالله خليهو يوقع الشيك ويمضاهو بي سرعة.
ما في مشكلة بس بعدين ما تناسنالمن تبقى نائب رئيس وتعمل فيها نايم لازم ينوبنا من الحب جانب، لانو لو ما عملت كده، اخوك طوالي حيعمل ليهو محاولة "تخريبية"
قوش: ها ها هو بعد داك بيكون فضل فيها حاجة يخربوها، المهم بالله خلى الجماعة ينفذوا سريع نلقى لينا عضة قبل ما تتفرتق.
| |
|
|
|
|
|
|
|
|
|
Re: انقلاب ام استعدال (Re: الصادق اسماعيل)
|
عشان كده يا جماعة كلام الشفيع دا ما ترموهو في الواطات، البيحصل دا محاولة "لأسلمة" أدب الحوار، تأسياً بأصحاب الرسول "ص" عليه وسلم في حادثة "السقيفة".
Quote: عن عائشة زوج النبي صلى الله عليه وسلم قالت: إن رسول الله لما مات
اجتمعت الأنصار إلى سعد بن عبادة في سقيفة بني ساعدة فقالوا: منا أمير و منكم أمير
فذهب إليهم أبو بكر و عمر و أبو عبيدة فذهب عمر يتكلم فأسكته أبو بكر
و كان عمر يقول: والله ما أردت بذلك إلا أني قد هيّأت كلاماً قد أعجبني خشيت ألا يبلغه أبو بكر
ثم تكلم أبو بكر فتكلم أبلغ الناس فقال في كلامه: نحن الأمراء وأنتم الوزراء
. فقال حباب بن المنذر: لا والله لا نفعل منا أمير و منكم أمير. فقال أبو بكر: لا و لكنا الأمراء
وأنتم الوزراء هم أوسط العرب داراً –يقصد قريشاً- و أعزهم أحساباً بايعوا عمر أو أبا عبيدة
فقال عمر: بل نبايعك أنت فأنت سيدنا و خيرنا و أحبنا إلى رسول الله ـ صلى الله عليه وسلم ـ فأخذ عمر بيده وبايعه الناس |
وواضح من هم المهاجرون ومن هم الانصار.
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
| Quote: الضعيف ده بي لزة ساي بيسقط يا جمال |
الشفيع سلام
البلد تعيش فى ظروف إقتصادية بالغة السوء والمواطن يعانى الأمرين معيشة ,صحة , تعليم
الزراعة خارج الشبكة والصناعة لا محل لها من الإعراب , الحروب مشتعل إوارها فى
النيل الأزرق وجنوب كردفان ودارفور , إسرائيل تُكثر من زياراتها ووزير دفاعك عايز
يصدهم بالنظر , هو السقوط ده شنو يا الشفيع ؟
| |
|
|
|
|
|
|
|
|
|
Re: انقلاب ام استعدال (Re: جمال خضر)
|
الرفاعى سلام ..
من المهم جدا أن يتحدث الشفيع بمنطق الطير هذا ..
من المهم أن يدفعوا جميعا للحديث دفعا..
وحتى تستبين عورة هذا النظام تماما ..
ويتعروا من آخر حرف للمنطق .. ..
وليقوموا للناس هكذا .. وتماما كالذين يتخبطهم الشيطان من المس ..
ولعل حديث على عثمان الأخير يكون مفهوما فى هذا السياق ..
عذرا يا شفيع ..
تعلم جيدا أن ليس هناك جوانب شخصية فى الأمر ..
ولكنك فارقت المنطق كثيرا بهذا الإعلان عن التماسك الداخلى لدولة المؤتمر الوطنى ..
تحياتى ..
| |
|
|
|
|
|
|
|
|
|
Re: انقلاب ام استعدال (Re: جمال خضر)
|
يا حجر ياخي اكتب بالعربي عشان نرد ليك
اقطع دراعي لو انت فاهم نص ما تكتبه
يا الصادق
ياخي خليك مع جادات
مالك اليومين فكيتو
"السقوط" معروف يا جمال
كلامك بقول "آيلة للسقوط" وده بتقال من كمطاشر سنة
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
Quote: يا الصادق
ياخي خليك مع جادات
مالك اليومين فكيتو
|
والله لقيتك اصعب من جادات وسائر على نفس الدرب ضميتك للقائمة.
بعدين يا خي انا الوحيد المتفق معاك في تحليلك، بس حبيت اشرح لي الناس الهنا المعنى الاسلاموي للحوار.
تصدق ديل قايلين الاسلامويين بيتحاوروا بي نفس الطريقة العادية بتاعت الناس.
عشان كده ذكرناهم بالحوار مع الحاج آدم، وهسه بنذكرهم برضو بالحوار مع الشهيد جون قرنق والحوار مع منى اركو وكل من عارض النظام.
يبدأ الحوار بالشتائم وممكن ان يؤدي للحرب ثم يحصل الماحاوَر معه على منصب رئاسي رفيع
وانتا عايز توصل المعلومة.
