شخصيات عرفتها في الحياة .. وجدتها تتقمص شخصية مختلفة في هذا المنبر ...

Quote: يحى قباني... اعمل حسابى ما الاقيك....

Quote: ما لينا الا نندهش ... !!!

Quote: ولا التاني ... ده محيرني عديل ... يتحدث عن مكارم الاخلاق ... و يكتب في هذا المنبر ... ولا يترك سانحة الا وقدم المواعظ الدينية ... البعض يقول ان سبحته سلبه ... ولولا ذلك التدين لما وصل الي ما وصل اليه ... رغم علمي انه حتي هذه اللحظة لا يُحبذُ الوسْكيُ بالثلـــجِ ... اسكتّو بس ... لماذا يا تُري ... يغير مثل هذا شخصيته هاهنا ؟؟ ... لا يخشي ربه ...؟؟ و يخشي العباد ؟؟ ... ام هي موضة ؟؟؟ ام بيزنس ؟؟؟ ... مندهش .... مندهش ....!!! .

Quote: يتحدث عن مكارم الاخلاق ... و يكتب في هذا المنبر ... ولا يترك سانحة الا وقدم المواعظ الدينية ... البعض يقول ان سبحته سلبه ... ولولا ذلك التدين لما وصل الي ما وصل اليه ...

Quote: و في رواية: نتأمل.

Quote: توثيق اكثر من ممتازززززز

Quote: يحي قباني سلام: مالك قمت علي (القبقبة) يا زول؟ غايتو أنا ضد المآب حبو التلج ديل (((:::)))

Quote: يحي قباني إذيك,, ياخى الاقتباس الفوق دا فتحنا بيهو بوست عديل ، السبح والمواعظ فى الزمن دا أصبحت مهنة وكدا والله صحي.

Quote: يمكن يكون ده الجانب المليان من الكاس ,,

Quote: لكن انا هنا بتكلم عن شخصيات انا بعرفها ...

Quote: سلامات قباني يا عزيز.. بوست فكرته حلوة. ودايما ما كنت بفكر في الشخصيات البيحلفو ليك أصحاب اصحابها إنها (غير). كتير ما تلاقي أصحاب بيدافعو عن أصحابهم أو معارفهم هنا بـ (إكليشيه) محفوظ وهو: والله فلان/ة ده/ي في الواقع زول حلو المعشر، دمث الأخلاق... الخ من الحاجات البتحيًرك جايبنها من وين؟!! وردًي دايما (إكليشيه برضو): طيب إحنا ذنبنا شنو نشوف وشه الآخر العكر؟ الحمد لله. كل الزميلات والزملاء القابلتهم أو بعرفهم قبل المنبر. طلعو هم هم. مافي أي تغيير (تتش وود) ــــ غايتو أنا لو محلًك تووووش أدخل للزول المتغابي فيك العرفة داك وأسلًم عليهو تحاياي وليلتكم سعيدة رجا

Quote: لا حولااااا شخصيات معانا فى حوشنا دا وبالصفات دى !!!!! متابعين وقريبين.

Quote: يحي كيفك الفكرة جاية من إنو الزول البيكتب بيكون مدس وراء الكيبورد، عشان كده بيطلع الانسان الحقيقي الجواهو من غير ما يشعر، زول قاعد في اوضة براهو بيفتكر إنو ما في زول بيشوفوا. والله أنا في حيرة اكتر منك، ومن ناس كتار مستغرب هم بيعملوا في البيعملوا فيهو دا ليه. لكن طال الزمن او قِصِر بينكشفوا على حقيقتم.

Quote: قباني يا حبيب انا ما قلت ليك انو انت حريف ومنقطه و راجنك تكتب. عليك الله ادي البورد حقو وخلي الكسل. تحياتي ياحلو.

Quote: سلامات يا دفعة وعساك طيب . والله صاحبك اتلوم شديد عليك الله اديهو لكزة عشان يفوق ويكتر التلج. واصل يا حبيب كتابتك الطاعمة وفت الجماعة ديل عشان يبطلوا طناش.

