|
Re: اقترح بتفعيل دردشة خاصة بالمنتدى لينهى البعض صراعاتهم فيها بدلا من (Re: هيثم التوم)
|
أخوى العزيز هيثم التوم,,Quote: مرة تانية بشكرك لانى كنت بعتقد انى مجنون ! |
ياخ المجانين مالم عيبم لى!!! وممكن مرة مرة ناخد من أفواههم الحكمة وكدا
ناس فى حالم لا يأذون الناس ولا يتعرضون لأعراضهم وحرماتهم ,, البفلقوا ويضاربوا طبعا موضوعم مختلف ودواهم غير!!!
لكن البزعلك إنو تلات أرباع الجضة والعوات والعوارات المدورة هنا دى كان مسكت أهلها من إيدينهم ووريتم درب الخلا ولا حشرتهم فى مكان وقلت ليهم أها يا أخوانا أدونا آخركم ببقو فى أمرا ضيق حيث إفتقدوا ميزة الهتيفة والكواريك وجماعة السلك والمصاطب الجانبية, وحيث يكتشفون أنهم ليسو سوى مزعجين لا غير,
يا هيثم,,
قالو واحدا قوال كلم خليفة المهدى قال ليهو حمدان أبعنجة بسف تمباك !!!! والخليفة حرم التمباك على الأنصار!! مرسال الخليفة وصل أبعنجة وقال ليهو الخليفة راجيك والسجن ما بعيد عليك من تمباكك البتسفو دا!! ابعنجة إتدرع وشد فرسو و شال عدة الحرابة ومشى للخليفة حفيان,, الخليفة إتخلع من المنظر حيث لا حرب ولا قتال!!!!!
خلى التمباك وبقى فى المنظر الغريب دا!!!
يا زول مالك؟؟؟؟
صاحبك قال ليهو : خليفة المهدى .....أبعنجة زول دواس وما بنادو إلا للدواس !! دحين الدواس دربو وين؟؟؟ الخليفة قال ليهو يا زول أمش نوم نومك!!
فتبا ثم تبا للقوالين ياخ!! قال دواس إسفيرى قال,,
تحياتى هيثم وعمر والحلاوى ,,
|
|
|
|
|
|