خذلتني يا رجل توقعتك ان تشيد بمداخلتي ودعمي لوجهة نظرك في أن الموضوع مجرد "حوار"
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
يا شفيع ..
ياخى انت زول متعب جدا ..
شنو شابكنى رأيك رأيك !!
وانا طيلة هذه الجمعة ما عندى شغله غيرك ..
كاتب ليك 4 مداخلات فى بوست غزة الفلسطينية والسودان وايران ..
و3 مداخلات هنا ..
ولسه شابكنى رأيك شنو ؟!
أمشي عبرنى بهناك فى الأول ..
ونجى نشوف البوست ده حيمشي وين ..
مع العلم انى وافقتك فى رأيك ..
وقبال الصادق اسماعيل كمان !!
| |
|
|
|
|
|
|
|
|
|
Re: انقلاب ام استعدال (Re: محمد حيدر المشرف)
|
Quote: اخبار العاشرة الرئيسية (سكتم بكتم)
كأنو ما كان في مؤامرة تخريبية
حتى التنويهات الفي الشريط سحبوها |
الحوار بيكون انتهي
هسه بيكونوا بيفكروا في المناصب الحياخدوها الجماعة ديل كنتيجة للحوار.
الجماعة اطلقوا سراحهم قبل تلاتة ساعات.
| |
|
|
|
|
|
|
|
|
|
Re: انقلاب ام استعدال (Re: عاطف عمر)
|
عاطف سلامات وكيف الاحوال ..
وشكرا للفت الانتباه لتناقضى مع الفكرة التى دعوت الناس اليها فى البوست التالى
نحنا ذاتنا غلطانين البنتحاور مع الأرزقيه فى هذا المنبر ..
وسأناقشك لو سمحت لى وسأناقش أفكارى بكل أريحية وأنتقدها ذاتيا وأنتقد موقفى الحالى ولا مشكلة فى ذلك مطلقا..
بل هى فضيلة تدربت وتربيت عليها
وأعلم يفينا أنك لا تسعى ولا يهمك تحقيق نصر ذاتى ولكن ..
ولنثبت هذا أولا ..
حديثك عن مقاطعتى لك ..
حديث غير صحيح ..
لم يحدث أن فكرت مجرد تفكير أن أشملك بتلك المقاطعة ..
Quote: وكان الرد من ناحيته سريعاً
طبق فى نظريته وشلمني بـ ( مقاطعته الكريمة )
لم يرد على رأيي الذي طلبه
ذكرته
فما زاد على أن كتب كلاماً كثيراً لكنه لم يقل شيئاً |
عدم الرد على مداخلة أولا ثم الرد عليها بكلام تراه انت كلاما زائدا أو بلا قيمة ..
لا يفيد هذا هذه الخلاصة مطلقا ..
هذا بالاضافة ل - وهو الاهم - احترامى الكبير لك وللود الكثير الذى أحمله نحوك ..
تحياتى ..
| |
|
|
|
|
|
|
|
|
|
Re: انقلاب ام استعدال (Re: عاطف عمر)
|
Quote:
"السقوط" معروف يا جمال
كلامك بقول "آيلة للسقوط" وده بتقال من كمطاشر سنة |
الأخ الشفيع
تجربة الإنقاذ والفشل الذريع فى إدارة كل الملفات والفساد الذى عم
كشف للناس مدى عدم مصداقية أولئك القوم وبعدهم عن تعاليم الدين
الحنيف فقفز من السفينة الغارقة كل من يحمل ذرة ضمير وتبقى
المتسلقين والمنتفعين (الكلام ده مقصود به ناس الداخل ) ولم
أستوعب الى الآن أنتم الموجودون فى الخارج لماذا تدافعون
عن حكومة فاشلة وفاسدة ؟ أم أنكم لا ترون ما يراه الناس فى
الداخل وشايفين أن الأوضاع على ما يرام والبلد تسير بخطى حثيثة
لتصير دولة عظمى تصنع وتصدر للآخرين ما يحتاجون من أغذية
وتكنولوجيا .
| |
|
|
|
|
|
|
|
|
|
Re: انقلاب ام استعدال (Re: جمال خضر)
|
Quote: لامن تقول عن الحاجة انها "انقلبت" ، لازم تكون عارف عدلتها من قلبتها
ولازم تكون عارف وضعها "الاخير" كان شنو
اتحدى كل من يجزم بي انو يعرف عدلتها من قلبتها
وممكن جدا يكون "توقيف" قوش و ود ابراهيم هو (الانقلاب) |
الرد منقولاً من الفيسبوك:
| |
|
|
|
|
|
|
|
|
|
Re: انقلاب ام استعدال (Re: محمد أبوالعزائم أبوالريش)
|
اخونا عاطف عمر
لا تأسى على ما فات
ولا تحس باي عقدة ذنب
وانا متأكد انو الموضوع "كان" على غير ما يراد له
ولابد من ما ليس منه بد
وقعت عليك بالخطأ، لانك اتواجدت في الزمان والمكان الخطأ
وتأكد ان ما خطته يداك بكل حسن نية، ليس هو السبب
وما كان كان سيكون، بك او بدونك
تحياتي يا حبيب
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
Quote: الحاكمين ....كيزان
والبتظاهروا بالجد جد ....كيزان
والمعارضين جد جد ......كيزان
والبتسجنه جد جد ...كيزان
والبعملو الانقلابات .....كيزان |
باشمهندس الشفيع
بالله التاريهم الجماعة من ال28 ضابط الجزروهم في رمضان مروراً بعلي فضل و رفاقه الماتوا في المعتقلات و ماتنسي التمت تصفيتم سٌكيييتي..