(عدل بواسطة يحي قباني on 11-21-2012, 04:16 AM)

Quote: دائما الماضي جميل يا يحيي حتي المر منه .

(عدل بواسطة Asim Fageary on 11-21-2012, 06:36 AM)
(عدل بواسطة Asim Fageary on 11-21-2012, 06:43 AM)

Quote: التناقض!!! إزدواج شخصية!! الشيزوفرينيا!! تقمص!! تلبُس ممكن!!

Quote: ابهاتنا زمان كانو يقولو ليك انا بطلع الاول و عمك فلان كان تاني الفصل ... الله شافهم ... ما كان في انترنت .

غايتو أي شخصية بتعرفك في الحياة ومعاك في البورد بعد كلامك حقو تتضاير ..

Quote: وفي نص الدراما ركز لي على زول محدد زميل في البورد هنا وحكى لي عن إنه الله في السما والزول دا في الواطة انقر ماطلع هو زاتو اكتر حاجة مزعلاني انه إستهيفني وإفتكر إني مابتكلم الا مع ناس وسيمين

Quote: إستهيفني وإفتكر إني مابتكلم الا مع ناس وسيمين لكن الحركة الذيذة إنه بعد ما طبعن بلكتو في ناس كتار لي هسة أصحابه و قاعدين في لستته

!!!

والله يا راوية وما طالبانى حليفة أنا لقيت لى واحدة ضربت بيتم جير ومنتظرا فارس الإنترنت القادم بقوة من أسافير
الخليج!!!

الغبيانة

ومنتظرا شديد جدا خالس كمان,,,

Quote: أيمن الطيب عرفففففتك قاصد منو ؟ برضو بركة عليك تستاهل زي راوية دي

معتز ضُلمة عليك النبى روق ساى الفينا مكفينا والفيك عرفتها يا مؤفن,,
البوست دا بناقش مشكلة تؤرق مضاجع سكان السراى الصفراء فبالله ما تشتت لينا الكدايس هنا

أها يا أخوانا السلام عليكم ..
بوست مفخخخخخخخخخ

Quote: بعدين لعبات راوية زاتن دايرات شنو ما عرفتهن كل مرة تقول ليك ناولني الحاجة دي ... بس اخاف ... أقول امكن تقع وتتكسر منك بعدين يخصموها من يوميتك ...

Quote: معتز شمتان فيني لييه والله الحكاية فني funny بس بالغ معاي مش

Quote: كتابتك حلوة تجبر الزول يتابعك سلام يحيى

Quote: يحي تحياتي (الى أن تعرف أنا من) البورد مع أقتناعي بفكرته ودوره الكبير في أثراء الحوار ومتابعة الحاصل في البلد الهامل ده لكن أعطى فرص كما تفضلت لبعض الأناس أن يخلقوا بطولات وأدوار هلامية والناس لا تملك أن تقرأ وتتأمل ،، ياأخي في واحد هنا مزعج وسيئ التعبير أي من النوع الشلق -كما يقول المصريين- هذا الشخص ألتقيته في عام 2007 وكان يريد الذهاب للخرطوم بحجة أن زوجته ولدت وزعلانة منه والموضوع سيؤثر على حيلته الزوجية ووووو وكان هو متعاقد على أتمام عقد معين .أذا به يذهب الى الخرطوم بعد توسطي لدى الطرف الثاني ولا يعود رغم أنه قبض المبلغ المتعاقد عليه ،،، لم تقف القصة هنا بل أتى لهذا المنبر يدعي البطولات ويتحدى ووو بلد هامل لكن كما قال أحد سياسي السودان سابقا " أنشاء الله اللي بيعرفونا ما يلاقونا" أنا مع تحياتي لمدحت والشباب