و الشباب الكانوا بيتظاهروا في هبات سبتمبر 95 سبتمبر96 يونيو2012 وووووووووو تطول القائمة
ديل كلهم طلعوا كيزان؟؟؟؟
والله لكن الكيزان ديل كتار كترة!!
...
غايتوا الكيزان من ناحية حاكمين..حاكمين
و المعارضة من ناحية انها ما (جد جد) فدي برضو بتفق فيها
| |
|
|
|
|
|
|
|
|
|
Re: انقلاب ام استعدال (Re: زياد جعفر عبدالله)
|
Quote: ولم أستوعب الى الآن أنتم الموجودون فى الخارج لماذا تدافعون
عن حكومة فاشلة وفاسدة ؟ أم أنكم لا ترون ما يراه الناس فى
الداخل وشايفين أن الأوضاع على ما يرام والبلد تسير بخطى حثيثة
لتصير دولة عظمى تصنع وتصدر للآخرين ما يحتاجون من أغذية
وتكنولوجيا . |
الاخ جمال
الرد ادناهو كتبته قبل قليل للاخ هشام هباني
وصدقا، وانا اكتب الرد استصحبت مداخلتك
{انا كنت وما زلت ادعم حكومة الانقاذ وبكل قوة
دعمي لها غير محدود عن قناعة تامة
القناعة دي لم تتم "هكذا" ولكن جاءت بعد تمحيص وتفكير كتير
الموضوع ليس بمكاواة او كراهية للمعارضة كما ذكرت
الموضوع لم يكن ابدا ناتج من "خالف تعرف" كما يتهمني الكثيرين
الانقاذ كانت وما تزال هي الخيار الامثل لحكم السودان
اي سوداني مخلص لوطنه ومحيط بالمهددات المحيطة بالسودان ح يصل للقناعة دي عاجلا او آجلا
اي سوداني معارض "حقيقي" للانقاذ، اما ان يكون:
- لا يفهم حقيقة ما يجري و"مهمش" اعلامياً
- او كاره لما يقال عن "التوجه الاسلامي" للحكومة لدرجة ان يضحي بالبلد في سبيل ان لا "ينجح" هذا التوجه
- او فقد "مصلحة شخصية"
والكلام والانشاء الكتير عن الحرية والديمقراطية يبذل فقط للاستهلاك
ما هو "متاح" من حريات الان اراهو "اكتر من كاف"
الديمقراطية، اراها وسيلة وليست "غاية"
ولو تم تم تحقيق هذه "الغاية" بغيرها، لكفى
انت تحدثت عن "مظالم" طالت افراد او حتى جماعات
لا استطيع ان انفي "صدقا" هذه المزاعم او ان أؤكدها
بفرض "صدقها"، قطعا لا ادعمها، اتفهم بعضها
بعضها قد يكون حدث نتيجة اخطاء او سوء تقييم، ولا اظن انها "استراتيجية ممنهجة ثابتة"
بعضها فرضته ظروف مرحلية مؤقتة
انا ومعي الكثيرين كنا اول من تضرر، صبرنا واحتسبنا
اي ثورة لابد لها من شهداء
واي انجاز لابد له من اخطاء
هكذا اراها
هكذا اقرأها
هل هناك فساد
نعم
فساد كبير وممنهج
نعم
ولكن هل الحل بالقتلاع وهد البنيان
لا
الحل في التصحيح والنصح والتصالح
ارى:الحكومة يقوم عليها "اناس صالحون"،و لو وجدوا دعم كبير ولا محدود من الشرفاء النزيهين، لاغناهم عن دعم المفسدين
هكذا اراها
هكذا اقرأها
انت ترى ان المعارضة "مليئة" بالعيوب
وانا ارى ان المعارضة "الحالية"، هي "العيب" نفسه
وان 90% من مشكل السودان مصدره الاساسي هو هذه المعارضة المعيوبة
المعارضة يا هشام وصلت لقاع القاع
المعارضة يا هشام لم تعد تفرق بين معارضة النظام ومعارضة السودان
المعارضة يا هشام قطعت كل الخطوط الحمراء وفقدت كامل الحس الوطني
المعارضة يا هشام اصبح همها الاول والوحيد هو اسقاط النظام، وباي ثمن
المعارضة يا هشام جازفت وضحت بجنوب السودان في سبيل اسقاط النظام
المعارضة يا هشام مستعدة الان للمجازفة والتضحية بجنوب كردفان ودارفور في سبيل اسقاط النظام
المعارضة يا هشام تطالب بحصار السودان، ولا يهمها ما يصيب الشعب من جوع وفقر ومرض، وده فقط في سبيل اسقاط النظام
المعارضة يا هشام مستعدة للتحالف مع اعداء السودان في سبيل اسقاط النظام
المعارضة يا هشام "بليدة" وغير قابلة للتعلم
انا على يقين وقناعة تامة، ان اسوأ ايام السودان قد مرت وتركناها خلفنا
والسودان بحول الله مبشر بخير وفير
شعب السودان شعب عظيم
متدين ومتسامح
وعلاقته بي الله قوية
والله سبحانه وتعالى لن يخذله
«ألا وإن من آدم و إليَّ ثلة وأنا وأمتي ثلة ولن تكتمل ثلتنا حتى نستعين بالسودان من رعاة الإبل ممن شهد أن لا إله إلا الله وحده لا شريك له»}
وان ترى انها لا تخاطب استفهامك، سأعود للتوضيح
ولك خالص التحية
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
والله يا حبيبنا الشفيع طلعتا انا دا فيهم لمن كنا طلبة سوغااااار :)
لا سمعتا ولا زول حكاهو لي...و كمان أقوى و اعنف من بتاعت يونيو...ياخي ديل جابو لينا دبابة و نزلوا الجيش (اتخيل لي بتاعة95)
جماعتك ديل ورونا عروض لمن فهمنا حاجة...قسماً بالله ضربوا فينا ذخيرة في شار القصر لمن آمننا:)
غايتو أنا جات سليمة أخوك بس نظارتو اتكسرت في واحدة فيهم
الله غالب بس.
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
Quote: الاخ جمال
الرد ادناهو كتبته قبل قليل للاخ هشام هباني
وصدقا، وانا اكتب الرد استصحبت مداخلتك
الانقاذ كانت وما تزال هي الخيار الامثل لحكم السوداناي سوداني مخلص لوطنه ومحيط بالمهددات المحيطة بالسودان ح يصل للقناعة دي عاجلا او آجلا
اي سوداني معارض "حقيقي" للانقاذ، اما ان يكون:
- لا يفهم حقيقة ما يجري و"مهمش" اعلامياً
- او كاره لما يقال عن "التوجه الاسلامي" للحكومة لدرجة ان يضحي بالبلد في سبيل ان لا "ينجح" هذا التوجه
- او فقد "مصلحة شخصية"
انت تحدثت عن "مظالم" طالت افراد او حتى جماعات
لا استطيع ان انفي "صدقا" هذه المزاعم او ان أؤكدها
بفرض "صدقها"، قطعا لا ادعمها، اتفهم بعضها
بعضها قد يكون حدث نتيجة اخطاء او سوء تقييم، ولا اظن انها "استراتيجية ممنهجة ثابتة"
بعضها فرضته ظروف مرحلية مؤقتةانا ومعي الكثيرين كنا اول من تضرر، صبرنا واحتسبنا
اي ثورة لابد لها من شهداءواي انجاز لابد له من اخطاء
هكذا اراها
هكذا اقرأها
هل هناك فساد
نعم
فساد كبير وممنهجنعم
ولكن هل الحل بالقتلاع وهد البنيان
لا
الحل في التصحيح والنصح والتصالح
ارى:الحكومة يقوم عليها "اناس صالحون"،و لو وجدوا دعم كبير ولا محدود من الشرفاء النزيهين، لاغناهم عن دعم المفسدين
هكذا اراها
هكذا اقرأها
انا على يقين وقناعة تامة، ان اسوأ ايام السودان قد مرت وتركناها خلفنا
والسودان بحول الله مبشر بخير وفيرشعب السودان شعب عظيم
متدين ومتسامحوعلاقته بي الله قوية
وان ترى انها لا تخاطب استفهامك، سأعود للتوضيح
ولك خالص التحية |
الأخ الشفيع
تحياتى
الخيار الأمثل لحكم السودان دى نفهمها كيف يعنى وجماعتك منذأن توهطوا فى حكم السودان بدأوا بتطبيق سياسة التمكين
بدأوا بشن حرب ضد كل من لا ينتمى للجبهة الإسلامية سلطوا الصالح العام على رقاب الخدمة المدنية وحاربوا التجار والمستثمرين
وعملوا سياسة إحلال وإبدال وأتوا بحماة المشروع الحضارى من كل حدب وصوب فصار أولئك يرتعون فى المال العام دون حسيب أو رقيب
يتحدث المراجع العام عن التجاوزات المالية الخطيرة ولا يحاسب أحد فلم نسمع عن شخص تمت محاكمته وسجنه بسبب تجاوزاته المالية
ودائما يضعون أمامهم ما ابتدعونه بحكاية فقه السترة فالشخص الذى يختلس المال العام الذى يخص المواطن السودنى يحاسبه التنظيم
على تجاوزاته أو هكذا يقولون .