Quote: غايتو يا يحيى قباني عبرت عما يدور في خاطري من زممممممممممممممن You made my day أنا في ناس كتار إتغابو فيني العرفة بدون سبب أو أسباب وكثير من تنكر لكثير فعلاً حاجات عجيبة لكن تعرف يا قباني معدن الإنسان بيظهر من أمثلة زي الإنت ضربتها دي الإنسان ذو الوجهين دائماً بيكون هنالك ألف موقف وموقف يكشفه وإن طال الزمن وأعتقد أن من يتغابى فيك العرفة تتركه وتتغابى أنت أيضاً فيه العرفة لأني عملت بنصيحة رجاء التي وجهتها لك وسلمت وعلى مثل المتغابين العرفة فما كان منهم إلا وأن تجاوزوا حتى الرد على السلام (فتخيل وتفكر مليا) حاجات مش تحير وتدهش حاجات تخليك تصيغ خطة طريقك من جديد لك الود والتحايا والتغيير _____________________ أنا ذاتي بحبه من غير تلج

Quote: الاخ يحي خليتنا نتلفت لكن يبدو ان اسمها البيره ام جمل و الشراب اسكوب واصل سرد ممتع ، طفنا بالخيال ازمان ، يا حليل الماضي و يعود تاني و تاني الزبير

Quote: سلامات يحيى رغم انك بتحكي عن شخصيات معينة عرفتها في حياتك لكن الطواقي هنا واسعة وتناسب رؤوس كتيرة بشكل لن تتخيله الشخصية الاسفيرية و علاقتها بالشخصية الحقيقية مسالة معقدة لحد ما و التباين ليس سلبيا على طول الخط و علي سيرة الكاسات و التلج لو نظرنا للنصف المليان ح تلقى البعض وضعه الإجتماعي و عمره و مكانته مثلا لا تتيح له الإختلاط مع الكل أو الونسة بشكل بسيط و محكوم في اختيار الفاظه وكدا في رأيي ومن الشفناه هنا و التعقيدات البنحصل كان الأفضل لو الكل بكتب بنيك نيمز ولا أحد يعلم شخصية التاني الحقيقية كان الناس انصرفت و اكتفت بقراءة الشي المكتوب و التامل معه بدون انطباعات مسبقة كنت انت ما انتبهت لتناقض الشخصيات البتعرفها مع كتاباتها ولا كان نيوسوداني مثلا ح يشمئز كل ما يقرا وعظ من الزول الغشاه وبالطبع ما كان حد حيشتم التاني بحياته الشخصية او يبتزاه بمعرفته بتاريخه - وإن كان دا برة الموضوع طبعا الوقت فات على الحكاية دي بعد الناس سجّلت بأساميها الحقيقية و اتعارفت لكن هي فكرة زانة لي في راسي

Quote: سلامات يا قبانى المندهش,,, لمست عصب الوجع,, التناقض!!! إزدواج شخصية!! الشيزوفرينيا!! تقمص!! تلبُس ممكن!! كلو موجود فى علم النفس وكهرباء البشر ونفس بنو آدم... يا قبانى إنت الآن بتهبش فى السلوك العريانة أعمل حسابك وإتأكد إنو الأرضى موصل!!!

Quote: اها على ضمانتى الشخصية نيوسودانى بره المنبر وجوة المنبر ياهو زاتو مافى اى تغير ... وجد جد هو نيوسودانى تحياتى ليهو ... طبعا الاهو يجيك براهو يفصح ويتكلم ويكشف ... عن نفسه تسلم يارب ....

Quote: لإنقاذ ما يمكن إنقاذه,,,

أها يا قباني، دحين نفر الهوايل دي قابلتك ؟؟؟
الإنترنت عالم جميل.
والله صحي.

يا أخي أيّ وآحد تلقاهو لآبس قناع قبقبو يا قباني لمآن قناعو يقع.
الله يقطع نفس حكاية يا أخي والله فلآن دا لمان تلآقي في الواقع زول طيّب وإبن ناس.
مسألة إزدواج الشخصية لا تعدو كونها مرض بغيض. نسأل الله السلآمة.

قباني،
لك الآف التحايا والسلآم...