أما شماعة الإستهداف الخارجى وما أدراك ما الإستهداف الخارجى فأنتم من إستعديتموهم ففى بدايات ما يُسمى بالإنقاذ إستقطب جماعتكم
معارضى الحكومات من كل حدب وصوب تحت مسمى مؤتمر الشعب العربى والإسلامى وأتيتم ببن لادن ثم أعلنتم الجهاد على الحركة الشعبية
فهل يتفرج فيكم العالم , وقد كان إعلامكم بقيادة يونس محمود يكيل الشتائم يمنة ويسرى لم يترك ملك أو سلطان دون أن يكيل له
الشتائم البذيئة ,ثم كان إنحيازكم الفاضح تأييدا بلا حدود للغزو العراقى على الكويت .
داخليا سلحتم المليشيات المدنية وخضتم حربا تقولون أنها ضد متمردين لكن واقع الحال ينفى ذلك فقد إستخدمتم طائرات الأنتنوف ضد
الآمنين فى دارفور فحرب العصابات لا يمكن مجابهتها بالأنتنوف لأن أولئك المقاتلين لا يمكلكون قواعد عسكرية فتقوم الطائرات بقصفها
فكان جل الضحايا من المدنيين فهل أولئك البشر ليسوا بسودانيين حتى يتمتعوا بحياة آمنة مطمئنة وقد كان بوسع حكومتك أن تحل مشكلة
دارفور لو عملت حقيقة على إزالة التهميش والنهوض بتلك المناطق تنمويا وأقلها طريق الغرب الذى أُقتطعت كثير من أمواله من سكر أولئك
الغلابة .ونفس ما تعرض له أهل دارفور يتعرض له مواطنى جنوب كردفان والنيل الأزرق فكل تلك المناطق تمُثل البقرة الحلوب التى تُحلب ولا تُعلف.
(أناس صالحون ) يا الشفيع إنت بجدك إئتنى بلستة تبين لى الصالحين حتى استطيع أن أميز بينهم وبين الطالحين .
(انا على يقين وقناعة تامة، ان اسوأ ايام السودان قد مرت وتركناها خلفنا
والسودان بحول الله مبشر بخير وفير)
الشفيع أخوى أدينا أمارة على ما ذكرته فالمعاناة قد أمسكت بخناق الناس والصحة فى أسوأ حالاتها وقد قرأت فى قناة أم درمان أمس تصريح
لمسؤول ذكر أن 75 % من مخزون الأدوية غير صالح للإستخدام , التعليم سقط سقوطا مريعا الخريجون على قفا من يشيل ولا يفقهون شيئا لأن من يتولى
أمر تأهيلهم من حملة الشهادات العليا التى أصبحت توزع ذات اليمين وذات اليسار دون ضوابط ودون معايير لا يفقهون شيئا أيضا وأعرف من (يُبربفون)
أى يسبق إسمهم كلمة بروف وحاتك قاعدين فى الطراوة .
الخير الوفير ده حايجى من وين هل ستقوم الحكومة بالإستعانة بالجن فيقومون نيابة عنها بإحياء مشروع الجزيرة وبقية المشاريع المروية والمطرية
ويقوموا بإستخراج البترول الذى نسبح فى بحيرة منه كما ظللنا نسمع طيلة ما مضى من سنوات أو كيف سيكون ذلك ؟حتى نلملم بقجنا ونعمل حجز من بدرى
خوفا من التزاحم .
بجيك راجع إن مد الله فى الآجال
| |
|
|
|
|
|
|
|
|
|
Re: انقلاب ام استعدال (Re: جمال خضر)
|
مرحب تاني جمال وجمعتكم مباركة طيبة
| Quote: بتطبيق سياسة التمكين |
كما ذكرت لك في ردي السابق، نعم هي حقيقة، الجميع اقر بها
شخصياً لا أؤيدها، ولكن اتفهمها لوقتها
انا كنت احد ضحاياها
كنا في نقابة المهندسين
وكنا نعيق العمل
وكنا نبطئ بالتنمية
لذا كان لزاماً ابعادنا واحلالنا
| Quote: التجاوزات المالية الخطيرة |
ايضا هنا تم الرد الوافي، والاقرار بوجود الفساد
نعم كان ولا يزال موجود
بدءاً بالعدوان الثلاثي، والحصار الامريكي والاعلان الامريكي بتسليح الجيران الاعداء
| Quote: ثم أعلنتم الجهاد على الحركة الشعبية |
وماذا كنت تقترح في جيش متمرد رفض حتى الاعتراف بالنظام الديمقراطي الذي كان يدعي بانه حارب لاجله
متمردي دارفور لا يوجد وصف اخر لهم
ونعم سقط ضحايا ابرياء ودمرت وتعطلت مشاريع التنمية
وبخصوص الطريق الغربي اسأل علي الحاج القائد الاعلى للمتمردين
انت وانا نعلم ان تمرد دارفور قام بعد المفاصلة وبايعاز من الترابي
عشان كده انا قلت ليك 90% من مشاكلنا سببها المعارضة البائسة
التجارب والسوابق الماضية
هل الوضع الان اسوأ من بداية التسعينات يا جمال؟
خد في بالك الحصار والحروب كانت مدورة مع 8 دول
ومقاطعة وحصار من كل دول الخليج
وعلاقات سيئة مع باقي الدول العربية
وامريكا واوربا وهلم جرا
ثم اكثر من 10 قرارات بعقوبات من مجلس الامن
وحروب في الجنوب والشرق
ومعارضة متحدة بقرارات اسمرا
وغلاء وشظف والخزينة فاضية
وفرص استثمارية صفر
وبالرغم من ذلك صمدت الحكومة
وصبر الشعب
وتم استخراج البترول من العدم
البترول الكانت المعارضة تصفه وبالفم المليان بي انه وهم
وحقن تخدير زي حقت النميري
ثم قامت التنمية
بالرغم من الحروب والحصار
تضاعفت اعداد المدارس عشرات الاضعاف
اقترب الفاقد التربوي من الصفر
من 4 جامعات الى اكثر 60 جامعة
وكذا المستشفيات
وعدد الاطباء
والطرق والجسور
والمصانع
وخزان الحماداب، المعجزة الالفية
(واحدة من حبوباتنا قالت: كنا من نحنا صغار في عشرينات القرن الماضي نسمع بي خزان مروي ويوم القيامة، والله سهل لينا نشوف الخزان)
فهل تتخيل يا جمال ان من قام بالانجازات الكانت في حكم المستحيل يعجز عن تكرارها الان حيث:
العلاقات ممتازة مع كل دول الخليج وجميع الدول العربية
وجميع الجيران يخطبوا في ودنا
والاستثمارات الاوربية والامريكية بدأت في التحرك
وتوقفت اغلب الحروب عدا بعض الجيوب ستحسم قريبا بحول الله
والمعارضة مفركشة ونصها دخل الحكومة
وخالص الود
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
| Quote: يا كيكي دي الطريقة الانقاذية للحوار |
عبرت أسرة ومحامي رئيس جهاز الأمن والمخابرات السابق صلاح عبد الله قوش عن قلقها لصحته، حيث تم نقله إلى مستشفى «الأمل» التابع لجهاز الأمن بعد تعرضه لأزمة قلبية أول من أمس، في وقت قامت فيه الأجهزة الأمنية بعملية تفتيش دقيقة استمرت من ليلة أول من أمس حتى صباح أمس.
وقال عبد العظيم عبد الله شقيق صلاح قوش لـ«الشرق الأوسط»: «إن قوش تم نقله مساء الأربعاء إلى مستشفى (الأمل) التابع إلى جهاز الأمن، وإن زوجته وبناته استطعن مقابلته لأول مرة منذ اعتقاله قبل ثمانية أيام»، وأضاف أن الوضع الطبيعي أن يتم وضع قوش في مستشفى القلب، لأنه أصلا يعاني من مرض القلب ويتلقى علاجا مستمرا، وقال إن مستشفى جهاز الأمن يفتقر للخدمات المتعلقة بمرضى القلب، نافيا تعرضه إلى تعذيب، مرجحا أن يكون شقيقه قد أفرط في التدخين وحدثت له مضاعفات، وقال: «هو يدخن بصورة كبيرة ويستخدم أدوية قد تكون غير متوفرة له»، مشيرا إلى أن إحدى بنات قوش كانت مضربة عن الطعام طوال الأيام الثمانية التي قضاها في المعتقل، وعبر عن قلق أسرته من احتمال تدهور صحة قوش في ظروف اعتقاله.
عن الشرق الأوسط
| |
|
|
|
|
|
|
|
|
|
Re: انقلاب ام استعدال (Re: فتحي الصديق)
|
وحوار من نوع اخر باستخدام الطريقة الانقاذية في الحوار ..
Quote: توعد النائب الاول لرئيس الجمهورية، علي عثمان محمد طه، المتهمين في المحاولة التخريبية الاخيرة بالتعامل بحزم ووصفهم بـ» الخارجين عن النظام و البيعة والعهد والايمان والقسم « ،مؤكداً ان كل من يظن ان «شجرة الانقاذ» قد ضعفت»واهم وعليه ان يجرب».
وقال طه لدي مخاطبته حشودا جماهيرية بمناسبة افتتاح مدارس منطقة الرميلة امس، ان المسيرة ماضية «والبشير في الميدان ، والعايز يهز شجرة السودان والقرآن مابلقي طريقة، والشجرة لن تهتز ابدا « ،واضاف « كل من يظن ان الانقاذ شجرة ضعفت واهم وخليهو يجرب « .
وتعهد النائب الاول بمحاكمة المتهمين في المحاولة التخريبية الاخيرة محاكمة عادلة،لكنه شدد على التعامل معهم بحسم وحزم وقال انه «قبل ايام قام بعض اولادنا بمحاولة لكن كل الطريق مقطوع امامهم « ،وشدد على ان الذين خرجوا عن النظام والبيعة والعهد والكلمة والايمان والقسم « ليس لهم سبيل و مكان بيننا ابدا « ،مبينا ان المكان هو مكان العهد لله والوفاء للشهداء والتزام الطريق والعمل من داخل الصف بالنصيحة والرأي وليس بالخيانة والغدر، وزعزعة الاستقرار او الخروج عن الايمان والبيعة، |
| |
|
|
|
|
|
|
|
|
|
Re: انقلاب ام استعدال (Re: فتحي الصديق)
|
الشفيع كيف انك ؟
ان الاصرار على ان الانقاذ مازالت هي الخيار الامثل لحكم السودان ،
هذا الكلام الان تجاوزته الاحداث والوقائع والشخوص حتى من داخل الانقاذ نفسها ،
وما تحركات قوش وود ابراهيم الا خطوة تؤكد استحالة استمرار التجربة اكتر من كدة ؛ بصيغتها الحاليةاعني،
وما تاييدك انت الشفيع دا، لتحركات قوش / ودابراهيم الا انغلاق الافق حول التجربة برمتها ،
يا الشفيع قضايا الوطن لا يمكن رهنها لتجربة استمرت ذهاء ال23 عاما ،
وقلصت البلد واذاقت الشعب الامرين ،
واغلقت الافق امام 90% من الشعب ، اغلقته تماما حول حقهم في الحياة الكريمة لقمة هنيئة ،
ومدرسة وعلاج ، وعدم الخوف من يوم بكرة ،
ودونك منع الشعب من الديمقراطية ومصادرة حقه في الاختيار
ومن الحرية التي هي مبدا انساني اصيل ،
وقد ولدت امهات الشعب السوداني ابنائها احرارا ،
الشفيع الان الانقاذ لا يؤيدها احدا ... والمؤتمر الوطني ،اتحاد اشتراكي والدنيا مارس ابريل ،
هذه الحقيقة باختصار شديد ،
ان كنت لا تعرفها فتلك مشكلة ،
وان كنت تعفها ومكابر فالمشكلة اكبر ...
| |
|
|
|
|
|
|
|
|
|
Re: انقلاب ام استعدال (Re: عبدالمنعم الطيب حسن)
|
| Quote: قبل ايام قام بعض اولادنا بمحاولة |
فتحي
بالله ركز لينا على التحتو خط ده
| Quote: الشفيع الان الانقاذ لا يؤيدها احدا |
عبد المنعم
لو كلامك صاح، مالها ما سقطت، مادام لا يسندها احد وواقفة في الهوا سااااي
كلامك عن تاييدي للمحاولة يؤكد عكس كلامك عن الانغلاق
نحن نتحدث عن تصحيح واصلاح ونصح
الانقاذ بامكانها ان تعيد تشكيل نفسها لمواكبة التغيرات
وستستمر المحاولات
وحتما في الاخير ستنجح
سبق وتحدثت عن رايي في الحرية والديمقراطية في ردي لجمال وهباني، راجعه وآتنا برايك
| |
|
|
|
|
|
|
|
|
|
Re: انقلاب ام استعدال (Re: جمال خضر)
|
تحية...
من ناحية اخلاقية محضة يقولون ان الرائد لا يكذب اهله...من حق الناس الذي جاء المشروع الحضاري القائم علي نصاعة الدين حسب ما كان رائجا من لافتات ان يكون لها حق في التنوير بما يحدث تفاديا للانزلاق في التاويل الذي لا يغني عن الحقيقة..
ممارسة الالتفاف حول اوهام التعديل او الاستعدال او خلافه هو تطويل في امد الازمة وبيع للسراب...
القضية ليست قضية شخوص تقوم باداور في المسرح العبثي السائد انما قضية امة تضيع احلامها كل يوم بما تري من مردود يعود بها الي الوراء...الي حضيض التكالب علي السلطة والدوران حول الازمات...فالي متي؟
| |
|
|
|
|
|
|
|
|
|
Re: انقلاب ام استعدال (Re: الشفيع وراق عبد الرحمن)
|
Quote: وبالرغم من ذلك صمدت الحكومة
وصبر الشعب
وتم استخراج البترول من العدمالبترول الكانت المعارضة تصفه وبالفم المليان بي انه وهم
وحقن تخدير زي حقت النميري
ثم قامت التنمية
بالرغم من الحروب والحصار
تضاعفت اعداد المدارس عشرات الاضعاف
اقترب الفاقد التربوي من الصفر
من 4 جامعات الى اكثر 60 جامعة
وكذا المستشفيات
وعدد الاطباء
والطرق والجسور
والمصانع
وخزان الحماداب، المعجزة الالفية
(واحدة من حبوباتنا قالت: كنا من نحنا صغار في عشرينات القرن الماضي نسمع بي خزان مروي ويوم القيامة، والله سهل لينا نشوف الخزان)
فهل تتخيل يا جمال ان من قام بالانجازات الكانت في حكم المستحيل يعجز عن تكرارها الان حيث:
العلاقات ممتازة مع كل دول الخليج وجميع الدول العربية
وجميع الجيران يخطبوا في ودنا
والاستثمارات الاوربية والامريكية بدأت في التحرك
وتوقفت اغلب الحروب عدا بعض الجيوب ستحسم قريبا بحول الله
والمعارضة مفركشة ونصها دخل الحكومة
|
الأخ الشفيع
لك التحية
حكاية البترول من العدم دى ما مفهومة لأن البترول إستكشفته و نقبت عنه شفرون
فى السابق على أيام النميرى وقد كانت أسعار البترول فى الحضيض والمنطقة الى
حد ما غير آمنة فتخلت عنه شركة شفرون لأنه كان غير مجدى من الناحية الإقتصادية
وقد عرضت شفرون أسهمها للبيع ,ثم حدث إرتفاع فى أسعار البترول مما شجع على
دخول تلك الشركات وتكملة ما بدأته شفرون لذا فحكاية من العدم دى لا أساس لها
من الصحة لأن الشركات تأتى للإستثمار فى أى مكان تكون هنالك شواهد بترولية فيه
فنجد مثلا فى أفريقيا أن نيجيريا الدولة الأولى يتبعها أنجولا ,غينيا الإستوائية
الكنغو ثم الجابون فكيف إستخرجت تلك الدول بترولها هل لشطارة ونزاهة حكامها
أم أن الشركات أتتها تحبو فأستخرجت النفط وفق شروط تحقق للشركات إستردادما
ما صرفته ثم إقتسام الإنتاج وحاليا لو ظهرت شواهد بترولية فى الصومال فسيتدفق
النفط بفضل الشركات العالمية التى تبحث عن المكاسب وليس لنجابة ونباهة حكام
الصومال , ونفس ما ذكرناه فى موضوع النفط من الممكن تطبيقه فى مجال السدود
فنجد أن أثيوبيا بدأت فى إنشاء سد الألفية بتمويل خارجى يقدر بحوالى 5 مليار
دولار وسيخلق أكبر بحيرة صناعية فى العالم وسينتج 5250 ميجاواط مقارنة بسد مروى
1250 ميجاواط (4أضعاف وزيادة) فهل نخلق هالة مقدسة حول رؤساء السودان ,أثيوبيا
, نيجيريا , أنجولا , غينيا , الكنغو والجابون بحجة إستخراج البترول أو بناء
السدود أم نهلل لهم ونشد من أزرهم إذا تعاملوا بشفافية فى أموال الإنشاءات والأموال
الناتجة من البترول أما إذا صاحب الإنشاء وأموال البترول نهب وإختلاس ولبع كما هو
حاصل عندنا ففى هذه الحالة بقاء البترول فى باطن الأرض وتأجيل إنشاء الفيل الأبيض
كان أجدى وأنفع .
أما حكاية تأجير بيتين وإزالة الحائط الذى بينهما وتحويل المزيرة الى كافتيريا وتعليق
لافتة كبيرة ملونة تحمل إسم كلية أو جامعة وتسمى هذا تطورا وتقدما فى التعليم فهذا يعكس
عيشك فى برج عاجى بعيدا عن الواقع والإحتكاك بمعاناته من تدنى التعليم والخدمات الطبية .
الطرق والجسور أخى الشفيع أُستقطبت لها القروض من كل حدب وصوب وترصد ميزانيات خرافية لذلك
تدخل معظمها جيوب القطط السمان وينفذ الطريق بأقل ما يُمكن من مال لذا سرعان ما تشيخ تلك
الطرق والجسور وتنتقل الى الرفيق الأعلى والأمثلة لا تعد ولا تُحصى فى ذلك .
مصانع شنو يا الشفيع إنت بتهظر معظم المصانع أغلقت أبوابها والقليل العامل ينتظر الإغلاق .
بجيك راجع إن مد الله فى الآجال
| |
|
|
|
|
|
|
| |
الشفيع وراق عبد الرحمن
عبدالكريم الامين احمد
محمد حيدر المشرف
فتحي البحيري
فيصل محمد خليل
جمال خضر
Frankly
فرح الطاهر ابو روضة
محمد علي عثمان
محمد البشرى الخضر
فتحي الصديق
قيقراوي
ibrahim alnimma
معاوية الأرباب
حمد عبد الغفار عمر
عبدالمنعم الطيب حسن
فايزودالقاضي
الرفاعي عبدالعاطي حجر
الصادق اسماعيل
عاطف عمر
محمد أبوالعزائم أبوالريش
زياد جعفر عبدالله
فيس بوك
تويتر
انستقرام
يوتيوب
بنتيريست